#LocalNews
Published_7 August 2022

၁၀ နှစ် စီမံကိန်း ဒီရေတောထူထောင်ရေးအတွက် ဧက ၁၇၀၀၀ ကျော်စိုက်ပြီးဖြစ်ကြောင်း သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာနက သိရသည်။

၁၀ နှစ် စီမံကိန်းကို ၂၀၁၇ - ၂၀၁၈ ဘဏ္ဍာနှစ်မှ ၂၀၂၇ - ၂၀၂၈ ဘဏ္ဍာနှစ်ထိ သတ်မှတ်ထားခြင်းဖြစ်ပြီး ယခု မိုးရာသီကာလစိုက်ဒီရေတောဧက ၂၉၆၅ ဧကစိုက်ပျိုးပြီးဖြစ်၍ စုစုပေါင်း ဧက ၁၇၇၉၀ စိုက်ပျိုးထားပြီးဖြစ်ကြောင်း သိရသည်။

ဒီရေတောများကို ဧရာဝတီတိုင်းဒေသကြီး လပွတ္တာ၊ ဖျာပုံ၊ ဘိုကလေး၊ တနင်္သာရီတိုင်းဒေသကြီး ဘုတ်ပြင်း၊ ရခိုင်ပြည်နယ် ရမ်းဗြဲတို့တွင် လမု၊ လမဲ့၊ ကနစိုး၊ ဗြူးခြေထောက် စသည့် အပင်များကို စိုက်ပျိုးနေခြင်းဖြစ်ကြောင်း သစ်တောဦးစီးဌာန၏ စာရင်းများအရ သိရသည်။

လက်ရှိတွင် တနင်္သာရီတိုင်းဒေသကြီး ဘုတ်ပြင်းမြို့နယ်အတွင်း ဧက ၄၀ ၊ ရခိုင်ပြည်နယ် ရမ်းဗြဲမြို့နယ်တွင် ၁၂၅ ဧက ၊ ဧရာဝတီတိုင်းဒေသကြီးမှာ ၂၈၀၀ ဧကထိစိုက်ပျိုးပြီးစီးနေပြီဖြစ်ကြောင်း၊သဘာဝဘေးများဖြစ်သည့် မုန်တိုင်းဝင်ရောက်ခြင်း၊ကမ်းပါးရေတိုက်စားခြင်းတို့ကို ခံနိုင်ရန် လုပ်ဆောင်နေခြင်း ဖြစ်ကြောင်း သိရသည်။

ymg/mt
#Yangon_Media_group

Published 7 August 2022

ပြင်သစ်သိပ္ပံပညာရှင်တစ်ဦးဟာ တွစ်တာပေါ်မှာ သူတင်ထားတဲ့ ကြယ်နီကြီးဆိုတဲ့ ပုံဟာ တကယ်တမ်းတော့ ကြယ်နီကြီးပုံမဟုတ်ဘဲ စပိန်ဝက်အူချောင်းအစပ်တစ်မျိုးကို လျှပ်တစ်ပြက်ရိုက်ကူးထားတဲ့ပုံသာဖြစ်ပါတယ်လို့ ဝန်ခံလိုက်ပါတယ်။

“ နေနှင့်အနီးဆုံးက ကြယ်တစ်ပွင့်ဖြစ်တဲ့ ပရောက်ဆီမာ စင်တာယူရီ Proxima Centauri ပုံဖြစ်ပါတယ်။ ကျွန်တော်တို့နှင့် အလင်းနှစ်ပေါင်း ၄.၂ အကွာမှာရှိပါတယ်။ ဒီပုံကို ဂျိမ်းစ်ဝက် အာကာသ အဝေးကြည့်မှန်ပြောင်းကြီးကနေ ရိုက်ကူးထားတာပါ။ ကမ္ဘာသစ်တစ်ခုဟာနေ့တိုင်း ထွက်ပေါ်နေပါတယ်” လို့ ရူပဗေဒပညာရှင် အက်တျနနီကလိန်းက တွစ်တာမှာ ပုံတင်ပြီး သူ့ဖော်လိုဝါတွေကို ပုံနှင့်အတူ ပြောထားခဲ့တာဖြစ်ပါတယ်။

