#Daily_News
Published 13 November 2025

၁။‌ ‎‎‎‎MAEX ၏ အသားတင်အမြတ်ငွေကျပ် (၇) ဘီလီယံနီးပါးရရှိ
‎
‎၂။ ‌‌‌‌‌‎‎‎‎‎‎မန္တလေး မြို့မအပျော်တမ်းတူရိယာအသင်း နှစ်(၁၀၀)ပြည့် အထိမ်းအမှတ်ကျင်းပမည်
‎
၃။‌‎‎ ‎‎‎‎‎‎‎‎‎ရန်ကုန်နှင့်ပုသိမ် ဆိပ်ကမ်းများမှဘင်္ဂလားဒေ့ရှ်သို့ ဆန်ဖြူများတင်ပို့သွားမည်
‎
‎‎၄။‎ ‎‎‎‎‎‎‎‎‎တရုတ်နှင့်အိန္ဒိယကြား တိုက်ရိုက်လေကြောင်းခရီးစဉ်ပြန်လည်စတင်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 13 November 2025

■ ငွေကြေး လိမ်လည်မှုကျူးလွန်ခြင်းကြောင့် ထိုင်းနိုင်ငံနဲ့ ကမ္ဘောဒီးယားတို့ကနေ နေရပ်ပြန်ပို့ခြင်းခံရတဲ့ လူနှစ်ဦးကို စင်္ကာပူက နိုဝင်ဘာ ၁၃ ရက်နေ့မှာ တရားစွဲဆိုသွားမှာ ဖြစ်ပါတယ်။

■ အသက် ၄၄ နှစ်ရှိပြီဖြစ်တဲ့ အမျိုးသားနှစ်ဦးက နိုင်ငံတကာလိမ်လည်မှု လုပ်ငန်းစဉ်တွေနဲ့ တရားမဝင်ငွေကြေးအမှုတို့မှာ ပါဝင်ပတ်သက်နေတယ်လို့ ယူဆထားကြောင်း စင်္ကာပူရဲတပ်ဖွဲ့ (SPF)က ကြာသပတေးနေ့မှာ ပြောသွားပါတယ်။

■ ပထမတစ်ဦးက ဘန်ကောက်စီးနင်းဝင်ရောက်စဉ်အတွင်း တော်ဝင်ထိုင်းရဲတပ်ဖွဲ့မှ ဖမ်းဆီးခဲ့တာ ဖြစ်ပါတယ်။

■ ထိုလူက မြန်မာနိုင်ငံမှာ လိမ်လည်ရေးလုပ်ငန်းလုပ်ဆောင်နေတယ်လို့ အာဏာပိုင်များယူဆထားတဲ့ နိုင်ငံတကာအဖွဲ့မှာ ပတ်သက်နေတယ်လို့ SPF က ဆိုပါတယ်။

■ ထိုလုပ်ငန်းဟာ စင်္ကာပူနိုင်ငံသားတွေကို ပစ်မှတ်ထားပြီး အစိုးရအရာရှိ အယောင်ဆောင်လိမ်လည်မှုတွေကို ကြိုးကိုင်နေတယ်လို့ သိထားရပါတယ်။

■ မြန်မာအာဏာပိုင်များ ဝင်ရောက်စီးနင်းပြီးနောက် ထိုလူဟာ ထိုင်းနိုင်ငံသို့ ထွက်ပြေးသွားတယ်လို့ ဆိုပါတယ်။

■ ဒါ့အပြင် စင်္ကာပူရှိ သူ့ရဲ့ကိုယ်ပိုင်ဘဏ်အကောင့်ကို စွန့်လွှတ်ပြီး ဒုစရိုက်အဖွဲ့ရဲ့ငွေတွေ လွှဲပြောင်းနိုင်အောင် ပြုလုပ်ပေးခဲ့ပါတယ်။

■ နောက်တစ်ဦးကတော့ ကမ္ဘောဒီးယားနယ်စပ်အနီး ခရောင်ဘာဗက်မြို့မှာ တယ်လီဖုန်းဆက်သွယ်ရေး လိမ်လည်မှုကျူးလွန်နေတဲ့ နိုင်ငံတကာလိမ်လည်မှုအဖွဲ့မှာ ပါဝင်ပတ်သက်တဲ့အတွက် ကမ္ဘောဒီးယားရဲတပ်ဖွဲ့က ဖမ်းဆီးခဲ့တာ ဖြစ်ပါတယ်။

