#Daily_News
Published 30 September 2024

၁။ မိုးပါးသွား၍ရေပိုလွှဲမှ ရေကျော်သည့် ရေလှောင်တမံ (၄၇) ခုသာရှိတော့၊ အရင်ထက်လျော့နည်းလာ

၂။ ရေဘေးသင့် ကျေးရွာသားရာချီကို ကယ်ဆယ်ပေးခဲ့သည့်(၁၂)နှစ်အရွယ် 'မောင်ပေါများ'ကို ဂုဏ်ပြုဆု‌နှင့် လက်ဆောင်များချီးမြှင့်ခဲ့

၃။ အရဟံဖောင်ဒေးရှင်း၏ လေးနှစ်ပြည့်အခမ်းအနား၌ စာတမ်းလေးစောင်ဖတ်ကြားခဲ့

၄။ ယူကရိန်းစစ်ပွဲတွင်ထဲထဲဝင်ဝင် ပတ်သက်နေသည့် အနောက်တိုင်းနိုင်ငံများအား သတိပေးသည့်အနေဖြင့် ရုရှားနျူကလီးယားမူဝါဒလမ်းစဉ်ပြောင်းလဲဖွယ်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
WatchVideo>>>
#YMG #Yangon_Times #Yangon_Media_Group

အခုရက်ပိုင်းဒေသအချို့မှာ မိုးပါးသွားလို့ရေပိုလွှဲမှ ရေကျော်တဲ့ ရေလှောင်တမံစုစုပေါင်း (၄၇) ခုသာရှိ‌တော့ပြီး အရင်ကထက် ရေကျော်တဲ့ဆည်အရေအတွက်လျော့နည်းလာတယ်လို့ သိရပါတယ်။
#Local_News
Published 30 September 2024
#ရေကျော်တဲ့ဆည် #ရေလှောင်တမံစုစုပေါင်း(၄၇)ခု
#YMG/tthl #Yangon_Times

လေပွေလှိုင်းတွေရဲ့ အရှိန်၊လေအေးတွေရဲ့တွေ့ဆုံမှုကြောင့် ဒေသ(၁၄)ခုမှာ  မိုးကြီးပြီး လေပြင်းတိုက်ခတ်ဖိုရှိတယ်လို မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်။
#Local_News
Published 30 September 2024
#လေပွေလှိုင်း #မိုးကြီးပြီးလေပြင်းတိုက်
#YMG/tthl #Yangon_Times

တစ်ပတ်တာအတွင်း ရွှေပြင်ပပေါက်ဈေးတစ်ကျပ်သားကို ကျပ်သုံးသိန်းခွဲကျော်ဝန်းကျင်ကျဆင်း‌ လာပြီး အခေါက်ရွှေအရောင်းအဝယ်ကတော့ ပုံမှန်အတိုင်းရှိနေတာကြောင့် ဒီထက်အရောင်းပိုများလာရင်တော့  ဈေးဆက်ကျနိုင်တယ်လို့ ရွှေဈေးကွက်ထဲက သိရပါတယ်။
#Local_News
Published 30 September 2024
#ရွှေဈေးသုံးသိန်းခွဲကျော်ကျဆင်း‌ #ဈေးဆက်ကျနိုင်
#YMG/NN #Yangon_Times

အရဟံဖောင်ဒေးရှင်း၏ လေးနှစ်ပြည့် အခမ်းအနား၌ သာသနာပြုအတွေ့အကြုံ စာတမ်းငယ်လေးစောင်ဖတ်ကြားခဲ့တယ်လို့ သိရပါတယ်။
#Local_News
Published 30 September 2024
#အရဟံဖောင်ဒေးရှင်း #စာတမ်းလေးစောင်ဖတ်ကြား
#YMG/NN #Yangon_Times

ရေဘေးသင့်ကျေးရွာသားရာချီကို ‌ ရေဘေးမှကယ်ဆယ်ပေးခဲ့တဲ့ (၁၂)နှစ်အရွယ် 'မောင်ပေါများ' အတွက် ဂုဏ်ပြုပွဲပြုလုပ်ပေးခဲ့ပြီး ဂုဏ်ပြုဆုငွေနဲ့ လက်ဆောင်တွေပေးအပ်ခဲ့တယ်လို့ သိရပါတယ်။
#Local_News
Published 30 September 2024
#ကျေးရွာသားရာချီကယ် #မောင်ပေါများ
#YMG/tthl #Yangon_Times

