#World_News
Published 20 November 2025

■ ၂၀၁၈ က ဝါရှင်တန်ပို့စ်ဆောင်းပါးရှင်တစ်ဦး အသတ်ခံရတဲ့ကိစ္စနဲ့ ပတ်သက်ပြီး ဆော်ဒီအာရေဗျ အိမ်ရှေ့စံမင်းသားအကြောင်း မေးမြန်းခဲ့တဲ့ ABC News သတင်းထောက်ကို အမေရိကန်သမ္မတ ဒေါ်နယ်ထရမ့် ဝေဖန်ပြီးနောက်တစ်နေ့မှာ အိမ်ဖြူတော်က ABC News ကို အရှိန်မြှင့်တိုက်ခိုက်လိုက်ပါတယ်။

■ ဖက်ဒရယ်လူမှုဆက်သွယ်ရေးကော်မရှင်(FCC)က နိုင်ငံတော်ကွန်ရက်များနဲ့ ပြည်တွင်းရုပ်သံလွှင့်ဌာနများကြား သဘောတူညီမှု ပြန်လည်သုံးသပ်ရေး လမ်းဖွင့်ပေးထားရာမှာ အခုလို ဝေဖန်မှုတွေ ထွက်လာတာ ဖြစ်ပါတယ်။

■ ဒစ္စနေပိုင်ဆိုင်တဲ့ ABC ရုပ်သံဌာနတွေရဲ့ ထုတ်လွှင့်ပြသခွင့်လိုင်စင်တွေကို ကော်မရှင်အနေနဲ့ ပြန်လည်ရုပ်သိမ်းသင့်တယ်လို့ ထရမ့်က အကြံပြုလိုက်ပါတယ်။

■ လွတ်လပ်တဲ့ ဖက်ဒရယ်အေဂျင်စီဖြစ်တဲ့ FCC က ၈ နှစ်သက်တမ်းရှိတဲ့ လိုင်စင်တွေကို ရုပ်သံလွှင့်ဌာနတစ်ခုစီထံ ထုတ်ပေးထားတာ ဖြစ်ပါတယ်။

■ FCC ဥက္ကဌ ဘရန်ဒန်ကားက ပြန်လည်သုံးသပ်ဖို့ ကြေညာထားပြီး ရုပ်သံလွှင့်ဌာနတွေအနေနဲ့ ဒဏ်ကြေးရင်မဆိုင်ရဘဲ အများပြည်သူအကျိုးအတွက် ထုတ်လွှင့်ပြသခွင့်ရှိမရှိကို ဦးတည်သွားမှာ ဖြစ်ပါတယ်။

■ ဘရန်ဒန်ကားက Jimmy Kimmel Live ထုတ်လွှင့်ပြသတာနဲ့ ပတ်သက်ပြီး ပြည်တွင်းရုပ်သံဌာနတွေ ဝေဖန်ပြီးနောက် နှစ်ဖက်ပါတီမှ ဝေဖန်မှုတွေနဲ့လည်း ရင်ဆိုင်နေရပါတယ်။

■ ပြည်တွင်းရုပ်သံတွေ အလုပ်မလုပ်နိုင်အောင် လုပ်ငန်းပြိုင်ဆိုင်မှုမရှိဘဲ လက်ဝါးကြီးအုပ်ထုတ်လွှင့်ခြင်းထဲမှာ သတင်းကွန်ရက်ကြီးတွေ ပါဝင်မှုရှိမရှိကို FCC က စုံစမ်းစစ်ဆေးသွားမှာဖြစ်ပါတယ်။

■ ABC News ကတော့ သူတို့ဟာ ထရမ့်အပေါ် တိုက်ခိုက်ခြင်းနဲ့ ဘက်လိုက်ဖော်ပြမှုတွေအကြောင်း စွပ်စွဲချက်တွေကို ငြင်းဆန်ထားပါတယ်။

