#WorldHealth
Published 06 May 2022

စွမ်းအင်လောင်စာ ကုန်ကျစရိတ်များ မြင့်တက်လာခြင်းကြောင့် လူအများစုက အဝတ်အခြောက် ခံစက်တွေကို ချောင်ထိုးထားကြပြီး ပြင်ပလေကိုအားကိုးလာကြပါတယ်။

အပြင်မှာ အဝတ်တန်းများဖြင့်လှန်းဖို့ အခြေအနေမပေးလာခဲ့ရင်တော့ အိမ်ထဲမှာပဲ လှန်းရတော့မှာဖြစ်ပြီး ဒီလိုလှန်းရတာဟာ ကျန်းမာရေးအတွက် ဆိုးကျိုးများရှိနေပါတယ်။

လေထုတိုင်းတာကျွမ်းကျင်ပညာရှင်များက အိမ်ထဲမှာအဝတ်လှန်းခြင်းအန္တရာယ်အကြောင်းသတိပေးလိုက်ပြီး အဝတ်စိုတွေရဲ့စိုထိုင်းမှုက အိမ်ထဲမှာမှိုစွဲကပ်စေကာ ကျန်းမာရေး ထိခိုက်နိုင်တဲ့အပြင် နံရံတွေ မျက်နှာကျက်တွေ ပြတင်းပေါက်ဘောင်အောက်ခံတွေမှာ ပျက်စီးမှုတွေရှိလာကြောင်း ဆိုပါတယ်။

အဆောက်အဦများအတွင်း စိုထိုင်းဆများလာပြီး လေဝင်လေထွက်မကောင်းတဲ့အခါ မှိုစွဲကပ်လေ့ရှိပါတယ်။

ဖားဥများအဖြစ် စတင်ဖြစ်ပေါ်လာကာ အိမ်တွင်းရောအိမ်ပြင်ရှိလေထဲမှာပါ သဘာဝအတိုင်းလွင့်မြောနေတတ်ပါတယ်။

ဖားဥတွေက လူလတ်ပိုင်းနဲ့လူကြီးပိုင်းတွေမှာ ပြဿနာမရှိပေမယ့် ကလေးငယ်တွေ အသက်ရှူရာမှာအန္တရာယ်ဖြစ်တတ်တဲ့အပြင် ကိုယ်ခံအားနည်းတဲ့သူတွေ အသက်ရှူလမ်းကြောင်းပြဿနာရှိတဲ့သူတွေမှာပါ အန္တရာယ်ဖြစ်ပွားတတ်ပါတယ်။

ဒီဖားဥတွေက မျက်နှာပြင်တွေပေါ်ကျရောက်ပြီး ကပ်သွားရင်တော့ မှိုဖြစ်ပေါ်လာပြီး ဓာတ်မတည့်ခြင်း၊ အအေးနာဖြစ်ခြင်း၊ ယားယံခြင်း၊ နှင်းခူရောဂါဖြစ်ပေါ်ခြင်းတို့တွေ့ရတတ်ပြီး ရင်ကြပ်ဝေဒနာကို ပိုမိုဆိုးရွားစေပါတယ်။

စွဲကပ်နေတဲ့မှိုတွေကို တိုက်ဖျက်ဖို့က အခန်းထဲကစိုထိုင်းမှုကို ဖယ်ရှားဖို့ပဲဖြစ်ပါတယ်။
အိမ်ထဲမှာ အဝတ်စိုတွေလှန်းထားလို မှိုမထွက်ပေါ်စေချင်ဘူးဆိုရင် လေထဲကပိုနေတဲ့စိုထိုင်းဆတွေအပြင်ထွက်သွားအောင် ပြတင်းပေါက်တံခါးတွေ ဖွင့်ထားဖိုဖြစ်ပြီး ဒါမှမဟုတ်ရင် လေထုစိုထိုင်းမှုစုပ်ထုတ်စက်မျိုး အသုံးပြုသင့်ပါတယ်။

