Published_ 10 August 2023
မြန်မာလက်ရွေးစင် ယူ၂၃ ဘောလုံးအသင်းအနေဖြင့် အိမ်ရှင် ထိုင်းအသင်းနှင့် ယှဉ်ပြိုင်ကစားရမည်ဖြစ်သော်လည်း စိန်ခေါ်မှုကောင်းများ ရရှိသည်ဟု မြန်မာ အသင်းနည်းပြချုပ် Michael Feichten beiner ကဆိုသည်။
"အိမ်ရှင်အသင်းတွေနဲ့ ဆုံတွေ့နေရတာ ကျွန်တော်တို့အတွက် ခက်ခဲပေမယ့် ဒါကိုက စိန်ခေါ်မှုကောင်းတွေ ဖြစ်နေပါတယ်။"ဟုဆိုသည်။
လာမည့် သြဂုတ် (၁၇) မှ (၂၆)ရက်အထိ ကျင်းပမည့် အာဆီယံ ယူ-၂၃ ပြိုင်ပွဲတွင် မြန်မာအသင်းအနေဖြင့် ထိုင်း၊ ကမ္ဘော ဒီးယား၊ ဘရူနိုင်းတို့ကို ယှဉ်ပြိုင်ကစားသွားရမည်ဖြစ်ကြောင်း သိရသည်။
မြန်မာ့လက်ရွေးစင် ယူ၂၃ အသင်းအနေဖြင့် စက်တင်ဘာလအတွင်း အာရှ ယူ ၂၃ ခြေစစ်ပွဲတွင်လည်း တောင်ကိုရီးယားနှင့် ကာဇက်စတန်အသင်းတို့ဖြင့် ဆက်လက် ယှဉ်ပြိုင်ကစားသွားရမည်ဖြစ်သည်။
ထို့အပြင် မြန်မာ ယူ၂၃ အသင်းအနေဖြင့်အောက်တိုဘာလအတွင်း အာရှအားက စားပွဲတော်တွင်လည်း ဝင်ရောက်ယှဉ် ပြိုင်သွားရမည်ဖြစ်ကြောင်း သိရသည်။
ထို့ကြောင့် မြန်မာယူ၂၃ အသင်းအနေဖြင့် ယခုနှစ်အတွင်း ယှဉ်ပြိုင်ကစားရမည့် ပွဲများဆက်တိုက်ရှိနေခြင်းဖြစ်သည်။
Yangon Times/my
#Local_News
#ဘောလုံးအဖွဲချုပ် # မြန်မာလက်ရွေးစင် ယူ၂၃ #တောင်ကိုရီးယား # အသင်းနည်းပြချုပ် Michael Feichten beiner
#YMG #Yangon_Times
- Category: Myanmar
- Hits: 140
ဘောလုံးအဖွဲချုပ်က နည်းပြသင်တန်းကို လေးရက်ကြာပြုလုပ်မည်
သင်တန်းကို ဩဂုတ်လ (၁၀)ရက်နေ့ကနေ ဩဂုတ်လ (၁၃) ရက်နေအထိ လေးရက်ကြာ သင်ကြားပို့ချမည်
Yangon-Times/my
#Local_News
#ဘောလုံးအဖွဲချုပ် # နည်းပြသင်တန်း #လေးရက်ကြာပြုလုပ်မည်# Coach Education
#YMG #Yangon_Times
- Category: Myanmar
- Hits: 103
ဆီမီးဖိုင်နယ်အဆင့်တွင် မြန်မာအသင်းနှင့် ချက်အသင်းတို့ ယှဉ်ပြိုင်ကစားမည်
ချက်အသင်းဟာ အုပ်စု(ခ)ပွဲစဉ်မှာ အုပ်စုပထမရရှိခဲ့တဲ့ အသင်းတစ်သင်း
Yangon-Times/my
#Local_News
#မြန်မာအသင်း #ချက်အသင်း #ယှဉ်ပြိုင်ကစားမည် # ဆီမီးဖိုင်နယ်အဆင့်
#YMG #Yangon_Times
- Category: Myanmar
- Hits: 115
မြန်မာရုပ်ရှင်ဇာတ်ကားများ နိုင်ငံတကာပြပွဲ ပြသနိုင်အောင်စီစဉ်နေ
