၂ အောက်တိုဘာ ၂၀၂၄

မိသားစုဝင်အချင်းချင်း ကြည့်ရှုစောင့်ရှောက်ကြသကဲ့သို့ပင် အိန္ဒိယနိုင်ငံသည် မြန်မာပြည်သူများနှင့်အတူ ခိုင်မာစွာ   ရပ်တည်နေပါကြောင်းနှင့် ယင်းနှင့်ပတ်သက်၍ ဥပမာ ပြစရာတစ်ခုမှာ မကြာသေးမီက ရေဘေးအကူပစ္စည်း ၅၃ တန်ကို မြန်မာနိုင်ငံအတွက် အိန္ဒိယအစိုးရက “စေတနာ  စစ်ဆင်ရေး-Operation Sadbhav အမည်ဖြင့် လှူဒါန်းခဲ့ခြင်းပင်ဖြစ်တယ်လို့ မြန်မာနိုင်ငံဆိုင်ရာ အိန္ဒိယ   သံအမတ် ကြီး Mr. Abhay Thakur ကပြောကြားပါတယ်။

၁၅၅ နှစ်မြောက် မဟတ္တမ ဂန္ဒီမွေးနေ့အထိမ်းအမှတ်အခမ်းအနားကို ယနေ့ အောက်တိုဘာ ၂ ရက်ညနေပိုင်းက ရန်ကုန်မြို့ရှိ အိန္ဒိယယဉ်ကျေးမှုစင်တာ၌ ကျင်းပခဲ့ရာမှာ အိန္ဒိယသံအမတ်ကြီးက ယင်းကိုထည့်သွင်းပြောကြား  ခဲ့ခြင်းဖြစ်ပါတယ်။

အဆိုပါအခမ်းအနားကို မြန်မာနိုင်ငံဆိုင်ရာ အိန္ဒိယသမ္မတနိုင်ငံ သံအမတ်ကြီး Mr. Abhay Thakur နှင့် ဦးနေအုပ် (စိန်ပေါ)   တို့က မဟတ္တမ ဂန္ဒီ‌ အောက်မေ့ဘွယ်ဆီးမီးတိုင်များထွန်းညှိပြီးဖွင့်လှစ်ပေးခဲ့ပါတယ်။

အခမ်းအနားတွင် မြန်မာနိုင်ငံဆိုင်ရာ အိန္ဒိယသမ္မတနိုင်ငံ သံအမတ်ကြီး Mr. Abhay Thakur က အမှာစကား ပြောကြားရာ၌ “ကျွန်တော်တို့ဟာ မြန်မာနိုင်ငံကို မိတ်ဆွေစစ်အဖြစ် ထားရှိခဲ့ပါတယ်။ လိုအပ်တဲ့အခါ ရှိနေမယ့် မိတ်ဆွေအဖြစ်နှင့်ဖြစ်ပါတယ်။ ကမ္ဘာကြီးအားလုံးဟာ မိသားစုတစ်စု Vasudhaiva Kutumbakam ဆိုတဲ့ စကား လိုပဲ ရှိနေပါတယ်” လို့ ဆက်လက်ပြောကြားခဲ့ပါတယ်။

အခမ်းအနားတွင် ဗုဒ္ဓဘာသာဆိုင်ရာစာပေများကို သံအမတ်ကြီးက ရွှေတိဂုံစေတီတော်ကြီးနှင့် ထေရဝါဒဗုဒ္ဓ တက္ကသိုလ်များသို့လည်း ပေးအပ်လှူဒါန်းခဲ့ပါတယ်။

အဲဒီနောက် မဟတ္တမဂန္ဒီကြီးအား ဂုဏ်ပြုသည့် အိန္ဒိယယဉ်ကျေးမှုအကအစီအစဉ်ကိုတင်ဆက်ခဲ့ပါတယ်။

အခမ်းအနားတွင် စာရေးဆရာဟိန်းလတ်၊ဒေါက်ထွေး(မန်း)နှင့် ဦးနေအုပ်(စိန်ပေါ)တို့က ဂန္ဒီနှင့်ပတ်သက်သော အမှတ်တရ ဂုဏ်ပြုစကားတွေကိုပြောကြားခဲ့ကြပါတယ်။

မဟတ္တမဂန္ဒီသည်  ၁၉၀၂ ခုနှစ် ၁၉၁၅ခုနှစ်နှင့် ၁၉၂၉ခု နှစ်တို့တွင် သုံးကြိမ်တိုင်လာရောက်လည်ပတ်ခဲ့ဖူးသည့် အိန္ဒိယ၏ ကိုလိုနီဆန့်ကျင်ရေး အမျိုးသားရေးခေါင်းဆောင်တစ်ဦးဖြစ်ပါတယ်။ သူဟာ ၁၉၂၉ ခုနှစ် မတ်လ ၈ ရက်နေ့တွင် မဟာဗန္ဓုလပန်းခြံ၌ မြန်မာပြည်သူများကို လွတ်လပ်ရေးအသိနိုးကြားရန် လှုံဆော်အားပေးစကား ပြောကြားခဲ့ကြောင်းလည်းသိရှိရပါတယ်။