လူနေအိမ်တွေမှာသုံးတဲ့ ပျမ်းမျှအရွယ်အစားလောက်ရှိတဲ့ လေထုစိုထိုင်းမှုစုပ်ထုတ်စက်ဆိုရင် အခန်းတွင်းလေထဲရှိ စိုထိုင်းမှုကိုထိရောက်စွာဖယ်ရှားပေးပြီး တစ်နေ့ကို ရေ ၇ လီတာလောက်စုပ်ယူနိုင်ပါတယ်။

လေဝင်လေထွက်ကောင်းအောင် ပြတင်းပေါက်တွေဖွင့်ပြီး ဘောင်တွေပေါ်မှာ ဆားကြမ်းဖြူးထားခြင်းဖြင့် လေထဲကစိုထိုင်းဆတွေကိုစုပ်ယူသွားမှာဖြစ်ပါတယ်။

Source: Mirror
#Yangon_Media_Group

#WorldHealth
Published 06 May 2022

ကိုရိုနာ ဗိုင်းရပ်စ်ကူးစက်ခြင်းဖြင့် ကလေးများမှာ ရင်ကြပ်ရောဂါဝေဒနာ ပိုမိုဆိုးရွားစေနိုင်တယ်လို့ ဆရာဝန်များက သတိပေးလိုက်ပါတယ်။

ကိုဗစ်ကပ်ရောဂါဖြစ်ပွားရာ ပထမဆုံးနှစ်အတွင်း အမေရိကန်မှ ရင်ကြပ်ရောဂါရှိတဲ့ ကလေး ၆၂,၀၀၀ နီးပါးကို PCR test စမ်းသပ်မှုများ ပြုလုပ်ခဲ့ရာ ကိုဗစ်ရောဂါပိုးတွေ့ရှိသူ ၇,၇၀၀ ရှိခဲ့ပါတယ်။

ရောဂါပိုးမရှိတဲ့သူတွေထက်စာရင် ကိုဗစ်ရောဂါကူးစက်ခံရတဲ့ကလေးတွေဟာ ရောဂါကူးစက်ခံရပြီး ၆ လအတွင်း ရင်ကြပ်ဝေဒနာပေါ်ပေါက်မှု၊ ဆေးရုံတက်ကုသခံယူရမှု၊ အရေးပေါ်အသက်ရှူကိရိယာအသုံးပြုရမှု၊ စတီးရွိက်ကုသပေးမှုများ သိသိသာသာပိုမိုကြုံတွေ့ခဲ့ရကြောင်း သုတေသီများက Allergy and Clinical Immunology: In Practice ဂျာနယ်မှာ ဖော်ပြခဲ့ပါတယ်။

ကိုဗစ်ရောဂါပိုးမရှိတဲ့သူတွေကတော့ ၆ လအတွင်း ရင်ကြပ်ဝေဒနာသက်သာလာခဲ့ကာ အရေးပေါ်ဌာနသွားရောက်ရခြင်း၊ ဆေးရုံတက်ကုသခံယူရခြင်း၊ ရင်ကြပ်ဝေဒနာကုသရမှုနည်းပါးခြင်းများရှိခဲ့တယ်လို့ ကယ်လီဖိုးနီးယား ကလေးကျန်းမာရေးဌာနမှ ဒေါက်တာ'ခရစ္စတင်းချောင်'က ပြောပြခဲ့ပါတယ်။

ကိုဗစ်ကာလအစောပိုင်းအတွင်း အိမ်ထဲနေထိုင်ခြင်း၊ နှာခေါင်းစည်းတပ်ဆင်ခြင်းတို့လို ကျန်းမာရေးနဲ့အညီပြုမူခြင်းတို့ကြောင့် ရင်ကြပ်ဝေဒနာဖြစ်ပေါ်စေခြင်းမျိုး နည်းပါးသွားပြီး ရင်ကြပ်ရောဂါ သက်သာလာခဲ့ကြောင်း အစောပိုင်းလေ့လာမှုတွေမှာ တွေ့ရှိခဲ့ပါတယ်။

