#World_Science
Published 27 October 2024

▪️ နယူးဇီလန်မှ မကြာသေးမီက ဂြိုဟ်တုပုံရိပ်တစ်ခု ဖမ်းယူရရှိခဲ့ရာမှာ ထူးဆန်းတဲ့တိမ်တစ်ခုဟာ ယခင်မြင်တွေ့ခဲ့ရတဲ့ နေရာမှာပဲ ပေါ်နေပါတယ်။

▪️ 'ပတ်'တိမ်တိုက်လို့ခေါ်ပြီး ယခင်ကလည်း ပေါ်ပေါက်ခဲ့ရာမှာ ထူးဆန်းတဲ့ ပုံပန်းသဏ္ဍာန်ကြောင့် အမည်မသိယာဉ်ပျံ(UFO) ဖြစ်မယ်လို့ ယူဆခဲ့ကြပါတယ်။

▪️ ရှည်မျောမျောပုံသဏ္ဍာန်ရှိတဲ့ အဆိုပါတိမ်ဟာ ASLC အမျိုးအစားဖြစ်ပြီး နယူးဇီလန် တောင်ပိုင်းကျွန်း အော့တာဂိုဒေသရှိ မစ်ဒယ်မာ့ချ်နဲ့ ဟိုက်ဒ်မြို့တို့ကြား ပေါ်ပေါက်လေ့ ရှိပါတယ်။

▪️ အရွယ်အစားက ပြောင်းလဲနေတတ်ပေမယ့် ပုံသဏ္ဍာန်နဲ့ နေရာတို့ကတော့ နဂိုအတိုင်း ရှိနေကာ ယခုနောက်ဆုံးတိမ်က ၁၁.၅ ကီလိုမီတာ ရှည်လျားပါတယ်။

▪️ လေလှိုင်းတွေက တောင်တန်းလို အတားအဆီးကို ဖြတ်ကျော်တဲ့အခါ ရေငွေ့တွေက ထောင်လိုက်အလွှာများအဖြစ် ဖွဲ့စည်းသွားပြီး ASLC ဖြစ်လာရတယ်လို့ အမျိုးသား မိုးလေဝသဌာနက ဆိုပါတယ်။

▪️ လေလှိုင်းတွေကနေ တိမ်ဖြစ်ပေါ်လာပြီး ကောင်းကင်မှာ တည်မြဲနေကာ လေပြင်းတိုက်ခိုက်ရာကနေ ပုံစံဖြစ်ပေါ်လာတယ်လို့ နယူးဇီလန် မက်ဆားဗစ်မှ မိုးလေဝသပညာရှင် ဂျွန်လောက ပြောပါတယ်။

▪️ အချို့တိမ်တွေဟာ ပန်းကန်ပြားပျံလိုမျိုး ဖြစ်နေတာကြောင့် UFO ကဲ့သို့ မြင်တွေ့ရတတ်ပါတယ်။

▪️ ဒါတွေကြောင့်ပဲ ကမ္ဘာတဝှမ်းမှာ အမည်မသိယာဉ်ပျံများ တွေ့ရှိနေရခြင်းကို ရှင်းလင်းနိုင်မယ်လို့ ယူကေ မက်ရုံးက ပြောပါတယ်။

▪️ ဓာတ်ပုံတွေအရဆိုရင် 'ပတ်'တိမ်က အမြင့်ပေရာနဲ့ချီမြင့်ပြီး တိမ်တွေအထပ်ထပ် ဖြစ်နေတဲ့ပုံပေါ်ပါတယ်။

▪️ ဒီတိမ်တွေဟာ အပေါ်အောက် ရွေ့လျားနေတာကြောင့် လေယာဉ်ပျံတွေအတွက် အန္တရာယ်ဖြစ်စေနိုင်ပါတယ်။

▪️ ထိုအချိန်မှာ လေယာဉ်ပြင်းပြင်းထန်ထန် တုန်ခါနိုင်ပြီး အပူချိန်လျော့နည်းတာကြောင့် ရေခဲဖုံးနိုင်ပါတယ်။

#Source: WION

တရုတ်-အိန္ဒိယနှစ်နိုင်ငံနှင့်ပြည်သူ့အကျိုးစီးပွားအတွက် လမ်းကြောင်းမှန်အတိုင်းဆက်လက်ပူးပေါင်းဆောင်ရွက်ရန် ရှီနှင့်မိုဒီခေါင်းဆောင်နှစ်ဦးဆွေးနွေး

