ထိုင်းနိုင်ငံသို့ အခွန်ကင်းလွတ်ခွင့်နဲ့ မြန်မာ့ပြောင်းဆန်တင်သွင်းမှု ၂ လ သက်တမ်းတိုး/မတိုးကိုဒီကနေ့အထိ တရားဝင်အသိပေးထားတာမရှိသေးဘူးလို့ မြန်မာနိုင်ငံပြောင်းလုပ်ငန်းအသင်းကသိရပါတယ်။

#Local_News
Published 23 June 2026
#ထိုင်း #ပြောင်း
#YMG/NN #Yangon_Times

တရုတ်ပြည်သူ့သမ္မတနိုင်ငံ၊ ရှန်ဟိုင်းမြို့မှာပြုလုပ်တဲ့  Myanmar – China Investment and Trade Networking Summit (MCITP-2026) ကိုဇွန်လ(၁၈)ရက်နေ့မှာ ကျင်းပပြုလုပ်ခဲ့ရာ ဆန်စပါးအသင်းချုပ် အသင်းဝင် ကုမ္ပဏီ (၅) ခုမှတရုတ်ကုမ္ပဏီ များနှင့် MOU (၁၁) ခုကို  လက်မှတ်ရေးထိုးနိုင်ခဲ့တယ်လို့ မြန်မာနိုင်ငံဆန်စပါးအသင်းချုပ်ကနေသိရပါတယ်။

#Local_News
Published 23 June 2026
#တရုတ်ပြည်သူ့သမ္မတနိုင်ငံ #ဆန်စပါး
#YMG/NN #Yangon_Times

မြန်မာ့အထည်အလိပ်လုပ်ငန်းရဲ့Made in Myanmar ထုတ်ကုန်များကိုပြင်သစ်အထည်အလိပ်ပြပွဲမှာပြသသွားမယ်လို့ မြန်မာနိုင်ငံအထည်ချုပ်လုပ်ငန်းရှင်များအသင်းမှ သိရပါတယ်။

#Local_News
Published 23 June 2026
#မြန်မာ့အထည်အလိပ် #ပြင်သစ်အထည်အလိပ်
#YMG/SW #Yangon_Times

ပို့ကုန်သွင်းကုန်လုပ်ငန်းရှင် စိစစ်ရေးကတ်အပိုများကို ယခုနှစ် ဇွန်လ (၂၆) ရက်နေ့တွင် အပြီးပယ်ဖျက်သွားမှာဖြစ်တယ်လို့ကုန်သွယ်ရေးဦးစီးဌာနက အသိပေးထားပါတယ်။

#Local_News
Published 23 June 2026
#ပို့ကုန်သွင်းကုန်လုပ်ငန်းရှင်စိစစ်ရေးကတ်
#YMG/SW #Yangon_Times

#Local_News
Published 23 June 2026

■ နေပြည်တော်မြို့တွင်း၌ အများပြည်သူအတွက်EV Bus ကားများအပါအဝင် ဘတ်စ်လိုင်းကားများပြေးဆွဲပေးနေကြောင်း ပို့ဆောင်ရေးဝန်ကြီးဌာန ဒုတိယဝန်ကြီး ဦးအောင်မြိုင်ကပြောသည်။

■ ယမာန့်နေ့နံနက် ၁၀ နာရီက နေပြည်တော်ရှိ လွှတ်တော်အဆောက်အအုံ ပြည်သူ့လွှတ်တော် အစည်းအဝေးခန်းမ၌ ကျင်းပခဲ့သည့် တတိယအကြိမ်ပြည်သူ့လွှတ်တော် ဒုတိယပုံမှန် အစည်းအဝေး ၁၂ ရက်မြောက်နေ့၌ ကျိုက်လတ်မဲဆန္ဒနယ်မှ ဒေါက်တာအောင်ကြီး၏ နေပြည်တော်ကောင်စီနယ်မြေတွင် အများပြည်သူ ဈေးနှုန်းချိုသာစွာဖြင့် သွားလာနိုင်သည့် ဘတ်စ်လိုင်းကားများပြေးဆွဲပေးရန် အစီအစဉ် ရှိ၊ မရှိ မေးခွန်းနှင့်စပ်လျဉ်း၍ ပို့ဆောင်ရေးဝန်ကြီးဌာန ဒုတိယဝန်ကြီး ဦးအောင်မြိုင်က ပြန်လည်ဖြေကြားရာ၌ထည့်သွင်းပြောကြားခဲ့ခြင်းဖြစ်သည်။

