မိုးရေကြီးခြင်းကြောင့်ကင်ညာစာသင်ကျောင်းများပျက်စီးကာ ကလေးများကျောင်းမတက်နိုင်ဖြစ်နေ

ကင်ညာနိုင်ငံမှာ ဧပြီလနဲ့ မေလအတွင်း မိုးသည်းထန်စွာ ရွာသွန်းခဲ့ရာ ရပ်စဲသွားပြီဖြစ်ပေမယ့် ရေကြီးခဲ့စဉ်က စာသင်ကျောင်း အဆောက်အအုံတွေ ပျက်စီးပြီး စီးပွားရေးဆုံးရှုးမှုများ ဖြစ်ခဲ့တာကြောင့် ကျောင်းသားတွေ အတန်းပြန်မတက်နိုင်သေးပါဘူး။
#World_Crisis
Published_ 27 June 2024
#စာသင်ကျောင်းများပျက်စီး #ကလေးများကျောင်းမတက်နိုင်
#YMG #Yangon_Times #Yangon_Media_Group

#Daily_News
Published_ 27 June 2024

၁။ Online Trading Platform မှတစ်ဆင့် ထိုင်းဘတ်သန်း (၄၀) ဗဟိုဘဏ်ထပ်မံရောင်းချ၊ ငါးလအတွင်း ဘတ်သန်းပေါင်း၂၃၆သန်းအထိရောင်းချပေးပြီးဖြစ်

၂။ မြန်မာကျောင်းသားများ EU ၏ ထောက်ပံ့မှုဖြင့် အာဆီယံတက္ကသိုလ်‌များ၌စရိတ်ငြိမ်းပညာသင်ယူနိုင်

၃။ ကုန်အဝင်နည်းနေပြီး ဝယ်လိုအားရှိနေတဲ့အတွက် အာလူးဈေးမြင့်နေ

၄။ မိုးရေကြီးခြင်းကြောင့် ကင်ညာစာသင်ကျောင်းများပျက်စီးကာ ကလေးများကျောင်းမတက်နိုင်ဖြစ်နေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ဆောင်းခိုငှက်တွေကို လာရောက်လေ့လာကြည့်ရှုနိုင်တဲ့ ပဲခူးတိုင်းဒေသကြီး ပဲခူးမြိုနယ်နှင့်ဝေါမြို့နယ်အတွင်းမှာရှိတဲ့ မိုးယွန်းကြီးအင်းဘေးမဲ့တောမှာ မိုးတွင်းကာလ ရောက်ရှိလာတဲ့အတွက် ဧည့်ဝင်ရောက်မှုနည်းနေတယ်လို့ moeyungyi wetland resort မှ တာဝန်ရှိသူတွေထံက သိရပါတယ်။
#Local_News
Published_ 27 June 2024
#မိုးယွန်းကြီးအင်းဘေးမဲ့တော #ဧည့်ဝင်ရောက်မှု၁၀၀ကျော်ရှိ
#YMG/LW #Yangon_Times

ကျေးဇူးတော်ရှင် ဝင်းနိမ္မိတာရုံဆရာတော်ဘုရားကြီးရဲ့ အန္တိမစျာပနအခမ်းအနားကို အစီအစဉ်(၄)ပိုင်းနဲ့ ကျင်းပပြီး ဇွန်(၂၈)ရက်မှာ ကရဝိတ်ဖောင်တော်နဲ့ သိမ်ဇရပ်စစ်တောင်းမြစ်အတွင်းသို့ အရိုးပြာတွေမျှောပြီး ပူဇော်သွားဖို့ရှိတယ်လို့ သိရပါတယ်။
#Local_News
Published_ 27 June 2024
#tthl #Yangon_Times

ပြည်တွင်းဝယ်လိုအားရှိနေပေမယ့် ဈေးကွက်ထဲကုန်အဝင်နည်းနေတာကြောင့် အာလူးတစ်ပိဿာကျပ် ၃၀၀၀ ကျော်အထိ ဈေးမြင့်နေတယ်လို့ အောင်ပန်းရှိကုန်စိမ်းပွဲရုံတွေထံက သိရပါတယ်။
#Local_News
Published_ 27 June 2024
#မိုးအာလူး #အောင်ပန်းရှိကုန်စိမ်းပွဲရုံ
#YMG/LW #Yangon_Times