တရုတ်နဲ့ အိန္ဒိယတို့ဟာ နှစ်ဖက်နိုင်ငံနဲ့ တိုင်းသူပြည်သားများရဲ့ အခြေခံအကျိုးစီးပွားအတွက် နှစ်နိုင်ငံဆက်ဆံရေး လမ်းကြောင်းမှန်နဲ့ သမိုင်းကြောင်းလားရာအတိုင်း ဆက်လက်လျှောက်လှမ်းသင့်တယ်လို့ တရုတ်သမ္မတ ရှီကျင့်ဖင်က ဗုဒ္ဓဟူးနေ့မှာ ပြောကြားလိုက်ပါတယ်။
#World_Politics
Published 26 October 2024
#တရုတ်-အိန္ဒိယ #ရှီနှင့်မိုဒီခေါင်းဆောင်
#YMG #Yangon_Times #Yangon_Media_Group

#Daily_News
Published 26 October 2024

၁။ ရန်ကုန်၊ အရှေ့ဒဂုံရှိ ရေနစ်မြုပ်ခဲ့သည့်နေရာအချို့သို့ ထမင်းထုတ်များဆက်ဝေပေးနေရဆဲဖြစ်ဟုဆို

၂။ ‌ရွှေဈေးနှုန်းတည်ငြိမ်စေရန် ရွှေရည်ညွှန်းစျေးသတ်မှတ်ရေးကော်မတီဖွဲ့စည်း

၃။ နိုင်ငံတကာယာဉ်မတော်တမဆမှု ကယ်ဆယ်ရေးစွမ်းရည်ပြိုင်ပွဲတွင် မြန်မာမီးသတ်မှ Best Team Leader ဆုရရှိ

၄။ တရုတ်-အိန္ဒိယနှစ်နိုင်ငံနှင့် ပြည်သူ့အကျိုးစီးပွားအတွက် လမ်းကြောင်းမှန်အတိုင်း ဆက်လက်ပူးပေါင်းဆောင်ရွက်ရန် ရှီနှင့်မိုဒီ ခေါင်းဆောင်နှစ်ဦးဆွေးနွေး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 26 October 2024

▪️ အစ္စရေးလ်က ယခုလအစောပိုင်း အီရန်တို့ တိုက်ခိုက်တဲ့အပေါ် လက်တုန့်ပြန်တဲ့အနေနဲ့ စနေနေ့အစောပိုင်းက အီရန်ရှိ စစ်ရေးနေရာများကို တိုက်ခိုက်ခဲ့ကြောင်း ပြောလိုက်ပါတယ်။

▪️ ဒါဟာ အင်အားကြီး ပြိုင်ဘက်နိုင်ငံများကြား တင်းမာမှုမြင့်တက်နေချိန်အတွင်း နောက်ဆုံးတိုက်ခိုက်မှု ဖြစ်ပါတယ်။

▪️ အီရန်မြို့တော်နဲ့ အနီးနား စစ်အခြေစိုက်စခန်းတွေမှာ နာရီများစွာတိုင်အောင် ပေါက်ကွဲမှုအများအပြား ဖြစ်ပေါ်ခဲ့ပေမယ့် ပျက်စီးဆုံးရှုံးမှုအကြောင်း မသိရသေးဘူးလို့ အီရန်မီဒီယာက ဖော်ပြထားပါတယ်။

▪️ အာရုံမတိုင်မီမှာ တိုက်ခိုက်မှု ၃ ကြိမ်ပြီးမြောက်ခဲ့ပြီး စစ်ဆင်ရေးပြီးဆုံးပြီလို့ အစ္စရေးလ်ရုပ်သံက ကြေညာပါတယ်။

▪️ အောက်တိုဘာ ၁ ရက်နေ့တုန်းက အီရန်ဟာ အစ္စရေးလ်ဘက်ကို ဒုံးကျည် ၂၀၀ ခန့်ပစ်ခတ်ခဲ့ရာ အနောက်ဘက်ကမ်းရိုးတန်းမှာ လူတစ်ဦး သေဆုံးခဲ့ပါတယ်။
အစ္စရေးလ်နဲ့ ဟားမတ်စ်တို့ ပဋိပက္ခတွေကြား အီရန်နဲ့ အမေရိကန် ပါဝင်လာမှာကို စိုးရိမ်နေရပါတယ်။

▪️ အီရန်ဘက်ကနေ ဒုံးကျည်များ တိုက်ခိုက်လာသဖြင့် အစ္စရေးလ်အနေနဲ့ ပြန်လည်တုန့်ပြန် တိုက်ခိုက်ခွင့်ရှိတယ်လို့ စစ်တပ်က ပြောပါတယ်။

▪️ ယခုပစ်မှတ်တွေထဲမှာ စွမ်းအင်နဲ့ နျူကလီးယားနေရာများ မပါဝင်ဘူးလို့ အမေရိကန် အရာရှိတစ်ဦးက ပြောပါတယ်။