တကယ်တမ်းတော့ အဲဒီပုံမှာ ဘာကြယ်နီပုံမှမဟုတ်ဘဲ ကျပ်တင်ထားတဲ့ ဝက်အူချောင်းတစ်မျိုးဖြစ်တဲ့ စပိန်က ချိုရီဇို လို့ခေါ်တဲ့ စားစရာ အချပ်တစ်ခုဖြစ်နေပါတယ်။

ပထမပို့စ်တင်ပြီး တစ်နာရီတောင်မကြာပါဘူး.. အဲဒီပညာရှင်က ဒါဟာ နောက်ပြောင်လိုက်တာဆိုပြီး ပြန်ရှင်းခဲ့ပါတယ်။  သတိထားကြပါ။ ခေတ်ပြိုင်စကြဝဠာဗေဒမှာ စပိန် ချာကူတာရီ(ကော့တ်တေး) နှင့် ဆက်စပ်တဲ့ အရာလိုမျိုး ကမ္ဘာကြီးရဲ့ ဘယ်နေရာမှာမှ မတည်ရှိပါဘူး” လို့ သူက ဖြည့်စွက်ပြောထားပါတယ်။

သူ့ရဲ့ပို့စ်ဟာ လူသိများသွားပြီ အဲဒီအပေါ် အမျိုးမျိုးတုန့်ပြန်ကြပါတယ်။ အချို့က မယုံနိုင်ဘူးလို့ပြောကြပြီး အချို့ကတော့  ဒါဟာ နောက်တာပဲ ဆိုတာ ချက်ခြင်းရိပ်မိကြတယ်။ အချို့ကတော့ ပြင်သစ်နိုင်ငံရဲ့ သမားရိုးကျမဟုတ်သည့် စွမ်းအင်နှင့် အနူမြူစွမ်းအင်ကော်မရှင်ရဲ့ သုတေသနညွှန်မှူးတစ်ဦးဖြစ်တဲ့ သူ့အနေနှင့်  သူဒီလိုပြောတဲ့ အချိန်နှင့် သူ့လုပ်ပိုင်ခွင့်ကို အလွဲသုံးစာလုပ်တာဆိုပြီး ဝေဖန်ကြပါတယ်။

“ အချို့သော မှတ်ချက်တွေအရ  ကျွန်တော်ရေးတဲ့ပို့စ်ထဲမှာ ပရောက်ဆီမာ စင်တာယူရီ လို့ရေးထားတာဟာ နောက်ပြောင်ထားတာပါ” လို့ သူက ဖြည့်စွက်ရေးထားပါတယ်။

Source: Insider

#Proxima_Centauri

#Etienne_Klein

#Slice_of_chorizo

#LocalNews
Published_6 August 2022

ရန်ကုန်တိုင်းဒေသကြီး လှိုင်သာယာမြို့နယ် ၊ ရွှေလင်ဗန်းစက်မှုဇုန်အတွင်း ပိတ်သိမ်းခဲ့သည့်စက်ရုံ ၃ ရုံရှိကာ စက်ရုံ အသစ် ၁၅ ရုံ ဖွင့်လှစ်ခဲ့ကြောင်း သိရသည်။

၂၀၂၂ ခုနှစ် ဇန်နဝါရီလမှ လက်ရှိကာလထိ အသစ်ဖွင့်ခဲ့သည့် စက်ရုံများထဲတွင် အထည်ချုပ်စက်ရုံ ၆ ရုံပါဝင်ပြီး ဖြန့်ချိရေးစက်ရုံများနှင့် အခြားစက်ရုံများပါဝင်ကြောင်း ရွှေလင်ဗန်းစက်မှုဇုန်ကော်မတီထံက သိရသည်။

