Published 10 August 2022

ရာပေါင်းများစွာသော ဌာနေတိုင်းရင်းသားတွေဟာ ဩဂုတ်(၁၀)ရက်က မက္ကဆီကိုနိုင်ငံ မက္ကဆီကိုစီးတီးမှာ ကမ္ဘာ့ ဌာနေတိုင်းရင်းသားများနေ့ အထိမ်းအမှတ် ပွဲတော် ဆင်နွှဲလမ်းလျှောက်ခဲ့ကြပါတယ်။

မက္ကဆီရဲ့ ဒေသအသီးသီးက အရောင်အသွေးမျိုးစုံနှင့် ဌာ နေတိုင်းရင်းသား ရိုးရာဝတ်စုံတွေ ဝတ်ဆင်ထားကြသူတွေနှင့် တိရိစ္ဆာန်အဝတ်အစားတွေ ဝတ်ဆင်ထားသူတွေဟာ တီးဝိုင်းတွေနှင့် အတူ ချီတက်လမ်းလျှောက်ကြပါတယ်။

သူတို့ဟာ နိုင်ငံရဲ့ လွတ်လပ်ရေအထိမ်းအမှတ် နတ်သမီးရုပ်တုရှေ့ကနေ အဓိကရင်ပြင် ဇိုကာလိုအထိ ချီတက်ကြပါတယ်။

“ကျွန်တော်တို့ဟာ မက္ကဆီကိုစီးတီးကိုလာရောက်ပြီး ဌာနေတိုင်းရင်းသားတွေအဖြစ် ဖော်ပြခွင့်ရတာ သိပ်ဂုဏ်ယူပါတယ်” လို့ အမျိုးသား ဌာနေတိုင်းရင်းသားများ အင်စတီကျု ရဲ့ ကိုယ်စားလှယ်တစ်ဦးဖြစ်တဲ့ ဂျိုဆေး လူဝစ် ကက်စထရိုက ပြောပါတယ်။

“ ကျွန်မတို့ဟာ မက္ကဆီနိုင်ငံရဲ့ ဌာနေတိုင်းရင်းသားအားလုံးကို ကိုယ်စားပြုရောက်ရှိနေကြတာပါ” လို့လည်း တက်ရောက် ဆင်နွှဲသူတစ်ဦးဖြစ်တဲ့ ဖာနန်ဒါအာရီအိုလာကပြောပါတယ်။

မက္ကဆီကိုမှာ လူဦးရေ၁၂၆သန်းရှိတဲ့အထဲမှာ ၇.၃သန်းဟာ ဌာနေတိုင်းရင်းသားဘာသာစကားကိုပြောကြပါတယ်။

လက်တင်အမေရိကနိုင်ငံဖြစ်တဲ့ မက္ကဆီကိုမှ မြူနီစီပယ်နယ် ၂၅၀၀ရှိပါတယ်။ အဲဒီအထဲက ၁၁၀၃နယ်မှာ ဌာနေတိုင်းရင်းသားတွေနှင့် အာဖရိက-အမေရိကန်လူတွေနေထိုင်ကြတယ်လို့ အစိုးရရဲ့ကိန်းဂဏန်းတွေအရ သိရပါတယ်။

အဲဒီအထဲမှာ ဌာနေတိုင်းရင်းသားတွေရဲ့ ၄၀.၃၃ ရာခိုင်နှုန်းဟာ ခွဲခြားဆက်ဆံခံကြရတယ်လို့ဆိုကြပြီး  ၅၀ရာခိုင်နှုန်းနီးပါးကလည်း သူတို့ရဲ့အခွင့်အရေးတွေဟာ အနည်းငယ်မျှပဲလေးစားခံကြရတယ် ဒါမှမဟုတ် လုံးဝလေးစားခံရတာမရှိဘူးလို့ ဆိုကြတဲ့အကြောင်း ၂၀၁၈ ခုနှစ်က ထုတ်ဝေတဲ့ အမျိုးသား စာရင်းဇယားဌာနရဲ့ လေ့လာမှုအရ သိရပါတယ်။

Source: AFP

#The_World_Day_of_Indigenous_Peoples

#Mexicans_ Indigenous

#Mexico_City

#Local_News
Published_10 August 2022

ရန်ကုန်ရဲ့အိမ်၊ ခြံ၊ မြေ ဈေးကွက်မှာ တိုက်ခန်းဝယ်လိုသူတွေများ လာတဲ့အတွက် မြို့နယ်အချို့မှာ တိုက်ခန်းဈေးတွေ (၃၀) ရာခိုင်နှုန်းလောက် တက်လာတယ်လို့ မြန်မာနိုင်ငံအိမ်၊ ခြံ၊ မြေ အသင်းဝင်၊ အိမ်၊ ခြံ၊ မြေ အကျိုးဆောင် ဒေါ်နှောင်းဝဿန်က ပြောပါတယ်၊၊

