အခုရက်ပိုင်းအတွင်းမှာ ငမိုး‌ရိပ်ချောင်းရေလျှံတဲ့အတွက် ချောင်းအနီးရှိ ရပ်ကွက်‌တွေထဲ ရေဝင်ရောက်မှုရှိခဲ့သလို လှည်းကူးမြို့နယ်ထဲရှိ ငမိုးရိပ်ချောင်းထဲ ခြေချော်ကျလို့ ပျောက်ဆုံးသူလည်းရှိခဲ့တယ်လို့ သိရပါတယ်။
#Local_News
Published 26 September 2024
#လှည်းကူးမြို့ #ရပ်ကွက်အချို့ရေဝင်ရောက်
#YMG/tthl #Yangon_Times

ရှမ်းပြည်နယ်၊ တောင်ပိုင်းက အောင်ပန်း၊ ကလောနဲ့ အင်းလေး‌ဒေသတွေမှာ ရေကြီးတာနဲ့စိုက်ခင်းပျက်စီးတာကြောင့် ခရမ်းချဉ်သီး‌လေးဆခန့်နဲ့ ဂေါ်ဖီပန်းပွင့်ဈေးနှုန်း ၅၀ ရာခိုင်နှုန်းအထိ  မြင့်တက်လာတယ်လို့ အောင်ပန်းကုန်စိမ်းပွဲရုံတွေက သိရပါတယ်။
#Local_News
Published 26 September 2024
#အောင်ပန်းကုန်စိမ်းပွဲရုံ #ခရမ်းချဉ်သီး‌
#YMG/NN #Yangon_Times

အခုရက်ပိုင်း ရန်ကုန်မှာ မိုးများလာတဲ့အတွက် ငမိုးရိပ်ဆည်ရေပိုလွှဲမှ (၂.၇၀)ပေ ကျော်လွန်‌နေတယ်လို့ သိရပါတယ်။
#Local_News
Published 26 September 2024
#အခုရက်ပိုင်းရန်ကုန်မိုးများ #ရေပိုလွှဲမှ(၃)ပေနီးပါးကျော်
#YMG/tthl #Yangon_Times

#Local_News
Published 26 September 2024

▪️ ၂၀၂၄ အာဆီယံ အမျိုးသမီး ဖူဆယ်ချန်ပီယံရှစ်ပြိုင်ပွဲယှဉ်ပြိုင်ရန် မြန်မာ့လက်ရွေးစင်ဖူဆယ်အမျိုးသမီးအသင်း၏ လေ့ကျင့်ခြင်းများကို ယခုလကုန်တွင် စတင်ပြုလုပ်သွားမည်ဖြစ်ကြောင်း သိရသည်။

▪️ အဆိုပါ ၂၀၂၄ ခုနှစ် အာဆီယံအမျိုးသမီး ဖူဆယ် ချန်ပီယံရှစ်ပြိုင်ပွဲကို ဖိလစ်ပိုင်နိုင်ငံတွင် ယခုနှစ် နိုဝင်ဘာ (၁၆)ရက် မှ (၂၂) ရက်နေ့အထိ ကျင်းပပြုလုပ်မည်ဖြစ်သည်။

▪️ ယင်းပြိုင်ပွဲတွင် ဝင်ရောက်ယှဉ်ပြိုင်မည့် မြန်မာ့လက်ရွေးစင် ဖူဆယ် အမျိုးသမီးအသင်းအား လေ့ကျင့်ပြင်ဆင်မှုများကို မြန်မာနိုင်ငံဘောလုံအဖွဲ့ချုပ် ဖူဆယ်ကစားကွင်း၌ ယခုလစက်တင် ဘာ (၃၀) ရက်မှ နိုဝင်ဘာ (၇) ရက်အထိ စခန်းသွင်း လေ့ ကျင့်ပြင်ဆင်သွားမည်ဖြစ်ကြောင်း သိရသည်။