@ymg/knl

#Daily_News
Published 2 October 2024

၁။ သီတင်းကျွတ်ပိတ်ရက် ကျိုက်ထီးရိုးစေတီ‌တော်၌ ဘုရားဖူး(၅၀၀)ကျော် အခမဲ့တည်းခိုနိုင်အောင်စီစဉ်ပေးထား

၂။ ရွှေတောင်ဒေသထွက်မီးပုံးများ အော်ဒါများစတင်ရရှိ

၃။ ကောလဟာလများ မယုံကြရန်နှင့် ရွှေထွက်ရာသီဖြစ်သောကြောင့် စိုးရိမ်ပူပန်မှုမရှိဘဲ ရောင်းဝယ်ရန် YGEA ဥက္ကဌတိုက်တွန်း

၄။ Black Myth: ဝူခုန်း ဂိမ်းဖန်တီးနေခဲ့ချိန်အတွင်း အခက်အခဲများစွာကြုံတွေ့ခဲ့ရသော်ငြားကျော်လွှားနိုင်ခဲ့ကြောင်း ဂိမ်းကုမ္ပဏီစီအီးအိုပြောကြား ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

အခုရက်ပိုင်းအတွင်းမှာ စစ်ကိုင်းအပါအဝင်ဒေသ(၁၄)ခု မိုးကြီးရေလျှံဖို့ရှိတယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်။ နာဂဒေသတွေ၊ လေရှီးနဲ့ လဟယ်ကြား၊ စစ်ကိုင်းတိုင်းအထက်ပိုင်းက ခန္တီးနဲ့ထမံသီကြား မိုးအလွန်များနိုင်တယ်လို့ သိရပါတယ်။
#Local_News
Published 2 October 2024
#(၄၈)နာရီအတွင်း #မိုးကြီးရေလျှံ၊မြေပြိုနိုင်
#YMG/tthl #Yangon_Times

ရွှေဈေးကွက်နဲ့ပတ်သက်လို့ ကောလဟာလတွေ မယုံကြဖို့နဲ့ လက်ရှိအချိန်ဟာ  ရွှေထွက်ရာသီဖြစ်တာကြောင့် စိုးရိမ်ပူပန်မှုမရှိဘဲရောင်းဝယ်ဖို့ ရန်ကုန်တိုင်းဒေသကြီး ရွှေလုပ်ငန်းရှင်များအသင်း YGEA ဥက္ကဌဦးမျိုးမြင့်က တိုက်တွန်းလိုက်ပါတယ်။
#Local_News
Published 2 October 2024
#ကောလဟာလတွေမယုံကြဖို့ #YGEA
#YMG/NN #Yangon_Times

ပဲခူးတိုင်းဒေသကြီး ရွှေတောင်မြို့ကထွက်ရှိတဲ့ ဒေသထွက်မီးပုံး အော်ဒါတွေ စတင်ရရှိနေပြီလို့ မီးပုံးလုပ်ငန်းလုပ်ကိုင်သူတွေထံက သိရပါတယ်။
#Local_News
Published 2 October 2024
#ရွှေတောင်ဒေသထွက်မီးပုံး #အော်ဒါများစတင်ရရှိ
#YMG/NN #Yangon_Times

သီတင်းကျွတ်ပိတ်ရက်ကျိုက်ထီးရိုးစေတီ‌တော်မှာ ဘုရားဖူး(၅၀၀)ကျော် အခမဲ့တည်းခိုနိုင်အောင်စီစဉ်ပေးထားတယ်လို့ သိရပါတယ်။
#Local_News
Published 2 October 2024
#ကျိုက်ထီးရိုးစေတီ‌တော် #အခမဲ့တည်းခိုနိုင်
#YMG/tthl #Yangon_Times

#Local_News
Published 2 October 2024

▪️ ရန်ကုန်မြို့ရှိ လောကချမ်းသာအဘယလာဘမုနိရုပ်ပွားတော်မြတ်ကြီး. (ကျောက်တော်ကြီး )ဘုရားတွင်  (၂၉)ကြိမ်မြောက် အဘိဓမ္မာခုနစ်ကျမ်း ရွတ်ဖတ်ပူဇော်ပွဲ ကျင်းပသွားမည်ဖြစ်ကြောင်း သိရသည်။

▪️ အဆိုပါ လောကချမ်းသာအဘယလာဘမုနိ ရုပ်ပွားတော်မြတ်ကြီးသည် အင်းစိန်မြို့နယ်၊ ကြို့ကုန်းအရှေ့ရပ်ကွက်၊ မင်းဓမ္မကုန်းတော်ပေါ်တွင် တည်ထားကိုးကွယ် လျက်ရှိပြီး ဘုရားဝင်းအတွင်း၌ (၂၉)ကြိမ်မြောက် အဘိဓမ္မာခုနစ်ကျမ်းတော်မြတ်ရွတ်ဖတ်ပူဇော်ပွဲကို အောက်တိုဘာလ ၈ ရက်မှ ၁၆ ရက်အထိ ကိုးရက်တိုင်တိုင်  ကျင်းပသွားမည်ဖြစ်ကြောင်း သိရသည်။

