#World_Health
Published 28 September 2024

▪️ သွားနဲ့ခံတွင်း ကျန်းမာနေဖို့အတွက် တစ်နေ့နှစ်ကြိမ် သွားတိုက်ခြင်း၊ သွားကြားပွတ်ခြင်းတို့အပြင် အခြားကာကွယ်ရေးနည်းလမ်းတွေလည်း ပြုလုပ်ဖို့လိုပါတယ်။

▪️ ဆုတံဆိပ်ရ သွားဆရာဝန် ဒေါက်တာ အဲလက်စ်ဖူက နေ့လယ်စာ စားပြီးနောက် သွားတွေကို အနားပေးဖို့ အရေးကြီးကြောင်း၊ ဒါဟာ သွားယိုယွင်းခြင်းကို ကာကွယ်ပေးပြီး ကြံ့ခိုင်စေမှာဖြစ်ကြောင်း ပြောပါတယ်။

▪️ အစာစားပြီးနောက် အနည်းဆုံး ၂ နာရီအတွင်း ဘာမှမစားဘဲနေခြင်းဖြင့် တံတွေးတွေက သွားတွေကို သဘာဝအတိုင်း သန့်ရှင်းပေးကာ သွားပိုးစားခြင်း၊ ကြွေလွှာပျက်စီးခြင်း အန္တရာယ်တို့ကို လျှော့ချပေးနိုင်တယ်လို့ ဒေါက်တာဖူက ပြောပါတယ်။

▪️ နေ့လယ်စာ စားပြီးတဲ့အခါ တံတွေးရဲ့ pH ကမြင့်တက်သွားပြီး ကြွေလွှာကို သတ္တုဓာတ် ပြန်ဖြည့်ပေးခြင်းဖြင့် သွားတွေကို ကာကွယ်ပေးတယ်လို့ ရှင်းပြပါတယ်။

▪️ နေ့လယ်စာ စားတဲ့အခါမှာ အရွက်လိုမျိုး ကျန်းမာတဲ့အစာတွေက ခံတွင်းကျန်းမာရေးကို ကောင်းမွန်စေနိုင်ပါတယ်။

▪️ သွားတွေကို ပုလဲလိုဖြူဖွေးချင်ရင် အစားစားတဲ့အခါ ပေါင်မုန့်ချော၊ ပါစတာ၊ အာလူးကြော်၊ ပြောင်းဂျုံ၊ ခရက်ကာတို့လို ကာဗိုဟိုက်ဒရိတ်တွေကို ရှောင်ရှားသင့်တယ်လို့ ဒေါက်တာက အကြံပြုပါတယ်။

▪️ ဒီလိုစားစရာတွေက အက်ဆစ်ဓာတ် ပိုများတာကြောင့် တံတွေးက အစာကြွင်းတွေကို ဖယ်ရှားဖို့ အချိန်ပိုကြာကာ သွားပိုးစားနိုင်ခြေ ပိုများပါတယ်။

▪️ ကြာကြာဝါးရတဲ့ မုန်လာဥနီလို အသီးအရွက်တွေက ခံတွင်းကျန်းမာရေးအတွက် ပိုမိုကောင်းမွန်တတ်ပါတယ်။

▪️ ဆိုင်လီတိုလ်လိုမျိုး အပင်ကနေရတဲ့ ပစ္စည်းပါဝင်တဲ့ ပီကေဝါးခြင်းဖြင့်လည်း သွားအတွက် အကျိုးရှိစေပါတယ်။

▪️ မနက်စာစားပြီးမှ သွားတိုက်ချင်တယ်ဆိုရင် ကြွေလွှာသတ္တုဓာတ် ပြန်ဖြည့်ဖို့အတွက် မိနစ် ၃၀ လောက်စောင့်သင့်ပြီး အလျင်လိုရင်တော့ ရေသောက်နိုင်ပါတယ်။

