#World_Military
Published 19 January 2024

နေတိုး(NATO)အဖွဲ့အစည်းက စစ်အေးတိုက်ပွဲနောက်ပိုင်း အကြီးမားဆုံး စစ်ရေးလေ့ကျင့်မှုကြီး ပြုလုပ်ရန် စီစဥ်နေပြီး ပဋိပက္ခဖြစ်ပွားလာပါက ရုရှားနဲ့ ထိစပ်နေတဲ့ နိုင်ငံများနဲ့ နေတိုးအဖွဲ့ အရှေ့ဘက်ရှိ ဥရောပ မဟာမိတ်နိုင်ငံများထံ အမေရိကန်တပ်များ ဝင်ရောက်အားဖြည့်ကူညီမယ့် ပုံစံတွေကို ကြိုတင်လေ့ကျင့်သွားမှာ ဖြစ်ပါတယ်။

မေလမှာ ပြုလုပ်သွားမယ့် Steadfast Defender 2024 လေ့ကျင့်ရေးမှာ တပ်ဖွဲ့အင်အား ၉ သောင်းခန့် ပါဝင်သွားရန်ရှိကြောင်း နေတိုးထိပ်သီးတပ်မှူး ခရစ္စကာဗိုလီက ကြာသပတေးနေ့မှာ ပြောကြားလိုက်ပါတယ်။

လေ့ကျင့်မှုထဲမှာ လေယာဥ်တင်သင်္ဘောများမှ သင်္ဘောပေါင်း ၅၀ ကျော်နဲ့ ဖျက်သင်္ဘောများ၊ တိုက်လေယာဥ်၊ ရဟတ်ယာဥ်နဲ့ ဒရုန်းပေါင်း ၈၀ ကျော်၊ တင့်ကား ၁၃၃ စင်း ခြေလျင်တိုက်ခိုက်ရေးယာဥ် ၅၃၃ စီးအပါအဝင် တိုက်ခိုက်ရေးယာဥ် အနည်းဆုံး ၁၁၀၀ ပါဝင်ဖွယ်ရှိကြောင်း နေတိုးက ပြောကြားလိုက်ပါတယ်။

ရုရှားတိုက်ခိုက်မှုတွေကို ဘယ်လိုတုန့်ပြန် တိုက်ခိုက်မလဲဆိုတာတွေနဲ့ ပတ်သက်ပြီး နေတိုးရဲ့ ပထမဦးစားပေး ကာကွယ်ရေးအစီအစဥ်များ လေ့ကျင့်သွားမှာ ဖြစ်ကြောင်း ကာဗိုလီကဆိုပါတယ်။

နေတိုးက ရုရှားနာမည်ကို ထည့်သွင်းမကြေညာပေမယ့် ထိပ်သီးဗျူဟာမြောက် အချက်အလက်များအရ နေတိုးအဖွဲ့ဝင်တွေရဲ့ လုံခြုံရေးကို တိုက်ရိုက်ခြိမ်းခြောက်နေတဲ့ ရုရှားကို ဖော်ပြနေပါတယ်။

‘’Steadfast Defender 2024 လေ့ကျင့်ရေးမှာ ဥရောပကိုကာကွယ်ဖို့ မြောက်အမေရိကနဲ့ အခြားနေတိုးအဖွဲ့ဝင် နိုင်ငံများမှ တပ်ဖွဲ့များ အလျင်အမြန် နေရာချနိုင်ရေးကို ဖော်ဆောင်သွားမှာ ဖြစ်တယ်’’ လို့ နေတိုးက ဆိုပါတယ်။

အနီးစပ်ဆုံးရန်သူနဲ့ ပဋိပက္ခဖြစ်တဲ့ပုံစံမျိုးဖြင့် တပ်အင်အားဖြည့်သွားဖို့ လေ့ကျင့်သွားမှာ ဖြစ်ကြောင်း ၂ ရက်တာ အမျိုးသားကာကွယ်ရေး အကြီးအကဲများ အစည်းအဝေးပြီးနောက် ကာဗိုလီက ဘရူဆဲလ်မြို့မှာ သတင်းထောက်တွေကို ပြောကြားခဲ့ပါတယ်။