#Yangon_Media_Group

#DailyNews
Published - 10 August 2022

၁။ ရန်ကုန်တွင် တိုက်ခန်းများ အဝယ်လိုက်လာ၍ မြို့နယ်အချို့၌ဈေးတက်

၂။ မျက်မမြင်ဘိုးဘွားရိပ်သာရှိမျက်မမြင် ဘိုးဘွားများအား ကျန်းမာရေးစောင့်ရှောက်မှုပေးရန် လိုအပ်နေ

၃။ ထိုင်းနိုင်ငံသားတစ်ဦးသေဆုံးမှုတွင် လက်ဗွေရာတွေ့သည်ဆိုကာ အဖမ်းခံထားရသော မြန်မာနိုင်ငံသားအပြစ်မရှိ၍ လွတ်တော့မည်ဟုသိရ

၄။ နိုက်ဂျီးရီးယားတွင် အခြေခံလူသုံးကုန်ပစ္စည်းများအား တစ်ခါသုံးအထုပ်ငယ်များဖြင့် ဝယ်ယူသုံးစွဲလာကြ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published -10 August 2022

ပြည်တွင်းတွင် အထွက်နှုန်းလျော့ကျနေတဲ့ ငရုတ်သီးခြောက်ဈေးနှုန်း တစ်ပတ်အတွင်း ထက်ဝက်ကျော်ထိ မြင့်တက်နေတယ်လို့ ငရုတ်သီးကုန်သည်တွေဆီကနေ သိရပါတယ်။

#Yangon_Media_Group

#Local_News
Published_10 August 2022

မိုင်းဖုန်းဆရာတော် အားနည်းကာကျန်းမာရေးမကောင်းဖြစ်နေ၍ ထိုင်းနိုင်ငံတွင် ဆေးကုသမှုခံယူနေကြောင်း သိရသည်။

မိုင်းဆတ်မြို့နယ် မိုင်းကျက်ဂူတွင် (၃) နှစ် (၃) လ (၃) ရက် အဓိဌာန်ဝင် ဂူအောင်းကာ တရားဘာဝနာ ကျင့်ကြံပြီးနောက် သြဂုတ်လ(၁) ရက်တွင် ဂူမှထွက်လာပြီး လာရောက်ဖူးမျှော်ကြသည့် ရပ်နီးရပ်ဝေးမှ ဒကာ ဒကာမများအား (၃) ရက် (၃) ည တရားဟောကြားပေးခဲ့သည့်အပြင် ရှမ်းပြည်တောင်ပိုင်း မြို့နယ်တချို့သို့ သာသနာပြုခရီးများ ကြွရောက်ခဲ့ကြောင်း သိရသည်။

သြဂုတ်လ (၈) ရက်နနက်အစောပိုင်း ကျိုင်းတောင်းမှ နမ့်စန်မြို့သို့ ထွက်ခွာခဲ့ပြီးနောက်ပိုင်း နမ့်စန်မှ မိုင်းဖုန်းသို့ မရပ်မနားဘဲ ခရီးထွက်လာခဲ့ရာ အားနည်း၍ ကျန်းမာရေးမကောင်း ဖြစ်ခဲ့ခြင်း ဖြစ်သည်။

ဆရာတော်အနေဖြင့် ဂူမှထွက်လာပြီးနောက် သြဂုတ်လ (၄) ရက်ညနေပိုင်းတွင် မိုင်းကျက်ဂူမှ မိုင်းဆတ်မြို့သို့ လည်းကောင်း၊ သြဂုတ်လ (၅) ရက်တွင် မိုင်းတုံမြို့ကမ္မဌာန်းကျောင်းဝင်းအတွင်းရှိ စေတီတော်အား ထီးတင်၊ တရားဟောကြားတော်မူခြင်း၊ ညပိုင်းတွင်မူ မိုင်းတုံမြို့နယ် မိုင်းဟန်အုပ်စုရှိ သဗ္ဗေညုမင်္ဂလာစုမ့်မိန်း စေတီတော်အား ထီးတင်ခခြင်းတို ပြုလုပ်ခဲ့ကြောင်း၊ သြဂုတ် (၇) ရက် နားကောင်းမူးမှတစ်ဆင့် သျှမ်းပြည်တောင်ပိုင်း မိုင်းပန်၊ လင်းခေး၊ မိုးနဲသို့ ရောက်ရှိတရားဟောကြားပြီး အဆိုပါနေရာမှ ရေအားလျှပ်စစ်ထုတ်လုပ်ရာ ကျိုင်းတောင်းမြို့ ရေတံခွန်ရှိ ကျောင်း၌ ကျိန်းစက်ခဲ့ကြောင်း သိရသည်။