#Source: New York Post

#World_Health
Published 28 September 2024

▪️ ခရမ်းချဉ်သီးတုပ်ကွေးလို့ခေါ်တဲ့ ရောဂါဟာ အိန္ဒိယရှိ ကီရာလာနဲ့ အိုဒီရှာတို့မှာ ကူးစက်ဖြစ်ပွားနေပါတယ်။

▪️ မေလ ၆ ရက်နေ့က ကီရာလာမှာ ပထမဆုံးတွေ့ရှိပြီးနောက် အသက် ၅ နှစ်အောက် ကလေးငယ် ၈၂ ဦးအထိ ကူးစက်ထားပါတယ်။

▪️ ရောဂါဖြစ်တဲ့အခါ အနီရောင် အဖုအပိမ့်တွေ ထွက်တာကြောင့် ခရမ်းချဉ်သီးတုပ်ကွေးလို့ ခေါ်တာဖြစ်ပြီး ကုသဆေး မရှိသေးပါဘူး။

▪️ တွေ့ရှိထားတဲ့ ရောဂါလက္ခဏာများက ဆင်တုပ်ကွေးနဲ့ ဆင်တူကာ ခရမ်းချဉ်သီးလို အနီအဖုတွေ၊ အင်ပျဉ်၊ ကိုယ်အပူချိန်မြင့်မားခြင်း၊ အဆစ်များဖောရောင်ခြင်း၊ ခန္ဓာကိုယ်ကိုက်ခဲခြင်း၊ ရေဓာတ်ခန်းခြောက်ခြင်း၊ အားအင်ကုန်ခမ်းခြင်းတို့ ခံစားရနိုင်ပါတယ်။

▪️ အဆိုပါတုပ်ကွေး မဖြစ်စေရန် တစ်ကိုယ်ရည်သန့်ရှင်းအောင် နေထိုင်ဖို့က အရေးကြီးပါတယ်။

အနီးနားက အရာတွေကို သန့်ရှင်းအောင်ထားပြီး ပုံမှန်ပိုးသန့်စင်ပေးဖို့ လိုပါတယ်။

▪️ ကလေးတွေမှာ ရောဂါလက္ခဏာတစ်ခုခု တွေ့ပြီဆိုရင်တော့ ကျန်းမာရေးပညာရှင်ထံ ဆွေးနွေးသင့်ပါတယ်။

▪️ လက္ခဏာသက်သာဖို့ဆိုရင် အဖုအပိမ့်တွေကို ကုတ်ဖဲ့ခြင်းမှ ရှောင်ကြဉ်တာမျိုးဖြင့် ကုသနိုင်ပါတယ်။

▪️ ကိုဗစ်-၁၉ ရောဂါလက္ခဏာအချို့နဲ့ ဆင်တူတတ်ပေမယ့် ဘာမှတော့ မဆိုင်ပါဘူး။

▪️ ဒီလက္ခဏာတွေဟာ အခြားဗိုင်းရပ်စ် ကူးစက်မှုတွေမှာလည်း တွေ့ရတတ်ပါတယ်။

▪️ အူလမ်းကြောင်း ဗိုင်းရပ်စ်များကြောင့် ရောဂါဖြစ်ပွားတာဖြစ်ပြီး လူကြီးတွေမှာတော့ ကိုယ်ခံအားက ခုခံနိုင်တဲ့အတွက် သိပ်ပြီးဖြစ်ပွားလေ့ မရှိပါဘူး။

#Source: DoctorNDTV

လူ့အခွင့်အရေးဘန်းပြကာ နိုင်ငံရေးခုတုံးလုပ်နေသည်များကိုဆန့်ကျင်သည့်တရုတ်ရပ်တည်ချက်အား ကုလသမဂ္ဂတွင် နိုင်ငံပေါင်းတစ်ရာကျော်ထောက်ခံ

