#World_Health
Published 3 November 2024

▪️ ခရော့ရှစ်လို့ခေါ်တဲ့ ကြောင်ဟာ အရွယ်အစား ကြီးမားလွန်းတာကြောင့် ကမ္ဘာတဝှမ်း နာမည်ကျော်ကြားသူဖြစ်ပြီး ကျန်းမာရေး ပြဿနာကြောင့် ရုတ်တရက် သေဆုံးသွားပါပြီ။

▪️ အသက် ၁၄ နှစ်အရွယ်ရှိတဲ့ ကြောင်ကြီးဟာ ၁၇ ကီလိုဂရမ်လေးပြီး သူ့အသက်အရွယ် ကြောင်တွေရဲ့ ပုံမှန်ထက် ၃ ဆလောက် ပိုလေးခဲ့တာ ဖြစ်ပြီး အောက်တိုဘာ ၂၆ ရက်နေ့က ရုရှားနိုင်ငံ ပမ်းမှာ သေဆုံးသွားပါတယ်။

▪️ မက်ထရိုစကင်းဂေဟာမှ စောင့်ရှောက်သူများက ခရော့ရှစ် အသက်ရှူမူမမှန်တာကို သတိထားမိပြီး ပြန်လည်ထူထောင်ရေး လုပ်ငန်းစဉ်များ လုပ်ပေးခဲ့ကြပါတယ်။

▪️ အကောင်းဆုံး အားထုတ်ခဲ့ကြပေမယ့် ခရော့ရှစ်ကို မကယ်နိုင်တော့ဘဲ သေဆုံးကြောင်း ကြေညာခဲ့ပါတယ်။

▪️ တကယ်တော့ သူ့ရဲ့အဆီလွှာတွေအောက်မှာ ကင်ဆာအကျိတ်များစွာ ရှိနေခဲ့ပြီး အဆီအများအပြား စုပြုံနေခဲ့ပါတယ်။

▪️ ဂေဟာအကြီးအကဲ ဂယ်လီယာနာမိုးက ဒါနဲ့ပတ်သက်ပြီး ခရော့ရှစ်ဟာ အင်္ဂါအများအပြား ပျက်စီးနေကာ ခန္ဓာကိုယ်က မထိန်းချုပ်နိုင်တော့ဘူးလို့ ပြောသွားပါတယ်။

▪️ သူ့ကို ပမ်းရှိ ဆေးရုံမြေအောက်ခန်းကနေ ကယ်ဆယ်ခဲ့တာဖြစ်ပြီး လူတွေက ဘီစကစ်တွေ၊ စွပ်ပြုတ်တွေ၊ အသားတွေ ကျွေးလွန်းတာကြောင့် အလွန်ဝလာခဲ့ပြီး လမ်းတောင် မလျှောက်နိုင်တော့ပါဘူး။

▪️ စက်တင်ဘာလအစောပိုင်းက ကယ်ဆယ်ခဲ့ချိန်မှာ ကူကယ်ရာမဲ့နေပြီး အဝလွန်ခြင်းကြောင့် အဆစ်အမြစ်တွေ အတော်လေးထိခိုက်နေပါတယ်။

▪️ ဂေဟာကနေ ကိုယ်အလေးချိန် လျော့ကျစေဖို့ စားသောက်ပုံများ၊ လေ့ကျင့်ခန်းများ ပြုလုပ်စေခဲ့ကာ တဖြည်းဖြည်း ကိုယ်အလေးချိန် ပြန်ကျလာပြီး ၄.၅ ကီလိုဂရမ်လောက် ရောက်ရှိလာကာ ပြန်လည်သွားလာနိုင်ပါတယ်။

▪️ အောက်တိုဘာ ၂၆ ရက်နေ့မှာတော့ ရုတ်တရက် အသက်ရှူခက်လာပြီး အောက်ဆီဂျင်ခန်းထဲ ခေါ်သွားပေမယ့် မကယ်ဆယ်နိုင်ခဲ့ပါဘူး။

