#Local_News
Published _ 18 August 2022

ပြည်တွင်းရွှေဈေးကွက်မှာ YGEA ရန်ကုန်တိုင်းရွှေလုပ်ငန်းရှင်များအသင်းချုပ်ရဲ့ နေ့စဉ်ရည်ညွှန်းဈေးတွေအရ ဒီကနေ့ သြဂုတ်လ ၁၈ ရက်နေ့မှာ ကျပ်သိန်းနှစ်ဆယ် ခြောက်သောင်း သုံးထောင်ကျော်ရှိနေတာပါ။ ဒါကြောင့် ပြီးခဲ့တဲ့ သြဂုတ်လ ၁၃ ရက်နေ့ကဈေးနဲ့ ယှဉ်လိုက်ရင် ကျပ် ၄ သောင်းကျော် ကျဆင်းသွားတာပဲ ဖြစ်ပါတယ်။

#Yangon_Media_Group

#Local_News
Published_18 August 2022

ပုဂံရှေးဟောင်းသုတေသနပြတိုက်ကို ပြတိုက်အဆောက်အဦးနဲ့ခင်းကျင်းပြသမှုပုံစံတွေကို အဆင့်မြှင့်တင်မှာဖြစ်သလို ဒစ်ဂျစ်တယ်ပြတိုက်အနေနဲ့လည်း AIနည်းပညာနဲ့ပြသနိုင်ဖို့အထိ အဆင့်မြှင့်တင်ဆောင်ရွက်သွားဖို့ရှိတယ်လို့ ပုဂံရှေးဟောင်း သုတေသနဌာနက ညွှန်ကြားရေးမှူး ဦးကျော်မျိုးဝင်းက YMG ကို ပြောပါတယ်၊၊

#Yangon_Media_Group

#DailyNews
Published - 18 August 2022

၁။ ပုဂံရှေးဟောင်းသုတေသနပြတိုက်ကို ပုံစံနှစ်မျိုးဖြင့်
အဆင့်မြှင့်တင်မည်

၂။ ပြည်တွင်းရွှေဈေး YGEA ရည်ညွှန်းဈေးများအရ ၅ ရက်အတွင်း ကျပ် ၄ သောင်းကျော် ကျဆင်းလာ

၃။ ကိုဗစ်ဖြင့်သေဆုံးသူ ၃ ဦးသည် ရောဂါခံကြောင့် သေဆုံးခြင်းဖြစ်ဟုဆို

၄။ အီဂျစ်မြို့တော်ကိုင်ရိုတွင် ပက်ဒယ်အားကစားလူကြိုက်များလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_18 August 2022

ပြီးခဲ့တဲ့ ၂၀၂၁ ခုနှစ် ဖေဖော်ဝါရီလ ၁ ရက်နေ့ကနေ လက်ရှိအချိန်ထိ ၁၈ လ တာ ကာလအတွင်းမှာ သီလဝါအထူးစီးပွားရေးဇုန်ရဲ့ ရင်းနှီးမြှုပ်နှံမှု ပမာဏဟာ အမေရိကန်ဒေါ်လာ သန်း ၁၀၀ လောက် ရှိတယ်လို့ သိရပါတယ်။

#Yangon_Media_Group

#Local_News
Published -18 August 2022

တောင်ကိုရီးယားအလုပ်အကိုင် (EPS)စာမေးပွဲကို ယခင်သတ်မှတ်ထားသည့်ရက်ထက် ကျော်လွန်နေပြီး ပြုလုပ်နိုင်ခြင်းမရှိသေးကြောင်းစာမေးပွဲဖြေဆိုမည့်သူများထံမှ သိရသည်။

EPSစာမေးပွဲကို သြဂုတ် ၁၆ရက်ကစပြီး ကျင်းပသွားမည်ဟု ကြေညာ ယထားပြီး သြဂုတ် ၁၈ရက်အထိ ပြုလုပ်ပေးခြင်းမရှိသေးကြောင်း ၎င်းတို့က ဆိုသည်။

အဆိုပါ စာမေးပွဲကို ရွှေ့ဆိုင်းသည်ဟု ပြည်ပအလုပ်အကိုင်အေဂျင်စီမှ တရားဝင်ကြေညာထားခြင်းမရှိကြောင်း သိရသည်။