နိုင်ငံပေါင်း ၁၀၀ ကျော်က လူ့အခွင့်အရေးဆိုင်ရာ ကိစ္စရပ်တွေနဲ့ ပတ်သက်ပြီး တရုတ်နိုင်ငံရဲ့ မျှတရပ်တည်ချက်ကို ထောက်ခံကြောင်း၊ လူ့အခွင့်အရေးကို အကြောင်းပြပြီး နိုင်ငံရေးလုပ်နေတာကို ဆန့်ကျင်ကြောင်း ဆွစ်ဇာလန် ဂျီနီဗာမှာ အင်္ဂါနေ့က ကျင်းပတဲ့ ၅၇ ကြိမ်မြောက် ကုလသမဂ္ဂ လူ့အခွင့်အရေးကောင်စီ (UNHRC) အစည်းအဝေးမှာ ဖော်ပြသွားပါတယ်။
#World_Politics
Published 27 September 2024
#နိုင်ငံရေးခုတုံးလုပ်နေ #တရုတ်ရပ်တည်ချက်
#YMG #Yangon_Times #Yangon_Media_Group

#Daily_News
Published 27 September 2024

၁။ မြန်မာ-ဗီယက်နမ်ကုန်စည်ပြပွဲ နိုဝင်ဘာလ၌ ကျင်းပမည်

၂။ စက်သုံးဆီ ဈေးနှုန်းများမြင့်တက်

၃။ မိုးတိမ်တောင်ကြောင့် ဒေသ(၇)ခု၌ မိုးသက်လေပြင်းများတိုက်ခတ်နိုင်

၄။ လူ့အခွင့်အရေးဘန်းပြကာ နိုင်ငံရေးခုတုံးလုပ်နေသည်များကို ဆန့်ကျင်သည့်တရုတ်ရပ်တည်ချက်အား ကုလသမဂ္ဂတွင် နိုင်ငံပေါင်းတစ်ရာကျော်ထောက်ခံ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၂၇ စက်တင်ဘာ ၂၀၂၄

ဂျပန်ကာကွယ်ရေးဝန်ကြီးဟောင်း ရှီဂါရူအီရှီဘာသည် အာဏာရ လစ်ဘရယ်ဒီမိုကရက်တစ်ပါတီ ခေါင်းဆောင်ရွေးကောက်ပွဲတွင် ပဥ္စမအကြိမ်နှင့် နောက်ဆုံးအကြိမ်အဖြစ် သောကြာနေ့ (စက်တင်ဘာ ၂၇) ရက်က ဝင်ရောက်ယှဉ်ပြိုင်ပြီး အနိုင်ရလိုက်သည့်အတွက် ဂျပန်၏ ဝန်ကြီးချုပ်အသစ် ဖြစ်လာတော့ မည်ဟု ရိုက်တာက သတင်းရေးသားပါတယ်။

ဝန်ကြီးချုပ်အသစ်ဖြစ်လာမည့် ရှီဂါရူအီရှီမာက သူသည် တစ်ရက်ကို စာအုပ် (၃)အုပ်ဖတ်ရှုနေကြောင်းနှင့် အာဏာရပါတီက လုပ်ဖော်ကိုင်ဖက်တွေနှင့် ရောရောနှောနှောလုပ်နေရတာထက် စာဖတ်နေရတာက ပိုကောင်းကြောင်း ပြောကြားလိုက်ပါတယ်။

အသက် ၆၇ နှစ်အရွယ်ရှိပြီဖြစ်တဲ့သူဟာ  ပါတီမှာ အကျပ်အတည်းတွေရှိနေချိန်မှာ ဦးဆောင်ရပါ လိမ့်မယ်။

ရှီဂါရူအီရှီဘာဆိုတာ ဘယ်သူလဲ

ကာကွယ်ရေးဝန်ကြီးဟောင်းဖြစ်တဲ့သူဟာ ဘဏ်လုပ်ငန်းမှာ ကာလအနည်းငယ်သာ အလုပ်လုပ်ခဲ့ပြီး နောက် ၁၉၈၆ခုနှစ်မှာ ပါလီမန်ထဲရောက်လာခဲ့သူဖြစ်ပါတယ်။

