#World_Health
Published 24 November 2022

ကမ္ဘာတဝှမ်းက သေဆုံးရတဲ့အကြောင်းအရင်းတွေထဲမှာ ဒုတိယအဖြစ်အများဆုံးကတော့ ဘက်တီးရီးယားပိုးကူးစက်ခြင်းပဲ ဖြစ်ပါတယ်။

၂၀၁၉ ခုနှစ်တုန်းက သေဆုံးမှုအားလုံးကိုတွက်ကြည့်တဲ့အခါ ၈ ယောက်မှာ ၁ ယောက်နှုန်းက ဘက်တီးရီးယားကူးစက်မှုကြောင့် ဖြစ်ပါတယ်။

နိုင်ငံပေါင်း ၂၀၄ နိုင်ငံတဝိုက် အဖြစ်များတဲ့ ဘက်တီးရီးယားပိုး ၃၃ မျိုးနဲ့ ရောဂါကူးစက်မှု ၁၁ မျိုးတို့မှ လူသေဆုံးမှုများကို လေ့လာခဲ့ကြပြီး Lancet ဂျာနယ်မှာ ဖော်ပြခဲ့ကြပါတယ်။

ဒီရောဂါပိုးတွေကြောင့် ၇.၇ သန်းသေဆုံးခဲ့ပြီး ၂၀၁၉ ခုနှစ်က တစ်ကမ္ဘာလုံးမှ သေဆုံးသူတွေရဲ့ ၁၃.၆ ရာခိုင်နှုန်းရှိခဲ့ပါတယ်။

ဒါဟာ နှလုံးရောဂါပြီးနောက် သေဆုံးမှုဖြစ်ရတဲ့ ဒုတိယမြောက်အများဆုံး အခြေအနေဖြစ်ပါတယ်။

အဆိုပါသေဆုံးမှုတဝက်လောက်အတွက် ဘက်တီးရီးယားတွေထဲက ၅ မျိုးသာ တာဝန်ရှိခဲ့ပြီး စတက်ဖလိုကော့ကပ်စ်အော်ရီယပ်စ်၊ အီးကိုလိုင်၊ စထရပ်တိုကော့ကပ်စ်နျူမိုနီယေး၊ ကလက်ဆီယဲလားနျူမိုနီယေးနဲ့ ဆူဒိုမိုနက်စ်အေရူဂျီနိုဆာတို့ ဖြစ်ပါတယ်။

စတက်အော်ရီယပ်စ်က လူ့အရေပြားနဲ့ နှာခေါင်းတို့မှာ အဖြစ်များတဲ့ဘက်တီးရီးယားဖြစ်ပြီး အီးကိုလိုင်ကတော့ အစာအဆိပ်သင့်ခြင်းကို ဖြစ်စေပါတယ်။

"ဒီလေ့လာမှုက ဘက်တီးရီးယားကူးစက်မှုကြောင့် ကမ္ဘာလုံးဆိုင်ရာကျန်းမာရေးအန္တရာယ်ရှိနိုင်ပုံကို ပထမဆုံးဖော်ထုတ်ခဲ့တာဖြစ်ပါတယ်" လို့ စာတမ်းပြုစုသူ'ခရစ္စတိုဖာမာရေး'က ပြောကြားလိုက်ပါတယ်။

သုတေသနပြုချက်အရ ဆင်းရဲတဲ့နိုင်ငံတွေနဲ့ ချမ်းသာတဲ့နိုင်ငံတွေကြား ကွာဟချက်ကို တွေ့မြင်နေရပါတယ်။

ဝေးလံတဲ့အာဖရိကနေရာတွေမှာ လူဦးရေ ၁ သိန်းမှာ ဘက်တီးရီးယားကူးစက်မှုကြောင့် သေဆုံးသူ ၂၃၀ ဦးရှိနေပြီး ချမ်းသာတဲ့နိုင်ငံတွေမှာတော့ ၅၂ ဦးနှုန်းသာရှိပါတယ်။