မိုင်းဖုန်းဆရာတော်သည် မိုင်းဖုန်းကျောင်းတိုက်၌ ဝါခေါင်လပြည့်နေ့တွင် ဝါဆိုမည် ဖြစ်ကြောင်း၊ တပည့် ဒကာများဖြင့် တွေ့ဆုံမှု၊ တရားပွဲများကိုလည်း ခေတ္တရပ်နားထားကာ ဝစီပိတ် ကျင့်ကြံသွားမည် ဖြစ်ကြောင်း သိရသည်။

မိုင်းဖုန်းဆရာတော်သည် သြဂုတ်လ (၆) ရက် လင်းခေး ခရီးစဉ်ကစ၍ ဒကာများအား နှုတ်ဖြင့်တရားဟောကြားမှု မပြုလုပ်တော့ဘဲ လက်ဟန်ဖြင့်သာဟောကြားပေးခဲ့ခြင်းဖြစ်ကြောင်း သိရသည်။

ymg/mt
#Yangon_Media_Group

Published- 10 August 2022

ပြင်သစ်နိုင်ငံ ပါရီမြို့တော်က ချားလ်ဒီဂေါလေဆိပ်ထဲမှာ ဓားတစ်ရမ်းရမ်းနှင့် သောင်းကျန်းနေတဲ့ အမျိုးသားတစ်ဦးကို ရဲက ပစ်သတ်လိုက်တယ်လို့ ရဲနှင့်လေဆိပ်သတင်းအရင်းအမြစ်တွေက ပြောကြပါတယ်။

“အရာရှိတွေဟာ ရွိုင်ဆီချားလ်ဒီဂေါလေဆိပ်ထဲမှာ ဓားကိုင်ဆောင်ထားပြီး ခြိမ်းခြောက်နေတဲ့ လူတစ်ဦးကို ရှင်းပစ်ခဲ့ပါတယ်” လို့ ပါရီရဲဌာနက တွစ်တာမှာ ပို့စ်ရေးတင်ခဲ့ပါတယ်။

မနက် ၈နာရီ ၂၀မိနစ် မှာ အလုပ်များပြားနေတဲ့ လေဆိပ်အဆောက်အဦ 2F မှာ ဒီဖြစ်ရပ် ပေါ်ပေါက်ခဲ့တာလို့ လေဆိပ်သတင်းအရင်းအမြစ်တစ်ခုက ပြောပါတယ်။ အိမ်ရာမဲ့တစ်ဦးဟာ လုံခြုံရေးတွေကို စပြီး စိတ်အနှောက်အယှက်ပေးခဲ့ပါတယ်။ အဲဒါကြောင့် နယ်စပ်ရဲတွေကို ခေါ်ပြီး သူ့ကိုဆွဲထုတ်ခိုင်းခဲ့ပါတယ်။

အစပထမပိုင်းမှာတော့ အဲဒီသူက အော်ဟစ်ပြီး ထွက်သွားခဲ့ပါတယ်။ဒါပေမယ့် သိပ်မကြာပါဘူး။ သူဟာ ဓားတစ်ချောင်းနှင့်ပြန်ရောက်လာခဲ့ပါတယ်။ အဲဒီနောက် ရဲအရာရှိထဲက တစ်ဦးက သူ့ဓားကို သေနတ်နှင့်ပစ်လိုက်ပါတယ်။

ဓားရမ်းနေတဲ့ အဲဒီလူမည်း လူထွာကြီးဟာ ရဲကို ဓားနှင့်ခုတ်မယ့်ပုံပဲ လို့ အဲဒီနေရာရောက်နေတဲ့ အေအက်ဖ်ပီ ဓာတ်ပုံဆရာကပြောပါတယ်။

“ သူ့ကိုရပ်ဖို့ အမိန့်ပေးတယ်။ ဒါပေမယ့် သူက ရဲတွေဆီတိုးကပ်လာတယ်။ အဲဒါနှင့် အရာရှိက သေနတ်တစ်ချက်ပစ်လိုက်တယ်” လို့ သူကပြောပါတယ်။

အဲဒီလဲကျသွာတဲ့သူကို လူနာထမ်းစင်နှင့် ခပ်မြန်မြန်တင်ထုတ်သွားတယ်လို့ ဓာတ်ပုံဆရာက ဆက်ပြောပါတယ်။

