#Local_News
Published_ 28 August 2023
လျှပ်စစ်သုံး EVကား အသုံးပြုသူနှစ်ဦးမှဇီးရိုးမိုင်နှင့် (115) မိုင်ရှိ Charging Station များတွင် EV ကားအားသွင်းသည့် Charger(CCS2 Chargers) အသုံးပြုမရသဖြင့် စားသုံးသူရေးရာဦးစီးဌာန(DOCA)ကို တိုင်ကြားလာသောကြောင့် ဖြေရှင်းဆောင်ရွက်ပေးခဲ့ကြောင်း သိရသည်။
တိုင်ကြားသူ (၂) ဦးသည်ဇွန်လ(၃)ရက်တွင် ရန်ကုန်မှနေပြည်တော်သို့ MG ZS EVကားဖြင့်လည်း ကောင်း၊ ဇွန်လ(၄)ရက်နေ့တွင် ရန်ကုန်မှ မန္တလေးသို့ MG4 EVကားဖြင့်လည်းကောင်း အသီးသီးခရီးထွက်လာခဲ့ရာလျှပ်စစ် ကားများဖြင့်ခရီးသွားရာတွင် အားသွင်းရန်အတွက် အဓိကမိုင်တိုင်များဖြစ်သည့် (0) မိုင်နှင့် (115) မိုင်တိုင်ရှိ Charging Stationများတွင် EV ကားများဝင်ရောက်အားသွင်းရာ CCS2 Charger များမှာအသုံးပြု၍ မရဘဲ ချို့ယွင်းနေသည့်အတွက် အမြန်ဆုံးစစ်ဆေးပြင်ဆင်ပေးပါရန် Email မှတဆင့်ဇွန်(၂၇)ရက်တွင် တိုင်ကြားခဲ့ခြင်းဖြစ်သည်။
ယင်းတိုင်ကြားမှုနှင့် ပတ်သက်၍ စားသုံးသူရေးရာဦးစီးဌာန(ရုံးချုပ်)က ဥက္ကဌ၊ လျှပ်စစ်သုံးယာဉ်နှင့် ဆက်စပ်လုပ်ငန်းများ ရင်းနှီးမြှုပ်နှံမှုနှင့် တင်သွင်း၊ တင်ပို့၊ တပ်ဆင်၊ ထုတ်လုပ်မှုမြှင့်တင်ရေးလုပ်ငန်း ကော်မတီသို့ သက်ဆိုင်ရာကုမ္ပဏီများသို့ အမြန်ပြင်ဆင်ပေးနိုင်ရေး ညွှန်ကြားပေးနိုင်ပါရန် တင်ပြဆောင်ရွက်ခဲ့ကြောင်း၊ အဆိုပါတိုင်းကြားမှုအပေါ် စိစစ်ဆောင်ရွက်ရာ 0 မိုင်၊ ၁၁၅ မိုင်တိုင်ရှိ Charger များတွင် MG ZS Model တံဆိပ်ကားများမှာ အားသွင်းမှုမရသည့် Software စနစ်ချိုယွင်းနေခြင်းဖြစ်ပြီး သက်ဆိုင်ရာကုမ္ပဏီမှ နိုင်ငံခြားသားပညာရှင်များနှင့် ဆက်သွယ်၍ EV Chargers များ၏ Software များအား Upgrade ပြုလုပ်ပြီးဖြစ်သောကြောင့် MG ZS Model တံဆိပ်ကားများ အားသွင်းနိုင်ပြီဖြစ်ကြောင်း သိရသည်။
ယင်းအပြင် ယခုတပ်ဆင်ထားသော Charger များထက် အဆင့်မြင့်အမျိုးအစား ဖြစ်သည့် Autel Digital Power Co., Ltd မှ ထုတ်လုပ်သည့် Autel Brand 60 KW CCS2 Dual Gun Chargers (2 Units) နှင့် Autel Brand 120 KW CCS2 Dual Gun Charger (1 Units)များကို အစားထိုး လဲလှယ်နိုင်ရေး ဆောင်ရွက်နေကြောင်း၊ အစားထိုးလဲလှယ်မည့် CCS2 Autel Chargers များအား တပ်ဆင်နိုင်ရန်မှာယူ တင်သွင်းမှုဆောင်ရွက်နေစဉ် ကာလအတွင်း ယခုအသုံးပြုနေသော CCS2 Chargers များနှင့် အားသွင်းမရသော ကားများရှိလာပါက အရေးပေါ် အားသွင်းပေးနိုင် ရန် CCS2 11 KW AC Level 2 Chargers များကို 0 မိုင်၊ ၁၁၅ မိုင်နှင့် ၂၀၁ မိုင်တိုရှိ Charging Station များတွင် တပ်ဆင်ဆောင်ရွက်ပြီး ဖြစ်ကြောင်း အကြောင်းပြန်ကြားလာသည်ဟုဆိုသည်။
စားသုံးသူရေးရာ ဦးစီးဌာနမှ တာဝန်ရှိသူများက တိုင်ကြားသူများသို ဆောင်ရွက်ထားရှိမှု အခြေအနေများကို အသိပေးရှင်းလင်းပြန်ကြားခဲ့ပြီး တိုင်ကြားမှုကို ပိတ်သိမ်းဆောင်ရွက်ခဲ့ကြောင်းဖော်ပြထားသည်။
#tthl #Local_News #EV ကား #Chargerအသုံးပြုမရ #DOCA မှဖြေရှင်းဆောင်ရွက်
#Yangon_Times
- Category: Myanmar