သူဟာ နျူကလီးယားစွမ်းအင် အသုံးပြုမှုတိုးတက်လာတာအပါအဝင် ပါတီရဲ့မူဝါဒတွေအပေါ် ဖီဆန်ခဲ့ ပါတယ်။ လက်ထပ်ပြီးစုံတွဲတွေ သီးခြား မိသားစုအမည်တွေသုံးခွင့်မပြုလို့ဆိုပြီး သူ့ပါတီကို ဝေဖန်ခဲ့သူ လည်း ဖြစ်ပါတယ်။

“ ပြည်သူတွေ အပြုံးနှင့် နေထိုင်ကြတဲ့ တောက်ပထင်ရှားတဲ့ ဂျပန်နိုင်ငံကို ကျွန်တော် ပြန်ဆောင်ယူ   လာခဲ့ပါမယ်”လို့သူကပြောပါတယ်။ စိုက်ပျိုးရေးဝန်ကြီးလည်းဖြစ်ခဲ့ဖူးတဲ့သူက သေအံ့ဆဲဆဲဒေသတွေကို ပြန်ရှင်သန်လာဖို့အတွက် အချို့သောဝန်ကြီးဌာန  တွေနှင့် အစိုးရဌာနတွေကို တိုကျိုမြို့ပြင်ရွှေ့ပစ်မယ်လို့ ကတိပေးထားပါတယ်။ ဘေးအန္တရာယ်ကျရောက်လွယ်တဲ့ ဂျပန်နိုင်ငံမှာ အရေးပေါ် အမိုးအကာတွေ တည်ဆောက်တာကို ကြီးကြပ်မယ့် အေဂျင်စီတစ်ခုကိုတည်ထောင်ဖို့လည်း သူကအဆိုပြုထားပါတယ်။

လက်ရှိဝန်ကြီးချုပ်ဖူမီယိုအပါအဝင် အခြားသော ဝန်ကြီးချုပ်တွေကို ရာထူးကဆင်းပေးဖို့ သူက ပြောင်ကျကျပြောခဲ့တဲ့အတွက် ပါတီတွင်းမှာ သူဟာ ရန်သူတွေများနေပါတယ်။

သူဟာ အစိုးရထဲမှာ မရှိတော့တဲ့အချိန်တွေအတွင်းမှာ အများပြည်သူရဲ့ မျက်စေ့အောက်မှာ ဆက်ရှိ နေပါတယ်။ သူဟာ ဂျပန်နိုင်ငံရဲ့ မွေးနှုန်းကျဆင်းနေတာကအစ ရာမန်ခေါက်ဆွဲအဆုံး ခေါင်းစဉ်အမျိုးမျိုး နှင့် ဆိုရှယ်မီဒီယာတွေနှင့် ယူကျုတွေမှာ ပြောဆိုဝေဖန်တာတွေလုပ်နေခဲ့တာပါ။

သူဟာ သူကိုယ်သူလည်း ပျော်ရွှင်အောင် ဟိုလုပ်သည်လုပ်တွေရှိခဲ့ပါတယ်။ အဲဒီအထဲမှာ တစ်ခါတစ်ခါ ကိုးရိုးကားရားနိုင်လှတဲ့ သူ့အမူအကျင့်တွေနှင့် ဝါသနာတွေလည်းပါဝင်ခဲ့ပါတယ်။ ပလပ်စတစ်နှင့်  လုပ်ထားတဲ့ သင်္ဘောနှင့် စစ်လေယာဉ်ပုံစံငယ်ကလေးတွေလည်းလုပ်တာလည်းပါပါတယ်။ အဲဒါတွေကို သူက တိုကျိုမှာရှိတဲ့ သူ့ရဲ့ပါလီမန်ရုံးခန်းထဲက စာအုပ်စင်ပေါ်မှာ တင်ပြီးပြသထားပါတယ်။

