နိုင်ငံတကာငွေကြေးဘဏ္ဍာရေးစနစ် ပြန်လည်တည်ဆောက်ရာတွင် BRICS အဖွဲ့ဝင်နိုင်ငံများ အဓိကကျဟု ကျွမ်းကျင်သူသုံးသပ်

နိုင်ငံတကာ ငွေကြေးနဲ့ ဘဏ္ဍာရေးစနစ် ပြန်လည်ဖွဲ့စည်းရေးမှာ BRICS နိုင်ငံများအနေနဲ့ အဓိကပါဝင်ကြဖို့ မျှော်လင့်ကြောင်း ဘဏ္ဍာရေးကျွမ်းကျင်သူတစ်ဦးက ပေကျင်းမှာ ပြောသွားပါတယ်။
#World_Business
Published 28 October 2024
#နိုင်ငံတကာငွေကြေးဘဏ္ဍာရေး #BRICSအဖွဲ့
#YMG #Yangon_Times #Yangon_Media_Group

#Daily_News
Published 28 October 2024

၁။ လာမည့်ဆောင်းရာသီတွင် မြန်မာနိုင်ငံ၌ လာနီညာဖြစ်နိုင်ခြေရှိ

၂။ ‌မြို့ပတ်ရထားလမ်းပိုင်း၌ နိုဝင်ဘာလအတွင်း DEMU တွဲဆိုင်းအသစ်ပြေးဆွဲရန် ဘူတာ ၃၂ ဘူတာရှိ ပလက်ဖောင်းများပြင်ဆင်နေ

၃။ အဆင့်မြင့် မြင်းထိန်းသိမ်းစောင့်ရှောက်မှုသင်တန်း ရန်ကုန်၌ဖွင့်လှစ်မည်

၄။ နိုင်ငံတကာငွေကြေးဘဏ္ဍာရေးစနစ် ပြန်လည်တည်ဆောက်ရာတွင် BRICS အဖွဲ့ဝင်နိုင်ငံများ အဓိကကျဟု ကျွမ်းကျင်သူသုံးသပ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 28 October 2024

▪️ အစ္စရေးလ်တို့ကို ဟားမတ်စ်တို့ ကျူးကျော်တိုက်ခိုက်တဲ့ အောက်တိုဘာ ၇ ရက်နေ့ အမှတ်ရခြင်း အခမ်းအနားမှာ အစ္စရေးလ်ဝန်ကြီးချုပ် ဘင်ဂျမင်နေတန်ညာဟူ မိန့်ခွန်းပြောကြားနေစဉ် မိသားစုဝင်များ ဆုံးရှုံးခဲ့ရသူများက 'အရှက်ရဖွယ်ကောင်းတယ်' လို့ အော်ဟစ်ခဲ့ကြသဖြင့် မိန့်ခွန်းရပ်နားခဲ့ရပါတယ်။

▪️ ဂျေရုဆလမ်မှာ ပြုလုပ်တဲ့ အခမ်းအနားမှာ လာရောက်သူများမှ အော်ဟစ်နှောင့်ယှက်သဖြင့် နေတန်ညာဟူအနေနဲ့ တစ်မိနစ်ကျော်လောက် မပြောနိုင်မဆိုနိုင် ဖြစ်ခဲ့ပါတယ်။

▪️ မိန့်ခွန်းတိုက်ရိုက်ထုတ်လွှင့်မှုထဲမှာ ဆန္ဒပြသူတစ်ဦးက 'ငါ့အဖေ အသတ်ခံရတယ်'လို့ ပြောနေတာကို ကြားရပြီး အခြားသူတွေကတော့ 'အရှက်ရဖွယ်ကောင်းတယ်' လို့ အော်ဟစ်နေကြပါတယ်။