ကပ်ရောဂါအစပိုင်းနှစ်မှာ ရင်ကြပ်ရောဂါရှိတဲ့ကလေးတွေ ဝေဒနာသက်သာမှုများရှိခဲ့ပေမယ့် လေ့လာတွေ့ရှိချက်အသစ်အရ ကိုဗစ်ရောဂါအခြေအနေက ရင်ကြပ်ဝေဒနာအပေါ်သက်ရောက်နေကြောင်း ပြောကြားသွားပါတယ်။

Source: Reuters.
#Yangon_Media_Group

#Local_News
Published_ 6 May 2022

ဗီယက်နမ်နိုင်ငံက အိမ်ရှင်အဖြစ် လက်ခံကျင်းပမည့် (၃၁) ကြိမ်မြောက် ဆီးဂိမ်းပြိုင်ပွဲ မြန်မာအမျိုးသားဘောလုံးအသင်း၏ အုပ်စုပထမပွဲစဉ်ကို မေ ၈ ရက်တွင် တီမောဘောလုံးအသင်းနှင့် ယှဉ်ပြိုင်ကစားသွားမည်ဖြစ်ကြောင်း သိရပါတယ်။

ဆီးဂိမ်း အမျိုးသားဘောလုံးပြိုင်ပွဲကို မေ ၆ ရက်မှ ၂၂ ရက်အထိ ကျင်းပမည်ဖြစ်ပြီး ဘရူနိုင်းနိုင်ငံမှလွဲ၍ ကျန်အရှေ့တောင်အာရှ ၁၀ နိုင်ငံက ငါးသင်း နှစ်အုပ်စုခွဲ၍ ပြုလုပ်သွားမှာဖြစ်ကြောင်း သိရပါတယ်။

အုပ်စုခွဲဝေထားမှုအရ အုပ်စု(က)တွင် လက်ရှိချန်ပီယံနှင့် အိမ်ရှင် ဗီယက်နမ်၊ အင်ဒိုနီးရှား၊ မြန်မာ၊ ဖိလစ်ပိုင်၊ တီမောတို့ ပါဝင်ပြီး အုပ်စု (ခ) တွင် ထိုင်း၊ မလေးရှား၊ ကမ္ဘောဒီးယား၊ စင်ကာပူနှင့် လာအိုအသင်းတို့ ပါဝင်ပါတယ်။

အုပ်စုပွဲစဉ်များကို မေ ၆ ရက်မှ ၁၆ ရက် အထိ ပြုလုပ်မှာဖြစ်ပြီး မေ ၆ ရက်တွင် ဖိလစ်ပိုင်အသင်းနှင့် တီမောအသင်း၊ ဗီယက်နမ်အသင်းနှင့် အင်ဒိုနီးရှားအသင်းတို့ ယှဉ်ပြိုင်ကစားကြမှာ ဖြစ်ကြောင်း သိရပါတယ်။

ymg-mnn
#Yangon_Media_Group

Published 5 May 2022

ဆိုးရွားလာနေတဲ့ ငွေကြေးဖောင်းပွမှုတွေကို လျော့ပါးသွားစေဖို့အတွက် အမေရိကန် ဗဟိုဘဏ်က အတိုးနှုန်းကို အခြေခံ ၅၀မှတ်တင်လိုက်ပေမယ့် ဒေသခံတွေ ကုန်ဈေးနှုန်းကြီးတဲ့ ဒဏ်ဆက်လက်ခံစားနေရဆဲမှာ ဒါဟာ လာမယ့်(၂)နှစ်အတွင်း ငွေကြေးဖောင်းပွမှုနှစ်ရာခိုင်နှုန်းရောက်ဖို့ ဖက်ဒရယ်က ဦးတည်ထားတာကို လုပ်ဆောင်နိုင်ပါ့မလားလို့ ဟားဗတ်ပါမောက္ခတစ်ဦးက သံသယဝင်နေပါတယ်။

