#Local_News
Published 17 Jaunary 2024

ရန်ကုန်တိုင်းဒေသကြီး မင်္ဂလာဒုံမြို့နယ်၊ ခရေလမ်းခွဲနှင့် ၁၀၆ မှတ်တိုင်ကြားတွင် စက်ရုံဝန်ထမ်းကြို/ပို့ ဖယ်ရီ ဒိုင်နာကားနှင့် ကွန်တင်နာတင်တွဲယာဉ်တို့တိုက်မိသဖြင့် ဖယ်ရီကားပေါ်ပါလာသည့် စက်ရုံဝန်ထမ်း၃၀ကျော်ထိခိုက်ဒဏ်ရာရရှိခဲ့ကြောင်း ကြယ်စင်မေတ္တာပရဟိတ အသင်းထံမှ သိရသည်။

ဇန်နဝါရီလ ၁၇ ရက် နံနက်၇နာရီခန့်က ဖြစ်ပွားခဲ့ခြင်းဖြစ်ကာ  ယာဉ်တိုက်မှုကြောင့် အမျိုးသား ၁၁ ဦး၊အမျိုးသမီး၂၁ဦး စုစုပေါင်း ၃၂ဦး ထိခိုက်ဒဏ်ရာရရှိခဲ့ပြီး အမျိုးသမီးတစ်ဦးမှာ ဒဏ်ရာပြင်ထန်ကြောင်း သိရသည်။

"သေဆုံးတာတော့ မရှိဘူး ၃၂ ဦးမှာ တစ်ဦးကတော့ ဦးခေါင်းထိခိုက်ဒဏ်ရာရပြီး အနည်းငယ်စိုးရိမ်ရတဲ့ အနေထားပါ အခုယာဉ်တိုက်မှုဖြစ်စဉ်မှာ ထိခိုက်ဒဏ်ရာရတဲ့သူတွေက စက်ရုံဝန်ထမ်းတွေမှာ ဖော့ကန်အောင်ဆန်းနားက စက်ရုံလို့သိရပါတယ်"ဟု ကြယ်စင်မေတ္တာ ပရဟိတအသင်းမှ တာဝန်ရှိသူက ပြောသည်။

အဆိုပါ ယာဉ်တိုက်မှုတွင် ဖယ်ရီကားမောင်းသူမှာ တိုက်မိသည့်အရှိန်ကြောင့် ယာဉ်အတွင်း ညှပ်မိနေသဖြင့် ကယ်ထုတ်ပေးခဲ့ရပြီး ထိခိုက်ဒဏ်ရာရရှိသူများကို အင်းစိန်ဆေးရုံသို့ ပို့ဆောင်ပေးခဲ့ကြောင်းမြေပြင်ကူညီပေးခဲ့သည့် ကြယ်စင်မေတ္တာပရဟိတအသင်းထံမှ သိရသည်။

#Local_News #စက်ရုံဖယ်ရီကားနှင့်တွဲကားတိုက် #ဝန်ထမ်း၃၀ကျော်ထိခိုက်ဒဏ်ရ #YMG/LW #Yangon_Times

#World_News
Published 17 January 2024

ယူကရိန်း-ရုရှားစစ်ပွဲသာ ယခုလိုပုံစံမျိုး ဆက်သွားနေပါက ယူကရိန်းဟာ လွတ်လပ်သောတိုင်းပြည်အဖြစ်မှ ပြန်ပြောင်းပြုပြင်လို့မရလောက်အောင် ထိခိုက်သွားမှာဖြစ်ပြီး ရုရှားကလည်း သိမ်းပိုက်ရရှိထားသမျှကို ဘယ်တော့မှ စွန့်ပစ်မှာမဟုတ်ဘူးလို့ ရုရှားသမ္မတ ဗလာဒီမာပူတင်က အင်္ဂါနေ့မှာ ပြောကြားလိုက်ပါတယ်။

ယူကရိန်းသမ္မတ ဗိုလိုဒီမာဇယ်လန်စကီရဲ့ တောင်းဆိုချက်ကြောင့် ဆွစ်ဇာလန်က ကမ္ဘာလုံးဆိုင်ရာ ထိပ်သီးအစည်းအဝေး ကျင်းပရန် သဘောတူညီခဲ့ပြီး နောက်တစ်ရက်မှာ ပူတင်က ယခုလိုပြောကြားလိုက်တာ ဖြစ်ပါတယ်။

