Published 14 Oct 2022

ဩစတြေလျနိုင်ငံ အရှေ့တောင်ပိုင်းမှာ ရာပေါင်းများစွာသော အိမ်တွေဟာ ရေလွှမ်းမိုးခံနေရတဲ့ အတွက် ရေဘေးကြုံနေရတဲ့ ဒေသခံတွေဟာ အပျက်အစီးတွေ ဘယ်လောက်ရှိလာမယ်ဆိုတာကိုသိရအောင် စိတ်ပူစွာနှင့် စောင့်ဆိုင်းနေကြရပါတယ်။

ဩစတြေလျရဲ့ ဒုတိယမြောက်လူဦးရေအထူထပ်ဆုံး ဗစ်တိုရီးယားပြည်နယ်ဟာ အကြီးအကျယ် ရေလွှမ်းမိုးမှု အရေးပေါ်အခြေအနေ ကြေညာထားလိုက်ပါပြီ။ လျင်မြန်စွာမြင့်တက်လာနေတဲ့ရေတွေဟာ မဲလ်ဘုန်းဆင်ခြေဖုံး မာယီဘရွန်နောင်းအရပ် ကလေူတွေကို မဖြစ်မနေ ဘေးကင်းရာကိုရွှေ့ပြောင်းနေကြရပါတယ်။

လမ်းတွေပေါ်ထားရစ်ခဲ့ရတဲ့ ကားတွေဟာ ရေတွေရဲ့အောက်ကို လုံးလုံးနစ်မြုပ်လုနီးပါးဖြစ်လာနေပါတယ်။ အချို့သော ကျန်ရစ်ခဲ့တဲ့လူတွေကို လေမှုတ်လှေတွေနှင့် ကယ်တင်ပေးနေကြပါတယ်။

ပြည်နယ်ဝန်ကြီးချုပ် ဒန်နီယယ်အင်ဒရူးက ဗစ်တိုရီးယားပြည်နယ်က အိမ်၅၀၀လောက်ဟာ ရေလွှမ်းမိုးခံနေရပြီး အခြားအိမ်၅၀၀ခန့်ဟာရေတွေဝိုင်းနေတယ် လို့ သတင်းထောက်တွေကိုပြောခဲ့ပါတယ်။

ဒီအရေအတွက်ဟာ သေချာပေါက်ဆက်တိုးနေဦးမှာဖြစ်တယ်လို့လည်း သူကပြောပါတယ်။

မဲလ်ဘုန်းဒေသခံ ဘက်တီရစ်စတာဗက်စကီကလည်း “ အခု အနည်းငယ်စိတ်ပူလာပြီ။ ရေတွေက ပိုပိုနီးလာပြီ အခု ကျွန်မအရှေ့တောင်ရောက်လာပြီ။ ရေတွက် ဆက်တိုက်တက်နေတယ်” လို့ပြောပါတယ်၊

သောကြာနေ့မနက်နှောင်းပိုင်းကျရင်တော့ မိုးတွေအသည်းဆုံးဖြစ်လာလိမ့်မယ်လို့ ပြည်နယ်အရေးပေါ်ဌာနက သတိပေးထားပါတယ်။ ရေတွေက မိုးရေခံရေတိမ်မြစ်တွေထဲ စီးဆင်းနေတာမို့ ရေလွှမ်းမိုးမှုပိုဆိုးလာနိုင်တယ်လို့ ပြောပါတယ်။

ဒါပေမယ့် ဗစ်တိုးရီးယားရဲ့‌နေရာတော်တော်များများမှာတော့ လာမယ့်ရက်တွေမှာ အကြီးအကျယ်ရေကြီးစရာမရှိပါဘူး လို့ အရေးပေါ်ကယ်ဆယ်ရေးဌာန ပြောရေးဆိုခွင့်ရသူ တင်မ် ဝိုင်ဘုရှ်က သတင်းထောက်တွေကိုပြောပါတယ်။