▪️ ထိုသို့ကျင်းပရာတွင် ဆရာတော်သံဃာတော် ၂၇ ပါးတို့ကို အရုဏ်ဆွမ်း၊ နေ့ဆွမ်း၊ သင်္ကန်း၊ ကန်တော့ပွဲနှင့် နဝကမ္မ အလှူငွေများကို တာဝန်ရှိသူများက ဆက်ကပ်လှူဒါန်းသွားမည်ဖြစ်ပြီး အဘိဓမ္မာခုနစ်ကျမ်းရွတ်ဖတ်ပူဇော်ပွဲသွားမည်ဖြစ်ကြောင်း သိရသည်။

#YMG/NN #Yangon_Times

#Local_News
Published 2 October 2024

▪️ ရန်ကုန်-ပဲခူး-ရန်ကုန်ခရီးစဉ်အား  စပိန်နိုင်ငံမှ ဝယ်ယူထားသည့်  အဲကွန်းပါ တွဲဆိုင်းများဖြင့် ယနေ့မှစတင်၍ ပထမဆုံးစတင်ပြေးဆွဲနေပြီဖြစ်ကြောင်း မြန်မာ့မီးရထားမှ သိရသည်။

▪️ အဆိုပါ ရန်ကုန်-ပဲခူး-ရန်ကုန်ခရီးစဉ်အား  Aircon ပါ Diesel Electric Multiple Units DEMUs တွဲဆိုင်းဖြင့် ပထမဆုံးစတင်ပြေးဆွဲမည် ဖြစ်ပြီးယင်း ရထားတွဲဆိုင်းများသည် စပိန်နိုင်ငံမှ ဝယ်ယူထားသည့်တွဲဆိုင်း (၁၁) ဆိုင်းအနက် တွဲဆိုင်း (၆) ဆိုင်းပါဝင်သည့် ရထားတွဲနှစ်တွဲဖြင့် နေ့စဉ်ရထားအဖြစ် ပြေးဆွဲပေးသွားမည်ဖြစ်ကြောင်း သိရသည်။

▪️ DEMUs တွဲဆိုင်းတွင် Aircon ပါဝင်မည်ဖြစ်ပြီး လက်မှတ်ခအနေဖြင့် ဘူတာကြီး မှ ပုစွန်တောင်၊ မလွှကုန်း၊ သဃ်န်းကျွန်း၊ တိုးကြောင်လေး၊ ရွာသာကြီး ၊ လေးဒေါင့်ကန်၊ ဒါးပိန်စသည့် ဘူတာများအထိ ၁၃၀၀ ကျပ်၊ ဘူတာကြီးမှ ကော့ချဲ ၊ ထုံးကြီး ၊ ကျောက်တန်း ၊ တာဝ၊ဘုရားသုံးဆူ ၊ ပဲခူးစသည့် ဘူတာများအထိ တစ်ဦးလျှင် ၂၅၀၀ ကျပ်ကျသင့်မည်ဖြစ်ကာ လမ်းခရီးတစ်လျှောက်ရှိ ဘူတာ(၁၂)ခု၌ ရပ်တန့်ပေးသွားမည်ဖြစ်ကြောင်း သိရသည်။

▪️ ထို့အပြင် DEMUsတွဲဆိုင်း၏ အမှတ်(၁၆)အစုန်ရထားသည် ပဲခူးဘူတာမှ နံနက် ၆ နာရီတွင်စတင်ထွက်ခွာ၍ ရန်ကုန်ဘူတာကြီးသို့ နံနက် ၇ နာရီ ၄၀ မိနစ်၌ ဆိုက်ရောက်မည်ဖြစ်ကာအမှတ်(၁၅)အဆန်ရထားသည် ရန်ကုန်ဘူတာကြီးမှ ညနေ ၄ နာရီ ၄၅ မိနစ်တွင်စတင်ထွက်ခွာ၍ ပဲခူးဘူတာသို့ ည ၆ နာရီ ၂၅ မိနစ်၌ဆိုက်ရောက်မည်ဖြစ်ကြောင်း၊ ရထားတစ်စီးလျှင် ခရီးသည် ၈၃၂ဦးလိုက်ပါစီးနင်းနိုင်ကြောင်း သိရသည်။

#YMG/NN #Yangon_Times

#World_News
Published 02 October 2024

▪️ အီရန်က အင်္ဂါနေ့မှာ အစ္စရေးလ်ဘက်ကို ဒုံးကျည်အနည်းဆုံး ၁၈၀ ပစ်ခတ်ခဲ့ပါတယ်။

▪️ ဒါဟာ လက်ဘနွန်ရှိ အီရန်ထောက်ပံ့ ဟက်ဇ်ဘိုလာစစ်သွေးကြွ အဖွဲ့ကို ပြီးခဲ့တဲ့ သီတင်းပတ်များအတွင်း အစ္စရေးလ်တိုက်ခိုက်ခဲ့တဲ့အပေါ် လက်တုန့်ပြန်တာဖြစ်တယ်လို့ အီရန်က ပြောပါတယ်။

▪️ အင်္ဂါနေ့အစောပိုင်းမှာပဲ အစ္စရေးလ်က လက်ဘနွန်တောင်ဘက်သို့ မြေပြင်ကျူးကျော်မှု ပြုလုပ်ခဲ့တယ်လို့ ဆိုပါတယ်။

