#World_Health
Published 30 April 2024

▪️ ခေတ်ကာလ ကြာမြင့်လာတာနဲ့အမျှ လူသားတွေရဲ့ ဦးနှောက် ပိုမိုကြီးထွားလာတာ ဖြစ်နိုင်ဖွယ်ရှိတယ်လို့ မကြာသေးမီက လေ့လာချက်မှာ တွေ့ရှိခဲ့ပါတယ်။

▪️ ၁၉၇၀ ဝန်းကျင် မွေးဖွားခဲ့သူတွေရဲ့ ဦးနှောက်ဟာ ၁၉၃၀ ဝန်းကျင် မွေးဖွားခဲ့သူတွေရဲ့ ဦးနှောက်တွေထက် ထုထည် ၆.၆ ရာခိုင်နှုန်း၊ မျက်နှာပြင်ဧရိယာ ၁၅ ရာခိုင်နှုန်း ပိုမိုကြီးမားကျယ်ပြန့်လာတယ်လို့ UC Davis Health မှ သိပ္ပံပညာရှင်များ ထုတ်ဖော်ခဲ့ကြပါတယ်။

▪️ ဦးနှောက်အရွယ်အစားနဲ့ ပတ်သက်လို့ မျိုးဗီဇပိုင်းက အရေးကြီးပေမယ့် ကျန်းမာရေး၊ လူမှုရေး၊ ယဥ်ကျေးမှုနဲ့ ပညာရေးစတဲ့ ပြင်ပသက်ရောက်မှုတွေကလည်း ပါဝင်ပတ်သက်နေကြောင်း သုတေသနပြုစုသူ ပရော်ဖက်ဆာ ချားလ်စ်ဒီကာလီက ပြောပြပါတယ်။

▪️ သက်တမ်း ၇၅ နှစ်ခန့်ကြာမြင့်ပြီး ဒုတိယမျိုးဆက်နဲ့ တတိယမျိုးဆက်တို့ကိုပါ စမ်းသပ်စောင့်ကြည့်ခဲ့တဲ့ ဖရိမ်မင်ဂမ် နှလုံးလေ့လာချက်ကနေ သုတေသီတွေက အချက်အလက်တွေကို ပိုက်စိပ်တိုက် ရှာဖွေခဲ့တာ ဖြစ်ပါတယ်။

▪️ ပါဝင်စမ်းသပ်ခံသူတွေက ၁၉၂၅ မှ ၁၉၆၈ အတွင်း မွေးဖွားခဲ့သူတွေဖြစ်ကာ ပျမ်းမျှအသက် ၅၇ နှစ်ရှိကြပြီး ဦးနှောက် ဓာတ်မှန်ရိုက်ခဲ့ပါတယ်။

▪️ ထိုထဲမှာ လူပေါင်း ၃၂၂၆ ဦးပါဝင်ကာ အမျိုးသမီး ၅၃ ရာခိုင်နှုန်း၊ အမျိုးသား ၄၇ ရာခိုင်နှုန်း ဖြစ်ပါတယ်။

▪️ ၁၉၃၀ ဝန်းကျင် မွေးဖွားသူတွေမှာ ပျမ်းမျှဦးနှောက်ထုထည်က ၁၂၃၄ မီလီမီတာရှိပြီး ၁၉၇၀ ဝန်းကျင် မွေးဖွားသူတွေမှာတော့ ပျမ်းမျှ ၁၃၂၁ မီလီမီတာရှိကာ ၆.၆ ရာခိုင်နှုန်း မြင့်တက်လာပါတယ်။

▪️ ဦးနှောက်အစိတ်အပိိုင်းတွေ ဖြစ်တဲ့ မီးခိုးရောင်သား၊ အဖြူသား၊ ဟစ်ပိုကမ်းပတ်စ်တို့မှာလည်း အရွယ်အစား ကြီးလာတာကို မြင်တွေ့ခဲ့ကြပါတယ်။