#Local_News
Published_30 Sept 2024

▪️ ရန်ကုန်တိုင်းဒေသကြီး၊ကြည့်မြင်တိုင်မြို့နယ်အတွင်း ရေဘေးလှူမည့်အထုပ်အတွင်းမှ ဗုံးပေါက်ကွဲ၍ ၁၁ ဦး ဒဏ်ရာရမှု ယနေ့ဖြစ်ပွားခဲ့ကြောင်း ရဲတပ်ဖွဲ့နှင့် နီးစပ်သူများထံမှ သိရသည်။

▪️ ယနေ့ စက်တင်ဘာလ ၃၀ ရက် နေ့လယ် ၁၂ နာရီကျော်အချိန်က ကြည့်မြင်တိုင်မြို့နယ် အလတ်ချောင်းရပ်ကွက် အုပ်ချုပ်ရေးမှူးရုံးနှင့် စက်ဆန်းရပ်ကွက်အုပ်ချုပ်ရေးမှူးရုံးတို့တွင် အဆိုပါဗုံးပေါက်ကွဲမှု ဖြစ်ပွားခဲ့သောကြောင့် ဒဏ်ရာရရှိသူများအား အမှတ် (၂)တပ်မတော်ဆေးရုံ (ခုတင်-၅၀၀)သို့ ပို့ဆောင်ထားကြောင်း သိရသည်။

▪️ ပေါက်ကွဲမှု ဖြစ်ပွားရာနေရာမှာ အလတ်ချောင်းရပ်ကွက် အုပ်ချုပ်ရေးမှူးရုံးနှင့်စက်ဆန်းရပ်ကွက်အုပ်ချုပ် ရေးမှူးရုံးတို့တွင်ဖြစ်ကြောင်း၊ အလတ်ချောင်းအုပ်ချုပ်ရေးမှူးရုံး၌ စမတ်ကတ်ပြုလုပ်ရန်ရောက်ရှိနေကြသော အရပ်သား ၇ ဦးနှင့် စက်ဆန်းအုပ်ချုပ်ရေးမှူးရုံးရှိ အရပ်သား ၄ ဦးဒဏ်ရာရရှိခဲ့ကြကြောင်း သိရသည်။

▪️ လက်ရှိတွင်သက်ဆိုင်ရာက အခင်းဖြစ်ရာနေရာကို စစ်ဆေးမှုများပြုလုပ်နေကာ ကျူးလွန်သူများကို ဖော်ထုတ်ရန် စုံစမ်းနေကြကြောင်း သိရသည်။

#Yangon_Times/PP

#Local_News
Published 30 September 2024

▪️ ရှမ်းပြည်နယ်တောင်ပိုင်း၊ တောင်ကြီးမြို့တွင် မီးလောင်မှုတစ်ခု ယနေ့မနက်ပိုင်း၌ ဖြစ်ပွားခဲ့ကြောင်း မြန်မာနိုင်ငံမီးသတ်ဦးစီးဌာနမှ သိရသည်။

▪️ စက်တင်ဘာ ၃၀ ရက်နေ့၊ မနက် ၂နာရီ  ၂၅ မိနစ်အချိန်ခန့်က  ရှမ်းပြည်နယ်၊ တောင်ကြီးခရိုင်၊ တောင်ကြီးမြို့၊ ရေအေးကွင်းရပ်ကွက်၊ ဗိုလ်ချုပ်အောင်ဆန်းလမ်းရှိ ဆိုင်ခန်းတစ်ခုတွင် မီးလောင်မှုဖြစ်ပွားခဲ့ကြောင်း သိရသည်။