၂၀၂၄ အာဆီယံ အမျိုးသမီး ဖူဆယ်ချန်ပီယံရှစ်ပြိုင်ပွဲအတွက် ပဏာမမြန်မာ့လက်ရွေးစင် ဖူဆယ်အမျိုးသမီးအသင်းကို MFF Women's Futsal Invitation Cup 2024 ပြိုင်ပွဲမှ ကစားသမား (၂၆) ဦးဖြင့် ဖွဲ့စည်းထားပြီး နည်းပြချုပ်အဖြစ် ဦးဌေးမြင့်မှ တာဝန်ယူ ဆောင်ရွက်သွားမည် ဖြစ်ကြောင်း သိရသည်။

#YMG/NN #Yangon_Times

#World_News
Published 26 September 2024

▪️ ရုရှားအနေနဲ့ သာမန်ဒုံးကျည်တွေနဲ့ တိုက်ခိုက်ခံရပါက နျူကလီးယားလက်နက်များဖြင့် ပြန်လည်တုန့်ပြန်သွားနိုင်တယ်လို့ သမ္မတ ဗလာဒီမာပူတင်က ဗုဒ္ဓဟူးနေ့မှာ အနောက်တိုင်းကို သတိပေးလိုက်ပြီး နျူကလီးယားလက်နက်ပိုင် နိုင်ငံနဲ့ ပူးပေါင်းတိုက်ခိုက်တယ်လို့ ယူဆမှာဖြစ်ကြောင်း ပြောသွားပါတယ်။

▪️ ရုရှားနျူကလီးယားလမ်းစဉ် ပြောင်းလဲဖို့ ဆုံးဖြတ်ချက်က အမေရိကန်နဲ့ ဗြိတိန်တို့ ယူကရိန်းကို ရုရှားနိုင်ငံထဲသို့ အနောက်တိုင်းဒုံးကျည်များဖြင့် ပစ်ခတ်ခွင့်ပေးမပေး ဆွေးနွေးမှုများနဲ့ ပတ်သက်ပြီး ရုရှားတုန့်ပြန်ချက်အပေါ် မူတည်နေပါတယ်။

▪️ ရုရှားအတွက် အန္တရာယ်များလာတဲ့ ကမ္ဘာ့ရေးရာကိစ္စတွေ လျင်မြန်စွာ ပြောင်းလဲနေတဲ့အပေါ် အပြောင်းအလဲတွေ လုပ်ရမှာဖြစ်တယ်ဆိုပြီး ပူတင်က ရုရှားလုံခြုံရေးကောင်စီ ဆွေးနွေးပွဲကို စတင်ဖွင့်လှစ်ပြောကြားခဲ့ပါတယ်။

▪️ ရုရှားကို တိုက်ခိုက်လိုနေတဲ့ နိုင်ငံက နျူကလီးယားလက်နက်ပိုင် မဟုတ်သော်လည်း နျူကလီးယားလက်နက်ပိုင် နိုင်ငံရဲ့အထောက်အပံ့ ယူထားတယ်ဆိုရင် ရုရှားဖက်ဒရေးရှင်းကို ပူးပေါင်းတိုက်ခိုက်တယ်လို့ ယူဆရမယ်လို့ အသက် ၇၁ နှစ်အရွယ် ပူတင်က ပြောသွားပါတယ်။
ရုရှားကို ဒုံးကျည်တွေ၊ လေယာဉ်တွေ၊ ဒရုန်းတွေနဲ့ စတင်တိုက်ခိုက်ပြီဆိုတာနဲ့ နျူကလီးယားလက်နက် အသုံးပြုခွင့်ရှိတယ်လို့ ပူတင်က ပြောပါတယ်။