■ အစောပိုင်းစုံစမ်းချက်များအရ သူဟာ အဖွဲ့အတွက် ဘာသာပြန်လုပ်ဆောင်နေပြီး စင်္ကာပူမှာရှိတဲ့ သူ့ရဲ့ဘဏ်အကောင့်တွေဟာလည်း တရားမဝင်ငွေကြေးများ လက်ခံရရှိဖို့ အသုံးပြုခဲ့ပါတယ်။

■ ဒီလိုပြစ်မှုတွေအတွက် ထောင်ဒဏ် ၃ နှစ်နဲ့ ဒဏ်ကြေးစင်္ကာပူဒေါ်လာ ၁ သိန်းခွဲအထိ နှစ်မျိုးစလုံး ကျခံရနိုင်ပါတယ်။

■ ဒီလိုလိမ်လည်မှုတွေက ၂၀၂၅ ပထမနှစ်ဝက်အတွင်း ၈၈.၃ ရာခိုင်နှုန်းအထိ မြင့်တက်လာကာ စင်္ကာပူဒေါ်လာ ၁၂၆.၅ သန်းခန့် ရှိခဲ့ပါတယ်။

■ နိုင်ငံတကာ ရဲတပ်ဖွဲ့များရဲ့ ပူးပေါင်းဆောင်ရွက်မှုများဖြင့် အရှေ့တောင်အာရှမှာ လိမ်လည်ရေးလုပ်ငန်းတွေ ကျူးလွန်နေတဲ့ စင်္ကာပူနှစ်ယောက်ကို ဖမ်းဆီးနိုင်ခဲ့ပြီလို့ SPF က ဖော်ပြထားပါတယ်။

Source: CNA

#Local_News
Published 13 November 2025

▪️ ၂၀၂၅ ခုနှစ် တရုတ်ပုံရိပ်ရုပ်ရှင်သီတင်းပတ်နှင့် တရုတ်-မြန်မာ သံတမန်ဆက်ဆံရေးထူထောင်ခြင်း(၇၅) နှစ်ပြည့် အထိမ်းအမှတ်ရုပ်ရှင်ပွဲတော်ကို နိုဝင်ဘာ ၁၆ ရက်မှ နိုဝင်ဘာ ၁၉ ရက်အထိကျင်းပသွားမည်ဖြစ် ကြောင်း မြန်မာနိုင်ငံဆိုင်ရာ တရုတ်သံရုံးမှ သိရသည်။

▪️ အဆိုပါ ရုပ်ရှင်ပွဲတော်ကို နေပြည်တော်ရုပ်ရှင်ရုံ(ရန်ကုန်)၌ ပြုလုပ်မည်ဖြစ်ပြီးတရုတ် ရုပ်ရှင်ဇာတ်ကား(၇)ကားကို အခမဲ့ပြသသွားမည်ဖြစ်ရာ အမည်စာရင်းပေးသွင်းပြီး လာရောက်ကြည့်ရှုနိုင်ကြောင်းသိရသည်။

▪️ ပြသသွားမည့် ဇာတ်ကားများမှာ နိုဝင်ဘာ ၁၆ ရက်တွင် "မင်္ဂလာပါမေမေ"၊ နိုဝင်ဘာ ၁၇ ရက်တွင် "လကမ္ဘာစွန့်စားခန်း"နှင့်"သူရဲကောင်းရှစ်ရာ"၊ နိုဝင်ဘာ ၁၈ ရက်တွင် "ချစ်သောဇာတိမြေ"နှင့် "စာဆိုတော်နှင့်ကြောင်နက်ရှင်"၊ နိုဝင်ဘာ ၁၉ ရက်တွင် "ကန္တာရဓားသမား"နှင့် "အလွဲများနှင့်ဘဝ" ရုပ်ရှင်ဇာတ်ကားများဖြစ်ကြောင်း သိရသည်။