ရွှေလင်ပန်းစက်မှုဇုန်၌ စက်ရုံပေါင်း ၄၂၀ ခန့် လည်ပတ်လျက်ရှိပြီး ထိုစက်ရုံများအနက် အထည်ချုပ်စက်ရုံ ၅၉ ရုံအနေဖြင့် အလုပ်သမား ၈ သောင်းခန့် အလုပ်လုပ်ကိုင် ရရှိလျက်ရှိကြောင်းလည်း သိရသည်။

ymg/mt
#Yangon_Media_Group

#World_Health
Published 7 August 2022

အဟာရပြည့်ဝစွာစားသုံးခြင်းနဲ့ ကင်ဆာဖြစ်နိုင်ချေနည်းပါးခြင်းတို့ ဆက်စပ်နေကြောင်း လေ့လာချက်အများအပြားမှာ ဖော်ပြထားကြပါတယ်။

အခုလေ့လာချက်အသစ်တစ်ခုမှာတော့ ကာဗိုဟိုက်ဒရိတ်ဓာတ်က ကင်ဆာရောဂါအချို့ကို ကာကွယ်တဲ့နေရာမှာ အရေးပါတဲ့ကဏ္ဍကနေ ပါဝင်နေနိုင်ကြောင်း ဖော်ပြလာကြပါတယ်။

ငှက်ပျောသီး၊ ပါ့စ်တာခေါက်ဆွဲ၊ ဆန်၊ ကွေကာ၊ ဂျုံစပါးတို့မှာ ကာဗိုဟိုက်ဒရိတ်ဓာတ် ပါဝင်ကြပါတယ်။

ထိုအစားအစာတွေမှာ ပါဝင်တဲ့ အမျှင်ဓာတ်တွေက အချို့သောကင်ဆာဖြစ်နိုင်ချေတွေကို တဝက်ကျော်လောက်အထိ လျှော့ချနိုင်ကြောင်း သုတေသီများ တွေ့ရှိခဲ့ကြပါတယ်။

အူမကြီးကင်ဆာအပါအဝင် ကင်ဆာအများအပြားဖြစ်စေနိုင်တဲ့ Lynch Syndrome ဝေဒနာသည် ၁ ထောင်နီးပါးကို လေ့လာခဲ့ကြပါတယ်။

ကာဗိုဟိုက်ဒရိတ်ဓာတ်က အမျိုးမျိုးသောကင်ဆာဖြစ်နိုင်ချေများကို ၆၀ ရာခိုင်နှုန်းလျှော့ချပေးနိုင်ကြောင်း တွေ့ရှိခဲ့ရတယ်လို့ နယူးကာဆယ်တက္ကသိုလ်မှ အဟာရကျွမ်းကျင်ပညာရှင်ပရော်ဖက်ဆာ 'ဂျွန်မေသာစ်'က IFLScience ကို ပြောကြားခဲ့ပါတယ်။

ထိုသက်ရောက်မှုက အူအထက်ပိုင်းနေရာမှာ အထင်ရှားဆုံးဖြစ်နေပါတယ်။

"ဒီတွေ့ရှိချက်ကအရေးကြီးပါတယ်၊ ဘာကြောင့်လဲဆိုတော့ အစာအိမ်အူလမ်းကြောင်းအထက်ပိုင်းကင်ဆာက ရောဂါရှာဖွေတွေ့ရှိဖို့ခက်ခဲပြီး ရောဂါအစောပိုင်းအဆင့်မှာ လက္ခဏာမပေါ်ဘဲဖြစ်နေတတ်ပါတယ်" လို့ ပြောပြခဲ့ပါတယ်။

ကာဗိုဟိုက်ဒရိတ်ဓာတ်က အူတွေထဲမှာ ကောင်းကျိုးပြုဘက်တီးရီးယားများ တိုးပွားစေကာ ကင်ဆာလိုရောဂါတွေကိုကာကွယ်နိုင်မယ့် ဓာတုပစ္စည်းများထုတ်လုပ်ပေးပါတယ်။