▪️ ၂၀၂၀ ခုနှစ်က ပူတင်ထုတ်ပြန်ခဲ့တဲ့ လက်ရှိ ရုရှားနျူကလီးယားလမ်းစဉ်က ရုရှားနိုင်ငံတည်ရှိမှုကို ခြိမ်းခြောက်လောက်တဲ့ နျူကလီးယား တိုက်ခိုက်မှုမျိုး ခံလာရပါက ရုရှားအနေနဲ့ နျူကလီးယားလက်နက်များဖြင့် တုန့်ပြန်နိုင်ဖွယ်ရှိပါတယ်။

▪️ ဒါ့အပြင် ရုရှားမဟာမိတ် ဘီလာရုစ်အပါအဝင် ရုရှားနိုင်ငံတို့ကို နျူကလီးယားလက်နက်ပိုင် နိုင်ငံတစ်ခုရဲ့ အကူအညီဖြင့် သာမန်ဒုံးကျည်များ ပစ်ခတ်တာကိုလည်း ရုရှားက နျူကလီးယားဖြင့် တုန့်ပြန်သွားနိုင်တယ်လို့ ဆိုထားပါတယ်။

▪️ ဗျူဟာမြောက် နျူကလီးယားလက်နက်များ အသုံးပြုပါက နောက်ဆက်တွဲ အကျိုးဆက်တွေ ရှိလာနိုင်တာကို အမေရိကန်က စိုးရိမ်ပူပန်ကြောင်း ၂၀၂၂ တုန်းက ပြောခဲ့ပါတယ်။

▪️ နယ်စပ်ကိုဖြတ်ပြီး လေကြောင်းတိုက်ခိုက်မှုများ၊ ပဲ့ထိန်းဒုံးကျည်များ၊ ဒရုန်းများ၊ အသံထက်မြန် လက်နက်များဖြင့် တိုက်ခိုက်ခံရတယ်လို့ တိကျတဲ့သတင်း ရရှိပါက နျူကလီးယားလက်နက် အသုံးပြုဖို့ စဉ်းစားသွားမယ်လို့ ပူတင်က သတိပေးလိုက်ပါတယ်။

#Source: Reuters

#Local_News
Published 26 September 2024

ရန်ကုန်မြို့၌ Yangon International Trade Expo 2024 ကိုလာမည့် အောက်တိုဘာလအတွင်း ကျင်းပသွားမည်ဖြစ်ကြောင်း သိရသည်။

အဆိုပါ Networking Exhibition တစ်ခုဖြစ်သည့် Yangon International Trade Expo 2024 ကို ရန်ကုန်မြို့ရှိ Yangon Convention Center-YCC တွင် အောက်တိုဘာလ ၂၅ ရက်မှ ၂၇ ရက်အထိ ကျင်းပသွားမည် ဖြစ်သည်။

မြန်မာနိုင်ငံ၏ စီးပွားရေး လုပ်ငန်းများအတွက် အခြေခံကုန်ပစ္စည်းများ၊ ဝန်ဆောင်မှုလုပ်ငန်းများကိုပြပွဲအတွင်း လေ့လာနိုင်မည်ဖြစ်ပြီး ယင်းပြပွဲ၌ ဆောက်လုပ်ရေး၊ စက်ပစ္စည်းများဆိုင်ရာလုပ်ငန်းများ၊ အိမ်ခြံမြေနှင့် ရင်းနှီးမြုပ်နှံမှုဆိုင်ရာလုပ်ငန်းများ၊ ပညာရေး၊ ကျန်းမာရေးဆိုင်ရာ လုပ်ငန်းများ၊ IT ဆက်သွယ်ရေးနည်းပညာနှင့် Renewable Energy ဆိုင်ရာလုပ်ငန်းများ၊ စိုက်ပျိုး‌ရေးနှင့် စားသောက်ကုန်ဆိုင်ရာလုပ်ငန်းများနှင့်အခြားသော ၀န်ဆောင်မှုဆိုင်ရာလုပ်ငန်းများကို ပြခန်းပေါင်း ၂၀၀ ကျော်ဖြင့် ဖွင့်လှစ်ပြသသွားမည်ဖြစ်ကြောင်း သိရသည်။