သေဆုံးမှုနှုန်းလျှော့ချနိုင်ရန် ရန်ပုံငွေတိုးမြှင့်ခြင်း၊ ကာကွယ်ဆေးထိုးခြင်းများ ပိုမိုစီစဉ်ပေးရန်တောင်းဆိုလိုက်ပြီး အာမခံချက်မရှိတဲ့ ပိုးသတ်ဆေးများအသုံးပြုမှုကိုလည်း သတိပေးလိုက်ပါတယ်။

ဘက်တီးရီးယားကူးစက်မှုကာကွယ်ရန် လက်ဆေးကြောခြင်းက အသုံးဝင်တဲ့နည်းလမ်းဖြစ်ပါတယ်။

Source: CNA
#Yangon_Media_Group

#Local_News
Published_ 24 November 2022

အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီး ဦးကိုကိုလှိုင်သည် နိုဝင်ဘာ ၂၃ ရက်က ရုရှား-မြန်မာ ချစ်ကြည်ရေးနှင့် ပူးပေါင်းဆောင်ရွက်ရေးအသင်း ဒုတိယဥက္ကဋ္ဌ မစ္စတာ ဗစ်တလီ ဆိုလိုနက်စကိုင်း ဦးဆောင်သော ရုရှားဖက်ဒရေရှင်းနိုင်ငံမှ အဆင့် မြင့်ပညာရေး ကိုယ်စားလှယ်အဖွဲ့နှင့် မြန်မာ-ရုရှား နှစ်နိုင်ငံ ဆက်ဆံရေး မြှင့်တင်ရေးနှင့် ပညာရေးကဏ္ဍ ပူးပေါင်းဆောင်ရွက်မှု ပိုမိုတိုးမြှင့်ရေးဆွေးနွေးခဲ့ကြောင်း သိရပါတယ်။

နိုဝင်ဘာ ၂၃ ရက်က အပြည်ပြည်ဆိုင်ရာပူးပေါင်းဆောင်ရွက်ရေး ဝန်ကြီးဌာန၊ ပြည်ထောင်စုဝန်ကြီး၏ ဧည့်ခန်းမ၌ လက်ခံတွေ့ဆုံရာ၌ဆွေးနွေးခဲ့တာပါ။

ထို့ပြင် ရုရှားနိုင်ငံရှိ တက္ကသိုလ်များ မှ မြန်မာပညာ တော်သင်များ ပိုမိုတိုးချဲ့ခေါ်ယူရေး၊ မြန်မာနိုင်ငံမှ အသိပညာရှင် Think Tanks အဖွဲ့အစည်းများနှင့် ပိုမိုနီးကပ်စွာ ပူးပေါင်းဆောင်ရွက်ရေး အပေါ် အမြင်ချင်းဖလှယ် ဆွေးနွေးခဲ့ကြပါတယ်။

အဆိုပါတွေ့ဆုံပွဲသို့ နိုင်ငံခြားရေးဝန်ကြီးဌာနမှ အဆင့်မြင့် အရာရှိကြီးများနှင့် မြန်မာနိုင်ငံမဟာဗျူဟာနှင့် နိုင်ငံတကာလေ့လာရေးအဖွဲ့မှ ဝါရင့်အကြံပေးအဖွဲ့ဝင်နှင့် သေနင်္ဂမဟာဗျူဟာ လေ့လာရေးအဖွဲ့မှ အမှုဆောင်ဒါရိုက်တာ ဒေါက်တာနိုင်ဆွေဦး တက်ရောက်ခဲ့ကြပြီး၊ ရုရှား-မြန်မာ ချစ်ကြည်ရေးနှင့် ပူးပေါင်းဆောင်ရွက်ရေးအသင်း ဒုတိယဥက္ကဋ္ဌ မစ္စတာ ဗစ်တလီ ဆိုလိုနက် စကိုင်းနှင့်အတူ ရုရှားဖက်ဒရေးရှင်းနိုင်ငံရှိ နာမည်ကျော်တက္ကသိုလ်များမှ ဒုတိယပါမောက္ခချုပ်များ၊ ဌာနမှူးနှင့် The Alexander Gorchakov Public Diplomacy Fund မှ ဒုတိယအမှုဆောင် ဒါရိုက်တာတို့ အသီးသီးတက်ရောက်ခဲ့ကြကြောင်း သတင်းရရှိပါတယ်။

