#World_Health
Published 08 June 2025

▪️ ရေမွှေးစွတ်တာ လိုးရှင်းလိမ်းတာတွေက ကျန်းမာရေးအတွက် မကောင်းဘူးလို့ လေ့လာချက်တစ်ခုမှာ ဆိုပါတယ်။

▪️ ရေမွှေးထဲက ပါဝင်ပစ္စည်းတွေက လူ့အရေပြားတဝိုက် လေတွေကို သန့်စင်စစ်ထုတ်ပေးတဲ့ အကာအကွယ်အလွှာကို အနှောင့်အယှက် ဖြစ်စေတယ်လို့ ပထမဆုံးအနေနဲ့ တွေ့ရှိထားပါတယ်။

▪️ အနံ့တွေကိုယ်တိုင်က လူ့ကျန်းမာရေးကို ထိခိုက်စေတာမဟုတ်ဘဲ အရေပြားမှ အကာအကွယ်လွှာကို နှောင့်ယှက်စေတာ ဖြစ်တယ်လို့ သိပ္ပံပညာရှင်များ ယုံကြည်ထားပါတယ်။

▪️ ကယ်လီဖိုးနီးယားအာဗင်းနဲ့ မက်စ်ပလန့်ခ်တက္ကသိုလ်မှ သုတေသီတွေက ၂၀၂၂ မှာ ဓာတ်တိုးစက်ကွင်းလို့ခေါ်တဲ့ အဆိုပါ အရေပြားအကာအကွယ်လွှာကို တွေ့ရှိခဲ့ကြပါတယ်။

▪️ အရေပြားမျက်နှာပြင်ရှိ သဘာဝအဆီတွေက လေထဲက အိုဇုန်းနဲ့ဓာတ်ပြုကာ OH radical တွေ ဖြစ်လာစေပြီး သန့်စင်ပေးတဲ့အာနိသင်ရှိပါတယ်။
CK One ရေမွေးဆိုရင် အဆိုပါ အကာအကွယ်လွှာကို ၈၆ ရာခိုင်နှုန်း ပျက်စီးစေတယ်လို့ ဆိုပါတယ်။

▪️ အရေပြားရဲ့ အကာအကွယ်လွှာ ပျက်စီးခြင်းက ကျန်းမာရေးအတွက် ဆိုးစေလား ကောင်းစေလားဆိုတာ သေချာမသိရသေးပါဘူး။

▪️ ဒါပေမဲ့လည်း မွှေးပျံ့တဲ့အနံ့အားလုံးက သက်ရောက်မှုရှိစေတာ မဟုတ်ပါဘူး။

▪️ လာဗင်ဒါဆီမှာ ၃ ပုံ ၁ ပုံမျှပါဝင်တဲ့ လီနာလူဆိုရင် OH အလွှာကို ၁၀ ရာခိုင်နှုန်းလောက်သာ လျော့နည်းစေပါတယ်။

▪️ ယခင်လေ့လာချက်တွေမှာတော့ အကာအကွယ်လွှာဖြစ်စေတဲ့ ဓာတုပစ္စည်းတွေက အသက်ရှူလမ်းကြောင်း ပိုကောင်းစေခြင်း၊ ရောင်ရမ်းမှုလျှော့ချပေးခြင်း၊ ဇီဝဗေဒဖိစီးမှု လျှော့ချခြင်း၊ သွေးကြောများကျန်းမာစေခြင်းနဲ့ သွေးဖိအားတိုးတက်စေခြင်းတို့နဲ့ ဆက်စပ်နေတယ်လို့ တွေ့ရှိခဲ့ကြပါတယ်။

#Source: The Telegraph

#World_Science
Published 08 June 2025

▪️ လူတွေရဲ့သွားတွေ နုတ်လိုက်တာနဲ့ ပြန်မပေါက်နိုင်တော့ဘဲ အပေါက်ဖြစ်ကျန်ခဲ့ရင်ကျန် ဒါမှမဟုတ် သွားတုထည့်သွင်းရပါတယ်။