#YMG/NN #Yangon_Times

#World_Health
Published 26 September 2024

▪️ ကလေးတွေက ဆော့ကစားနေတဲ့ အချိန်မှာ အကောင်းဆုံး လေ့လာသင်ယူဖွံ့ဖြိုးကြပါတယ်။
ဆော့ကစားခြင်းက ပျော်ရွှင်ဖို့အပြင် ရုပ်ပိုင်းဆိုင်ရာ၊ စိတ်ပိုင်းဆိုင်ရာ၊ ပညာရေးပိုင်း၊ လူမှုရေးပိုင်း ဖွံ့ဖြိုးမှုတွေမှာပါ အရေးကြီးပါတယ်။

▪️ ဒီလိုမျိုး ဖွံ့ဖြိုးမှုတွေကနေ အကျိုးရှိစေဖို့ သင့်လျော်တဲ့ ကစားနည်းတွေကို ရွေးချယ်တတ်ဖို့ လိုပါတယ်။

(၁) အရုပ်တုံးများဆက်ခြင်း
▪️ LEGO ၊ သစ်သားအရုပ်တုံးများဆက်ခြင်းတို့လို ကစားနည်းတွေက စဉ်းစားမှုပိုင်းနဲ့ ပြဿနာဖြေရှင်းခြင်း အပိုင်းတို့ကို တိုးတက်စေပါတယ်။

▪️ ဘယ်အတုံးတွေက ဘယ်နေရာမှာ အံဝင်လဲဆိုတာ နားလည်စေပြီး ဇွဲလုံ့လနဲ့ စိတ်ဓာတ်ကြံ့ခိုင်ရည် တို့ကို ပေးစွမ်းနိုင်ပါတယ်။

▪️ ဒါ့အပြင် ဦးနှောက်ထိန်းချုပ်တဲ့ ကိုယ်လက်လှုပ်ရှားမှုစွမ်းရည်၊ မျက်လုံးနဲ့လက် စည်းချက်ညီလှုပ်ရှားမှု၊ ဦးနှောက်စွမ်းရည်တို့ တိုးတက်စေပါတယ်။

(၂) မှတ်ဉာဏ်ဆိုင်ရာကစားနည်းများ
▪️ ကတ်ယှဉ်တွဲခြင်းလိုမျိုး ကစားနည်းတွေက ဦးနှောက်မှတ်သားမှု စွမ်းရည်တိုးတက်စေကာ အာရုံစူးစိုက်ခြင်း၊ မှတ်သားခြင်း၊ မှတ်ဉာဏ်ပြန်ဖော်ခြင်းတို့ အားကောင်းစေပါတယ်။

▪️ ဦးနှောက်ပိုင်းမှာ အလိုက်သင့် အသုံးချနိုင်စေသလို စိတ်ရှည်မှုနဲ့ ပညာရေးပိုင်းအတွက် စွမ်းရည်များ တိုးတက်စေပါတယ်။

(၃) တစ်စုံတစ်ဦးအဖြစ်သရုပ်ဆောင်ကစားနည်းများ
▪️ ဥပမာအားဖြင့် ဆရာဝန်၊ ကျောင်းဆရာ၊ စူပါဟီးရိုးတို့လိုမျိုး သရုပ်ဆောင်ကာ ဆော့ကစားခြင်းက လူမှုရေးနဲ့ စိတ်ခံစားမှု တိုးတက်ခြင်းတို့အတွက် ကောင်းမွန်ပါတယ်။

▪️ အခြားတစ်ဦးဦးရဲ့ နေရာကနေ စဉ်းစားတွေးခေါ် လုပ်ကိုင်ရတာကြောင့် လူမှုဆက်ဆံရေး၊ ပြဿနာဖြေရှင်းရေးတို့ကို သင်ယူနိုင်ပြီး သူငယ်ချင်းများနဲ့ ဆက်ဆံရေးခိုင်မာစေပါတယ်။