အမေရိကန်ဖက်ဒရယ်အရန်ငွေကြေးက ယင်းရဲ့အတိုးနှုန်းတွေကို ဗုဒ္ဓဟူးနေ့က ရာခိုင်နှုန်းဝက်တိုးမြှင့်လိုက်ပါတယ်။ ဒါဟာ ၂၀၀၀ပြည်နှစ်ကတည်းက အမြင့်ဆုံးတိုးလိုက်ခြင်းဖြစ်ပါတယ်။ဆယ်စုနှစ်လေးစုအတွင်း ငွေကြေးဖောင်းပွမှုအမြင့်ဆုံးဖြစ်လာနေတာကို ထိန်းကျောင်းဖို့ဖြစ်ပါတယ်။

မတ်လမှာ အမေရိကန်ရဲ့ ငွေကြေးဖောင်းပွမှုဟာ ၈.၅ ရာခိုင်နှုန်းမြင့်တက်လာနေတယ်လို့ တရားဝင်ကိန်းဂဏန်းအချက် အလက်တွေအရသိရပါတယ်။ ဒါဟာ ၁၉၈၁ ဒီဇင်ဘာကတည်းကဆိုရင် အမြင့်ဆုံးရောက်နေတာပါ။ ပြီးခဲ့တဲ့ ခြောက်လ အတွင်း ငွေကြေးဖောင်းပွမှုက ခြောက်ရာခိုင်နှုန်းကျော်တက်ခဲ့တာပါ။ ဒါဟာ ဖက်ဒရယ်အရန်ငွေကြေးက မျှော်မှန်းထားတဲ့ နှစ်ရာခိုင်နှုန်းနှင့်အများကြီးကွာနေပါတယ်။

Source CMG

Published 5 May 2022

တိုင်းရင်းသားလက်နက်ကိုင် အဖွဲ့အစည်းခေါင်းဆောင်များနှင့် တွေ့ဆုံသည့်အခါ  ယင်းတို့လိုချင်တာတွေကို တတ်နိုင်သလောက်ညှိနှိုင်းဆောင်ရွက်သွားမှာဖြစ်တယ်လို့ နစက ဥက္ကဋ္ဌက ပြောကြားလိုက်ပါတယ်။

ဒီကနေ့မေလ(၅)ရက်နေ့က နေပြည်တော်မှာ ပြုလုပ်တဲ့ အစိုးရအဖွဲ့အစည်းအဝေးမှာ ဗိုလ်ချူပ်မှူးကြီး မင်းအောင်လှိုင်က နစကအစိုးရအဖွဲ့ဝင်တွေကို အမှာစကားပြောကြားရာမှာ အဆိုပါစကားကို ထည့်သွင်းပြောကြားခဲ့တာဖြစ်ပါတယ်။

တစ်ဖက်တည်းကနေပြီးတော့ တင်းနေလို့မရဘဲ တစ်ဖွဲ့နှင့်တစ်ဖွဲ့ ညှိနှိုင်းဖြေရှင်းရမှာဖြစ်တယ်လို့လည်း သူကပြောပါတယ်။

“ရိုးရိုးရှင်းရှင်းလေးပဲ ခင်ဗျားတို့ ကျွန်တော် ငြိမ်းချမ်းရေးဖိတ်ခေါ်တယ်။ ခေါင်းဆောင်တွေ ကိုယ်တိုင်၊ အဖွဲ့အစည်းများရဲ့ ခေါင်းဆောင်တွေ ကိုယ်တိုင် ကျွန်တော်တွေ့ပါမယ်၊ တစ်ဖွဲ့ချင်း ကျွန်တော် တွေ့မယ်၊ ခေါင်းဆောင်တွေကိုယ်တိုင် တစ်ဖွဲ့ချင်းတွေ့ပါမယ်။ အဲ့ဒီခေါင်းဆောင်တွေ လာတဲ့ အခါမှာလည်း တိုင်ပင်လို့ရအောင် အဖွဲ့ဝင်နှစ်ယောက်နဲ့ လာခဲ့ပါ။ ကျွန်တော်နဲ့ ပထမဦးဆုံး ကျွန်တော် စတွေ့မယ်၊ တွေ့ပြီးလို့ရှိရင် ကျွန်တော်က နိုင်ငံတော်စီမံခန့်ခွဲရေး ကောင်စီအဖွဲ့ဝင် ၃ ယောက်နဲ့ ဖွဲ့စည်းထားတဲ့ ငြိမ်းချမ်းရေးဆွေးနွေးရေး အဖွဲ့တွေနဲ့ တစ်ဖွဲ့ချင်း ဆွေးနွေးမယ်။ တစ်ဖွဲ့ချင်း ဆွေးနွေးပြီး အဲ့ဒီအပေါ်မှာ သူတို့ ရအောင် ကျွန်တော်တို့ ရှင်းလင်းပြောမှာပေါ့” လို့ နစကဥက္ကဋ္ဌက တွေ့ဆုံရာမှာ ဘယ်လိုဆောင်ရွက်မယ်ဆိုတာကိုပါ အစည်းအဝေးမှာ ထုတ်ဖော်ပြောကြားခဲ့ပါတယ်။