▪️ ဒီလိုသာဆိုရင် အယ်လ်ဇိုင်းမားလိုမျိုး အသက်အရွယ်နဲ့ ဆိုင်တဲ့ ဦးနှောက်ယိုယွင်းရောဂါများ ဖြစ်ပွားမှု နည်းပါးလာနိုင်ပါတယ်။

▪️ စမ်းသပ်ချက်ထဲမှာလိုမျိုး ဦးနှောက်အရွယ်အစား ကြီးမားလာတာဟာ ဦးနှောက်ဖွံ့ဖြိုးမှုနဲ့ ဦးနှောက်ကျန်းမာရေး တိုးတက်လာတဲ့ သဘောဖြစ်နိုင်ဖွယ်ရှိတယ်လို့ ဒီကာလီက ရှင်းပြသွားပါတယ်။

#Source: New York Post

၂၉ ဧပြီ ၂၀၂၄

တည်ငြိမ်အေးချမ်းမှု ရှိပြီးဖြစ်သည့် မြို့/ရွာများအတွင်း အကြမ်းဖက်သောင်းကျန်းသူများ စိမ့်ဝင်ခိုအောင်းမှု မရှိစေရေး လုံခြုံရေး အသိ၊ လုံခြုံရေးသတိရှိစွာဖြင့် ကြိုတင်ကာကွယ်ရေးလုပ်ငန်းများကို တပ်မတော်နှင့်အတူ ပူးပေါင်းဆောင်ရွက်ရန် နစက ဒုတိယဥက္ကဋ္ဌ ဒုတိယဗိုလ်ချုပ်မှူးကြီးစိုးဝင်းက ကရင်ပြည်နယ်နှင့်မွန်ပြည်နယ်များမှ ဝန်ကြီးချုပ်များကို မှာကြားခဲ့တယ်လို့ သတင်းထုတ်ပြန်ချက်အရသိရပါတယ်။

ဧပြီလ ၂၉ရက်နေ့လယ်ပိုင်းက နစက ဒုတိယဥက္ကဋ္ဌ၊ဒုတိယတပ်မတော် ကာကွယ်ရေးဦးစီးချုပ် ကာကွယ်ရေး   ဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်းသည်ကရင်ပြည်နယ် နှင့် မွန်ပြည်  နယ်တို့မှ ဝန်ကြီးချုပ်များနှင့် ဌာနဆိုင်ရာတာဝန်ရှိသူများအား မော်လမြိုင်မြို့၌ တွေ့ဆုံအမှာစကားပြောကြားရာမှာ ယင်းကို ထည့်သွင်းမှာကြားခဲ့တာဖြစ်ပါတယ်။

ကရင်ပြည်နယ် နှင့်မွန်ပြည်နယ်တို့သည် နယ်စပ်ဒေသများဖြစ်ပြီး အရေးပါသော နယ်စပ်ကုန်သွယ်ရေး ဝင်ပေါက်များရှိသည့်အတွက် နှစ်နိုင်ငံဆက်ဆံရေး တိုးတက်ကောင်းမွန်အောင် ဆောင် ရွက်ရန်နှင့် နယ်စပ်ကုန်သွယ်ရေးကဏ္ဍ တိုးတက်အောင် ကြိုးပမ်းဆောင်ရွက်ရန် ဒုတိယဗိုလ်ချုပ်မှူးကြီးက မှာကြားခဲ့ကြောင်း သတင်းထုတ်ပြန်ချက်မှာဖော်ပြထားပါတယ်။

ယင်းအပြင်လက်ရှိဖြစ်ပွားနေသည့် အကြမ်းဖက်တိုက်ခိုက်မှုဖြစ်စဉ်များနှင့် ပတ်သက်၍ နိုင်ငံတော်အစိုးရ၊ တပ်မတော်နှင့် ပြည်သူ သုံးဦးသုံးဖလှယ် ပူးပေါင်း ဆောင်ရွက်ရမည်ဖြစ်ပြီး ဒေသခံပြည်သူများ ပူးပေါင်းပါဝင်မှသာ အောင်မြင်နိုင်မည် ဖြစ်သည့်အတွက် တာဝန်ရှိသူများအနေဖြင့် ဒေသတည်ငြိမ်အေးချမ်းရေးအတွက် ဒေသခံပြည်သူများကို နားလည်သဘောပေါက်အောင် ရှင်းလင်းဆွေးနွေးစည်းရုံး ဆောင်ရွက်သွားရန်လည်း သူက ဆက်လက်ပြောကြားခဲ့ပါတယ်။

