၂၈ ဩဂုတ် ၂၀၂၃
ထိုင်းနိုင်ငံ ဘန်ကောက်မြို့ ရဲအထွေထွေဆေးရုံမှာ ဆေးဝါးတက်ရောက်ကုသခံယူနေတဲ့ ဝန်ကြီးချုပ်ဟောင်း သက်ဆင်ထံ ယနေ့ ဩဂုတ် ၂၈ ရက်မှာ ပထမဆုံးအဖြစ် သက်ဆင်ရဲ့ အထွေးဆုံးသမီး ဖယ်ထောင်တန် သွားရောက်သတင်းမေးမြန်းခဲ့တယ်လို့ ထိုင်းမီဒီယာများက သတင်းရေးသားကြပါတယ်။
သမီးထွေး ဖယ်ထောင်တန်ဟာ ဖခင်ဖြစ်သူသက်ဆင်နှင့် မိနစ် (၄၀)ကြာတွေ့ဆုံခွင့်ရခဲ့တာဖြစ်ပါတယ်။
ဒီကနေ့ တနင်္လာနေ့မှာ သက်ဆင်ထံ လူမမာသတင်းမေးမြန်းမည့်သူတွေကို အကျဉ်းဌာနက စတင်သွားရောက်ခွင့်ပြုတာဖြစ်ပါတယ်။ သက်ဆင်ဟာ ထောင်ဒဏ် (၈)နှစ် ကျခံခဲ့ရတာပါ။ သူဟာ ဩဂုတ် ၂၂ရက်မှာ ထောင်ဒဏ်ချမှတ်ခံရပြီးနောက် ညတွင်းချင်းပဲ ဆိုးရွားလာတဲ့ကျန်းမာရေးအခြေအနေကြောင့် အကျဉ်းထောင်ဆေးရုံကနေ ရဲဆေးရုံသို့ ပြောင်းရွှေ့ပေးခဲ့တာဖြစ်တယ်လို့ သတင်းများကဖော်ပြပါတယ်။
သက်ဆင်ဟာ ဆေးရုံမှာ အရေးကြီးပုဂ္ဂိုလ်အဆင့်အတန်းနှင့် စောင့်ရှောက်ဆက်ဆံမှုရနေတယ်လို့ လူတော်တော်များများက ယုံကြည်ထားကြပါတယ်။ သူဟာ ရဲအထွေထွေဆေးရုံက ရဲအဆင့်မြင့်အရာရှိကြီးတွေကိုသာ ထားရှိတဲ့ ၁၄ထပ်မှာ ဆေးရုံတက်နေရတာဖြစ်ပါတယ်။
သမီးဖယ်ထောင်တန်ဟာ ရှေ့နေဖြစ်သူနှင့်အတူ ဖခင်ဆီသွားရောက်ခဲ့တာပါ။ သူမဟာ ဆေးရုံကို မွန်းလွဲ၁နာရီမှာ ရောက်ရှိခဲ့ပြီး မိနစ်၄၀အကြာမှာ ပြန်လည်ထွက်ခွာခဲ့ပါတယ်။
နေ့စဉ် သက်ဆင်ထံ လူ(၁၀)ဦး လာရောက်ခွင့်ပေးမှာဖြစ်ပြီး တစ်ဦးစီကို မိနစ်(၄၀) အချိန်ပေးထားပါတယ်။
Source: Thai media
- Category: World
- Hits: 114
‘စားသုံးဆီတင်သွင်းတဲ့ကုမ္ပဏီတွေအနေနဲ့ ရည်ညွှန်းလက်ကားဈေးနဲ့သာ ရောင်းချပေးသွားမှာ ဖြစ်တယ်။ ဆီကုန်သည်တွေ၊ ဈေးဆိုင်တွေအနေနဲ့လည်း လက်ကားရည်ညွှန်းဈေးအပေါ်မှာ အထွေထွေစရိတ် နဲ့အသားတင်အမြတ်(၂)ရာခိုင်နှုန်းကိုသာ ပေါင်းပြီးရောင်းချရမည်ဖြစ်တယ်’ မြန်မာနိုင်ငံဆီကုန်သည်နှင့်ဆီလုပ် ငန်းရှင်များအသင်းဥက္ကဌ
Published_ 28 August 2023
#ဆီကုမ္ပဏီ #ဆီကုန်သည်
#tthl