▪️ အဆိုပါ သတင်းရရှိသဖြင့် ရှမ်းပြည်နယ်မီးသတ်ဦးစီးမှူးရုံးမှ အုပ်ချုပ်မှုယာဉ်(၁)စီး၊ မီးငြှိမ်းသတ်ယာဉ်(၁)စီး၊ မီးသတ်ရေသယ်ယာည်(၁)စီး၊ တောင်ကြီးခရိုင်မီးသတ်စခန်းမှ မီးငြှိမ်းသတ်ယာဉ်(၂)စီး၊ တောင်ကြီးမြို့နယ်မီးသတ်စခန်းမှ မီးငြှိမ်းသတ်ယာဉ်(၄)စီး၊ မီးသတ်ရေသယ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ မနက် ၂နာရီ ၄၅ မိနစ်အချိန်တွင် မီးငြိမ်းခဲ့‌ပြီး မီးလောင်မှုဖြစ်စဉ်နှင့် ဆုံးရှုံးမှုများအား ဆက်လက်စုံစမ်းနေကြောင်း  သိရသည်။

#YMG/NN #Yangon_Times

#Local_News
Published 30 September 2024

▪️ မလေးရှား၊ လူမှုရေးပရဟိတအသင်းအဖွဲ့များမှ မြန်မာ့ရေဘေးသင့်ဒေသများသို့ လှူဒါန်းသည့်ပစ္စည်းများအား နိုင်ငံတစ်ဝှမ်းရှိ ရေဘေးသင့်ပြည်သူများထံသို့ ဆက်လက်ဖြန့်ဝေပေးပို့သွားမည်ဖြစ်ကြောင်း နိုင်ငံခြားရေးဝန်ကြီးဌာနမှ သိရသည်။

▪️ အဆိုပါ မလေးရှားနိုင်ငံရှိ လူမှုရေးပရဟိတအသင်းအဖွဲ့များမှ မြန်မာနိုင်ငံရှိရေဘေးသင့်ဒေသများသို့ လှူဒါန်းသည့် လှူဒါန်းပစ္စည်းများအား မြန်မာသံရုံး၊ ကွာလာလမ်ပူမြို့၏ အစီအစဉ်ဖြင့် ပထမအကြိမ်ပေးပို့ခဲ့ကြောင်း သိရသည်။

▪️ မြန်မာသံအမတ်ကြီး ဦးအောင်စိုးဝင်းဦးဆောင်သည့် သံရုံးကိုယ်စားလှယ်အဖွဲ့သည် မလေးရှားနိုင်ငံရှိ လူမှုရေးပရဟိတအသင်းများမှ မြန်မာနိုင်ငံရှိ တိုင်းဒေသကြီး/ပြည်နယ် အချို့တွင် မကြာသေးမီက မိုးသည်းထန်စွာ ရွာသွန်းခဲ့ပြီး ရေကြီး၊ ရေလျှံမှုများဖြစ်ပွားလျက် ရှိသည့် ရေဘေးသင့်ပြည်သူများအတွက် သဒ္ဓါတရား ထက်သန်စွာ လှူဒါန်းသည့် လှူဒါန်း ပစ္စည်းများအနက် ပထမအသုတ်အဖြစ်လှူဒါန်းသည့် ကီလို ၅၀၀၀ အား စက်တင်ဘာ၂၈ ရက်နေ့ မနက် ၁၀နာရီခွဲ အချိန်တွင်  မလေးရှားအပြည်ပြည်ဆိုင်ရာ လေဆိပ်၌ လက်ခံရရှိခဲ့ကြောင်းသိရသည်။

▪️ အဆိုပါ  လှူဒါန်းပစ္စည်းများတွင် အဝတ်အထည် (လူကြီး/ကလေး)၊ အနွေးထည်၊ ဖိနပ်မျိုးစုံ (လူကြီး/ကလေး) နှင့် စောင်တို့ပါဝင်ပါကြောင်းနှင့် ၎င်းတို့အား မြန်မာ သံရုံး၊ ကွာလာလမ်ပူမြို့ ၏ အစီအစဉ်ဖြင့် စက်တင်ဘာ ၂၈ ရက်နေ့တွင် မလေးရှားနိုင်ငံမှ မြန်မာနိုင်ငံသို့ မြန်မာအပြည်ပြည် ဆိုင်ရာ လေကြောင်းဖြင့် ပို့ဆောင်ပေးခဲ့ ကြောင်းသိရသည်။ ထို့အပြင်  လှုဒါန်းပစ္စည်းများအား မြန်မာနိုင်ငံ၊ လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာ ချထားရေးဝန်ကြီးဌာန၏ အစီအစဉ်ဖြင့် မြန်မာနိုင်ငံတစ်ဝှမ်းရှိ ရေဘေးသင့်ပြည်သူများ ထံသို့ ဆက်လက်ဖြန့်ဝေပေးပို့သွားမည်ဖြစ်ကြောင်းသိရသည်။