▪️ ဒါပေမဲ့ ဂျပန်သိပ္ပံပညာရှင်တွေကတော့ သွားတွေပြန်ထွက်လာစေမယ့် ဆေးကိုစမ်းသပ်နေပြီး လူသားအဆင့်စမ်းသပ်မှုတွေတောင် ပြုလုပ်နေပါပြီ။
USAG-1 ဆိုတဲ့ ပဋိဇီဝပစ္စည်းဟာ ကြွက်တွေမှာ သွားပြန်ပေါက်ခြင်းကို တားဆီးတယ်လို့ တွေ့ခဲ့ကြပါတယ်။

▪️ ကျိုတိုတက္ကသိုလ်မှ သိပ္ပံပညာရှင်တွေကတော့ BMP လို့ခေါ်တဲ့ အရိုးပရိုတိန်းတစ်မျိုးက USAG-1 ကို တားဆီးနိုင်တာ တွေ့ခဲ့ကြပါတယ်။

▪️ ဒါကြောင့် USAG-1 ကို ပိတ်ပင်လိုက်ရင် သွားပြန်ထွက်ခြင်းကို အားပေးနိုင်မှာ ဖြစ်ပေမယ့် လုံလောက်နိုင်ပါ့မလားဆိုတာတော့ မသိကြကြောင်း ကတ်ဆုတာကာဟာရှီက ပြောသွားပါတယ်။

▪️ လူသားစမ်းသပ်မှုက ၁၁ လကြာမှာဖြစ်ပြီး အသက် ၃၀ မှ ၆၄ နှစ်ကြား ယောက်ျားအယောက် ၃၀ ကို သွေးကြောထဲ ဆေးထိုးသွင်းမှာဖြစ်ပါတယ်။

▪️ လူသားစမ်းသပ်မှု အောင်မြင်ရင် အသက် ၂ နှစ်မှ ၇ နှစ်ကြား ကလေးတွေမှာ ပေးမှာဖြစ်ပြီး ၂၀၃၀ အရောက်မှာ သွားပြန်ထွက်နိုင်မယ့်ဆေးရရှိရန် မျှော်မှန်းနေကြပါတယ်။

▪️ အရင်ဆုံးတော့ မွေးရာပါ သွားချို့ယွင်းသူတွေကိုသာ အရင်ပေးသွားမှာဖြစ်ပါတယ်။

▪️ သွားပြန်ပေါက်တဲ့ သတ္တဝါအချို့တော့ တွေ့ရှိဖူးကာ ငါးမန်းတွေဆိုရင် သွားပြန်ပေါက်နိုင်ပါတယ်။

▪️ ငါးမန်းတွေရဲ့ မေးရိုးမှာ သွားအသစ်အမြဲတမ်းရှိနေပြီး ရှေ့ကသွားက မကောင်းတော့တဲ့အခါ ထွက်လာကြပါတယ်။

#Source: WION

မြေအောက်ဆောက်လုပ်ရေးကြောင့် ယာယီရွှေ့ပြောင်းခဲ့တဲ့ ရှန်ဟိုင်းရှိ ရာစုနှစ်သက်တမ်းရှိ အဆောက်အအုံတွေကို သယ်ယူရေးစက်ရုပ်ပေါင်း ၄၀၀ ကျော်ပါဝင်တဲ့ အံ့အားသင့်ဖွယ် အင်ဂျင်နီယာပညာဖြင့် မူလနေရာမှာ ပြန်လည်နေရာချခဲ့ပါတယ်။
#Asia_Construction
Published 7 June 2025
#စက်ရုပ်ပေါင်းလေးရာကျော် #ပြန်လည်သယ်ယူပြောင်းရွှေ့
#YMG #Yangon_Times #Yangon_Media_Group

#Daily_News

Published 7 June 2025

၁။ Speed Boat အသုံးပြု ရေပြင်ကယ်ဆယ်ရေးသင်တန်း ဒုတိယအကြိမ် ပြုလုပ်မည်

၂။ ပို့ကုန်ဝင်ငွေဒေါ်လာနှစ်ဘီလီယံခန့်တန်ဖိုးရှိပဲမျိုးစုံတန်ချိန် နှစ်သန်းခန့် တင်ပို့ရန်လျာထား