ဒါကြောင့် အမျှင်ဓာတ်ပါဝင်တဲ့အစာတွေကို နေ့စဉ်စားသုံးခြင်းဖြင့် အူမကြီးကင်ဆာဖြစ်နိုင်ချေကို လျှော့ချပေးနိုင်တာဖြစ်ပါတယ်။

ကာဗိုဟိုက်ဒရိတ်ဓာတ်ဖြည့်စွက်စာတွေကို ၂ နှစ်တိုင်အောင် နေ့စဉ်သုံးစွဲခဲ့သူတွေမှာ အကျိုးသက်ရောက်မှုကို လေ့လာခဲ့ပြီး ဖြည့်စွက်စွာမသုံးဘဲ နောက် ၁၀ နှစ်အထိ လေ့လာစောင့်ကြည့်ခဲ့ကြပါတယ်။

ကာဗိုဟိုက်ဒရိတ်ဓာတ်စားသုံးတဲ့အခါ အစာရေမြို၊ အစာအိမ်၊ သည်းခြေလမ်းကြောင်း၊ ပန်ကရိယကင်ဆာများအပါအဝင် အစာအိမ်အူလမ်းကြောင်းကင်ဆာအခြေအနေတွေ သိသိသာသာတိုးတက်လာနိုင်ပါတယ်။

အက်စ်ပရင်ကလည်း Lynch Syndrome ဝေဒနာသည်တွေအတွက် အကျိုးပြုနိုင်ပြီး အူမကြီးကင်ဆာဖြစ်နိုင်ချေကို တဝက်လောက်အထိလျှော့ချနိုင်ပါတယ်။

ထိုကဲ့သို့တွေ့ရှိခဲ့ကြပေမယ့်လည်း နောက်ဆုံးကောက်ချက်ချဖို့အတွက်တော့ နောက်ထပ်လေ့လာမှုတွေ ပြုလုပ်ရဦးမှာဖြစ်ပါတယ်။

"အစာအိမ်အူလမ်းကြောင်းအပေါ်ပိုင်းကို ကာကွယ်ပေးနိုင်စွမ်းက သိပ်ပြီး မမျှော်မှန်းနိုင်သေးတာကြောင့် နောက်ထပ်သုတေသနပြုလုပ်ရဦးမှာဖြစ်ပါတယ်" လို့ စမ်းသပ်မှုများပြုလုပ်နေတဲ့ လိဒ်စ်တက္ကသိုလ်မှ ပရော်ဖက်ဆာ'တင်မ်ဘစ်ရှော့'က ပြောကြားခဲ့ပါတယ်။

Source: The Jerusalem Post
#Yangon_Media_Group

#Local_News
Published_ 6 Aug 2022

နိုင်ငံတော်၏ ငြိမ်းချမ်းရေးဆွေးနွေးရေးအဖွဲ့နှင့် ရှမ်းပြည်တိုးတက်ရေးပါတီ (SSPP) ဒုတိယဥက္ကဋ္ဌ(၁) ဦးဆောင်သော ကိုယ်စားလှယ်အဖွဲ့တို့ တွေ့ဆုံဆွေးနွေးပွဲ ဒုတိယနေ့ကို ဩဂုတ် ၆ ရက်နေ့ နံနက်ပိုင်းတွင် နေပြည်တော်၌ ဆက်လက်ကျင်းပပါတယ်။