‘‘အခုကျင်းပမယ့် အာဆီယံရုပ်ရှင်ပြပွဲဟာ စက်တင်ဘာလဒုတိယအပတ်မှာ သီရိလင်္ကာနိုင်ငံမှာ ကျင်းပမှာဖြစ်ပြီး မြန်မာနိုင်ငံမှအင်္ဂလိပ်စာတမ်းထိုးတားတဲ့ မြန်မာ့ရုပ်ရှင်ဇာတ်ကား(၁)ကား နဲ့ ဇာတ်လမ်းတို(၃)ကားပါဝင်ပြသနိုင်မှာဖြစ်တယ်။ ဒီပြပွဲအပြင် နိုင်ငံတကာပြပွဲတွေမှာလည်းပြသနိုင်အောင်စီစဉ်ဆောင်ရွက်နေပါတယ်’’ ဦးချမ်းသာကြည်စိုး၊ပြန်ကြားရေးမှူး (မြန်မာနိုင်ငံရုပ်ရှင်အစည်းအရုံး၊နိုင်ငံတကာဆက်ဆံရေးကော်မတီ
Yangon-Times/tthl
#Local_News
#မြန်မာရုပ်ရှင် #ဇာတ်လမ်းတွဲများ #နိုင်ငံတကာပြပွဲများ # ပြသရန်စီစဉ်နေ #အာဆီယံရုပ်ရှင်ပြပွဲ #သီရိလင်္ကာနိုင်ငံ
#YMG #Yangon_Times
- Category: Myanmar
- Hits: 107
ဘားအံမြို့ ရေဘေးသင့်ပြည်သူ ၂၀၀၀ ကျော်အတွက် အရေးပေါ်လိုအပ်သော ပစ္စည်းများ လူကယ်ပြန်ဝန်ကြီးထောက်ပံ့
ဘားအံတွင် ကယ်ဆယ်ရေးစခန်းတွေ ဖွင့်လှစ်ပြီး ထောက်ပံ့ပစ္စည်းတွေပေးအပ်
Yangon-Times/my
#Local_News
#မြစ်ရေကြီး #မိုးသည်းထန်စွာရွာသွန် #ဘားအံမြို့ #ရေဘေးသင့်ပြည်သူ #လူကယ်ပြန်ဝန်ကြီး #ကယ်ဆယ်ရေးစခန်း
#YMG #Yangon_Times
- Category: Myanmar
- Hits: 87
Published_ 10 August 2023
အဖမ်းခံထားရသော မီးသတ်ဝန်ထမ်းတစ်ဦးအပါအဝင် အရပ်သား လူ ၃၀ ဦးကို လုံခြုံရေးတပ်ဖွဲ့ဝင်များက ကယ်တင်နိုင်ခဲ့ ကြောင်း နစကသတင်းထုတ်ပြန်ရေးအဖွဲ့က သိရသည်။
ပြီးခဲ့သည့် ဩဂုတ်လ ၅ ရက် ညနေ ၄ နာရီခွဲခန့်က စစ်ကိုင်းတိုင်းဒေသကြီး၊ ရွှေဘိုမြို့နယ်၊ ဘုန်းကုန်းကျေး ရွာ အနောက်ဘက် ၂ မိုင်ခန့်အကွာ လယ်ကွင်းများ၌ စပါးစိုက်ပျိုးနေကြသည့် ဒေသခံပြည်သူ ၂၁ ဦးနှင့် နွား၊ သိုး၊ ဆိတ်နှင့် လှည်းများ အတင်းအဓမ္ဓဖမ်းဆီး ခေါ်ဆောင်သွားခံခဲ့ရခြင်း ဖြစ်ကြောင်း သိရသည်။
အဆိုပါ ကျေးရွာသူ၊ ကျေးရွာသားများအား ငွေကြေးဖြင့် လာရောက်ရွေးရန် အတင်းအဓမ္မခြိမ်းခြောက်ခြင်းများ လုပ်ဆောင်နေသောကြောင့် ဒေသခံပြည်သူများက ဖမ်းဆီးခံ ကျေးရွာသူ၊ ကျေးရွားသားများအား ပြန်လည် ကယ်တင်ပေးရန် နယ်မြေခံတပ်သို့ လာရောက်အကူအညီတောင်းခံခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြထားသည်။
ယင်းကြောင့် ခင်ဦးမြို့နယ်၊ ရွာသန်း ကျေးရွာသို့ ဝင်ရောက်စီးနင်း ရှာဖွေကယ်ဆယ်ခြင်းများ ဆောင်ရွက်ခဲ့ရာ ဖမ်းဆီးခံထားရသော ဘုန်းကုန်းကျေးရွာနှင့် ပတ်ဝန်းကျင်ကျေးရွာများမှ အရပ်သား ၂၉ ဦးနှင့် မီးသတ်ဝန်ထမ်း ၁ ဦး၊ စုစုပေါင်း ၃၀ ဦးတို့အား ခင်ဦးမြို့နယ်၊ ရွာသန်းကျေးရွာရှိ နေအိမ် ၂ လုံးအတွင်းမှ ကယ်ဆယ်နိုင်ခဲ့ ကြောင်း သိရသည်။