မဲလ်ဘုန်းရဲ့ နောက်ထပ်ဒေသခံတစ်ဦးဖြစ်တဲ့ ရောဘတ်စထရက်ပါဇွန်ကလည်း “ အခု နည်းနည်းလေးပဲချီတုံချတုံရှိပါတော့တယ်။ မိုးတွေက ထပ်မရွာတော့ဘူးလို့ ယုံနေတယ်။ ဖြည်းဖြည်းချင်းစဲသွားမှာပါ’ လို့ပြောပါတယ်။

မဲလ်ဘုန်းရဲ့မြောက်ဘက် နှစ်နာရီခရီးအကွာမှာရှိတဲ့ ရှက်ပါတွန်မှာ အိမ်ခြေ ၄၀၀၀လောက်ရေလွှမ်းမိုးခံရနိုင်တယ်လို့ သူက သတိပေးထားပါတယ်။

ဩစတေလျစစ်တပ်က သဲအိတ်တွေဖို့ပေးပြီး ကယ်ဆယ်ရေးလုပ်ငန်းတွေလုပ်ဖို့ သွားရောက်ကူညီနေတယ်လို့လည်း အရေးပေါ်စီမံခန့်ခွဲမှု ကော်မရှင်မင်းကြီး အင်ဒရူးခရစ်က ပြောပါတယ်။

ဒါဟာ ဗစ်တိုးရီးယားမှာ အကြီးအကျယ်ရေလွှမ်းမိုးမှု အရေးပေါ်အခြေအနေဖြစ်တယ်လို့လည်းသူကပြောပါတယ်။

ရာသီဥတုပြောင်းလဲခြင်းက လာနီညာအဆင့်မရောက်ပေမယ့် ပူနွေးတဲ့လေက ရေငွေ့တွေကိုပိုစုပ်ယူလို့ ရေကြီးရေလျှံမှုတွေ အလွန်အမင်းဖြစ်စေနိုင်တယ်လို့ သိပ္ပံပညာရှင်တွေက လက်ခံယူဆထားကြပါတယ်။

Source AFP

#Flood_ Australia

#Melbourne

#Climate_Change

#Local_News
Publidhed_14 October 2022

အောက်တိုဘာလ ပထမပတ်အတွင်းမှာ ပြည်ပကနေ စားအုန်းဆီတန်ချိန်ပေါင်း၂၇၉၃၈ တန် တင်သွင်းခဲ့တယ်လို စီးပွားရေးနှင့်ကူးသန်းရောင်းဝယ်ရေးဝန်ကြီးဌာနကနေ သိရပါတယ်။

#Yangon_Media_Group

#Local_News
Published_ 14 October 2022

အခုနှစ်အတွင်း ရန်ကုန်တိုင်းအတွင်းမှာ ဖမ်းဆီးရမိတဲ့မြွေအကောင်ရေ(၂၀၀)ကျော်ကို ဘေးမဲ့လွှတ်ပေးခဲ့ပြီးဖြစ်တယ်လို့ ဇမ္ဗူဒီပါလူမှုကူညီကယ်ဆယ်ရေးအသင်းထံမှ သိရပါတယ်၊၊

#Yangon_Media_Group

Published 14 Oct 2022

တူရကီအတိုက်အခံ ရီပတ်ဗလီကင် ပြည်သူ့ပါတီရဲ့ ပါလီမန်အမတ် ဘူရက်အာဘေးဟာ အစိုးရက ကျောထောက်နောက်ခံပြုထားတဲ့ မမှန်သတင်း ဥပဒေကြမ်းကို ကန့်ကွက်တဲ့အနေနှင့် ပါလီမန်အစည်းအဝေးမှာ သူ့ရဲ့ မိုဘိုင်းဖုံးကို တူနှင့် ရိုက်ခွဲခဲ့ပါတယ်။