(၄) အိမ်အပြင်ဘက်ဆော့ကစားနည်းများ
▪️ တူတူပုန်းတမ်း၊ ဘောလုံးတို့လို ကစားနည်းတွေက ပြေးခြင်း၊ ခုန်ခြင်းတို့ ပြုလုပ်ရတာကြောင့် ကလေးရဲ့ ရုပ်ပိုင်းဆိုင်ရာ တိုးတက်စေတဲ့အပြင် ကြံ့ခိုင်ကာ ပူးပေါင်းဆောင်ရွက်တတ်စေပါတယ်။

▪️ သဘာဝတရားကြီးနဲ့ ပတ်သက်လို့ အတွေ့အကြံရစေကာ ရုပ်ပိုင်းဆိုင်ရာ ကြံ့ခိုင်ခြင်း၊ သွက်လက်ခြင်း၊ ပူးပေါင်းဆောင်ရွက်ခြင်းတို့ ပြုလုပ်လာနိုင်စေပါတယ်။

(၅) ပဟေဌိကစားနည်းများ
▪️ ပဟေဌိဆက်ခြင်းလိုမျိုး ဦးနှောက်သုံးရတဲ့ ကစားနည်းတွေက ပြဿနာဖြေရှင်းခြင်းနဲ့ စိတ်ရှည်ခြင်း စွမ်းရည်တို့ တိုးတက်စေကာ စဉ်းစားတွေးခေါ်မှုအပိုင်းနဲ့ အကျိုးသင့်အကြောင်းသင့် တွေးတောတတ်လာပါတယ်။

▪️ စိတ်ရှည်သည်းခံခြင်းနဲ့ ဇွဲရှိဖို့ကိုလည်း သိရှိစေနိုင်ပါတယ်။

(၆) ဘုတ်ပေါ်တွင်ကစားရသည့်ဂိမ်းများ
▪️ မိုနိုပိုလီ၊ ကျားထိုးခြင်းတို့လို ကစားနည်းတွေက ပျော်စရာကောင်းတဲ့အပြင် ဖွံ့ဖြိုးမှုနဲ့ပတ်သက်လို့ အကျိုးကျေးဇူးများစွာ ရှိပါတယ်။

▪️ ဒီကစားနည်းတွေက နည်းဗျူဟာ၊ စီစဉ်ခြင်း၊ ဆုံးဖြတ်ချက်ခြင်းတို့ လိုအပ်တာကြောင့် အဆိုပါစွမ်းရည်များ တိုးတက်စေတဲ့အပြင် မျှတစွာကစားခြင်းရဲ့ တန်ဖိုးကို နားလည်စေပါတယ်။

(၇) အနုပညာလက်ရာကစားနည်းများ
▪️ ပန်းချီဆွဲခြင်း၊ ဆေးခြယ်ခြင်း၊ ဖြတ်တောက်ကပ်ခြင်းတို့က ကလေးတစ်ယောက်ရဲ့ ဖန်တီးနိုင်စွမ်းကို တိုးတက်စေကာ စိတ်ကူးစိတ်သန်းရော လှုပ်ရှားမှုစွမ်းရည်ပါ တိုးတက်စေပါတယ်။

▪️ ပစ္စည်းတစ်ခုခု ပုံဖော်ခြင်းဆိုရင် ဆုံးဖြတ်ချက်ခြင်း၊ ပြဿနာဖြေရှင်းခြင်း၊ စဉ်းစားတွေးခေါ်ခြင်းတို့ ပေးစွမ်းနိုင်ပြီး ယုံကြည်မှုရှိစေပါတယ်။

▪️ ဒါကြောင့် ဒီလိုနည်းလမ်းတွေနဲ့ ကစားပေးခြင်းဖြင့် ပျော်ရွှင်စရာကောင်းရုံမက ကလေးတွေရဲ့ ဖွံ့ဖြိုးတိုးတက်မှုတို့ကိုလည်း တိုးတက်စေပါတယ်။