၎င်းအပြင် လက်လုပ်စိန်ပြောင်း ၃ လက်၊ လက်လုပ်ဗုံးသီး ၄၂ လုံး၊ လက်လုပ်ရှော့တိုက်ဒုံး ၁၂ လုံး၊ လက်လုပ် သေနတ် ၄ လက်၊ မိုင်းမျိုးစုံ ၁၆ လုံးနှင့် ဆက်စပ်ပစ္စည်းများ ဖမ်းဆီးရမိခဲ့ကြောင်းလည်း နစက သတင်းတွင် ဖော်ပြထားသည်။
Yangon-Times/PP
#Local_News
#အဖမ်းခံထားရ #မီးသတ်ဝန်ထမ်းတစ်ဦး #အရပ်သား #လုံခြုံရေးတပ်ဖွဲ့ဝင်များ #နစက
#YMG #Yangon_Times
- Category: Myanmar
- Hits: 173
Published_ 10 August 2023
သာကေတမြို့နယ် ၊ ဧရာဝဏ်လမ်းမကြီး ပေါ်ရှိ(၈)ထိပ်မှတ်တိုင်အနီးတွင် ယာဉ်သုံးစီး ဆင့်တိုက်မှုတစ်ခု ယနေ့ ဩဂုတ် (၁၀)ရက် နံနက်( ၇ )နာရီ ဝန်းကျင်အချိန်တွင် ဖြစ်ပွားခဲ့ကြောင်း ယင်းမြို့နယ်အခြေစိုက်လူမှူကုညီရေးအဖွဲ့ထံမှ သိရသည်။
အဆိုပါ ယာဉ်သုံးစီးဆင့်တိုက်မှုသည် အမှတ် (၃၃) YBSယာဉ်နှင့် Passo အမျိုးအစားယာဉ်တစ်စီးတို့ ကနဦးတိုက်မိရာမှ လမ်းဘေးတွင်ရပ်ထားသော သုံးဘီးအငှားဆိုင်ကယ်အား ထပ်မံတိုက်မိခဲ့ခြင်းဖြစ်သည်ဟုဆိုသည်။
" ဒဏ်ရာရတဲ့သူတွေအသက်အန္တရာယ်တော့မရှိပါဘူး။ တစ်ဦးကိုတော့ဆေးရုံပို့လိုက်ရပါတယ်။ ကျန်တစ်ဦးကတော့မြေပြင် ဆေးကုသပေးလိုက်ပါတယ်"ဟု လူမှုကူညီရေးအဖွဲ့ က Yangon Times ကို ပြောသည်။
ယင်း ဖြစ်စဉ်ကြောင့် Passoအမျိုးအစားယာဉ်ပေါ်ပါသူ အမျိုးသားငယ်တစ်ဦးနှင့် သုံးဘီးဆိုင်ကယ်ပေါ်ရှိ အမျိုးသားတစ်ဦးတို့ ဦးခေါင်းနှင့် ခြေလက်တို့တွင် ထိခို က်ဒဏ်ရာအချို့ရရှိခဲ့ကြောင်းသိရသည်။
ထို့အတွက် သာကေတမြို့နယ် လူမှုကူညီရေးအဖွဲ့တစ်ဖွဲ့က မြေပြင်ဆေးကုသမှုများပြုလုပ်ပေးပြီး ဒဏ်ရာရသူနှစ်ဉီးအနက် တစ်ဦးကို ရန်ကုန်ပြည့်ဆေးရုံကြီးသို့ ပို့ဆောင်ပေးခဲ့ရသည်ဟုဆိုသည်။
Yangon Times/my
#Local_News
#သာကေတမြို့နယ် #ယာဉ်သုံးစီးဆင့်တိုက် #နှစ်ဦးထိခိုက်
#YMG #Yangon_Times
- Category: Myanmar
- Hits: 114
Published_ 10 August 2023
- ဝက်စ်ဟမ်းအသင်းသည် ဟန်ယူနောက်ခံလူ မက်ဂွိုင်းယားအား ပေါင်သန်း၃၀ဖြင့်လည်းကောင်း၊ဆောက်သမ်တန်မှအင်္ဂလန်လက်ရွေးစင်ကွင်းလယ်လူ ဝပ်ပရောက်စ်အား လည်းကောင်း ခေါ်ယူနိုင်ခဲ့ပြီဖြစ်ပြီး အေဂျက်ကွင်းလယ်လူ အယ်ဗာရက်ဇ်အားလည်းခေါ်ယူရန် သဘောတူညီခဲ့ပြီဖြစ်သည်။