▪️ အစ္စရေးလ်အစိုးရအနေနဲ့ ဟားမတ်စ်တို့နဲ့ အပြီးသတ်ညှိနှိုင်းပြီး ဂါဇာမှာရှိနေသေးတဲ့ ဓားစာခံများ လွတ်မြောက်ရေးအတွက် ဆောင်ရွက်ရန် နိုင်ငံတကာနဲ့ သံတမန်များမှ ဖိအားပေးနေကြပါတယ်။

▪️ အော်ဟစ်သူတွေကို အခမ်းအနားကနေ ဖယ်ရှားပြီးနောက်မှာမှ ဝန်ကြီးချုပ် ပြန်လည်ပြောကြားနိုင်ခဲ့ပါတယ်။

▪️ ဓားစာခံလွတ်မြောက်ရေး ပြန်လည်ဆွေးနွေးရန် အစ္စရေးလ် ထောက်လှမ်းရေး အကြီးအကဲ ဒေးဗစ်ဘာရီယာက အောက်တိုဘာ ၂၇ ရက်နေ့က ဒိုဟာသို့ သွားရောက်ခဲ့ပါတယ်။

▪️ ဟားမတ်စ်ခေါင်းဆောင် ယာဟွာဆင်ဝါ သေဆုံးခဲ့ခြင်းက ဂါဇာမှဓားစာခံများ လွတ်မြောက်ရေးအတွက် သဘောတူညီမှု ရရှိရန် အတားအဆီးသဖွယ် ဖြစ်နေပါတယ်။

▪️ အပစ်အခတ်ရပ်စဲရေး ကြားဝင်စေ့စပ်ရာမှာလည်း နေတန်ညာဟူက ဝင်ရောက်နှောင့်ယှက်တယ်ဆိုပြီး ဝေဖန်ခံထားရပါတယ်။

▪️ ဓားစာခံများ လွှတ်ပေးရေးအတွက် စစ်ဆင်ရေးတွေနဲ့သာမဟုတ်ဘဲ မတတ်သာတဲ့ လိုက်လျောမှုတွေလည်း ပြုလုပ်ပေးရမယ်လို့ အစ္စရေးလ် ကာကွယ်ရေးဝန်ကြီး ယိုအက်ဗ်ဂဲလန့်က ပြောပါတယ်။

#Source: WION

#World_Health
Published 28 October 2024

▪️ သကြားမပါဆိုဒါကို လုံးဝမသောက်သင့်တဲ့ အကြောင်းအရင်း ၄ မျိုးကို ဟားဗတ်ဘွဲ့ရ အစာအိမ်အူလမ်းကြောင်း ဆရာဝန်က တစ်တော့မှာ ပြောသွားပါတယ်။
ဒေါက်တာ ဆော်ရက်ဘ်ဆက်ထီကို ပုံမှန်ဆိုဒါအစား သကြားမပါဆိုဒါ သောက်နိုင်သလားဆိုတာကို မေးမြန်းခဲ့ပါတယ်။

(၁) နှလုံးဖောက်ခြင်း၊ လေဖြတ်ခြင်းဖြစ်နိုင်ခြေများခြင်း
▪️ တစ်နေ့ကို သကြားမပါဆိုဒါ ၂ ဗူးနဲ့အထက် သောက်သုံးသူတွေဟာ နှလုံးဖောက်ခြင်းနဲ့ လေဖြတ်ခြင်းဖြစ်နိုင်ခြေ သိသိသာသာ ပိုများတယ်လို့ ရှင်းပြပါတယ်။
လုံးဝမသောက်သူတွေထက်စာရင် အသက်သေဆုံးနိုင်ခြေဟာလည်း ၁၆ ရာခိုင်နှုန်း ပိုများကြောင်း လေ့လာချက်တွေမှာ တွေ့ထားပါတယ်။

(၂) ကျောက်ကပ်ရောဂါ ဖြစ်နိုင်ခြေများခြင်း
▪️ ဒီဆိုဒါတွေမှာ ဖော့စ်ဖရပ်စ်များပြားစွာ ပါဝင်ပြီး နာတာရှည်ကျောက်ကပ်ရောဂါ ဖြစ်နိုင်ခြေ များစေပါတယ်။
ဒါ့အပြင် အများအပြား သောက်သုံးပါက ဖော့စ်ဖရစ်အက်ဆစ်တွေကြောင့် အရိုးတွေကနေ ကယ်လ်စီယံတွေ ကွာကျပြီး အရိုးအားနည်းစေပါတယ်။