ထို့အပြင် ပြည်သူတစ်ရပ်လုံးလိုချင်တဲ့ဆန္ဒဟာ ဒီမိုကရေစီအုပ်ချုပ်ရေးနှင့် ဒီမိုကရေစီနိုင်ငံတော်ဖြစ်တဲ့အတွက် မဖြစ်ဖြစ်အောင်သွားရမယ်လို့လည်း သူက ကတိပေးပြောကြားခဲ့ပါတယ်။

“ကျွန်တော်တို့ အုပ်ချုပ်မှု ပုံစံသည် ဆင့်ကဲ ဆင့်ကဲ အုပ်ချုပ်မှု၊ ခွဲဝေပေးတဲ့ အုပ်ချုပ်မှုစနစ်ပုံစံ မျိုးနီးပါး ပဲ လုပ်တာကို ကျွန်တော်တို့ တွေ့ပါတယ်။ ဒါကြောင့် ကျွန်တော်တို့က မြန်မာနိုင်ငံနဲ့ သင့်တော်တဲ့ ဖက်ဒရယ် အုပ်ချုပ်မှုစနစ်ကို သွားတာ ပိုကောင်းလိမ့်မယ်ဆိုတာကို ဖော်ထုတ်လို့ ရတယ်။ ဒါကြောင့် ကျွန်တော်တို့က ဒါတွေကို တိုင်းရင်းသားလက်နက်ကိုင်အဖွဲ့အစည်းတွေ သေချာ နားလည်အောင် ရှင်းလင်းပြပြီးလို့ရှိရင် သူတို့ဘယ်လိုဖြစ်ချင်တာလဲ၊ ကျွန်တော်တို့က ဘယ်လို၊ တိုင်းပြည်အခြေအနေ ဒီလိုရှိတယ်၊ ရှင်းလင်းကြမယ်၊ တွေ့ကြမယ်။ သူတို့ ပြောတာ ကျွန်တော်နားထောင်ပါ့မယ် အကုန်လုံး၊ နားထောင်ပြီးရင်လည်း ဖြစ်သင့် ဖြစ်ထိုက်တာကို ဆန္ဒနဲ့ ဘဝနဲ့ ဒီလိုပြန်ပြီးတော့ ကြည့်ရမယ်” လို့လည်း သူက ဆက်လက်ပြောကြားခဲ့ပါတယ်။

တိုင်းရင်းသားလက်နက်ကိုင်အဖွဲ့အစည်းခေါင်းဆောင်တွေနှင့် တိုက်ရိုက်ဆွေးနွေးပြောဆိုဖို့ဖိတ်ခေါ်ကြောင်း နစက ဥက္ကဋ္ဌက ဧပြီ၂၂ရက်မှာ ရုပ်သံမိန့်ခွန်းတစ်ရပ်ပြောကြားပြီးကြေညာခဲ့တာဖြစ်ပါတယ်။