အနောက်တိုင်းနဲ့ ယူကရိန်းတို့ ဆွေးနွေးနေတဲ့ ငြိမ်းချမ်းရေးလမ်းစဥ်များကို ပူတင်က ဂရုမစိုက်ဘဲ ယင်းတို့ဖြစ်ချင်နေတဲ့ ပိတ်ပင်ချက်များသာ ဖြစ်တယ်လို့ ဆိုလိုက်ပါတယ်။

‘’သူတို့ မညှိနှိုင်းချင်ဘူးဆိုရင် မညှိနှိုင်းရုံပေါ့။ ယူကရိန်းရဲ့ တန်ပြန်ထိုးစစ် မအောင်မြင်တဲ့အပြင် ရုရှားတပ်တွေကပဲ အသာစီးရထားတယ်ဆိုတာ ထင်ရှားနေပါတယ်။ ဒီပုံစံအတိုင်းသာဆိုရင် လွတ်လပ်သော တိုင်းပြည်အဖြစ်မှ ယူကရိန်းအတွက် ထိုးနှက်ချက်ပြင်းထန်ပါလိမ့်မယ်’’ လို့ ပြောကြားလိုက်ပါတယ်။

ယူကရိန်းရဲ့ တန်ပြန်ထိုးစစ်က ခိုင်မာစွာ နေရာချထားတဲ့ ရုရှားတပ်တွေကို အသာမရတာကြောင့် စစ်ပွဲအခြေအနေနဲ့ ပတ်သက်ပြီး ပူတင်က လတ်တလောရက်တွေမှာ ယုံကြည်ချက်ရှိစွာ ပြောကြားလာပါတယ်။

လက်ရှိမှာ ရုရှားက ယူကရိန်းနယ်မြေတွေရဲ့ ၁၇.၅ ရာခိုင်နှုန်းကို ထိန်းချုပ်ထားပါတယ်။

ဆွေးနွေးညှိနှိုင်းမှုတွေက ပြီးခဲ့တဲ့ တစ်နှစ်ခွဲအတွင်း သိမ်းပိုက်ရရှိထားတဲ့ နယ်မြေတွေကို စွန့်လွှတ်ချင်လာအောင် ကြိုးပမ်းတာဖြစ်ပြီး ဒါမျိုးက လုံးဝမဖြစ်နိုင်ပါဘူးလို့ ဆိုလိုက်ပါတယ်။

ဇယ်လန်စကီတင်ပြတဲ့ ငြိမ်းချမ်းရေးလမ်းစဥ်မှာ ယူကရိန်းအချုပ်အခြာ နယ်မြေတွေ ပြန်လည်မွမ်းမံရေး၊ တိုက်ခိုက်မှုများ ရပ်ဆိုင်ရေး၊ ရုရှားတပ်များ ဆုတ်ခွာခြင်းတို့ကို တောင်းဆိုထားပါတယ်။

ဘယ်လိုညှိနှိုင်းမှုမဆို မြေပြင်ကတပ်တွေ ဖန်တီးလိုက်တဲ့ လက်ရှိအခြေအနေတွေကို ထည့်သွင်းစဥ်းစားရလိမ့်မယ်လို့ ရုရှားက ပြောလိုက်ပါတယ်။

#World_News #လက်ရှိစစ်ပွဲအခြေအနေ #ယူကရိန်းကျရှုံးမည့်အန္တရာယ်ရှိနေ #Source: Reuters

#World_Science
Published 17 January 2024

လူတွေရဲ့ လက်ဗွေရာတစ်ခုချင်းစီဟာ လုံးဝမတူညီဘူးလို့ ယူဆထားကြပေမယ့် အမေရိကန်တက္ကသိုလ်တစ်ခုမှ သိပ္ပံပညာရှင်များက လူလုပ်မှတ်ဉာဏ် AI ကိုအသုံးပြုပြီး ဒီကိစ္စကို လေ့လာခဲ့ပါတယ်။

ကိုလံဘီယာတက္ကသိုလ်မှ သုတေသီများက လက်ဗွေရာတွေ လူတစ်ဦးတည်းမှာ တူညီစွာပါဝင်သလားဆိုတာကို သိရဖို့ လက်ဗွေရာပေါင်း ၆ သောင်းကို AI ကိရိယာဖြင့် ဆန်းစစ်ခဲ့ကြပါတယ်။