▪️ မြန်မာသံရုံးအနေဖြင့်လည်း လှူဒါန်းပစ္စည်းများအား ဒုတိယအကြိမ် ဆက်လက်ပို့ဆောင် နိုင်ရေးနှင့် မြန်မာနိုင်ငံရှိရေဘေးသင့်ပြည်သူများထံသို့ အဆင်ပြေချောမွေ့စွာရောက်ရှိစေရေး မလေးရှားနိုင်ငံရှိ ပရဟိတအဖွဲ့အစည်းများနှင့်ပူးပေါင်းဆောင်ရွက်လျက်ရှိကြောင်း သိရသည်။

#YMG/NN #Yangon_Times

#World_News
Published 30 September 2024

▪️ အစ္စရေးလ်တို့က အီရန်မဟာမိတ်နိုင်ငံများနဲ့ တင်းမာမှုမြင့်တက်နေချိန်မှာ လက်ဘနွန်မြို့တော် ဘိုင်ရုကို အစ္စရေးလ်တိုက်ခိုက်ခဲ့သဖြင့် ပါလက်စ်တိုင်းစစ်သွေးကြွအဖွဲ့မှ ခေါင်းဆောင် ၃ ဦး သေဆုံးခဲ့တယ်လို့ ထိုအဖွဲ့က တနင်္လာနေ့မှာ ပြောကြားလိုက်ပါတယ်။

▪️ အစ္စရေးလ်တို့ ပစ်မှတ်ထား တိုက်ခိုက်တဲ့ ဘိုင်ရုမြို့ရှိ ကိုလာခရိုင်မှာ ခေါင်းဆောင် ၃ ဦးသေဆုံးသွားတယ်လို့ ပါလက်စ်တိုင်းလွတ်မြောက်ရေးတပ် (PFLP)က ပြောပါတယ်။

▪️ ထိုဒေသရှိ တိုက်ခန်းအဆောက်အအုံတစ်ခုရဲ့ အပေါ်ထပ်ကို ထိမှန်ခဲ့တာဖြစ်တယ်လို့ ရိုက်တာသတင်းဌာနမှ မျက်မြင်တွေ့ရှိသူတစ်ဦးက ဆိုပါတယ်။

▪️ ဒါနဲ့ပတ်သက်ပြီး အစ္စရေးလ်စစ်တပ်ဘက်မှ တစ်စုံတရာပြောကြားခြင်း မရှိသေးပါဘူး။

▪️ လက်ဘနွန်ရှိ ဟက်ဇ်ဘိုလာစစ်သွေးကြွတွေနဲ့ ယီမင်ရှိ ဟူသီစစ်သွေးကြွများကို အစ္စရေးလ်တို့ အရှိန်မြှင့်တိုက်ခိုက်လျက်ရှိရာ အရှေ့အလယ်ပိုင်း ပဋိပက္ခအတွင်း အီရန်နဲ့ အမေရိကန်တို့ ပါဝင်လာမှာ စိုးရိမ်နေရပါတယ်။

▪️ PFLP က အစ္စရေးလ်ကို တိုက်ခိုက်နေတဲ့ စစ်သွေးကြွအဖွဲ့တွေထဲက တစ်ခုဖြစ်ပါတယ်။
အစ္စရေးလ်က တနင်္ဂနွေနေ့မှာ ယီမင်ရှိ ဟူသီစစ်သွေးကြွများနဲ့ ဟက်ဇ်ဘိုလာ ပစ်မှတ်များကို လေကြောင်းတိုက်ခိုက်မှုများ ပြုလုပ်ခဲ့ပါတယ်။