၁၉၈၈ ခုနှစ် စစ်အေးတိုက်ပွဲအတွင်းက Reforger လေ့ကျင့်ရေးမှာ ပါဝင်လေ့ကျင့်သူ ၁၂၅,၀၀၀ ခန့်နဲ့ ၂၀၁၈ ခုနှစ်က Trident Juncture မှာ အယောက် ၅ သောင်းခန့် ပါဝင်ခဲ့တဲ့ လေ့ကျင့်ရေးတို့မှာ အကြီးမားဆုံး နောက်ဆုံးစစ်ရေးလေ့ကျင့်မှုတွေ ဖြစ်ခဲ့ပါတယ်။

လေ့ကျင့်ရေးမှာပါဝင်တဲ့ တပ်သားတွေက နေတိုးနိုင်ငံများနဲ့ ဆွီဒင်တို့မှ ဥရောပသို့ သွားရောက်ပြီး မဟာမိတ်သို့ပူးပေါင်းမယ့် ပုံစံမျိုးတွေ ပါဝင်ပါတယ်။

လေ့ကျင့်ရေး ဒုတိယအပိုင်းမှာ နေတိုးအရှေ့ဘက်ခြမ်းရှိ ပိုလန်သို့ တုန့်ပြန်ရေးတပ်များ အလျင်အမြန်နေရာချခြင်းကို အထူးပြုလေ့ကျင့်သွားမှာ ဖြစ်ပါတယ်။

အခြားအဓိကနေရာတွေကတော့ ရုရှားတိုက်ခိုက်မှု အခံရနိုင်ဆုံး ဂျာမနီ၊ နော်ဝေးနဲ့ ရိုမေးနီးယားတို့လို နိုင်ငံတွေဖြစ်ပါတယ်။

#World_Military #အကြီးမားဆုံးစစ်ရေးလေ့ကျင့်မှု #တပ်သား(၉)သောင်းခန့်ပါဝင် #Source: Reuters

#Local_News
Published_ 19 January 2024

ထိုင်းနိုင်ငံ ဘန်ကောက်မြို့၌ ကျင်းပခဲ့တဲ့ အာရှ-ပစိဖိတ်ပူးတွဲအဖွဲ့မျက်နှာချင်းဆိုင် အစည်းအဝေးတွင် မြန်မာနိုင်ငံ၏ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှုတိုက်ဖျက်ရေးဆိုင်ရာ တိုးတက်ဆောင်ရွက်မှုများကို ဆွေးနွေးခဲ့တယ်လို့ ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှု တိုက်ဖျက်ရေးလုပ်ငန်းအဖွဲ့ ဥက္ကဋ္ဌ၊ မြန်မာနိုင်ငံတော်ဗဟိုဘဏ်ဥက္ကဋ္ဌ ဒေါ်သန်းသန်းဆွေက ပြောကြားခဲ့ပါတယ်။

ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှုတိုက်ဖျက်ရေးလုပ်ငန်း အဖွဲ့အစည်းအဝေးကို ဇန်နဝါရီ ၁၈ ရက်တွင် နေပြည်တော်ရှိ ဗဟိုဘဏ်၌ ကျင်းပစဉ် ဒေါ်သန်းသန်းဆွေက ပြောကြားခဲ့တာ ဖြစ်ပါတယ်။

ထို့ပြင်မြန်မာနိုင်ငံက အကောင်အထည်ဖော်ဆောင်ရွက်ရန်ကျန်ရှိနေတဲ့ အစီအမံ ၁၀ ချက်အပေါ် APJG မှ အကဲဖြတ်သူများ၏ အကြံပြုချက်များနှင့်အညီ ဆက်လက်အကောင်အထည်ဖော် ဆောင်ရွက်ချက်များကို အကဲဖြတ်သူများ အားလုံး ခြုံငုံချိတ်ဆက် သိရှိစေရန်အတွက် ရှင်းလင်းဆွေးနွေးခဲ့မှုနှင့် သက်ဆိုင်ရာဌာနများ အနေဖြင့် ဆက်လက် အကောင်အထည်ဖော်ဆောင်ရွက်ရမည့် အစီအစဉ်များကို ဆွေးနွေးခဲ့ပါတယ်။