▪️ နောက်ဆုံးအချိန်ထိ ကြိုးစားကယ်ဆယ်ပေးခဲ့သူ အားလုံးကို ကျေးဇူးတင်ပါတယ်လို့ စောင့်ရှောက်သူများက ပြောသွားပါတယ်။

#Source: The Jerusalem Post

သမ္မတရွေးကောက်ပွဲမည်သူနိုင်သည်ဖြစ်စေ အမေရိကန်ပြည်သူများစီးပွားရေးအခက်အခဲကို သာစိုးရိမ်

နိုဝင်ဘာ ၅ ရက်နေ့ အမေရိကန်သမ္မတ ရွေးကောက်ပွဲမှာ မည်သူအနိုင်ရသည်ဖြစ်စေ တိုင်းပြည်အတွင်း ငွေကြေးဖောင်းပွခြင်းနဲ့ နေထိုင်စရိတ် မြင့်မားခြင်းတို့ကြောင့် မဲဆန္ဒပေးသူတွေဟာ စီးပွားရေးအနာဂတ်ကို တွေးပူနေကြပါတယ်။
#World_News
Published 2 November 2024
#သမ္မတရွေးကောက်ပွဲ #မဲဆန္ဒပေးသူ
#YMG #Yangon_Times #Yangon_Media_Group

#Daily_News
Published 2 November 2024

၁။ အမြင်မှုန်ဝါးသောကလေးငယ်များကို မျက်စိမကွယ်အောင်မျက်မှန်စောလျင်စွာတပ်ပေးသင့်ဟုဆို

၂။ ‌ပဲခူး၊ ရွှေမောဓောစေတီတော်တွင် တန်ဆောင်တိုင်မီးထွန်းပွဲတော်နှင့်
မီးပုံးပျံလွှတ်တင်ပူဇော်ပွဲ ကျင်းပမည်

၃။ ရှမ်းဒေသငရုတ်စိုက်ပျိုးတောင်သူများအတွက် ငရုတ်၊ ကြက်သွန်၊ ဂျင်းသီးနှံကုန်စည်ပြပွဲ ပြုလုပ်မည်

၄။ သမ္မတရွေးကောက်ပွဲမည်သူနိုင်သည်ဖြစ်စေ အမေရိကန်ပြည်သူများစီးပွားရေးအခက်အခဲကိုသာစိုးရိမ်ပူပန်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 2 November 2024

▪️ ဆားဘီးယားနိုင်ငံ နိုဗီဆက်ဒ်မြို့ရှိ မီးရထားဘူတာရုံတစ်ခုမှ ဝင်ပေါက်မှာ ခေါင်မိုးပြိုကျသဖြင့် လူ ၁၄ ဦးသေဆုံးပြီးနောက် ကယ်ဆယ်ရေးလုပ်သားများက သောကြာနေ့မှာ ကွန်ကရစ်ပုံများ သတ္တုပုံများကြားထဲမှ အသက်ရှင်ကျန်သူများကို ရှာဖွေနေကြပါတယ်။

▪️ ထိုနေရာမှာ ကရိန်းများ မြေတူးစက်များဖြင့် အပျက်အစီးတွေကို ဖော်ထုတ်နေကြပြီး ကယ်ဆယ်ရေး၊ ဆောက်လုပ်ရေး လုပ်သားများအပြင် ဆေးဝန်ထမ်းများနဲ့ လူနာတင်ကားများလည်း စောင့်နေကြပါတယ်။

▪️ မြို့တော် ဘဲလ်ဂရိတ် အနောက်မြောက်ဘက် ၇၀ ကီလိုမီတာခန့်ရှိ နိုဗီဆက်ဒ်မြို့မှာ မွန်းလွဲအချိန်ခန့်က ၃၅ မီတာရှည်တဲ့ ခေါင်မိုးတန်း ပြိုကျခဲ့တာ ဖြစ်ပါတယ်။