ဥရောပသမ္မဂEU ရဲ့ထောက်ပံ့မှုဖြင့်  အာဆီယံတက္ကသိုလ်‌‌တွေမှာ စရိတ်ငြိမ်းပညာသင်လိုတဲ့ မြန်မာ‌ကျောင်းသား၊ကျောင်းသူတွေကို ဗီဇာ/ပါမစ်၊ နိုင်ငံတကာခရီးသွားစရိတ်တွေ၊ သင်တန်းကြေး၊ တက္ကသိုလ်ဝင်ကြေးနှင့် အာမခံကြေးအပြင် လစဉ်ပညာသင်ဆုယူရို‌ငွေ€ 500 ပေးအပ်သွားမှာဖြစ်တယ်လို့ သိရပါတယ်။
#Local_News
Published_ 27 June 2024
#အာဆီယံတက္ကသိုလ်‌ #စရိတ်ငြိမ်းပညာသင်ယူနိုင်
#tthl #Yangon_Times

ပို့ကုန်သွင်းကုန်လုပ်ငန်းရှင်တွေအတွက် Online Trading Platform က တစ်ဆင့် ထိုင်းဘတ်သန်း ၄၀ ထပ်မံထုတ်ရောင်းပေးခဲ့ပြီး၊ ငါးလအတွင်း ဘတ်သန်းပေါင်း၂၃၆ အထိ ရောင်းချပေးပြီးဖြစ်တယ်လို့ မြန်မာနိုင်ငံတော်ဗဟိုဘဏ်က ထုတ်ပြန်‌တွေအရ သိရပါတယ်။
#Local_News
Published_ 27 June 2024
#ဗဟိုဘဏ်ရောင်းချပေး #ပို့ကုန်သွင်းကုန်လုပ်ငန်းရှင်
#YMG NN #Yangon_Times

#Local_News
Published_ 27 June 2024

▪️ မနေ့က ဇွန်လ(၂၆)ရက်တွင် ကမ္ဘာ့‌ရွှေဈေးတစ်အောင်စကို USD2325 ရှိခဲ့ရာမှ ယနေ့ဇွန်လ(၂၇)ရက်တွင် ကမ္ဘာ့‌ရွှေဈေးတစ်အောင်စကို USD2299 ပဲရှိပြီး ရွှေဈေးအနည်းငယ်ကျဆင်းခဲ့ကြောင်း သိရသည်။

▪️ ယနေ့ကမ္ဘာ့ရွှေဈေးကျ၍  ဇွန်လ(၂၇)ရက်တွင် မြန်မာ့ရွှေဈေးYGEA သတ်မှတ်စျေး သောင်းဂဏန်းကျသွားသည်ဟုဆိုသည်။

▪️ ဇွန်လ (၂၆)ရက်တွင် မြန်မာ့ရွှေဈေးYGEA သတ်မှတ်စျေးအကယ်ဒမီ မီးလင်းရွှေစျေးကွက်ဈေးနှုန်း 4,526,508/-(ကျပ် လေးဆယ့် ငါးသိန်း နှစ်သောင်း ခြောက်ထောင့် ငါးရာ့ ရှစ်ကျပ်)သတ်မှတ်ခဲ့ပြီး  ယနေ့ဇွန်လ (၂၇) ရက်၌4,479,899/-(ကျပ် လေးဆယ့် လေးသိန်း ခုနှစ်သောင်း ကိုးထောင့် ရှစ်ရာ့ ကိုးဆယ့် ကိုးကျပ်)ဖြင့်သာ ရွှေဆိုင်များ ရွှေလုပ်ငန်းရှင်များအားလုံးရောင်းဝယ်ကြရန် သတ်မှတ်လိုက်ကြောင်း သိရသည်။

▪️ လက်ရှိအချိန်တွင် ရွှေဈေးကွက်အတွင်း၌ YGEA သတ်မှတ်စျေးဖြင့်သာ အရောင်းအဝယ်ပြုလုပ်ကြသူများရှိသလို ပြင်ပဈေးနှင့်ရောင်းဝယ်နေကြသူများလည်းရှိကြောင်း သိရသည်။

#tthl #Yangon_Times

#Local_News
Published 27 June 2024

▪️ ရန်ကုန်တိုင်းဒေသကြီး သာကေတမြို့နယ် ကမာကြည်တံတား အမှတ်(၁) ပေါ်မှ အမျိုးသားတစ်ဦးခုန်ချမှုဖြစ်ပွားခဲ့ကြောင်း သာကေတမြို့နယ်လူမူကူညီရေးအဖွဲ့ထံမှ သိရသည်။