ကရင်ပြည်နယ်နှင့် မွန်ပြည်အတွင်းရှိ ကျောင်းသား၊ ကျောင်းသူများ စိတ်အေးချမ်းသာစွာ ပညာသင်ကြား နိုင်ရေး  နှင့် ဒေသခံပြည်သူများ လိုအပ်သည့်ကျန်းမာရေးစောင့်ရှောက် မှုများ ဆောင်ရွက်ပေးနိုင်ရန်အတွက် ပေါင်းစပ်  ညှိနှိုင်းဆောင်ရွက်ပေးရန်လည်း ဒုတိယဗိုလ်ချုပ်မှူးကြီးက မှာကြားခဲ့တယ်လို့သိရပါတယ်။

အဲဒီနောက် ပြည်နယ်ဝန်ကြီးချုပ်နှစ်ဦးနှင့်တာဝန်ရှိသူတွေက နယ်စပ်ဒေသ တည်ငြိမ်အေးချမ်းရေးနှင့် လုံခြုံရေး  ဆိုင်ရာကိစ္စရပ်များ၊ ယာယီနေရပ် စွန့်ခွာပြည်သူများနေထိုင်နိုင်ရန် ယာယီတိုက်ပွဲရှောင်စခန်းများ ဖွင့်လှစ်ထား   ရှိမှုနှင့် လိုအပ်သည့် ထောက်ပံ့ပစ္စည်းများနှင့် ထောက်ပံ့ငွေများ ဖြည့်ဆည်းဆောင်ရွက်ပေးနေမှုများ၊ အကြမ်းဖက်  သမားများ ဖျက်စီးခဲ့မှုကြောင့် ပျက်စီးခဲ့သည့်မြို့၊ ရွာများတွင်ပြန်လည်ထူထောင်ရေးနှင့် မိုင်ရှင်းလင်းရေး    လုပ်ငန်းများ ဆောင်ရွက်လျက်ရှိမှုနှင့် ကျောင်းဖွင့်ရာသီတွင် ကျောင်းသား၊ ကျောင်းသူများစိတ်အေးချမ်းသာစွာ ပညာသင်ကြားနိုင်ရေး စီမံဆောင်ရွက်နေမှုများကို ပြန်လည်တင်ပြခဲ့တယ်လို့လည်း သတင်းမှာဖော်ပြထားပါတယ်။

မွန်းလွဲပိုင်းတွင် ဒုတိယဗိုလ်ချုပ်မှူးကြီဂသည် အရှေ့တောင်တိုင်းစစ်ဌာနချုပ် အစည်းအဝေးခန်းမ၌ တပ်နယ်များမှ တပ်မှူးများနှင့် တာဝန်ရှိသူများအား တွေ့ဆုံ၍ စစ်ဆင်ရေး၊ နယ်မြေစိုးမိုးရေးနှင့် လုံခြုံရေးပိုင်းဆိုင်ရာ များအား ညှိနှိုင်းဆွေးနွေးမှာကြားခဲ့တယ်လို့လည်း သတင်းထုတ်ပြန်ထားပါတယ်။

ဒုတိယဗိုလ်ချုပ်မှူးကြီးဟာ မနက်ပိုင်းကလည်း မွန်ပြည်နယ်၊ မော်လမြိုင်မြို့ရှိ နယ်မြေခံတပ်မတော်ဆေးရုံ၌ တက်ရောက်ကုသမှုခံယူလျက်ရှိသည့် နိုင်ငံတော်ကာကွယ်ရေး နှင့်လုံခြုံရေးတာဝန်များထမ်းဆောင်စဉ် ထိခိုက် ဒဏ်ရာရရှိခဲ့တဲ့ အရာရှိ၊ စစ်သည်များအား သွားရောက်ကြည့်ရှုဂုဏ်ပြုအားပေးစကား ပြောကြားခဲ့ကြောင်း သိရှိရပါ တယ်။