အဲဒီ ဥပဒေဟာ မမှန်သတင်းဖြန့်ချိသူတွေကို‌‌  ထောင်ဒဏ် (၃)နှစ်အထိ ချမှတ်နိုင်တဲ့ ဥပဒေဖြစ်ပါတယ်။
ဆိုရှယ်မီဒီယာကွန်ယက်တွေနှင့် အင်တာနက်ဆိုက်တွေဟာ  သတင်းအချက်အလက်ကို အထင်မှားစေအောင် ဝါဒဖြန့်တယ်လို့ သံသယရှိသူတွေရဲ့ အချက်အလက်တွေကို အစိုးရထံ ပေးအပ်ရမှာဖြစ်ပါတယ်။

“ တကယ်လို့ ဒီဥပဒေကြမ်းကိုသာ ပါလီမန်မှာအတည်ဖြစ်သွားရင် ကိုယ့်ညီတို့ရေ  မင်းတို့ရဲ့ ဖုန်းတွေကို ဒီလိုသာ ရိုက်ချိုးပစ်လိုက်ကြတော့” လို့ သူကပြောဆိုခဲ့ပါတယ်။

Source AFP

#DailyNews
Published _ 14 October 2022

၁။ ရန်ကုန်တိုင်းအတွင်း ဖမ်းမိခဲ့သော မြွေ (၂၀၀) ကျော် ပဲခူးရိုးမထဲ ဘေးမဲ့လွှတ်ပေးပြီးဖြစ်ဟုဆို

၂။ အောက်တိုဘာလ ပထမပတ်အတွင်း စားအုန်းဆီတန်ချိန်ပေါင်း ၂၇၀၀၀ ကျော်တင်သွင်းခဲ့

၃။ စက်တင်ဘာလအတွင်း ကြက်သွန်နီ ပိဿာ(၅) သိန်းခန့်အရောင်းအဝယ်ဖြစ်ခဲ့

၄။ Spirited Away ဇာတ်လမ်းနောက်ခံပြုဥယျာဉ်ဖွင့်လှစ်ရန် ဂျပန်ပြင်ဆင်လျက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

Published 14 Oct 2022

ဗြိတိန်ဘဏ္ဍာရေးဝန်ကြီး ကွာဇီကွာတင်းဟာ တာဝန်ထမ်းဆောင်မှု ရက်သတ္တပတ်ခြောက်ပတ်ပင် မပြည့်သေးတဲ့ အချိန်မှာ ရာထူးမှထုတ်ပယ်ခြင်းခံရတယ်လို့ ဘီဘီစီက ယနေ့ အောက်တိုဘာ ၁၄ ရက်မှာ သတင်းထုတ်ပြန်ပါတယ်။

ကွာတင်းဟာ ဘဏ္ဍာရေးဝန်ကြီး မဟုတ်တော့ဘူးလို့ ဘီဘီစီကပြောပါတယ်။

ကွာတင်းဟာ လန်ဒန်ကို ခပ်စောစောပြန်လာလို့ရအောင် သူ့ရဲ့ ဝါရှင်တန်ခရီးကို ဖြတ်တောက်ခဲ့ပါတယ်။ ဝါရှင်တန်မှာ သူဟာ ဘဏ္ဍာရေးဈေးကွက်ကို ကသောင်းကန်းဖြစ်စေခဲ့တဲ့ စီးပွားရေးအစီအစဉ်အချို့ကို ပယ်ဖျက်ပစ်ဖို့ ရှိပါတယ်။

ဝန်ကြီးချုပ် လစ်ဇ်ထရပ်ဟာ သောကြာနေ့နှောင်းပိုင်းမှာ သတင်းစာရှင်းလင်းပွဲကျင်းပပေးဖို့ရှိပါတယ်။

ကွာတင်းကို ရာထူးမှထုတ်ပယ်လိုက်တာဟာ ဗြိတိန်နိုင်ငံအတွက် ၁၉၇၀ခုနှစ်ကတည်းကဆိုရင် သက်တမ်းအတိုဆုံး ဘဏ္ဍာရေးဝန်ကြီး ဖြစ်စေခဲ့ပါတယ်။ သူ့ကို ဆက်ခံမည့်သူဟာ ဗြိတိန်ရဲ့ လပေါင်းများစွာ လူနေမှု စရိတ် အကျပ်  အတည်းနှင့် ရင်ဆိုင်နေရချိန်မှာ စတုတ္ထမြောက် ဘဏ္ဍာရေးဝန်ကြီး ဖြစ်လာမှာပါ။