အဆိုပါ စာမေးပွဲကို ဖြေဆိုရန်လျှောက်လွှာတင်ထားသူ ၃၇,၀၀၀ ကျော်ရှိပြီး အောင်မြင်ခွင့်ရမည့်သူ ၁၀,၀၀၀ ဝန်းကျင်ရှိမည်ဟု ခန့်မှန်းထားကြောင်း သိရသည်။

ပြည်တွင်း၌ အလုပ်အကိုင် ရှားပါးလာမှုကြောင့် ပြည်ပသို့ ထွက်ခွာအလုပ်လုပ်သူများပြားလာကာ ယင်းတွင် တရားမဝင် သွားရောက်နေသူ ပိုများနေကြောင်း သိရသည်။

ymg/sth
#Yangon_Media_Group

#World_News
Published 18 August 2022

ထိုင်းမြောက်ပိုင်းခေါက်ဆွဲ(Khao Soi)ဟာ ကမ္ဘာပေါ်က အကောင်းဆုံးစွပ်ပြုတ်ဟင်းလျာ ၅၀ မျိုးထဲမှာ ပါဝင်ခဲ့ပြီးနောက် ကမ္ဘာ့အဆင့်မှာ တိုင်းပြည်ရဲ့စီးပွားရေးအားသာချက်ကို မြှင့်တင်သွားနိုင်ရန် အဆိုပါဟင်းလျာကို အသုံးချပြီး ဈေးကွက်ချဲ့ထွင်သွားမှာဖြစ်ကြောင်း ထိုင်းနိုင်ငံဝန်ကြီးချုပ်'ပရာယွတ်ချန်အိုချာ'က အင်္ဂါနေ့မှာ ပြောကြားလိုက်ပါတယ်။

အစိုးရမှကြီးမှူးပြုလုပ်တဲ့ ဘန်ကောက်အစားအစာပြပွဲမှာ မြောက်ပိုင်းရိုးရာ Khao Soi ခေါက်ဆွဲကို ဝန်ကြီးချုပ်က စားသုံးမြည်းစမ်းပြီးနောက် "နိုင်ငံခြားသားတွေကြား ထိုင်းအစားအစာတစ်ခု နာမည်ရလာတာ တကယ်ကိုသတင်းကောင်းဖြစ်ပါတယ်" လို့ ပြောကြားခဲ့ပါတယ်။

Khao Soi ကို အုန်းနို့ဖြင့်ပြုလုပ်ထားပြီး အသား၊ ကြက်ဥခေါက်ဆွဲ၊ သံပရာသီး၊ ဂေါ်ဖီချဉ်၊ ကြက်သွန်နီ၊ ငရုတ်သီးများ ပါဝင်ပါတယ်။

စစ်မှန်တဲ့ဒေသတွင်း အစားအစာစားသောက်ဆိုင်များကို မှတ်တမ်းတင်ဖော်ပြတဲ့ TasteAtlas ဒီဂျစ်တယ်ပလက်ဖောင်းရဲ့ဖော်ပြချက်အရ Khao Soi ဟာ ကမ္ဘာပေါ်က အကောင်းဆုံးစွပ်ပြုတ်စာရင်းထဲမှာ ပါဝင်ခဲ့ပါတယ်။

ထိုဟင်းရည်ကို ၁၉ ရာစုနဲ့ ၂၀ ရာစုများအတွင်း တရုတ်မွတ်ဆလင်ကုန်သည်များက ယူနန်ကနေ ထိုင်းမြောက်ပိုင်းကို ယူဆောင်လာခဲ့တယ်လို့ ယူဆရပါတယ်။

Khao Soi က ဒေသထွက်ပစ္စည်းများနဲ့ ပေါင်းစပ်ပြုလုပ်ထားတဲ့ အုန်းနို့ခေါက်ဆွဲမျိုးဖြစ်ကြောင်း TasteAtlas က ဖော်ပြထားကာ ထိုစာရင်းထဲမှာ ထိုင်းနိုင်ငံရဲ့ တုန်ယမ်းဟင်းရည် (tom yum kung) နဲ့ ကြက်သားအုန်းနို့ချဉ်စပ်ဟင်းရည် (tom kha gai) တိုလည်း ပါဝင်လာပါတယ်။