လူတစ်ယောက်ဆီကနေ မတူညီတဲ့လက်ချောင်းတွေမှ လက်ဗွေရာတွေ ရရှိတာနဲ့ ပတ်သက်ပြီး AI ကိရိယာက ၇၅ မှ ၉၀ ရာခိုင်နှုန်းလောက်အထိ တိကျစွာ ဖော်ထုတ်နိုင်ပါတယ်။

AI ကိရိယာက လက်ဗွေရာတွေကို ရှာဖွေရာမှာ သာမန်နည်းလမ်းတွေနဲ့ မတူကွဲပြားပါတယ်။

မှုခင်းဆေးပညာတွေ ဆယ်စုနှစ်တွေတိုင်အောင် အသုံးပြုတဲ့ နည်းလမ်းမျိုးမဟုတ်တာ သေချာတယ်လို့ စမ်းသပ်မှုကိုကြီးကြပ်တဲ့ ပရော်ဖက်ဆာ ဟော့ဒ်လစ်ဆန်က ဆိုပါတယ်။

ဒါနဲ့ပတ်သက်ပြီး အလွယ်တကူ ယုံနိုင်ဖွယ်မရှိတာကြောင့် နှစ်ခါပြန်လောက် စစ်ဆေးခဲ့ကြပါတယ်။

အခုအချိန်အထိ သိထားသမျှက လူနှစ်ယောက်က လက်ဗွေရာ မတူနိုင်ဘူးဆိုတာကို မပြနိုင်သေးတာပါပဲ။

သူတို့ရဲ့လေ့လာချက်ကို အမည်မဖော်ပြထားတဲ့ ဆေးမှုခင်းဂျာနယ်တစ်ခုက ငြင်းချက်ထုတ်ထားပါတယ်။

ပုံမှန်အားဖြင့် လေ့လာချက်တွေကို အငြင်းအခုံလုပ်လေ့ မရှိပေမယ့် ဒီကိစ္စကတော့ ဒီအတိုင်းကြည့်မနေနိုင်ကြောင်း၊ အသေအပျောက်အမှုကို ပြန်သုံးသပ်ပြီး အပြစ်ကင်းသူတွေ အပြစ်လွတ်သွားနိုင်တယ်လို့ ထောက်ပြထားပါတယ်။

ဒီသုတေသနက ဆေးမှုခင်းသိပ္ပံနဲ့ ဗီဇခွဲခြမ်းစိတ်ဖြာခြင်းတို့မှာပါ သက်ရောက်လာနိုင်ဖွယ် ရှိနေတယ်လို့ BBC က ဖော်ပြထားပါတယ်။

#World_Science #AIစက်ကိရိယာ #အမေရိကန်တက္ကသိုလ်သက်သေပြ #Source: WION

#World_Science
Published 17 January 2024

အာကာသကို လူတွေစိတ်ဝင်စားနေတာ ကြာခဲ့ပြီဖြစ်ပြီး အချို့သောဂြိုဟ်တွေဆီကို အာကာသယာဥ်များလွှတ်ပြီး စူးစမ်းရှာဖွေနေကြပါတယ်။

အာကာသယာဥ်မှူး အများအပြားဟာ နိုင်ငံတကာ အာကာသစခန်းမှာ နေထိုင်နေကြပြီး အသီးအရွက်များ စိုက်ပျိုးကာ သိပ္ပံနည်းကျ စမ်းသပ်ချက် အများအပြား ပြုလုပ်နေကြပါတယ်။

ဒါပေမဲ့ အာကာသထဲမှာ လူသားတွေ လိင်မှုပြုပြီး ကိုယ်ဝန်ရနိုင်လားဆိုတာကတော့ သေချာမသိကြသေးပါဘူး။

အာကာသမှာ ဆွဲအားအလွန်နည်းတာကြောင့် အရာဝတ္ထုတွေ လူတွေ တစ်နေရာတည်းမှာရှိနေဖို့ ခက်ခဲပါတယ်။