■ ပို့ဆောင်ရေးဝန်ကြီးဌာန ဒုတိယဝန်ကြီး ဦးအောင်မြိုင်က နေပြည်တော်တွင် လက်ရှိမော်တော်ယာဉ်လုပ်ငန်းပေါင်းစုံ ထိန်းသိမ်းရေးကော်မတီ (မြို့တွင်း)၏ ကြီးကြပ်မှုဖြင့် ရွှေသပြေ၊ ရွှေအောင်လံ၊ ရွှေပြည်သစ် ယာဉ်လိုင်း ၃ လိုင်းမှ Light Truck ယာဉ်များဖြင့် ပျဉ်းမနား-မြို့မဈေး၊ ပျဉ်းမနား-မြို့မဈေး-တောင်ညို၊ ပျဉ်းမနား-တပ်ကုန်း ခရီးစဉ်များသို့ နေ့စဉ်ပြေးဆွဲပေးလျက်ရှိပါကြောင်း၊ တော်ဝင်ယာဉ်အသင်းက လမ်းကြောင်း (၄) ခုကို Bus ကားများဖြင့် ပြေးဆွဲလျက်ရှိပါကြောင်းနှင့် “ရာဇာမင်း” ခရီးသည်ပို့ဆောင်ရေးယာဉ်အသင်းက EV Bus ကားများဖြင့် မြို့တွင်းယာဉ်လိုင်းပြေးဆွဲနိုင်ရေ ဆောင်ရွက်လျက်ရှိပါကြောင်း ပြန်လည်ဖြေကြား ခဲ့ ကြောင်းသိရသည်။

#YMG/NN #Yangon_Times

#Local_News
Published 23 June 2026

■ အထောက်အထားများ တင်ပြနိုင်ခြင်းမရှိသည့် လိုင်စင်မဲ့မော်တော်ဆိုင်ကယ်များအားမှတ်ပုံတင်ဆောင်ရွက်ပေး၍မရကြောင်း ဒုတိယဝန်ကြီး ဦးအောင်မြိုင်က ပြောသည်။

■ ယမာန့်နေ့နံနက် ၁၀ နာရီက နေပြည်တော်ရှိ လွှတ်တော်အဆောက်အအုံ ပြည်သူ့လွှတ်တော် အစည်းအဝေးခန်းမ၌ ကျင်းပခဲ့သည့် တတိယအကြိမ်ပြည်သူ့လွှတ်တော် ဒုတိယပုံမှန် အစည်းအဝေး ၁၂ ရက်မြောက်နေ့၌ မင်းလှမဲဆန္ဒနယ်မှ ဦးရဲထွဋ်အောင်၏ တစ်နိုင်ငံလုံးရှိ လိုင်စင်မဲ့မော်တော်ဆိုင်ကယ်များအား အခွန်ငွေ သတ်မှတ်ပေးသွင်းစေပြီး ဥပဒေနှင့်အညီ တရားဝင်လိုင်စင်ထုတ်ပေးရန် အစီအစဉ် ရှိ၊ မရှိနှင့် အစီအစဉ်ရှိပါက မည်သည့်ဘဏ္ဍာနှစ်တွင် ဆောင်ရွက်ပေးမည်ကို သိရှိလိုခြင်းမေးခွန်းနှင့် သံတောင်ကြီးမဲဆန္ဒနယ်မှ ဦးစောဟေသားကြီး၏ လိုင်စင်မဲ့ဆိုင်ကယ်များကို လိုင်စင်ပြန်လည်ပြုလုပ်ပေးနိုင်ခြင်း ရှိ၊ မရှိ၊ လုပ်ပေးနိုင်ပါက ဘယ်ချိန်ကာလတွင် စတင်ပြုလုပ်ပေးမည် နှင့်မလုပ်ပေးနိုင်ပါက အဘယ်ကြောင့်မလုပ်ပေးနိုင်ခြင်းကို သိရှိလိုခြင်းမေးခွန်းနှင့်စပ်လျဉ်း၍ ဒုတိယဝန်ကြီး ဦးအောင်မြိုင်က ပြန်လည်ဖြေကြားခဲ့ခြင်းဖြစ်သည်။

■ ထိုသို့ပြောကြားရာတွင်မြန်မာနိုင်ငံအတွင်းရောက်ရှိနေသော တရားမဝင်မှတ်ပုံတင်မဲ့ မော်တော်ဆိုင်ကယ်များသည် ဥပဒေနှင့်မညီသည့်အတွက် အထောက်အထားများ တင်ပြနိုင်ခြင်းမရှိပါသဖြင့် မှတ်ပုံတင်ဆောင်ရွက်ပေး၍မရပါကြောင်း ပြန်လည်ဖြေကြားခဲ့ကြောင်း သိရသည်။