၃။ ဂျပန်ယဥ်ကျေးမှုစင်တာတွင် ဂျပန်ယဥ်ကျေးမှုနှင့်ပတ်သက်ပြီး လစဥ်ပြခန်း၊ ပြပွဲများပြုလုပ်မည်

၄။ ရှန်ဟိုင်းမှရာစုနှစ်သက်တမ်းရှိအဆောက်အအုံဝန်းကြီးတစ်ခုလုံးကို စက်ရုပ်ပေါင်းလေးရာကျော်ဖြင့် ပြန်လည်သယ်ယူပြောင်းရွှေ့... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 07 June 2025

▪️ အမေရိကန်သမ္မတ ဒေါ်နယ်ထရမ့်နဲ့ အီလွန်မက်စ်တို့ အငြင်းပွားကြပြီးနောက် ဖြစ်လာနိုင်မယ့် အကျိုးဆက်တွေကို ရီပတ်ဘလစ်ကန်ပါတီက စိုးရိမ်ပူပန်နေပြီး အငြိုးအတေးကြာရှည်လာရင် ဆိုးကျိုးဖြစ်ပေါ်လာမှာကို စိုးရိမ်သဖြင့် တင်းမာမှုဖြေလျှော့ကြဖို့ လွှတ်တော်အမတ်များနဲ့ ကွန်ဆာဗေးတစ်ပုဂ္ဂိုလ်များက တိုက်တွန်းနေကြပါတယ်။

▪️ အနိမ့်ဆုံးအနေဖြင့် ဩဇာကြီးမားတဲ့ ပုဂ္ဂိုလ်နှစ်ဦးကြား မုန်းတီးမှုများဖြစ်ပေါ်ပါက ထရမ့်ရဲ့ အခွန်မြင့်မားမှုနဲ့ နယ်စပ်အသုံးစရိတ်ဥပဒေများအတွက် ရှေ့သို့လှမ်းရာလမ်းကြောင်းမှာ ရှုပ်ထွေးသွားစေနိုင်ပါတယ်။

▪️ လုပ်ရမယ့် အလုပ်တွေကနေ အာရုံမပြောင်းသွားဖို့ မျှော်လင့်တယ်လို့ ဝါရှင်တန်ပြည်နယ်မှ ရီပတ်ဘလစ်ကန် ဒန်နယူးဟောက်စ်က ပြောပါတယ်။

▪️ မက်စ်က သမ္မတအမျက်ထွက်အောင် လုပ်မယ့်အစား ဆိုရှယ်မီဒီယာပေါ်မှာ သူ့ရဲ့စီးပွားရေးတွေအကြောင်းပဲ တင်နေခဲ့ပါတယ်။

▪️ သောကြာနေ့မွန်းလွဲပိုင်းမှာ ထရမ့်က အိမ်ဖြူတော်ကနေ ထွက်လာပြီး အီလွန်မက်စ်နဲ့အကြောင်း မေးနေတဲ့သတင်းထောက်တွေကို မပြောဘဲနေခဲ့ပါတယ်။

▪️ ယင်းတို့နှစ်ယောက် အတူတကွ လုပ်ကိုင်နေတဲ့အခါ အမေရိကားအတွက် အလုပ်တွေအများကြီး လုပ်နိုင်မှာဖြစ်တာကြောင့် ပြန်အဆင်ပြေကြဖို့ မျှော်လင့်ကြောင်း တက္ကဆပ်စ်ရီပတ်ဘလစ်ကန် တက်ဒ်ခရုဇ်က Fox News ကို ပြောပြသွားပါတယ်။

▪️ ထရမ့်နဲ့ မက်စ်တို့ကြား အငြိုးထားမှုတွေက တင်းမာမှုမြင့်တက်လာနိုင်သလို ပြေလျော့လာနိုင်ခြေလည်း ရှိနေတယ်လို့ ပြောလို့ရပါတယ်။

▪️ အောက်လွှတ်တော်ဥက္ကဌ မိုက်ခ်ဂျွန်ဆန်က မက်စ်နဲ့ ထရမ့်တို့ပြန်လည်ပေါင်းစည်းရန် မျှော်လင့်နေကာ ဒါမှသာ တိုင်းပြည်နဲ့ပါတီအတွက် ကောင်းစားမယ်လို့ ပြောသွားပါတယ်။