ဆွေးနွေးပွဲသို့ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီဥက္ကဋ္ဌ၊ ငြိမ်းချမ်းရေးဆွေးနွေးရေး အဖွဲ့ခေါင်းဆောင် ဒုတိယ ဗိုလ်ချုပ်ကြီးရာပြည့်နှင့် အဖွဲ့ဝင်များ၊ ကော်မတီအတွင်းရေးမှူး ဒုတိယဗိုလ်ချုပ်ကြီး မင်းနောင်နှင့် ရှမ်းပြည်တိုးတက်ရေးပါတီ(SSPP)မှ ဒုတိယဥက္ကဋ္ဌ(၁) စဝ်ခေးတိုင်း၊ ဒုတိယဥက္ကဋ္ဌ(၂) စဝ်ခွန်ဆိုင်၊ ဗဟိုကော်မတီဝင် စဝ်နော်လိတ်တို့ တက်ရောက်ကြပါတယ်။
ဒုတိယနေ့ တွေ့ဆုံဆွေးနွေးပွဲတွင် နိုင်ငံရေးပါတီများအစုအဖွဲ့က ဖွဲ့စည်းပုံအခြေခံ ဥပဒေ (၂၀၀၈) ခုနှစ်မှ ပြင်ဆင်လိုသည့် အချက်များနှင့်စပ်လျဉ်း၍ အမျိုးသားစည်းလုံး ညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေးကော်မတီ၏ သဘောထားများအား ညှိနှိုင်းရေးကော်မတီဝင် ဒုတိယဗိုလ်ချုပ်ကြီး ဝင်းဗိုလ်ရှိန်က ရှင်းလင်းဆွေးနွေးပါတယ်။

ထို့နောက် ငြိမ်းချမ်းရေးနှင့် ဖွံ့ဖြိုးရေးဆိုင်ရာကိစ္စများအား နှစ်ဖက်ဆွေးနွေးညှိနှိုင်းကြပြီး ၃ ရက်တာ ဆွေးနွေးညှိနှိုင်းချက်များအရ သဘောတူညီချက်များကို အတည်ပြု လက်မှတ်ရေးထိုးခဲ့ကြကြောင်း သတင်းရရှိပါတယ်။

ygm_mnn
#Yangon_Media_Group

#World_Science
Published 7 August 2022

သုတ်ပိုးများ၊ မျိုးဥများနဲ့ သန္ဓေမျိုးအောင်ခြင်းအဆင့်တွေမပါဝင်တဲ့ ကမ္ဘာ့ပထမဆုံး လူလုပ်သန္ဓေသားကို သုတေသီများဖန်တီးနိုင်ခဲ့ကြပါပြီ။

ကြွက်တွေရဲ့ ပင်မစတမ်ဆဲလ်များကနေ အစာအိမ်အူလမ်းကြောင်း၊ ကနဦး ဦးနှောက်တည်ဆောက်ပုံနဲ့ နှလုံးပါဝင်တဲ့ အစောပိုင်းသန္ဓေသားလောင်းတည်ဆောက်ပုံများ ဖြစ်ပေါ်လာတာကို အစ္စရေးလ် ဝေ့ဇ်မန်းတက္ကသိုလ်မှသိပ္ပံပညာရှင်များက တွေ့ရှိခဲ့ကြပါတယ်။

ထိုလုပ်ငန်းစဉ်က တိရိစ္ဆာန်တွေနဲ့ထိတွေ့စမ်းသပ်ရတာမျိုး နည်းပါးပြီး လူသားတွေမှာ ဆဲလ်နဲ့တစ်ရှူးအစားထိုးခြင်းများအတွက် လမ်းစဖြစ်လာနိုင်ပါတယ်။

ဥပမာ သွေးကင်ဆာလူနာမှ အရေပြားဆဲလ်များကို ရိုးတွင်းခြင်ဆီပင်မစတမ်ဆဲလ်များအဖြစ် ပြောင်းလဲပေးပြီး ကုသပေးတာမျိုးဖြစ်ပါတယ်။

"သန္ဓေသားလောင်းပင်မစတမ်ဆဲလ်တွေကနေ သန္ဓေသားလောင်းကြီးဖြစ်ပေါ်လာပြီး အချင်းလည်း ဘေးမှာပါဝင်လာပါတယ်၊ ဒီလုပ်ငန်းစဉ်အကြောင်း စိတ်လှုပ်ရှားမိပါတယ်" လို့ ပရော်ဖက်ဆာ'ဂျေကော့ဟန်နာ'က ဆိုပါတယ်။