အာကာသစခန်းမှာ လူများစွာရှိသလို အားလုံးက အလုပ်များလွန်းတာကြောင့် ဒီကိစ္စအတွက် အချိန်မပေးနိုင်ကြဘူးလို့ နော်တင်ဂမ်တက္ကသိုလ်မှ တွဲဖက်ပရော်ဖက်ဆာ အဒမ်ဝက်ကင်စ်က ပြောပြသွားပါတယ်။

တစ်နေရာတည်းမှာ နေနိုင်ဖို့ခက်ခဲတဲ့ ပြဿနာအပြင် ထွက်လာတဲ့အရည်တွေ ပျံ့ထွက်သွားနိုင်တဲ့ ပြဿနာလည်း ရှိနေပါသေးတယ်။

အာကာသထဲမှာ လိင်မှုပြုနိုင်ရုံမက ဘေးကင်းစိတ်ချရဖို့၊ စိတ်ကျေနပ်မှုရရှိဖို့အတွက် နည်းပညာဆန်းသစ်တီထွင်မှုတွေ လိုအပ်တဲ့အပေါ် မူတည်တယ်လို့ အာကာသလိင်မှုသုတေသနမှ မာရီယာဆန်တာဂွီဒါက ပြောပြသွားပါတယ်။

ဒါ့အပြင် အာကာသထဲက ဆွဲငင်အားအလွန်နည်းပါးခြင်းက ကိုယ်ဝန်ရရန် ခက်တဲ့အပြင် သန္ဓေသားဖွံ့ဖြိုးမှု ချို့ယွင်းတာတွေ ဖြစ်လာနိုင်ပါတယ်။

ဆွဲငင်အားနည်းတဲ့ပြဿနာကို အဆင့်မြင့်နည်းပညာ ပစ္စည်းများဖြင့် ဖြေရှင်းနိုင်ဖွယ်ရှိတယ်လို့ ဝက်ကင်စ်က ဆိုပါတယ်။

အထက်ပါ ပြဿနာတွေအပြင် အမျိုးသားတွေမှာ ထောင်မတ်နိုင်စွမ်း ချို့ယွင်းတဲ့ပြဿနာလည်း ရှိနေပါတယ်။

အစောပိုင်း တွေ့ရှိချက်များအရ အာကာသတာဝန်ကနေ ပြန်လာတဲ့သူတွေမှာ ထိုပြဿနာကို တွေ့ရှိခဲ့ကြပါတယ်။

အာကာသထဲရှိနေစဥ်သာ ထိုပြဿနာခံစားရတာမဟုတ်ဘဲ ကမ္ဘာသို့ပြန်လာပြီး အချိန်အတော်ကြာတဲ့အထိ ခံစားနေကြရပါတယ်။

#World_Science #ဆွဲငင်အားအလွန်နည်းပါးခြင်း #လိင်ဆက်ဆံမှုလုပ်နိုင်ခြေနည်းပါး #Source: WION

တရုတ်ပြည်ရှိ ဈေးကွက်အများအပြားမှာ လူလုပ်ကျောက်မျက်ရတနာတုများ ဝယ်လိုအားတက်လာတာကြောင့် ဈေးနှုန်းများလည်း မြင့်တက်လာပါတယ်။ တရုတ်ပြည် ဝူကျိုးမြို့ဟာ ကျောက်မျက်တုရောင်းဝယ်ရေးနဲ့ ဖြန့်ဖြူးရေး အကြီးမားဆုံးနေရာ ဖြစ်ပါတယ်။
#Asia_Industry
Published_ 16 January 2024
#လူလုပ်တရုတ်ကျောက်မျက်ရတနာတု #ပြည်တွင်းဈေးကွက်ဝယ်လိုအားတက်
#Yangon_Times #YMG_News #Yangon_Media_Group

