Published 17 June 2024

ကရင်ပြည်နယ်တွင် ဈေးကွက်ဝယ်လိုအားကောင်းသည့် ကော်ဖီသီးနှံ ဧက ၁,၀၀၀ တိုးချဲ့စိုက်ပျိုးရန် လျာထားကြောင်း ပြည်နယ်အစိုးရအဖွဲ့မှသိရသည်။

ကော်ဖီသီးနှံသည်  တန်ဖိုးမြင့်သီးနှံဖြစ်ပြီး ကမ္ဘာ့ကုန်သွယ်မှုပမာဏအရ ရောင်းဝယ်မှုအများဆုံး ကုန်စည် စာရင်းတွင် ပါဝင်‌ သော ကြောင့် ဈေးကွက်ဝယ်လိုအားကောင်းသည့် ကော်ဖီသီးနှံကို ကရင်ပြည်နယ်တွင် ဧက ၁,၀၀၀ တိုးချဲ့စိုက်ပျိုးရန် လျာထားကြောင်း  ပြီးခဲ့သည့် ဇွန်လ ၁၅ ရက်တွင် ဘားအံမြို့နယ်၊ အုန်းတပင် ကျေးရွာအုပ်စု၊ ဗျိုင်းတောင်ကျေးရွာ၌ ပြုလုပ်သည့် ကော်ဖီပင်စုပေါင်းစိုက်ပျိုးပွဲတွင် ပြည်နယ်ဝန်ကြီးချုပ်က ပြောကြားခဲ့ခြင်းဖြစ်သည် ။

လတ်တလောတွင် ကရင်ပြည်နယ်၌  ကော်ဖီသီးနှံစိုက်ဧက ၁၀,၀၂၉ ဧကစိုက်ပျိုးထားရှိပြီး ကော်ဖီစေ့တန်ချိန် ၂၁,၂၂၉ ဒသမ ၆ တန်ခန့် ထွက်ရှိလျက်ရှိရာ သံတောင်ကြီးဒေသတွင် မြေနိမ့်ကော်ဖီ(ရိုဘက်စတာ)ကို အများအပြား စိုက်ပျိုးထား ကြောင်း သိရသည် ။

အဆိုပါကဲ့သို့ နိုင်ငံခြားဝင်ငွေရှာဖွေပေးနိုင်သည့်  ကော်ဖီသီးနှံကို ကျယ်ကျယ်ပြန့်ပြန့် တိုးချဲ့စိုက်ပျိုးလာနိုင်မှသာ ထုတ်ကုန် အများအပြားထုတ်လုပ်လာနိုင်ပြီး ဈေးကွက်ဝယ်လိုအားကို ဖြည့်ဆည်းပေးနိုင်မည် ဖြစ်ကြောင်း သိရသည်။
Yangon_Times/NN
#Local_News
#Published 17 June 2024
#YMG #Yangon_Times #Yangon_Media_Group

#Daily_News
Published_ 17 June 2024

၁။ ပဲစင်းငုံဈေးများ စံချိန်တင်မြင့်တက်လာ

၂။ လာမည့်တောင်ပြုန်းပွဲ၊ အဘထွက်ပွဲများအတွက် အိုးစည်ဒိုးပတ်များ စုဆောင်းထုတ်လုပ်နေ

၃။ ကြက်သွန်ဖြူဈေး ဆက်လက်မြင့်တတ်ပြီး ရန်ကုန်ဈေးကွက်တွင် အရောင်းဝယ်အေးနေ

၄။ အစ္စရေးလ်-ဟားမတ်စ်တို့၏ ပဋိပက္ခစစ်ပွဲကြား ဒုက္ခခံစားနေရတာတွေကို တေးသီချင်းများဖြင့် ထုတ်ဖော်ပြသနေသည့် ဂါဇာမိန်းကလေးငယ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Daily_News #Yangon_Times #Yangon_Media_Group #TV Yangon Times