(၃) အူလမ်းကြောင်းပိုးမွှားစနစ် နှောင့်ယှက်ခြင်း
▪️ အင်ဆူလင် အလုပ်လုပ်ပုံကို ထိခိုက်စေပြီး အူလမ်းကြောင်းထဲရှိ ပိုးမွှားတွေကို နှောင့်ယှက်ကာ အူကျန်းမာရေး ထိခိုက်စေပါတယ်။
ထိုဆိုဒါတွေမှာ ပါဝင်တဲ့ အချိုဓာတ်အတုပစ္စည်း ၆ မျိုးက အူလမ်းကြောင်းရှိ အကျိုးပြုဘက်တီးရီးယားများကို အဆိပ်ဖြစ်စေပါတယ်။

(၄) ခဏခဏဗိုက်ဆာခြင်း
▪️ ဆိုဒါတွေ သောက်ခြင်းဖြင့် ကယ်လိုရီများတဲ့ အစာတွေ စားချင်စိတ်ဖြစ်ပေါ်ပါတယ်။
အဲဒီမှာပါတဲ့ ကာဗွန်ဒိုင်အောက်ဆိုဒ်တွေက ခန္ဓာကိုယ်မှာ ဖိစီးတုန့်ပြန်ခြင်းကို ဖြစ်စေပါတယ်။

▪️ ဒါကြောင့် ဆရာဝန်က သကြားမပါဆိုဒါတွေဟာ အာဟာရတန်ဖိုး မရှိဘဲ အတတ်နိုင်ဆုံး ရှောင်ရှားသင့်တယ်လို့ အကြံပြုသွားပါတယ်။

#Source: New York Post

#World_Science
Published 28 October 2024

▪️ လွန်ခဲ့တဲ့နှစ်ပေါင်း ၃.၂၆ ဘီလီယံတုန်းက ဧရာမဥက္ကာခဲကြီး ဝင်တိုက်ခဲ့တဲ့ဖြစ်စဉ်ဟာ ကမ္ဘာမြေပေါ်က သက်ရှိများ ဆင့်ကဲပြောင်းလဲခြင်းမှာ အရေးပါနိုင်ဖွယ်ရှိတယ်လို့ သုတေသနအသစ်မှာ ဖော်ပြထားပါတယ်။

▪️ တောင်အာဖရိက အရှေ့မြောက်ဘက်ရှိ ဒေသတစ်ခုမှ ရှေးခေတ်ကျောက်တုံးရဲ့ အထောက်အထားများ အသုံးပြုပြီး ဥက္ကာခဲဝင်တိုက်ခဲ့တဲ့ သက်ရောက်မှုကို သုတေသီများ လေ့လာခွင့်ရခဲ့ပါတယ်။

▪️ ဒိုင်နိုဆောများ မျိုးသုဉ်းစေတဲ့ ဥက္ကာခဲထက် အဆပေါင်း ၅၀ မှ ၂၀၀ လောက်ပိုကြီးဖွယ်ရှိတယ်လို့ ခန့်မှန်းထားပါတယ်။

▪️ ထိုအချိန်က ကမ္ဘာမြေမှာ ရေတွေပဲ အဓိကရှိပြီး ကုန်းမြေအနည်းငယ်သာရှိကာ လေထုတွေ သမုဒ္ဒရာတွေထဲမှာ အောက်ဆီဂျင် မရှိပါဘူး။

▪️ အစပိုင်းမှာ ပျက်စီးခဲ့ပေမယ့် သက်ရှိဘဝတွေ ချက်ချင်းပြန်ပေါ်လာပြီး ရှင်သန်လာခဲ့ပါတယ်။