၁၆ ဇန်နဝါရီ ၂၀၂၄

၂၀၂၃ခုနှစ်မှာ မြန်မာနိုင်ငံမြောက်ပိုင်းမှာ ဆက်သွယ်ရေးအွန်လိုင်းလိမ်လည်မှုတွေကို တရုတ်နိုင်ငံပြည်သူ့လုံခြုံရေးဌာနက အာရုံစိုက်နှိမ်နှင်းမှုတွေပြုလုပ်ခဲ့ပြီး လိမ်လည်အုပ်စုကြီးတွေရဲ့ အဓိကအဖွဲ့ဝင် ၇၈ ဦးနှင့် ရာဇဝတ်မှူကျူးလွန်းသူ ၄၁,၀၀၀ ဦးကို ဖမ်းဆီးနိုင်ခဲ့ပါတယ်။ အဲဒီအပြင် ယင်းအမှုကိစ္စတွေနှင့်သက်ဆိုင်တဲ့ အမေရိကန်ဒေါ်လာ ၄၈၈.၃သန်းခန့်နှင့်ညီမျှတဲ့ တရုတ်ယွမ်ငွေ ၃.၅ ဘီလျံကိုလည်း သိမ်းဆည်းနိုင်ခဲ့တယ်လို့ စီစီတီဗွီသတင်းကပြောပါတယ်။

Source CCTV+

#Daily_News
Published_ 16 January 2024

၁။ အစ်မတော်မြနန်းနွယ်၏ (၁၁၇) နှစ်မြောက်မွေးနေ့(၃)ရက်တိုင်တိုင် ကျင်းပမည်

၂။ ဇန်နဝါရီအတွင်းရောင်းချရမည့် ဆန်ဈေးနှုန်းများ ယခင်လထက်အမြင့်ဆုံး တစ်အိတ်လျှင်ကျပ်‌လေးသောင်းအထိမြင့်တက်လာ

၃။ ဝါးနက်ဆင်စခန်း၏ ပထမဆုံးဆင်လေးငြိမ်းချမ်းဦးမွေးဖွားပြီး ကျန်းမာရေးကောင်းမွန်

၄။ ပြည်တွင်းဈေးကွက်တွင်ဝယ်လိုအားတက်လာသည့် လူလုပ်တရုတ်ကျောက်မျက်ရတနာတုများ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

#Local_News
Published 16 January 2024

၂၀၀၂၄ခုနှစ်ဘောလုံးရာသီအတွက်ဟံသာဝတီယူနိုက်တက်အသင်းဂိုးသမား ပြည့်ဖြိုးအောင်နှင့် ဒုတိယမြောက်အားဖြည့်မှုအဖြစ်မြန်မာ့လက်ရွေးစင်အသင်းနှင့် ဒဂုံစတားယူနိုက်တက်အသင်းမှ ဝေလင်းအောင် ကို ရန်ကုန်ယူနိုက်တက်အသင်း ခေါ်ယူခဲ့ကြောင်းယင်းအသင်းမှသိရသည်။

ရန်ကုန်ယူနိုက်တက်အသင်းသည် ၂၀၂၄ ဘောလုံးရာသီအတွက် ရာသီကြိုပြင်ဆင်မှုအဖြစ်ဟံသာဝတီယူနိုက်တက်အသင်းဂိုးသမား ပြည့်ဖြိုးအောင်ကို ၂ နှစ်စာချုပ်ဖြင့် ရန်ကုန်ယူနိုက်တက်အသင်းသို့ ခေါ်ယူထားပြီးဖြစ်ကြောင်းသိရသည်။

“ဆောက်သမ်းမြန်မာအသင်းမှာ ကတည်း ရန်ကုန်ယူနိုက်တက်မှာ ကန်ချင်တဲ့ ဆန္ဒရှိခဲ့ပါတယ်။ အသင်းကြီးတစ်သင်းမှာ ကန်ခွင့်ရဖို့နဲ့ AFC မှာ ကန်ချင်တာ က ကျွန်တော်ရဲ့ ရည်မှန်းချက်ပါ။ အသင်းနဲ့အတူ ပွဲတိုင်းကို အကောင်းဆုံး ကျော်ဖြတ်ပြီး ချန်ပီယံ ရရှိအောင် ကြိုးစားချင်ပါတယ်” ဟုပြည့်ဖြိုးအောင်ကဆိုသည်။

