#World_News
Published 04 February 2025

▪️ အမေရိကန်သို့ ရောက်နေတဲ့ ရွှေ့ပြောင်းနေထိုင်သူများကို အမေရိကန်စစ်လေယာဉ်တစ်စင်းက အိန္ဒိယသို့ နှင်ထုတ်ပို့ဆောင်နေတယ်လို့ အရာရှိတစ်ဦးက တနင်္လာနေ့မှာ ပြောလိုက်ပြီး ဒါဟာ ရွှေ့ပြောင်းနေထိုင်သူတွေကို ထရမ့်အစိုးရအဖွဲ့မှ စစ်လေယာဉ်ဖြင့် နှင်ထုတ်ပို့ဆောင်နေတဲ့အထဲမှာ အဝေးဆုံးနေရာ ဖြစ်လာပါတယ်။

▪️ သမ္မတ ဒေါ်နယ်ထရမ့်က လူဝင်မှုကြီးကြပ်ရေးကိစ္စ ဆောင်ရွက်ရာမှာ စစ်တပ်အကူအညီ အများအပြား အသုံးပြုလာပြီး အမေရိကန်-မက္ကဆီကိုနယ်စပ်သို့ တပ်ဖွဲ့စေလွှတ်ခြင်း၊ ရွှေ့ပြောင်းနေထိုင်သူများကို စစ်လေယာဉ်ဖြင့် နှင်ထုတ်ပို့ဆောင်ခြင်း၊ ယင်းတို့ကို ထားရှိရန် စစ်စစခန်းများဖွင့်လှစ်ခြင်းတို့လည်း ပါဝင်ပါတယ်။

▪️ အမည်မဖော်လိုသူ အရာရှိပြောကြားရာမှာ C-17လေယာဉ်က ရွှေ့ပြောင်းနေထိုင်သူတွေကို တင်ဆောင်ပြီး အိန္ဒိယသို့ ထွက်ခွာသွားခဲ့ပြီဖြစ်ကာ အနည်းဆုံး ၂၄ နာရီအတွင်းတော့ ရောက်ရှိမှာမဟုတ်ဘူးလို့ ဆိုပါတယ်။

▪️ ဒါ့အပြင် အယ်ပါဆို၊ တက္ကဆပ်စ်၊ ဆန်ဒီယေဂို၊ ကယ်လီဖိုးနီးယားမှ အမေရိကန်အာဏာပိုင်များ ထိန်းသိမ်းထားတဲ့ ရွှေ့ပြောင်းနေထိုင်သူ ၅ ထောင်ကျော်ကို နှင်ထုတ်ပို့ဆောင်ဖို့အတွက်လည်း ပင်တဂွန်က လေယာဉ်များ စေလွှတ်ပေးနေပြီဖြစ်ပါတယ်။

▪️ အခုအချိန်ထိတော့ ရွှေ့ပြောင်းနေထိုင်သူများကို စစ်လေယာဉ်ဖြင့် ဂွာတီမာလာ၊ ပီရူး၊ ဟွန်ဒူးရပ်စ်သို့ ပို့ဆောင်ထားပြီး ဖြစ်ပါတယ်။

▪️ စစ်လေယာဉ်များဖြင့် ပို့ဆောင်ခြင်းဟာ အကုန်အကျများပြားလှပြီး ပြီးခဲ့တဲ့ ရက်သတ္တပတ် ဂွာတီမာလာသို့ စစ်လေယာဉ်ဖြင့် နှင်ထုတ်ပို့ဆောင်ရာမှာ တစ်ဦးလျှင် အနည်းဆုံး ၄၆၇၅ ဒေါ်လာကုန်ကျခဲ့ဖွယ် ရှိပါတယ်။

#Source: Reuters

#World_Health
Published 04 February 2025

▪️ ခွဲစိတ်ဆရာဝန်တွေရဲ့ ဖိစီးမှုအတိုင်းအတာနဲ့ လူနာသက်သာမှုတို့ကြား ဆက်စပ်မှုကို ဟားဗတ်ဒ်တက္ကသိုလ်မှ အံ့အားသင့်ဖွယ် လေ့လာတွေ့ရှိခဲ့ပါတယ်။