▪️ ဝင်တိုက်မှုကနေ အငွေ့ပျံကျောက်တုံးများ၊ ဖုန်မှုန့်တိမ်တိုက်များ၊ ဆူနာမီကြီးများ ဖြစ်ပေါ်ကာ သမုဒ္ဒရာအပေါ်ယံလွှာတွေ ဆူပွက်လာစေပါတယ်။

▪️ ဥက္ကာခဲကနေ ဖော့စ်ဖရပ်စ်အများအပြား ရောက်ရှိလာကာ ပိုးမွှားသက်ရှိများအတွက် မရှိမဖြစ်ဓာတ် ဖြစ်လာပါတယ်။

▪️ ဒါ့အပြင် ဆူနာမီတွေကြောင့်လည်း ရေတိမ်တွေမှာ သံဓာတ်ပေါများလာပြီး အဏုဇီဝပိုးမွှားများ ရှင်သန်တဲ့ အခြေအနေ ဖြစ်လာပါတယ်။

▪️ ဥက္ကာခဲတွေ ကျလာရင် သက်ရှိများ ပျက်စီးကြရပေမယ့် ဒီလိုအခြေအနေကတော့ ကမ္ဘာမြေမှာ ဆင့်ကဲပြောင်းလဲခြင်းများ ဖြစ်ပေါ်လာကာ ရှေးဟောင်းသက်ရှိများ ရှင်သန်ကြီးထွားရာ ဖြစ်လာပါတယ်။

▪️ ဒါ့အပြင် အဏုဇီဝသက်ရှိများဟာ အခြားဂြိုဟ်တွေမှာလည်း ဒီလိုကြမ်းတမ်းလွန်းတဲ့ ပတ်ဝန်းကျင်မျိုးမှာ အလိုက်သင့်ရှင်သန်နိုင်စွမ်းရှိတာကို သိလာရပါတယ်။

#Source: India Today

#World_Science
Published 27 October 2024

▪️ အောက်တိုဘာ ၇ ရက်နေ့က ကယ်ရိုလင်စကာတက္ကသိုလ်ရှိ နိုဘယ်လ်ညီလာခံမှာ ဇီဝကမ္မနဲ့ ဆေးဘက်ဆိုင်ရာ ၂၀၂၄ နိုဘယ်လ်ဆုကို မိုက်ခရိုအာအင်န်အေနဲ့ မျိုးဗီဇထိန်းညှိခြင်းမှာ ပါဝင်ပတ်သက်ခြင်းကို တွေ့ရှိခဲ့တဲ့ ဗစ်တာအမ်ဘရိုစ်နဲ့ ဂယ်ရီရုဗ်ကွန်တို့ ရရှိသွားပါတယ်။

▪️ သူတို့နှစ်ဦးဟာ လူသားဆဲလ်တွေမှာ တွေ့ရတဲ့ မိုက်ခရိုအာအင်န်အေကို မမျှော်လင့်ဘဲ တွေ့ရှိခဲ့ပြီး ကင်ဆာမှာ ပါဝင်ပတ်သက်ပုံနဲ့ ပတ်သက်ပြီး အကြောင်းအရာတွေ သိရှိစေနိုင်မှာ ဖြစ်ပါတယ်။

▪️ ဒါကို ၁၉၉၃ ခုနှစ်မှာ တွေ့ရှိခဲ့တာဖြစ်ပြီး သိပ္ပံပညာရှင်များအတွက် မျိုးဗီဇသုတေသနများ၊ ကင်ဆာ ရှာဖွေခြင်းနဲ့ ကုသခြင်းတို့မှာ လေ့လာခွင့်အများအပြား ရခဲ့ပါတယ်။

▪️ မိုက်ခရိုအာအင်န်အေဆိုတာက ခန္ဓာကိုယ်ထဲကဆဲလ်တွေ ဘယ်လိုအလုပ်လုပ်မလဲ ဆိုတာကို ညွှန်ကြားပေးတာမျိုး ဖြစ်ပြီး မျက်လုံးအရောင်၊ အရပ်အမြင့်၊ ကိုယ်ခံအား တိုက်ထုတ်ပုံစတာတွေကို ဖြစ်ပေါ်စေပါတယ်။