အချို့ဆဲလ်တွေကို ဓာတုပစ္စည်းများနဲ့ ထိတွေ့စေရပြီး အချင်းဖြစ်ပေါ်လာဖို့ မျိုးဗီဇစနစ်များအဖြစ်ပြောင်းလဲရပြီး အချို့ဆဲလ်တွေကတော့ အင်္ဂါတွေ တစ်ရှူးတွေကို အနှောင့်အယှက်မဖြစ်စေဘဲ ဖွံ့ဖြိုးလာကြပါတယ်။

လူလုပ်သန္ဓေသားတွေက သူတို့ရဲ့ဆဲလ်ရဲ့ မျိုးဗီဇပုံစံနဲ့ အတွင်းတည်ဆောက်ပုံများအတိုင်း ၉၅ ရာခိုင်နှုန်းတူညီပြီး သိပ္ပံပညာရှင်တွေရဲ့အဆိုအရ ထိုအင်္ဂါတွေဟာ ပုံမှန်အတိုင်းလုပ်ဆောင်နိုင်ခဲ့ပါတယ်။

လူလုပ်သန္ဓေသားတွေက တကယ့်သန္ဓေသားမဟုတ်တဲ့အတွက် သက်ရှိသတ္တဝါဖြစ်လာမှာ မဟုတ်ပါဘူး။

Renewal Bio ကုမ္ပဏီကတော့ လူလုပ်လူသားသန္ဓေသားတွေကနေ ဆေးဘက်ဆိုင်ရာ အခြေအနေအတွက် တစ်ရှူးနဲ့ဆဲလ်များရရှိစေနိုင်ဖို့ ရည်ရွယ်ထားပါတယ်။

"လူလုပ်လူသား သန္ဓေသားဖြစ်စဉ်ကို ချက်ချင်းဆောင်ရွက်နိုင်မှာ မဟုတ်သေးပါဘူး၊ ကြွက်သန္ဓေသားတွေလောက် မသိရှိရသေးတဲ့အပြင် လူလုပ်ကြွက်သန္ဓေသားတွေကို ထိထိရောက်ရောက်မလေ့လာနိုင်သေးတာကလည်း လူသားသန္ဓေသား ပြုလုပ်ဖို့အတွက် အလှမ်းဝေးနေပါတယ်၊ ဒါပေမဲ့အခုအချိန်က လူလုပ်လူသားသန္ဓေတု သုတေသနပြုလုပ်ခြင်းနဲ့ပတ်သက်ပြီး ဥပဒေကျင့်ဝတ်နဲ့အညီ ဆောင်ရွက်သွားဖို့ အချိန်ကောင်းဖြစ်ပါတယ်"လို့ လန်ဒန် ဖရန်ဆစ်ခရစ်တက္ကသိုလ်မှ ဒေါက်တာ'ဂျိမ်းစ်ဘရစ္စကိုး'က ပြောပြခဲ့ပါတယ်။

ပင်မစတမ်ဆဲလ်က ပြုလုပ်တဲ့ သန္ဓေသားတွေကို သိပ္ပံပညာရှင်များ ပိုမိုလေ့လာမယ်ဆိုရင် သန္ဓေသားအတုတွေနဲ့ သဘာဝသန္ဓေသားတွေ ပူးပေါင်းနိုင်တော့မှာ ဖြစ်ပါတယ်လို့ ပရော်ဖက်ဆာ'ပေါလ်တယ်ဆာ'က StatNews ကို ပြောကြားခဲ့ပါတယ်။

Source: The Guardian
#Yangon_Media_Group

#LocalNews
Published_7 August 2022

သြဂုတ်လ(၆)ရက်က မကွေးတိုင်းဒေသကြီး၊ စလင်းမြို့နယ်၊ သနပ်ကုန်းကျေးရွာအနီး၊ ဧရာဝတီမြစ်အတွင်း တွဲသင်္ဘော(၁)စီးမျောပါလာသဖြင့် သွားရောက်စစ်ဆေးရာသေဆုံးသူ ကျား(၃)ဦးကိုတွေ့ရှိရကြောင်း မြန်မာနိုင်ငံမီးသတ်တပ်ဖွဲ့၏ ထုတ်ပြန်ချက်အရသိရသည်၊၊