၂၀၁၅ခုနှစ်ကစပြီး ဂျီဟတ်တွေသတ်ပစ်လို့ သေဆုံးသူပေါင်း ၂၅၀ကျော်ရှိလာကတည်းက အကြမ်းဖက်တိုက်ခိုက်မှုတွေနှင့်ပတ်သက်လို့ လုံခြုံရေးတပ်ဖွဲ့တွေက မြင့်မားတဲ့ တပ်လှန့်မှုတွေ လုပ်ထားတာဖြစ်ပါတယ်။

Source-AFP

#Charles_de_Gaulle_airport

#France_ Charles_de_Gaulle

#Airport_Knife_man_shot_dead

#Local_News
Published -10 August 2022

ဗဟိုဘဏ်မှနိုင်ငံခြား ငွေကြေး‌စျေးကွက်တွင် ရောင်းချခြင်း၊ ၀ယ်ယူခြင်း၊ လဲလှယ်ခြင်းနှင့်ပတ်သက်၍ ၀ယ်စျေးနူန်း၊ ရောင်းစျေးနူန်း နှင့် စပ်လျဉ်းပြီး Trading Band သတ်မှတ်ခြင်း (ညွန်ကြားချက် အမှတ် ၁၁/၂၀၂၂) တစ်စောင်ကို ထုတ်ပြန်ခဲ့သည်။

နိုင်ငံခြားသုံးငွေ များရောင်း၀ယ်ဖောက်ကားခွင့်ရသည့် လုပ်ငန်း( AD) များ ၊ လိုင်စင်ရဘဏ်၊ နိုင်ငံခြားငွေများ ၀ယ်ယူရောင်းချခွင့် (MC) လိုင်စင်ရဘဏ်၊ လိုင်စဉ်ရဘဏ် မဟုတ်သည့် ကုမ္ပဏီ အဖွဲ့အစည်းများက ဖြစ်စေ၊ နိုင်ငံခြားငွေ ရောင်းချခြင်း၊ ၀ယ်ယူခြင်း၊ လဲလှယ်ခြင်း ဆောင်ရွက်သည့်အခါမှာလည်းကောင်း၊ ငွေလွဲလုပ်ငန်းလိုင်စင်ရ ကုမဏီများက ပြည်ပကိုနိုင်ငံခြား ငွေလွှပြောင်းခြင်း နှင့်လွှဲပိုခြင်းတို့ ဆောင်ရွက်သည့်အခါ မြန်မာနိုင်ငံ ဗဟိုဘဏ်က +_ သတ်မှတ်ထားသည့် ရည်ညွန်းငွေလဲလှယ်နူန်း ၀.၃ ရာခိုင်နှုန်း (CBM reference rate +_ 0.3) ဘောင် အတွင်း သတ်မှတ်ဆောင်ရွက်ရန် ညွှန်ကြားထားကြောင်း ဖော်ပြထားသည်။

အဆိုပါ အမိန့် ကြေညာစာသည် ယနေ့(သြဂုတ် ၁ဝ ရက်) တွင်စတင်အကျိုးသက်‌ရောက်စေမည်ဖြစ်ကြောင်း ဖော်ပြထားသည်။

ယင်းသတ်မှတ်ထားချက်အား ကျော်လွန်ဆောင်ရွက်မည်ဆိုပါက နိုင်ငံခြားသုံးငွေ စီမံခန့်ခွဲမူ ဉပဒေ၊ စည်းမျဉ်းတွေအရ အရေးယူဆောင်ရွက်မည်ဖြစ်ကြောင်း ဗဟိုဘဏ် ဒုတိယဥက္ကဌ ဉီး၀င်းသော်လက်မှတ်နှင့် ထုတ်ပြန်ထားရှိသည်။

ymg/sth
#Yangon_Media_Group

#Local_News
Published_10 August 2022

တောင်တရုတ်ပင်လယ်ပြင်တွင်ဖြစ်ပေါ်နေသည့် အပူပိုင်း မုန်တိုင်း “မူလန်” (Mulan) ၏ အရှိန်ကြောင့် သြဂုတ်လ(၁၁)ရက်မှ (၁၄)ရက်အတွင်း မြန်မာနိုင်ငံ၏ဒေသတော်တော်များများတွင်
မိုးကြီးခြင်းနှင့် လေပြင်းတိုက်ခတ်ခြင်းများဖြစ်ပေါ်နိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနက ထူးခြားမိုးလေဝသအခြေအနေအဖြစ် သတိပေးချက်ထုတ်ပြန်လိုက်သည်၊၊