▪️ မျိုးဗီဇတွေကတော့ ခန္ဓာကိုယ် ကြီးထွားဖွံ့ဖြိုးပုံ၊ အလုပ်လုပ်ပုံတို့ကို ထိန်းချုပ်ပြီး ဒီအင်န်အေဖြင့် ဖွဲ့စည်းထားကာ လူ့ပုံစံအနေအထား ဘယ်လိုဖြစ်မလဲဆိုတာကို ဆုံးဖြတ်ပေးပါတယ်။

▪️ အာအင်န်အေက ဒီအင်န်အေထံကနေ ညွှန်ကြားချက်များကို ကြည့်ရှုသယ်ဆောင်ကာ ပရိုတိန်းများ ဖြစ်စေပါတယ်။

▪️ မိုက်ခရိုအာအင်န်အေမှာ လုပ်ဆောင်ချက်တာဝန်တွေ ရှိပြီး ကင်ဆာ၊ ဆီးချို၊ ခုခံအားရောဂါစတဲ့ လက္ခဏာများ ဖြစ်ပေါ်ရာမှာ အရေးပါတဲ့ကဏ္ဍက ပါပါတယ်။

▪️ သာမန်အာအင်န်အေနဲ့ မတူတာက မိုက်ခရိုအာအင်န်အေဟာ ပရိုတိန်းကို မလုပ်ပေမယ့် ပရိုတိန်းဘယ်လောက်လုပ်မယ် ဆိုတာနဲ့ ဖြစ်စဉ်ကို နှောင့်နှေးရပ်တန့်နိုင်ပါတယ်။

▪️ ၁၉၈၀ နှောင်းပိုင်းမှာ ဗစ်တာအမ်ဘရိုစ်နဲ့ ဂယ်ရီရုဗ်ကွန်တို့က သက်ရှိအများအပြားမှာ မိုက်ခရိုအာအင်န်အေ ရှိတယ်ဆိုတာကို သက်သေပြခဲ့ကြပါတယ်။

▪️ မိုက်ခရိုအာအင်န်အေ ထိန်းညှိမှု လွဲမှားသွားတဲ့အခါ ကင်ဆာဖြစ်လာနိုင်သလို မျိုးဗီဇတွေ ဆင့်ကဲပြောင်းလဲသွားရာကနေ မွေးရာပါ နားမကြားခြင်း၊ မျက်လုံးနဲ့ အရိုးချို့ယွင်းခြင်းတို့ ဖြစ်ပေါ်ခြင်းနဲ့ ဆက်စပ်နေတာကို တွေ့လာကြပါတယ်။

▪️ မိုက်ခရိုအာအင်န်အေဟာ ကင်ဆာရှာဖွေဖို့အတွက် အသုံးဝင်ပစ္စည်းဖြစ်သလို ခန္ဓာကိုယ်အရည်တွေထဲမှာလည်း ရှိပါတယ်။

▪️ ဒါကြောင့် ဒါကိုအသုံးပြုပြီး ကင်ဆာကို စောစီးစွာရှာဖွေတွေ့ရှိလာနိုင်ပါတယ်။
ကင်ဆာကုသရာမှာ ဆေးယဉ်ပါးခြင်းက ပြဿနာတစ်ခု ဖြစ်လာပြီး မိုက်ခရိုအာအင်န်အေက ဒီပြဿနာကို ကူညီနိုင်ဖွယ် ရှိနေပါတယ်။

▪️ နည်းပညာများ တိုးတက်လာတာနဲ့အမျှ ကင်ဆာကုသမှုပိုင်းမှာ မိုက်ခရိုအာအင်န်အေ အသုံးချနိုင်စွမ်းလည်း တိုးတက်လာမှာ ဖြစ်ပါတယ်။

#Source: India Today