၅၂ ကြိမ်မြောက် အောင်ဘာလေထီဆုထုတ်ယူဖို့ ကျန်ရှိနေတဲ့ ဆုမဲပေါင်း ၁၃၀၀၀ကျော်ကို ဇွန်လ ၂၈ ရက်‌မှာ ‌ေနာက်ဆုံးထား ထုတ်ယူဖိုနှင့် ဇွန် လ၂၈ ရက်အထိ ထုတ်ယူခြင်းမရှိပါက အခွန်ဘဏ္ဍာအဖြစ် သိမ်းမည်ဖြစ်‌‌ကြောင်းဘဏ္ဍာရေးဝန်ကြီးဌာန၊ ပြည်တွင်း အခွန်များဦးစီးဌာန၏ ထုတ်ပြန်ကြေညာချက်အရ သိရပါတယ်။
Yangon_Times/LW
#Local_News
#Published 17 June 2024
#YMG #Yangon_Times #Yangon_Media_Group

ဇူလိုင် ၃ ရက်နေ့ဟာ 'မြန်မာအမျိုးသမီးများနေ့' ဖြစ်ပြီး ဓာတ်ပုံပြိုင်ပွဲမှာ မည်သူမဆို ပါဝင်ယှဉ်ပြိုင်နိုင်မှာဖြစ်တယ်။   မည်သည့်ကင်မရာအမျိုးအစားမဆို အသုံးပြုနိုင်ပြီး ပြိုင်ပွဲဝင်ဓာတ်ပုံအရွယ်အစားမှာ ၁၂ လက်မ x ၁၈ လက်မဆိုဒ်နဲ့ယှဉ်ပြိုင်ရမှာဖြစ်တယ်။
Yangon_Times/tthl
#Local_News
#Published 17 June 2024
#YMG #Yangon_Times #Yangon_Media_Group

ဈေးကွက်အတွင်း ကုန်အဝင်နည်းလာတဲ့အတွက် ကြက်သွန်ဖြူဈေးကွက်မှာ ဈေးတဖြည်းဖြည်းမြင့်လာကာ ရန်ကုန်ဈေးကွက်မှာတော့ အရောင်းဝယ်အေးနေတယ်လို့ ကြက်သွန်ပွဲရုံတွေထံက သိရပါတယ်။
Yangon_Times/LW
#Local_News
#Published 17 June 2024
#YMG #Yangon_Times #Yangon_Media_Group

လာမယ့်တောင်ပြုန်းပွဲ၊ အဘထွက်ပွဲအတွက် အိုးစည်ဒိုးပတ်‌တွေ စုဆောင်းထုတ်လုပ်နေတယ်။ ကုန်ကြမ်း‌ဈေးတက်လို့ ရှမ်းအိုးစည်တစ်လုံးကို (၃)သိန်း(၈)သောင်း၊ အိုးစည်ဒိုးပတ်တစ်ဆက်ကို (၃)သိန်းသုံးသောင်းလောက်နဲ့ ရောင်းချပေးနေပါတယ်။
Yangon_Times/tthl
#Local_News
#Published 17 June 2024
#YMG #Yangon_Times #Yangon_Media_Group

ပဲစင်းငုံဈေး တစ်တန်ကို ကျပ် ၄၆သိန်း ကျော်အထိ စံချိန်တင် တက်လာတယ်လို့ ပဲဈေးကွက်ထဲက သိရပါတယ်။
Yangon_Times/NN
#Local_News
#Published 17 June 2024
#YMG #Yangon_Times #Yangon_Media_Group

Published 17 June 2024

ပြီးခဲ့သည့် အပတ် ဇွန်လ(၁၅)ရက် စနေနေ့က ရွှေဈေးတစ်ကျပ်သား(၄၆)သိန်းကျော်ရှိခဲ့ရာမှ ယခု အပတ် ဇွန်လ(၁၇)ရက်တနင်္လာနေ့တွင် ရွှေဈေး တစ်ကျပ်သားကို (၄၅)သိန်းကျော်သာရှိတော့ ကြောင်း ‌ရန်ကုန်တိုင်းရွှေလုပ်ငန်းရှင်များအသင်း  YGEA၏ထုတ်ပြန်ချက်အရသိရသည်။

ဇွန်လ(၁၅)ရက် စနေနေ့က ရွှေဈေးတစ်ကျပ်သား ၄၆၂၉၅၅၁ကျပ်သတ်မှတ်ခဲ့ပြီး ဇွန်လ(၁၇)ရက်တနင်္လာနေ့တွင် ရွှေဈေး တစ်ကျပ်သားကို ၄၅၈၈၂၁၆ကျပ် ရောင်းချရန် YGEA မှ သတ်မှတ်ထားသည်ဟုဆိုသည်။