@ymg/knl

အီတလီမှ နာမည်ကြီး ဗင်းနစ်မြို့ဟာ ကြာသပတေးနေ့က အငြင်းပွားဖွယ်စနစ်တစ်ခုကို စတင်လိုက်ပြီး မြို့သို့နေ့တစ်ပိုင်းသာ လာရောက်လည်ပတ်သူတွေကို ၅ ယူရိုငွေ အခကြေး ကောက်ခံသွားမှာ ဖြစ်ပါတယ်။
#World_News
Published 29 April 2024
#ဝင်ကြေးကို ၅ယူရိုကောက်ခံ #အီတလီမှနာမည်ကြီးဗင်းနစ်မြို့
#YMG_News #Yangon_Times #Yangon_Media_Group

#Daily_News
Published_ 29 April 2024

၁။ မေလ ၂ရက်ကစပြီးတိုင်းဒေသကြီးနှင့် ပြည်နယ်အားလုံးရှိ နိုင်ငံကူးလက်မှတ်ထုတ်ပေးရေးရုံးများတွင် Online Appointment System ဖြင့် ကြိုတင်ရက်ချိန်းယူနိုင်ပြီဟုဆို

၂။ ဂျပန်စာသင်တန်း‌‌ကျောင်းများ အပိတ်မခံရ‌အောင် မှတ်ပုံတင်ကြရန်လို

၃။ ပြည်တွင်း သကြားဈေး မြင့်တက်လာ

၄။ ဗင်းနစ်မြို့သို့ လာရောက်လည်ပတ်သည့် ဝင်ကြေးကို ၅ယူရိုကောက်ခံသွားမည်ဆို၍ တုန့်ပြန်မှုတွေများနေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

မီးလာရမယ့်အချိန်တွေ ပုံမှန်မလာတော့တဲ့အတွက် ထမင်း၊ ဟင်းမကျက်တော့သလို ရေတင်ဖို့လည်း အခက်အခဲတွေကြုံနေရတယ်။ ‌မီးမလာလို့ပန်ကာ၊ အဲကွန်းမရဘဲ ညဘက်အိပ်ရေးမဝတာ ဆက်တိုက်ဖြစ်လာတယ်။
#Local_News
Published_ 29 April 2024
#အများပြည်သူအခက်တွေ့နေ #လျှပ်စစ်မီးရရှိမှု
#tthl #Yangon_Times

#Local_News
Published 29 April 2924

▪️ ထိုင်းနိုင်ငံသို့ MOU မြန်မာအလုပ်သမား ၂၄၆ဦးကို ယနေ့ဧပြီ ၂၉ရက် မနက်ပိုင်းက ရန်ကုန်လေဆိပ်မှ ထိုင်းနိုင်ငံ ဒွန်မောင်းလေဆိပ်သို့လေကြောင်းဖြင့် စတင်စေလွှတ်ခဲ့ကြောင်း အလုပ်သမားဝန်ကြီးဌာနမှ သိရသည်။

▪️ ယခင်ကထိုင်းနိုင်ငံသို့ MOU အလုပ်သမားများကို မြဝတီ-မဲဆောက်နှင့်ကော့သောင်း-ရနောင်းတို့ မှ ကားဖြင့်သာစေလွှတ်ခဲ့ကာ ယခုမှစတင်ပြီး လေကြောင်းဖြင့် ပထမ ဆုံးစေလွတ်ခြင်းဖြစ်သည်။

▪️ အဆိုပါ စေလွှတ်မှုတွင် လိုင်စင်ရ အေဂျင်စီ ၇ ခု မှ အမျိုးသားအလုပ်သမား ၁၁၆ဦး ၊အမျိုးသမီး အလုပ်သမား ၁၃၀ဦးတို့ကို MAIနှင့် Air Asia လေကြောင်းလိုင်းတို့ဖြင့် စေလွှတ်ခဲ့ကြောင်း သိရသည်။

