#World_News
Published 17 February 2026

■ အီရန်နျူကလီးယားအစီအစဉ်နဲ့ ပတ်သက်ပြီး အင်္ဂါနေ့ ဂျီနီဗာမှာပြုလုပ်မယ့် အီရန်နဲ့ အမေရိကန် ထိပ်သီးဆွေးနွေးမှုတွေမှာ အမေရိကန်သမ္မတ ဒေါ်နယ်ထရမ့်က သွယ်ဝိုက်စွာ ပါဝင်သွားမယ်လို့ ပြောပါတယ်။

■ ဆွေးနွေးမှုများ အဆင်မပြေပါက စစ်ဆင်ရေး ကြာရှည်လာနိုင်တဲ့အတွက် အမေရိကန်တပ်တွေ ပြင်ဆင်နေပြီး အရှေ့အလယ်ပိုင်းမှာ ဒုတိယမြောက် လေယာဉ်တင်သင်္ဘော နေရာချထားရာ တင်းမာမှုတွေ မြင့်တက်နေပါတယ်။

■ သဘောတူညီချက်မရလို့ နောက်ဆက်တွဲတွေ ဖြစ်လာမှာကို အီရန်လိုလားမယ် မထင်ဘူးလို့ ထရမ့်က ထင်ထားပါတယ်။

■ အမေရိကန်က အီရန်အနေနဲ့ နျူကလီးယားလက်နက် ထုတ်လာနိုင်တဲ့ ယူရေနီယံထုတ်လုပ်မှုကို စွန့်လွှတ်ဖို့ အလိုရှိနေပါတယ်။

■ တိုက်လေယာဉ်တွေနဲ့ နျူကလီးယားစက်ရုံတွေကို တိုက်ခိုက်ရမှာထက်စာရင် သဘောတူညီချက်ရတာ ပိုကောင်းမယ်လို့ ထရမ့်က ပြောပါတယ်။

■ အီရန်နိုင်ငံခြားရေးဝန်ကြီး အက်ဘက်အာရက်ချီက ကုလနျူကလီးယားစောင့်ကြည့်ရေး အကြီးအကဲနဲ့ တွေ့ဆုံခဲ့ရာမှာ မျှတလက်ခံလောက်တဲ့ သဘောတူညီချက် ရရှိဖို့လိုတယ်လို့ ဖော်ပြထားပါတယ်။

■ နျူကလီးယားစစ်ဆေးမှုများအပြီး အီရန်မှာ ယူရေနီယံ ပေါင် ၉၇၀ ဘယ်လိုဖြစ်သွားလဲဆိုတာကို နိုင်ငံတကာ နျူကလီးယားစွမ်းအင်အေဂျင်စီက အီရန်ကို မေးခွန်းထုတ်နေပါတယ်။

■ အီရန်က တနင်္လာနေ့မှာ ဟော်မုဇ်ရေလက်ကြားမှာ စစ်ရေးလေ့ကျင့်မှု ပြုလုပ်ခဲ့ပါတယ်။

■ အီရန်က နျူကလီးယားအစီအစဉ် ကန့်သတ်ဖို့အတွက်ဆိုရင် ဒဏ်ခတ်ပိတ်ဆို့မှုများ လျှော့ချပေးဖို့ အလိုရှိနေသလို ယူရေနီယံထုတ်လုပ်မှု လုံးဝစွန့်လွှတ်မှာမဟုတ်ပါဘူး။

Source: Reuters