သူ့ကို ပါတီရဲ့ အမျိုးသားလုံခြုံရေးမှာ အထူးကျွမ်းကျင်သူပညာရှင်တစ်ဦးအဖြစ်နှင့် မြင်ကြပြီး  ဂျပန် နိုင်ငံအနေနှင့် ကာကွယ်ရေးမှာ ကိုယ့်ကိုကိုယ်ရပ်တည်ဖို့နှင့် ကာလရှည်မဟာမိတ်ဖြစ်တဲ့ အမေရိကန်  အပေါ် မှီခိုလွန်း တာတေလျှော့ချဖို့ စည်းရုံးအကြံပေးခဲ့ပါတယ်။

သူ့ရဲ့အဲဒီရပ်တည်ချက်ကြောင့် အမေရိကန်နှင့်ဆက်ဆံရေးရှုပ်ထွေးလာစေနိုင်တယ်လို့ သုံးသပ်သူတွေက ပြောဆိုနေကြပါတယ်။

ပါတီခေါင်းဆောင်ရွေးပွဲအတွက် မဲဆွယ်စည်းရုံးနေစဉ်အတွင်း သူက အာရှနေတိုးအဖွဲ့တစ်ခုကို ဂျပန်က ဦးဆောင်ဖန်တီးဖို့ တောင်းဆိုတိုက်တွန်းခဲ့ပါတယ်။ အဲဒီစိတ်ကူးကို အမေရိကန်က အလျင်စလို နိုင်လွန်းလှတယ်ဆိုပြီး ချက်ခြင်းကြီးကို ပယ်ချခဲ့ပါတယ်။

အမေရိကန်တပ်တွေအများစုအသုံးပြုနေကြတဲ့ ဂျပန်က အိုကီနာဝါက စခန်းတွေကို သူက ပိုပြီး ကြီးကြပ် သွားလိုတယ်လို့ပြောခဲ့ဖူးပါတယ်။

“ နိုင်ငံရေးသမားတွေဟာ သူတို့ရဲ့ မူဝါဒတွေနှင့် နိုင်ငံရေးရပ်တည်ချက်တွေ ကိုက်ညီနေသမျှ  ကာလပတ်   လုံး အကောင်းဆုံးမိတ်ဆွေတွေရှိဖို့မလိုဘူး” လို့ အီရှီဘာက ဒီတစ်ပတ်ထဲ ယူကျုဗွီဒီယိုတစ်ခုမှာ ပြောဆို ထားပါတယ်။

Source Reuters

အခုရက်ပိုင်းအတွင်း ရွှေနဲ့ဒေါ်လာ ပြင်ပပေါက်ဈေးနှုန်း‌တွေ ဆက်တိုက်ကျဆင်းနေပြီး ရွှေဈေးကတော့ တစ်ရက်တာအတွင်း ကျပ်နှစ်သိန်းခွဲအထိကျဆင်းလာတယ်လို့ ဈေးကွက်ထဲက သိရပါတယ်။
#Local_News
Published 27 September 2024
#ရွှေဈေးကျဆင်း #ပြင်ပပေါက်
#YMG/NN #Yangon_Times

ရေကြီးရေလျှံမှုဖြစ်ပွားပြီးနောက် အစားအသောက်ဘေးကင်းနိုင်ရေးနဲ့ ပတ်သက်ပြီး အများပြည်သူသိရှိနိုင်ဖို့ ကျန်းမာရေးဝန်ကြီးဌာန၊ အစားအသောက်နှင့် ဆေးဝါးကွပ်ကဲရေးဦးစီးဌာနက အသိ ပေးထုတ်ပြန်ထားပါတယ်။
#Local_News
Published 27 September 2024
#ရေကြီးမှုနှင့်ထိစပ် #အစားအသောက်များမစားသုံး
#YMG/NN #Yangon_Times