#Yangon_Times
- Category: Myanmar
- Hits: 144
#Local_News
Published_ 28 August 2023
မြန်မာ့လက်ရွေးစင် ယူ-၁၂ လူငယ်ဘောလုံးအသင်းအနေဖြင့် U12 Junior Soccer World Challenge 2023 ပြိုင်ပွဲအပြီး ဂျပန်ကလပ်အသင်းသုံးသင်းဖြင့် ခြေစမ်းပွဲများကစားရာတွင် ဂိုးပြတ်များဖြင့်အနိုင်ရရှိခဲ့ကြောင်း မြန်မာနိုင်ငံဘောလုံးအဖွဲ့ချုပ်ထံမှ သိရသည်။
ယနေ့ ဩဂုတ် (၂၈)ရက်က ခြေစမ်းပွဲကစားရာတွင် Saitama City North FC အား (၄) ဂိုး ဂိုးမရှိအဖြင့်လည်းကောင်း၊ Una Primavera Football Club အား (၆) ဂိုး (၁) ဂိုးဖြင့်လည်းကောင်း ၊ Niiza Katayama FC အား (၄) ဂိုး ဂိုးမရှိအဖြင့်လည်းကောင်း အသီးသီးအနိုင်ရရှိခဲ့သည်။
Soccer World Challenge 2023 ပြိုင်ပွဲတွင် မြန်မာယူ- ၁၂ အသင်းသည် ဘာစီလိုနာ လူငယ်ဘောလုံးအသင်းအပါအဝင် အခြားအသင်းများကို အုပ်စုပွဲစဉ်အလိုက်ယှဉ်ပြိုင်ကစားခဲ့ရာတွင် ရှုံးနိမ့်ထားသည်။
အဆိုပါပွဲများတွင်ရရှိလာသောအတွေ့အကြုံများအရ ဂျပန်ကလပ်အသင်းများနှင့် ခြေစမ်းပွဲကစားရာတွင် အနိုင်ရလာဒ်များရရှိခဲ့ခြင်းလည်းဖြစ်သည်။
မြန်မာ ယူ၁၂ လူငယ်ဘောလုံးအသင်းအနေဖြင့် ဂျပန်နိုင်ငံ၊ ချီဘားမြို့တွင် သြဂုတ် (၂၄) မှ (၂၇)ရက်အထိ ကျင်းပပြုလုပ်သည့် Soccer World Challenge 2023 ပြိုင်ပွဲကို သွားရောက်ယှဉ်ပြိုင်နေခြင်းဖြစ်ပြီး၊ အဆိုပါခရီးစဉ်အတွက် AYA Bank မှ ပံ့ပိုးကူညီထားကြောင်း သိရသည်။
ဓာတ်ပုံ-MFF
#YMG/my #Local_News #ယူ-၁၂
#Yangon_Times
- Category: Myanmar
- Hits: 191
#Local_News
Published_ 28 August 2023
ပြင်ဦးလွင်မြို့ပိတ်ချင်းမြောင် မီးစက်ကြီးရေတံခွန်တွင်လူငယ်အမျိုးသားတစ်ဦးရေနစ်သေဆုံးသွားကြောင်း မြန်မာနိုင်ငံမီးသတ်တပ်ဖွဲ့ထံမှသိရသည်။
ဩဂုတ်လ၂၈ရက် မနက်ပိုင်းတွင် သူငယ်ချင်းနှစ်ဦးနှင့်လာရောက်ရေကူးရင်း အဆိုပါရေတံခွန်တွင်ရေနစ်သေဆုံး ခဲ့သည်ဟုဆိုသည်။
