#World_Health
Published 14 August 2024

▪️ နောက်ထပ်ကပ်ရောဂါဘေး ဖြစ်လာနိုင်မယ့် ရောဂါပိုးအရေအတွက်ဟာ ၃၀ အထိ မြင့်တက်လာပါတယ်။

▪️ ထိုထဲမှာမှ တုပ်ကွေး-အေဗိုင်းရပ်စ်၊ သွေးလွန်တုပ်ကွေး၊ ဗိုင်းရပ်စ်၊ မျောက်ကျောက်ဗိုင်းရပ်စ်တို့က အဓိကရောဂါပိုးတွေအဖြစ် WHO ကသတ်မှတ်ထားပါတယ်။

▪️ ဒီလိုစာရင်းထုတ်ပြန်ရခြင်းဟာ ကုသမှုတွေ၊ ကာကွယ်ဆေးတွေ၊ ရောဂါရှာဖွေရေးတွေ ထုတ်ဖော်ရာမှာ ပိုပြီးကြိုးပမ်းအားထုတ်ကြဖို့ ရည်ရွယ်ပါတယ်။

▪️ ဒီစာရင်းက အထောက်အထားတွေအပေါ် အခြေခံထားတာဖြစ်ပြီး ရောဂါပိုးတွေက အလွန်ကူးစက်မြန်ကာ ထိရောက်တဲ့ ကုသမှု မရရှိသေးပါဘူး။

▪️ အရေးကြီးတာတွေကို အစဉ်လိုက်သိရှိခြင်းဖြင့် ပြဿနာဖြေရှင်းဖို့ လိုအပ်တဲ့ ဟာကွက်တွေကို သိရှိစေမှာဖြစ်တယ်လို့ အန်နာမာရီယာဟဲနိုရီစထရက်ပိုက ပြောသွားပါတယ်။

▪️ လွန်ခဲ့တဲ့ ၂ နှစ်အတွင်း သိပ္ပံပညာရှင် ၂၀၀ ကျော်ဟာ ရောဂါပိုးမျိုးစိတ်ပေါင်း ၁၆၅၂ မျိုးကျော်ကို လေ့လာခဲ့ပါတယ်။

▪️ ဒီနောက် အဓိကအရေးကြီးတဲ့ ရောဂါပိုး ၃၀ ကို ဖော်ထုတ်ခဲ့ကြကာ SARS-CoV-2 နဲ့ မာဘီကိုဗိုင်းရပ်စ်တို့လည်း ပါဝင်ခဲ့ပါတယ်။

▪️ ၂၀၂၂ ခုနှစ်ကပျံ့ပွားခဲ့တဲ့ မျောက်ကျောက်ဗိုင်းရပ်စ်နဲ့ ၁၉၈၀ လောက်က ပပျောက်ခဲ့ပြီဖြစ်တဲ့ ရေကျောက်ဗိုင်းရပ်စ်တို့လည်း ပါဝင်နေပါတယ်။

▪️ ဒါ့အပြင် ဒီဗိုင်းရပ်စ်တွေကို ဇီဝလက်နက်အဖြစ် အကြမ်းဖက်သမားတွေ အသုံးပြုနိုင်ဖွယ်ရှိတယ်လို့လည်း သတိပေးထားပါတယ်။

▪️ တုပ်ကွေး-အေဗိုင်းရပ်စ်တွေထဲက မျိုးစိတ်ဒါဇင်ဝက်လောက်လည်း စာရင်းထဲ ပါဝင်ပါတယ်။

▪️ ရာသီဥတုပြောင်းလဲမှုနဲ့ မြို့ပြလူဦးရေ ထူထပ်လာခြင်းတို့က ဗိုင်းရပ်စ်ကူးစက်နိုင်ခြေ များစေတယ်လို့ သိပ္ပံပညာရှင်များ ဆိုပါတယ်။

#Source: WION

#World_Health
Published 14 August 2024

▪️ ကမ္ဘာမြေကြီးဟာ နည်းလမ်းမျိုးစုံဖြင့် ညစ်ညမ်းမှုခံစားနေရပြီး အစားအစာနဲ့ ရေတို့မှာတွေ့ရတဲ့ မိုက်ခရိုပလတ်စတစ်မှုန်တွေလည်း ပါဝင်ပါတယ်။