▪️ အီရန်မီဒီယာမှ ဖော်ပြတဲ့ ဗီဒီယိုတွေထဲမှာ လေကြောင်းကာကွယ်ရေးတွေက ဝင်လာတဲ့ ဒုံးကျည်တွေကို အဆက်မပြတ် ပစ်ခတ်နေပြီး ဘယ်နေရာတွေ တိုက်ခိုက်ခံရလဲဆိုတာတော့ မပြောထားပါဘူး။

▪️ ဝန်ကြီးချုပ် ဘင်ဂျမင်နေတန်ညာဟူ၊ ကာကွယ်ရေးဝန်ကြီး ယိုအက်ဗ်ဂဲလန့်နဲ့ အခြားလုံခြုံရေးအရာရှိများက စစ်ကွပ်ကဲရေးဌာနကနေ စစ်ဆင်ရေးကို အနီးကပ်ကြည့်ရှုခဲ့ကြပါတယ်။

#Source: Reuters

#World_Health
Published 26 October 2024

▪️ အမေရိကန်မှာ လည်ချောင်းကင်ဆာ ဖြစ်ပွားသူ နှစ်စဉ် ၁၈၀၀၀ ခန့်ရှိနေပြီး ဒါဟာ ပါးစပ်ဖြင့်လိင်ဆက်ဆံခြင်းကြောင့်လို့ ယူကေမှ ဦးခေါင်း၊ လည်ပင်းနှင့် သိုင်းရွိုက်ခွဲစိတ်ဆရာဝန်တစ်ဦးက ထောက်ပြသွားပါတယ်။

▪️ လည်ချောင်းကင်ဆာဟာ ဦးခေါင်းနဲ့ လည်ပင်းကင်ဆာ အမျိုးအစားတစ်ခုဖြစ်ပြီး အသက် ၅၀ မှ ၈၀ ကြားလူတွေ အဖြစ်များကြပေမယ့် လူငယ်တွေမှာလည်း HPV ဗိုင်းရပ်စ်နဲ့ ပတ်သက်လို့ အဖြစ်များလာကြပါတယ်။

▪️ HPV ဆိုတာက လိင်မှတဆင့် ကူးစက်တာဖြစ်ပြီး လည်ချောင်းကင်ဆာ ဖြစ်ပွားရခြင်းက ပါးစပ်ဖြင့် ဆက်ဆံဖော် အရေအတွက်နဲ့ သက်ဆိုင်နေတယ်လို့ ဘာမင်ဂမ်တက္ကသိုလ်မှ ပရော်ဖက်ဆာ ဒေါက်တာ ဟီရှမ်မက်ဟန်နာက ရေးသားဖော်ပြထားပါတယ်။

▪️ ဘဝမှာ ပါးစပ်ဖြင့် လိင်ဆက်ဆံဖော် ၆ ဦးထက် များတဲ့သူတွေဟာ ထိုသို့မပြုလုပ်သူတွေထက် လည်ချောင်းကင်ဆာ ဖြစ်နိုင်ခြေ ၈.၅ ဆပိုများပါတယ်။

▪️ ကင်ဆာက လည်ချောင်းရဲ့ အလယ်ပိုင်း၊ ပါးစပ်အနောက်ဘက်ကို ထိခိုက်စေကာ အာခေါင်ပျော့၊ အာသီး၊ လျှာအနောက်၊ လည်ချောင်းဘေးဘက်တွေ အနောက်ဘက်တွေ ပါဝင်ပါတယ်။

▪️ ရောဂါလက္ခဏာတွေထဲမှာ လည်ချောင်းနာတာ မသက်သာခြင်း၊ မျိုချရခက်ခဲခြင်း၊ ပါးစပ်အပြည့်အဝ မဟနိုင်ခြင်း၊ လျှာလှုပ်ရှားရ ခက်ခဲခြင်း၊ ကိုယ်အလေးချိန်ကျခြင်း၊ နားရွက်ကိုက်ခဲခြင်း၊ ပါးစပ်အနောက် လည်ချောင်း လည်ပင်းတို့မှာ အဖုအကျိတ်ဖြစ်ခြင်း၊ လျှာ ပါးစပ်တို့မှာ အဖြူကွက်ဖြစ်ခြင်း၊ ချောင်းဆိုးရင် သွေးပါခြင်းတို့ ဖြစ်တတ်ပါတယ်။

▪️ ဓာတ်ရောင်ခြည်ကုထုံး၊ ဓာတုကုထုံး၊ နှစ်မျိုးစလုံးဖြင့် ကုသခြင်း၊ ခွဲစိတ်ခြင်းတို့ဖြင့် ကုသလေ့ရှိပါတယ်။

▪️ HPV ကြောင့်ဖြစ်တဲ့ လည်ချောင်းကင်ဆာက ဆေးလိပ်အရက်တို့ကြောင့် ဖြစ်တဲ့ကင်ဆာထက် ရောဂါခန့်မှန်းရ ပိုလွယ်ကူပြီး လူနာ ၇၀ ရာခိုင်နှုန်းလောက်က ရောဂါတွေ့ပြီးနောက် ၅ နှစ်ကျော် အသက်ရှင်နိုင်ပါတယ်။