ရွှေဆိုင်များဖြစ်ကြသောဇွဲထက် စိန်ရွှေရတနာဆိုင်၊2.9 စိန်ရွှေရတနာဆိုင်နှင့် ဝိန့်စိန် စိန်ရွှေရတနာဆိုင်၊ ရွှေစင်အကယ်ဒမီရွှေဆိုင်၊ အကယ်ဒမီရွှေဆိုင်နှင့်အောင်သမာဓိ ရွှေဆိုင်များမှရွှေထည်များကို YGEA စျေးနှုန်းဖြင့် ရောင်းချပေးနေကြောင်း ရန်ကုန်တိုင်းရွှေလုပ်ငန်းရှင်များအသင်း YGEA ၏ ထုတ်ပြန်ချက်အရ သိရသည်။
Yangon_Times/tthl
#Local_News
#Published 17 June 2024
#YMG #Yangon_Times #Yangon_Media_Group

Publicshed 17 June 2024

ရန်ကုန်တိုင်းဒေသကြီး ၊တိုက်ကြီးမြို့နယ်ရှိ မြေဧက ၂၀၀၀ ၌ မွေးမြူရေးဇုန် ဖော်ဆောင်နေကြောင်း တိုင်းဒေသကြီးအစိုးရအဖွဲ့မှ သိရသည်။

ထိုသို့ဆောင်ရွက်ရာတွင်တိုက်ကြီးမြို့နယ်၊ ချင်းကုန်း ကျေးရွာအုပ်စု၊ ခရိုင်ချင်းဆက် လမ်းမိုင်တိုင် ၃၄/၆ အနီး မြေဧရိယာဧက ၂၀၀၀ ကို တိုက်ကြီး မွေးမြူရေးဇုန်အဖြစ် အကောင်အထည်ဖော် ဆောင်ရွက် နေခြင်းဖြစ်ကြောင်းသိရသည်။

ထိုသို့ဆောင်ရွက်ရာတွင် ဇုန်အတွင်း ရေရရှိရေးအတွက် သနပ်ချောင်း ပိတ်တမံနှင့် တမံ ပေါင်များ ဆောင်ရွက်ပြီးစီးမှု၊  ရေထုတ်ပြွန်၊ ရေပိုလွှဲနှင့် Box Culvert တည်ဆောက်နေသည့်အပြင်   ဇုန်အတွင်းလမ်းများ ဆောင်ရွက်ခြင်း နှင့်  လျှပ်စစ်မီးရရှိရေးဆောင်ရွက် နေကြောင်းသိရသည်။

  ရန်ကုန်တိုင်းဒေသကြီးအတွင်း စိုက်ပျိုးမွေးမြူရေး ဇုန်များ ဖော်ဆောင်ရန် နိုင်ငံတော် အကြီးအကဲ၏ လမ်းညွှန်ချက် အရ တိုက်ကြီးမြို့နယ်ရှိ မြေဧရိယာဧက ၂၀၀၀ ကို တိုက်ကြီး မွေးမြူရေးဇုန် အဖြစ် အကောင်အထည်ဖော် ဆောင်ရွက်ခဲ့ကြောင်း၊ တိုက်ကြီး မွေးမြူရေးဇုန်ဖော်ဆောင်ခြင်း နှင့်စပ်လျဉ်း၍ ပုဂ္ဂလိကစီးပွား ‌ရေး လုပ်ကိုင်သူများအနေဖြင့် နိုင်ငံတော်က ခွင့်ပြုပေးထား သည့် စိုက်ပျိုးမွေးမြူရေး မြေနေရာများပေါ်တွင် အမှန် တကယ် စိုက်ပျိုးမွေးမြူမှုများ ဆောင်ရွက်ရန် လိုအပ်မည် ဖြစ်ကြောင်းသိရသည်။
angon_Times/NN
#Local_News
#Published 17 June 2024
#YMG #Yangon_Times #Yangon_Media_Group

Published 17 June 2024

ရှမ်းပြည်နယ်၊ ကျိုင်းတုံမြို့နယ်၌ ဆီဘောက်ဆာယာဉ်တိမ်းမှောက်မှုယမန်နေ့က ဖြစ်ပွားခဲ့ကြောင်းမြန်မာနိုင်ငံမီးသတ်တပ်ဖွဲ့မှသိရသည်။