NCA လက်မှတ်ရေးထိုးထားတဲ့၁၀ဖွဲ့ထဲတွင်၉ဖွဲ့၊မထိုးရသေးသည့်အဖွဲ့၁၁ဖွဲ့ထဲက ၈ဖွဲ့နှင့် အဆက်အသွယ်ရရှိပြီး တက်ရောက်ဖို့များတယ်လို့ သတင်းထုတ်ပြန်ရေးအဖွဲ့ခေါင်းဆောင်ဗိုလ်ချုပ်ဇော်မင်းထွန်းကလည်း ဧပြီ(၂၇)ရက်က ပြုလုပ်တဲ့ သတင်းစာရှင်းလင်းပွဲမှာ ဖိတ်ခေါ်ထားမှုအခြေအနေကို ထုတ်ဖော်ပြောကြားခဲ့ပါတယ်။

#WorldEnvironment
Published 05 May 2022

ဆူဒန်နိုင်ငံမှာ ခရီးသည်တွေတင်ဆောင်တဲ့ တုတ်တုတ်သုံးဘီးယာဉ်များနဲ့ ကုန်ပစ္စည်းများတင်ဆောင်ဖို့နောက်တွဲပါဝင်တဲ့ သုံးဘီးမော်တော်ဆိုင်ကယ်တို့ဟာ ချောင်ချိသက်သာတဲ့အတွက် လူအများ စီးနင်းအသုံးပြုလေ့ရှိပါတယ်။

#Yangon_Media_Group

Published 5 May 2022
ဆက်လက်ဖြစ်ပွားနေတဲ့ ရုရှား-ယူကရိန်း အကြပ်အတည်းနှင့်အတူ ကမ္ဘာ့တစ်လွှားက နိုင်ငံအများအပြားဟာ ၂၀၂၂ခုနျစ်မှာ ပိုပြီးပြင်းထန်တဲ့ စားနပ်ရိက္ခာပြတ်လတ်မှုတွေနှင့် ရင်ဆိုင်ရဖွယ်ရှိနေပြီး ဝင်ငွေနိမ့်နိုင်ငံတွေဟာ အကြီးမားဆုံးရိုက်ခတ်မှု ရှိလာလိမ့်မယ်လို့ ကမ္ဘာ့ကုလသမဂ္ဂရဲ့ နောက်ဆုံးအစီရင်ခံစာမှာ ဖော်ပြထားပါတယ်။

စားနပ်ရိက္ခာ ဈေးနှုန်းတွေဟာ တစ်ခါမှမရှိဘူးတဲ့ ဈေးတွေအထိမြင့်တက်လာပြီး ကမ္ဘာကြီးဟာ မကြုံစဖူးသော အငတ်ဘေးအကြပ်အတည်းနှင့် ကြုံရမှာဖြစ်တယ်လို့ ကုလသမဂ္ဂအထွေထွေအတွင်းရေးမှူးချုပ် အန်တိုနီယိုဂူတာရက်စ်က ထောက်ပြပါတယ်။ သန်းပေါင်းများစွာသော ဘဝတွေနှင့်အသက်မွေးဝမ်းကျောင်းမှုတွေဟာ မသေချာမရေရာမှုတွေနှင့် ဖြစ်ကျန်ရစ်လိမ့်မယ်လို့လည်း သူကပြောပါတယ်။

ယူကရိန်းရဲ့အခြေအနေဟာ စားနပ်ရိက္ခာ၊စွမ်းအင်နှင့် ဘဏ္ဍာငွေပေကြး အကျပ်အတည်းတွေကို  ပိုမိုဆိုးရွားလာစေပြီး အဲဒါတွေက ကမ္ဘာပေါ်က ခိုကိုးရာအမဲ့ဆုံးနိုင်ငံတွေကို အကြီးအကျယ်ထိခိုက်လာစေလိမ့်မယ်လို့လည်း သူကဆက် ပြောပါတယ်။

ကမ္ဘာ့စားနပ်ရိက္ခာအစီအစဉ်နှင့် အက်ဖ်အေအိုတို့ အပါအဝင် ကုလအေဂျင်စီ၁၇ခုရဲ့ အဲဒီပူးတွဲအစီရင်ခံစာဟာ ၂၀၂၁ခုနှစ်အတွင်း နိုင်ငံပေါင်း ၅၃နိုင်ငံကို ခြုံငုံထားပြီး နိုင်ငံပေါင်း ၄၁နိုင်ငံရဲ့ ၂၀၂၂ အခြေအနေကို ခန့်မှန်းထားတာ ဖြစ်ပါတယ်။