#YMG/SW #Yangon_Times

#Local_News
Published 13 November 2025

▪️ နေပြည်တော်၊ ပြည်နယ်နှင့်တိုင်းဒေသကြီးများမှ တရားမဝင်သစ် ၅၆ တန်ကျော်နှင့် ယာဉ်/ယန္တရား လေးစီးအား ဖမ်းဆီးရမိခဲ့ကြောင်း သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန သစ်တောဦးစီးဌာနမှ သိရသည် ။

▪️ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန သစ်တောဦးစီးဌာနသည် တရားမဝင်သစ်နှင့် သစ်တောထွက်ပစ္စည်းများ ရှာဖွေဖော်ထုတ်ဖမ်းဆီးရေးအား ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှုသတင်းပို့စနစ်(Community Monitoring and Reporting System-CMRS)အပါအဝင် နည်းလမ်းမျိုးစုံဖြင့် အကောင်အထည်ဖော်ဆောင်ရွက်လျက်ရှိ‌ကြောင်း သိရသည်။

▪️ ထိုသို့ဆောင်ရွက်ရှိရာ နိုဝင်ဘာ ၃ ရက်မှ ၉ ရက်အထိ နေပြည်တော်၊ ပြည်နယ်နှင့်တိုင်းဒေသကြီး သစ်တောဦးစီးဌာနများမှ ပေးပို့လာသောစာရင်းများအရ တရားမဝင်ကျွန်း ၆ ဒသမ ၆၃၂၁ တန်၊ သစ်မာ ၇ ဒသမ ၀၇၁၀ တန်၊ အခြား ၄၃ ဒသမ ၂၂၉၇ တန် စုစုပေါင်း ၅၆ ဒသမ ၉၃၂၈ တန်၊ ယာဉ်/ယန္တရား လေးစီး၊ တရားခံခုနစ်ဦးဖမ်းဆီးရမိခဲ့ကြောင်း သစ်တောဦးစီးဌာနမှ သိရသည်။

#YMG/NN #Yangon_Times

#Local_News
Published 13 November 2025

▪️ မြန်မာ့အသံနှင့် ရုပ်မြင်သံကြား MRTV အနေဖြင့် (၁၀၅)နှစ်မြောက် အမျိုးသားအောင်ပွဲနေ့ကို ဂုဏ်ပြုသောအားဖြင့် “ခေတ်ဆန်း ချိန်”အမျိုးသားအောင်ပွဲနေ့ ဂုဏ်ပြုတေးဂီတဖျော်ဖြေပွဲကို မနက်ဖြန်တွင် ထုတ်လွှင့်ပြသသွားမည်ဖြစ်ကြောင်း သိရသည်။

▪️ ထိုသို့ပြသရာတွင် နိုဝင်ဘာ ၁၄ ရက် သောကြာနေ့ ည၉ နာရီခန့်၌ မြန်မာ့အသံနှင့်ရုပ်မြင်သံကြား၏ MRTV-HD Channel နှင့် MRTV Entertain-ment Channel တို့မှ တိုက်ရိုက် (Live) ထုတ်လွှင့်ပြသမည် ဖြစ်သည်။

▪️ အဆိုပါတေးဂီတဖျော်ဖြေပွဲကို မြန်မာ့အသံတေးဂီတအဖွဲ့၏တီးခတ်မှုနှင့်အတူ နာမည်ကျော်တေးသံရှင်များဖြစ်ကြသည့် ရဲထိုက်၊ ရသ၊ ဈာန်ထူး၊ ဖြိုးဘိုဘို၊ လျှမ်းထက်ကို၊ စဝ်ဝဏ္ဏကျော်စွာ၊ စိမ့်နေခြည်၊ ရဲရင့်ဝေလွင်၊ အိအိလှိုင်နှင့် မေ့ချစ်သက်တို့က အမျိုးဂုဏ်ဇာတိဂုဏ်မြှင့်တင်နိုင်ရန်နှင့် ဂုဏ်ယူနိုင်ရန်အတွက် ဇာတိမာန်တက်ကြွစေမည့်ခေတ်အဆက် ဆက်ထင်ရှားကျော်ကြားခဲ့သည့် တေးသီချင်းကောင်းများနှင့် ဖျော်ဖြေတင်ဆက်ကြမည်ဖြစ​ြကြောင်းသိရသည်။