▪️ ယင်းအလုပ်သမားများကို ဒွန်မောင်းလေဆိပ်တွင် မြန်မာအလုပ်သမား သံရုံး မှ တာဝန်ရှိသူများ၊ထိုင်းနိုင်ငံ ဒွန်မောင်းလေဆိပ်က တာဝန်ရှိသူများ၊ထိုင်းအလုပ်အကိုင်ဌာန DOE မှ တာဝန်ရှိသူများနှင့်ထိုင်းနိုင်ငံ ဘတ်ငါးသန်းအေဂျင်စီ ၊မြန်မာအေဂျင်စီတို့ မှ လေဆိပ်တွင် လာရောက်ကြိုဆိုပေးခဲ့ကြောင်း သိရသည်။

▪️ အဆိုပါ အလုပ်သမားများကို ဆေးစစ်မှုဆောင်ရွက်ခြင်း၊ ဗီဇာဆောင်ရွက်ခြင်း၊ work permit ဆောင်ရွင်ခြင်းနှင့် လုပ်ငန်းခွင်အသိပညာပေးခြင်းများ ဆောင်ရွက်ပေးခဲ့ပြီး သက်ဆိုင်ရာလုပ်ငန်းခွင်ကို သွားရောက်ရန်ဆောင်ရွက်ပေးခဲ့ကြောင်း သိရသည်။

#YMG/LW #Yangon_Times

သုခဒဂုံပြည်သူ့အငှားအိမ်ရာ ဒုတိယအဆင့်၏ အခန်းပေါင်း ၇၆၈ ခန်းအတွက် မီတာ‌တွေကို အခန်းတွေမှာလာမယ့် မေလအတွင်းတပ်ဆင်သွားမယ်လို့ ဆောက်လုပ်ရေးဝန်ကြီးဌာန၊ မြို့ပြနှင့်အိမ်ရာဖွံ့ဖြိုးရေးဦးစီးဌာန(ရန်ကုန်)က သိရပါတယ်။
#Local_News
Published_ 29 April 2024
#သုခဒဂုံပြည်သူ့အငှားအိမ်ရာ #မြို့ပြနှင့်အိမ်ရာဖွံ့ဖြိုးရေးဦးစီးဌာန
#YMG/NN #Yangon-Times

ဂျပန်စာသင်တန်းကျောင်းတွေ အပိတ်မခံရအောင်မှတ်ပုံတင်ထားဖို့လိုတယ်။  ချယ်ရီပင်ကဲ့သို့ ဂျပန်လူမျိုးတွေ တန်ဖိုးထားရတဲ့အရာတွေ ဆွတ်ခူးမိတာမျိုးတွေမဖြစ်အောင် ဂျပန်ယဉ်ကျေးမှုတွေ ပါသင်ပေးထားသင့်တယ်။
#Local_News
Published_ 29 April 2024
#ဂျပန်ယဉ်ကျေးမှုပါသင်ပေးသင့် #ဂျပန်စာသင်တန်း‌‌ကျောင်းများမှတ်ပုံတင်ရန်
#tthl #Yangon_Times

ကြံကြိတ်ခွဲရာသီဖြစ်ပေမယ့်လည်း ပြည်တွင်းကထွက်ရှိတဲ့သကြား‌တွေ ဝယ်လိုအားများနေတာကြောင့် သကြားဈေး မြင့်တက်လာတယ်လို့ မြန်မာနိုင်ငံကြံနှင့်ကြံထွက်ပစ္စည်းလုပ်ငန်းရှင်များအသင်း သိရပါတယ်။
#Local_News
Published_ 29 April 2024
#သကြားဈေးမြင့်တက်လာ #ကြံနှင့်ကြံထွက်ပစ္စည်းလုပ်ငန်းရှင်များအသင်း
#YMG/NN #Yangon_Times