▪️ ထိုမိုက်ခရိုပလတ်စတစ်မှုန်တွေဟာ လူ့ကျန်းမာရေးကို အလွန်အန္တရာယ်ဖြစ်စေတယ်လို့ သတ်မှတ်ပြီး နှလုံးရောဂါ၊ ဟော်မုန်းမညီမျှခြင်း၊ ကင်ဆာတို့ပင် ဆက်စပ်ဖြစ်ပေါ်စေပါတယ်။

▪️ မကြာသေးမီက လေ့လာချက်မှာလည်း ပလတ်စတစ်ဘူးထဲမှ ရေကိုသောက်ခြင်းဟာ သွေးကြောထဲသို့ မိုက်ခရိုပလတ်စတစ်များ ဝင်ရောက်ပြီး သွေးပေါင်ချိန်မြင့်နိုင်ဖွယ်ရှိတယ်လို့ တွေ့ရှိထားပါတယ်။

▪️ ဩစတြီးယား ဒါနုဘယ်ပုဂ္ဂလိကတက္ကသိုလ် ဆေးပညာဌာနမှ လေ့လာမှုပြုတာဖြစ်ပြီး ပလတ်စတစ်ဗူးတွေထဲမှာ မထိန်းသိမ်းထားတဲ့ ရေတွေကို စမ်းသပ်ခံတွေ သောက်သုံးစေခဲ့ရာမှာ သွေးပေါင်ချိန် သိသိသာသာ လျော့နည်းတာကို တွေ့ခဲ့ကြပါတယ်။

▪️ ဒါဟာ သွေးကြောထဲမှာ ပလတ်စတစ်အမှုန်ပမာဏ နည်းပါးတာကြောင့်လို့ ဖော်ပြခဲ့ပါတယ်။

▪️ ပလတ်စတစ်ဝင်ရောက်မှု နည်းတဲ့အခါ သွေးပေါင်ချိန်လည်း ကျဆင်းသွားကာ သွေးထဲမှာ ပလတ်စတစ်မှုန်တွေက သွေးပေါင်ချိန်ကို တက်စေတယ်လို့ ယူဆထားပါတယ်။

▪️ ပလတ်စတစ်ဗူးနဲ့ ထည့်ထားတဲ့ အချိုရည်တွေကိုလည်း ရှောင်ရှားကြဖို့ အကြံပြုထားပါတယ်။
လူတွေဟာ ပလတ်စတစ်ဗူးတွေဖြင့် ရေသောက်ခြင်းကနေ တစ်ပတ်ကို မိုက်ခရိုပလတ်စတစ် ၅ ဂရမ်ခန့် ဝင်ရောက်နိုင်တယ်လို့ သိပ္ပံပညာရှင်များ တွေ့ရှိဖူးပါတယ်။

▪️ ဒီအတွက် ရေကိုကြိုချက်ပြီး စစ်ယူသောက်သုံးခြင်းဖြင့် ပလတ်စတစ်မှုတွေကို ၉၀ ရာခိုင်နှုန်းနီးပါး လျှော့ချနိုင်ပါတယ်။

#Source: India Today

ဇင်ဘာဘွေအစိုးရက နိုင်ငံအတွင်း ရောင်းဝယ်မှုများအတွက် အမေရိကန်ဒေါ်လာ အသုံးပြုနေခြင်းကို ဖြတ်တောက်ပြီး ရွှေတုံးအခြေပြု ZiG ငွေကြေးအသစ်ဖြင့် အစားထိုးဖို့လမ်းစကို မီးစိမ်းပြလိုက်ပြီ ဖြစ်ပါတယ်။
#World_Currency
Published 13 August 2024
#ဇင်ဘာဘွေ #ပြည်တွင်းငွေကြေးသစ်စတင်သုံး
#YMG #Yangon_Times #Yangon_Media_Group