ထို့နောက် လုပ်ငန်းအဖွဲ့၏ ဒုတိယဥက္ကဋ္ဌ၊ အဂတိလိုက်စားမှု တိုက်ဖျက်ရေး ကော်မရှင်အဖွဲ့ဝင် ဦးကျော်ဝင်းသိန်းက Action Plan များအပေါ် ဆက်လက်အကောင်အထည်ဖော် ဆောင်ရွက်ရမည့် အချက်များနှင့် သက်ဆိုင်ရာဌာနများအကြား ပူးပေါင်းဆောင်ရွက်ရမည့်အချက်များကို ဆွေးနွေးတင်ပြရာ သက်ဆိုင်ရာတာဝန်ရှိသူများက လိုအပ်တာများကို ပြန်လည်ရှင်းလင်းဆွေးနွေးခဲ့ကြောင်း သတင်းရရှိပါတယ်။

အစည်းအဝေးသို့ မြန်မာနိုင်ငံတော် ဗဟိုဘဏ်အရာရှိကြီးများနှင့် ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှု တိုက်ဖျက်ရေးဆိုင်ရာ လုပ်ငန်းအဖွဲ့ဝင်များ တက်ရောက်ခဲ့ကြပါတယ်။

#Local_News #အာရှ-ပစိဖိတ်ပူးတွဲအဖွဲ့မျက်နှာချင်းဆိုင်အစည်းအဝေး #တိုးတက်ဆောင်ရွက်မှုများကိုဆွေးနွေးခဲ့ #Ymg_mnn #Yangon_Media_Group

#World_Health
Published 19 January 2024

သင်္ဘောသီးဟာ ဗိုက်တာမင်အေ၊ စီ၊ အမျှင်ဓာတ်၊ ဖောလိတ်စတဲ့ အာဟာရဓာတ်များ ကြွယ်ဝစွာ ပါဝင်ကာ အစာခြေခြင်းကို ကူညီပေးတဲ့ အင်ဇိုင်းတွေလည်း ပါဝင်ပါတယ်။

ကယ်လိုရီနည်းပါးခြင်း၊ အမျှင်ဓာတ်များခြင်း၊ ရေဓာတ်များခြင်းကြောင့် ဗိုက်ပြည့်ဝစေပြီး ကိုယ်အလေးချိန်ချရာမှာ အကူအညီဖြစ်စေပါတယ်။

သင်္ဘောသီးက ကိုယ်အလေးချိန်ချခြင်းကို ဘယ်လိုအကူအညီ ဖြစ်စေသလဲဆိုတော့…

 
(၁) သင်္ဘောသီးဖျော်ရည်တစ်ခွက်မှာ ကယ်လိုရီ ၅၀ ကျော်ခန့်သာ ပါဝင်တာကြောင့် ဝိတ်ချဖို့အတွက် သင့်လျော်ပါတယ်။

 
(၂) အမျှင်ဓာတ်များခြင်းက ဗိုက်ကိုပြည့်ဝစေကာ အလွန်အကျွံ မစားမိစေပါဘူး။

 
(၃) သင်္ဘောသီးမှာ ပါဝင်တဲ့ အင်ဇိုင်းက ပရိုတိန်းတွေကို ချေဖျက်ပေးကာ အစာအိမ်အူလမ်းကြောင်းကို ကျန်းမာစေပါတယ်။

(၄) သဘာဝအတိုင်း ဆီးရွှင်စေတဲ့ ဂုဏ်သတ္တိပါဝင်တာကြောင့် ပိုလျှံနေတဲ့ အရည်တွေကို ဖယ်ရှားပေးပြီး ကိုယ်အလေးချိန် ကျစေပါတယ်။

 
(၅) သွေးတွင်းသကြားဓာတ် ရုတ်တရုတ်မြင့်တက်တာမျိုး မဖြစ်စေဘဲ ထိန်းညှိပေးကာ ကယ်လိုရီများတာတွေကို စားချင်စိတ်လျှော့ချပေးပါတယ်။

 
(၆) ဗိုက်တာမင်တွေနဲ့ သတ္တုဓာတ်များ ပါဝင်ကာ ခွန်အားရှိစေပြီး လှုပ်ရှားနိုင်စွမ်းကို မြှင့်တင်ပေးပါတယ်။

 
(၇) ဗိုက်တာမင်ဘီက ဇီဝကမ္မဖြစ်စဥ်ကို အကျိုးပြုတာကြောင့် ကယ်လိုရီလောင်ကျွမ်းပြီး ကိုယ်အလေးချိန် ကျစေပါတယ်။

 
(၈) ဓာတ်တိုးဆန့်ကျင်ပစ္စည်းများနဲ့ အမျှင်ဓာတ်များက နှလုံးရောဂါဖြစ်နိုင်ခြေ လျှော့ချပေးကာ ကျန်းမာသန်စွမ်းစေပါတယ်။