ဖြစ်စဉ်မှာ ဇွန်၁၆ ရက်နေ့၊ နံနက်၁၁နာရီ  ၅၅ မိနစ်အချိန်က  ရှမ်းပြည်နယ်၊ ကျိုင်းတုံမြို့နယ်၊ ယန်းခအုပ်စု၊ ပန်တောင်းရွာအနီး မိုင်တိုင်အမှတ်(၃၁/၄)နှင့် (၃၁/၅)အကြားတွင် တာချီလိတ်မြို့မှ ကျိုင်းတုံမြို့သို့ မောင်းနှင်လာသော Cheng Long အမျိုးအစား(ခဲရောင်) ၂၂ ဘီး ဆီဘောက်ဆာယာဉ်(၁)စီးသည် လမ်းချော်၍ လမ်း၏ညာဘက်ခြမ်းသို့ တိမ်းမှောက်မှုဖြစ်ပွားခဲ့‌ကြောင်းသိရသည်။

အဆိုပါ သတင်းရရှိသဖြင့် ကျိုင်းတုံမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် မီးလောင်မှုမဖြစ်ပွားစေရေး အအေးပေးခြင်းလုပ်ငန်းများ ထွက်ခွာဆောင်ရွက်ခဲ့ပြီးနောက် ည ၁၁နာရီ  ၄၅ မိနစ်အချိန်၌  လဲနေသော အဆိုပါယာဉ်မှ ဆီကယ့်ခြင်းလုပ်ငန်းနှင့် တိမ်းမှောက်နေသောယာဉ်အား ပြန်လည်တည့်မတ် ပြီးစီးခဲ့ကြောင်း သိရသည်။
angon_Times/NN
#Local_News
#Published 17 June 2024
#YMG #Yangon_Times #Yangon_Media_Group

၁၇ ဇွန် ၂၀၂၄

ရုရှားသမ္မတပူတင်ဟာ ယခုတစ်ပတ်အတွင်းမှာ ဗီယက်နမ်နိုင်ငံကိုလာရောက်လည်ပတ်ဖို့ရှိတယ်လို့ အရာရှိတော်တော်များများကပြောကြပါတယ်။ ဒါဟာ ကွန်မြူနစ်ဗီယက်နမ်အနေနှင့် ရုရှားကို သစ္စာရှိမှုကို ပြသလိုက်တာဖြစ်ပြီး အမေရိကန်ရဲ့ ပြင်းထန်စွာအပြစ်တင်တာစတင်ခံလိုက်ရပါတယ်။

ဆွစ်ဇာလန်မှာပြီးခဲ့တဲ့ ရုံးပိတ်ရက်များကပြုလုပ်ခဲ့တဲ့ ယူကရိန်းငြိမ်းချမ်းရေးထိပ်သီးဆွေးနွေးပွဲကို ဗီယက်နမ်က မတက်ရောက်ခဲ့တဲ့အပြင် ရုရှားမှာ ပြီးခဲ့တဲ့အပတ်စောစောပိုင်းကကျင်းပတဲ့ BRICS အစည်းအဝေးကို သူ့ရဲ့ ဒုတိယနိုင်ငံခြားရေးဝန်ကြီးကို စေလွှတ်ခဲ့ပြီးနောက် ပူတင်ရဲ့ဗီယက်နမ်ခရီးစဉ် ထွက်ပေါ်လာခဲ့တာပဲဖြစ်ပါတယ်။

ပြီးခဲ့တဲ့လကငါးကြိမ်သက်တမ်း သမ္မတအဖြစ် ကျမ်းသစ္စာကျိန်ဆိုခဲ့တဲ့ ပူတင်ဟာ ဗီယက်နမ်သမ္မတ အသစ် တိုလမ်နှင့် အခြားခေါင်းဆောင်တွေကို သူ့ရဲ့ ဗုဒ္ဓဟူးနှင့် ကြာသပတေး နှစ်ရက်တာခရီးစဉ်မှာ တွေ့ဆုံဖို့ရှိနေပါတယ်လို့ အရာရှိတွေကပြောပါတယ်။

ဗီယက်နမ်ရဲ့ ထိပ်ဆုံးကုန်သွယ်ရေးမိတ်ဖက်ဖြစ်တဲ့အပြင် ပြီးခဲ့တဲ့နှစ်က နှစ်နိုင်ငံအကြား ဆက်ဆံရေး   အဆင့်မြှင့်ခဲ့တဲ့ အမေရိကန်ပြည်ထောင်စုကတော့ ဒီသတင်းကို ခပ်ကြမ်းကြမ်းပြန်တုန့်ပြန်ပါတယ်။