Khao Soi က အခုဆိုရင် တိုင်းပြည်းစီးပွားရေးမြှင့်တင်ပေးနိုင်မယ့် အားသာချက်တစ်ခုဖြစ်လာပြီး ဆိုရှယ်မီဒီယာမှ နာမည်ကျော်များဖြင့် ထိုအစားအစာကို ပိုမိုကျော်ကြားလာအောင်ပြုလုပ်ပေးဖို့ ဒီဂျစ်တယ်စီးပွားရေးနဲ့ လူမှုဝန်ကြီးဌာနကို ညွှန်ကြားလိုက်ပါတယ်။

ထိုင်းနိုင်ငံမှာ အစားအစာ၊ ရုပ်ရှင်၊ ဖက်ရှင်၊ မွေထိုင်း၊ နိုင်ငံရပ်ခြားပွဲတော် စတဲ့ကဏ္ဍ ၅ ရပ်ကို မြှင့်တင်မယ့် 5 Fs soft power မူဝါဒလမ်းစဉ်ကို ဧပြီလက အကောင်အထည်ဖော်ခဲ့ပါတယ်။

ယခုနှစ်အစောပိုင်းတုန်းက ကယ်လီဖိုးနီးယားက ကိုချယ်လာဂီတပွဲတင်ဆက်မှုအတွင်း သရက်ကောက်ညှင်းဟင်းလျာကို နာမည်ကြီးအောင်ပြုလုပ်နိုင်ခဲ့တဲ့ ထိုင်းရက်ပါအဆိုတော် အစိုးရဝေဖန်ရေးပုဂ္ဂိုလ် 'ဒါနူပါမီလီကာနာတီရာကူလ်'ကိုလည်း 'ပရာယွတ်'က ချီးကျူးခဲ့ပါတယ်။

ထိုင်းတို့ရဲ့အချိုပွဲကိုလည်း ယဉ်ကျေးမှုအမွေအနှစ်စာရင်းထဲ ထည့်သွင်းနိုင်ရန်အတွက် ယူနက်စ်ကိုသို့တင်ပြရန်စီစဉ်နေကြောင်း အစိုးရကပြောကြားခဲ့ပါတယ်။

Source: South China Morning Post
#Yangon_Media_Group

#Local_News
Published -18 August 2022

ငွေလွှဲ၊ ငွေထုတ်သူများကို လျှို့ဝှက်ဓာတ်ပုံရိုက်ထားရန်နှင့် မိုဘိုင်းငွေကြေး လုပ်ငန်းများကို CCTV ကင်မရာ တပ်ဆင်ထားရန် ဗဟိုဘဏ် ညွှန်ကြားချက်ထုတ်ထားကြောင်း သိရသည်။

KBZ Pay ၊ Wave Money စသည့် မိုဘိုင်းငွေကြေး ဝန်ဆောင်မှုလုပ်ငန်း လုပ်သည့်သူများအနေဖြင့် ငွေလွှဲငွေထုတ်သူတွေကို မှတ်တမ်းတင်ထားနိုင်ရန်နှင့် ဆိုင်များတွင် CCTV ကင်မရာတပ်ဆင်ခြင်း (သို့မဟုတ်) ငွေလွှဲ၊ ငွေထုတ်သူတွေကို လျှို့ဝှက်ဓာတ်ပုံရိုက်ယူထားရန် ဗဟိုဘဏ်က အသိပေးချက်ထုတ်ထားသည်။

ယင်းအပြင် ဩဂုတ်လ ၁၅ ရက်နေ့မှ စပြီး မိုဘိုင်းငွေစာရင်းအသစ်ဖွင့်လှစ်ခြင်းကို အမည်၊ နိုင်ငံသားစိစစ်ရေးကတ်ပြား အရှေ့/အနောက်ပုံ၊ ဖုန်းနံပါတ်၊ Face ID (Live Photo) စတဲ့ Know Your Customer (KYC) အချက်အလက် အပြည့်အစုံ ရယူပြီးမှ ဖွင့်လှစ်ပေးရန်လည်း ညွှန်ကြားထားသည်။