မိုးတိမ်တောင်‌တွေကြောင့်ဒေသ(၇)ခုမှာ မိုးသက်လေပြင်း တိုက်ခတ်နိုင်တယ်လို့ မိုးလေဝသနှင့်ဇ‌လဗေဒညွှန်ကြားမှုဦးစီးဌာနမှ သိရပါတယ်။
#Local_News
Published 27 September 2024
#မိုးတိမ်တောင်‌ #လေပြင်းများတိုက်ခတ်နိုင်
#YMG/tthl #Yangon_Times

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ ရန်ကုန်ဈေးကွက်အတွက်ဒီကနေ့ ထုတ်ပြန်ချက်အရ စက်သုံးဆီအမျိုးအစားအများစု ဈေးနှုန်းမြင့်တက်လာတယ်လို့ သိရပါတယ်။
#Local_News
Published 27 September 2024
#စက်သုံးဆီဈေးမြင့်တက် #ရန်ကုန်ဈေးကွက်
#YMG/NN #Yangon_Times

မြန်မာ-ဗီယက်နမ်ကုန်စည်ပြပွဲကို နိုဝင်ဘာလအတွင်း ကျင်းပဖို့ရှိပြီး ပါဝင်ပြသမယ့် မြန်မာ၊ဗီယက်နမ်လုပ်ငန်းရှင်တွေကို ဖိတ်ခေါ်ထားတယ်လို့ သိရပါတယ်။
#Local_News
Published 27 September 2024
#မြန်မာ-ဗီယက်နမ် #ကုန်စည်ပြပွဲ
#YMG/tthl #Yangon_Times

#Local_News
Published_27 Sept 2024

▪️ MNDAA ထိန်းချုပ်ထားသော လားရှိုးမြို့သို့ ယနေ့ စက်တင်ဘာလ ၂၇ ရက် နံနက်တွင် လေကြောင်း တိုက်ခိုက်မှု ခံခဲ့ရသောကြောင့် လူ ၂ ဦးသေဆုံးကာ ၆ ဦးဒဏ်ရာရရှိခဲ့ကြောင်း သိရသည်။

▪️ အဆိုပါလေကြောင်းတိုက်ခိုက်ခံရသည်မှာ ၈ ကြိမ်မြောက်လေကြောင်း တိုက်ခိုက်ခံရမှု ဖြစ်ကြောင်း၊ ယနေ့ တိုက်ခိုက်ခံရစဉ်တွင် လားရှိုးမြို့ မြို့မဈေးကြီး ချယ်ရီရုံပေါ်ကျရောက်ပေါက်ကွဲ မီးလောင်ပျက်စီးခဲ့ကြောင်း၊ ယင်းအပြင် ရပ်ကွက်(၁)နယ်မြေ(ရပ်ကွက်(၂) Green Park ဟိုတယ်အနီးဖြစ်ကြောင်း သိရသည်။

▪️ လေကြောင်းတိုက်ခိုက်မှုတွင် ပေါင် ၅၀၀ ဗုံး နှင့် ပေါင် ၂၀၀ ဗုံးများအသုံးပြုခဲ့ကြောင်း ၊ပြီးခဲ့သည့် သြဂုတ်လ ၃၀ ရက်က စ၍ လားရှိုးမြို့ကို လေကြောင်းမှ အကြိမ်ကြိမ်ဗုံးကြဲတိုက်ခိုက်ခဲ့ခြင်း ဖြစ်ကြောင်း MNDAA ၏ ထုတ်ပြန်ချက်တွင် ဖော်ပြထားသည်။