#Source: DoctorNDTV

#World_Health
Published 26 September 2024

▪️ အသက် ၂၀ အရွယ် အမျိုးသားတစ်ဦး အချိန် ၆ နှစ်ကြာအောင် နှာရည်ယိုဝေဒနာ ခံစားနေခဲ့ရကာ တကယ်တမ်းတော့ ဦးခေါင်းခွံမှာ အပေါက်ဖြစ်ပြီး ယိုစိမ့်နေတာ ဖြစ်ပါတယ်။

▪️ ဆီးရီးယားမှ ထိုအမျိုးသားဟာ နှာရည်ယိုခြင်းကို နာတာရှည် ခံစားနေခဲ့ရပြီး ခေါင်းကိုက်ခြင်းနဲ့ ကြွက်သားတက်ခြင်းတို့လည်း ဖြစ်ခဲ့တယ်လို့ ဆိုပါတယ်။

▪️ ဦးခေါင်းမှာ ဒဏ်ရာရပြီးနောက် ဒီလိုလက္ခဏာတွေ စတင်ခံစားလာရကြောင်း ပြောပါတယ်။

▪️ သာမန်အအေးမိတာမျိုးသာ ဖြစ်မယ်လို့ ထင်ခဲ့ပေမယ့် တကယ်တမ်းတော့ ဦးနှောက်နဲ့ ကျောရိုးမကြီးကို ကာကွယ်ပေးတဲ့ ဦးနှောက်အတွင်းမှ အရည်(CSF)တွေ ယိုစိမ့်နေတာ ဖြစ်ပါတယ်။

▪️ လွန်ခဲ့တဲ့ ၆ နှစ်ခန့်က ကားမတော်တဆဖြစ်ပြီး ဦးခေါင်းမှာ ဒဏ်ရာရခဲ့ကာ ဒီပြဿနာ စတင်ခံစားခဲ့ရပါတယ်။

▪️ ဒီနောက် ဦးနှောက်ကို ဓာတ်မှန်ရိုက်ရာမှာ ဦးခေါင်းထဲက ဦးနှောက်သားတွေက အပေါက်တွေကနေ စီးဆင်းနေတဲ့ အခြေအနေ မြင်တွေ့ခဲ့ရပါတယ်။

▪️ ထိုအခြေအနေက ဦးနှောက်ကို ဖုံးထားတဲ့ တစ်ရှူးတွေက အပေါက်တွေကနေ စတင်ထွက်လာတာ ဖြစ်ပါတယ်။

▪️ ထိုလူဟာ အစပိုင်းမှာတော့ ဆေးရုံကိုရောက်တဲ့အခါ ဒဏ်ရာတွေကို ကုသဖို့ ငြင်းဆန်ခဲ့ပါသေးတယ်။

▪️ နှာရည်ယိုလို့ ဆေးရုံမရောက်ခင် ၂ လအလိုမှာ ဦးနှောက်အမြှေးရောင်ရောဂါ ဖြစ်ခဲ့ပါတယ်။
ဆရာဝန်တွေက အထူးကြပ်မတ်ဌာနသို့ သွားရောက်ရန် ညွှန်ကြားခဲ့ပြီး ဦးနှောက်ဓာတ်မှန် ရိုက်ခဲ့ပါတယ်။

▪️ ထိုအခါမှာ ဦးခေါင်းမှာ ကွဲအက်နေပြီး နှာခေါင်းပေါက်ထဲသို့ ယိုစိမ့်နေတာကို တွေ့ခဲ့ကြပါတယ်။
ကွဲအက်ရာတွေကို ပြုပြင်ခွဲစိတ်ဖို့ အကြံပြုခဲ့ကြပေမယ့် ထိုလူက ငြင်းဆန်ခဲ့ပါတယ်။