#ygm_mnn
#Yangon_Media_Group

#Local_News
Published_ 24 November 2022

Naypyitaw State Academy တွင် တက်ရောက်နေသည့် ကျောင်းသား ကျောင်းသူများ သွားလာရေး အဆင်ပြေစေရန် ကျောင်းဖယ်ရီကားများ ပြေးဆွဲနိုင်ရေး ညှိနှိုင်းအစည်းအဝေးကို နိုဝင်ဘာ၂၃ ရက်တွင် Naypyitaw State Academy အစည်းအဝေးခန်းမ၌ ကျင်းပခဲ့ကြောင်း သိရပါတယ်။

ဦးစွာ ဒုတိယပါမောက္ခချုပ် ဒေါက်တာနုနုလွင်က Naypyitaw State Academy ၏ မျှော်မှန်းချက်၊ ဖွဲ့စည်းပုံ၊ အကျယ်အဝန်း၊ လက်ရှိသင်ကြား ဆောင်ရွက်နေမှု၊ မြို့နယ်အလိုက်၊ ဝန်ကြီးဌာနအလိုက်ကျောင်း တက်ရောက်မှု၊ ဆက်လက်တိုးချဲ့သင်ကြား ဆောင်ရွက်ရန်စီစဉ်နေမှုကို ရှင်းလင်းတင်ပြပါတယ်။

ပညာရေးဝန်ကြီး ဒေါက်တာညွန့်ဖေက နိုင်ငံတော်ဝန်ကြီးချုပ်ရဲ့ လမ်းညွှန်မှုဖြစ်တဲ့ မြို့နယ်အသီးသီးမှ ကျောင်းသား ကျောင်းသူများ သွားလာရေး အဆင်ပြေစေရေး၊ အေးချမ်းပျော်ရွှင်စွာ ပညာသင်ကြားနိုင်ရေးအတွက် ပညာရေးဝန်ကြီးဌာနနှင့် နေပြည်တော်ကောင်စီတို ပူးပေါင်းညှိနှိင်း၍ အကောင်အထည်ဖော် ဆောင်ရွက်ကြမှာ ဖြစ်တယ်လို့ ဆိုပါတယ်။

နေပြည်တော်ကောင်စီဥက္ကဋ္ဌ ဦးတင်ဦးလွင်က Naypyitaw State Academy တွင် တက်ရောက်ပညာသင်ကြားနေသော ကျောင်းသား ကျောင်းသူများ သာမက နေပြည်တော် နည်းပညာတက္ကသိုလ်၊ အစိုးရစက်မှု၊ လက်မှုသိပ္ပံ(နေပြည်တော်) နှင့် အစိုးရနည်းပညာ အထက်တန်းကျောင်း (နေပြည်တော်)တိုမှ ကျောင်းသားများပါ အတွက် ဖယ်ရီကားများ ပြေးဆွဲဆောင် ရွက်ပေးနိုင်ရေးအတွက် ခရိုင်/ မြိုနယ်အုပ်ချုပ်ရေးမှူးများ၊ သက်ဆိုင်ရာဌာနအသီးသီးနှင့် မထသ(မြိုတွင်း)ဥက္ကဋ္ဌ၊ မထသ(အဝေးပြေး) ဥက္ကဋ္ဌများက ဝိုင်းဝန်းပူးပေါင်း အကောင်အထည်ဖော် ဆောင်ရွက်ရေး အသေးစိတ်လုပ်ငန်းစဉ်များကို ဆွေးနွေးခဲ့ကြောင်း သတင်းရရှိပါတယ်။

#ygm_mnn
#Yangon_Media_Group

Published 23 Nov 2022

တရုတ်နိုင်ငံက မင်သက်ရှုမောဘွယ်ရာ နေရဲ့မျက်နှာပြင် သိပ္ပံနည်းကျ ပုံရိပ်တွေကို တနင်္လာနေ့က ထုတ်ပြန်ပေးလိုက်ပါတယ်။ ကမ္ဘာပေါ်မှာ တစ်ခုတည်းသော စက်ဖြစ်တဲ့HXI လို့ခေါ်တဲ့ တောင့်တင်းသော အိတ်စ်ရေးပုံရိပ်စက်ကနေ ပထမဆုံးထုတ်လုပ်ပေးလိုက်တဲ့ ပုံတွေလည်းဖြစ်ပါတယ်။