တောင်တရုတ် ပင်လယ်ပြင်တွင်ဖြစ်ပေါ်နေသောအပူပိုင်းမုန်တိုင်း “မူလန်”(Mulan)သည် အနောက်-အနောက်မြောက်ဘက်သို့ ရွေ့လျားပြီး၊ သြဂုတ်လ(၁၁)ရက်တွင် ဗီယက်နမ်နိုင်ငံအထက်ပိုင်းကမ်းခြေကိုဖြတ်ကျော်ဝင်ရောက်ပြီးနောက် မြန်မာနိုင်ငံအရှေ့ပိုင်းဒေသများသို့ လေပွေလှိုင်းအဖြစ်ရောက်ရှိနိုင်သည်ဟု ခန့်မှန်းထားသည်၊၊

အဆိုပါ လေပွေလှိုင်းများကြောင့် သြဂုတ်လ(၁၁)ရက်မှ(၁၄)ရက်အတွင်းနေပြည်တော်၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာစိပ်စိပ်မှ နေရာအနှံအပြားမိုးထစ်ချုန်းရွာပြီး၊ ဒေသအလိုက်နှင့် နေရာကွက်၍ မိုးကြီးခြင်းများနှင့်အတူ လေပြင်းတိုက်ခတ်ခြင်းများဖြစ်ပေါ်နိုင်ကြောင်း ထုတ်ပြန်ချက်တွင် ဖော်ပြပါရှိသည်၊

မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ လျှပ်တစ်ပြက် ရေကြီးခြင်းနှင့် မြေပြိုခြင်းစသည့် သဘာဘေးအန္တရာယ်များ ဖြစ်ပေါ်နိုင်ပါသဖြင့် ကုန်းမြင့်ဒေသအနီးတွင် နေထိုင်ကြသူများအနေဖြင့် မြေပြိုမှုအန္တရာယ်နှင့် မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြုနိုင်ပါရန်နှင့် ပြည်တွင်းရေကြောင်းသွားလာရေးနှင့် လေကြောင်းပျံသန်းရေးအနေဖြင့်လည်း ကြိုတင်သတိပြုရန် အသိပေးနှိုးဆော်ထားကြောင်းသိရသည်၊၊

ဒီ့အပြင်သြဂုတ်လ(၁၃)ရက်တွင်လည်း ဘင်္ဂလားပင်လယ်အော်မြောက်ပိုင်းတွင် လေဖိအားနည်းရပ်ဝန်း(Low Pressure Area) တစ်ခုဖြစ်ပေါ်နိုင်သည်ဟုခန့်မှန်းထားကြောင်းလည်း မိုး/ဇလက ထုတ်ပြန်ထားသည်၊၊

ymg/tthl
#Yangon_Media_Group

#Local_News
Published_10 Aungust 2022

မလေးရှားနိုင်ငံတွင် တံတားပေါ်မှပြုတ်ကျခဲ့သည့် သားအဖလေးယောက်ဖြစ်စဉ်မှ ဆလာယန်းဆေးရုံ၌ဆေးကုသမှုခံယူနေရသော ဒဏ်ရာရ ၃ နှစ်သားကလေးငယ် Shadrah Vabeichopha ကျန်းမာရေးမှာအသက်ရှူပုံမှန် ပြန်ဖြစ်လာပြီးနောက် ယခုအခါ အရေးပေါ်အခန်းမှ သီးသန့်ဆောင်သို့ပြောင်းရွေ့ခွင့်ရပြီဖြစ်ကြောင်း မလေးရှား မြန်မာလူမှုကူညီရေးအသင်း ကသိရသည်။

"ကလေးငယ်ဟာ သူ့အမေကိုသိတဲ့ အသိစိတ်ပြန်လည်ဝင်ရောက်လာပြီး သတိရခါစပြုလာခဲ့ပါပြီ၊ အဖက်ဖက်ကလိုလေသေးမရှိအောင် ဆရာဝန်၊ ဆရာမတွေရဲ့ ကူညီမှုကြောင့် ဒီနေ့ (ICU)အရေးပေါ်ကုသနေသောအခန်းကနေ သီးသန့်ဆောင်ကို ပြောင်းရွေ့ခဲ့နိုင်ပါပြီ။ သူ့အမေနဲ့ တွေ့ခါစမှာ ကလေငယ်က အဖေ ၊ အမနဲ့ အကိုတွေကို တွေ့ချင်တယ်လို့ ဖြေးဖြေးလေး မေးခဲ့ပါတယ်၊ ကလေးငယ်ဒီထက်ကောင်းမွန်လာစေဖို့ရန် ဆေးဆက်လက်ကုသရပါအုံးမယ်။ ကိုယ်ခန္ဓာအတွင်းပိုင်း နံရိုး နှင့် ခြေထောက်တွေ ၊ ဦးခေါင်းပိုင်းတွေကို ဆေးဆက်လက် ကုသသွားရပါအုံးမယ်"ဟု အဆိုပါ အသင်းတာဝန်ရှိသူကပြောသည်။