- အာဆင်နယ်အသင်းသည် ဘရန့်ဖို့ဒ်ရိုးသမားဒေးဗစ်ရာယာအားပေါင်သန်း ၃၀ဖြင့်အပြီးသတ်ခေါ်ယူခဲ့ပြီး အသင်းမှ အရန်ဂိုးသမား မက်တာနာ အားနော့တင်ဟမ်ဖောရက်စ်သို့ ပေါင်၁၀သန်းဖြင့်ရောင်းချခဲ့သည်။
- မန်စီးတီးအသင်းသည် ၀က်စ်ဟမ်းမှ ဘရာဇီးလက်ရွေးစင် ကွင်းလယ်လူပါကေတာ အား ပေါင်း သန်း ၇၀ ဖြင့် ကမ်းလှမ်းခဲ့ပြီးကစားသမားကလည်းမန်စီးတီးသို့ပြောင်းရွှေ့ရန်လိုလားနေသည်ဟုသိရသည်။
-လက်စတာအသင်းသည် ချယ်လ်ဆီးမှ အီတလီလူငယ်ကွင်းလယ်လူ ကာဆာဒိုင်းအား အငှားစာချုပ်ဖြင့်ခေါ်ယူခဲ့သည်။
-မန်ယူအသင်းသည် ထွက်ခွာသွား ပေါနောက်ခံလူ မက်ဂွိုင်းယား၏နေရာတွင် အစားထိုးရန် ဘိုင်ယန်မြူးနစ်နောက်ခံလူပါဗက်၊ လေဗာကူဆင်နောက်ခံလူတက်ဆိုဘာနှင့် နိုက်စ်နောက်ခံလူတိုဒီဘိုတို့ကိုစောင့်ကြည့်လျက်ရှိသည်။
- အာဆင်နယ်တိုက်စစ်မှူး ဂျေဇူးနှင့်ယခုရာသီတွင် အသစ်ပြောင်းရွှေ့လာကြသည့် မန်ယူတိုက်စစ်မှူးဟွိုင်လန်း ချယ်လ်ဆီးတိုက်စစ်ကစားသမား အန်တွန်ကူတို့သည်ဒဏ်ရာပြဿနာများကြောင့် ရာသီအစ ပွဲစဉ်အချို့ကိုလွဲချော်ရတော့မည်ဖြစ်သည်။
- လီဗာပူးအသင်းက ခေါ်ယူရန်ကြိုးပမ်းနေသည့်ဆောက်သမ်တန်မှဘယ်လ်ဂျီယံ ကွင်းလယ်လူ လာဗီယာမှာ ပေါင်သန်း၅၀တန်ကြေးမရှိကြောင်းအသင်းနောက်ခံလူဟောင်းကာရေဂါကဝေဖန်ပြောကြားခဲ့သည်။
- ဘိုင်ယန်မြူးနစ် သည် ချယ်လ်ဆီး ဂိုးသမား ကီပါအား ခေါ်ယူရန် ကမ်းလှမ်းထားပြီး လက်ရှိ ဂိုးသမားကြီးနျူအာမှာ နောက်ထပ်၈ပတ်မှ ၁၀ပတ်အထိ ထပ်မံအနားယူရဦးမည်ဟု ဆိုသည်။
- ဆော်ဒီကလပ် အယ်ဟီလယ်သည် အက်သလက်တီကိုတိုက် စစ်မှူး ယာအိုဖိလစ်အား အငှားဖြင့် ခေါ်ယူရန်စိတ်ဝင်စားနေပြီး ကစားသမားက မူဘာစီလိုနာသို့ ပြောင်းရွှေ့လိုနေသည်။
-မန်စီးတီးအသင်းသည် အဓိကကစားသမားများဖြစ်သော ဘာနာဒိုဆေးလ်ဗားနှင့် ပေါ့တာတို့ကို စာချူပ်သစ်များ သက်တမ်းတိုးနိုင်မည်ဟုယုံကြည်နေသည်။
#World_Sport
#ဥရောပ #ဘောလုံးအပြောင်းအရွှေ့ #နောက်ဆုံးရသတင်းများ
#YMG #Yangon_Times
- Category: World
- Hits: 125
Published_ 10 August 2023
မြဝတီ-ကော့ကရိတ် အာရှလမ်းမကြီးပေါ် မြေပြိုကျမှုကြောင့် ပျက်စီးသွားသော လမ်းပိုင်းတွင် ယာယီဘေလီ တံတားတည်ဆောက်မည်ဖြစ်ကြောင်း ဆောက်လုပ်ရေးဝန်ကြီးဌာနက သိရသည်။