▪️ ယင်းတေးဂီတဖျော်ဖြေပွဲကို MRTV-HDChannel နှင့် MRTV Entertainment Channel တို့မှ တိုက်ရိုက်(Live)ထုတ်လွှင့်ပြသမှုနှင့်အတူ MRTV App၏ EntertainmentSector နှင့် MRTVTelegramတို့မှလည်း တစ်ပြိုင်တည်း Streaming လွှင့်တင်မည်ဖြစ်သည့်အပြင် နိုဝင်ဘာ ၁၆ ရက်၊ တနင်္ဂနွေနေ့ နံနက် ၁၀ နာရီခွဲတွင်လည်း MRTV HD Channelမှ Replay ထပ်မံပြသမည်ဖြစ်ကြောင်း သိရသည်။

#YMG/NN #Yangon_Times

#World_Health
Published 13 November 2025

■ ရင်ကြပ်နဲ့ ဓာတ်မတည့်ဝေဒနာ ရှိသူတွေအတွက် နှာခေါင်းဖျန်းဆေးနဲ့ ရင်ချောင်ကိရိယာတို့က အရေးကြီးဆုံးအရာတွေ ဖြစ်ပါတယ်။

■ အသက်ရှူလမ်းကြောင်း ပိတ်ဆို့တာကို ရှင်းလင်းပေးပြီး ရောင်ရမ်းခြင်းကို လျှော့ချပေးကာ လျင်မြန်စွာ သက်သာစေပါတယ်။

■ ဒါပေမဲ့ ထိုပစ္စည်းတွေမှာပါဝင်တဲ့ ကော်တီကိုစတီးရွိုက်တွေကတော့ အချိန်ကြာမြင့်စွာ နည်းလမ်းမမှန်အသုံးပြုရင် နှလုံးအတွက် အန္တရာယ်ရှိနိုင်တယ်လို့ ဆရာဝန်တွေ သတိပေးနေပါတယ်။

■ ကော်တီကိုစတီးရွိုက်တွေက အနည်းငယ်အားဖြင့်တော့ သွေးလမ်းကြောင်းထဲ စုပ်ယူသွားတတ်ပါတယ်။

■ ပမာဏများများ ဒါမှမဟုတ် အချိန်ကြာမြင့်စွာ အသုံးပြုရင်တော့ စုပ်ယူနိုင်စွမ်းမြင့်တက်လာပြီး သွေးပေါင်ချိန်၊ အရည်ဆွဲယူခြင်းတို့ မြင့်တက်လာကာ နှလုံးသွေကြောစနစ်ကို သက်ရောက်လာစေကြောင်း အိန္ဒိယဒေလီမှ အဆုတ်ဌာနညွှန်ကြားရေးမှူး ဒေါက်တာ အန်နီမက်ရှ်အာယာက ပြောပါတယ်။

■ နှလုံးသွေးကြောရောဂါ ရှိပြီးသားသူတွေ၊ သွေးတိုးမထိန်းနိုင်သူတွေ၊ ဆီးချိုရှိသူတွေဟာ စတီးရွိုက်ဘေးထွက်တွေကို ပိုမိုခံစားရနိုင်ပါတယ်။

■ CYP3A4 အင်ဇိုင်းတွေနဲ့ ဓာတ်ပြုတဲ့ ဆေးတွေ အသုံးပြုနေတဲ့လူနာတွေကို အနီးကပ်စောင့်ကြည့်သင့်ပြီး ဒီဆေးတွေက စတီးရွိုက်စုပ်ယူမှုကို အားကောင်းစေပါတယ်။

■ အနည်းဆုံးဖြင့် ထိရောက်တဲ့ပမာဏအတိုင်းသာ အမြဲသုံးစွဲသင့်ကာ နှာခေါင်းဖျန်းဆေးနည်းလမ်းတွေကို စစ်ဆေးပြီး ဆေးဓာတ်ပြုခြင်းတွေကို ပြန်ဆန်းစစ်ဖို့ ဒေါက်တာအာယာက အကြံပြုထားပါတယ်။

■ အသုံးပြုချိန်အတွင်း ရင်ဘတ်အောင့်ခြင်း၊ အသက်ရှူကြပ်ခြင်း၊ နှလုံးတုန်ခြင်း၊ မူးမေ့ခြင်း၊ ခြေထောက်ဖောခြင်းတို့ ခံစားရရင် အရေးပေါ်အကူအညီ ယူသင့်တယ်လို့လည်း ဆိုပါတယ်။