 
(၉) အင်ဇိုင်းတွေနဲ့ ဓာတ်တိုးဆန့်ကျင်ပစ္စည်းများက ခန္ဓာကိုယ်မှ အဆိပ်အတောက်များ ဖယ်ရှားပေးကာ ကိုယ်အလေးချိန် ကျစေပါတယ်။

 
(၁၀) ရေဓာတ်များခြင်းကြောင့် အလုံးစုံကျန်းမာရေး ကောင်းမွန်စေကာ ဇီဝကမ္မဖြစ်စဥ် ကောင်းမွန်စေပါတယ်။

 
သင်္ဘောသီးက ကိုယ်အလေးချိန်ချရာမှာ အထောက်အကူ ဖြစ်စေမယ့် ချက်ချင်းဝိတ်ကျသွားစေမယ့် အံ့မခန်းအရာတော့ မဟုတ်ပါဘူး။

#World_Health #သင်္ဘောသီးစားသုံးခြင်း #ကိုယ်အလေးချိန်ကျ #Source: NDTV

#Local_News
Published_ 19 January 2024

၂ဝ၂၃-၂ဝ၂၄ ပညာသင်နှစ်၊ ပညာရေးဝန်ကြီးဌာန တက္ကသိုလ်ပေါင်းစုံ ဘောလုံး ဗိုလ်လုပွဲနှင့်ဆု ဆုချီးမြှင့်ခြင်း အခမ်းအနားကို ယနေ့ ဇန်နဝါရီလ ၁၈ ရက်က နေပြည်တော်ရှိ သိဒ္ဓိအားကစားကွင်း၌ ကျင်းပပြုလုပ်ခဲ့ကြောင်း သိရသည်။

အဆိုပါအခမ်းအနားသို့ တက်ရောက်ခဲ့သော နိုင်ငံတော်စီ မံအုပ်ချုပ်ရေးကောင်စီ ပြိုင်ပွဲ ဝဏ္ဏသိဒ္ဓိ ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် နှင့် တက်ရောက်လာကြသူများက ၂၀၂၃-၂၀၂၄ ပညာ သင်နှစ်၊ ပညာရေးဝန်ကြီးဌာန တက္ကသိုလ်ပေါင်းစုံဘောလုံးပြိုင်ပွဲ၏ နောက်ဆုံးဗိုလ်လုပွဲအဖြစ် မော်လ မြိုင် ဇုန်အသင်း နှင့် မြစ်ကြီးနားဇုန်အသင်းတို့ ယှဉ်ပြိုင်ကစားမှုကို ကြည့်ရှုအားပေးခဲ့ကြခြင်းဖြစ်သည်။

နှစ်ဖက်အသင်းအနေဖြင့် ပထမပိုင်းပြီးဆုံးချိန်အထိ ဂိုးမရှိသရေရလဒ်ဖြင့်လည်းကောင်း၊ ဒုတိယ ပိုင်း ပြီးဆုံးချိန် တွင်လည်း ဂိုးမရှိ သရေရလဒ်ဖြင့်လည်းကောင်း ပြီးဆုံးခဲ့သောကြောင့်အချိန်ပို မိနစ် ၃၀ ကစားရာ ယင်းပွဲစဉ် တွင်လည်း ဂိုးမရှိသရေရလဒ်ဖြင့် ပြီးဆုံးခဲ့သဖြင့် ပင်နတီအဆုံးအဖြတ်ရယူခဲ့ရာ မော်လမြိုင်ဇုန်အသင်းက မြစ်ကြီးနားဇုန် အသင်းကို ၅ ဂိုး - ၃ ဂိုးဖြင့်အနိုင်ရဗိုလ်စွဲသွားပြီး တံခွန် စိုက်ဆုဖလားကြီးကို ဆွတ်ခူးရရှိသွားခဲ့ကြောင်း သိရသည်။