▪️ နောက်ထပ် ၂ လအကြာမှာ ဆေးရုံပြန်ရောက်လာပြီး ခွဲစိတ်ရန် သဘောတူခဲ့ကာ ဦးနှောက်ခွဲစိတ်ဆရာဝန်က ဦးနှောက်အတွင်းသားတွေနဲ့ တစ်ရှူးတွေကို မူလနေရာသို့ ပြန်ထားခဲ့ပါတယ်။

▪️ ထိခိုက်ထားတဲ့ အမြှေးပါးတွေနဲ့ ဦးခေါင်းခွံအောက်ခြေကိုလည်း ပြန်လည်တည်ဆောက်ခဲ့ပါတယ်။

▪️ လူနာပြန်လည်သက်သာလာပြီးနောက် ၂ ရက်အကြာမှာ ဆေးရုံဆင်းသွားခဲ့ပါပြီ။

#Source: WION

နှစ်၃၀လုံးလုံး ဘတ်စ်ကားမောင်းခဲ့သည့် ယာဉ်မောင်းကြီးကို အငြိမ်းစားမယူခင် နောက်ဆုံးအခေါက် ခရီးသည်များက ကားပေါ်တွင်နှုတ်ဆက်ပွဲကျင်းပပေးခဲ့

နှစ်၃၀လုံးလုံးဘတ်စကားမောင်းခဲ့သည့်ဟန်ကျိုးမှ ယာဉ်မောင်းကြီး အငြိမ်းစားမယူခင် နောက်ဆုံးအခေါက်တွင် ခရီးသည်များက သူ့ကားပေါ်တွင် သူ့ကိုနှုတ်ဆက်ပွဲကလေးလုပ်ပေးခဲ့ကြပါတယ်။
#Asia_Society
Published 25 September 2024
#ယာဉ်မောင်းကြီး #ကားပေါ်တွင်နှုတ်ဆက်ပွဲကျင်းပ
#YMG #Yangon_Times #Yangon_Media_Group

#Daily_News
Published 25 September 2024

၁။ EV ကားများအပါအဝင် မှတ်ပုံတင်ထားသည့် ယာဉ်အစီးရေပေါင်း ၆ သန်းကျော်ရှိ

၂။ ရှမ်းကုန်များ ရန်ကုန်ပြန်ဆင်းလာ‌‌သော်လည်း ကုန်စိမ်းအချို့ဈေးဆက်တက်

၃။ နောက်(၄၈)နာရီအတွင်း ဒေသ(၁၂)ခု၌ မိုးကြီးပြီး လေပြင်းတိုက်ခတ်မည်

၄။ နှစ်၃၀လုံးလုံး ဘတ်စ်ကားမောင်းခဲ့သည့် ယာဉ်မောင်းကြီးကို အငြိမ်းစားမယူခင် နောက်ဆုံးအခေါက် ခရီးသည်များက ကားပေါ်တွင်နှုတ်ဆက်ပွဲကျင်းပပေးခဲ့ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၂၅ စက်တင်ဘာ ၂၀၂၄

ပင်းမြစ်ရေလျှံတဲ့အတွက် ချင်းမိုင်ရဲ့ မောင်ခရိုင်ရဲ့ မြို့လယ်နှင့် စီးပွားရေးအချက်အခြာနေရာတွေမှာ အင်္ဂါ နေ့ညကကစပြီး ရေကြီးရေလျှံမှုတွေဖြစ်နေတယ်လို့ ဘန်ကောက်ပို့စ်က သတင်းရေးသားပါတယ်။

ဗုဒ္ဓဟူးနေ့ညမှာ ချန်တောင်ခရိုင်ဘက်မှာ ရေကြီးရေလျှံမှဒကြီးနောက်ထပ်တစ်ခု ထပ်ဖြစ်ဦးမယ်လို့ ဒေသခံတွေကို သတိပေးထားပါတယ်။