တရုတ်သိပ္ပံအကယ်ဒမီရဲ့ ခရမ်းတောင်တန်း နက္ခတ်တာရာ စူးစမ်းလေ့လာရေးဌာနက ထုတ်ပြန်လိုက်တဲ့ ယခုပုံတွေကို အောက်တိုဘာလကလွှတ်တင်ခဲ့တဲ့ တရုတ်ရဲ့ ကောဖူး-၁ ဂြိုဟ်တုနှင့် ယင်းရဲ့ ခေတ်မီအကာကာသအခြေခံ နေစူးစမ်းလေ့လာရေးအဖွဲ့တို့ ကနေ ဖမ်းယူ ရရှိခဲ့တာပါ။

ယခုထုတ်ပြန်တဲ့ပုံတွေထဲမှာ ယခုနှစ် နိုဝင်ဘာ ၁၁ရက်နေ့ နေ့လယ်တစ်နာရီမှာ နေကနေဖြာထွက်လာတဲ့ အမ်အဆင့် အလင်းတန်းတွေကို တွေ့ကြရမှာဖြစ်ပါတယ်။

Source CCTV+

#Local_News
Published_ 23 November 2022

ရှားပါးစာအုပ်ပြပွဲ၊ ကလေးစာကြည့်တိုက်အစီအစဉ်နှင့်အမှတ်တရဈေးရောင်းပွဲတော်ကို နိုဝင်ဘာလ (၂၅)ရက်မှ(၂၇)ရက်အထိ နေပြည်တော်အမျိုးသားစာကြည့်တိုက်မှာ ကျင်းပသွားမှာဖြစ်တယ်လို့ သိရပါတယ်၊၊

#Yangon_Media_Group

#World_Fashion
Published 23 November 2022

အာဖရိကမှာ အချမ်းသာဆုံးအမျိုးသမီးတွေထဲက တစ်ဦးဖြစ်တဲ့ တောင်အာဖရိကလူမျိုး'မိုလွိုင်မော့ဆက်ပီ'ဟာ ယဉ်ကျေးမှုကွဲပြားခြားနားတဲ့တိုက်ကြီးမှ ငယ်ရွယ်တက်ကြွတဲ့ ဖက်ရှင်ဒီဇိုင်နာများကို မြှောက်စားပေးနေသူ ဖြစ်ပါတယ်။

#Yangon_Media_Group

#Local_News
Published_ 23 November 2022

အကြောင်းအမျိုးမျိုးကြောင့် ရေပြတ်လတ်သွားတဲ့ ဆေးရုံကြီးတွေ၊ရိပ်သာတွေနဲ့ မီးမလာလို့ရေပြတ်လတ်နေတဲ့ ရပ်ကွက်နေပြည်သူတွေကို ရေဘောက်ဆာကားတွေနဲ့ ရေလှူဒါန်းပေးနေတယ်လို့ ရှင်သန်ရေးကူညီမှုအသင်းထံမှ သိရပါတယ်၊၊

#Yangon_Media_Group

#Local_News
Published_23 November 2022

ပြည်ပက ဝယ်လိုအားများနေတာကြောင့် ပြည်တွင်းကြက်သွန်းဈေးနှုန်းဟာ မြင့်တက်နေတာဖြစ်တယ်လို့ ဘုရင့်နောင်ကုန်စည်ဒိုင်ဥက္ကဋ္ဌ ဦးခင်ဟန်က ပြောပါတယ်။

#Yangon_Media_Group

#Local_News
Published _ 23 November 2022

လက်ရှိအနေအထားအရ နိုဝင်ဘာလနဲ့ ဒီဇင်ဘာလတွေဟာ အောင်ပန်းလိမ္မော်သီးတွေပေါတဲ့ ရာသီချိန်ဖြစ်နေပြီး လိမ္မော်သီးဈေးတွေကလဲ ကောင်းနေတယ်လို့ အောင်ပန်းကုန်စည်ဒိုင်ကနေ သိရပါတယ်။