▪️ HPV ဟာ အဖြစ်အများဆုံး လိင်မှတဆင့် ကူးစက်ရောဂါတစ်မျိုး ဖြစ်ပါတယ်။
အသက် ၁၁ နှစ် ၁၂ နှစ်ဝန်းကျင်လောက်တည်းက ကာကွယ်ဆေး စတင်ထိုးနှံသင့်တယ်လို့ ရောဂါထိန်းချုပ် ကာကွယ်ရေးစင်တာက ဆိုပါတယ်။

▪️ HPV ကြောင့် ရောဂါပြင်းထန်မှုများကို ကာကွယ်ဆေးထိုးခြင်းဖြင့် ဘေးကင်းထိရောက်စွာ ကာကွယ်နိုင်မယ်လို့ နယူးယော့ခ် ကျန်းမာရေးဝန်ကြီးဌာနက ပြောပါတယ်။

#Source: New York Post

#World_Health
Published 26 October 2024

▪️ လူအများစုဟာ မျက်နှာပေါ်က ဝက်ခြံလေးကို ဘယ်လိုပျောက်ကင်းအောင် လုပ်ရမလဲဆိုတာ မသိကြပါဘူး။

▪️ pH ထိန်းညှိပစ္စည်းများ၊ ဝက်ခြံပျောက်ဆေးများဖြင့် အနည်းငယ် သက်သာနိုင်စေပေမယ့် ဝက်ခြံကြောင့် ကျန်ခဲ့တဲ့ အမာရွတ်တွေကို ဘယ်လိုဖယ်ရှားကြမလဲ။

▪️ အာဟာရပညာရှင် ပေယဲလ်ရန်ဂါနဲ့ အရေပြားပညာရှင် ဂျေရှရီရှာရက်တို့ ပူးပေါင်းကာ အရေပြားပြဿနာ ဖြေရှင်းနိုင်မယ့် နည်းလမ်းများကို ဝေမျှသွားပါတယ်။

▪️ ဝက်ခြံပေါက်တာကို ထိန်းသိမ်းချင်ရင် သကြား၊ နို့၊ အဆင့်ဆင့်ထုတ်လုပ်ထားတဲ့ စားစရာတွေကို ရှောင်ရှားသင့်တယ်လို့ ဆိုပါတယ်။

▪️ အဲဒီအစား ဆယ်လ်မွန်၊ လျှော်စေ့တို့ စားသုံးသင့်ပြီး ဆယ်လီဆလစ်အက်ဆစ်ပါတဲ့ မျက်နှာသစ်ဆေး၊ ဂျယ်လ်ဖြင့်ပြုလုပ်တဲ့ အစိုဓာတ်ထိန်းရည်၊ နေကာခရင်မ်တို့ အသုံးပြုသင့်တယ်လို့ အကြံပြုပါတယ်။

▪️ အရေပြားခြောက်သွေ့ခြင်း ကာကွယ်ရန် ရေများများသောက်ခြင်း၊ ကန်စွန်းဥ၊ ထောပတ်သီး၊ အခွံမာသီးများ စားပေးသင့်ပါတယ်။

▪️ ဟိုက်ယာလူရွန်နစ်အက်ဆစ် အရည်ကြည်၊ ဆယ်ရာမိုက်ပါဝင်တဲ့ အစိုဓာတ်ထိန်းရည်တို့ အသုံးပြုသင့်ပါတယ်။

▪️ အရေးကြောင်းတွေ ကာကွယ်ဖို့ကတော့ ဓာတ်တိုးဆန့်ကျင်ပစ္စည်းများ ပါဝင်တဲ့ ဘယ်ရီသီးများ၊ အချဉ်သီးများ၊ ငရုတ်ပွသီးများ၊ နာနတ်သီးတို့ စားသင့်ပါတယ်။
ဆံကေသာ သန်စွမ်းဖို့အတွက် ကြက်ဥ၊ ဟင်းရွက်၊ မုန်လာဥ၊ ဟင်းနုနွယ်တို့ကို အကြံပြုပါတယ်။

▪️ ရုံးပတေသီးရည်ဟာဆိုရင် ဆီးချိုလူနာသည်များအတွက် အကျိုးရှိသလို လျှော်စေ့ရည်ဟာ အမျိုးသမီးများ ဓမ္မတာသွေးဆုံးချိန်မှာ သက်သာစေပြီး သကြားမုန်လာရည်ကတော့ သွေးပေါင်ချိန် ထိန်းသိမ်းပေးပါတယ်။

#Source: DoctorNDTV