သြဂုတ်လ လဆန်းပိုင်းကစ၍ ကရင်ပြည်နယ်အတွင်း မိုးအဆက်မပြတ်ရွာသွန်းမှုကြောင့် မြစ်ရေ၊ ချောင်း ရေလျှံခြင်း၊ မြေပြိုကျခြင်းများ ဖြစ်ပေါ်ခဲ့သည့်အပြင် မြဝတီ–ကော့ကရိတ် အာရှကားလမ်းမကြီး၊ တောနော် ရေတံခွန်အနီး မိုင်တိုင်အမှတ်(၁၄၉) နှင့် (၁၅၀)အကြားနေရာတွင် ကားလမ်းအောက်ခံမြေသား အကျယ် ၃၃ ပေရှိ ကတ္တရာခင်းကားလမ်းအရှည် ၁၅၀ ပေခန့် ပဲ့ကျပျက်စီးခဲ့ကြောင်း သိရသည်။
ယင်းကြောင့် ပေ ၂၀၀ ခန့်ရှိ ယာယီဘေလီတံတားထိုးရန် ဆောက်လုပ်ရေးဝန်ကြီးဌာနက စီစဉ်နေကြောင်း၊ တည်ဆောက်ချိန် တစ်လခန့် ကြာမြင့်နိုင်ကြောင်း သိရသည်။
လက်ရှိတွင် ကုန်တင်ယာဉ်ကြီးများ သွားလာမောင်းနှင်၍ မရသော်လည်း လူစီးယာဉ်များနှင့် ပစ္စည်းသယ် ယာဉ်ငယ်များကို ယခင်ကအသုံးပြုခဲ့သော မြဝတီ-ကော့ကရိတ် လမ်းဟောင်းဖြစ်သည့် ထို့ကော်ကိုးလမ်းပိုင်း က အသုံးပြုမောင်းနှင်နိုင်စေရန် စီစဉ်ထားကြောင်း သိရသည်။
Yangon_Times/PP
#Local_News
#မြဝတီ-ကော့ကရိတ် #အာရှလမ်းမကြီး #မြေပြိုကျမှု #ယာယီဘေလီတံတား
#YMG #Yangon_Times
- Category: Myanmar
- Hits: 165
Published 10 August 2023
ကွန်ပျူတာချစ်ပ်များကဲ့သို့ အရေးကြီးနည်းပညာပိုင်းတွေနဲ့ ပတ်သက်ပြီး တရုတ်နိုင်ငံရှိ အမေရိကန် ရင်းနှီးမြှုပ်နှံမှုအသစ်တချို့ကို တားမြစ်ရန်နဲ့ အခြားနည်းပညာကဏ္ဍတွေမှာ အစိုးရထံ အသိပေးရန် လိုအပ်လာမယ့် အမိန့်ကို သမ္မတ'ဂျိုးဘိုင်ဒင်'က ဗုဒ္ဓဟူးနေ့မှာ လက်မှတ်ရေးထိုးခဲ့ပါတယ်။
အချိန်ကြာမြင့်စွာ စောင့်မျှော်နေခဲ့တဲ့ အမိန့်ဟာ တရုတ်အဖွဲ့အစည်းများရှိ ကဏ္ဍ ၃ ရပ်ဖြစ်တဲ့ တစ်ပိုင်းလျှပ်ကူးပစ္စည်းနဲ့ မိုက်ခရိုအီလက်ထရွန်နစ်၊ ကွမ်တန်အချက်အလက် နည်းပညာများ၊ ဉာဏ်ရည်တုစနစ်များတို့မှာ အမေရိကန် ရင်းနှီးမြှုပ်နှံမှုများကို တားမြစ်ရန် အမေရိကန်ဘဏ္ဍာရေးဝန်ကြီးကို ခွင့်ပြုပေးလိုက်တာ ဖြစ်ပါတယ်။
ထိုအမိန့်ဟာ တရုတ်စစ်ရေး ခေတ်မီတိုးတက်လာစေရန် ထောက်ကူပြီး အမေရိကန် နိုင်ငံတော်လုံခြုံရေးကို ထိခိုက်စေနိုင်တဲ့ တရုတ်နည်းပညာများ ဖွံ့ဖြိုးလာအောင် အမေရိကန် အရင်းအနှီးရှင်များနဲ့ ကျွမ်းကျင်ပညာရှင်များ ကူညီနေခြင်းမှ ကာကွယ်ရန် ရည်ရွယ်တာဖြစ်ပါတယ်။
ထိုရည်ရွယ်ချက်ထဲမှာ ပုဂ္ဂလိက အစုရှယ်ယာများ၊ ဖက်စပ်မတည်ငွေများ၊ ဖက်စပ်လုပ်ငန်းများ၊ သန့်စင်သောဆောက်လုပ်မှု ရင်းနှီးမြှုပ်နှံမှုများကို ပစ်မှတ်နေတာ ဖြစ်ပါတယ်။