- Hits: 101
#Local_News
Published 28-August- 2023
လာမည့် စက်တင်ဘာလနှင့် အောက်တိုဘာလ မိုးနှောင်းကာလအတွင်း ဧရာဝတီမြစ်အပါအဝင် မြစ်ကြီးအချို့တွင် စိုးရိမ်ရေမှတ်အထက်သို့ကျော်လွန်ရောက်ရှိနိုင်သည်ဟု မိုး/ဇလက ယနေ့ ဩဂုတ် (၂၈)ရက် နံနက်ပိုင်းတွင် အသိပေးထားသည်။
ဧရာဝတီမြစ်ရေသည် ရွှေကူ၊ ကသာ၊ ပခုက္ကူ၊ ညောင်ဦး၊ ဆိပ်သာ ဟင်္သာတ၊ ဇလွန်မြို့တို့တွင် တစ်ကြိမ်စီ၊ ချင်းတွင်းမြစ်ရေသည် ဟုမ္မလင်း၊ ဖောင်းပြင်၊ မော်လိုက်၊ ကလေးဝ၊ မင်းကင်း၊ကနီနှင့်မုံရွာတို့တွင် တစ်ကြိမ်စီခန့် စိုးရိမ်ရေမှတ်အထက်ကိုရောက်ရှိနိုင်ကြောင်း သိရသည်။
ထို့အပြင် ဒုဌဝတီမြစ်ရေသည် မြစ်ငယ်မြို့တွင် တစ်ကြိမ်ခန့်၊ ပဲခူးမြစ်ရေသည် ပဲခူးမြို့တွင် တစ်ကြိမ်ခန့်၊ သံလွင်မြစ်ရေသည် ဘားအံမြို့တွင်တစ်ကြိမ်ခန့်၊ သောင်းရင်မြစ်ရေသည် မြဝတီမြို့တွင်တစ်ကြိမ်ခန့်စီမြင့်တက်လာနိုင်သည်ဟု အသိပေးထားသည်။
အလားတူ ငဝန်မြစ်ရေသည် ငသိုင်းချောင်း၊ သာပေါင်း၊ ပုသိမ်မြို့တို့တွင် တစ်ကြိမ်စီခန့်နှင့် တိုးမြစ်ရေသည် မအုပင်မြို့တွင် တစ်ကြိမ်ခန့်စီ စိုးရိမ်ရေမှတ်အထက်ကိုကျော်လွန်ရောက်ရှိနိုင်ကြောင်း အသိပေးထားသည်။
#YMG/my #Local_News #စက်တင်ဘာလ #စိုးရိမ်ရေမှတ်အထက်ကို ကျော်လွန်
#Yangon_Times
- Category: Myanmar
- Hits: 108
#World_Politics
Published 28 August 2023
ဇင်ဘာဘွေသမ္မတ ရွေးကောက်ပွဲမှာ အမ်မာဆန်နန်ဂါဂွာက ထပ်မံအနိုင်ရခဲ့ပြီးနောက် အတိုက်အခံ ခေါင်းဆောင်က သူ့ကို အကြီးအကျယ် လိမ်လည်မှုကြီး ပြုလုပ်ခဲ့တယ်လို့ စွပ်စွဲလိုက်ရာ ပြီးခဲ့တဲ့ ရက်သတ္တပတ်က ကျင်းပခဲ့တဲ့ ရွေးကောက်ပွဲရလဒ်နဲ့ ပတ်သက်ပြီး မကျေနပ်တဲ့သူတွေ အနေနဲ့ တရားရုံးမှာ ဖြေရှင်းဖို့ နန်ဂါဂွာက တနင်္ဂနွေနေ့မှာ ပြောကြားလိုက်ပါတယ်။
အသက် ၈၀ ရှိပြီဖြစ်တဲ့ နန်ဂါဂွာက ထောက်ခံမဲရရှိမှု ၅၂.၆ ရာခိုင်နှုန်းဖြင့် ရွေးကောက်ပွဲကို အနိုင်ရရှိခဲ့ကာ အတိုက်အခံ CCC ပါတီခေါင်းဆောင် နယ်လ်ဆင်ခါမီဆာကတော့ ၄၄ ရာခိုင်နှုန်း ရရှိခဲ့ကြောင်း ရွေးကောက်ပွဲကော်မရှင်က ထုတ်ပြန်ထားပါတယ်။
CCC ပါတီက ရွေးကောက်ပွဲရလဒ်ကို လက်မခံနိုင်ဘူးလို့ ခါမီဆာက ပြောကြားခဲ့တာ ဖြစ်ပါတယ်။
အတိုက်အခံပါတီက အစိုးရအသစ်တစ်ရပ် ဖွဲ့စည်းချင်ကြောင်း ဆိုလိုက်ကာ ရွေးကောက်ပွဲရလဒ်ကို တရားရုံးမှာ ရင်ဆိုင်သွားမလား ဆိုတာကိုတော့ မဖြေကြားခဲ့ပါဘူး။
ရွေးကောက်ပွဲရလဒ် ပြောင်းလဲနိုင်ဖို့ နောက်ထပ် ၅ နှစ် စောင့်ဆိုင်းမှာမဟုတ်ဘဲ အခုချက်ချင်း ပြုလုပ်မယ်လို့ ခါမီဆာက သတင်းထောက်များနဲ့ ပါတီမှ တာဝန်ရှိသူများကို ပြောကြားလိုက်ပါတယ်။
စောင့်ကြည့်ရေးအဖွဲ့ ၂ ဖွဲ့ရဲ့ ပြောကြားချက်အရ ရွေးကောက်ပွဲရလဒ်များကို အတည်ပြုစစ်ဆေးခြင်း မပြုနိုင်စေရန် ရဲတွေက အချက်အလက် စင်တာများကို ဝင်စီးပြီး ဝန်ထမ်းတွေနဲ့ လုပ်အားပေးများကို ဖမ်းဆီးသွားတယ်လို့ သိရပါတယ်။
ဒီဖြစ်ရပ်က ရွေးကောက်ပွဲဖြစ်စဥ်ကြီး တစ်ခုလုံးအပေါ် အရိပ်မည်းကြီး ထင်စေကြောင်း ရွေးကောက်ပွဲ သတင်းရင်းမြစ်စင်တာနဲ့ ဇင်ဘာဘွေ ရွေးကောက်ပွဲ အထောက်အပံ့ကွန်ရက်တို့မှ ထုတ်ပြန်ထားပါတယ်။