ဆုချီးမြှင့်ခြင်းအခမ်းအနားတွင် ပြိုင်ပွဲအတွင်း အကောင်းဆုံး(ဂိုးသမား)ဆု၊ အကောင်းဆုံး(နောက်တန်း)ဆု၊ အကောင်းဆုံး (အလယ် တန်း)ဆု၊ အကောင်းဆုံး(ရှေ့တန်း)ဆု၊ ဂိုးသွင်းအ များ ဆုံးဆုနှင့် ပွဲစဉ်တစ်လျှောက် အကောင်းဆုံးအားကစား သမားဆုရရှိသူများကိုလည်းကောင်း၊ တတိယဆုရရှိသည့် ပုသိမ်ဇုန်အသင်း ၊ ဒုတိယဆုရရှိသည့် မြစ်ကြီးနားဇုန် အသင်း၊ပထမ ဆုရရှိသည့် မော်လမြိုင်ဇုန် အသင်းနှင့် တစ်ဦးချင်း ဆုတံဆိပ်များနှင့် ဂုဏ်ပြုဆုငွေများကို ပေးအပ် ချီးမြှင့် ခဲ့ကြကြောင်း သိရသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က ပထမဆု ရရှိသည့် မော်လမြိုင်ဇုန် အသင်းအား ဂုဏ်ပြုဆုငွေများနှင့် တံခွန်စိုက်ဆုဖလားကို ပေးအပ်ချီးမြှင့်ခဲ့ကြောင်း သိရသည်။

#Local_News #ပညာရေးဝန်ကြီးဌာနတက္ကသိုလ်ပေါင်းစုံ #ဆုချီးမြှင့်ခြင်းအခမ်းအနားပြုလုပ် #Yangon_Times/PP

#World_Science
Published 19 January 2024

နယူးယော့ခ် ကိုင်ရိုအနီးရှိ လူသူကင်းမဲ့တဲ့ ကျောက်ကျင်းအနီးမှာ လွန်ခဲ့တဲ့ နှစ်ပေါင်း ၃၈၅ သန်းက ကျောက်တုံးတွေထဲမှာ နစ်မြုပ်နေတဲ့ ကမ္ဘာ့ရှေးအကျဆုံး သစ်တောကို သုတေသီများ ရှာဖွေတွေ့ရှိခဲ့ကြပါတယ်။

ရှေးဟောင်းသစ်တောကို သုတေသနအဖွဲ့က ယခင်က သိရှိပြီးသားဖြစ်ပေမယ့် ထိုသစ်တောမှာ ပေါက်ရောက်နေတဲ့ သစ်ပင်တွေရဲ့ သက်တမ်းတွေကို ဆုံးဖြတ်နိုင်တဲ့ ပထမဆုံးအခြေအနေ ဖြစ်ပါတယ်။

ကျောက်တုံးတွေထဲမှာ ထိန်းသိမ်းထားတဲ့ ရုပ်ကြွင်းအပင်မြစ်တွေက အတိတ်ကအကြောင်းတွေကို သိရှိလာစေပြီး ကီလိုမီတာ ၄၀၀ ခန့်ရှိတဲ့ ရှေးဟောင်းသစ်တောကို သိရှိလာစေပါတယ်။

ဘင်ဂမ်တန်တက္ကသိုလ်နဲ့ ကာဒစ်ဖ်တက္ကသိုလ်မှ သုတေသီတွေက ထိုအပင်များနဲ့ သစ်ပင်ရုပ်ကြွင်းများကို လေ့လာခဲ့ကြပါတယ်။

အစေ့တွေကနေ ပေါက်လာတဲ့ အပင်တွေမဟုတ်ဘဲ အဆိုပါရှေးဟောင်းသစ်ပင်တွေဟာ မျိုးမှုန်ပေါက်တွေကနေ မျိုးပွားတာ ဖြစ်ပါတယ်။

ဒါဟာ ရှေးဟောင်းဂေဟစနစ်အကြောင်းနဲ့ သက်ရှိအပင်တွေ ဗီဇပြောင်းလဲလာပုံတွေကို နားလည်စေပါတယ်။

ထိုအပင်တွေရဲ့ အမြစ်တွေက လေထုကနေ ကာဗွန်ဒိုင်အောက်ဆိုဒ် ထုတ်ယူပုံ၊ ရာသီဥတု ပြောင်းလဲစေပုံတို့မှာ အရေးပါနေပါတယ်။

ဒါတွေဟာ ကမ္ဘာမြေ ဘူမိဗေဒနဲ့ ပတ်ဝန်းကျင်ဆိုင်ရာ ပြောင်းလဲမှု ပဟေဌိတို့ကို ဖြေရှင်းနိုင်မယ့် အဓိကအချက် ဖြစ်နေပါတယ်။