ဘိုင်ဒင်က ကွန်ဂရက်သို့ပေးတဲ့ စာတစ်စောင်မှာ စစ်တပ်၊ ထောက်လှမ်းရေး၊ ဆိုက်ဘာစွမ်းရည်များအတွက် အရေးကြီးတဲ့ နည်းပညာများနဲ့ ထုတ်ကုန်များကို တရုတ်လိုမျိုး ခြိမ်းခြောက်လာမှုကို ကိုင်တွယ်ဖြေရှင်းရန် နိုင်ငံတော်အရေးပေါ် အခြေအနေတစ်ရပ် ကြေညာထားပါတယ်။
တရုတ်ဘက်ကတော့ ထိုအမိန့်နဲ့ပတ်သက်ပြီး အလွန်စိုးရိမ်မိကြောင်းနဲ့ ထိုကဲ့သို့ ဆောင်ရွက်ချက်များကို လက်ခံသင့်ကြောင်း ကြာသပတေးနေ့က ပြောကြားခဲ့ပါတယ်။
အမိန့်ကြောင့် စီးပွားရေးလုပ်ငန်းများ ပုံမှန်လည်ပတ်မှု၊ ဆုံးဖြတ်ချက်ချခြင်းများကို သက်ရောက်စေပြီး နိုင်ငံတကာစီးပွားရေးနဲ့ ကုန်သွယ်မှုအမိန့်ကို ထိခိုက်စေကြောင်း တရုတ်ကူးသန်းရောင်းဝယ်ရေး ဝန်ကြီးဌာနက ထုတ်ပြန်ထားပါတယ်။
အမေရိကန်အနေနဲ့ ဈေးကွက်စီးပွားရေးနဲ့ တရားမျှတသော ယှဉ်ပြိုင်မှုနိယာမကို လေးစားလိုက်နာကာ ကမ္ဘာ့စီးပွားရေး၊ ကုန်သွယ်ဖလှယ်ရေး၊ ပူးပေါင်းဆောင်ရွက်ရေးတို့မှာ နှောင့်ယှက်ခြင်း၊ ကမ္ဘာ့စီးပွားရေး ပြန်လည်ဦးမော့လာရေးအတွက် အတားအဆီးများ ချမှတ်ခြင်းတို့မှ ရှောင်ကြဉ်မယ်လို့ မျှော်လင့်ကြောင်း ပြောကြားခဲ့ပါတယ်။
တရုတ်က ယင်းတို့နိုင်ငံအပေါ် ရင်းနှီးမြှုပ်နှံမှု ကန့်သတ်ချက်များ ချမှတ်ခြင်းအပေါ် ပြတ်ပြတ်သားသား ကန့်ကွက်ကြောင်းနဲ့ အပြင်းအထန် မကျေနပ်ကြောင်း တရုတ်နိုင်ငံခြားရေးဝန်ကြီးဌာနက ပြောကြားလိုက်ပါတယ်။
ကွန်ပျူတာချစ်ပ်တွေနဲ့ ပစ္စည်းကိရိယာများ ထုတ်လုပ်ရန်အတွက် ဆော့ဖ်ဝဲလ်များရေးဆွဲရန် တရုတ်ကုမ္ပဏီများအပေါ် ရင်းနှီးမြှုပ်နှံမှုကို အာရုံစိုက်ထားပါတယ်။
ထိုကဏ္ဍတွေမှာ အမေရိကန်၊ ဂျပန်၊ နယ်သာလန်တို့က လွှမ်းမိုးထားကာ တရုတ်အစိုးရက ပြည်တွင်းဖြစ် အခြားနည်းလမ်းများ ဆောက်လုပ်ရန် လုပ်ဆောင်နေပါတယ်။
ဘိုင်ဒင်ရဲ့အမိန့်ဟာ အချို့သော သဘောတူညီချက်များကို တားမြစ်မှာဖြစ်ပြီး ရင်းနှီးမြှုပ်နှံသူများရဲ့ အစီအစဉ်များကို အစိုးရထံ အသိပေးရန် လိုအပ်လာမှာ ဖြစ်ပါတယ်။
Source: Reuters
#World_News
#တရုတ်နိုင်ငံ #အမေရိကန်နည်းပညာ #ရင်းနှီးမြှုပ်နှံမှု # ဘိုင်ဒင်
#YMG #Yangon_Times
တရုတ်နိုင်ငံတွင် အမေရိကန်နည်းပညာရင်းနှီးမြှုပ်နှံမှုအချို့ကို တားမြစ်သည့်အမိန့်အား ဘိုင်ဒင် ထုတ်ပြန်
- Category: World