ဒေသတွင်းအဖွဲ့အစည်း SADC နဲ့ အာဖရိကသမဂ္ဂတို့မှ စောင့်ကြည့်ရေးများကလည်း ရွေးကောက်ပွဲဖြစ်ရပ်ကို ဝေဖန်လိုက်ပါတယ်။
ဒီရွေးကောက်ပွဲဟာ ဆယ်စုနှစ် ၄ ခုကျော်ကြာအောင် အာဏာရနေခဲ့တဲ့ ZANU-PF ပါတီကို အလွန်အလေးပေးသလိုဖြစ်နေကြောင်း လေ့လာဆန်းစစ်သူများနဲ့ စောင့်ကြည့်ရေးများက ဆိုလိုက်ပါတယ်။
ZANU-PF ပါတီကတော့ သူတို့ဟာ မမျှမတဖြစ်လောက်အောင် အားသာချက်မျိုး ရှိမနေကြောင်းနဲ့ ရွေးကောက်ပွဲရလဒ်ကို လွှမ်းမိုးရန် ကြိုးပမ်းတာမျိုး မရှိကြောင်း ငြင်းဆိုလိုက်ပါတယ်။
နန်ဂါဂွာဟာ ၂၀၁၇ ခုနှစ်က ပထမအကြိမ် သမ္မတဖြစ်လာခဲ့ကာ သူ့လက်ထက်မှာ ငွေကြေးဖောင်းပွခြင်း၊ တိုင်းပြည်ငွေကြေးပြတ်လပ်ခြင်း၊ အလုပ်လက်မဲ့ အလွန်များပြားခြင်းတို့ ဖြစ်ပေါ်ခဲ့ပါတယ်။
ZANU-PF မှ ပြောရေးဆိုခွင့်ရှိသူ ခရစ္စတိုဖာမူစွမ်ဂွာက ဖွဲ့စည်းပုံအခြေခံဥပဒေကို ပြင်ဆင်ရန် ကြိုးပမ်းနေမယ့်အစား အစိုးရအုပ်ချုပ်မှုပိုင်းကိုပဲ အာရုံစိုက်သွားမှာဖြစ်ကြောင်း တနင်္ဂနွေနေ့က သတင်းထောက်များကို ပြောကြားလိုက်ပါတယ်။
Source: Reuters
#World_Politics #ဇင်ဘာဘွေ #အတိုက်အခံခေါင်းဆောင်
- Category: World
- Hits: 113
၂၈ ဩဂုတ် ၂၀၂၃
အိန္ဒိယနိုင်ငံအတိုင်းပဲ မြန်မာနိုင်ငံက ဆန်တင်ပို့မှု နှစ်လတာရပ်ဆိုင်းမယ်ဆိုတဲ့အတွက် ကမ္ဘာ့ဆန်ဈေးနှုန်း ဆက်လက် မြင့်တက်သွားပြီး ထိုင်းဆန်ဈေးနှုန်းဟာ တစ်တန်ကို ဘတ်ငွေ ၁၂၀၀၀ အထိ တက်သွားတယ်လို့ နေရှင်းသတင်းစာ ရဲ့သတင်းအရ သိရပါတယ်။
အိန္ဒိယနိုင်ငံဟာ ဇူလိုင် ၂၀ရက်ကစပြီး ဆန်အများစုကို ပြည်ပတင်ပို့မှုရပ်ဆိုင်းခဲ့ပါတယ်။ အဲဒါကြောင့် အခြားသော ဆန်တင်ပို့နေတဲ့ နိုင်ငံတွေကလည်း အလားတူလုပ်လာကြမှာကို စိုးရိမ်ပူပန်မှုတွေရှိခဲ့ကြပြီး ကမ္ဘာ့ဆန်ဈေးကွက်ကို မတည်မငြိမ်စေခဲ့ပါတယ်။ နိုင်ငံတော်တော်များများက အိန္ဒိယနိုင်ငံကို ဆန်ကို ခွဲတမ်းနှင့်ရောင်းချပေးဖို့ မေတ္တာရပ်ခံတာ တွေလည်းရှိနေပါတယ်လို့ နေရှင်းသတင်းမှာဖော်ပြထားပါတယ်။
အိန္ဒိယဟာ ကမ္ဘာပေါ်မှာ အကြီးမားဆုံး ဆန်တင်ပို့တဲ့နိုင်ငံဖြစ်ပြီး ကမ္ဘာ့ဆန်ကုန်သွယ်မှုရဲ့ ၄၀ ရာခိုင်နှုန်းခန့်အထိ နေရာ ယူထားပါတယ်။ အဲဒါကြောင့် ကမ္ဘာ့ဆန်ဈေးနှုန်းအပေါ် အကြီးအကျယ်ရိုက်ခတ်နေတာဖြစ်ပါတယ်။ အခြားသော ဆန်တင်ပို့တဲ့ အဓိကနိုင်ငံတွေက ထိုင်း၊ဗီယက်နမ်၊ပါကစ္စတန်နှင့် အမေရိကန်တို့ဖြစ်ကြပြီး အိန္ဒိယရဲ့ ဆန်တင်ပို့မှု အစိတ်အပိုင်းတစ်ခုပိတ်ပင်မှုကြောင့် အဲဒီနိုင်ငံတွေအပေါ်လည်း ရိုက်ခတ်မှုတွေရှိလာနေတာပါ။
ထိုင်းနိုင်ငံ ဆန်ပို့ကုန်လုပ်ငန်းရှင်များအသင်းရဲ့ ဂုဏ်ထူးဆောင် ဥက္ကဋ္ဌ ချိူကီယတ်အိုဖတ်စ်ဝန်ဆီက “ လက်ရှိ ဆန်ဈေးနှုန်းအခြေအနေဟာ ရောင်းသူတွေကို ဈေးနှုန်းအတိအကျနှင့်ရောင်းဖို့ စိန်ခေါ်သလိုဖြစ်နေတယ်” လို့ ပြောပါ တယ်။ အဲဒီလိုဖြစ်နေရတဲ့အထဲ မြန်မာနိုင်ငံက ထပ်မံပြီး ဆန်တင်ပို့မှု ပိတ်ပင်တာကြောင့် ပိုမသေမချာအခြေအနေ ဖြစ်သွားရတယ်လို့ ပြောပါတယ်။