#World_Science #အမေရိကန်ရှိကမ္ဘာ့သက်တမ်းအရင့်ဆုံးသစ်တော #ပထမဆုံးအကြိမ် စူးစမ်းလေ့လာနိုင် #Source: WION

ဂျပန်နိုင်ငံ အိုကီနာဝါစီရင်စုပြည်နယ်မှ ငြိမ်းချမ်းရေးလှုပ်ရှားသူတစ်ဦးက အမေရိကန် စစ်အခြေစိုက်အဓိကစခန်းကြီးကို အိုကီနာဝါမှာ ဆောက်လုပ်မယ့်အရေးအပေါ် ဂျပန်အစိုးရ ခေါင်းမာမာဖြင့် ထောက်ခံနေခြင်းကို ဆန့်ကျင်ကြောင်း CCTV နဲ့အင်တာဗျူးမှာ ပြောကြားလိုက်ပါတယ်။

#World_Military
Published_ 18 January 2024
#အိုကီနာဝါစီရင်စု #အမေရိကန်စစ်အခြေစိုက်စခန်းကြီးပြောင်းရွှေ့
#Yangon_Times #YMG_News #Yangon_Media_Group

#Daily_News
Published_ 18 January 2024

၁။ ပျူ‌မြို့သရေခေတ္တရာအကြောင်းနှင့် ပျူအနုပညာရှင်၏ဖြစ်ရပ်မှန် အချစ်ဇာတ်လမ်းအကြောင်း ဇာတ်လမ်းတွဲရိုက်ကူးရန်ရှိ

၂။ ကုန်ကြမ်းဈေးမြင့်တက်ခြင်းအပြင် စားအုန်းဆီ‌‌နေရာ၌ အစားထိုးသုံးစွဲလာခြင်းကြောင့် အော်ဒါမှာယူမှုများပြီး မြေပဲဆီဈေးနှုန်းများမြင့်တက်လာ

၃။ ကုန်စည်သယ်ယူခနှုန်းထားများ ပိုမိုမြင့်လာပြီး လမ်းခရီးအခြေအနေကြောင့် အချိန်မီမရောက်ရှိတာမျိုးများ ဖြစ်ပေါ်သည့်အတွက်  အရောင်းဝယ်ပြုလုပ်သူများ အခက်တွေ့နေ

၄။ အိုကီနာဝါစီရင်စုတွင် အမေရိကန်စစ်အခြေစိုက်စခန်းကြီး ပြောင်းရွှေ့ဆောက်လုပ်ရေးကို ဒေသခံများအပြင်းအထန်ကန့်ကွက် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

မြန်မာမှာရှိတဲ့ရွှေနဲ့ပတ်သက်တဲ့ အတုံးအခဲဈေးကွက်က အခုချိန်မှာဝယ်တဲ့သူကလည်းဝယ်ပြီးသွားပြီ၊ ရောင်းစရာရှိတဲ့သူကလည်းပဲ ရောင်းပြီးသွားပြီ၊‌ ရွှေနဲ့ပတ်သက်ပြီးကိုင်လှုပ်လိုရတဲ့အချိန်မဟုတ်ဘူး၊ ရာသီလည်းမဟုတ်ဘူး၊ အဲ့တော့ရွှေဈေးကဒီကြားထဲမှာလုပ်လည်းလုပ်တဲ့သူပဲ အမောဖြစ်မယ်၊ ဒီကာလမှာတက်လည်းတစ်သောင်း၊ နှစ်သောင်း၊ ကျလည်းတစ်သောင်း၊ နှစ်သောင်းပဲ
#Local_News
Published_ 18 January 2024
#ရွှေတုံးရွှေခဲဈေးကွက်အေးနေ #ရွှေဈေးနှုန်းအတက်အကျနည်းပါးနိုင်
#YMG/NN #Yangon_Times

"ပြင်ပမှာငွေလိမ်လည်တာဟာ ငွေကြေးလိမ်လည်မှုအတွက် ပြဌာန်းထားတဲ့ ပုဒ်မ ၄၂၀နဲ့လည်း ငြိစွန်းနေသလို အွန်လိုင်းကနေ ငွေလိမ်ရင်တော့  ဆိုက်ဘာလုံခြုံရေးဥပဒေ ဆိုက်ဘာ Law အရလည်း ‌အရေးယူနိုင်မှာဖြစ်တယ်" တရားလွှတ်တော်ရှေ့နေ 
#Local_News
Published_ 18 January 2024
#အွန်လိုင်းနှင့်ဖုန်းများမှတစ်ဆင့်ငွေလိမ် #ငွေလိမ်နေသူများကိုအရေးယူနိုင်
#tthl #Yangon_Times