အသက် ၃၃ နှစ်ရှိပြီဖြစ်သည့် ဝါရင့်ဂိုးသမား ပြည့်ဖြိုးအောင် သည် အားကစားနှင့် ကာယပညာသိပ္ပံ (ရန်ကုန်) မှ ပေါ်ထွန်းခဲ့သည့် ကစားသမား တစ်ဦးဖြစ်ပြီး ပရော်ဖက်ရှင်ကစားသမားဘဝကို ၂၀၀၉ ခုနှစ် မြန်မာနေရှင်နယ် လိဂ် ပြိုင်ပွဲ စတင်ကျင်းပချိန်ကတည်းက ဆောက်သမ်းမြန်မာ အသင်း တွင် ကစားခဲ့သူဖြစ်သည်။ ဆောက်သမ်းမြန်မာ အသင်း၌ ကစားခဲ့စဉ်ကာလအတွင်း မြန်မာယူ-၁၇၊ ၁၉၊ ၂၀၊ ၂၃ စသည့် သက်တမ်းအလိုက် လူငယ်လက်ရွေးစင် အသင်းများတွင် ရွေးချယ်ခံခဲ့ရသလို ၂၀၁၁ ခုနှစ်တွင်လည်း မြန်မာ့ လက်ရွေးစင်ဘောလုံးအသင်းအတွက် ရွေးချယ် ခြင်းခံခဲ့ရသူဖြစ်ကြောင်းသိရသည်။

ဆောက်သမ်းမြန်မာအသင်းနှင့် ၁၁ နှစ်ကြာ ကစားခဲ့ပြီးနောက် ၂၀၂၀ ပြည့်နှစ်တွင် ဟံသာဝတီယူနိုက်တက် အသင်းသို့ ပြောင်းရွှေ့ခဲ့ပြီး (၃) နှစ် ပါဝင်ကစားခဲ့ကာ ယခုနှစ်တွင် ရန်ကုန်ယူနိုက်တက်အသင်း ကို ပြောင်းရွှေ့လာခဲ့ခြင်း ဖြစ်ကြောင်းသိရသည်။

ထို့အပြင် မြန်မာ့ လက်ရွေးစင်အသင်းနှင့် ဒဂုံစတားယူနိုက်တက်အသင်း ကွင်းလယ်ခံစစ် ကစားသမား ဝေလင်းအောင် ကို တစ်ရာသီစာချုပ်ဖြင့် ချုပ်ဆိုခေါ်ယူလိုက်ပြီ ဖြစ်ကြောင်းသိရသည်။

“ရန်ကုန်ယူနိုက်တက်အသင်းလို အသင်းကြီးမျိုးကို ရောက်လာရတဲ့အတွက် ပျော်ပါတယ်။ အရင်ကတည်းကလည်း ရန်ကုန်အသင်းမှာ ကစားချင်ခဲ့တာပါ။ အသင်းနဲ့အတူလည်း အောင်မြင်မှုတွေယူချင်ပါတယ်” ဟု ဝေလင်းအောင် ကဆိုသည်။

လူငယ်ကစားသမားတစ်ဦးဖြစ်သည့် ဝေလင်းအောင်သည် အားကစားနှင့် ကာယပညာသိပ္ပံ (မန္တလေး)တွင် ဘောလုံးပညာကိုလေ့လာခဲ့ပြီး ၂၀၁၃ ခုနှစ်မှစတင်ကာ အား/ကာသိပ္ပံအသင်းနှင့်အတူ မြန်မာနေရှင်နယ်လိဂ် ယူ-၁၈ တွင်စတင်ကစားခဲ့ ကြောင်းသိရသည်။ ထိုအသင်းနှင့်အတူ ယူ-၂၀၊ ယူ-၂၁ စသည့် လူငယ်အသင်းတွင်ကစားခဲ့ပြီးနောက် ၂၀၁၈ ခုနှစ်တွင် မြန်မာနေရှင်နယ်လိဂ်-၂ တွင်သို့ တက်ရောက်ယှဉ်ပြိုင်ခဲ့ပြီး ၂၀၁၉ ခုနှစ်မှစတင်ကာ အား/ကာသိပ္ပံ အသင်းနှင့်အတူ မြန်မာနေရှင်နယ်လိဂ် သို့ ဝင်ရောက်ယှဉ်ပြိုင်ကစားခဲ့သည်။

ခြေစွမ်းကောင်းပြသနေသည့် ဝေလင်းအောင်သည် ၂၀၂၂ ခုနှစ်တွင် ဒဂုံစတားယူနိုက်တက်အသင်းကို ပြောင်းရွှေ့ခဲ့ပြီး နှစ်နှစ်ဆက်ကစားပြီးနောက် ရန်ကုန်ယူနိုက်တက်အသင်းကို ပြောင်းရွှေ့လာခဲ့ခြင်းဖြစ်သည်။