အောက်တိုဘာ ၃ ရက်က ထရပ်ဟာ ကွာတင်းကြေညာခဲ့တဲ့ မီနီဘတ်ဂျက်ရဲ့ အစိတ်အပိုင်းတွေကို မြင့်မားတဲ့ဝင်ငွေခွန်ကို လျှော့ချဖြတ်တောက်ပေးခဲ့ရခြင်းဖြင့် အတင်းအကျပ် ပြောင်းပြန် ပြန်လှန်ပေးခဲ့ရတယ်။

အဲဒီမီနီဘတ်ဂျက်ကြောင့် ပေါင်စတာလင်ဟာ ဒေါ်လာနှင့်ယှဉ်ရင် စံချိန်တင် နိမ့်ကျသွားခဲ့ရပါတယ်။

Source Channel News Asia

#Liz_Truss 

#UK

#Kwasi_Kwarteng

#Local_News
Published_14 October 2022

တိုယိုတာကုမ္ပဏီက သီလဝါအထူးစီးပွားရေးဇုန်မှာ ကားထုတ်လုပ်နေတယ်ဆိုတဲ့ သတင်းကြောင့် အမြင့်ကားဈေး အကျဘက်မှာ ရှိနေတယ်လို့ မြန်မာ့မော်တော်ယာဉ်ထုတ်လုပ်ရေးနှင့် ဖြန့်ဖြူးရောင်းချရေးလုပ်ငန်းရှင်များအသင်းက သိရပါတယ်။

#Yangon_Media_Group

#Local_News
Published_14 October 2022

ဗဟိုဘဏ်မှ လွတ်လပ်သောဈေးကွက်ဆိုင်ရာ လုပ်ဆောင်ချက်များမှတစ်ခုဖြစ်သည့် ဗဟိုဘဏ်ငွေချေးသက်သေခံ လက်မှတ်ထုတ်ဝေရေး ဆောင်ရွက်သွားရန် အစီအစဉ်များရှိကြောင်း ဗဟိုဘဏ်မှ ထုတ်ပြန်ပြောဆိုလိုက်သည်။

စီးပွားရေးစနစ်အတွင်းရှိ ပိုလျှံငွေကြေးကို သွယ်ဝိုက်နုတ်သိမ်းခြင်းဖြင့် ငွေကြေးဖောင်းပွမှုနှုန်းမြင့်တက်ခြင်းအား အထိုက်အလျောက်ထိန်းချုပ်နိုင်ရန်၊ ငွေကြေးတည်ငြိမ်ရေးအတွက် သွယ်ဝိုက်ငွေကြေးမူဝါဒနည်းလမ်းတစ်ခု ကျင့်သုံးနိုင်ရန်အတွက် အဆိုပါ ဗဟိုဘဏ်ငွေချေးသက်သေခံလက်မှတ်ကို ထုတ်ဝေရောင်းချခြင်းဖြစ်ကြောင်း သိရသည်။

ဗဟိုဘဏ် ငွေချေးသက်သေခံလက်မှတ်ထုတ်ဝေခြင်းဖြင့် အတိုးစရိတ်အကုန်ကျခံ၍ ငွေကြေးတည်ငြိမ်ရေးအတွက် ဆောင်ရွက်ခြင်းဖြစ်ပြီး ထုတ်ဝေရောင်းချခြင်းမှ ရရှိမည့်ငွေကြေးများအား အစိုးရစီမံကိန်းများ၊ တိုင်းပြည်၏ GDP တိုးတက်ရေးကို အထောက်အကူပြုမည့်ကဏ္ဍများအား Financing ပေးသွားရန်ဖြစ်ကြောင်း သိရသည်။