▪️ ခွဲစိတ်ဆရာဝန် ၃၈ ဦးနဲ့ လူနာ ၇၉၃ ဦးတို့ကို လေ့လာခဲ့ကြရာမှာ ခွဲစိတ်မှုအစပိုင်း ခွဲစိတ်ဆရာဝန်တွေ ဖိစီးမှုမြင့်တက်ခြင်းက လူနာတွေအတွက် ရလဒ်ပိုကောင်းစေတာနဲ့ ဆက်စပ်နေတယ်လို့ ယူဆနေကြပါတယ်။

▪️ ဇီဝကမ္မဖိစီးမှုနဲ့ စွမ်းဆောင်ရည်တို့ကြား ရှုပ်ထွေးတဲ့ပတ်သက်မှုကို မြင်ရတယ်လို့ ဒေါက်တာ ဂျိတ်ခ်အော်ထရီက ဖော်ပြထားပါတယ်။

▪️ ခွဲစိတ်ဆရာဝန်တွေဆီက လူသားဆိုင်ရာ အချက်အလက်တွေနဲ့ လူနာရလဒ်တို့ကြား ဆက်စပ်မှု အသစ်အဆန်း တွေ့ရတာဖြစ်ပြီး လူနာစောင့်ရှောက်မှုအပိုင်း တိုးတက်လာစေမယ့် လေ့လာချက်ဖြစ်ပါတယ်။

▪️ ခွဲစိတ်မှုများအတွင်း ခွဲစိတ်ဆရာဝန်တွေရဲ့ ဇီဝဖြစ်စဉ်ရှုထောင့်ကနေ သုတေသနကြည့်ရာမှာ ဖိစီးမှုအတိုင်းအတာတစ်ခု ရှိနေခြင်းက စွမ်းဆောင်ရည်မြှင့်တင်ပေးပြီး လူနာအတွက် ရလဒ်ပိုကောင်းစေတယ်လို့ ယူဆရပါတယ်။

▪️ ဒီတွေ့ရှိချက်ဟာ အန္တရာယ်များတဲ့ လုပ်ဆောင်ချက်တွေမှာ ဖိစီးမှုအကြောင်း ယူဆထားတာတွေကို စိန်ခေါ်သလို ဖြစ်နေပါတယ်။

▪️ ဒါ့အပြင် ဒီတွေ့ရှိချက်တွေကနေ ခွဲစိတ်ပညာရှင်လုပ်မယ့်သူတွေအတွက် လေ့ကျင့်ထောက်ပံ့မှုများ ဖြစ်စေနိုင်ရန်လည်း ရည်ရွယ်ထားပါတယ်။

#Source: The Jerusalem Post

#World_Health
Published 04 February 2025

▪️ အမေရိကန်က အမျိုးသားတွေမှာ ဆီးကျိတ်ကင်ဆာက အဖြစ်အများဆုံး ကင်ဆာတွေထဲမှာပါပြီး ၁၃ ရာခိုင်နှုန်းသော အမျိုးသားတွေမှာ ဖြစ်ပွားကြကာ ကုသတဲ့အခါမှာ ကျားအင်္ဂါထောင်မတ်ခြင်း ပြဿနာနဲ့ ကြုံတွေ့ရတတ်ပါတယ်။

▪️ ပြီးခဲ့တဲ့လ တက္ကဆပ်စ်မှာ ဆီးကျိတ်ဂလင်းတစ်ခုကို စက်ရုပ်နှစ်ခုဖြင့် ကမ္ဘာ့ပထမဆုံး ခွဲစိတ်မှုဖြင့် ဖယ်ရှားခဲ့ပြီး အင်္ဂါထောင်မတ်ခြင်းကို ထိန်းချုပ်ပေးတဲ့ အာရုံကြောတွေကို ထိန်းသိမ်းပေးတဲ့ နည်းလမ်းဖြစ်ပါတယ်။

▪️ တစ်ရှူးတွေကို ပိုမိုမြင်တွေ့ရတဲ့ သံလိုက်နည်းပညာ အသုံးပြုပြီး ဆီးကျိတ်မှာ အာရုံကြောအစည်းတွေကို ခွဲစိတ်ဆရာဝန်တွေ ကောင်းစွာမြင်တွေ့ရကြောင်း၊ အာရုံကြောတွေက အင်္ဂါလုပ်ဆောင်ချက်တွေမှာ အလွန်အရေးပါတဲ့အတွက် ထိန်းသိမ်းထားဖို့ အရေးကြီးကြောင်း Levita Magneticsမှ စီအီးအိုနဲ့ တည်ထောင်သူ အယ်ဘာတိုရိုဒရီဂွက်ဇ်နာဗာရိုက ပြောသွားပါတယ်။