စစ်ကိုင်းတိုင်း၊ ကသာမြို့ဇာတိဖြစ်သည့် ဝေလင်းအောင် သည် ၂၀၂၂ ခုနှစ် ဗီယက်နမ်နိုင်ငံတွင် ကျင်းပခဲ့သည့် ၃၁ ကြိမ်မြောက် အရှေ့တောင်အာရှ အားကစားပြိုင်ပွဲတွင်လည်းရွေးချယ်ခြင်းခံခဲ့ရသူတစ်ဦးဖြစ်ကြောင်းသိရသည်။

#Local_News #ဝေလင်းအောင်ကို ရန်ကုန်ယူနိုက်တက်အသင်းခေါ်ယူ #YMG/ NN #Yangon-Times

"၂၀၂၃ ရုံတင် ၃၅ ကားထဲ ဒုတိယအဆင့် ၁၂ကားတက်လာပြီး အမှတ်ပေး‌ရွေးချယ်ထားပါတယ်။ အဲ့မှာ ကောင်းတဲ့သူတွေနဲ့ အပြိုင်တွေများလို တတိယအဆင့်ထပ်ကြည့်ရွေးချယ်ပြီး စာအိတ်တွေ ချိတ်ပိတ်ထားပြီးကျွန်တော်တို့ ဆီရောက်လာပါပြီ။ ပွဲနေ့ကျသိရတော့မှာပါ" ရုပ်ရှင်ထူးချွန်ဆု‌ရွေးချယ်‌ရေးအကဲဖြတ်အဖွဲ့ ဥက္ကဌဦး‌ဇော်မြင့်ဦး
#Local_News
Published_ 16 January 2024
#အကယ်ဒမီ‌ #ရုပ်ရှင်ထူးချွန်ဆု‌ရွေးချယ်‌ရေးအကဲဖြတ်အဖွဲ့
#tthl #Yangon_Times

#Local_News
Published_ 16 January 2024

လွန်ခဲ့သော(၂၄)နာရီအတွင်းက နေပြည်တော်နှင့် ရှမ်းပြည်နယ်(အရှေ့ပိုင်း)တို့တွင် နေရာစိပ်စိပ် မိုးထစ်ချုန်းရွာခဲ့ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနမှ သိရသည်။

မှတ်သားဖွယ်ရာ မိုးရေချိန်များမှာ မိုင်းဆတ်မြို့နှင့် နေပြည်တော်(ဇမ္ဗူသီရိမြို့နယ်)တို့တွင် (၀.၁၆) လက်မစီ၊ နေပြည်တော်(ဥတ္တရသီရိမြို့နယ်)နှင့် နေပြည်တော်(ဇေယျာသီရိမြို့နယ်)တို့တွင် (၀.၁၂) လက်မစီနှင့် ကျိုင်းတုံမြို့နှင့် ဧလာမြို့တို့တွင် (၀.၀၄)လက်မစီတို့ ရှိခဲ့သည်ဟုဆိုသည်။

ဇန်နဝါရီလ(၁၇)(၁၈)ရက်တို့တွင်ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီးနှင့် ရှမ်းပြည်နယ်တို့တွင် ညအပူချိန်များ အနည်းငယ်လျော့နည်းနိုင်ကြောင်း သိရသည်။

ညအပူချိန်များ အနေဖြင့် ချင်းပြည်နယ်တွင် ဇန်နဝါရီလ၏ ပျမ်းမျှအပူချိန်အောက် (၂)ဒီဂရီစင်တီဂရိတ် လျော့နည်းခဲ့ပြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီးနှင့် ရခိုင်ပြည်နယ်တို့တွင် ဇန်နဝါရီလ၏ ပျမ်းမျှအပူချိန်တို့ထက် (၂)ဒီဂရီစင်တီဂရိတ်နှင့် နေပြည် တော်၊ ဧရာဝတီတိုင်းဒေသကြီး၊ ရှမ်းပြည်နယ်လ(တောင်ပိုင်းနှင့် အရှေ့ပိုင်း)၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် ဇန်နဝါရီ လ၏ ပျမ်းမျှအပူချိန်တို့ထက် (၃)ဒီဂရီစင်တီဂရိတ်မှ (၄) ဒီဂရီစင်တီဂရိတ်အထိ ပိုခဲ့ကာ၊ ကျန်တိုင်းဒေသကြီးနှင့် ပြည်နယ်တို့တွင် ဇန်နဝါရီလ၏ ပျမ်းမျှအပူချိန်ခန့်သာ ရှိခဲ့သည်။ 