ကုန်သည်တွေဟာ အိန္ဒိယအနေနှင့် ဘယ်နိုင်ငံတွေကိုဆန်ရောင်းမယ်လို့ဆုံးဖြတ်လဲဆိုတာ အနီးကပ်စောင့်ကြည့်နေကြ ပါတယ်။ ဘာဖြစ်လို့လဲဆိုတော့ အဲဒါက ကမ္ဘာ့ဆန်ဈေးအပေါ်ရိုက်ခတ်မှုရှိမှာကြောင့်ဖြစ်ပါတယ်။
ကမ္ဘာပေါ်မှာ တတိယဆန်တင်ပို့မှုအများဆုံး ဗီယက်နမ်နိုင်ငံကတော့ သူတို့အနေနှင့် ဆန်ပြည်ပတင်ပို့မှုကို ရပ်ဆိုင်းမှာ မဟုတ်ဘူးလို့ပြောပါတယ်။ ဒါပေမယ့် အခြားသော ဆန်တင်ပို့တဲ့နိုင်ငံတွေ ဘာလုပ်မယ်ဆိုတာတွေကြည့်နေရ တာကြောင့် ဈေးကွက်မသေချာမှုတွေက ဆက်ရှိနေဦးမှာဖြစ်တယ်လို့ သူကဆက်ပြောပါတယ်။
ဒါပေမယ့် ထိုင်းနိုင်ငံက တစ်နှစ်ကို ဆန်တန်ချိန်(၈)သန်းတင်ပို့မယ်ဆိုတဲ့ ရည်ရွယ်ချက်ကတော့ ဆက်ရှိနေဦးမှာဖြစ်တယ် လို့သူကပြောပါတယ်။ဒါပေမယ့် အဓိကဆန်တင်သွင်းနေတဲ့ ဖိလစ်ပိုင်နှင့်အင်ဒိုနီးရှားလိုနိုင်ငံတွေက အိန္ဒိယကနေ ဆန် ဝယ်လို့ရသွားရင် ထိုင်းဆန်တင်ပို့မှုဟာ မှန်းသလောက်ဖြစ်မလာနိုင်ဘူးလို့ သူကပြောပါတယ်။
Source: The Nation
- Category: World
- Hits: 366
Published 28 August 2023
ညဆိုင်းအလုပ်လုပ်ရသူတွေဟာ နေ့ဘက်အလုပ်လုပ်ရတဲ့ သူတွေနဲ့ယှဉ်ရင် မှတ်ဉာဏ်ဆုံးရှုံးနိုင်ချေ ပိုများနိုင်ကြောင်း လေ့လာချက်အသစ်တစ်ခုမှာ တွေ့ရှိထားပါတယ်။
မနက်ခင်း ၉ နာရီကနေ ညနေ ၅ နာရီကြား ပြင်ပအချိန်တွေမှာ အလုပ်လုပ်ရတဲ့သူတွေက ရှင်းလင်းစွာ မတွေးတောနိုင်ခြင်း၊ ဦးနှောက်ယိုယွင်းခြင်း၊ အပြုအမူ ပြောင်းလဲခြင်းစတဲ့ အသိဉာဏ်ချို့ယွင်းမှုများ ပိုမိုဖြစ်နိုင်ချေများကြောင်း ကနေဒါ ယော့ခ်တက္ကသိုလ်မှ သုတေသီများက တွေ့ရှိခဲ့ပါတယ်။
သက်လတ်ပိုင်းတွေနဲ့ သက်ကြီးပိုင်းတွေမှာ ညပိုင်းအလုပ်လုပ်ခြင်းကြောင့် မှတ်ဉာဏ်ချို့ယွင်းမှု ဖြစ်နိုင်ချေ ၇၉ ရာခိုင်နှုန်း ပိုများနေပါတယ်။
ပုံမှန်အလုပ်လုပ်ချိန်အတိုင်း လုပ်ရတဲ့သူတွေကတော့ သူတို့ရဲ့အတွေး၊ စိတ်ခံစားချက်၊ လုပ်ရပ်များကို ထိန်းချုပ်ဖို့ ခက်ခဲတာကို တွေ့ရှိရပါတယ်။
လူ ၅ ဦးမှာ ၁ ယောက်က အလုပ်ချိန် အဆိုင်းပြောင်းလဲရတာမျိုး ကြုံတွေ့ဖူးပါတယ်။
ခန္ဓာကိုယ်အတွင်းမှာလည်း ၂၄ နာရီစက်ဝန်းအတိုင်း ဆဲလ်တွေက နေ့ညလည်ပတ်နေရာ ပြင်ပအချိန်နဲ့အလိုက် နေ့စဥ်ပြန်လည် စတင်လည်ပတ်လေ့ရှိပေမယ့် နေရောင်ခြည်ထိတွေ့မှု နည်းလွန်းခြင်း များလွန်းခြင်းအပေါ် မူတည်ပြီး အပြောင်းအလဲ ဖြစ်နိုင်ပါတယ်။
လူတစ်ယောက်ရဲ့ ခန္ဓာကိုယ်တွင်း နေ့ညလည်ပတ်မှုဟာ အိပ်စက်ခြင်းစက်ဝန်း၊ ဟော်မုန်းလုပ်ဆောင်မှု၊ ခန္ဓာကိုယ်အပူချိန် လည်ပတ်မှု၊ စားသောက်မှု၊ အစာချေဖျက်မှု စတဲ့ ခန္ဓာကိုယ်တွင်း လုပ်ဆောင်ချက်များအတွက် အချိန်သတ်မှတ်ချက်လို ဖြစ်နေပါတယ်။
အရွယ်ရောက်ပြီးသား လူတစ်ယောက်ဟာ တစ်ညကို အနည်းဆုံး အိပ်ချိန် ၇ နာရီရှိသင့်ပါတယ်။
ခန္ဓာကိုယ် နေ့ညလည်ပတ်မှုနဲ့ သွေဖည်လာပါက အခြားကျန်းမာရေး ဆိုးကျိုးတွေလည်း ရှိလာနိုင်ပါတယ်။
Source: New York Post
#World_Health
#YMG #Yangon_Times
- Category: World
- Hits: 154
#Local_News
Published -28 August 2023