- Hits: 114
Published_ 10 August 2023
ကမ္ဘာတဝှမ်း ပြည်သူ့ကျန်းမာရေးကို အကြီးအကျယ်ခြိမ်းခြောက်နေတဲ့ ပဋိဇီဝဆေးယဉ်ပါးခြင်း မြင့်တက်လာခြင်းနဲ့ လေထုညစ်ညမ်းမှုတို့ကြား ဆက်စပ်မှုကို လေ့လာဖော်ထုတ်ခဲ့ကြပါတယ်။
ထိုသုတေသနအကြောင်းကို ဆယ်စုနှစ် ၂ ခုနီးပါးအထိ နိုင်ငံပေါင်း ၁၀၀ ကျော်မှ အချက်အလက်များ ဆန်းစစ်ခဲ့တာဖြစ်ကြောင်း ဂါးဒီးယန်းက ဖော်ပြခဲ့ပါတယ်။
ပဋိဇီဝဆေးယဉ်ပါးခြင်းဟာ နိုင်ငံမရွေး လူမျိုးမရွေး အသက်အရွယ်မရွေး ဖြစ်ပွားနေပြီး နှစ်စဉ်လူပေါင်း ၁.၃ သန်းမှာ ထိခိုက်နေတယ်လို့ ဆိုပါတယ်။
ပဋိဇီဝဆေးယဉ်ပါးခြင်း ဖြစ်ရတဲ့ အဓိကအကြောင်းအရင်းက ရောဂါပိုးကူးစက်မှုတွေကို ကုသရင်း ပဋိဇီဝဆေးတွေ လွဲမှားစွာ အလွန်အကျူးသုံးစွဲမိခြင်းဖြစ်ပြီး ယခုလေ့လာချက်အရ လေထုညစ်ညမ်းမှုကလည်း ပိုမိုဆိုးရွားစေတယ်လို့ ညွှန်ပြနေပါတယ်။
လေထုညစ်ညမ်းမှုအတိုင်းအတာ PM 2.5 ဆိုရင် ပဋိဇီဝဆေးယဉ်ပါး ဘက်တီးရီးယားများနဲ့ မျိုးဗီဇများပါရှိပြီး လူသားတွေမှာ ရှူသွင်းမိခြင်း ဖြစ်နိုင်ပါတယ်။
လေထုညစ်ညမ်းမှုက အများပြည်သူကျန်းမာရေးကို အများပြားဆုံး ခြိမ်းခြောက်နေပြီး နှလုံးရောဂါ၊ ရင်ကြပ်ရောဂါ၊ အဆုတ်ကင်ဆာ စတဲ့နာတာရှည်ရောဂါများအပြင် နောက်ဆုံးမှာ ပျမ်းမျှနေထိုင်သက်တမ်းတိုတောင်းခြင်းကိုပါ ဖြစ်စေနိုင်ပါတယ်။
ရေတိုမှာဆိုရင် ချက်ချင်းသက်ရောက်မှုအနေနဲ့ ချောင်းဆိုးခြင်း၊ နှာချေခြင်း၊ ရင်ကြပ်ခြင်းတို့ဖြစ်နိုင်ကာ ဆေးရုံဆေးခန်း သွားရောက်ရတာမျိုး အဖြစ်များလာပါတယ်။
ယခုလေ့လာတွေ့ရှိချက်က လေထုညစ်ညမ်းမှုကို ထိန်းသိမ်းရုံမက ပဋိဇီဝဆေးယဉ်ပါးဘက်တီးရီးယား ပျံ့နှံ့များပြားခြင်းကိုပါ တိုက်ဖျက်တဲ့နေရာမှာ အရေးပါလာနိုင်ပါတယ်။
ဆေးရုံများ၊ ခြံမြေများ၊ ရေဆိုးသန့်စင်ရေးလုပ်ငန်းများမှ ထွက်လာတဲ့လေလမ်းကြောင်းတွေကနေ ပဋိဇီဝဆေးယဉ်ပါးအမှုန်များဟာ အတော်အတန်ကွာဝေးတဲ့အထိ ပျံ့နှံ့သွားနိုင်ပါတယ်။
လေထုညစ်ညမ်းမှု ၁၀ ရာခိုင်နှုန်းတက်လာတိုင်း ပဋိဇီဝဆေးယဉ်ပါးမှု ၁.၁ ရာခိုင်နှုန်းမြင့်တက်လာကာ ဆက်စပ်မှုက တစ်နှစ်ထက်တစ်နှစ် ပိုမိုသိသာလာပါတယ်။
လေထုညစ်ညမ်းမှုမှ ဖြစ်လာတဲ့ ပဋိဇီဝဆေးယဉ်ပါးခြင်းကြောင့် ၂၀၁၈ တစ်နှစ်တည်းမှာပင် အရွယ်မတိုင်ခင်သေဆုံးသူ ၄၈၀,၀၀၀ ခန့်ရှိနိုင်ပါတယ်။
Source: WION.