▪️ နေ့လယ်တလျှောက်လုံးကနေ ညနေအထိ အပျက်အစီးတွေကြားကနေ အလောင်းတွေကို ဆွဲထုတ်နေကြပါတယ်။

▪️ မွန်းလွဲအစောပိုင်းမှာ အပျက်အစီးများကြား ပိတ်မိနေတဲ့ အမျိုးသမီး ၂ ဦးကို ကယ်ထုတ်နိုင်ခဲ့ကာ အရေးပေါ် ကုသခံနေရတယ်လို့ ဗိုဂျိုဒီနာဆေးရုံ အကြီးအကဲ ဗက်စ်နာတာကူလော့ဗ်က ပြောပါတယ်။

▪️ ကွန်ကရစ်အလေးချိန်ကြီးကြောင့် ရှာဖွေကယ်ဆယ်ရေး လုပ်ငန်းက ခက်ခဲနေပြီး ညအထိ ဆက်လုပ်သွားရဖွယ် ရှိတယ်လို့ ပြည်ထဲရေးဝန်ကြီးဌာန အရေးပေါ်ထိန်းချုပ်ရေးမှ လူကာကော်ဆစ်က ဆိုပါတယ်။ သေဆုံးသူအရေအတွက် ထပ်မတိုးလာဖို့ ပြည်ထဲရေးဝန်ကြီး အိုင်ဗီကာဒါဆစ်က မျှော်လင့်နေပါတယ်။

▪️ သေဆုံးသွားသူထဲက ၅ ဦးကို မည်သူမှန်း အတည်မပြုရသေးဘူးလို့ ဆားဘီးယားသမ္မတ အလက်ဇန်ဒါဗူဆစ်က ပြောလိုက်ပါတယ်။

▪️ ဒီဖြစ်ရပ်အတွက် တာဝန်ရှိသူအားလုံး အပြစ်ပေးခံရဖို့ သမ္မတတစ်ဦးအနေနဲ့ အလိုရှိကြောင်း မိန့်ခွန်းပြောသွားပါတယ်။

▪️ ညအချိန်မှာတော့ နိုဗီဆက်ဒ်မြို့တော်ခန်းမ အပြင်ဘက်မှာ လူပေါင်းရာချီက ဖယောင်းတိုင်များ ထွန်းကာ ဆုတောင်းဂုဏ်ပြုခဲ့ကြပါတယ်။

▪️ ယခုနွေရာသီတုန်းက ဘူတာရုံမှာ ပြန်လည်တည်ဆောက်ခြင်း ပြီးမြောက်ခဲ့ပေမယ့် ပြိုကျသွားတဲ့ ခေါင်မိုးအပိုင်းတော့ မပါဝင်ပါဘူး။

▪️ ဒီအဆောက်အဦကို ၁၉၆၄ ခုနှစ်မှာ ဆောက်လုပ်ခဲ့တာဖြစ်ပြီး တာဝန်ရှိသူများကို ဖော်ထုတ်သွားမယ်လို့ ဝန်ကြီးချုပ် မီလိုစ်ဗူချီဗစ်ကလည်း သတင်းထောက်တွေကို ပြောသွားပါတယ်။

#Source: Reuters

#World_Health
Published 02 November 2024
▪️ ယနေ့ခေတ် မိဘတွေအနေနဲ့ မိမိကလေးတွေကို ပညာရေးအောင်မြင်မှုရဖို့ ဖိအားပေးနေကြပါတယ်။

▪️ ပညာလေ့လာဖို့အပြင် ဆော့ကစားခြင်းကလည်း ကြီးထွားဖွံ့ဖြိုးမှုအပိုင်းမှာ တန်းတူ အရေးပါနေပါတယ်။