■ FCC က အခြားမီဒီယာကုမ္ပဏီတွေကို စုံစမ်းစစ်ဆေးထားကာ သတင်းဌာနတွေ ပူးပေါင်းသွားခြင်းကို အတည်ပြုပေးထားခဲ့ပါတယ်။

Source: Reuters

#World_Science
Published 20 November 2025

■ အမေရိကန် ကမ်းစပ်နေရာတွေမှာ ဘာမှန်းမသိရတဲ့အရာများ အတွေ့များလာပြီး သိပ္ပံပညာရှင်တွေနဲ့ စစ်ရေးစောင့်ကြည့်သူများ အာရုံစိုက်လာပါတယ်။

■ ပင်လယ်အောက်ထဲ ငုပ်နေနိုင်တဲ့ UFO စောင့်ကြည့်အက်ပ်ထဲကနေ အမျိုးအမည်မသိ နစ်မြုပ်နေသော အရာဝတ္ထုများ(USO)တွေ ထောင်ပေါင်းများစွာ တွေ့ရတယ်လို့ ဖော်ပြလာပါတယ်။

■ Enigma လို့ခေါ်တဲ့အက်ပ်ဖြင့် ၂၀၂၂ စတင်ထုတ်လုပ်ပြီးတည်းက လေပေါ်နဲ့ ရေအောက် အမျိုးအမည်မသိဖြစ်စဉ် ၃ သောင်းကျော်ရဲ့ အချက်အလက်တွေ ရရှိခဲ့ပါတယ်။

■ ဩဂုတ်လထဲမှာ အမေရိကန် ကမ်းစပ်များရဲ့ ၁၀ မိုင်အတွင်း တွေ့ရှိမှု ၉ ထောင်နဲ့ ၅ မိုင်အတွင်း ၅၀၀ ခန့် တွေ့ရှိခဲ့ပါတယ်။

■ ဒီထဲက ၁၅၀ ခန့်ဆိုရင် ရေပေါ်မှာ မျောနေတာတွေ ရှိပါတယ်။

■ ကယ်လီဖိုးနီးယားနဲ့ ဖလော်ရီဒါတို့မှာ ၃၈၉ ကြိမ်နဲ့ ၃၀၆ ကြိမ်တို့ဖြင့် အများဆုံးဖြစ်နေပြီး သမုဒ္ဒရာမျက်နှာပြင်အောက်မှာ အစိမ်းရောင်အလင်း ရွေ့လျားနေတဲ့ ဗီဒီယိုပင် ပါဝင်ပါတယ်။

■ UFO တွေ့ရှိချက်အများအပြားက အမြင်များ အထင်မှားတယ်လို့ သတ်မှတ်နိုင်ပေမယ့် သမုဒ္ဒရာဆက်စပ်ပြီး အတွေ့များလာခြင်းက အာရုံစိုက်စရာဖြစ်လာတယ်လို့ အမေရိကန်ရေတပ် ဗိုလ်ချုပ်ကြီး တင်ဂယ်လောဒက်က ပြောပါတယ်။

■ ဒီတွေ့ရှိမှုတွေနဲ့ ပတ်သက်ပြီး အစိုးရမှ သတိပေးချက် မထုတ်ပြန်တာဟာ သိရှိထားသမျှကို အကုန်ထုတ်ဖော်ခြင်းမရှိတဲ့သဘော ဖြစ်နေတယ်လို့ ဖော်ပြဖူးပါတယ်။

■ လေထဲနဲ့ ပင်လယ်ထဲမှာ ရွေ့ချင်သလိုရွေ့နေပြီး တိုက်မိခြင်း၊ လွင့်စင်ခြင်းပင် မရှိတဲ့ အရာဝတ္ထုတွေက ကမ္ဘာကြီးအပေါ် ပြောင်းလဲမှုများ ဖြစ်လာနိုင်တယ်လို့ သတိပေးခဲ့ပါတယ်။

Source: WION.