■ စတီးရွိုက်ထိတွေ့မှု လျှော့ချဖို့အတွက်ဆိုရင် ICS-ဖော်မိုတရောကို ပြောင်းလဲအသုံးပြုနိုင်ပါတယ်။

Source: India Today

#World_Health
Published 13 November 2025

■ မာလကာသီးက အမျှင်ဓာတ်၊ ဗိုက်တာမင်-စီ၊ ဓာတ်တိုးဆန့်ကျင်ပစ္စည်းများ ကြွယ်ဝပြီး သွေးတွင်းသကြားဓာတ်ကို ထိန်းသိမ်းပေးပါတယ်။

■ မာလကာသီး ပန်းရောင်ရော အဖြူရောင်ပါ အာဟာရပိုင်းအတွက် အရေးပါတယ်လို့ အက်စ်တာ CMI ဆေးရုံမှ ဌာနမှူး အက်ဝင်နာရာဂျ်က ပြောသွားပါတယ်။

■ ပန်းရောင်မာလကာသီးထဲက လိုင်ကိုပင်းဆိုတဲ့ ဓာတ်တိုးဆန့်ကျင်ပစ္စည်းဟာ နှလုံးကာကွယ်ပေးပြီး ကင်ဆာဖြစ်နိုင်ခြေ လျှော့ချပေးကြောင်း၊ အဖြူရောင်ကတော့ ဗိုက်တာမင်-စီနဲ့ အမျှင်ဓာတ်ပိုများပြီး ကိုယ်ခံအားစနစ်နဲ့ အစာခြေခြင်းကို မြှင့်တင်ပေးကြောင်း ရာဂျ်က ပြောပါတယ်။

■ နှစ်မျိုးစလုံးက အာဟာရဓာတ်နဲ့ ဇီဝကမ္မအကျိုးကျေးဇူး မြင့်မားစွာရရှိပေမယ့် အနည်းငယ်တော့ ကွဲပြားပါတယ်။

■ အဖြူရောင်မာလကာသီးက အမျှင်ဓာတ်များတာကြောင့် ဗိုက်ပြည့်ဝစေကာ အစာခြေခြင်းကို ကူညီပေးတဲ့အပြင် ဝမ်းသွားခြင်းကို ထိန်းညှိပေးကာ မကောင်းတဲ့ LDL ကိုလက်စထရောလ်ကို လျှော့ချပေးပါတယ်။

■ ပန်းရောင်ကတော့ လိုင်ကိုပင်းကြောင့် ဓာတ်တိုးဖိစီးမှု၊ နှလုံးသွေးကြောရောဂါ၊ ကင်ဆာတို့ကို ကာကွယ်နိုင်ကာ ဗိုက်တာမင်-စီနဲ့ တွဲလိုက်ရင် ပန်ကရိယနဲ့ သွေးကြောတစ်ရှူးများကို ထိခိုက်စေတဲ့ ဖရီးရက်ဒီကယ်တွေကို ချေဖျက်ပေးပါတယ်။

■ အဖြူရော ပန်းရောင်ရောကို အလုံးလိုက်စားခြင်းက အမျှင်ဓာတ်၊ ဓာတ်တိုးဆန့်ကျင်ပစ္စည်းများ၊ ဗိုက်တာမင်များ၊ သတ္တုဓာတ်များကို အကောင်းဆုံး ပေါင်းစပ်ပေးတယ်လို့ ဒေါက်တာ အက်ဂရာဝယ်က ပြောသွားပါတယ်။

■ ဆီးချိုသမားအတွက်ဆိုရင် သွေးတွင်းသကြားဓာတ်ကို ထိန်းသိမ်းပေးတဲ့ ပန်းရောင်မာလကာသီးက ပိုပြီးသင့်လျော်ပါတယ်။

Source: Indian Express.