▪️ အစ္စရေးလ်စစ်တပ်မှ ပြောရေးဆိုခွင့်ရှိသူ ဒန်နီယယ်ဟေဂါရီက ဝင်ရောက်လာတဲ့ အီရန်ဒုံးကျည်အများအပြားကို လေကြောင်းကာကွယ်ရေးစနစ်က ပစ်ချနိုင်ခဲ့ကာ အစ္စရေးလ်တောင်ပိုင်းနဲ့ အလယ်ပိုင်းတို့မှာတော့ ဒုံးကျည်အနည်းငယ် ကျရောက်ခဲ့ပါတယ်။

▪️ ဒုံးကျည်ဖြာထွက်လာခြင်းကြောင့် လူ ၂ ဦးအနည်းငယ် ဒဏ်ရာရခဲ့ကြောင်း အစ္စရေးလ် နိုင်ငံတော် ကယ်ဆယ်ရေးဌာနက ပြောပါတယ်။

▪️ ပါလက်စ်တိုင်း ဂျယ်ရီချိုမြို့အနီးမှာတော့ ဘယ်ကမှန်းမသိတဲ့ ဒုံးကျည်တစ်ခုကြောင့် အရပ်သားတစ်ဦး သေဆုံးခဲ့တယ်လို့ ပါလက်စ်တိုင်း တာဝန်ရှိသူများ ပြောပါတယ်။

▪️ ယခု အီရန်တိုက်ခိုက်တဲ့အပေါ် လက်စားချေသွားမယ်လို့ အစ္စရေးလ်ဝန်ကြီးချုပ် ဘင်ဂျမင်နေတန်ညာဟူက အင်္ဂါနေ့နှောင်းပိုင်းမှာ ကြုံးဝါးလိုက်ပြီး အီရန်တို့ အမှားလုပ်ခဲ့တယ်လို့ ပြောပါတယ်။

▪️ အင်္ဂါနေ့မှာပဲ အစ္စရေးလ်က လက်ဘနွန်တောင်ပိုင်း ရွာတွေကို လေကြောင်းတိုက်ခိုက်မှုများ ပြုလုပ်ခဲ့ရာ လက်ဘနွန်ကလည်း အစ္စရေးလ်ဘက်သို့ ဒုံးပျံများဖြင့် ပစ်ခတ်တုန့်ပြန်ခဲ့ပါတယ်။

▪️ အီရန်ဘက်က ဒုံးကျည်များ မပစ်ခတ်ခင်မှာ အစ္စရေးလ်မြို့ တဲလ်အေဗစ်မှာ ပစ်ခတ်မှုတစ်ခုပစ်ပွားခဲ့ပြီး အနည်းဆုံး ၆ ဦးသေဆုံးခဲ့ကြောင်း ရဲတပ်ဖွဲ့က ဆိုလိုက်ကာ ပစ်ခတ်ခဲ့တဲ့ တရားခံနှစ်ဦးဟာလည်း သေဆုံးသွားခဲ့ပါတယ်။

▪️ ဟက်ဇ်ဘိုလာနဲ့ ဟားမတ်စ်တို့က အီရန်ထောက်ပံ့ပြု မဟာမိတ်တွေ ဖြစ်တာကြောင့် အစ္စရေးလ်အရေးကနေ အရှေ့အလယ်ပိုင်းဒေသမှာ တင်းမာမှုမြင့်တက်လာပြီး အီရန်နဲ့ အမေရိကန်တို့ ပါဝင်လာမှာ စိုးရိမ်းနေရပါတယ်။

▪️ ထိုဒေသမှာ အခြေအနေ တင်းမာမှုများကို ဖြေရှင်းဖို့အတွက် ကုလသမဂ္ဂ လုံခြုံရေးကောင်စီက ဗုဒ္ဓဟူးနေ့နံနက်ပိုင်းမှာ အရေးပေါ်အစည်းအဝေး ပြုလုပ်ရန် စီစဉ်ထားပါတယ်။

#Source: AP News

#World_Health
Published 02 October 2024

▪️ ပြီးခဲ့တဲ့ ဆယ်စုနှစ် ၃ ခုအတွင်း လူငယ်တွေကြား အူမကြီးကင်ဆာ ဖြစ်ပွားမှုနှုန်း မြင့်တက်လာပေမယ့် လူကြီးတွေမှာတော့ အဖြစ်နည်းလာပါတယ်။

▪️ ၁၉၉၅ ခုနှစ်တုန်းက လူငယ်တွေမှာ အူမကြီးကင်ဆာ ဖြစ်ပွားမှုနှုန်း ၁၁ ရာခိုင်နှုန်း ရှိခဲ့ရာကနေ ၂၀၁၉ မှာ ၂၀ ရာခိုင်နှုန်း ရှိလာပါတယ်။