မြန်မာနိုင်ငံတော် ဗဟိုဘဏ်သည် မြန်မာနိုင်ငံတော်ဗဟိုဘဏ်ဥပဒေပုဒ်မ-၆(က) အရ ငွေကြေးတည်ငြိမ်ရေးရရှိစေရန် ဆောင်ရွက်ရာတွင် မြန်မာနိုင်ငံတော်ဗဟိုဘဏ်ဥပဒေပုဒ်မ-၄၁(က) နှင့် ပုဒ်မ-၄၅ တို့အရ ငွေချေးသက်သေခံ လက်မှတ်များထုတ်ဝေခြင်းနှင့် ငွေရေးကြေးရေးဈေးကွက်များတွင် ငွေချေးသက်သေခံလက်မှတ်များ ရောင်းဝယ်ခြင်းအား ငွေကြေးမူဝါဒနည်းလမ်းတစ်ရပ်အဖြစ် ဆောင်ရွက်ခွင့်ရှိကြောင်း ဖော်ပြထားသည်။

#ymg/sth
#Yangon_Media_Group

#Local_News
Published_14 October 2022

ဂျပန်နိုင်ငံက ယခုအောက်တိုဘာလအတွက် မြန်မာအလုပ်သမား ၅၂၀ ကျော် ထပ်မံခေါ်ယူမည်ဖြစ်ကြောင်း ဂျပန်နိုင်ငံ တိုကျိုမြို့ရှိ မြန်မာသံရုံးက တရားဝင်ထုတ်ပြန်ထားသည်။

အလုပ်သမားဝန်ကြီးဌာနက နိုင်ငံခြားရေးဝန်ကြီးဌာနမှတစ်ဆင့် ပေးပို့လာသည့် အလုပ်ကမ်းလှမ်းစာ ( Demand Letter ) များကို သံရုံးအနေဖြင့် ဂျပန်နိုင်ငံရှိ အလုပ်သမားကြီးကြပ်ရေး ကုမ္ပဏီနှင့် အလုပ်ခေါ်ယူသည့် စက်ရုံ၊ ကုမ္ပဏီများ အမှန်တကယ် တရားဝင်တည်ထောင်ထားခြင်း ရှိ၊ မရှိ စာရွက်စာတမ်း အထောက်အထားများ စိစစ်၍ နိုင်ငံခြားရေးဝန်ကြီးဌာနမှတစ်ဆင့် အလုပ်သမားဝန်ကြီးဌာနသို့ ပြန်လည်ပေးပို့ခဲ့ခြင်း ဖြစ်ကြောင်း ဂျပန်နိုင်ငံ တိုကျိုမြို့ရှိ မြန်မာသံရုံး က ထုတ်ပြန်ထားသည်။

အလုပ်သမားများခေါ်ယူရန် အောက်တိုဘာလ (၁) ရက်မှ အောက်တိုဘာလ (၁၄) ရက်အတွင်း စိစစ်ပြီး အလုပ်ကမ်းလှမ်းစာ (၁၇၀) စောင်ရှိပြီး ယင်းတွင် အမျိုးသား ၂၉၂ ဦး၊ အမျိုးသမီး ၂၂၉ ဦး ၊စုစုပေါင်း ၅၂၁ ဦးပါဝင်ကြောင်း ယင်းထုတ်ပြန်ချက်တွင် ဖော်ပြထားသည်။

ယခုအခါ ဂျပန်နိုင်ငံတွင် မြန်မာအလုပ်သမား လေးသောင်းကျော်ရှိကြောင်း၊ မြန်မာနိုင်ငံက သွားရောက်သည့် အလုပ်သမားများအနက် အမျိုးသမီးများစုမှာ သက်ကြီးရွယ်အိုစောင့်ရှောက်ရေးလုပ်ငန်းများတွင် လုပ်ကိုင်ကြပြီး စက်ရုံလုပ်ငန်း စားသောက်ဆိုင်လုပ်ငန်းနှင့် စက်ရုံ အလုပ်ရုံလုပ်ငန်းများတွင် အမျိုးသားအများစု လုပ်ကိုင်ကြကြောင်း သိရသည်။