#Yangon_Media_Group

#DailyNews
Published _ 23 November 2022

၁။ အောင်ပန်းလိမ္မော် လှိုင်လှိုင်ပေါနေပြီး ဈေးကောင်းရရှိနေ

၂။ ပြည်ပဝယ်လိုအားများနေ၍ ကြက်သွန်ဈေးနှုန်းမြင့်တက်နေခြင်းဖြစ်ဟုဆို

၃။ မီးမလာ၍ရေပြတ်လတ်သွားသည့် ဆေးရုံကြီးများနှင့်ရပ်ကွက်နေပြည်သူများကို ရေလှူဒါန်းပေးနေ

၄။ အာဖရိက ဖက်ရှင်လောကကိုဦးဆောင်နေသူ နာမည်ကျော် တောင်အာဖရိကအမျိုးသမီးမိုလွိုင်မော့ဆက်ပီ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_23 November 2022

ရှမ်းနီတိုင်းရင်းသားတို့ရဲ့ ကောက်ဦးဆွမ်းကပ်အလှူပွဲကို ဒီကနေ့ နိုဝင်ဘာလ ၁၃ ရက် မနက်ပိုင်းမှာ ပြုလုပ်ခဲ့ကြပါတယ်။

#Yangon_Media_Group

#Local_News
Published_23 November 2022

ပဲခူးတိုင်းဒေသကြီး၊ အုတ်တွင်းမြို့၊ ရန်ကုန်-မန္တလေးလမ်းဟောင်း၊ Patrol-K ဆီဆိုင်အနီးတွင် ယနေ့ နံနက် ၈ နာရီခွဲခန့်ကပင်စင်လစာလာထုတ်သူ အမျိုးသားတစ်ဦးနှင့် သူစီးလာသော ဆိုင်ကယ်မောင်းနှင်သူ ကယ်ရီသမားတို့ ကားတိုက်ခံရ၍ သေဆုံး ခဲ့ကြကြောင်း သိရသည်။

ဒေသခံများပြောပြချက်အရ ယင်းတို့ နှစ်ဦးစီးလာသော မော်တော်ဆိုင်ကယ်ကို ယာဉ်တစ်စီးမှ နောက်ကနေ၍ တိုက်မိခဲ့ကာ တက်ကြိတ်မိသွားသည့် ပုံစံမျိုး ဖြစ်သွားကာ နှစ်ဦးလုံး ပွဲချင်းပြီး သေဆုံးခဲ့ကြကြောင်း သိရသည်။

သေဆုံးသူမှာ ပဲခူးတိုင်းဒေသကြီး၊ အုတ်တွင်းမြို့နယ်၊ ဘုရားလေးကျေးရွာနေ ဦးတင်လှဆိုသူဖြစ်ပြီး ဦးကျင်ထူးဆိုသူ၏ ဆိုင်ကယ် ကယ်ရီဖြင့် အုတ်တွင်းမြို့သို့ ပင်စင်လာစာထုတ်ရန် သွားရောက်စဉ် ရန်ကုန် -မန္တလေးလမ်းဟောင်း၊ Patrol-K ဆီဆိုင်ရှေ့အရောက်တွင် အဆိုပါဆိုင်ကယ်၏ နောက်က မောင်းလာသည့် Faw ကားနှင့်တိုက်မိခဲ့ခြင်း ဖြစ်ကြောင်း၊ သေဆုံးသူများ၏ ရုပ်အလောင်းများကို ရင်ခုန်သံ လူမှုကူညီရေးအသင်း(အုတ်တွင်းမြို့) က မော်တော်ယာဉ်ဖြင့် အုတ်တွင်းမြို့နယ်ဆေးရုံ ရင်ခွဲရုံသို့ ပို့ဆောင်ပေးထားကြောင်း သိရသည်။

#ymg/mt
#Yangon_Media_Group