“သူ့ရဲ့ ရန်လိုတဲ့စစ်ပွဲကို အားပေးထောက်ကူဖို့ ဘယ်နိုင်ငံကမှ သူ့ကိုပလက်ဖောင်းမပေးသင့်ဘူး။ အဲသလိုဆိုရင် သူရဲ့ ရက်စက်ကြမ်းကြုတ်မှုတွေကို ပုံမှန်တစ်ခုဖြစ်အောင်သူ့ကိုလုပ်ပေးလိုက်သလိုဖြစ် သွားလိမ့်မယ်” လို့ ဗီယက်နမ်နိုင်ငံ ဟနွိုင်းမြို့တော်က အမေရိကန်သံရုံး ပြောရေးဆိုခွင့်ရသူက ရိုက်တာရဲ့ ဗီယက်နမ်-အမေရိကန်ဆက်ဆံရေးအပေါ် ဘယ်လိုသက်ရောက်မှုရှိမလဲဆိုတဲ့အမေးကို ပြန်  ဖြေပါတယ်။

“သူသာ လွတ်လွတ်လပ်လပ်ခရီးသွားနိုင်ရင် ရုရှားရဲ့ နိုင်ငံတကာဥပဒေကို ရဲရဲတင်းတင်းချိုးဖောက်   တာကို ပုံမှန်တစ်ခုလို့လုပ်ပေးလိုက်သလိုဖြစ်သွားမယ်”လို့ သူကထပ်ပြောပါတယ်။

ဗီယက်နမ်နိုင်ငံခြားရေးဝန်ကြီးဌာနကတော့ ရိုက်တာအမေးကို ပြန်မတုန့်ပြန်ပါဘူး။

ဟနွိုင်းရဲ့အမြင်ကတော့ ပူတင်ခရီးစဉ်ဟာ ဗီယက်နမ်အနေနှင့် မည်သည့် အင်အားကြီးနိုင်ငံတွေကိုမှ ဘက်မလိုက်ဘူးဆိုတဲ့ မျှတတဲ့ နိုင်ငံခြားရေးမူဝါဒကို ပြသလိုတာဖြစ်တယ်” လို့ စင်္ကာပူအခြေစိုက် ISEAS-Yusof Ishak Institute ရဲ့ အကြီးတန်းပညာရှင် အိုင်ယန်စတိုရေးက ပြောပါတယ်။
ပူတင်ဟာ ဗီယက်နမ်ကို ၂၀၂၇မှာ ပထမဆုံးခရီးစဉ်အဖြစ်ရောက်ရှိခဲ့ပြီး ဒါဟာသူရဲ့ ငါးကြိမ်မြောက်ခရီး ဖြစ်ပါတယ်။  ကုန်သွယ်ရေး၊ရင်းနှီးမြှပ်နှံမှု၊နည်းပညာနှင့်ပညာရေးနယ်ပယ်တွေမှာ သဘောတူညီချက် တွေကြေညာဖို့ရှိနိုင်တယ်လို့ နှစ်ဘက်အရာရှိတွေက ပြောကြပါတယ်။ အမည်မဖော်လိုတဲ့အရာရှိကြီး တွေကတော့ ဗီယက်နမ်ခေါင်းဆောင်တွေနှင့်ပူတင်ဟာ ဒီထက်ပိုပြီးအရေးကြီးတဲ့ကိစ္စတွေ အာရုံစိုက် ပြောဆိုကြမှာဖြစ်တယ်လို့ ထုတ်ပြောပါတယ်။

အဲဒါတွေအထဲမှာ ရုရှားဟာ ဗီယက်နမ်ရဲ့ လက်နက်ရောင်းချပေးတဲ့ ထိပ်ဆုံးနိုင်ငံဖြစ်တဲ့အတွက် လက်နက်ကိစ္စ၊ရုရှားကုမ္ပဏီတွေဟာ ဗီယက်နမ်မှာ ရေနံနှင့်သဘာဝဓာတ်ငွေ့တွင်းတွေ လုပ်နေတဲ့   အတွက် စွမ်းအင်ကိစ္စတွေပါဝင်မှာဖြစ်ပြီး  ရုရှားဘဏ်တွေကို အမေရိကန်က အရေးယူပိတ်ဆို့ထားလို့ နှစ်နိုင်ငံအကြား ငွေပေးငွေယူကိစ္စတွေပါဝင်ပါလိမ့်မယ်လို့အရာရှိတွေကပြောပါတယ်။ ဒီကိစ္စတွေ ကြေညာမလားဆိုတာတော့ မသေချာပါဘူး။