ငွေလွှဲသူနှင့် ငွေလက်ခံသူများ၏ အမည်၊ နိုင်ငံသားစိစစ်ရေးကတ်နံပါတ်၊ ဖုန်းနံပါတ်၊ နေရပ်လိပ်စာတွေ ငွေလွှဲပေးတဲ့ အကြောင်းအရင်းကိုလည်း အပြည့်အစုံရယူထားရန်လည်း အသိပေးထားသည်။

ymg/sth
#Yangon_Media_Group

#Local_News
Published _ 18 August 2022

စက်သုံးဆီစျေးနှုန်းများ ယနေ့ သြဂုတ်လ ၁၈ ရက်တွင်၂၂၀၀ ကျပ်ကျော်သို ပြန်လည်ရောက်ရှိခဲ့သဖြင့် ရန်ကုန်တိုင်းအတွင်း 92 Ron တစ် လီတာလျင် ၂၂၉၀ ကျပ်ဖြစ်လာခဲ့သည်ကို စက်သုံးဆီတင်သွင်းသို လှောင်ဖြန့်ဖြူခြင်းလုပ်ငန်းကြီးကြပ်ရေးကော်မတီမှ ထုတ်ပြန်သည့် ရည်ညွှန်းလက်လီစျေးနှုန်းများအရ သိရသည်။

မန္တလေး၊ နေပြည်တော်၊ ပဲခူး၊ မကွေး၊ ထားဝယ်၊ မုံရွာ၊ ပုသိမ်၊ ဘားအံ၊ မော်လမြိုင်၊ လားရှိုး၊ တောင်ကြီး၊ လွိုင်ကော်တို့တွင်လည်း 92 Ron တစ်လီတာလျင် ၂၃၀၀ ကျပ်ကျော်ရှိကြောင်း သိရသည်။

ယင်းပြင် မြစ်ကြီးနားနှင့်စစ်တွေမြို့များတွင် 92 Ron တစ်လီတာလျင် ၂၄၀၀ ကျပ်ကျော်၊ ဟားခါးတွင် ၂၅၀၀ ကျပ်ကျော်နှင့် ကျိုင်းတုံတွင် ၂၉၀၀ ကျပ် ကျော်ရှိကြောင်း သိရသည်။

စက်သုံးဆီတင်သွင်းသိုလှောင်ဖြန့်ဖြူခြင်းလုပ် ငန်းကြီးကြပ်ရေးကော်မတီ၏ ယနေ့ထုတ်ပြန်ခဲ့သည့် စက်သုံးဆီရည်ညွှန်းစျေးနှုန်းများအရ ရန်ကုန်တိုင်းအတွင်း၌ လက်လီစျေးအဖြစ် 92 Ron တစ်လီတာလျင် ၂၂၉၀ ကျပ်၊ 95 Ron တစ်လီတာလျင် ၂၃၇၀ ကျပ်၊ HSD (500 ppm) တစ်လီတာလျင် ၂၆၈၅ ကျပ် သတ်မှတ်ခဲ့သည်။

HSD (50 ppm)နှင့် HSD (10 ppm)တိုမှာ တစ်လီတာလျင် ၂၇၆၀ ကျပ်အဖြစ် စက်သုံးဆီရည်ညွှန်းလက်လီစျေးနှုန်းများအဖြစ် သတ်မှတ်ခဲ့သည်။

စက်သုံးဆီတင်သွင်းသိုလှောင်ဖြန့်ဖြူခြင်းလုပ်ငန်းကြီးကြပ်ရေးကော်မတီ၏ စက်သုံးဆီရည်ညွန်းလက်ကားစျေးနှုန်းမှာလည်း ရန်ကုန်တိုင်း၌ 92 Ron တစ်လီတာလျင် ၂၁၈၃ ကျပ်၊ 95 Ron တစ်လီတာလျင် ၂၂၆၀ ကျပ်၊ HSD(500 ppm) တစ်လီတာလျင် ၂၅၆၆ ကျပ်၊ HSD (50 ppm)နှင့် HSD(10 ppm)တိုမှာ တစ်လီတာလျင် ၂၆၃၉ ကျပ်တိုဖြစ်သည်။