‘‘ရေနစ်သွားတဲ့သူက လူငယ်အမျိုးသားအသက်(၂၀)လောက်ပါ။သူကတော့ကျောင်းသားပဲ။ အတန်း ပညာဆယ်တန်း၊ မေမြို့ တပ်မတော်နည်းပညာတက္ကသိုလ်မှာတက်နေတဲ့ တက္ကသိုလ်ကျောင်းသားလို့ပြောတယ်။ သူ့သူငယ်ချင်းနှစ်ယောက်နဲ့လာတာ။ ပိတ်ချင်းမြောင် အရင်မီးစက်ကြီးရှိခဲ့တဲ့ရေတံခွန်နေရာမှာရေနစ်တာ။
အရင် ပြီးခဲ့တဲ့တစ်လနှစ်လလောက်ကလည်းနစ်ဖူးတယ်။ အဲ့ဒီနေရာကတော်တော်လေးလှမ်းတယ်။သွားတဲ့သူနည်းတဲ့နေရာ ဖြစ်တယ်။ ကျွန်တော်တို့သတင်းရတဲ့အချိန်နောက်ကျတာ။၁၁နာရီကျော် လောက်မှာနစ်တယ်။ကျွန်တော်တို့နဲ့ က ၁၃မိုင်ကွာတယ်။ဟိုမှာ လိုက်ရှာတယ်။သူနဲ့ပါတဲ့သူငယ်ချင်းတွေကတော့ ရေကူးတတ်ပေမယ့်ကျွမ်း ကျွမ်းကျင်ကျင်တော့မရှိဘူး’’ဟု ပြင်ဦးလွင် မီးသတ်တပ်ဖွဲ့မှတာဝန်ရှိသူတစ်ဦးကYMGကိုပြောပြသည်။
ရေနစ်သွားသည့်လူငယ်ကို ပြင်ဦးလွင်မြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲဝင်များဖြင့် သွားရောက်ရှာဖွေကူညီဆောင်ရွက်ခဲ့ကြပြီး ရေနစ်သေဆုံးသူ ကျား(၁)ဦးအား ၁၃ ၃၀ အချိန်တွင် ရှာဖွေတွေ့ရှိ ခဲ့ကာသန္တိသုခအသင်းယာဉ်ဖြင့် ကုတင်(၇၀၀)တပ်မတော်ဆေးရုံသို့ ကူညီပို့ဆောင်ပေးခဲ့ကြောင်း သိရသည်။
#tthl #Local_News #လူငယ်အမျိုးသားတစ်ဦးရေနစ်သေဆုံး
#Yangon_Times
- Category: Myanmar
- Hits: 151
#Local_News
Published-28 August 2023
ထိုင်းနိုင်ငံတွင်အလုပ်ရမည်ဟုဆို၍ မြန်မာလုပ်သား (၅၆)ဦးထံမှ မြန်မာပွဲစား ၂-ဦးက ထိုင်းဘတ် ငွေ (၂၇၆၀၀၀) ကို လိမ်လည်ခဲ့ကြောင်း သိရသည်။
ယင်းကြောင့် အလိမ်ခံရသူများက အကူအညီတောင်းခံမှုအပေါ် လိုက်လံ ဆောင်ရွက်ပေးခဲ့ရာတွင် လိမ် လည်သည့် မြန်မာပွဲစား၂ဦးအနက် မြန်မာပွဲစား တစ် ဦးက ငွေတစ်ဝက်ကိုပြန်လျော်ပေးခဲ့သော်လည်း ကျန် တစ် ဦးကထွက်ပြေးတိမ်းရှောင်နေကြောင်း သိရသည်။
"လိမ်လည်သွားတဲ့၂-ယောက်ထဲက မြန်မာပွဲစား ၁-ယောက်ကငွေတစ်ဝက်လာရောက် ပေးလျော်ခဲ့ပေမဲ့ "မွန်လေး”ဆိုတဲ့ တစ်ယောက်က တိမ်းရှောင်နေတယ်"ဟု လိုက်ပါကူညီသည့် (MHAC) မဟာမိတ်အဖွဲ့ဝင်တစ်ဦးက ပြောသည်။