ချင်းမိုင်မြို့ကို ဖြတ်သန်းစီးဆင်းတဲ့ ပင်းမြစ်ရဲ့ ရေမျက်နှာပြင်ဟာ ခပ်မြန်မြန်ကိုမြင့်တက်လာနေပါတယ်။  မြစ်ရေဟာ ယမန်နေ့ညက စိုးရိမ်ရေမှတ် ၄.၂ မီတာထက် ကျော်လွန်ရောက်ရှိခဲ့ပါတယ်။ ဗုဒ္ဓဟူးနေ့ မနက် ၅နာရီတိုင်းတာချက်အရ  မြစ်ရေဟာ ၄.၄၅ မီတာအမြင့်ကိုရောက်ရှိလာပြီး အဲဒီအမြင့်မှာ ငြိမ်နေပါတယ်။

မြစ်ရေလျှံမှုမကြောင့် ချန်ခန်နှင့် ချရွန်ဖရာသက်လမ်းတွေရှိတဲ့ စီးပွားရေးအချက်အခြာနေရာတွေနှင့် ညဈေးဘက်ကိုပါ ရေတွေမြင့်တက်ရောက်ရှိလာခဲ့ပါတယ်။

မြေနိမ့်ပိုင်းက ပါဒက်နှင့် နွန်ဟွိုင်းအရပ်တွေမှာ ရေတွေလွှမ်းသွားပါတယ်။

ချင်းမိုင်းမြူနီစပါယ်နှင့် ပြည်နယ်အေဂျင်စီတွေဟာ မြစ်ကမ်းနဖူးမှာ သဲအိတ်တွေချပြီး ရေကိုတားဆီး နေကြပါတယ်။ အဲဒီအပြင် ဒေသခံတွေကလည်း သူတို့ရပ်ကွက်အလိုက်မှာ သဲအိတ်တွေချထားနေကြ  ပါတယ်လို့သတင်းကရေးသားပါတယ်။ ဒီတစ်ခါရေကြီးတာ ၂၀၂၂တုန်းက အဆိုးရွားဆုံးရေကြီးခဲ့တာလိုပဲ လို့ဒေသခံတော်တော်များများကပြောနေကြပါတယ်။

ချင်းမိုင်မြူနီစပါယ်က ဒေသဆေးရုံမှာ  ရေဘေးဒုက္ခသည်တွေ အထူးသဖြင့် သက်ကြီးရွယ်အိုတွေကို ကူညီဖို့အတွက်  ယာယီအမိုးအကာ တစ်ခု တည်ဆောက်ပေးထားပါတယ်။

#ymg/knl

#Local_News
Published 25 September 2024

▪️ မြန်မာရေဘေးသင့်ပြည်သူများအတွက်ပြင်သစ် - မြန်မာကုန်သည်ကြီးများအသင်းနှင့် ကုမ္ပဏီများမှကျပ်သိန်း(၆၀၀)တန်ဖိုးရှိပစ္စည်းများ လှူဒါန်းခဲ့ကြောင်း မြန်မာနိုင်ငံကြက်ခြေနီအသင်းမှ သိရသည်။

▪️ ရေဘေးသင့်ပြည်သူများအတွက် မြန်မာနိုင်ငံကြက်ခြေနီအသင်းက လူမှုကရုဏာအကူအညီများပေးရာတွင် အသုံးပြုရန်အတွက် ရည်ရွယ်လှူဒါန်းခြင်းဖြစ်သည်။

▪️ မြန်မာရေဘေးသင့်ပြည်သူများအတွက် ပြင်သစ် - မြန်မာကုန်သည်ကြီးများအသင်းနှင့် ကုမ္ပဏီများ၊ မိတ်ဖက်အဖွဲ့အစည်းများ မှ ကျပ်သိန်း (၆၀,၆၀၀,၀၀၀) တန်ဖိုးနှင့်ညီမျှသော Basic Food Pack အရေအတွက် - ၅၀၀ နှင့် Hygiene Parcel - ၈၀၀ ကို ကြက်ခြေနီအသင်းရုံးခွဲသို့ လာရောက်လှူဒါန်းခဲ့ကြောင်း သိရသည်။

#YMG/tthl #Yangon_Times