▪️ ယီမင်မှ ဟိုဒဲဒါဆိပ်ကမ်းကို လေကြောင်းတိုက်ခိုက်မှု ခံရစဉ် အနည်းဆုံးလူ ၄ ဦးသေဆုံးပြီး ၂၉ ဦးဒဏ်ရာရခဲ့တယ်လို့ ဟူသီတို့ရဲ့ ကျန်းမာရေးဝန်ကြီးဌာနက ပြောကြားထားပြီး လက်ဘနွန်မှာတော့ အနည်းဆုံး ၁၀၅ ဦးသေဆုံးတယ်လို့ ထုတ်ပြန်ထားပါတယ်။

▪️ ပြီးခဲ့တဲ့ ၂ ပတ်အတွင်း အစ္စရေးလ်တို့ အရှိန်မြှင့်တိုက်ခိုက်လာရာမှာ ဟက်ဇ်ဘိုလာ အကြီးအကဲ ဆိုင်ယက်ဟာဆန်နက်စ်ရယ်လာ အပါအဝင် ထိပ်သီးအရာရှိအချို့ သေဆုံးခဲ့ပါတယ်။

▪️ အစ္စရေးလ်တို့က ဆက်လက်တိုက်ခိုက်သွားရန် ကြွေးကြော်ထားပြီး ဟက်ဇ်ဘိုလာတိုက်ခိုက်မှုများကြောင့် စွန့်ခွာထွက်ပြေးနေရတဲ့ မြောက်ပိုင်းမှ အရပ်သားတွေ ပြန်လာအောင် လုပ်ပေးမယ်လို့ ဆိုပါတယ်။

▪️ အီရန်ထောက်ပံ့ ဟက်ဇ်ဘိုလာအဖွဲ့ စစ်ဆင်ရေးအများစု လုပ်ဆောင်နေတဲ့ လက်ဘနွန်မြို့တော် တောင်ပိုင်းဆင်ခြေဖုံးဒေသတွေမှာ အစ္စရေးလ်တို့က တိုက်ခိုက်နေတာ ဖြစ်ပါတယ်။

▪️ အမေရိကန်က လက်ဘနွန်မှာ ပဋိပက္ခဖြစ်ပွားနေတာကို သံတမန်ရေးအရ ဖြေရှင်းဖို့ တိုက်တွန်းနေပေမယ့် ထိုဒေသတွင်းမှာ တပ်အင်အားထောက်ပံ့ဖို့လည်း စစ်တပ်ကို ခွင့်ပြုထားပါတယ်။

#Source: Reuters

#World_Health
Published 30 September 2024

▪️ ကျောက်ကပ်ထဲမှာ စွန့်ပစ်ပစ္စည်းများ စုပြုံလာတဲ့အခါ ကျောက်တည်လာပြီး ဆီးသွားရခက်ခဲခြင်းနဲ့ နာကျင်ခြင်းတို့ ဖြစ်လာနိုင်ပါတယ်။

▪️ ဗိုက်တာမင်-စီ ပါဝင်မှုမြင့်မားတဲ့ ကယ်လ်စီယမ်အောက်ဆလိတ် ကျောက်တွေဟာ ကျောက်တည်ခြင်းကို အဓိကဖြစ်စေပါတယ်။

▪️ ဒါတွေကို များများစားမိတဲ့အခါ ဗိုက်တာမင်-စီက အောက်ဆလိတ်အဖြစ် ပြိုကွဲသွားပြီး ကယ်လ်စီယမ်နဲ့ ပေါင်းကာ ကျောက်ဖြစ်လာကြပါတယ်။

▪️ အသီးအနှံနဲ့ ဟင်းရွက်တွေကရတဲ့ ဗိုက်တာမင်-စီက စိတ်ချရပေမယ့် ဗိုက်တာမင်-စီ ဖြည့်စွက်ဆေးတွေက စိုးရိမ်ဖြစ်ပါတယ်။

▪️ အာရှဆီးနှင့်ကျောက်ကပ်အဖွဲ့အစည်းမှ ဒေါက်တာ ဗီဂျေးကီရန်က ဗိုက်တာမင်-စီ နေ့စဉ် ၁၀၀၀ မီလီဂရမ် ရရှိနေခြင်းက ကျောက်ကပ်ကျောက်တည်နိုင်ခြေ မြင့်မားတယ်လို့ သုံးသပ်ထားပါတယ်။