▪️ ဆော့ကစားခြင်းဖြင့် ရုပ်ပိုင်းဆိုင်ရာဖွံ့ဖြိုးခြင်း - ပြေးလွှားခြင်း၊ ခုန်ပေါက်ခြင်း၊ ကခုန်ခြင်းစတဲ့ လှုပ်ရှားမှုတွေက ကိုယ်လက်လှုပ်ရှားမှုပိုင်း၊ ကြွက်သားခွန်အား၊ စိတ်နဲ့ခန္ဓာကိုယ် ပေါင်းစပ်လှုပ်ရှားခြင်းတို့ကို တိုးတက်စေပြီး ရောဂါခုခံအား ကောင်းမွန်စေကာ ရောဂါလက္ခဏာဖြစ်နိုင်ခြေ နည်းစေပါတယ်။

▪️ ဦးနှောက်စွမ်းရည် အကျိုးရှိစေခြင်း - ဖန်တီးတီထွင်မှုနဲ့ ပတ်သက်တဲ့ ကစားနည်းများ ဆော့ကစားပါက ပြဿနာဖြေရှင်းခြင်း၊ အရေးပေါ်တွေးတောခြင်း၊ တီထွင်ကြံဆခြင်းတို့ ရရှိစေကာ စိတ်ပိုင်းဆိုင်ရာ အလိုက်သင့်ဖြေရှင်းခြင်း၊ စီစဉ်တွက်ချက်ခြင်း၊ ဆုံးဖြတ်ချက်ချခြင်းတို့ တိုးတက်စေပါတယ်။

▪️ လူမှုဆက်ဆံရေးနှင့် စိတ်ခံစားချက်ကြံ့ခိုင်စေခြင်း - ဆော့ကစားခြင်းရဲ့ အဓိကအားသာချက်ထဲမှာ လူမှုဆက်ဆံရေး အရည်အသွေး လေ့လာသင်ယူပြီး စိတ်ပိုင်းကြံ့ခိုင်အောင် ကူညီပေးပါတယ်။

▪️ သူငယ်ချင်း အပေါင်းအသင်းများနဲ့ ဆော့ကစားရတာကြောင့် အပြန်အလှန် နားလည်ခြင်း၊ ကူညီပေးခြင်း၊ ပြဿနာဖြေရှင်းခြင်းတို့ ပြုလုပ်ရကာ ပူးပေါင်းဆောင်ရွက်တတ်စေပါတယ်။

▪️ ဖန်တီးနိုင်စွမ်းနှင့် ပုံဖော်ခြင်း - ပန်းချီဆွဲခြင်း၊ တစ်ဦးတစ်ယောက်ပုံစံမျိုး ကစားခြင်း၊ အတုံးဆက်ခြင်းတို့က စဉ်းစားတွေးခေါ်မှုကို ထွက်စေပြီး သင်္ချာ၊ သိပ္ပံ၊ နည်းပညာဘာသာရပ်တွေမှာ အသုံးချနိုင်ပါတယ်။

▪️ ဖိစီးမှုလျော့စေခြင်း - ကျောင်းတွင်းလှုပ်ရှားမှု၊ မိသားစုနဲ့ သွားလာခြင်းတို့ဖြင့် ကလေးတွေ ဖိစီးမှုခံစားရခြင်းကို သက်သာစေပါတယ်။
အထူးသဖြင့် ပြေးခြင်း၊ စက်ဘီးစီးခြင်းတို့ဖြင့် ဖိစီးမှုဟော်မုန်း လျော့နည်းစေကာ လုံခြုံမှုခံစားချက် ပေးစွမ်းနိုင်ပါတယ်။

▪️ ပညာသင်ယူခြင်းက ကလေးတွေအတွက် အရေးကြီးသလို လှုပ်ရှားဆော့ကစားခြင်းကလည်း အတူယှဉ်တွဲနေပါတယ်။