#YMG/NN #Yangon_Times

#World_News
Published 23 June 2026

■ ငြိမ်းချမ်းရေးသဘောတူညီချက်အရ ပထမဆုံးအကြိမ် ဆွေးနွေးပွဲများ ပြုလုပ်ပြီးနောက် တနင်္လာနေ့ကစပြီး အီရန်အပေါ် ချမှတ်ထားတဲ့ အရေးယူပိတ်ဆို့မှုများကို ရက်ပေါင်း ၆၀ ကြာ အမေရိကန်က ကင်းလွတ်ပေးခဲ့သလို ဒေသတွင်း ပဋိပက္ခများ အဆုံးသတ်ရန် ရည်ရွယ်ကာ လက်ဘနွန်နိုင်ငံအတွင်း တိုက်ပွဲများ ငြိမ်သက်သွားကြောင်း တာဝန်ရှိသူများ ပြောသွားပါတယ်။

■ ပြီးခဲ့တဲ့ ရက်သတ္တပတ်က ဟော်မုဇ်ရေလက်ကြားတလျှောက် သင်္ဘောဖြတ်သန်းသွားလာမှုတွေကို အီရန်နှောင့်ယှက်ပါက သမ္မတဒေါ်နယ်ထရမ့်က စစ်ပွဲပြန်စမယ်လို့ ခြိမ်းခြောက်ပြီးနောက် ဒီလိုသဘောတူညီချက် ရလာတာ ဖြစ်ပါတယ်။

■ ဆွစ်ဇာလန်မှာ အီရန်တာဝန်ရှိသူတွေနဲ့ ဆွေးနွေးခဲ့ပြီး နောက်ဆုံးပိတ် ငြိမ်းချမ်းရေးသဘောတူညီချက်အတွက် အခြေခံအုတ်မြစ်ကောင်း ချမှတ်နိုင်ခဲ့တယ်လို့ အမေရိကန်ဒုသမ္မတ ဂျေဒီဗန့်စ်က ပြောပါတယ်။

■ ကြားဖြတ်သဘောတူညီချက်ထဲမှာ လက်ဘနွန်အတွင်း တိုက်ခိုက်မှုများ အဆုံးသတ်ရန်နဲ့ ဟော်မုဇ်ရေလက်ကြားကနေ ဖြတ်သန်းသွားလာမယ့် သင်္ဘောများအတွက် ဘေးကင်းလုံခြုံစေရန်တို့ ပါဝင်ပါတယ်။

■ အီရန်က ရေနံနဲ့ ရေနံဓာတုပစ္စည်းများ တင်ပို့ခွင့်ဆိုင်ရာ ပိတ်ဆို့မှုကင်းလွတ်ခွင့်များနဲ့ ထိန်းချုပ်ခံထားရတဲ့ ပိုင်ဆိုင်မှုအချို့ ပြန်လည်အသုံးပြုခွင့် ရရှိခဲ့ပါတယ်။

■ အီရန်က နျူကလီးယား စစ်ဆေးရေးမှူးများ လာရောက်ခွင့်ပြုရန် သဘောတူခဲ့ပေမယ့် ဆွေးနွေးမှုများအတွင်း နျူကလီးယားအစီအစဉ်အကြောင်း ထည့်သွင်းဆွေးနွေးခဲ့ခြင်း မရှိဘူးလို့ ငြင်းဆိုခဲ့ပါတယ်။

■ လက်ဘနွန်မှာ တိုက်ပွဲများ လျော့နည်းသွားပြီး အပစ်အခတ်ရပ်စဲရေး ၂ ရက်တိုင်တိုင် တည်မြဲနေပေမယ့် အစ္စရေးလ်ကတော့ စစ်တပ်များ ပြန်လည်ရုပ်သိမ်းရန် သဘောမတူသေးပါဘူး။

Source: Reuters

#World_Health
Published 23 June 2026

■ ညအိပ်ချိန်ဆိုတာက ခန္ဓာကိုယ်အနားယူရင်း ပြုပြင်ထိန်းသိမ်းပေးတဲ့ ဖြစ်စဉ်ဖြစ်ပေမယ့် ဆီးချိုလက္ခဏာ ရှိသူတွေမှာတော့ ညဘက်မှာ သိသာစေပါတယ်။