#Source: AP News

#World_Health
Published 07 June 2025

▪️ Mycobacterium tuberculosis ကြောင့်ဖြစ်ရတဲ့ တီဘီရောဂါက တစ်ကမ္ဘာလုံးမှာ အသက်အန္တရာယ်အများဆုံး ကူးစက်ရောဂါတွေထဲက တစ်ခုဖြစ်ပါတယ်။

▪️ ဆေးယဉ်ပါးသလို ကုသမှုကြာရှည်လွန်းတာကြောင့် သဘာဝဆေးနည်းတွေကို ရှာဖွေလာကြပါတယ်။

▪️ သဘာဝဆေးနည်းတွေက ကိုယ်ခံအားတက်စေပြီး ရောဂါလက္ခဏာတွေကို ထိန်းချုပ်စေနိုင်ပေမယ့် လုံးဝကုသနိုင်တာမျိုးတော့ မဟုတ်ပါဘူး။

(၁) ကြက်သွန်ဖြူ
▪️ သူ့မှာပါဝင်တဲ့ အယ်လီဆင်ဓာတ်က ရောဂါပိုးမွှားသေစေနိုင်ပြီး ကိုယ်ခံအားထောက်ကူပေးနိုင်ပေမယ့် တီဘီကို ကုသနိုင်တယ်လို့တော့ မတွေ့ရှိထားပါဘူး။

(၂) နနွင်း
▪️ နနွင်းမှာပါတဲ့ ကာကူမင်ဓာတ်က ရောင်ရမ်းဆန့်ကျင်ခြင်းနဲ့ ဓာတ်တိုးဆန့်ကျင်အာနိသင်များ ပါဝင်တာကြောင့် တီဘီကြောင့်ဖြစ်တဲ့ ရောင်ရမ်းမှုကို သက်သာစေနိုင်ပေမယ့် ပိုးသတ်ဆေးနေရာမှာတော့ အစားမထိုးနိုင်ပါဘူး။

(၃) ကုလားဆီးဖြူ
▪️ ဗိုက်တာမင်-စီ ကြွယ်ဝတာကြောင့် ကိုယ်ခံအားကောင်းစေပြီး တစ်ရှူးပြုပြင်နိုင်ပေမယ့် ဒီတစ်ခုတည်းနဲ့တော့ မကုသနိုင်ပါဘူး။

(၄) ဆေးဖက်ဝင်ပင်စိမ်း
▪️ ဒီပင်စိမ်းကိုကြိုသောက်ရင် လည်ချောင်းရှင်းစေပြီး ချောင်းဆိုးသက်သာစေနိုင်ပေမယ့် ရောဂါကိုတော့ မကုသနိုင်ပါဘူး။

(၅) ငရုတ်ကောင်းနှင့်ပျားရည်
▪️ ပျားရည်နဲ့ ငရုတ်ကောင်းရောစပ်သောက်သုံးတာက တီဘီလူနာတွေမှာ ချောင်းဆိုးသက်သာနိုင်ပေမယ့် ဆီးချိုသမားတွေဆိုရင် ပျားရည်ကို သတိထားသင့်ပါတယ်။

(၆) ပရိုတိန်းကြွယ်ဝသောစားစရာ
▪️ အာဟာရဓာတ်ချို့တဲ့ရင် ကိုယ်ခံအားနည်းစေတာကြောင့် ကြက်ဥ၊ ပဲအမျိုးမျိုး၊ အခွံမာသီးတို့ စားပေးရင် ရောဂါဝင်လာတာတွေကို တိုက်ဖျက်နိုင်ပါတယ်။

(၇) လုံလောက်အနားယူ၍ ရေဓာတ်ဖြည့်ခြင်း
▪️ အနားယူခြင်း၊ ရေဓာတ်ဖြည့်ခြင်း၊ ဖိစီးမှုထိန်းချုပ်ခြင်းတို့ မပါဘဲနဲ့ အိမ်တွင်းကုထုံးတွေက မပြည့်စုံတာကြောင့် ဆေးတွေစုပ်ယူနိုင်ပြီး ခွန်အားရှိဖို့ ဒါတွေလိုအပ်ပါတယ်။

#Source: DoctorNDTV