▪️ ယခုနောက်ပိုင်းမှာ ရောဂါဆိုးရွားလာတဲ့ အဆင့်ရောက်မှ သိရှိကြပြီး ကုသရ ခက်ခဲလာကာ ယခုနှစ်အတွင်း အမေရိကန်မှာ အူမကြီးကင်ဆာကြောင့် သေဆုံးသူ ၅၃၀၀၀ ခန့် ရှိနိုင်တယ်လို့ ဆရာဝန်များ ခန့်မှန်းထားပါတယ်။

▪️ ဒါကြောင့် အူမကြီးကင်ဆာ ဖြစ်နိုင်ခြေရှိတဲ့ လက္ခဏာ ၆ မျိုးကို လူငယ်တွေသတိထားနိုင်အောင် ဖော်ပြလိုက်ပါတယ်။

(၁) စအိုသွေးထွက်ခြင်း
▪️ ဒါက လူငယ်တွေမှာ အူမကြီးကင်ဆာ အဖြစ်နိုင်ဆုံး လက္ခဏာတစ်ရပ်ဖြစ်ကြောင်း သုတေသနမှာ တွေ့ရှိထားပြီး ကင်ဆာတွေ့ထားတဲ့ လူနာတဝက်လောက်မှာ ဒီလက္ခဏာတွေ့ရပါတယ်။

▪️ အစာဟောင်းလမ်းကြောင်း နောက်ဆုံးအပိုင်းမှာ အကျိတ်ဖြစ်ပြီး သွေးထွက်နိုင်သလို အစာခြေလမ်းကြောင်းကနေလည်း သွေးထွက်နိုင်ပါတယ်။

(၂) အလေးသွားခြင်းပုံစံ ပြောင်းလဲခြင်း
▪️ အလေးသွားပြီးနောက် မကုန်သလို ခံစားရခြင်း၊ အညစ်အကြေးပုံစံ အရင်နဲ့ကွဲပြားခြင်း စတဲ့ အပြောင်းအလဲတွေကို သတိထားသင့်ပါတယ်။

▪️ အစာအိမ်နှင့် အူလမ်းကြောင်းကင်ဆာဆိုင်ရာ ဒေါက်တာ မိုက်ကယ်ဆက်ချီနီက အူမကြီးကင်ဆာလူနာ အများစုစွန့်ပစ်တဲ့ အလေးဟာ ပါးလွှာကြတယ်လို့ ဆိုပါတယ်။

(၃) ဝမ်းဗိုက်အောင့်ခြင်း
▪️ အစာစားချိန်မှာ အမြဲဗိုက်အောင့်တတ်ခြင်းက အူမကြီးကင်ဆာ လက္ခဏာဖြစ်နိုင်ပါတယ်။

▪️ ဒါပေမဲ့ အခြားပြဿနာတွေကြောင့်လည်း အောင့်တတ်တာကြောင့် အရင်အောင့်တာမျိုးနဲ့ မတူဘူးဆိုရင်တော့ ဆရာဝန်ထံ ပြသသင့်ပါတယ်။

(၄) အကြောင်းမရှိ ကိုယ်အလေးချိန်ကျသွားခြင်း
▪️ အူမကြီးအကျိတ်တွေကြောင့် ထွက်တဲ့ဟော်မုန်းတွေက အစားစားချင်စိတ်ကို လျှော့ချတာကြောင့် အစားသိပ်မစားနိုင်ဘဲ ကိုယ်အလေးချိန် ကျသွားတတ်ပါတယ်။

▪️ အခြားရောဂါများကြောင့်လည်း ကိုယ်အလေးချိန် ကျတတ်တာကြောင့် ဘယ်လိုပဲဖြစ်ဖြစ် ဆရာဝန်နဲ့ တိုင်ပင်သင့်ပါတယ်။

(၅) သွေးအားနည်းခြင်း
▪️ အူမကြီးအကျိတ်တွေကနေ သွေးတွေထွက်တဲ့အခါ ကြာလာရင် သွေးအားနည်းလာနိုင်ပါတယ်။

▪️ စွမ်းအင်ထုတ်လုပ်ခြင်းနဲ့ ကိုယ်ခံအားစနစ်တို့ကို ထောက်ပံ့ဖို့လိုအပ်တဲ့ သွေးနီဥဆဲလ်တွေ ရရှိဖို့ သံဓာတ်အရေးကြီးပြီး အကြောင်းအမျိုးမျိုးကြောင့် သံဓာတ်လျော့နည်းတတ်ပါတယ်။

(၆) အလွန်ပင်ပန်းနွမ်းနယ်ခြင်း
▪️ ကင်ဆာမတွေ့ခင် လပိုင်းအလိုမှာ လူငယ်ပိုင်း ၈ ရာခိုင်နှုန်းလောက်ဟာ အားအင်ကုန်ခမ်းတတ်ကြပြီး ဒါဟာ အကျိတ်ကထုတ်လုပ်တဲ့ ဟော်မုန်းတွေကြောင့် အစားမစားရာကနေ အားအင်ကုန်ခမ်းတာ ဖြစ်နိုင်ပါတယ်။

▪️ ဒါ့အပြင် သွေးထွက်လွန်ခြင်းလိုမျိုး အခြားရောဂါတွေနဲ့ မှားယွင်းနိုင်တာကြောင့် အူမကြီးကို ဓာတ်မှန်ရိုက် စစ်ဆေးသင့်ပါတယ်။