ပြီးခဲ့တဲ့နှစ်က နိုင်ငံပေါင်း ၅၃နိုင်ငံမှာရှိတဲ့ လူဦးရေ ၁၉၃သန်းဟာ စားနပ်ရိက္ခာလုံခြုံမှုအတွက် အန္တရာယ်ကြုံတွေ့ခဲ့ရပြီး ၂၀၂၂ခုနှစ်မှာ ပိုဆိုးလာပါတယ်။ ၂၀၂၂ခုနှစ်မှာ ကမ္ဘာ့စားနပ်ရိက္ခာလုံခြုံရေးဟာ ပိုဆိုးရွားလာမယ်လို့‌ မျှော်လင့်ထားကြ ပါတယ်။

ရုရှားနှင့်ယူကရိန်းရဲပ ပဋိပက္ခဟာ ကမ္ဘာ့စားနပ်ရိက္ခာလုံခြုံရေးအခြေအနေကို ပိုလျော့ပါးသွားစေတယ်လို့ အစီရင်ခံစာက ဆိုပါတယ်။

လက်ရှိပဋိပက္ခဟာ ကမ္ဘာ့ကြွယ်ဝမှုအနည်းဆုံးနိုင်ငံအချို့ဟာ စားနပ်ရိက္ခာလုံခြုံရေးကို အကြီးအကျယ် သက်ရောက်မှု ရှိလိမ့်မယ်လို့ ကမ္ဘာ့စာနပ်ရိက္ခာအစီအစဉ်ရဲ့ စီးပွားရေးပညာရှင်ချုပ် အာရစ်ဟူစိန်က ပြောပါတယ်။

ယူကရိန်းကနေ ဂျုံစပါးတွေနှင့် ကုန်စည်တွေ သိပ်ထွက်လာစရာမရှိဘူး။ ရုရှားကနေ ကုန်စည်တွေထွက်လာပေမယ့် ဈေးတွေကြီးနေလိမ့်မယ် လို့လည်း သူကပြောပါတယ်။

တကယ်လို့ ခင်ဗျားက ဝင်ငွေနိမ့်နိုင်ငံတစ်နိုင်ငံ ဒါမှမဟုတ် အလယ်အလတ်ဝင်ငွေရှိနိုင်ငံတစ်နိုင်ငံမှာ နေတယ်ဆိုရင်  ခင်ဗျားဝင်ငွေရဲ့ ၅၀ရာခိုင်နှုန်းကို စားနပ်ရိက္ခာအတွက်အကုန်အကျခံနေတယ်ဆိုပါစို့။ အစားအစာဈေးတွေက ချက်ခြင်းကြီး ဈေးကြီးလာတယ်။ ဒါဟာ ကမ္ဘာ့နေရာတော်တော်များများမှာ ကျွန်တော်တို့ကြုံတွေ့နေကြရတာဖြစ်တယ်လို့ သူက ဆက်ပြောပါတယ်။

ရေရှည်အနေနှင့်စိတ်ပူစရာက ယူကရိန်းဟာ ဓာတ်မြေဩဇာ အဓိကတင်ပို့တဲ့နိုင်ငံဖြစ်လို့ လက်ရှိအကျပ်အတည်းဟာ တစ်ကမ္ဘာလုံးမှာ ဓါတ်မြေဩဇာ အကျပ်အတည်းဖြစ်လာနိုင်စေပြီး လာမယ့် စိုက်ပျိုးရာသီတွေမှာ အကြီးအကျယ် ရိုက်ခတ်မှုတွေဖြစ်လာလိမ့်မယ်လို့ သူကဆက်ပြောပါတယ်