ပြီးခဲ့သည့် ဩဂုတ်လ ၂ ရက်နံနက်၅နာရီခွဲခန့်အချိန်က မလေးရှားနိုင်ငံတွင် မြန်မာနိုင်ငံမှ ချင်းတိုင်းရင်းသား အသက် ၃၈ နှစ်အရွယ်ရှိဖခင်ဖြစ်သူ Cholei က အသက် ၈ နှစ်အရွယ် သမီး Vadetisoh ၊ အသက် ၆ နှစ်အရွယ် သား Vabiechose နှင့် ၃ နှစ်အရွယ် သား Shadrah Vabiechopha တို့ကို မလေးရှားနိုင်ငံ ကပုန်းမြို့နယ် (Taman Desa jaya)လမ်းထိပ်ရှိ ဟိုင်းဝေး မိုးပျံတံတားပေါ်မှ အရင်ဆုံးပစ်ချကာ သူ့ကိုယ်သူလည်း ခုန်ချမှု ဖြစ်ပွားခဲ့ခြင်း ဖြစ်သည်။

ယင်းကြောင့် ဖခင်ဖြစ်သူ Cholei နှင့် အသက် ၈ နှစ်အရွယ် သမီး Vadetisoh ၊ အသက် ၆ နှစ်အရွယ် သား Vabiechose တို့ နေရာ၌ပင် ပွဲချင်းပြီးသေဆုံးသွားသောကြောင့် သြဂုတ်လ ၄ ရက်က စလန်းကောပြည်နယ် (စမုံညှင်းမြို့) ခရစ်ယာန်သင်္ချိုင်းတွင် ဆုတောင်းပွဲကျင်းပကာ မြေသို့ အပ်နှံသင်္ဂြိုလ်ပြီးစီးခဲ့ပြီး ဖြစ်သည်။

photo-Kepongfreefuneralserv
ymg/mt
#Yangon_Media_Group

Published 10 August 2022

ဂရန်းဆလမ်း ချန်ပီယံ ၂၃ ကြိမ်ရခဲ့တဲ့ တင်းနစ်ချန်ပီယံ ဆီရီနာ ဝီလီယမ်ဟာ တင်းနစ်ကနေ ဖြည်းဖြည်းချင်း ဆုတ်ခွာနေပြီးနောက် ယခုလကုန်ပိုင်းမှာ ကျင်းပမယ့် ယူအက်စ် အိုပင်း ပြိုုင်ပွဲအပြီးမှ တင်းနစ်လောကမှ အနားယူဖို့ စီစဉ်ထားတယ်လို့သူမက ပြောပါတယ်။

“ အငြိမ်းစားယူတယ် ဆိုတဲ့ စကားလုံးကို ကျွန်မဘယ်တုန်းကမှ သဘောမကျခဲ့ဘူး” လို့ ဝီလီယံက Vogue စာစောင်တစ်ခုမှာ ဆောင်းပါးရေးခဲါ့ပတယ်။

“ အကောင်းဆုံးဖော်ပြမယ့် စကားလုံးကိုပြောရရင် တရွေ့ရွေ့ဆင့်ကဲပြောင်းလဲခြင်းပဲ။ ကျွန်မအတွက် အရေးကြီးတဲ့အခြားကိစ္စတွေကို ဦးတည်ပြီး တင်းနစ်ကနေ တရွေ့ရွေ့ ဖယ်ခွာနေပါပြီလို့ ဒီနေရာကနေ ကျွန်မပြောပါတယ်” လို့ သူမကပြောပါတယ်။

လွန်ခဲ့တဲ့နှစ်အနည်းငယ်က ကျွန်မ ဆီရီနာ ဗင်ချား Serena Ventures ဆိုတဲ့ အရင်းအနှီးကုမ္ပဏီတစ်ခု ကိုတိတ်တိတ်ကလေး စခဲ့တယ်။ အဲဒီနောက်သိပ်မကြာ ကျွန်မ မိသားစုတစ်ခုကိုစတင်ခဲ့တယ်။ အဲဒီမိသားစုကို ကျွန်မဖွံ့ဖြိုးတိုးတက်စေချင်တယ်” လို့ သူမက ပြောပါတယ်။