ယခုအခါ အဆိုပါ ထွက်ပြေးတိမ်းရှောင်နေသူ ပွဲစားတစ်ဦးအား ထိုင်းရဲစခန်းတွင် အလုပ်သမားများက အမှုဖွင့်တိုင်ကြားထားကြောင်းလည်း သိရသည်။
#Local_News #မြန်မာလုပ်သား (၅၀)ဦး #လိမ်လည်မှုထိုင်းတွင်ဖြစ်ခဲ့
#Yangon_Times/PP
- Category: Myanmar
- Hits: 121
ဒေဝကဘယ်သူဟာ အရှေ့တောင်အာရှရဲ့ လက်ဝှေ့ဘုရင်ဖြစ်တယ်ဆိုတာကို ပြရမယ်လို့ကြုံးဝါး
Published_ 28 August 2023
#ခွမ်ခမာလက်ဝှေ့ကျော် #ပရွန်ဆမ်နန်နှင့်ဒေဝ
#YMG/my
#Yangon_Times
- Category: Myanmar
- Hits: 179
#Local_News
Published 28 August 2023
မြွေဆိပ်ဖြေဆေးအေးခဲခြောက်ကို ယခုနှစ်မှစပြီး ယခင်ထက်နှစ်ဆတိုးပြီး ဆေးအလုံးရေ ၂သိန်းကျော်ထိထုတ်လုပ်မည်ဖြစ်ကြောင်း စက်မှုဝန်ကြီးဌာန မြန်မာ့ဆေးဝါးလုပ်ငန်းစက်ရုံ(အင်းစိန်) မှ သိရသည်။
ယခင်နှစ်များတွင် တစ်နှစ်လျှင်မြွေဆိပ်ဖြေဆေးအလုံးရေ တစ်သိန်းမှတစ်သိန်းနှစ်သောင်း အထိ ထုတ်လုပ်ခဲ့ရာ ယခုသြဂုတ်လတွင် မြေဆိပ်ဖြေဆေးထုတ်လုပ်သည့်စက်သစ်တစ်လုံး ထပ်မံတပ်ဆင်လိုက်သောကြောင့် ဖြေဆေးအလုံးရေတိုးမြင့် ထုတ်လုပ်နိုင်တော့မည်ဖြစ်ကြောင်း သိရသည်။
''လက်ရှိ အသုံးပြုနေတဲ့ စက်ကတစ်နှစ်ကို အလုံးရေတစ်သိန်းကနေ တစ်သိန်းနှစ်သောင်းလောက်ပဲ ထုတ်လုပ်နိုင်တယ်။ ကျွန်တော်တို့နိုင်ငံက စိုက်ပျိုးရေးနိုင်ငံဖြစ်တယ်၊ကျေးလက်နေပြည်သူလဲများတဲ့အတွက် မြွေဆိပ်ဖြေဆေး လိုအပ်ချက်များတယ်။ ဒါကြောင့် အခုဘဏ္ဍာနှစ်မှာ မြွေဆိပ်ဖြေဆေးအေးခဲခြောက်ထုတ်လုပ်တဲ့ စက်အသစ်ကိုတပ်ဆင်ပြီး အခုနှစ်မှာမြွေဆိပ်ဖြေဆေး နှစ်သိန်းကနေ နှစ်သိန်းလေးသောင်းအထိနှစ်ဆတိုးထုတ်လုပ်ပေးသွားမှာပါ'ဟု မြန်မာ့ဆေးဝါးလုပ်ငန်းမှ တာဝန်ရှိသူကပြောသည်။
မြေဆိပ်ဖြေဆေး အေးခဲခြောက်ထုတ်လုပ်နိုင်ရန်အတွက် လိုအပ်သည့်ဆေးဝါးကုန်ကြမ်းဖြစ်သော မြွေများကိုလည်း တစ်နိုင်ငံလုံးနေရာအနှံမှ ဝယ်ယူစုဆောင်းလျက်ရှိပြီး၊ မြင်းသွေးရည်ကြည်ရရှိရန်အတွက် မြင်းအကောင် ၅၀၀ ကို မှော်ဘီရှိဆေးဝါးထုတ်လုပ်ရေးဌာနခွဲတွင် မွေးမြူထားကြောင်း သိရသည်။