လက်နက်အရောင်းအဝယ်အပါအဝင် စီးပွားရေးနှင့်ကူးသန်းရောင်းဝယ်ရေး ဆက်ဆံရေးတွေ တိုးမြှင့်ဖို့ အဓိကဖြစ်တယ်လို့ ကင်ဘာရာ ဩစတြေလျ စစ်တက္ကသိုလ်ရဲ့ ဗီယက်နမ်လုံခြုံရေးဆိုင်ရာ ကျွမ်းကျင် ပညာရှင် ကားလ်တသေယာက ပြောပါတယ်။

ပူတင်နှင့်ဗီယက်နမ်ခေါင်းဆောင်တွေဟာ ရူဘဲလ်နှင့်ဒွန်ငွေတွေ အသုံးပြုပြီး ငွေပေးငွေယူတွေကိုလုပ် မယ့် ဘဏ်စနစ်တစ်ခုကို သဘောတူကြနိုင်ဖွယ်ရှိတယ်လို့လည်း သူကပြောပါတယ်။

Source:  Reuters

Published 17 June 2024

ရန်ကုန်ကုန်တိုင်းဒေသကြီးအတွင်း မှော်ဘီဆေးရုံ၌ ဆေးကုသဆောင်အသစ်နှင့် ရန်ကုန်တိုင်းဒေသကြီး ကာကွယ်ဆေးသိုလှောင်အအေးခန်းအဆောက်အဦအသစ်များဖွင့်လှစ်ခဲ့ကြောင်း  ကျန်းမာရေးဝန်ကြီး ဌာနမှသိရသည်။

အရေးပေါ်လူနာစမ်းသပ်ခန်းနှင့်သားဖွားခန်းများပါဝင်သည့်မှော်ဘီဆေးရုံ၏နှစ်ထပ်ကုသဆောင်အသစ်ဖွင့်လှစ်လိုက်ခြင်းဖြစ်သည်။

အဆိုပါအဆောက်အအုံ မြေညီထပ်တွင် အရေးပေါ်လူနာစမ်းသပ်ခန်း၊ ကိုယ်ဝန်ဆောင်မိခင်စောင့်ကြပ် ကြည့်ရှုခန်း၊ သားဖွားခန်းနှစ်ခန်း၊ မွေးပြီးလူနာ စောင့်ကြပ်ကြည့်ရှုခန်း၊ မွေးကင်းစကလေးလူနာ စောင့်ကြပ်ကြည့်ရှုခန်း၊ စတိုခန်း၊ ဆေးပေးခန်းတို့ပါဝင်ပြီး ပထမထပ်တွင် အမျိုးသမီးလူနာဆောင် များ၊ ကြပ်မတ်ကုသခန်း၊ ကလေး လူနာကုသခန်းတို့ ပါဝင်သည်ဟု ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာသက်ခိုင်ဝင်း၏ ပြောကြားချက်အရသိရသည်။

ပြည်ထောင်စုဝန်ကြီးက "လူနာများစိုက်ထုတ်ကုန်ကျရသည့် ဆေးကုသစရိတ်လျော့နည်းစေရေးအတွက် နိုင်ငံတော်မှပံ့ပိုးထားသော ဆေးဝါးများဖြင့် လူနာများအတွက် အကျိုးရှိစွာအသုံးပြုနိုင်ရေး အလေးထားဆောင်ရွက်ကြရန်"မှာကြားကာ ဆေးရုံတက်ရောက် ကုသမှုခံယူနေသော လူနာများကို အလှူငွေများ ပေးအပ်လှူဒါန်းခဲ့သည်။