▪️ အဆိုပါ အမျိုးသားမှာ ဇွန်လ ၂၇ရက် မနက်၁ နာရီ ခန့် က တံတားပေါ်သို့ ကားဖြင့်မောင်းနှင်လာပြီး ကားကိုရပ်ကာ တံတားပေါ်မှ ခုန်ချခဲ့ခြင်းဖြစ်ကြောင်း သိရသည်။

▪️ တံတားပေါ်မှ ခုန်ချသွားကြောင်း သတင်းရရှိသည်နှင့် သာကေတမြို့နယ်လူမှုကူညီရေးအဖွဲ့မှ အချိန်နှင့်တပြေးညီ ထွက်ခွာပြီး မီးစလိုက်အကူပေးခြင်းဖြင့် ရှာဖွေကယ်ဆယ်ရေးလုပ်ငန်းများ လုပ်ဆောင်ပေးခဲ့ကြောင်း သိရသည်။

▪️ လက်ရှိမှာ တံတားပေါ်မှခုန်ချခဲ့သည့် အမျိုးသား၏ မိသားစုဝင်များနှင့်ချိတ်ဆက်မိပြီဖြစ်သော်လည်း ယင်းအမျိုးသားကိုတော့ ပြန်လည်တွေ့ရှိခြင်းမရှိသေးကြောင်း သိရသည်။

#YMG/LW #Yangon_Times

#Local_News
Published 27 June 2024

▪️ တစ်နိုင်ငံလုံး၌ ယခု၂၀၂၄ ခုနှစ်အတွင်း မိုးနှင့်ဆောင်းစိုက်ရာသီများအတွက် ဆီထွက်သီးနှံ စုစုပေါင်း ဧက ရှစ်သန်းကျော်  စိုက်ပျိုးသွားမည်ဖြစ်ကြောင်း စိုက်ပျိုးရေးဦးစီးဌာနမှ သိရသည်။

▪️ ထိုသို့စိုက်ပျိုးရာတွင် မြေပဲဧက ၃ သန်းကျော်၊ နှမ်းဧက ၃ ဒသမ ၈ သန်း၊ နေကြာဧက ၁ သန်းကျော်၊ ဆီမုန်ညင်းဧက ၉၃,၀၀၀ နှင့် ပန်းနှမ်းဧက ၃ သိန်း ဝန်းကျင်၊ စုစုပေါင်း ဧက ၈ ဒသမ ၂ သန်းကျော်ကို စိုက်ပျိုးမည်ဖြစ်ကြောင်း သိရသည်။

▪️ ထို့အပြင် နွေသီးနှံစိုက်ပျိုးရာသီ၌  နွေနှမ်းဧက ၃၆၀,၀၀၀ ခန့် စိုက်ပျိုးရန်လျာထားကြောင်း၊ ပြည်တွင်း၌ ဆီထွက်သီးနှံများကို မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီးနှင့် ပဲခူးတိုင်းဒေသကြီးတို့တွင်  အများဆုံးစိုက်ပျိုးလျက်ရှိကာ စားသုံးဆီဖူလုံရေးအတွက် စီမံကိန်းများချမှတ်၍ တိုးချဲ့စိုက်ပျိုးလျှက်ရှိကြောင်း သိရသည်။

#YMG/NN #Yangon_Times

၂၇ ဇွန် ၂၀၂၄

နိုင်ငံတော် သမ္မတ(ငြိမ်း) ဦးသိန်းစိန်သည်  တရုတ်နိုင်ငံတွင်ကျင်းပမည့် ငြိမ်းချမ်းစွာ အတူနေထိုင်ရေး မူကြီး(၅)ချက် ထုတ်ပြန်ခြင်း နှစ် ၇၀ပြည့်အခမ်းအနားသို့တက်ရောက်ရန်  နေပြည်တော်လေဆိပ်မှ ယနေ့ ဇွန်လ ၂၇ ရက်နေ့တွင် ထွက်ခွာသွားခဲ့ပါတယ်။

မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံသံရုံးက သမ္မတ(ငြိမ်း) ဦးသိန်းစိန်၏ တရုတ်ပြည်ခရီးစဉ်ကို ယနေ့ ဇွန်လ ၂၇ ရက်တွင် အသိပေးသတင်းထုတ်ပြန်ခဲ့တာဖြစ်ပါတယ်။

ဦးသိန်းစိန်ကို နေပြည်တော်လေဆိပ်တွင် နစက ဒုတိယဝန်ကြီးချုပ် နှင့် ကာကွယ်ရေးဝန်ကြီးဌာ ပြည်ထောင်စုဝန်ကြီး ဗိုလ်ချုပ်ကြီးတင်အောင်စန်း၊နစကအဖွဲ့ဝင် နိုင်ငံခြားရေးဝန်ကြီးဟောင်း ဦးဝဏ္ဏမောင်လွင်၊ပြည်ထောင်စုဝန်ကြီး ဦးကိုကိုလှိုင် နှင့် နိုင်ငံခြားရေးဝန်ကြီးဌာန ဒုတိယဝန်ကြီး ဦးလွင်ဦးတို့ လေဆိပ်မှာ နှုတ်ဆက်ခဲ့ကြပါတယ်။ မြန်မာနိုင်ငံဆိုင်ရာ တရုတ် သံအမတ်ကြီး Mr. Chen Hai ကလည်း နေပြည်တော်လေဆိပ်မှာ နှုတ်ဆက်ခဲ့ပါတယ်။

ဇွန်လ ၂၆ ရက်နေ့ကလည်း  သံအမတ်ကြီး Mr. Chen Hai သည် နေပြည်တော်၌ သမ္မတဟောင်း ဦးသိန်းစိန်အား သွားရောက်တွေ့ဆုံခဲ့ပြီး နှစ်ဦးနှစ်ဖက်က မြန်မာနိုင်ငံအခြေအနေ၊ တရုတ်-မြန်မာ ပူးပေါင်းဆောင်ရွက်ရေး စသည့်ကိစ္စရပ်များနှင့် စပ်လျဉ်း၍ အမြင်ချင်းဖလှယ်ခဲ့ကြတယ်လို့ တရုတ်သံရုံးရဲ့ သတင်းထုတ်ပြန်ချက်မှာ ဖော်ပြထား   ပါတယ်။ သမ္မတ(ငြိမ်း) ဦးသိန်းစိန်က ငြိမ်းချမ်းစွာ အတူယှဉ်တွဲနေထိုင်ရေး မူကြီး (၅) ချက် ထုတ်ပြန်ခြင်း နှစ် ၇၀ ပြည့် အထိမ်းအမှတ် အခမ်းအနား အောင်မြင်စွာကျင်းပနိုင်ပါစေဟု ဆုမွန်ကောင်းတောင်းပေးခဲ့တယ်လို့လည်းသိရပါတယ်။

အဆိုပါအခမ်းအနားသို့ မြန်မာနိုင်ငံမဟာဗျူဟာနှင့်နိုင်ငံတကာလေ့လာရေးအဖွဲ့ (MISIS) ဥက္ကဋ္ဌ ဦးသန့်ကျော်၊ မြန်မာ-တရုတ် ချစ်ကြည်ရေးအသင်းဥက္ကဋ္ဌ ဦးတင်ဦး၊ မြန်မာနိုင်ငံပထမဦးဆုံး ဝန်ကြီးချုပ် ဦးနု၏သမီး၊ ဦးနု-ဒေါ်မြရီ ဖောင်ဒေးရှင်းဥက္ကဋ္ဌ ဒေါ်သန်းသန်းနု တို့လည်း တက်ရောက်ကြမည်ဖြစ်ပြီး သမ္မတ(ငြိမ်း)ဦးသိန်းစိန်နှင့် အတူလေယာဉ်ဖြင့် တရုတ်နိုင်ငံသို့ ထွက် ခွာသွားခဲ့ကြကြောင်းသတင်းရရှိပါတယ်။

@ymg/knl

#World_News
Published 27 June 2024

▪️ အမေရိကန်၊ ဂျပန်၊ တောင်ကိုရီးယားတို့မှ စီးပွားကူးသန်းဝန်ကြီးများဟာ AI ဘေးကင်းလုံခြုံရေး၊ တင်ပို့ကုန်ထိန်းချုပ်ရေး၊ စိမ်းလန်းသန့်စင်စွမ်းအင် ထုတ်လုပ်ရေး၊ တစ်ပိုင်းလျှပ်ကူးပစ္စည်း ထောက်ပံ့ရေးကွင်းဆက်များ အပါအဝင် ဗျူဟာမြောက်ကိစ္စရေးရာတွေမှာ ပူးပေါင်းဆောင်ရွက်ကြဖို့ ဗုဒ္ဓဟူးနေ့မှာ ကတိပြုလိုက်ကြပါတယ်။