#Local_News
Published 20 Nov 2025

■ ငွေကျပ် ၇ ဘီလီယံကျော်တန်ဖိုးရှိ စိတ်ကြွဆေးပြား ၅ သန်းကို ဝေါမြို့နယ်တွင် ဖမ်းမိခဲ့ကြောင်း မြန်မာနိုင်ငံရဲတပ်ဖွဲ့က သိရသည်။

■ မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့က ဝေါမြို့နယ်၊ ညောင်ခါးရှည်ကျေးရွာအနီး၌ သတင်းအရစောင့်ဆိုင်းစဉ် နိုဝင်ဘာလ ၈ ရက် ည ၁၁ နာရီခန့်တွင် မှိုင်းဆွေ မောင်းနှင်လာသော ISUZU ၆ ဘီးမော်တော်ယာဉ်အား စစ်ဆေးရှာဖွေရာ ယာဉ်ပေါ်မှ ခန့်မှန်းတန်ဖိုးငွေကျပ် ၇ ဒသမ ၅ ဘီလီယံတန်ဖိုးရှိ စိတ်ကြွဆေးပြား ၅ သန်းကို ဖမ်းဆီးရမိခဲ့ကြောင်း သိရသည်။

■ ဆက်စပ်သတင်းများအရ အဆိုပါဖမ်းဆီးရမိစိတ်ကြွဆေးပြားများကို မန္တလေးမှ ဘားအံသို့ သယ်ဆောင်ခိုင်းသူမှာ မန္တလေးမြို့နေ မြတ်မင်းဦး(ဖမ်းဆီးရန်ကျန်)နှင့် ဖမ်းဆီးရမိမော်တော်ယာဉ် အား မန္တလေးမြို့၊ စွယ်တော်ကားဝင်းအနီးသို့ လာရောက်ပို့ဆောင်သူမှာ ပြင်ဦးလွင်မြို့နေ အောင်မျိုးဝင်း (ဖမ်းဆီးရန်ကျန်)တို့ဖြစ်ကြောင်းသိရှိရပြီး မန္တလေးမှ ဘားအံသို့ သယ်ဆောင် ရောင်းဝယ်ခြင်းဖြစ်ကြောင်း သိရှိရသဖြင့် ၎င်းတို့အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက် ဖော်ထုတ်လျက်ရှိကြောင်း သိရသည်။

Yangon_Times/PP

#World_Health
Published 20 November 2025

■ မီးဖိုချောင်နေရာနဲ့ ပစ္စည်းတွေပေါ်မှာ ဘက်တီးရီးယားတွေ၊ ဗိုင်းရပ်စ်တွေ၊ မှိုတွေ အလွယ်တကူ ပေါက်ဖွားနိုင်ပါတယ်။

■ မတော်တဆ ရောဂါပိုးကူးစက်မိတဲ့အခါ ကျန်းမာရေးပြဿနာအမျိုးမျိုး ဖြစ်လာနိုင်ပါတယ်။

■ မီးဖိုချောင်မသန့်ရှင်းခြင်းကြောင့် ဖြစ်နိုင်တဲ့ ကျန်းမာရေးပြဿနာအချို့ကို ဖော်ပြလိုက်ပါတယ်။

■ (၁) ဆီးလမ်းကြောင်းပိုးဝင်ခြင်း - အဖြစ်အများဆုံး ပိုးမွှားကူးစက်ခြင်းဖြစ်ပြီး ရောဂါပိုးပါတဲ့ အသားတွေ၊ သန့်ရှင်းစွာ မကိုင်တွယ်ခြင်းတို့ကနေ ဖြစ်ပွားနိုင်ကာ ဆီးပြွန်၊ ဆီးအိမ်၊ ကျောက်ကပ်တို့ပါ ကူးစက်နိုင်ပါတယ်။

■ (၂) အစာအဆိပ်သင့်ခြင်း - မကျက်တဲ့အသားငါးတို့ကနေ ဆယ်လ်မွန်နဲလား၊ နို့နဲ့ ဟင်းရွက်စိမ်းတို့မှာ တွေ့ရတတ်တဲ့ အီးကိုလိုင်၊ သေချာစွာ မသိုလှောင်ထားတဲ့ အသားငါးတို့မှ လစ္စတီးရီးယားတို့ဟာ အစာအဆိပ်သင့်စေပြီး ပြင်းထန်ပါက ဆေးဘက်ဆိုင်ရာအကူအညီ လိုအပ်နိုင်ပါတယ်။