ယင်းစျေးနှုန်းများအား စက်သုံးဆီတင်သွင်းသိုလှောင်ဖြန့်ဖြူခြင်းလုပ်ငန်းကြီးကြပ်ရေးကော်မတီမှ MOPS စျေးနှုန်းအပေါ်တွင် အခြေခံတွက်ချက်ထားခြင်းဖြစ်ကာ စက်သုံးဆီဝယ်ယူသူများအနေဖြင့် ကျေနပ်မှုမရှိပါက ကော်မတီထံ ဆက်သွယ်တိုင်ကြားနိုင်ကြောင်းလည်း သိရသည်။

ymg/NN
#Yangon_Media_Group

#Local_News
Published _ 18 August 2022

လာမည့်သုံးနှစ်အတွင်း ပြည်ပသို့ဆန်တန်ချိန် လေးသန်းခန့်အထိ တိုးမြှင့်တင်ပို့နိုင်ရန် မျှော်မှန်းလုပ်ဆောင်နေကြောင်း မြန်မာနိုင်ငံဆန်စပါးကုန်သည်များအသင်းမှ သိရသည်၊၊

မြန်မာ့ဆန်တွေကို ပြည်ပက ဝယ်ယူမှု မြှင့်တက်လာတာကြောင့် ပုံမှန်ထက်ပိုမိုတင်ပို့လာနိုင်ပြီး လာမည့် ၂၀၂၅-၂၀၂၆ ခုနှစ်ဘဏ္ဍာနှစ်မှာ ဆန်တန်ချိန် လေးသန်းအထိ တိုးမြှင့်တင်ပို့ရန် စီစဉ်ထားကြောင်း သိရသည်။

လက်ရှိ မြန်မာနိုင်ငံမှ ပြည်ပသို့ တစ်လလျှင် ပျမ်းမျှ ဆန်တန်ချိန် နှစ်သိန်းခန့်တင်ပို့နေရပြီး ယခုဘဏ္ဍာနှစ်တွင် ပြည်ပသို့ဆန်တန်ချိန် နှစ်သန်းခန့် တင်ပို့နိုင်ရန် ဆောင်ရွက်နေကြောင်းလည်း သိရသည်။

ymg/NN
#Yangon_Media_Group

#Local_News
Published_ 18 Aug 2022

နှစ်စဉ်ပျဉ်းမျှ ဝါးအလုံးရေ ၁၄၇ သန်းနှင့် ကြိမ်အလုံးရေ ၄.၈ သန်းကျော် ထုတ်လုပ်နိုင်ခဲ့ပြီး ပြည်တွင်း/ပြည်ပဝင်ငွေများ ရှာဖွေပေးလျက်ရှိကြောင်း မြန်မာနိုင်ငံ ကြိမ်နှင့်ဝါး လုပ်ငန်းဖွံ့ဖြိုးတိုးတက်ရေး လုပ်ငန်းညှိနှိုင်း အစည်းအဝေးတွင် သယံဇာတနှင့် သဘာဝ ပတ်ဝန်းကျင် ထိန်းသိမ်းရေးဝန်ကြီးဌာနဝန်ကြီး ဦးခင်မောင်ရီက ပြောကြားခဲ့ပါတယ်။

မြန်မာနိုင်ငံသည် အာရှတွင်တတိယမြောက် ဝါးနှင့်ကြိမ် သယံဇာတ ကြွယ်ဝသော နိုင်ငံဖြစ်ပြီး ဝါးမျိုးစု ၂၁ မျိုးနှင့် ဝါးမျိုးစိတ် ၁၀၂ မျိုး၊ ကြိမ်မျိုးစု ၆ မျိုးနှင့် ကြိမ်မျိုးစိတ် ၃၂ မျိုး ပျံ့နှံ ပေါက်ရောက်လျက်ရှိရာ စီးပွားရေးအရ အရေးပါသော ဝါးမျိုးစိတ် ၁၈ မျိုးနှင့် ကြိမ်မျိုးစိတ် ၁၄ မျိုးရှိကြောင်း သိရပါတယ်။

ပြည်ပစျေးကွက်သို့ တင်ပို့ရောင်းချမှုတွင် ကုန်ကြမ်းများ တင်ပို့ခြင်းထက် ဝါးအချောထည်ပစ္စည်းများ တိုးမြှင့်ထုတ်လုပ် တင်ပို့နိုင်ရန် ကြိုးပမ်းဆောင်ရွက်သွားကြရန်၊ ကြိမ်နှင့် ဝါးအခြေခံ စက်မှုလုပ်ငန်းများ တိုးတက်လာစေရန်အတွက် စက်ရုံများအတွက်လိုအပ်သော ဝါးကုန်ကြမ်းများ စဉ်ဆက်မပြတ်ရရှိရေး သဘာဝတောများမှသာမက ဝါးစိုက်ခင်း များ တည်ထောင်၍ ဖြည့်ဆည်းဆောင်ရွက်သွားရန် ဝန်ကြီးက မှာကြားခဲ့ပါတယ်။