■ ဆီးချိုဖြစ်နေနိုင်ကြောင်း ပြသနေတဲ့ ညဘက်ဖြစ်စဉ်တွေကို ဖော်ပြလိုက်ပါတယ်။

■ ■ (၁) ညအိပ်ချိန် ခဏခဏဆီးသွားခြင်းက ဆီးချိုရဲ့ အဓိကလက္ခဏာဖြစ်ပါတယ်။
သွေးတွင်းသကြားဓာတ် မြင့်မားခြင်းက ကျောက်ကပ်ကနေ ဂလူးကို့စ် ပြန်လည်စုပ်ယူခြင်း မပြုနိုင်အောင် တားဆီးပေးပြီး အရည်တွေက ဆီးဖြစ်စေပါတယ်။
ဒါကြောင့် ခဏခဏ ဆီးသွားခြင်းနဲ့ ရေငတ်ခြင်းတို့ သံသရာလည်စေပါတယ်။

■ ■ (၂) ဆီးချိုကြောင့် ညဘက်ကြွက်တက်ခြင်းက အာရုံကြောပျက်စီးခြင်းနဲ့ ဆက်စပ်နေပါတယ်။ ဆီးချိုတက်ခြင်းနဲ့ ဆီးခဏခဏသွားခြင်းဟာ ခန္ဓာကိုယ်တွင်း ဆားဓာတ်မမျှတခြင်းကြောင့် ဖြစ်ပါတယ်။ ကြွက်မတက်မီ ပူစပ်ပူလောင်ဖြစ်ခြင်း အရင်ခံစားရတတ်ပါတယ်။
ဒါဟာ သွေးတွင်းသကြားဓာတ်လွန်ကဲမှုကြောင့် အာရုံကြောနဲ့ ကြွက်သားစနစ်များ ပျက်စီးနေကြောင်း ပြသရာရောက်ပါတယ်။

■ ■ (၃) မနက် ၄ နာရီမှ ၈ နာရီကြား ဟော်မုန်းတွေက ဂလူးကို့စ်ထုတ်လွှတ်စေပြီး ဆီးချိုသမားတွေမှာ သွေးတွင်းသကြားဓာတ် မြင့်တက်စေပါတယ်။
ညဘက် သွေးတွင်းဂလူးကို့စ် လျော့နည်းခြင်းကြောင့် အိပ်မက်ဆိုးမက်ခြင်း၊ ချွေးပျံခြင်း၊ မနက်ခင်းနွမ်းနယ်ခြင်း စတဲ့လက္ခဏာတွေ ဖြစ်နိုင်ပါတယ်။ အလွန်အာခြောက်ခြင်း၊ ခံတွင်းရောဂါဖြစ်ခြင်း၊ ညဘက် ခဏခဏဆီးသွားခြင်း၊ ခြေထောက်နာခြင်း၊ ညဘက်ချွေးပျံခြင်းတို့က သွေးတွင်းသကြားဓာတ် မြင့်မားကြောင်းညွှန်ပြနေပါတယ်။

Source: The Jerusalem Post

#World_Health
Published 23 June 2026

■ တစ်နေ့တာအတွင်း အနည်းငယ်စီ လေ့ကျင့်ခန်းလုပ်ခြင်းက ဆီးချိုရောဂါဖြစ်နိုင်ခြေ လျှော့ချဖို့အတွက် အဓိကကျတယ်လို့ သုတေသနအသစ်မှာ အကြံပြုထားပါတယ်။

■ တစ်နေ့ကို အချိန် ၄ မိနစ်လောက် အနည်းငယ်စီ လှုပ်ရှားလေ့ကျင့်ခန်း ပြုလုပ်ခြင်းက ပုံမှန်လေ့ကျင့်ခန်း မလုပ်သူတွေထက် ဆီးချိုဖြစ်နိုင်ခြေ ၃ ပုံ ၁ ပုံကျော်လောက် လျော့ကျစေနိုင်ပါတယ်။

■ လှုပ်ရှားမှု အမျိုးအစားနှစ်မျိုးကို လေ့လာခဲ့ကြရာ ပြင်းထန်တဲ့ အပိုင်းအခြားလိုက် နေ့စဉ်လူနေမှုဘဝ ကိုယ်လက်လှုပ်ရှားမှု(VILPA)နဲ့ အသင့်အတင့်ကနေ ပြင်းထန်တဲ့ နေ့စဉ်လူနေမှုဘဝ ကိုယ်လက်လှုပ်ရှားမှု(MV-ILPA)တို့ ဖြစ်ပါတယ်။

■ VILPA ကို နေ့စဉ် ၃.၉ မိနစ်ပြုလုပ်ပေးရင် ဆီးချိုဖြစ်နိုင်ခြေကို ၃၆ ရာခိုင်နှုန်း လျှော့ချပေးပြီး MV-ILPA ၂၅ မိနစ်ပြုလုပ်ခြင်းကတော့ ၄၆ ရာခိုင်နှုန်း လျှော့ချပေးနိုင်ပါတယ်။