Source: Reuters

#Serena_Williams

#Serena_Williams_Retirement

#Serena_Williams_evolving_away_from_tennis

#Local_News
Published -10 August 2022

မလေးရှားနိုင်ငံ ဆယ်လန်ဂေါပြည်နယ် ကာဂျမ်းမြို့တွင် တရားမဝင်နေထိုင်သည့် မြန်မာအလုပ်သမား ၁၀၀ ကျော် ဩဂုတ် ၉ ရက် ည၌ မလေးရှားလူဝင်မှုကြီးကြပ်ရေးဌာန (JIM)ရဲ့ ဝင်ရောက်စီးနင်း ဖမ်းဆီးခံရကြောင်း အဆိုပါဌာနက ထုတ်ပြန်ထားသည်။

နိုင်ငံခြားသားများ တရားမဝင်နေထိုင်နေသည်ဆိုသည့် သတင်းပေးချက်အရ လဝက စီမံချက်ဖြင့် ဝင်ရောက်စီးနင်းဖမ်းဆီးခဲ့ခြင်းဖြစ်ကြောင်း သိရသည်။

အဆိုပါ ညက လူနေအဆောက်အအုံ ခြောက်ခုရှိ နိုင်ငံခြားသား ၄၂၅ ဦးကို ညသန်းခေါင်အချိန်မှာ ဝင်ရောက်စစ်ဆေးခဲ့ ခြင်းဖြစ်ပြီး သော့ပိတ်ထားသည့်အခန်းများကို ထုရိုက်ဖွင့်ပြီးရှာဖွေမှုများ လုပ်ခဲ့ကာ ကြမ်းကြမ်းတမ်းတမ်း ဖမ်းဆီးခဲ့ခြင်းဖြစ်သည်။

အဆိုပါ အော်ပရာစီ စီမံချက်ကနေ တရားမဝင် နိုင်ငံခြားသား အမျိုးသား ၁၃၂ ဦး၊ အမျိုးသမီး ၄၁ ဦး၊ ကလေး ၂ ဦးတို့ကို ဖမ်းမိခဲ့ပြီး ဖမ်းဆီးခံရသူတွေထဲမှာ အသက် ၂ နှစ်အရွယ်ကနေ ၅၅ နှစ်အရွယ် အထိပါဝင်ကြောင်း ထုတ်ပြန်ချက်တွင် ဖော်ပြထားသည်။

ယင်းဖမ်းဆီးခံရသူတွေများမှာ မြန်မာနိုင်ငံသား ၁၁၅ ဦး၊ အင်ဒိုနီးရှား ၃၃ ဦး၊ ဘင်္ဂလားဒေ့ရှ် ၁၃ ဦး၊ နီပေါ ၉ ဦး၊ သီရိလင်္ကာ ၄ ဦးနှင့် အိန္ဒိယနိုင်ငံသား ၁ ဦးတို့ပါဝင်ကြောင်း သိရသည်။

ယင်းအပြင် ဖမ်းဆီးခံရသူအများစုသည် အထောက်အထားမရှိ ခြင်း၊ အလည်ဗီဇာသက်တမ်းကုန်နေ ခြင်း၊ Work Permit သက်တမ်းကုန်နေ ခြင်းများတွေ့ရှိရသလို မြန်မာအလုပ်သမားအချို့မှာ UNHCR က ထုတ်ပေးထားသည့် ဒုက္ခသည်ကတ် ကိုင်ဆောင်ပြီး မိသားစုအလိုက် နေထိုင်နေကြကြောင်းလဝက ထုတ်ပြန်ချက်တွင် ဖော်ပြထားသည်။

ယင်းဖမ်းဆီးခံရသူများကို ဆက်လက်မေးမြန်းစစ်ဆေးရန်အတွက် စမန်နရီ (Semenyih) လူဝင်မှုကြီးကြပ်ရေး ထိန်းသိမ်းရေးစင်တာသို ခေါ်ဆောင်ခဲ့ပြီး မလေးရှားလူဝင်မှုကြီးကြပ် ရေးဥပဒေများအရ အရေးယူခြင်းခံရမည်ဖြစ်ကြောင်း ထုတ်ပြန်ထားသည်။