#YMG/LW #Local_News #မြွေဆိပ်ဖြေဆေး
#Yangon_Times
- Category: Myanmar
- Hits: 135
ကုန်စည်ဝင်ရောက်မှု ပုံမှန်ရှိနေပေမယ့် သယ်ယူပို့ဆောင်ရေး စရိတ်တွေကုန်ကျမှု များလာတာကြောင့် ငါးခြောက်အမျိုးအစားလိုက် ဈေးနှုန်းတွေမြင့်လာတာဖြစ်တယ်လို့ ငါးခြောက်ပွဲရုံ ပိုင်ရှင်တစ်ဦးက အခုလိုပြောပါတယ်။
Published_ 28 August 2023
#ငါးခြောက်အရောင်းဝယ်အလွန်အေး
#YMG/LW
#Yangon_Times
- Category: Myanmar
- Hits: 143
ချန်ပီယံဆုကို မြဝတီအမျိုး သမီးဘောလုံးအသင်းအနေနဲ့ သုံးကြိမ်မြောက်ဆွတ်ခူးရရှိခြင်းဖြစ်
Published_ 28 August 2023
#Myanmar Women League 2023
#အမှတ်ပေးချန်ပီယံဆု ဆွတ်ခူးရရှိ
#YMG/my
#Yangon_Times
- Category: Myanmar
- Hits: 87
‘နယ်ဘက်တွေမှာ ဆန်စပါးလှောင်နေကြတာဖြစ်ပြီး ဆန်စပါးတွေဟာ ကြာရှည်သို လှောင်ထားပါက ပျက်စီးတတ်တဲ့ ကုန်စည်မျိုးဖြစ်တဲ့အတွက် အဲ့ဒီလိုမလှောင်ကြဖို့ အသင်းချုပ် အနေနဲ့ထိန်းကျောင်းနေပါတယ်။လာမယ့်လထဲမှာဥပဒေအရအရေးယူတာတွေစတင်တော့မှာဖြစ်ပါတယ်’
ဦးရဲမင်းအောင်(ဥက္ကဌ၊မြန်မာနိုင်ငံဆန်စပါးအသင်းချုပ်)
Published_ 28 August 2023
#ဆန်ဈေးတက်နေ
#tthl
#Yangon_Times
- Category: Myanmar
- Hits: 89
အမေရိကန်နိုင်ငံ ဟာဝိုင်ယီပြည်နယ် မာဝီကျွန်းပေါ် အကြီးအကျယ်ဖျက်ဆီးခဲ့တဲ့ တောမီးကြောင့် ယနေ့အထိ လူရာ ပေါင်းများစွာ ပျောက်ဆုံးနေဆဲဖြစ်ပါတယ်။ ယခုအခါ မီးလောင်ပြင်ရဲ့ ၉၉ ရာခိုင်နှုန်းကို ရှာဖွေမှုတွေပြုလုပ်ခဲ့ပြီးပါပြီ။
ဩဂုတ်လ (၈)ရက်ကစခဲ့တဲ့ တောမီးကြောင့် လူပေါင်း ၁၁၅ဦး အနည်းဆုံး သေဆုံးခဲ့ရပါတယ်။ဒါဟာ အမေရိကန်နိုင်ငံ သမိုင်းမှာ ရာစုနှစ်တစ်စုကျော်အတွင်း အဆိုးရွားဆုံး တောမီးလောင်မှုကြီးဖြစ်ခဲ့ပါတယ်။ ပြီးတော့ ဟာဝိုင်ယီသမိုင်းမှာ အဆိုးရွားဆုံး သဘာဝဘေးအန္တရာယ်လည်းဖြစ်ပါတယ်။ Source CCTV+
- Category: World