▪️ ‘‘ဒီအတွက် အားလုံးဟာ နှစ်ဆကြိုးပမ်းအားထုတ်နေကြပါတယ်’’ လို့ အမေရိကန် စီးပွားကူးသန်းဝန်ကြီး ဂျီနာရေမွန်ဒိုက ဝါရှင်တန်မှာ ပြုလုပ်တဲ့ အစည်းအဝေးပွဲအစမှာ ပြောကြားသွားပါတယ်။

▪️ ဒီ ၃ နိုင်ငံဟာ ထုတ်လုပ်ရေးပိုင်း၊ ဝန်ဆောင်မှုပိုင်း၊ နည်းပညာပိုင်း၊ တီထွင်ဆန်းသစ်မှုပိုင်းတွေမှာ ဦးဆောင်နေကြတာကြောင့် ဒီနိုင်ငံတွေရဲ့ အကျိုးစီးပွား အတွက်သာမက တစ်ကမ္ဘာလုံးရဲ့ ဘေးကင်းလုံခြုံရေးအတွက်ပါ အတူတကွ လုပ်ဆောင်ကြရမယ်လို့ ပြောပြသွားပါတယ်။

▪️ အစည်းအဝေးပွဲမှာ ရေမွန်ဒိုအပြင် ဂျပန်နဲ့ တောင်ကိုရီးယား စီးပွားကူးသန်း ဝန်ကြီးများဖြစ်တဲ့ ကင်ဆိုင်တိုနဲ့ အန်ဒေါ့ဂွန်တို့လည်း တက်ရောက်ခဲ့ကြပါတယ်။

▪️ ထိုတိုင်းပြည်များနဲ့ အင်ဒို-ပစိဖိတ်ဒေသမှ ပြည်သူများရဲ့ ဘေးကင်းလုံခြုံရေးနဲ့ သာယာဝပြောရေးတို့ကို မြှင့်တင်စေနိုင်မယ့် ဗျူဟာမြောက်နယ်ပယ်တွေမှာ ပူးပေါင်းဆောင်ရွက်ရေးကို အလေးထားသွားမယ်လို့ အစည်းအဝေးအပြီးမှာ ထုတ်ပြန်ကြေညာခဲ့ကြပါတယ်။

▪️ တစ်ပိုင်းလျှပ်ကူးပစ္စည်းများ၊ ဘက်ထရီများ အပါအဝင် အဓိကကဏ္ဍတွေမှာ ထောက်ပံ့ရေးကွင်းဆက်များ ခိုင်မြဲရေး၊ AI ဘေးကင်းရေးစနစ်များ၊ အရေးကြီး တွင်းထွက်ပစ္စည်းများ၊ ဆိုက်ဘာလုံခြုံရေး၊ နည်းပညာအဆင့်အတန်း ချိန်ညှိချက်အပိုင်းတွေမှာ ပူးပေါင်းဆောင်ရွက်ကြဖို့ ရည်မှန်းထားတယ်လို့ ဆိုပါတယ်။

▪️ အမေရိကန်သမ္မတ ဂျိုးဘိုင်ဒင်က ထောက်ပံ့ရေးကွင်းဆက်တွေမှာ တရုတ်ကြီးစိုးမှုကို လျှော့ချဖို့အတွက် တရုတ်မှဝင်လာတဲ့ မရှိမဖြစ် တွင်းထွက်ပစ္စည်းတွေကို အခွန်တိုးမြှင့်ကောက်ခံဖို့ ကတိပြုခဲ့ပါတယ်။

ဒီအစည်းအဝေးဟာ ၃ နိုင်ငံကြား စက်မှုပူးပေါင်းဆောင်ရွက်ရေးနဲ့ ကမ္ဘာ့ဘေးအန္တရာယ်များကို ပူးပေါင်းတုန့်ပြန်ကြဖို့အတွက် အခြေခံကျတယ်လို့ အန်ဒေါ့ဂွန်က ဆိုပါတယ်။

#Source: Reuters