ဆက်လက်၍ တက်ရောက်လာသူများက ဝါး၊ ကြိမ် ပေါက်ရောက်မှု၊ ထုတ်လုပ်နိုင်မှု၊ စိုက်ပျိုး ပျိုးထောင်မှုနှင့် ဝါးအချောထည်ပစ္စည်းများ တိုးမြင့်ထုတ်လုပ်နိုင်ရေးနှင့် ပတ်သက်၍ လက်ရှိဆောင် ရွက်နေမှုများနှင့် ရှေ့ဆက်ဆောင်ရွက်မည့် အစီအမံများကို ဆွေးနွေးခဲ့ကြပါတယ်။

ထို့နောက်ဝန်ကြီးသည် သစ်အချောထည်စက်ရုံအတွင်း တန်ဖိုးမြှင့် သစ်အချော ထည် ပစ္စည်းများထုတ်လုပ်နေမှု လုပ်ငန်းအဆင့်ဆင့်နှင့် ဝါးကုန်ချောပစ္စည်းနှင့် ပရိဘောဂ ထုတ်လုပ်နေမှုကို လိုက်လံကြည့်ရှုခဲ့ပါတယ်။

မွန်းပိုင်းတွင် တောင်ဥက္ကလာပမြို့နယ်ရှိ Green Gold Industry သစ်အချောထည် စက်ရုံအတွင်း ကျွန်း၊ ပျဉ်းကတိုး ကြမ်းခင်း၊ လှေကား၊ တံခါးနှင့် ပရိဘောထုတ်လုပ်နေမှုကို သွားရောက်ကြည့်ရှု စစ်ဆေးခဲ့ကြောင်း သတင်းရရှိပါတယ်။

ygm_mnn
#Yangon_Media_Group

#Local_News
Published_ 18 Aug 2022

ရှမ်းပြည်နယ်(အရှေ့ပိုင်း)၊ ကျိုင်းတုံမြို့တွင် ငွေကျပ် ၁ ဒသမ ၄၆ ဘီလီယံကျော် တန်ဖိုးရှိစိတ်ပြောင်းဆေး အိုက်စ်(မက်သ်အဖက်တမင်း) ကီလို ၁၂၀ နှင့် ကက်တမင်း ၅၉ ကီလို ဖမ်းဆီးရမိခဲ့ကြောင်း မြန်မာနိုင်ငံ ရဲတပ်ဖွဲ့က သတင်းထုတ်ပြန်ထားပါတယ်။

မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့ဝင်များ ပါဝင်သော ပူးပေါင်းအဖွဲ့သည် ဩဂုတ် ၁၅ ရက် နံနက် ၆ နာရီခွဲတွင် ရှမ်းပြည်နယ်(အရှေ့ပိုင်း)၊ ကျိုင်းတုံမြို့အဝင် ကျိုင်းဖောင်းစစ်ဆေးရေးဂိတ်တွင် စိုင်းတစ် မောင်းနှင်လာသည့် မော်တော်ဆိုင်ကယ်ကို သတင်းအရရှာဖွေခဲ့ပါတယ်။

ထိုသို့ရှာဖွေရာ ကက်တမင်း ၅၃ ကီလိုနှင့် အိုက်စ် (မက်သ်အဖက် တမင်း) ၁၄ ကီလို သိမ်းဆည်းရမိခဲ့ပြီး စစ်ဆေးဖော်ထုတ်ချက်အရ ၎င်းနှင့်အတူ စိုင်းဆမ်(ဘ)ဦးထမ်ဝုန်းအား နံနက် ၇ နာရီတွင် ကျိုင်းတုံမြို့၊ အကောက်ခွန်ရုံးရှေ့၌ မော်တော်ဆိုင်ကယ်တစ်စီး၊ အိုက်စ်(မက်သ်အဖက် တမင်း) ကီလို ၄၀ နှင့်လည်းကောင်း၊ စိုင်းဆမ်(ဘ)ဦးဖျာဝန်း နံနက် ၇ နာရီခွဲတွင် ကျိုင်းတုံ-တာချီလိတ်သွားကားလမ်း၊ ကျိုင်းတုံမြို့အထွက်တိုးဂိတ်၌ မော်တော်ဆိုင်ကယ်တစ်စီး၊ အိုက်စ်(မက်သ်အဖက်တမင်း) ၆၆ ကီလို၊ ကက်တမင်း ၆ ကီလိုနှင့်လည်းကောင်း အသီးသီး ဖမ်းဆီးရမိခဲ့ပါတယ်။