တရုတ်ပြည်မှ အလိုအလျောက်မော်တော်ယာဉ်နည်းပညာကုမ္ပဏီ Pony.ai က ကွမ်ကျိုးနဲ့ ရှင်ကျန်မြို့တိုမှာ ယင်းတိုရဲ့ သတ္တမမြောက်မျိုးဆက် စက်ရုပ်တက္ကစီတွေ တရားဝင်ပြေးဆွဲနေပြီဖြစ်ကြောင်း ဗုဒ္ဓဟူးနေ့က ကြေညာသွားပါတယ်။

#Asia_Development

Published 12 November 2025

#ကွမ်ကျိုး #ရှင်ကျန်မြို့

#YMG #Yangon_Times #Yangon_Media_Group

ဟောင်ကောင်၊ နိုဝင်ဘာ ၁၂ (ရိုက်တာ) - တရုတ်အာဏာပိုင်များက မူလတန်းနှင့် အလယ်   တန်းကျောင်းသားများ၏ ပညာရေးဆိုင်ရာ ဖိအားများ လျှော့ချခြင်း၊ စခရင်ကြည့်ချိန် (screen time) လျှော့ချခြင်း နှင့် နေ့စဉ် ကိုယ်လက်လှုပ်ရှားမှု နှစ်နာရီ မဖြစ်မနေ လုပ်ဆောင်စေခြင်းတို့ဖြင့် ကျောင်းသား  သူငယ်တို့၏ စိတ်ပိုင်းဆိုင်ရာ ကျန်းမာရေး တိုးတက်စေရန် ရည်ရွယ်သည့် အစီအမံများကို ကြေညာခဲ့  သည်။

ပညာရေးဝန်ကြီးဌာနက ပြီးခဲ့သည့်လတွင် ကြေညာခဲ့သည့် အဆိုပါ အစီအမံများတွင် စာသင်ခန်းအတွင်း မိုဘိုင်းလ်ဖုန်းများ အသုံးပြုခြင်းကို တားမြစ်ခြင်းနှင့် အင်တာနက်အပေါ် အလွန်အကျွံ မှီခိုမှုကို လျှော့ချရန် "စခရင်မကြည့်ရ" (screen-free) အချိန်ကာလတစ်ခု ထားရှိခြင်းတို့ ပါဝင်သည်။

ကျောင်းများအနေဖြင့် အိမ်စာပမာဏ စုစုပေါင်းကို "တင်းကြပ်စွာ ထိန်းချုပ်" ရမည်ဖြစ်ပြီး မူလတန်းနှင့် အလယ်တန်း ကျောင်းသားများအတွက် ကျောင်းဖွင့်ရက်တိုင်းတွင် ကိုယ်လက်လှုပ်ရှားမှု "အနည်းဆုံး" နှစ်နာရီ ပေးရမည်ဖြစ်သည်။

ကျောင်းများအား ကျောင်းလာချိန်နှင့် ကျောင်းဆင်းချိန်များကို "ကျိုးကြောင်းဆီလျော်သော" ပုံစံဖြင့် စီစဉ်ခြင်း၊ လုံလောက်သော နေ့လည်စာစားချိန်များ ခွင့်ပြုခြင်းတို့ဖြင့် "ကျောင်းသားများ လုံလောက်စွာ အိပ်စက်အနားယူခွင့် အသေအချာရရှိစေရန် " ကိုလည်း တိုက်တွန်းထားသည်။

"အိပ်စက်ချိန် စီမံခန့်ခွဲမှုဆိုင်ရာ စည်းမျဉ်းများကို တင်းကြပ်စွာ အကောင်အထည်ဖော်ရန်၊ အလွန်အကျွံ စာကျက်ခြင်းကဲ့သို့သော ချိုးဖောက်မှုများကို ပြတ်ပြတ်သားသား တားဆီးရန် နှင့် အလွန်အကျွံ ပညာရေးဆိုင်ရာ ဝန်ထုပ်ဝန်ပိုးများကို ကာကွယ်ရန်" ဟု ဝန်ကြီးဌာနက အဆိုပါ အစီအမံများကို ကြေညာ  သည့် ထုတ်ပြန်ချက်တွင် ဖော်ပြထားသည်။

အဆိုပါ အစီအမံများသည် အထူးသဖြင့် စာမေးပွဲများရှိလာသည့်ကာလတွင် ကျောင်းသားများ စိတ်ဖိစီး  မှုနှင့် စိုးရိမ်ပူပန်မှုများကို ရင်ဆိုင်ဖြေရှင်းနိုင်ရန် ကူညီပေးရန် ရည်ရွယ်သည်။