Source CMG

#LocalNews 
Published - 5 May 2022

သင်္ကြန်ပြီးကာလမှစလို့ ပုဂံ - ညောင်ဦးဒေသသို့ ခရီးသွားဝင်ရောက်မှုတွေ ပြန်လည်နည်းပါးလာခဲ့တယ်လို့ ပုဂံမြို့ဒေသခံများထံမှ သိရပါတယ်။

#Yangon_Media_Group

#LocalNews
Published_5 May 2022

လွန်ခဲ့တဲ့ ၂၀၂၀ ပြည့်နှစ် မတ်လကစပြီး ကိုဗစ်အကြောင်းပြချက်နဲ့ ပိတ်ထားခဲ့ရတဲ့ ရှမ်းပြည်နယ် (အရှေ့ပိုင်း) တာချီလိတ်ခရိုင်၊ကျိုင်းလပ်မြို့ လာအို- မြန်မာချစ်ကြည်ရေးတံတားကို ပြန်ဖွင့်ခွင့် ရမယ်ဆိုရင်လည်း လတ်တလောမှာ ကုန်ပို့တဲ့ယာဉ်တွေကိုပဲ နေ့ချင်းပြန်သွားခွင့်ပေးဖို့ရှိတယ်လို့ သိရပါတယ်။

#Yangon_Media_Group

#Local News
Published-5 May 2022

ရန်ကုန်မြို့မှာ ဖွင့်လှစ်ထားတဲ့ အမျိုးသားစာကြည့်တိုက်အတွင်းရှိ ကလေးစာကြည့်တိုက်မှာ ကလေးငယ်တွေအတွက် အပတ်စဥ်စနေနေ့တိုင်း ပုံပြောအစီအစဥ်နှင့် ဆေးရောင်ခြယ်ခြင်းအစီအစဥ်တွေဆောင်ရွက်နေတယ်လို့ သိရပါတယ်၊၊

#Yangon_Media_Group

#LocalNews

#LocalNews
Published - 5 May 2022

သီတဂူဆရာတော် ကျောက်တလုံးကြီးမြို့သို့ကြွရောက်ခဲ့စဥ် ပအိုဝ်းငြိမ်းချမ်းရေးအဖွဲ့ခေါင်း ဆောင်နှင့် တာဝန်ရှိသူများက ကြိုဆိုဖူးမျှော်ခဲ့ကြတယ်လို့ သိရပါတယ်။

သီတဂူဆရာတော်သည် မေလ ၄ ရက် နေ့က ရှမ်းပြည်နယ်တောင်ပိုင်း၊ တောင်ကြီးမြို့နယ်၊ ကျောက်တလုံးကြီးမြို့သို့ကြွရောက်ခဲ့တာဖြစ်ပြီး ရှမ်းပြည်နယ်တောင်ပိုင်းက ပအိုဝ်းအမျိုးသား အဖွဲ့ချုပ် (PNO)ငြိမ်းချမ်းရေးအဖွဲ့ အသွင်ပြောင်း ဌာနေပြည်သူ့စစ်အဖွဲ့ နာယက ဦးအောင်ခမ်းထီရဲ့ နေအိမ်သို့လည်း ကြွရောက်ခဲ့တာဖြစ်တယ်လို့ သိရပါတယ်။

သီတဂူဆရာတော်နှင့် ပအိုဝ်းအမျိုးသားခေါင်းဆောင်တို့သည် ရန်ကုန်တွင် သိကျွမ်းဝင်ခဲ့ကြပြီး အိန္ဒိယနိုင်ငံ ဗုဒ္ဓဂါယာသို့လည်း အတူတကွ သွားရောက်ဖူးမျှော်ခဲ့ဖူးကြောင်း သီတဂူသတင်းထုတ်ပြန်ရေးအဖွဲ့က ထုတ်ပြန်ထားပါတယ်။

သီတဂူဆရာတော်၏ ကျောက်တလုံးကြီးမြို့ ခရီးစဥ်ပုံရိပ်များကိုလည်း ယခုလိုတွေ့မြင်ရမှာဖြစ်ပါတယ်။

ဓါတ်ပုံ - သီတဂူ စတား

ymg/kg
#Yangon_Media_Group