ဖမ်းဆီးရမိမှု စုစုပေါင်းမှာ ဒေသကာလတန်ဖိုးငွေကျပ် ၁ ဒသမ ၄၆ ဘီလီယံကျော် တန်ဖိုးရှိ စိတ်ပြောင်းဆေး အိုက်စ်(မက်သ်အဖက်တမင်း) ကီလို ၁၂၀ နှင့် ကက်တမင်း ၅၉ ကီလိုတို့ ဖြစ်ပါတယ်။

စစ်ဆေးဖော်ထုတ်ချက်အရ သိမ်းဆည်းရမိ စိတ်ပြောင်းဆေးများအား မိုင်းပျဉ်း မြိုနယ်မှ တာချီလိတ်မြို့နယ်သို့ သယ်ဆောင်ခြင်းဖြစ်ကြောင်း သိရသဖြင့် ၎င်းတို့အား ဥပဒေအရ အရေးယူထားရှိပြီး ကွင်းဆက်ပြစ်မှုကျူးလွန်သူများကို ဆက်လက်စစ်ဆေး ဖော်ထုတ် လျက်ရှိကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားပါတယ်။

ygm_mnn
#Yangon_Media_Group

#World_Disaster
Published 18 August 2022

ရုရှားနဲ့ အမေရိကန် နျူကလီးယားစစ်ပွဲဖြစ်ပွားပါက တစ်ကမ္ဘာလုံးအငတ်ဘေးဆိုက်ကပ်နိုင်ပြီး ကမ္ဘာ့လူဦးရေ ၃ ပုံ ၂ ပုံခန့် သေဆုံးနိုင်ကြောင်း လေ့လာချက်တစ်ခုမှာ ဖော်ပြထားပါတယ်။

တကယ့်စစ်ပွဲကြီးဖြစ်လာခဲ့ရင် လူပေါင်း ၅ ဘီလီယံ(သန်း ၅ ထောင်) ငတ်ပြတ်သေဆုံးရနိုင်ပါတယ်။

ကွန်ပျူတာ ပြုလုပ်ချက်များဖြင့် ပုံစံတူဖန်တီးခဲ့ကြရာမှာ မီးတောက်တွေက လေထုအပေါ်ပိုင်းအထိတက်သွားပြီး နေကွယ်သွားခဲ့ပြီး ကောက်ပဲသီးနှံတွေ ပျက်စီးသွားနိုင်ပါတယ်။

"ဒီအချက်အလက်တွေအရ လူတွေအားလုံး သေချာပေါက်လုပ်ဆောင်ရမှာက နျူကလီးယားစစ်ပွဲကြီး ဖြစ်မလာအောင် တားဆီးဖို့ပါပဲ" လို့ နယူးဂျာစီမှ ပရော်ဖက်ဆာ'လီလီရှာ'က ပြောကြားလိုက်ပါတယ်။

ထိုစမ်းသပ်ချက်များအတွင်း အိန္ဒိယ-ပါကစ္စတန် စစ်ပွဲငယ် ၅ ခုနဲ့ အမေရိကန်-ရုရှား စစ်ပွဲကြီး ၁ ခုတိုကို ခန့်မှန်းတွက်ချက်ထားပါတယ်။

ဒါတွေဟာ 'ဗလာဒီမာပူတင်' ယူကရိန်းကိုကျူးကျော်ပြီး ဖြစ်ပေါ်လာတဲ့ အန္တရာယ်တွေဖြစ်ပါတယ်။