▪️ အစားအစာတွေက အဓိကရရှိတဲ့ ဗိုက်တာမင်-စီက ယေဘုယျအားဖြင့် စိတ်ချရပေမယ့် အက်စ်ကောဘစ်အက်ဆစ်လိုမျိုး ဗိုက်တာမင်-စီ ဖြည့်စွက်ဆေးတွေကတော့ ကျောက်ဖြစ်နိုင်ခြေ များစေပါတယ်။

▪️ ဒါ့အပြင် ဗိုက်တာမင်-စီကို သွေးကြောကနေ အများအပြားထိုးသွင်းတာမျိုးကလည်း ကောင်းကျိုးထက် အန္တရာယ်က ပိုများပါတယ်။

▪️ ကျောက်ကပ်ကျောက်မတည်စေရန် အရွယ်ရောက်ပြီးသူများအနေနဲ့ ဗိုက်တာမင်-စီ ဖြည့်စွက်ဆေးတွေကို တစ်နေ့ ၂၀၀၀ မီလီဂရမ်ထက် ပိုပြီးမသုံးစွဲဖို့ NIH က အကြံပြုထားပါတယ်။

#Source: India Today

#World_Health
Published 29 September 2024

▪️ လူကြိုက်များတဲ့ ငှက်ပျောသီးဟာ အရသာရှိသလို ဗိုက်တာမင်၊ သံဓာတ်၊ အမျှင်ဓာတ်စတဲ့ အာဟာရဓာတ်များနဲ့ ပြည့်နေပါတယ်။

▪️ တစ်နှစ်ပတ်လုံးနီးပါး ဝယ်ယူရရှိနိုင်ပေမယ့် ရက်အနည်းငယ်အတွင်းမှာပင် ရှုံ့ပြီး အမည်းစက်တွေ ဖြစ်လာတတ်ပါတယ်။

▪️ ဒါကြောင့် ငှက်ပျောသီးတွေ လတ်ဆတ်နေအောင် ထိန်းသိမ်းနိုင်မယ့် နည်းလမ်းတွေ ဖော်ပြလိုက်ပါတယ်။

▪️ (၁) အညောင့်နေရာတွေနားမှာ ခဲပတ်ဖြင့် ပတ်ထားပါ။ တစ်လုံးချင်းစီဖယ်ပြီးမှ အညောင့်နားတွေကို ခဲပတ်ရမှာဖြစ်ပြီး တစ်လုံးလုံးကို ပတ်စရာ မလိုပါဘူး။

▪️ (၂) စားပွဲမျက်နှာပြင်ပေါ်မှာ တင်မထားပါနှင့်။ ကြိုးတစ်ခုခုဖြင့် ချိတ်ဆွဲထားရင် ပိုပြီးကြာရှည်ခံပါတယ်။

▪️ (၃) ငှက်ပျောသီးကို အခြားအသီးအရွက်တွေနား မထားပါနှင့်။ ပန်သီး၊ ခရမ်းချဉ်သီးတို့လို အသီးတွေက အီသိုင်လင်းဓာတ်ငွေ့ ထုတ်လွှတ်ကာ ရင့်မှည့်စေပါတယ်။

▪️ (၄) ရေခဲသေတ္တာထဲ မသိမ်းပါနှင့်။ အေးတဲ့နေရာမှာ ငှက်ပျောသီးက ပျက်စီးမြန်တာကြောင့် ခြောက်သွေ့တဲ့ အခန်းအပူချိန်မှာ ထားသင့်ပါတယ်။

▪️ (၅) အမှည့်လွန်တဲ့ ငှက်ပျောသီးတွေ မဝယ်ပါနှင့်။ ရွေးတဲ့အခါ အစက်အပြောက်မပါဘဲ တင်းရင်းတာကို ဝယ်ယူပါ။ မှည့်နေတဲ့ငှက်ပျောသီးတွေ ဝယ်မိတယ်ဆိုရင် မုန့်တစ်ခုခု လုပ်စားလိုက်ပါ။

#Source: FoodNDTV