▪️ ကလေးတွေဟာ ဆော့ကစားပေးပါက စိတ်လန်းဆန်းပြီး သင်ခန်းစာတွေကို လေ့လာမှတ်သားနိုင်မှာ ဖြစ်ပါတယ်။

#Source: DoctorNDTV

#World_Health
Published 02 November 2024

▪️ ဗိုက်တာမင်-အီး လိုအပ်ချက် ပြည့်မီအောင် စားသုံးသူများဟာ အူလမ်းကြောင်း ရောဂါအချို့နဲ့ အသည်းအဆီဖုံးရောဂါတို့ ဖြစ်နိုင်ခြေ နည်းစေတယ်လို့ ဖလော်ရီဒါ အစာအိမ်အူလမ်းကြောင်း ဆရာဝန် ဟိုဆက်ဆယ်ဟက်ဘ်က တစ်တော့မှာ ပြောသွားပါတယ်။

▪️ ဗိုက်တာမင်-အီးဟာ စွမ်းအားမြင့် ဓာတ်တိုးဆန့်ကျင်ပစ္စည်းဖြစ်ပြီး အသည်းကို ကာကွယ်ပေးကာ ရောဂါခုခံအားကို မြှင့်တင်ပေးပါတယ်။

▪️ အဆီဖုံးရောဂါဟာ အသည်းကို ပျက်စီးစေပြီး နှလုံးရောဂါနဲ့ အသည်းကင်ဆာတို့ ဖြစ်နိုင်ခြေ များစေပါတယ်။

▪️ အရွယ်ရောက်ပြီးသူတွေအတွက် ဗိုက်တာမင်-အီး နေ့စဉ်လိုအပ်ချက်က ၁၅ မီလီဂရမ်ဖြစ်ပါတယ်။

▪️ အခွံမာသီးများ၊ ဟင်းနုနွယ်၊ သရက်သီးတို့မှာ လိုအပ်တဲ့ပမာဏ ပါဝင်ပြီး ထောပတ်သီး၊ ဘလက်ခ်ဘယ်ရီ၊ ကီဝီ၊ ခရန်ဘယ်ရီ၊ သံလွင်ဆီတို့လည်း ဆယ်လ်ဟက်ဘ်က အကြံပြုထားပါတယ်။

▪️ ဗိုက်တာမင်-အီး ဖြည့်စွက်ဆေးများကတော့ အသုံးပြုပုံ မမှန်ပါက ဘေးထွက်ဆိုးကျိုးများ ရှိနိုင်တယ်လို့ ရှင်းပြထားပါတယ်။

▪️ နေ့စဉ်လိုအပ်ချက်က ၁၅ မီလီဂရမ်မျှသာ ဖြစ်ပေမယ့် ဖြည့်စွက်ဆေးတွေမှာတော့ မီလီဂရမ်ရာနဲ့ချီ ပါဝင်နေနိုင်တယ်လို့ သုတေသနမှာ ဖော်ပြထားပါတယ်။

▪️ ဗိုက်တာမင်-အီး အဆိပ်သင့်ပါက သွေးယိုခြင်း၊ မူးဝေခြင်း၊ ဝမ်းလျှောခြင်း၊ အူလမ်းကြောင်း လက္ခဏာများ၊ ကြွက်သားအားနည်းခြင်း၊ ခေါင်းကိုက်ခြင်းတို့ ဖြစ်စေနိုင်ပါတယ်။

▪️ အဆီစုပ်ယူခြင်း၊ ဇီဝကမ္မဖြစ်စဉ်တို့ ပြဿနာဖြစ်ပါကလည်း ဖြစ်တတ်ပါတယ်။
ဒါကြောင့် အသည်းကျန်းမာရေး ကောင်းမွန်ဖို့အတွက် သင့်တင့်တဲ့ ပုံစံမျိုး စားသောက်သင့်ပါတယ်။

#Source: New York Post