▪️ ရောဂါအစောပိုင်းအဆင့်တွေမှာ ကင်ဆာတွေ့ရှိဖို့က ကုသဖို့အတွက် အရေးကြီးပါတယ်။

#Source: New York Post

#Local_News
Published_2 Oct 2024

▪️ မေးခွန်း ၆၈ ခုကို မေးမြန်း ကောက်ယူသည့်နိုင်ငံတစ်ဝန်း လူဦးရေနှင့်အိမ်အကြောင်းအရာသန်းခေါင်စာရင်း စတင်ကောက်ယူလျက်ရှိပြီး နစကဥက္ကဌမိသားစုအား သန်းခေါင်စာရင်းဆိုင်ရာအချက်အလက်များ ကောက်ယူခဲ့ကြောင်း သိရသည်။

▪️ ယနေ့အောက်တိုဘာလ ၁ ရက်တွင်စတင်သည့်အဆိုပါ သန်းကောင်စာရင်းကောက်ယူမှုလုပ်ငန်းစဉ်တွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော် ဝန်ကြီးချုပ်ဗိုလ်ချုပ်မှူးကြီး မင်း အောင်လှိုင် ၏ မိသားစု လူဦးရေနှင့်အိမ်အကြောင်း အရာသန်းခေါင်စာရင်းအား လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည် ထောင်စုဝန်ကြီး ဦးမြင့်ကြိုင် ဦးဆောင်သည့် သန်းခေါင်စာရင်း ကောက်ယူရေးအဖွဲ့က ကာကွယ်ရေးဦးစီး ချုပ် ရုံး(ကြည်း)ဝန်းအတွင်းရှိ တပ်မတော်ဧည့်ရိပ်သာသို့ လာရောက်၍ သန်းခေါင်စာရင်းကောက်ယူကြခြင်း ဖြစ် ကြောင်း သိရသည်။

▪️ သန်းခေါင်စာရင်းကောက်ယူရေးအဖွဲ့က သန်းခေါင်စာရင်းမေးခွန်းများကို မေး မြန်းဖြည့်စွက်ကြရာ နိုင်ငံတော် စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်က ပြည့်ပြည့်စုံစုံဖြေကြားခဲ့ကြောင်း၊အလားတူ နိုင်ငံတော်စီ မံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်း၏မိသားစု၊ ပြည်သူ့လွှတ်တော်ဥက္ကဋ္ဌ ဦးတီခွန်မြတ်၏မိသားစု၊ ကောင်စီ အတွင်းရေးမှူး ဗိုလ်ချုပ်ကြီး အောင်လင်းဒွေး၏မိသားစု၊ ကောင်စီတွဲဖက်အတွင်းရေးမှူး ဗိုလ်ချုပ်ကြီး ရဲဝင်းဦး၏ မိသားစုလူဦးရေနှင့် အိမ်အကြောင်း အရာသန်းခေါင် စာရင်းများ၊ကောင်စီဝင်ဗိုလ်ချုပ်ကြီးမောင်မောင်အေး၏ မိသားစုလူဦးရေနှင့် အိမ်အကြောင်းအရာ သန်းခေါင်စာရင်းတို့ကိုလည်း၎င်းတို့၏ နေအိမ်နေရာများသို့ သွားရောက်၍ စာရင်းကောက်ယူခဲ့ကြကြောင်း သိရသည်။

▪️ ယနေ့မှစတင်၍ နိုင်ငံတစ်ဝန်း၌လူဦးရေနှင့်အိမ်အကြောင်းအရာ သန်းခေါင်စာရင်း ကောက်ယူခြင်းလုပ်ငန်းများ ကို ဆောင်ရွက်လျက်ရှိပြီး အောက်တိုဘာ ၁၅ ရက်အထိ ၁၅ ရက်ကြာ ကောက်ယူဆောင်ရွက်သွားမည်ဖြစ်ကြောင်း သိရသည်။

▪️ နိုင်ငံတစ်နိုင်ငံသည် သန်းခေါင်စာရင်းကောက်ယူခြင်းမှရရှိသော လူဦးရေဆိုင်ရာ ကိန်းဂဏန်းအချက်အလက်များအပေါ် အခြေခံ၍ နိုင်ငံ၏လူမှုရေး၊ စီးပွားရေး၊ စီမံခန့်ခွဲရေး ဆိုင်ရာကိစ္စရပ်များကိုကဏ္ဍအလိုက် အချိုးညီညီဖွံ့ဖြိုးတိုးတက်စေရန် မူဝါဒများချမှတ်ခြင်း၊ စီမံကိန်းများရေးဆွဲဆောင်ရွက်ခြင်းစသည့်လုပ်ငန်းများကို အကောင်အထည်ဖော်ဆောင်ရွက်ရခြင်းဖြစ်သဖြင့် လူဦးရေသန်းခေါင်စာရင်း ကောက်ယူခြင်းလုပ်ငန်းကို နိုင်ငံအလိုက် ၁၀ နှစ်လျှင် တစ်ကြိမ်ဆောင်ရွက်လျက်ရှိကြောင်း သိရသည်။