တရုတ်နိုင်ငံတစ်ဝှမ်းရှိ ကျောင်းများတွင် အိမ်စာ ဝန်းပိခြင်းကို အများအားဖြင့် တွေ့ကြုံနေရပြီး၊ ယင်းသည် အိပ်ရေးပျက်ခြင်း၊ စိုးရိမ်ပူပန်မှုနှင့် စိတ်ကျရောဂါများ တိုးပွားလာစေသည်ဟု ကျွမ်းကျင်   သူများက ပြောကြားသည်။

အောက်တိုဘာလတွင် သီးခြား ထုတ်ပြန်ခဲ့သော အသိပေးချက်တစ်ခုတွင်လည်း ပညာရေးဝန်ကြီးဌာနက ဆရာ၊ ဆရာမများ၏ ကျောင်းပြင်ပတာဝန်များကို ကန့်သတ်ခြင်း၊ အားလပ်ရက်များနှင့် စနေ၊ တနင်္ဂနွေများတွင် အလုပ်လုပ်ခြင်းမှ တားမြစ်ခြင်းတို့ဖြင့်ယင်းတို့၏ အလုပ်ဝန်ထုပ်ဝန်ပိုးများကို လျှော့ချ    ပေးနေသည်ဟု ဆိုသည်။

တရုတ်နိုင်ငံသည် ၂၀၂၁ ခုနှစ်တွင် အိမ်စာများ လျှော့ချရန်နှင့် အဓိက ဘာသာရပ်များအတွက် ကျောင်းချိန်ပြင်ပ ကျူရှင်များကို တားမြစ်ရန် ကြိုးပမ်းသည့် ပညာရေး ဥပဒေတစ်ရပ်ကို အတည်ပြုခဲ့  သည်။ သို့သော်လည်း မိဘအများအပြားသည် တရုတ်နိုင်ငံ၏ ပြင်းထန်စွာယှဉ်ပြိုင်မှုရှိသော ပညာရေး   စနစ်တွင် သူတို့၏ ကလေးများ အသာစီးရစေရန်အတွက် ကျူရှင် ဝန်ဆောင်မှုများကို ဆက်လက် ရှာဖွေ  နေကြဆဲ ဖြစ်သည်။

မန္တလေးတိုင်းဒေသကြီး၊ ညောင်ဦးမြို့နယ်၊ ပုဂံမြိုဟောင်းရှိ ပုဂံရှေးဟောင်းသုတေသနပြတိုက်သို့ ရှစ်လတာအတွင်းပြည်တွင်းပြည်ပခရီးသွားဧည့်သည် ၂၇,၀၀၀ ကျော် လာရောက်ခဲ့တယ်လို့ ရှေးဟောင်းသုတေသနနှင့်အမျိုးသားပြတိုက်ဦးစီးဌာနက(ပုဂံဌာနခွဲ)မှ သိရပါတယ်။

#Local_News
Published 12 November 2025
#မန္တလေးတိုင်းဒေသကြီး #ပုဂံရှေးဟောင်းသုတေသနပြတိုက်
#YMG/NN #Yangon_Times

သီးနှံတွေမှာ ပိုးသတ်ဆေးဓာတ်ကြွင်းများပါဝင်နေခြင်းကဈေးကွက်ဆုံးရှုံးမှုကိုဖြစ်ပေါ်စေနိုင်တယ်လို့ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ဒုတိယဝန်ကြီးဒေါက်တာတင်ထွဋ်ကပြောပါတယ်။

#Local_News
Published 12 November 2025
#သီးနှံ #ပိုးသတ်ဆေးဓာတ်ကြွင်း
#YMG/NN #Yangon_Times

၂၀၂၅ ခုနှစ် ပါတီစုံဒီမိုကရေစီ အထွေထွေရွေးကောက်ပွဲ အောင်မြင်စွာ ကျင်းပနိုင်ရေးအတွက် အသိပညာပေးနှိုးဆော်မှု ရိုက်ကူးရေးတွေ ဆောင်ရွက်ရာမှာ အကယ်ဒမီရုပ်ရှင်သရုပ်ဆောင်များစွာပါဝင် ရိုက်ကူးခဲ့တယ်လို့ သိရပါတယ်။

#Local_News
Published 12 November 2025
#ရွေးကောက်ပွဲ
#YMG/SW #Yangon_Times