#ymg/mt
#Yangon_Media_Group

#Local_News
Published_14 October 2022

ပြည်တွင်းပုဂ္ဂလိကဘဏ်များမှတစ်ဆင့် စက်သုံးဆီတင်သွင်းသည့် ကုမ္ပဏီများကို တစ်ဒေါ်လာ ၂၈၇၀ ကျပ်နှုန်းဖြင့် ဒေါ်လာ ၆ ဒသမ ၇ သန်း ရောင်းချပေးခဲ့ကြောင်း စက်သုံးဆီအသင်းမှ သိရသည်။

ကမ္ဘောဇဘဏ်၊ ဧရာဝတီဘဏ်၊ မြန်မာ့ရှေ့ဆောင်ဘဏ်၊ CB ဘဏ်၊ ရိုးမဘဏ်၊တောင်သူလယ်သမားများ ဖွံ့ဖြိုးရေးဘဏ်နှင့် ကမ္ဘာ့ရတနာဘဏ် စသည့် ပြည်တွင်းဘဏ်များက အမေရိကန်ဒေါ်လာ ၆ ဒသမ ၇ သန်းကို ရောင်းချပေးခဲ့ခြင်းဖြစ်ကြောင်း သိရသည်။

လက်ရှိတွင် ဒေါ်လာငွေလဲလှယ်နှုန်းသည် ပြင်ပဈေးကွက်၌ တစ်ဒေါ်လာ ၂၈၀၀ ဝန်းကျင်ဖြင့်ဈေးငြိမ်နေကြောင်း သိရသည်။ ယင်းအပြင် ရန်ကုန်တိုင်းဒေသကြီး၊ သီလဝါဆိပ်ကမ်းရှိ Terminal များတွင် စက်သုံးဆီ ဂါလန် ၁၃ သန်းကျော်တင်ဆောင်လာသည့် နိုင်ငံတကာသင်္ဘောများရောက်ရှိနေပြီး ဆီချလုပ်ငန်းများ ဆောင်ရွက်နေကြောင်း၊ လက်ရှိတွင် စက်သုံးဆီလက်ကျန်အခြေအနေအရ စက်သုံးဆီ ဖူလုံမှုရှိကြောင်း သိရသည်။

စက်သုံးဆီဖြန့်ဖြူးမှုအနေဖြင့် မြန်မာတစ်နိုင်ငံလုံးရှိ စက်သုံးဆီအရောင်းဆိုင်တွေကို ဆီတင်ဘောက်ဆာများ၊ ဆီတွဲရေယာဉ်များ၊ ရထားတွေဖြင့် အချိန်မီ ပို့ဆောင်ပေးနေကြောင်း သိရသည်။

#Ymg/STH
#Yangon_Media_Group

#Local_News
Published _ 14 october 2022

တက္ကသိုလ်၊ ဒီဂရီကောလိပ်နှင့် ကောလိပ်တွေမှာ နေ့သင်တန်းအားလုံးအား ဖွင့်လှစ်သွားမည်ဟု ပညာရေးဝန်ကြီးဌာန၊ အဆင့်မြင့်ပညာဦးစီးဌာနမှ အောက်တိုဘာလ ၁၃ ရက်က ထုတ်ပြန်ကြေညာထားသည်။

ဖွင့်လှစ်သွားမည့် သင်တန်းများမှာ ပထမနှစ် (ဒုတိယနှစ်ဝက်) နှင့် ဒုတိယနှစ်မှ မဟာဘွဲ့ သင်တန်းများအထိ နေ့သင်တန်း အားလုံးကို လာမည့် နိုဝင်ဘာလ ၁၀ ရက်တွင် ဖွင့်လှစ်သွားမည်ဟု ကြေညာချက်တွင် ဖော်ပြထားရှိသည်။