#Daily_News
Published 13 August 2024

၁။ ဆီလီကွန်ပုံတူပန်းပုရုပ်တုလုပ်ငန်းအတွက် ကုန်ကြမ်းပြတ်ပြီး ဈေးနှုန်းတက်နေ

၂။ ရေလွှမ်းဒဏ်ခံရသည့် မိုးစပါးစိုက်ဧက တစ်သန်းခန့်သာရှိသည့်အပြင် လက်ကျန်နှင့်အရန်ဆန်များပါရှိသောကြောင့် ပြည်တွင်းစားသုံးမှုဖူလုံဟုဆို

၃။ မန္တလေးတိုင်းတွင်နေရာကွက်ပြီး မိုးကြီးနိုင်ပြီး ‌ရှမ်း၊ ကရင်၊ မွန်တို့တွင်နေရာအနှံ့အပြားမိုးရွာနိုင်မည်

၄။ ဇင်ဘာဘွေတွင် ဒေါ်လာအစား ပြည်တွင်းငွေကြေးသစ်စတင်အသုံးပြုမည်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

 ၁၃ ဩဂုတ် ၂၀၂၄

တရုတ်နိုင်ငံခြားရေးဝန်ကြီးက သူ၏ ခရီးစဉ်အတွင်း မြန်မာနိုင်ငံတွင် အခြေခံဥပဒေနှင့်တရားဥပဒေမူဘောင်အတွင်းက နိုင်ငံရေးဆွေးနွေးမှုများအတွက်  တရုတ်ကကူညီရေး လုပ်ဆောင်သွားမယ်လို့ တရုတ်နိုင်ငံခြားရေးဝန်ကြီးဌာနက သတင်းထုတ်ပြန်ပါတယ်။

မြန်မာနိုင်ငံသို့သွားရောက်မည့် တရုတ်နိုင်ငံခြားရေးဝန်ကြီး မစ္စတာဝမ်ယီ၏ ခရီးစဉ်ကိစ္စ သတင်းစာရှင်းလင်းပွဲတွင် မေးမြန်းမှု အပေါ် ဖြေကြားရာ၌ တရုတ်နိုင်ငံခြားရေးဝန်ကြီးဌာန ပြောဆိုခွင့်ရပုဂ္ဂိုလ်က ဖြေကြားခဲ့ခြင်းဖြစ်တယ်လို့ တရုတ်နိုင်ငံသံရုံးရဲ့ သတင်းထုတ်ပြန်ချက်မှာဖော်ပြထားပါတယ်။

မြန်မာနိုင်ငံဘက်အသီးသီးက အခြေခံဥပဒေနှင့် တရားဥပဒေမူဘောင်အတွင်း၌ နိုင်ငံရေးဆွေးနွေးခြင်းဖြင့် သဘောထားကွဲလွဲမှုများကို ကောင်းမွန်စွာဖြေရှင်းရေးအတွက် အပြုသဘောဆောင်သော ကူညီမှုများ ပေးအပ်သွားမယ် လို့ရန်ကုန်မြို့အခြေစိုက် တရုတ်ပြည်သူ့သမ္မတနိုင်ငံသံရုံးက သတင်းထုတ်ပြန်ထားပါတယ်။

တရုတ်နိုင်ငံသည် မြန်မာနိုင်ငံရဲ့ ချစ်ကြည်ရင်းနှီးတဲ့ အိမ်နီးချင်းနိုင်ငံအနေဖြင့် ပြည်တွင်း‌ရေးကို ဝင်ရောက်စွက်ဖက်ခြင်း မပြုတဲ့ အခြေခံမူကို အမြဲတစေလိုက်နာကာ မြန်မာနိုင်ငံ တည်ငြိမ်အေးချမ်းမှု ထိန်းသိမ်းရေး၊ စီးပွားရေးဖွံ့ဖြိုးတိုးတက်ရေး၊ ပြည်သူ့အကျိုးပြုလုပ်ငန်းများ အာမခံရေးတို့ကို အစဉ်အမြဲထောက်ခံသွားမှာဖြစ်တယ်လို့လည်း ပြောဆိုခွင့်ရပုဂ္ဂိုလ်က ဆက်လက်ပြောကြားပါတယ်။