ကာကွယ်ရေးဦးစီးချုပ်(ရေ) ဗိုလ်ချုပ်ကြီး မိုးအောင်၏ ရာထူးတာဝန်အား ဒုတိယဗိုလ်ချုပ်ကြီး ဇွဲဝင်းမြင့်ဖြင့် အစားထိုးတာဝန်ပေးအပ်ကြောင်းနှင့် ယူနိုက်တက်အမရာဘဏ် UAB ကို စစ်ဆေးမှုများ လုပ်ဆောင်နေကြောင်း Social Media ပေါ်တွင် ပျံ့နှံ့နေသော သတင်းမှာသတင်းအမှားသာ ဖြစ်ကြောင်း နစက သတင်းထုတ်ပြန်ရေးက ထုတ်ပြန်လိုက်သည်။
ယနေ့ဩဂုတ် ၂၇ ရက်တွင် မြဝတီရုပ်သံမှထုတ်လွှင့်သွားသည့် သတင်းအစီအစဉ်တစ်ခုတွင် မာရဝိဇယဗုဒ္ဓရုပ်ပွားတော်ကြီးဆိုင်ရာ အစည်းအဝေးတွင် နစကဥက္ကဋ္ဌဗိုလ်ချူပ်မှူးကြီးမင်းအောင်လှိုင်နှင့်အတူ ဗိုလ်ချုပ်ကြီးမိုးအောင်သည်လည်း အခြားတပ်မတော်အဆင့်မြင့် အရာရှိကြီးများနှင့်အတူ တက်ရောက်လာသည်ကို ထုတ်လွှင့်သွားခဲ့သည်။
ယင်းအပြင် ဗိုလ်ချုပ်ကြီးမိုးအောင်အနေဖြင့် uab bank ၏ရှယ်ယာရှင်တစ်ဦးလည်းမဟုတ်သလို ပိုင်ရှင်လည်းမဟုတ်ကြောင်း၊ uab bank ကို ဒေါ်လာကိစ္စရပ်များကြောင့် စစ်ဆေးမှုများရှိနေသည်ဆိုသည်မှာလည်း လုံးဝ(လုံးဝ)မှန်ကန်မှုမရှိကြေင်း uab bank က သြဂုတ်လ ၂၇ ရက်တွင် ထုတ်ပြန်ထားသည်။
uab bank သည် တင်းကြပ်သော Corporate Governance စံနှုန်းများဖြင့်အညီ ပွင့်လင်းမြင်သာသောအုပ်ချုပ်ရေးပိုင်းစနစ်ဖြင့် စီမံအုပ်ချုပ်ခဲ့ပြီး ချမှတ်ထားသည့် စံနှုန်းများကို ချိုးဖောက်မှုမရှိလိုက်နာကျင့်သုံးလာခဲ့ကာ လွတ်လပ်သော အုပ်ချုပ်မှုအောက်တွင် ခိုင်ခိုင်မာမာရပ်တည်လျက်ရှိကြောင်းလည်း ထုတ်ပြန်ချက်က ဆိုသည်။
ထို့အပြင်မြန်မာနိုင်ငံတော်ဗဟိုဘဏ်၏ စည်းကမ်းများကိုလည်း တိတိကျကျလိုက်နာ ဆောင်ရွက်လျက်ရှိ သည့် ဘဏ်တစ်ခုဖြစ်ကြောင်း၊ ဒေါ်လာအရောင်းအဝယ်ကိစ္စရပ်များကို မြန်မာနိုင်ငံတော် ဗဟိုဘဏ်၏ သတ်မှတ်ထားသော online trading system မှတစ်ဆင့် သတ်မှတ်ထားသည့်နှုန်းအတိုင်းသာ ဆောင်ရွက်လျက်ရှိကြောင်းလည်း ထုတ်ပြန်ရာတွင် ဖော်ပြထားသည်။
မဟုတ်မမှန်မှားယွင်းသည့်သတင်းများဖြင့် ထုတ်ဝေဖြန့်ချီမှုကို uab ဘဏ်ဘက်ကလည်း တရားဥပဒေ အတိုင်းအရေးယူလုပ်ဆောင်သွားမည်ဖြစ်ကြောင်း uab bank က ဆိုသည်။
Yangon_Times/PP #Local_News
#ကာကွယ်ရေးဦးစီးချုပ်(ရေ)ဗိုလ်ချုပ်ကြီးမိုးအောင်
- Category: Myanmar
- Hits: 227
Published_ 28 August 2023
ဗီးနပ်စ်ဂြိုဟ် (သောကြာဂြိုဟ်)မှာ ဂြိုဟ်သားများ ရှိနေနိုင်တယ်ဆိုတဲ့ စိတ်ဝင်စားစရာ အကြောင်းကို နာဆာသိပ္ပံပညာရှင် ဒေါက်တာ မစ်ရှဲလ်သောလာက တင်ပြလိုက်ပါတယ်။
ဗီးနပ်စ်ဂြိုဟ်က အပူချိန် ၄၇၅ ဒီဂရီဆဲလ်စီးယပ်စ်ရှိကာ အက်ဆစ်ဓာတ်များတဲ့ ပတ်ဝန်းကျင်ဖြစ်ပါတယ်။
ဒါပေမဲ့ ဂြိုဟ်သားတွေက ဗီးနပ်စ်ဂြိုဟ်မှာ ခိုအောင်းနေနိုင်ပြီး လူသားတွေ မနေနိုင်လောက်တဲ့ ပတ်ဝန်းကျင်မျိုးမှာ နေထိုင်နေလောက်တယ်လို့ ဒေါက်တာသောလာက ဆိုလိုက်ပါတယ်။
ကာဗွန်ဒိုင်အောက်ဆိုဒ်တွေ ပြည့်နေတဲ့ ထိုနေရာမှာ သက်ရှိတွေ ရှိနေနိုင်တယ်ဆိုတဲ့ လက္ခဏာမျိုး တွေ့ထားပြီးသား ဖြစ်တယ်လို့ ဆိုပါတယ်။
သောကြာဂြိုဟ်ဟာ ကမ္ဘာဂြိုဟ်နဲ့ တည်ဆောက်ပုံ အရွယ်အစား ဆင်တူပေမယ့် လူသားတွေဟာ ဗီးနပ်စ်ဂြိုဟ်မှာ အသက်ရှင်နေထိုင်ဖို့ မဖြစ်နိုင်ဘူးလို့ နက္ခတ္တဗေဒပညာရှင်များက ပြောပြခဲ့ပါတယ်။