၂၀၂၂ ခုနှစ် တက္ကသိုလ်ဝင်စာမေးပွဲ အောင်မြင်သူတွေအတွက် ပထမနှစ် (ပထမနှစ်ဝက်) နေ့သင်တန်းများကိုလည်း လာမည့် နိုဝင်ဘာလ ၂၁ ရက်တွင် စတင်ဖွင့်လှစ်သွားမှာဖြစ်ကြောင်း ကြေညာချက်အရ သိရသည်။

ပြီးခဲ့သည့် ၂၀၂၂ ခုနှစ် တက္ကသိုလ်ဝင်တန်းစာမေးပွဲ၌ ကျောင်းသူ၊ကျောင်းသားနှစ်သိန်း ရှစ်သောင်းကျော် ဝင်ရောက်ဖြေဆိုခဲ့ပြီး တစ်သိန်းသုံးသောင်းကျော်အောင်မြင်ခဲ့ကာ တစ်နိုင်ငံလုံး အတိုင်းအတာနဲ့ အောင်ချက် ၄၆ ဒဿမ ၈၈ ရာခိုင်နှုန်း ရှိခဲ့သည်။

ယင်းပြင် ၂၀၂၂ ခုနှစ် တက္ကသိုလ်ဝင်တန်းစာမေးပွဲ ကျရှုံးသူများနှင့် ဝင်ရောက်ဖြေဆိုခြင်းမရှိသောကျောင်းသား၊ ကျောင်းသူများအတွက်လည်း သင်ရိုးဟောင်း တက္ကသိုလ်ဝင်စာမေးပွဲ နောက်ဆုံးအကြိမ် ဖြေဆိုခွင့် လျှောက်လွှာတင်သွင်းမှုအား ယခုအောက်တိုဘာလ ၃၁ ရက်အထိ တိုးမြှင့်လက်ခံပေးထားကြောင်းလည်း သိရှိရသည်။

#ymg/NN
#Yangon_Media_Group

#Local_News
Published_ 14 October 2022

အောက်တိုဘာ (၁၄) ရက် ဒီကနေ့နံနက် ၃ နာရီခွဲခန့်က ရန်ကုန်-မန္တလေး အမြန် လမ်းမကြီး၊ မိုင်တိုင်အမှတ် (၂၃၀/ဝ) နှင့် (၂၃၀/၁) ကြားတွင် ခရီးသည်တင် Express ယာဉ် (၂) စီး တိုက်မိမှုဖြစ်ပွားခဲ့ပြီး နှစ်ဦးသေဆုံးခဲ့ကြောင်း သိရပါတယ်။

အဆိုပါယာဉ်တိုက်မှုကို ပန်းတင်အမြန်လမ်းမီးသတ်စခန်းမှ မီးငြှိမ်းသတ်ယာဉ် (၁) စီးဖြင့် ကယ်ဆယ်ရေးလုပ်ငန်းများ သွားရောက် ဆောင်ရွက်ခဲ့ကြောင်း သိရပါတယ်။

ယာဉ်တိုက်မှုကြောင့် ယာဉ်ပေါ်ပါ အမျိုးသား (၁၇)ဦး၊ အမျိုးသမီး (၄)ဦး စုစုပေါင်း (၂၁)ဦး အနက် (၅)ဦး ထိခိုက်ဒဏ်ရာ (မစိုးရိမ်ရ)နှင့် အမျိုးသား (၂)ဦး (သေဆုံး)တို့အား ပန်းတင်အမြန်လမ်း ရဲစခန်းပိုင် လူနာတင်ယာဉ် (၁)စီးနှင့် တံတားဦး လူမှုကူညီရေးယာဉ် (၁)စီးတို့ဖြင့် နေပြည်တော် ခုတင်(၁၀၀၀) ဆေးရုံသို့ ပို့ဆောင်ပေးခဲ့ကြောင်း မြန်မာနိုင်ငံမီးသတ်တပ်ဖွဲ့က သတင်းထုတ်ပြန်ထားပါတယ်။

#ygm_mnn
#Yangon_Media_Group