တရုတ်နိုင်ငံခြားရေးဝန်ကြီး မစ္စတာဝမ်ယီ၏ ယခုအကြိမ်ခရီးစဉ်သည် တရုတ်-မြန်မာ ကဏ္ဍအသီးသီးတွင် အကျိုးတူပူးပေါင်းဆောင်ရွက်မှုကို နက်ရှိုင်းစေပြီး နှစ်နိုင်ငံပြည်သူများ၏ ချစ်ကြည်ရင်းနှီးသောသံယောဇဉ်ကို ခိုင်ခံ့စေကာ တရုတ်-မြန်မာ အေးအတူပူအမျှအသိုက်အဝန်း တည်ဆောက်မှု နက်ရှိုင်းခိုင်မာစေရေးကို မြှင့်တင်ရန်ဖြစ်တယ်လို့ အဆိုပါ သတင်းထုတ်ပြန်ချက်မှာဖော်ပြထားပါတယ်။

@ymg/knl

အခုဘဏ္ဍာနှစ် လေးလတာကာလအတွင်း အမေရိကန်ဒေါ်လာ သန်းပေါင်း၂၅၀ ကျော် တန်ဖိုးရှိ
တဲ့ ဆန်နဲ့ ဆန်ကွဲ တန်ချိန်ငါးသိန်းကျော်တင်ပို့ထားပြီး လျာထားချက်အတိုင်း ပြည့်မှီအောင် တင်ပို့ခဲ့ခြင်း မရှိဘူးလို့ မြန်မာနိုင်ငံဆန်စပါးအသင်းချုပ်က သိရပါတယ်။
#Local_News
Published 13 August 2024
#မြန်မာနိုင်ငံဆန်စပါးအသင်းချုပ် #ဆန်နဲ့ ဆန်ကွဲတင်ပို့
#YMG/NN #Yangon_Times

မြန်မာနိုင်ငံကျောက်မျက်ရတနာလုပ်ငန်းရှင်များအသင်းက ကျောက်မျက်နဲ့လက်ဝတ်ရတနာ  သင်တန်းကို အခမဲ့စက်တင်ဘာလကနေစတင်ပြီး ရှစ်လကြာ ဖွင့်လှစ်ပေးသွားမယ်လို့သိရပါတယ်။
#Local_News
Published 13 August 2024
#ရှစ်လသင်တန်းအခမဲ့ဖွင့် #ကျောက်မျက်နှင့်လက်ဝတ်ရတနာ
#YMG/NN #Yangon_Times

#Local_News
Published 13 August 2024

▪️ ရွှေလီ (၁) ရေအားလျှပ်စစ်ဓာတ်အားပေးစက်ရုံ၏ဓာတ်အားပေးစက်များရပ်တန့်၍  တမံသဲနုန်းထုတ်ခြင်းလုပ်ငန်းများ ဆောင်ရွက်မည်ဖြစ်သောကြောင့် ယင်းအချိန်အတွင်း ရွှေလီ-နမ့်ခမ်း-မူဆယ် ဓာတ်အားလိုင်း ဓာတ်အားယာယီပြတ်တောက်မည်ဖြစ်ကြောင်း Junction River Trading Co.,Ltd(ESE) မှ အသိပေးထုတ်ပြန်ထားသည်။

▪️ အဆိုပါ ရွှေလီ (၁) ရေအားလျှပ်စစ်ဓာတ်အားပေးစက်ရုံ၏ နှစ်စဉ်ထိန်းသိမ်းပြုပြင်ခြင်းလုပ်ငန်းများ ဆောင်ရွက်လျက်ရှိရာတွင် ရေလှောင်တမံအတွင်း သဲနုန်းထုတ်ခြင်းလုပ်ငန်းအား တမံအတွင်းရေဝင်ရောက်မှု အခြေအနေအရ ဩဂုတ်လ ၁၄ ရက်နေ့ နံနက် ၆ နာရီခွဲ ၃၀ အချိန်မှ ၁၅ ရက်နေ့ ည ၁၀နာရီ ၂၀မိနစ်အချိန် အထိ ဓာတ်အားပေးစက်များရပ်တန့်၍ တမံသဲနုန်းထုတ်ခြင်းလုပ်ငန်းများ ဆောင်ရွက်မည်ဖြစ်ကြောင်း သိရသည်။