ယခုဖွင့်လှစ်သည့် ပြည်သူ့ဆေးရုံမှော်ဘီမြို့၏ နှစ်ထပ်ကုသဆောင်သစ်သည် ၁၆၈၀၀ စတုရန်းပေအကျယ်အဝန်းရှိကာ နိုင်ငံတော်မှ ခွင့်ပြုရန်ပုံငွေကျပ် ၁၁၅၉ ဒသမ ၂၀၀ သန်း ကုန်ကျခဲ့ပြီး ဆောက်လုပ်ရေးဝန်ကြီးဌာန အဆောက်အအုံအထူးအဖွဲ့(၂)ကို လုပ်ငန်းအပ်နှံ၍ ၂၀၂၃ ခုနှစ် ဩဂုတ် ၁၈ ရက်တွင် စတင်ဆောက်လုပ်ခဲ့ရာ ၂၀၂၄ ခုနှစ် မတ် ၃၀ ရက်တွင် လုပ်ငန်းများပြီးစီးခဲ့သည်ဟုဆိုသည်။

 ရန်ကုန်တိုင်းဒေသကြီးဝန်ကြီးချုပ်က  မှော်ဘီဆေးရုံနှစ်ထပ်ဆေးကုသဆောင်သစ်တွင် လူနာများ အသုံးပြုရန်အတွက် လေအေးပေးစက်အလုံး ၂၀ ကို လှူဒါန်းရာ မြို့နယ်ကုသရေး ဦးစီးဌာနမှူး ဒေါက်တာစောမြထွန်းက လက်ခံရယူပြီး ကျေးဇူး တင်စကား ပြောကြားခဲ့သည်။

ရန်ကုန်တိုင်းဒေသကြီးအတွင်း ပုံမှန်ကာကွယ်ဆေးထိုး လုပ်ငန်းအတွက် လိုအပ်သောကာကွယ်ဆေး နှစ်လစာကို သိုလှောင်ထားနိုင်မည့်ရန်ကုန်တိုင်းဒေသကြီး ကာကွယ်ဆေးသိုလှောင်အအေးခန်း သုံးထပ်အဆောက်အအုံသစ်ဖွင့်ပွဲအခမ်းအနားလည်း ကျင်းပခဲ့ပြီး ပြည်ထောင်စုဝန်ကြီး၊ တိုင်းဒေသကြီးဝန်ကြီးချုပ်၊ ညွှန်ကြားရေးမှူးချုပ်တို့တက်ရောက် ခဲ့ကြောင်း သိရသည်။

ရန်ကုန်တိုင်းဒေသကြီး ကာကွယ်ဆေးသိုလှောင် အအေးခန်း သုံးထပ်အဆောက်အအုံသစ်သည် အလျား ပေ ၆၀၊ အနံ ၄၈ ပေ၊ အမြင့် ၃၉ ပေရှိသော သုံးထပ်ဆောင် အဆောက်အအုံဖြစ်ပြီး မြေညီထပ်တွင် ကာကွယ်ဆေးများကို သိုလှောင်ထားရှိမည့် (30m3 capacity) Walk in cooler အအေးခန်းတစ်လုံး၊ (20m3 capacity) ရှိ Walk in freezer အအေးခန်းတစ်လုံး၊ Washing room တစ်ခန်း၊ Dry store တစ်ခန်းနှင့် အအေးလမ်း ကြောင်း ရုံးခန်းတစ်ခန်းပါဝင်ကြောင်း၊ ပထမထပ်တွင် ရုံးခန်းတစ်ခန်း၊ Function Room သုံးခန်း၊ ဒုတိယထပ်တွင် သင်တန်းခန်းမကျယ်တစ်ခန်းနှင့် Store တစ်ခန်း၊ Function Room တစ်ခန်း၊ အစားသောက်ပြင်ဆင်ခန်းတစ်ခန်းတို့ ပါဝင်ကြောင်း  သိရသည်။

ယခုဖွင့်လှစ်သည့် ကာကွယ်ဆေးသိုလှောင် အအေးခန်းသုံးထပ်ဆောင်သစ်၏ အဆောက်အအုံ၊ ရေ၊ မီးတို့အတွက် ကုန်ကျစရိတ်သည် ခန့်မှန်းတန်ဖိုး မြန်မာငွေကျပ် သိန်းပေါင်း ၇၀၈၇ သိန်းခန့် (အမေရိကန်ဒေါ်လာ - ၃၃၇၅၀၀)၊ ကျခံကာ GAVI အထောက်အပံ့ဖြင့် Ultra Company Ltd. မှ တာဝန်ယူဆောက်လုပ်ခဲ့ခြင်းဖြစ်ကြောင်း သိရသည်။
Yangon_Times/tthl
#Local_News
#Published 17 June 2024
#YMG #Yangon_Times #Yangon_Media_Group