နျူကလီးယားလက်နက်ပိုင်ဆိုင်တဲ့ နိုင်ငံ ၉ နိုင်ငံမှာ နျူကလီးယားလက်နက်ပေါင်း ၁၃,၀၀၀ ကျော်ရှိနေပြီး လတ်တလောနျူကလီးယားလက်နက် ထုတ်လုပ်ထားတဲ့နိုင်ငံတွေကြား တိုက်ပွဲတစ်ခုဖြစ်ခဲ့ရင်တောင် အစားအစာပြတ်လပ်မှုဖြစ်ပြီး အငတ်ဘေးပျံ့နှံလာမှာဖြစ်ပါတယ်လို့ ကျွမ်းကျင်သူများက ဆိုပါတယ်။

သားငါးမွေးမြူရေးများနဲ့ ပင်လယ်ရေသတ္တဝါများ အခြေအနေပြောင်းလဲလာနိုင်ပုံကိုလည်း တွက်ချက်ထားပါသေးတယ်။

အိန္ဒိယနဲ့ပါကစ္စတန် စစ်ပွဲဖြစ်ခဲ့ရင် ၅ နှစ်အတွင်း တစ်ကမ္ဘာလုံးရဲ့သားငါးထုတ်လုပ်မှု ၇ ရာခိုင်နှုန်းလျော့ကျစေနိုင်ပါတယ်။

အဆိုးဆုံးဖြစ်နိုင်ချေကတော့ အမေရိကန်နဲ့ရုရှားသာပါဝင်လာရင် ၉၀ ရာခိုင်နှုန်းအထိ ရှိလာမှာပါ။

ကောက်ပဲသီးနှံရှားပါးခြင်းက ရုရှား၊ အမေရိကန်တိုလို အဓိကတင်ပို့ကုန်နိုင်ငံများနဲ့ လတ်တီကျုအလယ်အလတ်မှ အမြင့်ပိုင်းနိုင်ငံတွေမှာ အဆိုးဆုံးခံစားရနိုင်ပါတယ်။

အာဖရိကနဲ့ အရှေ့အလယ်ပိုင်းတို့လို သွင်းကုန်မှီခိုရတဲ့နိုင်ငံတွေ ကပ်ဘေးဆိုက်ရောက်နိုင်ပြီး ကမ္ဘာ့စားသောက်ကုန်ထောက်ပံ့မှုကွင်းဆက် ပျက်စီးသွားမှာဖြစ်ပါတယ်။

၇ ရာခိုင်နှုန်းဆိုတာဟာ ၁၉၆၁ ခုနှစ်နောက်ပိုင်း အဆိုးရွားဆုံးအခြေအနေထက်ကို ပိုမိုဆိုးရွားနေပါတယ်။

နျူကလီးယားစစ်ပွဲကြီးဖြစ်လာရင် ၂ နှစ်အတွင်း ကမ္ဘာပေါ်က လူဦးရေ ၇၅ ရာခိုင်နှုန်းကျော် အငတ်ဘေးဆိုက်နိုင်ပြီး လူ ၅ ဘီလီယံကျော် ပျောက်ကွယ်နိုင်ချေရှိနေပါတယ်။

လက်ရှိကမ္ဘာ့လူဦးရေကတော့ ၈ ဘီလီယံခန့် ရှိနေပါတယ်။
နျူကလီးယားကြောင့် အိုဇုန်းလွှာပျက်စီးပြီး ကမ္ဘာ့မျက်နှာပြင်ကို ခရမ်းလွန်ရောင်ခြည် ပိုမိုသက်ရောက်ကာ အစားအစာထုတ်လုပ်မှုကို ထိခိုက်လာနိုင်ပါတယ်။

ပရော်ဖက်ဆာ'အလန်ရိုဘော့ခ်'က နျူကလီးယားလက်နက်တွေရှိတယ်ဆိုတာနဲ့ အသုံးပြုတဲ့အထိ ဖြစ်လာနိုင်ပြီး နျူကလီးယားစစ်ပွဲဖြစ်ဖို့ အကြိမ်ကြိမ်နီးစပ်ခဲ့ဖူးပြီလို့ ဆိုပါတယ်။

နျူကလီးယားလက်နက်တွေကို ဖျက်သိမ်းခြင်းကသာ ရေရှည်အတွက်ထိရောက်တဲ့ ဖြေရှင်းနည်းဖြစ်ပါတယ်။

Source: Daily Mail
#Yangon_Media_Group