▪️ အဆိုပါ လုပ်ငန်းများဆောင်ရွက်နေချိန်တွင် ရွှေလီ(၁)ရေအားစက်ရုံ မှ ဓာတ်အားပို့လွှတ်ထားသည့် ၆၆ကေဗွီ ရွှေလီ-နမ့်ခမ်း-မူဆယ် ဓာတ်အားလိုင်း ဓာတ်အားပြတ်တောက်နေမည် ဖြစ်ကြောင်း သိရသည်။

▪️ ထိုကြောင့် အဆိုပါ ဓာတ်အားပိတ်လုပ်ငန်း ဆောင်ရွက်နေစဉ်အတွင်း မူဆယ်မြို့နယ်ရှိ ရပ်ကွက်၊ ကျေးရွာများတွင် အထက်ဖော်ပြပါ အချိန်၊ နေ့ရက်များ အတိုင်းလျှပ်စစ်ဓာတ်အားပြတ်တောက်နေမည်ဖြစ်ကြောင်း ကြိုတင်အသိပေး မေတ္တာရပ်ခံကြောင်း၊ မိဘပြည်သူများအနေဖြင့် ဓာတ်အားပြန်လည်ရရှိမည့်ချိန်တွင် တစ်ပြိုင်နက်တည်း ဝန်အားသုံးစွဲမှုများအား အလျင်စလို မပြုလုပ်ကြပါရန်လည်း  ကြိုတင်အသိပေးထားကြောင်း သိရသည်။

#YMG/NN #Yangon_Times

အခုရက်ပိုင်းမှာ မန္တလေးတိုင်းမှာ နေရာကွက်ပြီး မိုးကြီးနိုင်ပြီး ‌ရှမ်း၊ ကရင်၊ မွန်တို့မှာ နေရာအနှံအပြား မိုးရွာနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်။
#Local_News
Published 13 August 2024
#နေရာကွက်ပြီးမိုးကြီးနိုင် #နေရာအနှံအပြားမိုးရွာ
#YMG/tthl #Yangon_Times

ဩဂုတ် ၁၃ ၂၀၂၄

တရုတ်ပြည်သူ့သမ္မတနိုင်ငံ တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင် နှင့် နိုင်ငံခြားရေးဝန်ကြီး မစ္စတာ ဝမ်ယီဟာ မြန်မာနိုင်ငံသို့ သွားရောက်မှာဖြစ်တယ်လို့ တရုတ်နိုင်ငံခြားရေးဝန်ကြီးဌာနက ယနေ့ ဩဂုတ်လ ၁၃ရက်နေ့မှာ တရားဝင်သတင်းထုတ်ပြန်ပါတယ်။

တရုတ်နိုင်ငံခြားရေးဝန်ကြီး ဝမ်ယီဟာ ထိုင်းနိုင်ငံမှာကျင်းပမယ့် (၉)ကြိမ်မြောက် လန်ချန်း-မဲခေါင် ပူးပေါင်းဆောင်ရွက်ရေး နိုင်ငံခြားရေးဝန်ကြီးများအစည်းအဝေးကိုလည်းတက်ရောက်မှာဖြစ်ပါတယ်။

အဲဒီအစည်းအဝေးနှင့်ဆက်စပ်ပြီး မြန်မာ၊လာအို၊ထိုင်းတို့မှ နိုင်ငံခြားရေးဝန်ကြီးတွေနှင့်လည်း သီးခြားတွေ့ဆုံစည်းဝေးဖို့ ရှိတယ်လို့ သတင်းထုတ်ပြန်ချက်မှာဖော်ပြထားပါတယ်။

သူ့ရဲ့ခရီးစဉ်ဟာ ဩဂုတ် ၁၄ ရက်မှ ၁၇ ရက်နေ့အထိဖြစ်တယ်လို့လည်းသိရပါတယ်။

တရုတ်နိုင်ငံခြားရေးဝန်ကြီးဟာ မြန်မာနိုင်ငံမှာရှိနေစဉ် နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့်တွေ့ဆုံမယ်လို့လည်း သတင်းတွေထွက်ပေါ်နေပါတယ်။