▪️ MNDAA အနေဖြင့် စစ်ပြီးပြီဟုကြေညာကာ လားရှို့မြို့ပြန်လည်ထူထောင်ရေးဟုဆိုကာလုပ်ဆောင်နေစဉ် လေ ကြောင်တိုက်ခိုက်မှုကိုခံနေရခြင်းလည်းဖြစ်ကြောင်း၊ ပြီးခဲ့သည့် စက်တင်ဘာလ ၈ ရက်၊စက်တင်ဘာလ ၉ ရက် ၊ စက်တင်ဘာလ ၁၀ ရက်၊ စက်တင်ဘာလ ၁၃ ရက်၊စက်တင်ဘာလ ၂၁ ရက် စက်တင်ဘာလ ၂၄ ရက်၊စက်တင်ဘာလ ၂၅ ရက်၊ ယနေ့ စက်တင်ဘာလ ၂၇ ရက်ထိ လေကြောင်းတိုက်ခိုက်ခံရမှု ဆက်တိုက်ရှိလာခြင်းဖြစ်ကြောင်း သိရသည်။

#Yangon_Times/PP

#Local_News
Published 27 September 2024

▪️ ဆေးတက္ကသိုလ်နှင့်သွားဘက်ဆိုင်ရာ ဆေးတက္ကသိုလ်ဝင်ခွင့် လူတွေ့နှုတ်‌မေးစာမေးပွဲကို ယခုလကုန်၌ နေပြည်တော်တွင် ကျင်းပပြုလုပ်သွားမည်ဖြစ်ကြောင်း ကျန်းမာရေးဝန်ကြီးဌာနမှ သိရသည်။

▪️ ၂၀၂၄ခုနှစ် တက္ကသိုလ်ဝင်တန်းစာမေးပွဲအောင်မြင်ပြီး ဆေးတက္ကသိုလ်နှင့်သွားဘက်ဆိုင်ရာ ဆေးတက္ကသိုလ်များသို့ ဦးစားပေးလျှောက်ထားသူများအနက် ဝင်ခွင့်လူတွေ့နှုတ်မေးစာမေးပွဲသို့ဝင်ရောက်ဖြေဆိုခွင့်ရရှိသူများစာရင်းနှင့် ခုံအမှတ်၊ ဖြေဆိုရမည့် နေ့ရက်နှင့် နေရာများကို သက်ဆိုင်ရာ ဝက်ဆိုက်များ၌ ကြေညာထားကြောင်း သိရသည်။

▪️ အဆိုပါကဲ့သို့ကြေညာရာတွင်   ကျန်းမာရေးဝန်ကြီး ဌာန၏ website ( www. moh. gov. mm ) ၊ကျန်းမာရေးလူ့စွမ်းအား အရင်းအမြစ်ဦးစီး ဌာန၏ website ( www. hrh. gov. mm )
၊ဆေးတက္ကသိုလ်နှင့်သွားဘက်ဆိုင်ရာ ဆေးတက္ကသိုလ်များ၊ အဆင့်မြင့်ပညာဦးစီးဌာန website တို့တွင် ကြေညာထားပြီး ဖြစ်သည်။

▪️ အဆိုပါ ကြေညာချက်ပါအချက်အလက်များကိုသေချာစွာဖတ်ရှုပြီး သူနာပြုသင်တန်းကျောင်း၊ နေပြည်တော်နှင့်သားဖွားသင်တန်းကျောင်း၊ နေပြည်တော်တို့၌ ကျင်းပပြုလုပ်မည့် ဝင်ခွင့်လူတွေ့နှုတ်မေးစာမေးပွဲသို့ မိမိတို့ဖြေဆိုရမည့်သတ်မှတ်နေ့ရက်များအတိုင်း အချိန်မှီလာရောက်ဖြေဆိုရမည်ဖြစ်ကြောင်း သိရသည်။

▪️ ဖြေဆိုရမည့် နေ့ရက်များမှာ စက်တင်ဘာ ၃၀ရက်၌ ခုံအမှတ် ၁မှ ၅၀၀ အထိ အောက်တိုဘာ ၁ရက်၌ ခုံအမှတ် ၅၀၁ မှ ၁၀၀၀ အထိ ၊အောက်တိုဘာ ၁ရက်၌ ခုံအမှတ် ၁၀၀၁
မှ ၁၄၂၉ အထိ ဖြေဆိုရမည်ဖြစ်ကြောင်း သိရသည်။

#YMG/NN #Yangon_Times