■ (၃) အရေပြားပိုးဝင်ခြင်း - မီးဖိုချောင်မသန့်ရှင်းတဲ့အခါ ပွန်းပဲ့ထိခိုက်ဒဏ်ရာတွေထဲကို ဘက်တီးရီးယားတွေ၊ ကပ်ပါးကောင်တွေ၊ မှိုတွေ ကူးစက်နိုင်ပါတယ်။

■ (၄) အစာအိမ်အူလမ်းကြောင်းပြဿနာများ - မီးဖိုချောင်မသန့်တဲ့အခါ တိုက်ရိုက်အထိခိုက်ဆုံးက အစာအိမ်အူလမ်းကြောင်းပြဿနာဖြစ်ပြီး ဝမ်းလျှောခြင်း၊ အော့အန်ခြင်း၊ ဗိုက်အောင့်ခြင်းတို့ ဖြစ်လေ့ရှိပါတယ်။

■ (၅) အသည်းရောင်အသားဝါအေ - ရောဂါပိုးကူးစက်ထားတဲ့ အစားအစာကြောင့် ဒီရောဂါဖြစ်ကာ အသည်းလုပ်ဆောင်ချက်ကို သက်ရောက်စေပြီး များသောအားဖြင့် မသန့်ရှင်းတဲ့ လမ်းဘေးစာတွေကနေ ကူးစက်နိုင်ပါတယ်။

■ (၆) ဒဏ်ရာအနာတရများ - မီးဖိုချောင်မသန့်ရှင်းရင် ထိခိုက်ဒဏ်ရာများ ရနိုင်ခြေပိုများပြီး ဒဏ်ရာတွေကို သေချာမကာကွယ်ပါက ပိုးမွှားများ အလွယ်တကူ ဝင်ရောက်နိုင်ပါတယ်။

Source: NDTV

တရုတ်နိုင်ငံက 6G နည်းပညာစမ်းသပ်မှုပထမအဆင့်ပြီးစီးခဲ့ပြီး အဓိကနည်းပညာပေါင်း ၃၀၀ ကျော် ဖွံဖြိုးတိုးတက်လာစေကြောင်း စက်မှုနဲ့ သတင်းအချက်အလက်နည်းပညာဝန်ကြီးဌာန(MIIT)က ကြာသပတေးနေ့မှာ ပြောခဲ့ပါတယ်။

#Asia_Technology
Published 19 November 2025
#မိုဘိုင်း #6G
#YMG #Yangon_Times #Yangon_Media_Group

ပြည်တွင်းမှာ လက်ရှိခရစ်တိုငွေကြေးအပါအဝင် ဒစ်ဂျစ်တယ်ငွေကြေးတွေကို တရားဝင်ငွေကြေးအဖြစ် သတ်မှတ်ထားခြင်းမရှိသလို ရောင်းဝယ်လဲလှယ်ခြင်းတွေအတွက် ငွေရေးကြေးရေးအဖွဲ့အစည်းတွေကို ခွင့်ပြုထားခြင်းမရှိဘူးလို့ မြန်မာနိုင်ငံတော်ဗဟိုဘဏ်က ထုတိပြန်လိုက်ပါတယ်။

#Local_News
Published 19 November 2025
#ခရစ်တိုငွေကြေး #ဒစ်ဂျစ်တယ်ငွေကြေး
#YMG/SW #Yangon_Times

၂၀၂၅ ခုနှစ် အကြိမ်(၆၀)မြောက် မြန်မာ့ကျောက်မျက်ရတနာပြပွဲကိုယမာန်နေ့က ဒုတိယနေ့အဖြစ် ဆက်လက်ကျင်းပခဲ့ရာ ပုလဲအတွဲပေါင်း ၂၂၄ တွဲ ကိုရောင်းချခဲ့တယ်လို့သိရပါတယ် ။