ထူးခြားသည့် ညအပူချိန်များအဖြစ် ဟားခါးမြို့တွင် (-၁)ဒီဂရီစင်တီဂရိတ်၊ ဟဲဟိုးမြို့နှင့် တီးတိန်မြို့တို့တွင် (၄)ဒီဂရီစင်တီဂရိတ်စီနှင့် ပူတာအိုမြို့၊ ကျောက်မဲမြို့၊ နမ့်စန်မြို့(ရှမ်းပြည်နယ်တောင်ပိုင်း)၊ မိုင်းယန်းမြို့၊ မတူပီမြို့၊ ပြင်ဦးလွင်မြို့နှင့် မိုးကုတ်မြို့တို့တွင် (၆)ဒီဂရီစင်တီဂရိတ်စီတို့ ရှိခဲ့ကြောင်း သိရသည်။

#Local_News #ရန်ကုန်၊ ပဲခူး၊ ဧရာဝတီ၊ ရှမ်း #ညအပူချိန်ကျနိုင် #tthl #Yangon_Times

ရန်ကုန်ဈေးကွက်တွင် ကြက်သွန်နီတစ်ပိဿာကို ကျပ် ၁၂၀၀မှ ၂၅၀၀ ကျပ်၀န်းကျင်ရှိပြီး မိုးကြက်သွန်နီအသစ်တွေ စတင်ဝင်ရောက်တဲ့ ဒီဇင်ဘာလပိုင်းက စတင်ပြီး ဈေးတဖြည်းဖြည်းကျဆင်းခဲ့ရာ ပြည်ပ၀ယ်လိုအား အေးတဲ့အပြင် ပြည်တွင်းဝယ်လိုအားပါ မရှိတဲ့အတွက် ဈေးဆက်လက်ကျဆင်းလာတာ ဖြစ်တယ်လို့ ဆိုပါတယ်။
#Local_News
Published_ 16 January 2024
#ရန်ကုန်ဈေးကွက် #ကြက်သွန်နီစျေးကျဆင်း
#YMG/LW #Yangon_Times

'လွတ်လပ်ရေးနေ့မှာ မွေးလို့ငြိမ်းချမ်းဦးလို့နာမည်ပေးထားပါတယ်၊ ဆင်လေးက ငြိမ်းစောလေးရဲ့သားဦးလေးဖြစ်သလို ဝါးနက်အပန်း ဖြေဆင်စခန်းရဲ့သားဦးလည်းဖြစ်ပါတယ်။ ဆင်တွေကမွေးပြီးအထီးအမခွဲခြားရခက်ပေမယ့်သူကတော့ မွေးပြီးနာရီပိုင်းမှာပဲ အထီးမှန်းသိသိသာသာပေါ်လွင်ထင်ရှားလာတယ်၊ အရပ်အမောင်းကောင်းတယ်၊နိုမှီတယ်၊ ကြန်အင်လက္ခဏာကလည်းနှာမောင်းရှည်တယ်၊ သွယ်တယ်၊ လက်ဆံလက်ဆံတုတ်တယ်အမြှီးသွယ်တယ်၊ရှည်တယ်၊‌ နောက်အမြှီးတံခါးဖွင့်ပါ၊ ဉီး‌ခေါင်းဘက်နဲ့အမြှီးဘက်ကို ရှေ့‌နောက်အမြှီး ပေါက်ပါတယ်၊ ခြေသည်းအနေနဲ့ရှေ့လက်တစ်ဖက်ငါးချောင်းစီပါပါတယ်၊ နောက်ခြေနှစ်ဖက်မှာငါးချောင်းစီပါပါတယ်၊ ဒါလေးတွေကလှတဲ့လက္ခဏာလေးတွေပါ၊ ကျန်းမာရေးလည်းကောင်းမွန်ပါတယ်'
#Local_News
Published_ 16 January 2024
#ဝါးနက်ဆင်စခန်း #ထမဆုံးဆင်လေးငြိမ်းချမ်းဦးမွေးဖွား
#YMG/ NN #Yangon_Times