▪️ ၂၀၁၄ ခုနှစ်တွင် သန်းခေါင်စာရင်းဆိုင်ရာ မေးခွန်း ၄၁ ခုကိုသာ မေးမြန်း ကောက် ယူခဲ့သော်လည်း ယခု ၂၀၂၄ ခုနှစ်တွင် စာရင်းအချက်အလက်များ ပိုမိုပြီးပြည့်စုံစေရေး အတွက် မေးခွန်း ၂၇ ချက်တိုးမြှင့်၍ သန်းခေါင်စာရင်းဆိုင်ရာမေးခွန်း ၆၈ ခုကို မေးမြန်းကောက်ယူခြင်းဖြစ်ကြောင်း သိရသည်။

▪️ ထပ်မံတိုးမြှင့်ကောက်ခံမည့် အချက်အလက်များမှ ထင်ရှားသောဥပမာအနေဖြင့် ပညာရေးကဏ္ဍတွင် ကျောင်း ဆက်လက် မတက်ရောက်ရသည့်အဓိကအကြောင်းရင်း၊ အိမ်အကြောင်းအရာကဏ္ဍတွင် အမှိုက်စွန့်ပစ်မှုစနစ်၊ သန့်ရှင်းမှုစနစ် စသည်ဖြင့် တိုး မြှင့် မေးမြန်းထားသည်ကို တွေ့ရှိရပြီး ယင်းအချက်များမှာ ပြည်သူလူထု၏ ပညာရေး၊ ကျန်းမာရေး၊ လူမှုရေးကဏ္ဍတို့တွင် အစိုးရမှမည်ကဲ့သို့ ဖြည့်ဆည်းပေးရမည်ကို သုံးသပ်သည့်မေး ခွန်းများဖြစ်သဖြင့် လက်တွေ့ အသုံးဝင်သည့် အချက်အလက်များပင် ဖြစ်ကြောင်း၊ စာရင်းကောက်ယူသူများက နံနက် ၇ နာရီမှ ညနေ ၆ နာရီအတွင်း နေအိမ် များသို့လာရောက်စာရင်းကောက်ယူမည်ဖြစ်ပြီး နေအိမ်များသို့ စာရင်းလာကောက်မည့် နေ့ကို ကြိုတင်အကြောင်းကြားမည်ဖြစ်ကြောင်း၊ သန်းခေါင်စာရင်း ကောက်ယူခြင်း သည် အိမ်ထောင်စုစာရင်း ပုံစံ(၆၆/၆)သို့မဟုတ် ပုံစံ(၁၀) ရှိခြင်း ၊ မရှိခြင်း၊ နိုင်ငံသား စိစစ်ရေးကတ်ပြားရှိ ခြင်း မရှိခြင်းနှင့် မသက်ဆိုင်ကြောင်း၊ တိုင်းရင်းသားဖြစ်ခြင်း၊ မဖြစ်ခြင်း၊ နိုင်ငံသားဖြစ်ခြင်း၊ မဖြစ်ခြင်းနှင့် မသက်ဆိုင် ကြောင်း၊ သန်းခေါင်စာရင်း ထည့်သွင်း မကောက်ရမည့်သူများမှအပ သန်းခေါင်စာ ရင်းရည် ညွှန်းချိန်တွင် မြန် မာ နိုင်ငံ နယ်နိမိတ်အတွင်းရှိနေသူအားလုံးကို စာရင်းကောက်ယူမည်ဖြစ်ကြောင်း၊ သန်း ခေါင်စာရင်းကောက် ယူခြင်း အားဖြင့် သိရှိရသော ပိုင်ဆိုင်မှုများနှင့် ပတ်သက်၍ အခွန် ကောက်ခံခြင်း၊ အရေး ယူခြင်းတို့ကို လုံးဝပြု လုပ်မည်မဟုတ်ကြောင်း၊ သန်းခေါင်စာရင်း မေးခွန်းတွင် မေးမြန်းထားသော နိုင်ငံခြား သို့ရောက်ရှိနေကြသော အိမ်ထောင်စုဝင်များ အတွက်လည်း စိုးရိမ်ရန် မလိုကြောင်းနှင့်မည်သို့မျှ အရေးယူ မည်မဟုတ်ကြောင်း သိရသည်။

#Yangon_Times/PP

#World_Health
Published 02 October 2024

▪️ အဆုတ်စွမ်းဆောင်ရည်ဆိုတာဟာ အဆုတ်တွေထဲမှာ ထိန်းထားနိုင်တဲ့ စုစုပေါင်း လေပမာဏကို ဆိုလိုပါတယ်။

▪️ အသက်ကြီးလာတာနဲ့အမျှ အသက် ၂၅ ဝန်းကျင်နောက်ပိုင်းကစပြီး အဆုတ်စွမ်းရည်နဲ့ လုပ်ဆောင်ချက်တွေ တဖြည်းဖြည်းနဲ့ ကျဆင်းလာပါတယ်။

▪️ အသက်ရှူသွင်းခြင်းနဲ့ ရှူထုတ်ခြင်းတစ်ကြိမ်စီကို အသက်တစ်ကြိမ်ရှူတယ်လို့ သတ်မှတ်ပါက ပုံမှန်အားဖြင့် တစ်မိနစ်ကို ၁၂ ကြိမ်မှ ၁၅ ကြိမ်ကြား အသက်ရှူကြပါတယ်။