#World_Science
#YMG #Yangon_Times
- Category: World
- Hits: 160
Published_ 10 August 2023
လူတွေက သူတို့ရဲ့ အနံ့အာရုံခံစားနိုင်မှုကို တန်ဖိုးမထားကြဘဲ လျစ်လျူရှုထားတတ်ကြပါတယ်။
သင့်လျော်တဲ့ရနံ့တွေက အိုမင်းလာတဲ့ ဦးနှောက်တွေကို နိုးကြားစေပြီး တက်ကြွလန်းဆန်းနေစေမှာ ဖြစ်ပါတယ်။
သင်းပျံ့တဲ့ရနံ့နဲ့ လေရောစပ်တဲ့အခါ ဦးနှောက်ထဲမှာ မှတ်ဉာဏ်ပိုင်းနဲ့ ဆုံးဖြတ်ချက်ချခြင်းနေရာများကြား ချိတ်ဆက်မှုကို မြှင့်တင်ပေးကာ မှတ်ဉာဏ်စွမ်းဆောင်ရည်ကို မြှင့်တင်ပေးနိုင်ကြောင်း ကယ်လီဖိုးနီးယားတက္ကသိုလ်မှ အထောက်အထားဖြင့် ဖော်ပြလိုက်ပါတယ်။
အသက် ၆၀ မှ ၈၅ နှစ်အတွင်းရှိ လူ ၄၃ ဦးကို စမ်းသပ်ခဲ့ရာ ညမအိပ်ခင် အိပ်ခန်းထဲမှာ မတူညီသောရနံ့များ ရောစပ်ပျံ့နှံ့စေတဲ့အခါ မှတ်ဉာဏ်ကျဆင်းမှုနဲ့ ဒီမန်ရှာကဲ့သို့ အခြေအနေတွေကို နှောင့်နှေးစေနိုင်တယ်လို့ ပြသနိုင်ခဲ့ပါတယ်။
စမ်းသပ်သူတိုင်းကို အတောင့်တစ်တောင့်စီတိုင်းမှာ မတူညီတဲ့ သဘာဝရနံ့ဆီတစ်မျိုးစီ ပါဝင်တဲ့ အနံ့ရောစပ်ထုတ်လွှင့်တဲ့စက်ဖြင့် အသုံးပြုစေခဲ့ပါတယ်။
တစ်ဖွဲ့ကို အနံ့အပြည့်ပါတဲ့ အတောင့်များဖြင့် စမ်းသပ်ပြီး သာမန်အဖွဲ့မှာတော့ အနံ့အနည်းငယ်သာ ပါဝင်ပါတယ်။
စမ်းသပ်ခံသူတွေက ညတိုင်းအိပ်ရာမဝင်ခင်မှာ စက်ထဲသို့ မတူညီတဲ့အနံ့တောင့်များ ထည့်သွင်းပြီး ၂ နာရီကြာအောင် ထွက်ရှိစေပါတယ်။
ဦးနှောက်က မီးခိုးရောင်သားနေရာဟာ မြင်ကွင်းများ အသံများကိုအာရုံခံပေးပါတယ်။
သာမန်စမ်းသပ်အဖွဲ့ထက် အနံ့ပြည့်ဝစွာဖြင့် စမ်းသပ်ခံရတဲ့အဖွဲ့က မှတ်ဉာဏ်စွမ်းဆောင်ရည်ပိုင်းမှာ ၂၂၆ ရာခိုင်နှုန်း မြင့်တက်လာတာကို မြင်တွေ့ခဲ့ရပါတယ်။
ဇီဝကမ္မနည်းအရ လူတွေရဲ့ အနံ့ခံနိုင်စွမ်းက ဦးနှောက်က မသိနိုင်ခင်မှာပဲ ပျောက်ကွယ်သွားတတ်ပါတယ်။
အနံ့အာရုံဆုံးရှုံးခြင်းက ဦးနှောက်ဆဲလ်များ ယုတ်လျော့လာပြီး အနံ့အာရုံနဲ့ အာရုံကြောလုပ်ဆောင်ချက်များကြား ဆက်စပ်မှုကြီးကို ညွှန်ပြနေပါတယ်။
အနံ့ခံအာရုံဆုံးရှုံးခြင်းကြောင့် အာရုံကြောနဲ့ စိတ်ရောဂါပေါင်း ၇၀ နီးပါး ဖြစ်လာနိုင်တာကို ခန့်မှန်းနိုင်တယ်လို့ သိပ္ပံပညာရှင်များ အရင်ကတည်းက သိထားခဲ့ပါတယ်။
သာလာမတ်စ်ကို အရင်ဆုံးဖြတ်သန်းသွားတဲ့ အခြားအာရုံတွေလိုမဟုတ်ဘဲ အနံ့ခံအာရုံဟာ ဦးနှောက်ရဲ့ မှတ်ဉာဏ်ပတ်လမ်းများနဲ့ တိုက်ရိုက်ချိတ်ဆက်မှုရှိနေကြောင်း ဖော်ပြနေပါတယ်။
Source: India Today
#World_Health
#YMG #Yangon_Times
- Category: World
- Hits: 119