တွဲသင်္ဘောကို စလင်းမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များနှင့် သက်ဆိုင်ရာအဖွဲ့အစည်းများပူးပေါင်း၍ သွားရောက်စစ်ဆေးခဲ့သည်၊၊

ယင်းကဲ့သို့စစ်ဆေးရာတွင် တွဲသင်္ဘော၏ ဝမ်းဗိုက်ပေါက်ခြင်းကြောင့် ကျား(၃)ဦးမှာ ဝမ်းဗိုက်အတွင်းဆင်းဖာစဉ် အောက်စီဂျင်ပြတ်၍ ပြန်မတက်နိုင်ဘဲ သေဆုံးနေကြောင်း တွေ့ရှိရသဖြင့် သေဆုံးသူ ကျား(၃)ဦးတို့အား စလင်းမြို့နယ်ကြက်ခြေနီတပ်ဖွဲ့ပိုင်ယာဉ်ဖြင့် စလင်းမြို့နယ်ပြည်သူ့ဆေးရုံသို့ ပို့ဆောင်ပေးခဲ့ကြောင်း ထုတ်ပြန်ချက်တွင်ဖော်ပြပါရှိသည်၊၊

ymg/tthl
#Yangon_Media_Group

#Local_News
Published_6 August 2022

ပြီးခဲ့တဲ့ ရက်ပိုင်းက ဖျက်ဆီးခံထားရတဲ့ ရွှေလီ-မံစန်-ရွှေစာရံ ၂၃၀ KV ဓာတ်အားလိုင်းတာဝါတိုင်အမှတ် (၆၁၃) ပြုပြင်ပြီးပြီ လျှပ်စစ်ဝန်ကြီးဌာနက သိရပါတယ်။

#Yangon_Media_Group

#Local_News
Published - 6 August 2022

ပြည်တွင်းမှာ အလုပ်အကိုင်ရှားပါးလာတာနဲ့ လူခေါ်ပွဲစားတွေကြောင့် ထိုင်းနိုင်ငံကိုတရားမဝင် ဝင်ရောက်မှုတွေ များပြားလာတာဖြစ်တယ်လို့ သိရပါတယ်။

#Yangon_Media_Group

#Local_News
Published_6 August 2022

တရုတ်နဲ့ထိုင်ဝမ်ကြားတင်းမာမှုတွေကြောင့် တရုတ်နဲ့ထိုင်ဝမ်ကသင်္ဘောကုမ္ပဏီတွေမှာ အလုပ်လုပ်ကိုင်နေတဲ့ မြန်မာသင်္ဘောသားတွေအပေါ်သက်ရောက်မှုအချို့ ရှိလာနိုင်တယ်လို့ မြန်မာနိုင်ငံပင်လယ်ကူး သင်္ဘောသားအလုပ်သမားများ အဖွဲ့ချုပ်(MSF) ဥက္ကဌဦးစိုးမင်းအောင်က YMG ကို ပြောပါတယ်၊၊

#Yangon_Media_Group

#World_Art
Published 6 August 2022

အသက် ၇၀ အရွယ်ရှိ 'ချောင်ရှန်ကင်'ဟာ မာကျောက်ရုပ်တွေရဲ့ ပုံသဏ္ဍာန်နဲ့ တရုတ်စာလုံးတွေကို ထုထွင်းဖန်တီးသူဖြစ်ပြီး ဟောင်ကောင်က မာကျောက်ရုပ်ထုလုပ်သူတွေထဲမှာ နောက်ဆုံးလက်ကျန်သူတွေထဲက တစ်ဦးဖြစ်ပါတယ်။

#Yangon_Media_Group

#Health_Matters
Published - 6 August 2022

-ရေရှည်တည်တံ့တဲ့ ဆေးဝါးပံ့ပိုးမှု Sustainable Medicine Supply တစ်ခုဖြစ်ဖို့ ရေရှည်လုပ်ငန်းအဖြစ် ဘာတွေလုပ်သင့်သလဲ??

#Yangon_Media_Group