သက်ရှိရယ်လို့ ဖြစ်လာရန် ဓာတုဓာတ်ပြုမှုအရ အရည်လိုအပ်ပြီး ဂြိုဟ်သားများ ရှာဖွေဖို့အတွက် အရည်နဲ့ ကျောက်ဖြစ်ရုပ်ကြွင်းများကို တွေ့ရှိရန် လိုအပ်တယ်လို့ လန်ဒန်တက္ကသိုလ်ကောလိပ်မှ နက္ခတ္တဇီဝပညာရှင် ပရော်ဖက်ဆာ ဒိုမီနစ်ပါပီနော့က ဆိုပါတယ်။
ဗီးနပ်စ်မှာ အရင်က အရည်ရှိကောင်းရှိနိုင်ပေမယ့် လက်ရှိအချိန်မှာ ပူလွန်းနေတာကြောင့် သက်ရှိတွေ ရှိနေနိုင်တယ်ဆိုတာကို ကောက်ချက်ချဖို့ ခက်ခဲနေကြောင်း ပရော်ဖက်ဆာက ဆိုပါတယ်။
မားစ်ဂြိုဟ် (အင်္ဂါဂြိုဟ်)နဲ့ နေစကြဝဠာအပြင်ဘက်ရှိ ရေခဲပြင်လဂြိုဟ်တွေမှာတော့ သက်ရှိအရိပ်အယောင်တွေ မြင်တွေ့ဖွယ်ရှိတယ်လို့လည်း ပရော်ဖက်ဆာက ပြောပြခဲ့ပါတယ်။
ထိုနေရာတွေမှာ အရည်ရှိနေနိုင်တဲ့အပြင် ရုပ်ကြွင်းတွေ ထိန်းသိမ်းကျန်ရှိနိုင်တယ်ဆိုတဲ့ ဘူမိဗေဒ အထောက်အထားတွေလည်း တွေ့ရှိထားပါတယ်။
Source: WION
#World_Science
#YMG #Yangon_Times
- Category: World
- Hits: 183
#Local_Sport
Published_ 28 August 2023
အသင်းပြောင်းရွှေ့သွားသော တိုက်စစ်မှူးဟယ်ရီကိန်း၏ နေရာကိုစုပေါင်းအားဖြင့် ဖြည့်ဆည်း ကစားရမည်ဟု စပါးကွင်းလယ်လူ ဂျိမ်းစ်မက်ဒီဆင်ကပြောကြားခဲ့သည်။ မက်ဒီဆင်သည် ရာသီမစမီက အသင်းပြောင်းရွှေ့သွားသော ဟယ်ရီကိန်း၏ နံပတ် ၁၀ကိုဝတ်ဆင်ပြီး ခြေစွမ်းပြကစားလျက်ရှိသည်။
ကိန်းထွက်ခွာသွားသော်လည်း နည်းပြပိုစတီ ဂလူ၏စပါးအသင်းမှာခြေချော်မသွားပဲ ခြေစွမ်းကောင်းမွန်လျက်ရှိနေကာ မက်ဒီဆင်မှာလည်းခြေစွမ်းပြဂိုးဖန်တီးမှုများ ပြုလုပ်နေပြီး ဘုန်းမောက်နှင့်ပွဲစဉ်တွင် စပါးအတွက်၎င်း၏ ပထမဆုံး ဂိုးကို သွင်းယူနိုင်ခဲ့သည်။
တိုက်စစ်ကစားသမားများဖြစ်သော ဆွန်ဟောင် မင်နှင့်ရစ်ချာလီဆင်တို့မှာယခုရာသီတွင် ဂိုးသွင်းယူနိုင်ခြင်းမရှိသေးသော်လည်း ကူလူဆက်စကီးမှာဘုန်းမောက်နှင့်ပွဲစဉ်တွင် ဒုတိယ ဂိုးသွင်းယူနိုင်ခြင်းဖြင့် ဂိုးပေါက်ပျောက်မှုကို အဆုံးသတ်နိုင်ခဲ့သည်။
"ကိန်းကကမ္ဘာ့အကောင်းဆုံး တိုက်စစ်မှူးထဲက တစ်ယောက်ပါ၊သူ့လို ဂိုးသွင်းယူမှုကိုအစားထိုးဖို့မလွယ်ပါဘူး။ အားလုံး စုပေါင်းလုပ်ဆောင်မှာပါ" ဟု မက်ဒီဆင်ကဆိုခဲ့သည်။နည်းပြသစ် ပိုစတီကို ဂလူ၏ နည်းစနစ်ပိုင်းကလည်းရာသီအစတွင် အသင်းရလဒ်ကောင်းမှန်ခြင်း၏အကြောင်းရင်းဖြစ်သည်ဟု ၎င်းက ဆက်လက်ပြောကြားသည်။
Ref:fotmob
#Yangon_Times
#Local_Sport #ဟယ်ရီကိန်း #မက်ဒီဆင်
- Category: Sport
- Hits: 160
ဩဂုတ် ၂၇ ၂၀၂၃
ဩစတြေလျနိုင်ငံမြောက်ပိုင်းကျွန်းတစ်ကျွန်းပေါ်အမေရိကန်မရိန်းတပ်သား ၂၃ ဦးပါတဲ့ လေယာဉ်တစ်စီး ယနေ့ ဩဂုတ် ၂၇ ရက်နေ့မှာ စစ်ရေးလေ့ကျင့်ရင်းပျက်ကျရာ အနည်းဆုံး မရိန်းတပ်သား (၃)ဦးသေဆုံးခဲ့ရပါတယ်။ အနည်းဆုံး နောက်ထပ်(၅)ဦး ဟာလည်း ဒဏ်ရာအပြင်းအထန်ရရှိခဲ့ကြပါတယ်လို့ အေပီကသတင်းရေးသားပါတယ်။
ဒါဝင်မြို့မှ မိုင်၅၀အကွာမှာရှိတဲ့ အဆိုပါ မဲဗီလီကျွန်းပေါ် Bell Boeing V-22 Osprey အမျိုးအစား စစ်လေယာဉ်ဟာ တနင်္ဂနွေနေ့ မနက် ၉နာရီခွဲခန့်မှာ ပျက်ကျခဲ့တာဖြစ်တယ်လို့ မရိန်းတပ်က အတည်ပြုသတင်းထုတ်ပြန်ပါတယ်။
ဒါဝင်ကနေ အသက်ရှင်ကျန်ရစ်သူတွေကယ်ဆယ်ကုသမှုပေးဖို့ လေယာဉ်တစ်စီးစေလွှတ်ထားပေမယ့် ကျန်တဲ့ မရိန်း တပ်သား ၁၅ ဦးဘယ်လိုအခြေအနေရှိတယ်ဆိုတာကိုတော့ ယခုတိုင်သတင်းမထုတ်ပြန်နိုင်သေးပါဘူး။