▪️ အဆုတ်ရဲ့ အရွယ်အစားနဲ့ လုပ်ဆောင်ချက်တွေဟာ အသက်အရွယ်၊ ကျား/မ၊ ခန္ဓာကိုယ်ပုံစံ၊ ရုပ်ပိုင်းဆိုင်ရာ အခြေအနေ စသဖြင့် အကြောင်းအရာတွေနဲ့ ပတ်သက်နေပြီး အရွယ်ရောက်စ အစောပိုင်းအချိန်ဟာ အဆုတ်စွမ်းဆောင်ရည် အမြင့်ဆုံးဖြစ်ပါတယ်။

▪️ (၁) ကျန်းမာရေး အခြေအနေများ
လူတစ်ယောက်ရဲ့ ကျန်းမာရေး အခြေအနေတွေက အဆုတ်စွမ်းဆောင်ရည်ကို များစွာသက်ရောက်နေပါတယ်။

▪️ အဆုတ်အတင်းအလျှော့ မလုပ်နိုင်ခြင်းနဲ့ အဆုတ်နံရံ မချဲ့နိုင်တဲ့သူတွေမှာ အဆုတ်ကျဉ်းမြောင်းလက္ခဏာ ဖြစ်နိုင်ပြီး အဆုတ်ထဲ လေဝင်နိုင်တဲ့ပမာဏ လျော့နည်းစေပါတယ်။

▪️ (၂) အဝလွန်ခြင်း
အဝလွန်ခြင်း အခြေအနေက ကျန်းမာရေး ဆိုးကျိုးအများအပြား ဖြစ်စေနိုင်ပါတယ်။
အဆုတ်ကျဉ်းမြောင်း လက္ခဏာပုံစံမျိုး ဖြစ်နိုင်ကာ ကိုယ်အလေးချိန် လျှော့ချခြင်းဖြင့် အဆုတ်ထဲလေပမာဏ လျော့နည်းခြင်းကို သက်သာစေနိုင်ပါတယ်။

▪️ (၃) ကျား/မနှင့်အဝလွန်ခြင်း
အမျိုးသားတွေနဲ့ အမျိုးသားတွေကြား ကိုယ်ခန္ဓာ အလယ်ပိုင်းနဲ့ အစွန်အဖျားတွေမှာ အဆီဖြစ်ပေါ်မှု ကွဲပြားတာကြောင့် အဝလွန်ခြင်းကနေ အဆုတ်ထဲလေပမာဏ လျော့နည်းခြင်းက အမျိုးသားတွေမှာ ပိုအဖြစ်များပါတယ်။

▪️ ရင်ဘတ်ရှိ အေဒီပို့စ်တစ်ရှူးများ ထူထပ်လာခြင်းက အဆုတ်အတင်းအလျှော့ မလုပ်နိုင်ခြင်းဖြစ်စေကာ ဝမ်းဗိုက်မှာ အေဒီပို့စ်တစ်ရှူးများ များလာခြင်းကတော့ အသက်ရှူသွင်းစဉ် အဖွင့်အပိတ်ကြွက်သား လှုပ်ရှားမှုကို လျော့နည်းစေပါတယ်။

▪️ (၄) အသက်ကြီးလာခြင်း
အသက်ကြီးလာတာနဲ့အမျှ သဘာဝပြောင်းလဲမှုများကြောင့် အဆုတ်စွမ်းရည် လျော့ကျလာပါတယ်။

▪️ အသက်ရှူလမ်းကြောင်းများ ကျဉ်းမြောင်းလာကာ နံရိုးကြားရှိ အရိုးများ နေရာပြောင်းလာခြင်းကြောင့် အဆုတ်ချဲ့ထွင်ဖို့ နေရာလွတ် နည်းပါးလာပါတယ်။

▪️ (၅) ဆေးလိပ်သောက်ခြင်း
ဆေးလိပ်သောက်ခြင်းကြောင့် အဆုတ်စွမ်းရည် လျော့ကျခြင်း၊ အဆုတ်ကင်ဆာ၊ အဆုတ်ရောင်ရောင်ဂါများ ဖြစ်စေပြီး အသက်ရှူရ ခက်ခဲစေပါတယ်။

▪️ အဆုတ်ဖောရောင်စေပြီး အဆုတ်တစ်ရှူးများ ပျက်စီးစေကာ ကင်ဆာအထိ ဖြစ်စေနိုင်ပါတယ်။

▪️ (၆) လေထုညစ်ညမ်းခြင်း
နေအိမ်နဲ့ အလုပ်ခွင်တို့မှ လေထုညစ်ညမ်းစေတဲ့ အရာများနဲ့ ဆေးလိပ်ငွေ့များက အဆုတ်ကို ထိခိုက်စေပါတယ်။

▪️ အိမ်တွင်း လေထုအခြေအနေကို ဆန်းစစ်သင့်ပြီး လေထုကောင်းမွန်အောင် ပြုလုပ်ရပါမယ်။

#Source: DoctorNDTV