#Local_News
Published 19 November 2025
#မြန်မာ့ကျောက်မျက်ရတနာ #ပုလဲ
#YMG/NN #Yangon_Times

ရွှေဆိုင်အသစ်နှစ်ဆိုင်ခန့် လစဉ်တိုးလာနေပြီး ဖွင့်လှစ်ပြီးရွှေဆိုင်တွေမှာလည်းဝန်ထမ်းတိုးတာတွေရှိနေတယ်လို့ ရန်ကုန်တိုင်းဒေသကြီး ရွှေလုပ်ငန်းရှင်များအသင်း YGEA ဥက္ကဌဦးမျိုးမြင့်က ပြောပါတယ်။

#Local_News
Published 19 November 2025
#ရွှေဆိုင် #YGEA
#YMG/NN #Yangon_Times

#Local_News
Published 19 November 2025

▪️ စားသုံးဆီတင်သွင်းသည့် ကုမ္ပဏီများအား အမေရိကန်ဒေါ်လာ (၁) သန်းကျော် ဗဟိုဘဏ်ထုတ်ရောင်းပေးကြောင်း သိရသည်။

▪️ ထိုသို့ရောင်းချရာတွင် CMP ကုမ္ပဏီများထံမှ ဝယ်ယူထားသည့် နိုင်ငံခြားငွေများမှ အမေရိကန်ဒေါ်လာ ၁.၄၂၅ သန်းကို မြန်မာနိုင်ငံတော်ဗဟိုဘဏ်က နိုဝင်ဘာလ ၁၈ ရက်နေ့တွင် ထုတ်ရောင်းပေးခဲ့ခြင်းဖြစ်သည်။

▪️ မြန်မာနိုင်ငံတော်ဗဟိုဘဏ်သည် နိုင်ငံခြားငွေကြေးများကို ဆက်တိုက်ထုတ်ရောင်းပေးလျှက်ရှိရာ CMP ကုမ္ပဏီများထံမှ ဝယ်ယူထားသည့် နိုင်ငံခြားငွေများမှ တရုတ်ယွမ် ၃ သိန်းကို လည်း နိုဝင်ဘာလ ၁၇ ရက်နေ့တွင် စားသုံးဆီတင်သွင်းတဲ့ ကုမ္ပဏီတွေထံထုတ်ရောင်းပေးခဲ့ကြောင်းသိရသည်။

#YMG/NN #Yangon_Times

ငလျင်ဒဏ်သင့် အဆောက်အဦများပြုပြင်ခြင်း စီမံကိန်းအတွက် ချေးငွေစုစုပေါင်း (၈၉၀၈)သန်းကျော် ထုတ်ချေးပေးထားတယ်လို့ မြန်မာနိုင်ငံဆောက်လုပ်ရေးဆိုင်ရာ လုပ်ငန်းရှင်များအသင်းချုပ်မှ သိရပါတယ်။

#Local_News
Published 19 November 2025
#ငလျင် #ချေးငွေ
#YMG/SW #Yangon_Times

#Daily_News
Published 19 November 2025

၁။‌ ‎‎ငလျင်ဒဏ်သင့် အဆောက်အဦများပြုပြင်ခြင်း စီမံကိန်းအတွက် ချေးငွေ (၈၉၀၈)သန်းကျော်ထုတ်ချေး
‎
‌‎၂။ ‌‌‌‌‌‌‌‌‌‌‌ရွှေဆိုင်အသစ်နှစ်ဆိုင်ခန့် လစဉ်တိုးလာနေ YGEA ဥက္ကဌပြော

‎‎၃။‌‌‎ ‌‌‌‌‌‌‌‌‌‎‎မြန်မာ့ကျောက်မျက်ရတနာပြပွဲ ဒုတိယနေ့၌ ပုလဲအတွဲပေါင်း ၂၂၄ တွဲ ရောင်းချရ
‎
‎၄။‎ ‌‌‌‌‌‌‌‌‌‎6Gမိုဘိုင်းနည်းပညာစမ်းသပ်မှုပထမအဆင့် တရုတ်ပြီးစီး
... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 19 November 2025