ပျက်ကျတဲ့နေရာအနီးတစ်ဝိုက်မှာ ထင်ရှားတဲ့မီးလောင်ကျွမ်းမှုကြီးမြင်တွေ့ရတယ်လို့ အမေရိကန်စစ်အရာရှိတစ်ဦးက ဩစတြေလျ လေကြောင်းထိန်းသိမ်းရေးအရာရှိတွေကိုပြောတဲ့ အသံဖိုင်က နိုင်းနယူးရုပ်သံကထုတ်လွှင့်သွားခဲ့ပါတယ်။
Osprey လေယာဉ်ပျက်ကျသွားတဲ့အခါ လေယာဉ်ပျက်အထဲကနေ ကြီးမားတဲ့ အမဲရောင်မီးခိုးမှိုပွင့်ကြီးတက်လာတာ တွေ့ရတယ်လို့ ကမ်းခြေမှာ ငါးမျှားနေတဲ့ မဲဗီလီဒေသခံ ရှိန်းမာဖီက ရုပ်သံကိုပြောပါတယ်။ မြောက်ပိုင်ဒေသဝန်ကြီးချုပ် နာတာရှာဖိုင်းလေးစ်က ဒါဟာ ကြောက်စရာမတော်တဆဖြစ်မှုကြီးလို့ပြောပါတယ်။
အဲဒီနေရာမှာ Predators Run ဆိုတဲ့ စစ်ရေးလေ့ကျင့်ခန်းပြုလုပ်နေတာဖြစ်ပြီး ထိခိုက်မှုတွေဖြစ်တာ အမေရိကန်တွေချည်းပဲဖြစ်တယ်လို့ ဩစတြေးလျဝန်ကြီးချုပ် အန်သိုနီ အယ်ဘန်နီးစ်က ပြောပါတယ်။ အဆိုပါ စစ်ရေးလေ့ကျင့်မှုမှာ အမေရိကန်၊ဩစတြေလျ၊ အင်ဒိုနီးရှား၊ဖိလစ်ပိုင်နှင့် အရှေ့တီမောတပ်တွေပါဝင်လေ့ကျင့်နေတာ ဖြစ်ပါတယ်။
Source AP
- Category: World
- Hits: 137
၂၇ ဩဂုတ် ၂၀၂၃
ထီးလိုမင်းလိုဘုရားကြီး၏ အထက်ပစ္စယံပြန်လည်တက်ရောက်နိုင်ရေး သုံးသပ်လျက်ရှိတယ်လို့ နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ဒေသခံတွေကို အသိပေးပြောကြားခဲ့ပါတယ်။
ဩဂုတ်လ ၂၇ရက်က နစက ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချူပ်မှူးကြီးမင်းအောင်လှိုင်သည် ပုဂံရှေးဟောင်းယဉ်ကျေးမှုနယ်မြေရှိ မြို့မိ မြို့ဖများအပါအဝင် ဒေသတာဝန်ရှိသူတွေနှင့် ပုဂံယဉ်ကျေးမှုပြတိုက်၌ တွေ့ဆုံရာမှာ နစက ဥက္ကဋ္ဌက ယခုလိုထည့်သွင်းပြောကြားခဲ့တာဖြစ်တယ်လို့ သတင်းထုတ်ပြန်ချက်အရသိရပါတယ်။
“ပုဂံရှေးဟောင်းယဉ်ကျေးမှု နယ်မြေသို့ လာရောက်ကြသည့် ဘုရားဖူးသူများအနေဖြင့် ထီးလိုမင်းလိုဘုရားကြီး၏
အထက်ပစ္စယံမှ ပုဂံရှေးဟောင်းယဉ်ကျေးမှုနယ်မြေရှိ ဘုရား၊ စေတီ၊ ပုထိုးများကိုကြည်ညိုဖူးမြော်နိုင်ရေးနှင့် ပုဂံဒေသ၏ အလှအပများကိုကြည့်ရှုနိုင်ရေးအတွက် လူဦးရေ အကန့်အသတ်၊ အချိန်အကန့်အသတ်တို့ဖြင့် ပြန်လည် တက်ရောက်ကြည်ညိုခွင့်ပြုပေးနိုင်ရေးအတွက်လည်း သုံးသပ်လျက်ရှိတယ်” လို့ ဗိုလ်ချုပ်မှူးကြီးကပြောခဲ့ပါတယ်။ ဗိုလ်ချုပ်မှူးကြီးဟာ တွေ့ဆုံပွဲမတိုင်ခင် သက်ဆိုင်ရာ ဝန်ကြီးဌာနများနှင့်ဒေသတာဝန်ရှိသူတွေနှင့်အတူ ပုဂံရှေးဟောင်း ယဉ်ကျေးမှုနယ်မြေအတွင်း ပြုပြင်ထိန်းသိမ်းထားရှိမှု အခြေအနေများအား သွားရောက်ကြည့်ရှုစစ်ဆေးစဉ်မှာလည်း အဆိုပါကိစ္စကို တိုက်တွန်းမှာကြားခဲ့ပါတယ်။
တက်ရောက်လာတဲ့ မြို့မိမြို့ဖဒေသခံတွေက ပုဂံဒေသသို့ ခရီးသွားများ ပိုမိုလာရောက်လည်ပတ်နိုင်ရေး ညောင်ဦးလေဆိပ်သို့ နိုင်ငံတကာလေယာဉ်များ တိုက်ရိုက်ဆင်းသက်နိုင်ရေးဆောင်ရွက်ပေးစေလိုကြောင်း ဗိုလ်ချုပ်မှူးကြီးထံတင်ပြခဲ့တယ် လို့လည်း သတင်းမှာဖော်ပြထားပါတယ်။ ဗိုလ်ချုပ်မှူးကြီးက ပုဂံ - ညောင်ဦးလေဆိပ်သည် ရှေးဟောင်း ယဉ်ကျေးမှုနယ်မြေအတွင်း တည်ရှိခြင်းကြောင့် ပြည်ပမှ လေယာဉ်ကြီးများတိုက်ရိုက်ဆင်းသက်ရန် အခက်အခဲများရှိနိုင်တဲ့အတွက် ရေရှည်အတွက်အဆင်ပြေစေရန် ပခုက္ကူ လေဆိပ်အား နိုင်ငံတကာ လေဆိပ် အဖြစ်ဆောင်ရွက်နိုင်ရေး စီမံဆောင်ရွက်လျက်ရှိတာဖြစ်တယ်လို့ ပြန်လည်ရှင်းလင်းပြောကြားခဲ့ပါတယ်။