မစ္စတာဝမ်ယီမရောက်ခင် ရက်ပိုင်း ယမန်နေ့ ဩဂုတ် ၁၂ ရက်နေ့က   တရုတ်သံအမတ်အသစ် မစ္စ မာကျား  Ms Na Jia ဟာ မြန်မာနိုင်ငံကို တာဝန်ထမ်းဆောင်ဖို့ ရောက်ရှိခဲ့ပါတယ်။

@ymg/knl

အခုနှစ်အတွင်းရေလွှမ်းမိုးမှု ဒဏ်ခံရတဲ့  မိုးစပါးစိုက်ဧက တစ်သန်းခန့်သာရှိတဲ့အပြင် လက်ကျန်နဲ့ အရန်ဆန်‌တွေပါရှိတာကြောင့် ပြည်တွင်းစားသုံးမှုဖူလုံတယ်လို့ မြန်မာနိုင်ငံဆန်စပါးအသင်းချုပ်က နေသိရပါတယ်။
#Local_News
Published 13 August 2024
#ပြည်တွင်းစားသုံးမှုဖူလုံ #မြန်မာနိုင်ငံဆန်စပါးအသင်းချုပ်
#YMG/NN #Yangon_Times

#Local_News
Published 13 August 2024

▪️ စင်ကာပူစွမ်းအင်ကုမ္ပဏီဖြစ်သည့် Sembcorp သည်  မန္တလေးတိုင်းဒေသကြီး၊ မြင်းခြံမြို့နယ်ရှိ  ဓာတ်အား ပေးစက်ရုံကို ယာယီရပ်ဆိုင်းလိုက်ကြောင်း  ဩဂုတ် ၁၂ ရက်က  အသိပေးထုတ်ပြန်လိုက်သည်။

▪️ လျှပ်စစ်စွမ်အားဝန်ကြီးဌာနလက်အောက်ခံ လျှပ်စစ်ဓာတ်အားထုတ်လုပ်ရေးလုပ်ငန်း (EPGE) ထံ အခြေအနေများ တင်ပြခဲ့ပြီးနောက် လုပ်ငန်းပိတ်သိမ်းရန်အတည်ပြုခဲ့ခြင်းဖြစ်ကြောင်း သိရသည်။

▪️ လက်ရှိနယ်မြေ အခြေအနေများကြောင့်  ယာယီရပ်ဆိုင်းခြင်းဖြစ်ကာ ဝန်ထမ်းများ၏ ဘေးကင်း လုံခြုံမှုသည်  Sembcorp ၏  အဓိက ဦးစားပေးဖြစ်ကြောင်း ဖော်ပြထားသည်။

▪️ ထို့အပြင်  အခြေအနေများ လုံခြုံတည်ငြိမ်သွားပြီဆိုပါက လုပ်ငန်းများ ပြန်လည်စတင်သွားမည်ဖြစ်ကြောင်း သိရသည်။ Sembcorp သည် ၂၀၁၈ ခုနှစ်မှစတင်ပြီး မြင်းခြံသဘာဝဓာတ်ငွေ့သုံး ဓာတ်အားပေးစက်ရုံကို စတင်လည်ပတ်ခဲ့ခြင်း ဖြစ်ပြီး တစ်ရက်လျှင် လျှပ်စစ်ဓာတ်အား ၂၂၅ မဂ္ဂါဝပ် ထုတ်လုပ်ပေးနေသည့်  စက်ရုံဖြစ်ကြောင်း သိရသည်။

▪️ Sembcorp အနေဖြင့်  အခြေအနေများ  လုံခြုံသွားပါက ကျိုးကြောင်းဆီလျော်စွာ လက်တွေ့လျင် မြန်စွာ လုပ်ငန်းများ  ပြန်လည်စတင်ရန် ကြိုးပမ်း သွားမည်ဖြစ်‌ ကြောင်းအသိပေးထားသည်။

#YMG/NN #Yangon_Times