▪️ ယနေ့ညနေပိုင်းတွင် ကရင်၊မွန်နှင့်စစ်ကိုင်းတိုင်း မှအပကျန်ဒေသအနှံ့ မိုးသွန်း ရွာပြီးပဲခူးနှင့်တနသ်ာရီ ရှိမိုးတိမ်တောင်ဖြစ်ထွန်းရာနေရာများ၌ မိုးသက်လေပြင်းကျရောက်နိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာန၏ ယနေ့မနက် ၇ နာရီအချိန် ထုတ်ပြန်ချက်အရ သိရသည်။

▪️ ဘင်္ဂလားပင်လယ်အော်မြောက်ပိုင်းတွင် တိမ်အနည်းငယ် ဖြစ်ထွန်းနေပြီး၊ ကပ္ပလီပင်လယ်ပြင်နှင့် ကျန်ဘင်္ဂလားပင်လယ်အော်တို့တွင် တိမ်အသင့်အတင့်မှ တိမ်ထူထပ်နေပါသည်။

▪️ ယနေ့ညနေအထိခန့်မှန်းချက်မှာ နေပြည်တော်နှင့် ရှမ်းပြည်နယ်(တောင်ပိုင်းနှင့် အရှေ့ပိုင်း)တို့တွင် နေရာအနှံ့အပြား၊ တနင်္သာရီတိုင်းဒေသကြီးနှင့် ရှမ်းပြည်နယ်(မြောက်ပိုင်း)တို့တွင် နေရာစိပ်စိပ်၊ မန္တလေးတိုင်းဒေသကြီး၊ ပဲခူးတိုင်းဒေသကြီးနှင့် ကယားပြည်နယ်တို့တွင် နေရာကျဲကျဲနှင့် ရန်ကုန်တိုင်းဒေသကြီး၊ မကွေးတိုင်းဒေသကြီး၊ ဧရာဝတီတိုင်းဒေသကြီး၊ ကချင်ပြည်နယ်၊ ချင်းပြည်နယ်နှင့် ရခိုင်ပြည်နယ်တို့တွင် နေရာကွက်ကျား မိုးထစ်ချုန်းရွာမည် ဖြစ် ကြောင်း ၊ကျန်တိုင်းဒေသကြီးနှင့် ပြည်နယ်တို့တွင် တိမ်အသင့်အတင့် ဖြစ်ထွန်းမည်ဖြစ်ကြောင်းသိရသည်။

▪️ ထို့အပြင် ဧရာဝတီတိုင်းဒေသကြီးနှင့် တနင်္သာရီတိုင်းဒေသကြီးတို့တွင် မိုးတိမ်တောင်များ ဖြစ်ထွန်းမှု အားကောင်းလျက်ရှိပြီး အဆိုပါ မိုးတိမ်တောင်များရွေ့လျားရာ နေရာတစ်လျှောက်တွင် မိုးရွာသွန်းခြင်းနှင့်အတူ လေပြင်း တိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ် နိုင်ပါသဖြင့် ကြိုတင်သတိပြုနိုင်ပါရန် အကြံပြုထားသည်။

▪️ နောက် ၂ ရက်အတွက်ခန့်မှန်းချက်မှာ နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယား ပြည်နယ်နှင့် ရှမ်းပြည်နယ်တို့တွင် နေရာကွက်ကျားမှ နေရာကျဲကျဲ မိုးထစ်ချုန်းရွာနိုင်ကြောင်း၊ယနေ့ညနေအထိခန့်မှန်းချက်မှာရန်ကုန်၊မန္တလေး၊နေပြည်တော်နှင့်အနီးတစ်ဝိုက်အတွင် နေရာကွက်ကျား မိုးထစ်ချုန်းရွာနိုင်ကြောင်းသိရသည်။

#YMG/NN #Yangon_Times