ပုဂံညောင်ဦး လေဆိပ်ကို အဆင့်မြှင့်တင်နိုင်ရေးအတွက် ကျွမ်းကျင်ပညာရှင်များဖြင့်စနစ်တကျ တွက်ချက် ဆောင်ရွက်ရန်လိုမယ်လို့လည်း ဖြည့်စွက်ပြောခဲ့ပါတယ်။
နစကသည် နိုင်ငံ့အရေးကို ဆောင်ရွက်နေခြင်းဖြစ်ပြီးနိုင်ငံရေးလုပ်ဆောင်နေခြင်းမဟုတ်ဘူးလို့လည်း ဗိုလ်ချုပ်မှူးကြီးက ဒေသခံတွေကိုပြောပါတယ်။ အဲဒါကြောင့် နိုင်ငံ့အရေးအတွက် ပြည်သူလူထုများအားလုံးနိုင်ငံဖွံ့ဖြိုးတိုးတက်ရေးအတွက် ပါဝင်ဆောင်ရွက်နိုင်ရန်လိုလိမ့်မယ်လို့လည်း သူကဆက်လက်ပြောပါတယ်။
လက်နက်ကိုင်၍ ဒေသမတည်မငြိမ်ဖြစ်အောင် ဆောင်ရွက်နေမှုများသည် ဒေသဖွံ့ဖြိုးတိုးတက်မှုကို ထိခိုက်နစ်နာ စေမည်ဖြစ်ကြောင်း၊ မိမိတို့ဒေသဖွံ့ဖြိုး တိုးတက်ရေးအတွက်အားလုံးဆောင်ရွက်ပေးကြဖို့ကိုလည်း ဗိုလ်ချုပ်မှူးကြီး ကပြောတဲ့အကြောင်း သတင်းထုတ်ပြန်ချက်မှာဖော်ပြထားပါတယ်။
ဗိုလ်ချုပ်မှူးကြီးသည် သဘာဝဘေးအန္တရာယ်ဖြစ်ပေါ်မှုကြောင့် ရေဝင်၊ ရေဝပ်မှုနှင့်ထိခိုက်ပျက်စီးမှုများ ဖြစ်ပေါ်ခဲ့သည့် ပုဂံရှေးဟောင်းယဉ်ကျေးမှုနယ်မြေအတွင်း ပြုပြင်ထိန်းသိမ်းထားရှိမှု အခြေအနေများအား သွားရောက်စစ်ဆေး ကြည့်ရှုခဲ့ရာတွင် ပုဂံရှေးဟောင်းယဉ်ကျေးမှုနယ်မြေရှိ ဘုရား၊ စေတီ၊ ပုထိုး များသည်ရှေးဟောင်း သမိုင်းဝင်လက်ရာများဖြစ်ပြီး တန်ဖိုးမဖြတ်နိုင်သည့် အမွေအနှစ်များဖြစ်သည့်အတွက် ထိန်းသိမ်းဆောင်ရွက်မှုများကို အလေးထားဆောင်ရွက်ကြဖို့လည်း အသေးစိတ်မှာကြားခဲ့တဲ့အကြောင်း သတင်းထုတ်ပြန်ထားပါတယ်။
ဗိုလ်ချူပ်မှူးကြိးသည် ် ဩဂုတ် ၂၇ ရက်ညပိုင်း၌ အဖွဲ့ဝင်များလိုက်ပါ၍နေပြည်တော်၊ ဒက္ခိဏသီရိမြို့နယ်ရှိ ဗုဒ္ဓဥယျာဉ်ဝတ္ထုကံတော်အတွင်းတည်ထားကိုးကွယ်သည့် မာရဝိဇယဗုဒ္ဓရုပ်ပွားတော်မြတ်ကြီးအား သွားရောက်ဖူးမြော်
ကြည်ညိုပြိး အနယ်နယ် အရပ်ရပ်မှ ဘုရားဖူးလာပြည်သူများကို ခင်မင်ရင်းနှီးစွာဖြင့် နှုတ်ဆက်ခဲ့ကြောင်းလည်း သတင်းရရှိပါတယ်။
-yt/knl
- Category: Myanmar
- Hits: 301
ပြည်ပနိုင်ငံတွေကို ဆန်တင်ပို့တဲ့ ပမာဏကို လျှော့ချနိုင်ဖို့ မြန်မာနိုင်ငံဆန်စပါးအသင်းချုပ် က စီစဉ်နေပါတယ်။
လက်ရှိမှာ ပြည်တွင်းဆန်ဈေးတည်ငြိမ်ရေးကို လုပ်ဆောင်နေပေမယ့်လည်း ဆန်သိုလှောင်သူတွေ များနေတာကြောင့် ဆန်ဈေး တက်နေတဲ့အတွက် ပြည်ပတင်ပို့တဲ့ ပမာဏကို လျှော့ချဖို့ စီစဉ်နေတာပါ။
#Ynagon_Times/PP
#Local_News
#Published_ 26 August 2023
#YMG #Yangon_Times
- Category: Myanmar
- Hits: 198
“အဓိကအကြောင်းရင်းကတော့ တီမောအနေနှင့် မြန်မာနိုင်ငံရဲ့ ပြည်တွင်းရေးကို ပေါ်ပေါ်ထင်ထင်ဝင်ရောက် နှောက်ယှက်တယ်။ အချုပ်အခြာအာဏာကိုထိပါးစော်ကားတဲ့ပုံစံမျိုးရှိတယ်။ ပြီးတော့ မြန်မာနိုင်ငံရဲ့ ဂုဏ်သိက္ခာကို ကျဆင်းစေမယ့် ကိစ္စတွေကို အမြဲတမ်းအားပေးဆောင်ရွက်တာတွေကြောင့်ဖြစ်ပါတယ်။”
- Category: Myanmar
- Hits: 136