လာမယ့် မေလ ၂ရက်ကစပြီး တိုင်းဒေသကြီးနဲ့ ပြည်နယ်အားလုံးရှိ နိုင်ငံကူးလက်မှတ်ထုတ်ပေးရေးရုံးတွေမှာ နိုင်ငံကူးလက်မှတ် (passport)အသစ်လျှောက်ခြင်း၊ သက်တမ်းတိုးခြင်း ပျောက်ဆုံးပျက်စီးစတဲ့ လုပ်ငန်းစဉ်တွေ ဆောင်ရွက်ဖို့အတွက် လူကိုယ်တိုင်ရက်ချိန်း လာမယူရတော့ဘဲ Online Appointment System စနစ်ဖြင့် ကြိုတင်ရက်ချိန်း ရယူနိုင်ပြီ ဖြစ်တယ်လို့ မြန်မာနိုင်ငံကူးလက်မှတ်ထုတ်ပေးရေးအဖွဲ့ရဲ့ ထုတ်ပြန်ကြေညာချက်အရ သိရပါတယ်။
#Local_News
Published_ 29 April 2024
#Online_Appointment_System #ရက်ချိန်းစတင်ယူနိုင်ပြီ
#YMG/LW #Yangon_Times

#Local_News
Published_ 29 April 2024

▪️ အလယ်တန်း‌အောင်၊ အထက်တန်းအောင်မြင်သူ များအတွက်ရန်ကုန်နိုင်ငံခြားဘာသာတက္ကသိုလ်၊ လူ့စွမ်းအားအရင်းအမြစ်ဖွံ့ဖြိုးမှုဌာနမှ ပထမဦးဆုံးအကြိမ်အဖြစ်ကိုရီးယား ဘာသာစကားသင်တန်းဖွင့်လှစ်မည်ဖြစ်ကြောင်း သိရသည်။

▪️ အသက်(၁၈)နှစ်နှင့်အသက် ၃၅ နှစ်အောက်  အလယ်တန်း အောင်မြင်ထားသူ အမျိုးသားများနှင့်အထက်တန်းအောင်မြင်သူအမျိုးသမီးများ လျှောက်ထားတက်ရောက်နိုင်မည်ဖြစ်သည်။

▪️ သင်တန်းကို(၃၀.၄.၂၀၂၄) မှ (၉.၅.၂၀၂၄) ရက်အထိလျှောက်ထားနိုင်ပြီး(၁၁.၅.၂၀၂၄ ) ရက်နေ့တွင်သင်တန်းစတင် ဖွင့်လှစ်ကာ(၆)လတက် ရောက်ရမည်ဟုဆိုသည်။

▪️ သင်တန်းကာလ ၆ လ၊ သင်တန်းကြေး၃ သိန်းသတ်မှတ်ထားပြီးသင်တန်းအချိန်  စနေ၊ တနင်္ဂနွေ ၂ ရက်နေ့လည် ၁ နာရီမှ ၄ နာရီ အထိတက်ရောက်ရမည်ဖြစ်ကြောင်း သိရသည်။

▪️ သင်တန်းတက်ရောက်ရန်စိတ်ဝင်စားသူများ နိုင်ငံခြားဘာသာတက္ကသိုလ်၊ သင်တန်းရေးရာဌာနသို့ ဆက်သွယ်ကာ လျှောက်လွှာပုံစံများထုတ်ယူပြီးလျှောက်ထားနိုင်ကြောင်း သိရသည်။

#tthl #Yangon_Times

#Local_News
Published_ 29 April 2024

▪️ ရှမ်းပြည်နယ်တောင်ပိုင်း၊ အင်းလေး‌ဒေသ၌  စတင်အသုံးပြုနေသည့် ချည်ထည်လုပ်ငန်းများမှ စွန့်ပစ်ရေဆိုးများအား ဇီဝနည်းပညာဖြင့် သန့်စင်သည့် နည်းစနစ်တောင်းခံသူများကို လက်ခံဆောင်ရွက်ပေးသွားမည်ဖြစ်ကြောင်း သိပ္ပံနှင့် နည်းပညာဝန်ကြီးဌာန၊ အဆင့်မြင့် သိပ္ပံနှင့် နည်းပညာဦးစီးဌာနမှ သိရသည်။