- Hits: 105
#Local_News
Published 28 August 2023
ထိုင်းနိုင်ငံအတွင်း နေထိုင်ခွင့်သက်တမ်းကုန်ဆုံးနေသော်လည်း နိုင်ငံကူးလက်မှတ်၂နှစ်နှင့် အထက် ကျန်ရှိနေသူများ ကို MoU/ U-Turn စနစ်ဖြင့် ထိုင်းနိုင်ငံ အတွင်းသို့ ပြန်လည်ဝင်ရောက် အလုပ်လုပ်နိုင်ရန် ယခင်ကကဲ့သို့ ရန်ကုန်မြို့အထိ ပြန်သွားရန်မလိုပဲ မြဝတီမြို့နှင့် ကော့သောင်းမြို့များတို့တွင် One Stop Service စနစ်ဖြင့် မကြာမီ လုပ်ဆောင်ပေးမည် ဖြစ်ကြောင်း ထိုင်းနိုင်ငံ ရှိ မြန်မာနိုင်ငံသံရုံး(ဘန်ကောက်) ၏ထုတ်ပြန်ချက်အရ သိရသည်။
ထိုင်းနိုင်ငံအနေဖြင့် မြန်မာ MoU အလုပ်သမားများကို ထိုင်းနိုင်ငံအတွင်း နေထိုင်ခွင့် လေးနှစ် သာပေးထားပြီး ပြန်လည်ဝင်ရောက် အလုပ်လုပ်ကိုင်လိုပါက မြန်မာနိုင်ငံသို့ ပြန်လည် သွားရောက်ကာ MoU လုပ်ငန်းစဉ်အတိုင်း သက်ဆိုင်ရာ တရားဝင်လိုင်စင်ရ အေဂျင်စီများ ဖြင့် စာချုပ်ချုပ်ဆိုပြီး ထိုင်းနိုင်ငံသို့ ပြန်လည်ဝင်ရောက် အလုပ်လုပ်ကိုင်ခွင့်ရရှိကြောင်း သိရသည်။
''နေထိုင်ခွင့်သက်တမ်းကုန်နေတဲ့ မြန်မာ MOU လုပ်သားတွေက စာချုပ်ချုပ်တာစမတ်ကတ်(OWIC) ကတ်ရိုက်တာတွေကို ရန်ကုန်အထိလာစရာ မလိုတော့ဘူး၊ ထိုင်းနဲ့နယ်စပ်မြို့တွေ ဖြစ်တဲ့ မြဝတီနဲ့ကော့သောင်းမှာပဲ One Stop Service စနစ်နဲ့အချိန် ၃ရက်လောက်နဲ့ ထိုင်းနိုင်ငံ ထဲကိုပြန်လည်ဝင်ရောက်နိုင်မှာပါ''ဟု မြန်မာပြည်ပ အလုပ်အကိုင်ရှာဖွေရေးဝန်ဆောင်မှု လုပ်ငန်းရှင်များအဖွဲ့ချုပ် (MOEAF)မှတာဝန်ရှိသူတစ်ဦးက ပြောကြားသည်။
ယခုကဲ့သို့ ထိုင်းနိုင်ငံ လုပ်ငန်းခွင်အသီးသီးသို့ ရက်တိုတိုနှင့် ပြန်လည်ဝင်ရောက်နိုင်မည့် လုပ်ငန်းစဉ်ကို မကြာမီကာလ၌ ဆောင်ရွက်ပေးသွားမည်ဖြစ်သောကြောင့် လုပ်ငန်းခွင်၏ HR Manager များ၊ တာဝန်ရှိသူများသို့ အသိပေးထားကြရန် လိုအပ်ကြောင်း သိရသည်။
#Local_News #MoU/ U-Turn #One_Stop_Service
#YMG/LW #Yangon_Times
- Category: Myanmar
- Hits: 108