■ တိုတောင်းပြင်းထန်တဲ့ လှုပ်ရှားမှုတွေက ဂလူးကို့စ်စုပ်ယူနိုင်စွမ်းကို ထိရောက်စေကာ အင်ဆူလင်လှုံ့ဆော်မှု တိုးတက်စေသဖြင့် ဆီးချိုရောဂါဖြစ်နိုင်ခြေကို လျော့ကျစေတာ ဖြစ်ပါတယ်။

■ VILPA က ဘယ်လိုလှုပ်ရှားမှုတွေလဲဆိုရင် ဥပမာအားဖြင့် ပြေးခြင်း၊ လှေကားတက်ခြင်း၊ ဈေးဝယ်အိတ်အလေးကြီး သယ်ဆောင်ခြင်းတို့ ပါဝင်ပြီး MV-ILPA မှာတော့ ခပ်သွက်သွက် လမ်းလျှောက်ခြင်း၊ အိမ်အလုပ်လုပ်ခြင်းတို့ ပါဝင်ပါတယ်။

■ နေ့စဉ်စနစ်ကျတဲ့ လေ့ကျင့်ခန်းတွေ ပြုလုပ်ဖို့ ခက်ခဲနေသူတွေအတွက် လေ့ကျင့်ခန်းအနည်းငယ်စီကို မကြာခဏပြုလုပ်ခြင်းက လက်တွေ့ကျပြီး လှုပ်ရှားနေစေမှာ ဖြစ်ပါတယ်။

■ ဆီးချိုဖြစ်နိုင်ခြေ ကျဆင်းစေမယ့် အခြားသောနည်းလမ်းတွေမှာတော့ ကျန်းမာရေးညီညွတ်တဲ့ ကိုယ်အလေးချိန်ထိန်းသိမ်းခြင်း၊ မျှတတဲ့ အစားအသောက်၊ တစ်ပတ်ကို ၅ ရက် ကိုယ်လက်လှုပ်ရှားမှု အနည်းဆုံးမိနစ် ၃၀ ပြုလုပ်ခြင်းတို့ ပါဝင်ပါတယ်။

Source: Prevention

အီရန်နဲ့ အမေရိကန်ကြား ဆွေးနွေးမှုအသစ်ကို ဇွန် ၁၉ ရက်နေ့မှာ ဆွစ်ဇာလန်မှာ စတင်သွားမှာဖြစ်ကြောင်း အီရန်နိုင်ငံခြားရေးဝန်ကြီး အက်ဘက်စ်အာရတ်ချီကပြောခဲ့ပြီး နျူကလီးယားအရေးနဲ့ ပိတ်ဆိုအရေးယူမှုများ ဖယ်ရှားရေးတိုအပေါ် အဓိကထားဆွေးနွေးသွားဖို့ ရှိပါတယ်။

#World_Military
Published 22 June 2026
#အီရန် #အမေရိကန်
#YMG #Yangon_Times #Yangon_Media_Group

ဟောင်ကောင်နဲ့တရုတ်ပြည် သစ်သီးဝလံစျေးကွက်သို့ လေ့လာရေးနဲ့ စီးပွားရေးချိတ်ဆက်နိုင်မယ့်"Asia Fruit Logistica China Study Tour 2026"ကို လေ့လာနိုင်ဖို့ ပြည်တွင်းကလုပ်ငန်းရှင်တွေကိုဖိတ်ခေါ်ထားတယ်လို့ မြန်မာနိုင်ငံသစ်သီးဝလံ၊ ပန်းမန်နှင့်ဟင်းသီးဟင်းရွက် စိုက်ပျိုးထုတ်လုပ်တင်ပို့ရောင်းချသူများအသင်း (MFVP) က သိရပါတယ်။

#Local_News
Published 22 June 2026
#ဟောင်ကောင်နှင့်တရုတ်ပြည် #သစ်သီးဝလံစျေးကွက်
#YMG/NN #Yangon_Times

ဒို့အိမ်အဖွဲအစည်းကဆောင်ရွက်လျှက်ရှိတဲ့အမျိုးသမီးများနဲ့ ဆောက်လုပ်‌ရေး” ပရိုဂရမ်ကို ပြန်လည်စတင်သွားမယ်လို့သိရပါတယ်။

#Local_News
Published 22 June 2026
#အမျိုးသမီးဆောက်လုပ်‌ရေး
#YMG/SW #Yangon_Times