▪️ အင်းလေး ဒေသရှိ အင်းပေါခုံကျေးရွာတွင်ချည်ထည်လုပ်ငန်းများမှ ထွက်ရှိသည့် စွန့်ပစ်ရေဆိုးများအား ဇီဝနည်းပညာဖြင့် သန့်စင်သည့် နည်းစနစ်ကိုစတင် အသုံးပြုလျက်ရှိခြင်းဖြစ်သည်။

▪️ အဆိုပါ ရေသန့်စင်စနစ်ကို ချည်မျှင်နှင့် အထည်လုပ်ငန်းရှင်များ သာမက ယင်းလုပ်ငန်းတွင်  လုပ်ကိုင်နေသည့်  လုပ်သားများပါ အလွယ်တကူနားလည်လွယ်ပြီး  ကုန်ကျစရိတ်လည်း သက်သာ၍ ဓာတုပစ္စည်း အသုံးပြုခြင်းကိုလည်း လျှော့ချနိုင်ရာယင်း နည်းပညာကိုတောင်းခံသူတိုင်းအတွက်လည်း ဆက်လက်လက်ခံဆောင်ရွက်ပေးမည် ဖြစ်ကြောင်း သိရသည်။

▪️ ထိုသို့ဆောင်ရွက်ပေးရာတွင် မြေပြင်၌ တည်ဆောက်ခြင်း၊ ရေသန့်စင်ခြင်းလုပ်ငန်းများကို အခြေကျသည် အထိ လိုက်လံဆောင်ရွက်ပေးမည်ဖြစ်ကြောင်း  သိရသည်။

▪️ ယင်းနစ်သည် စွန့်ပစ်ထားသည့်  ရေဆိုးကန်များထဲမှ  ရှာဖွေရရှိထားသည့် အနုဇီဝပိုး ၁၃ မျိုးကို အသုံးပြုပြီး ချေဖျက်သန့်စင်ခြင်း နည်းလမ်းဖြင့်  လုပ်ဆောင်ထားသကဲ့သို့  ယခု နည်းပညာကို သိပ္ပံနှင့်နည်းပညာဝန်ကြီးဌာန၊ အဆင့်မြင့်သိပ္ပံနှင့် နည်းပညာဦးစီးဌာနမှ ၂၀၂၃-၂၄ ဘဏ္ဍာနှစ်အတွင်း၌  အင်းလေး ကန်တွင်းရှိ အင်းပေါခုံရွာမှ ဦးသန်းလှိုင်၏  ရက်ကန်းရုံ၌  စံနာမူနာပြ လက်တွေ့အကောင်အထည်ဖော်တည်ဆောက် သန့်စင် ခဲ့ခြင်းဖြစ်ကြောင်းသိရသည်။

▪️ အဆိုပါ စနစ်၏  အကျိုးကျေးဇူးအနေဖြင့် စွန့်ပစ်ရေများကို သဘာဝရေအရင်းအမြစ်များသို့ ပြန်လည် မစွန့်ပစ်မီ  အဆိပ်ဓါတ်ပါဝင်မှုလျော့နည်းသွားစေရန် သန့်စင်ပေးသည့် အတွက် သဘာဝရေအရင်းအမြစ် ထိခိုက်မှုကို လျော့နည်းစေမည်ဖြစ်သကဲ့သို့  စိုက်ပျိုးရေးအတွက် ပြန်လည်အသုံးပြုနိုင်သည့်  ရေအထိ သန့်စင်နိုင်ကာ ယင်းစနစ်၏ ရေသန့်စင်နိုင်သည့် ပမာဏသည် ညစ်ညမ်းမှု၏  ၇၀ ရာခိုင်နှုန်းအထိ ဖယ်ရှားပေးနိုင်ကြောင်း သိရသည်။

#YMG/NN #Yangon-Times