ပြည်တွင်း၌ အလုပ်အကိုင်ရှားပါးမှုကြောင့် ထိုင်းနိုင်ငံနှင့်မလေးရှားနိုင်ငံသို တရားမဝင်သွားရောက်အလုပ်လုပ်ကိုင်သူများပြားနေ ကြောင်း အလုပ်သမားအရေးဆောင်ရွက်သူများ၏ ပြောပြချက်အရ သိရသည်။

ymg/sth
#Yangon_Media_Group

#Local_News
Published_10 August 2022

ဝန်ကြီးချုပ်ဟောင်း ဦးနု၏သမီးဒေါ်သန်းသန်းနုအား ဒီမိုကရက်တစ်ပါတီ (မြန်မာ) ၏ ဥက္ကဌအဖြစ် တာဝန်ပေးကြောင်း အဆိုပါ ပါတီက သိရသည်။

ပြီးခဲ့သည့် မေလ ၁၈ ရက် ည ၇ နာရီခန့်က ဥက္ကဌ ဦးသုဝေ ကွယ်လွန်သွားပြီးနောက် ဒီမိုကရက်တစ်ပါတီ (မြန်မာ) ၏ လစ်လပ်နေသော ဥက္ကဌ တာဝန်ကို ပါတီ၏ အထွေထွေအတွင်းရေးမှူးချုပ်တာဝန်ယူထားသူ ဒေါ်သန်းသန်းနုအား လွှဲပြောင်းပေးခဲ့ကြခြင်းလည်း ဖြစ်သည်။

"တည်ထောင်သူဥက္ကဌကြီး (ဟောင်း) ဦးသုဝေ ကွယ်လွန်ပြီးတဲ့နောက် အထွေထွေအတွင်းရေးမှူးချုပ်ဖြစ်ခဲ့သူ ဒေါ်သန်းသန်းနုကို ဒီမိုကရက်တစ်ပါတီ (မြန်မာ)ရဲ့ ဥက္ကဌကြီးအဖြစ် ပါတီဝင်များအားလုံးက တစ်ညီတစ်ညွတ်တည်း ရွေးချယ်တင်မြှောက်ခဲ့ပြီးဖြစ်ပါတယ်။ ပါတီအရေး၊ နိုင်ငံ့အရေး၊ ဒီမိုကရေစီအရေးကိစ္စတွေကို ဆက်လက်ဆောင်ရွက်သွားတော့မှာပါ"ဟု အဆိုပါ ပါတီ တာဝန်ရှိသူက ပြောသည်။

ဒီမိုကရက်တစ်ပါတီ (Democratic Party (Myanmar) ကို ဦးသုဝေ ဥက္ကဋ္ဌ အဖြစ်တာဝန်ယူပြီး ယခင် ဝန်ကြီးချုပ်ဟောင်းများ၏ သမီးများ ဖြစ်ကြသော ဒေါ်သန်းသန်းနု (ဦးနု၏သမီး)၊ ဒေါ်ချိုချိုကျော်ငြိမ်း (ဦးကျော်ငြိမ်း၏သမီး)၊ ဒေါ်နေရီဗဆွေ(ဦးဗဆွေ၏သမီး) တို့အပါအဝင် စုစုပေါင်း (၂၁) ဦးဖြင့် ၂၀၁၀ ပြည့်နှစ်တွင် စတင်ဖွဲ့စည်းခဲ့ခြင်း ဖြစ်သည်။

ယခုအခါ မြန်မာနိုင်ငံ ဝန်ကြီးချုပ်ဟောင်း ဦးနု၏ သမီးဖြစ်သူ ဒေါ်သန်းသန်းနု အနေဖြင့် ဦးနုဒေါ်မြရီ ဖောင်ဒေးရှင်းကိုတည်ထောင်ထားပြီး ကျန်းမာရေးနှင့် ပညာရေး ကဏ္ဍများအတွက် ထောက်ပံ့မှုများ ပြုလုပ်လျက်ရှိရာ ခြေလက်မသန်စွမ်းသူများအတွက် ခြေတု လက်တု အစားထိုးပေးခြင်း၊ ကျန်းမာရေးအတွက် အရေးပေါ် လိုအပ်သော ဆေးဝါးများ ပေးလှူခြင်း၊ ပညာရေးအတွက် စာအုပ်စာတမ်းများ၊ ကျောင်းသုံးပစ္စည်းများ ပေးလှူခြင်း၊ ပညာရေး ရန်ပုံငွေ အဆောက်အဦး ရန်ပုံငွေများ ပေးလှူခြင်း၊ အရေးပေါ် လိုအပ်သော စားသောက်ဖွယ်ရာ၊ အသုံးအဆောင် အဝတ်အထည်များ ပေးလှူခြင်း စသည်တို့ကို ကူညီဆောင်ရွက်ပေးနေကြောင်းလည်း သိရသည်။

ymg/mt
#Yangon_Media_group