#Local_News
Published 18 January 2024

ရန်ကုန်တိုင်းဒေသကြီး ကြည့်မြင်တိုင်မြို့နယ် ကမ်းနားလမ်းမ စျေးဟောင်းအရှေ့နားတွင်ယာဉ်သုံးစီးဆင့်တိုက်မှုဖြစ်ပွားခဲ့ကြောင်း ဒေသခံပြည်သူများထံက သိရသည်။

ယနေ့ ဇန်နဝါရီလ ၁၈ရက် မနက်အစောပိုင်း ၁ နာရီဝန်းကျင်က ဖြစ်ပွားခဲ့ခြင်းဖြစ်ကာ ရပ်ထားသည့် ကားနှစ်စီးကို  မောင်းနှင်လာသည့် ကားကအရှိန်မထိမ်းနိုင်ဘဲဝင် တိုက်မိခြင်းဖြစ်ကြောင်း သိရသည်။

ယာဉ်တိုက်မှုကြောင့် ယာဉ်ပေါ်ပါလာသည့် အမျိုးသားနှစ်ဦး ထိခိုက်ဒဏ်ရာရရှိခဲ့ကြောင်း သိရသည်။

အခင်းဖြစ်ပွားသည့်နေရာမှ လူနာများအား ရန်ကုန်ပြည်သူ့ဆေးရုံကြီးအရေးပေါ်ဌာနသို့  အားမာန်လူငယ်ပရဟိတအသင်း (ရန်ကုန်)မှ ကူညီပို့ဆောင်ပေးခဲကြောင်း သိရသည်။

#Local_News #ယာဉ်သုံးစီးဆင့်တိုက်မှုဖြစ် #YMG/LW #Yangon_Times

စက်သုံးဆီဈေးနှုန်းများ မြင့်လာတဲ့အတွက် တနယ်မှ တနယ်သို့ ကုန်စည်ပို့ဆောင်ပေးရာမှာ ကုန်စည် သယ်ယူခနှုန်းထားတွေဟာ တစ်လနဲ့တစ်လပိုမိုမြင့်လာပြီး အချို့နေရာတွေမှာ လမ်းပန်းဆက်သွယ်ရေး အခက်အခဲကြောင့် အချိန်မီ ကုန်စည်မရောက်တာတွေပါရှိတဲ့အတွက် အရောင်းအဝယ် ပြုလုပ်သူတွေအနေနဲ့ အခက်အခဲဖြစ်နေတယ်လို့ အခြေခံစားသောက်ကုန်ရောင်းဝယ်တဲ့ ပွဲရုံတွေထံက သိရပါတယ်။
#Local_News
Published_ 18 January 2024
#ကုန်စည်သယ်ယူခနှုန်းများပိုမိုမြင့် #အရောင်းအဝယ်ပြုလုပ်သူများအခက်တွေ့
#YMG/LW #Yangon_Times

'တရုတ်လိုင်းအတွက် အဝယ်များပြားတာ‌ကြောင့် မြေပဲဆံဈေးနှုန်းတွေမြင့်တက်လာတာဖြစ်ပြီး တစ်လခွဲ အတွင်းတစ်ပိဿာကို ကျပ်၁၀၀၀ အထိမြင့်တက်လာခဲ့တာကြောင့်ပဲဆီ ၁၀ ပိဿာတစ်ပုံးကို တစ်သိန်းခွဲအထိဖြစ်လာပြီး အရင်လကထက်ကျပ် ၁၅,၀၀၀ အထိမြင့်တက်လာတယ်၊ ပဲဆီအော်ဒါကြိုမှာထားသူတွေကို ပေးကာနီးအချိန်မှာတော့ ကုန်ကြမ်းဈေးကွာဟတာကြောင့် တွက်ခြေကိုက်မှုနည်းပါးပြီးအခက်အခဲတွေရှိနေတယ်'
#Local_News
Published_ 18 January 2024
#စားအုန်းဆီ‌‌နေရာ၌အစားထိုးသုံးစွဲ #မြေပဲဆံဈေးနှုန်းတွေမြင့်တက်
#YMG/ NN #Yangon_Times