▪️ ဒေါက်တာ ဂျက်ဖရီကဒက်ဒူက da Vinci single port robotic system နဲ့ Levitaရဲ့ MARS platformတို့ကို အတူတကွအသုံးပြုကာ UT ဆောက်သ်ဝက်စ်တန်းဆေးရုံမှာ အသက် ၆၇ နှစ်ရှိ အဆင့်-၂ ဆီးကျိတ်ကင်ဆာလူနာရဲ့ ဆီးကျိတ်ကို ပထမဆုံးအကြိမ်အဖြစ် ဖယ်ရှားနိုင်ခဲ့ပါတယ်။

▪️ အဆိုပါ နည်းလမ်းနှစ်မျိုး အသုံးပြုခြင်းဖြင့် ခွဲစိတ်ရာအရေအတွက် နည်းပါးသွားကာ နာကျင်ခြင်းနဲ့ ဘေးထွက်ဆိုးကျိုးများ လျော့ပါးသွားသလို အမာရွတ်အနည်းငယ်ဖြင့်သာ အလျင်အမြန် သက်သာလာပါတယ်။

▪️ စက်ရုပ်အသုံးပြုတဲ့အခါ အစာအိမ်အောက်ပိုင်းနေရာမှာ ခွဲရာ ၅-၆ ချက်လောက်ဖြင့် ခွဲစိတ်ပစ္စည်းများနဲ့ ကင်မရာကို ထည့်သွင်းနိုင်ခဲ့ကာ ဆီးကျိတ်ဂလင်း ဖယ်ရှားနိုင်ခဲ့တာ ဖြစ်ပါတယ်။

▪️ da Vinci single portက ကင်မရာနဲ့ ပစ္စည်းကိရိယာများကို စုဖွဲ့ထားသဖြင့် ခွဲရာတစ်ခုတည်း လိုအပ်ပြီး စက်ရုပ်လက်တစ်ခု ပါဝင်တဲ့ Cadedduကတော့ လှုပ်ရှားရကျယ်ပြန့်စေကာ ကိရိယာများကြား ပွတ်တိုက်ခြင်းကို အနည်းဆုံးလျှော့ချပေးပါတယ်။

▪️ ဒီပေါင်းစပ်နည်းပညာကို ဆီးကျိတ်ဖယ်ရှားခြင်းအပြင် အခြားခွဲစိတ်မှုတွေနဲ့ အခြားနေရာတွေအထိ အသုံးပြုနိုင်အောင် စီစဉ်နေကြပါတယ်။

#Source: New York Post

၃ ဖေဖော်ဝါရီလ  ၂၀၂၄

အမေရိကန်ရဲ့ နိုင်ငံခြား အကူအညီပေးရေး အေဂျင်စီ USAID ကို ပိတ်ပစ်ဖို့အတွက် လုပ်ငန်းတွေ စတင်နေပြီလို့ အမေရိကန် အစိုးရဌာနများစွမ်းရည်မြင့်ရေးဌာနကို ဦးဆောင်နေတဲ့ ဘီလျံနာ အီလွန်မတ်စ်က ပြောကြားလိုက်ပါတယ်။

သူ့ရဲ့အစိုးရဌာနများစွမ်းရည်မြင့်ရေးဌာနဟာ အစိုးရရဲ့ အသုံးစရိတ်တွေဖြတ်တောက်ရတဲ့ ဖက်ဒရယ်အဖွဲ့တစ်ခုဖြစ်ပါတယ်။

USAID ကိုဖျက်သိမ်းဖို့ သမ္မတထရမ့်က သဘောတူပြီးဖြစ်တယ်လို့လည်း ထရမ့်ကပြောပါတယ်။ USAID ဟာ ပြုပြင်လို့မရတော့တဲ့အနေအထားဖြစ်တယ်လို့လည်း သူကဆက်ပြောပါတယ်။

USAID ရဲ့ ဝန်ထမ်းအများစုကို တနင်္လာနေ့မှာ ရုံးမတက်ကြဘဲ အိမ်ကနေအလုပ်လုပ်ကြဖို့ ပြောထားပါတယ်လို့ ရိုက်တာကတွေ့ရှိရတဲ့ အီးမေးလ်အကြောင်းကြားစာတစ်ခုအရသိရပါတယ်။  နောက်ထပ်ညွှန်ကြားမှုတွေဆက်လာမယ်လို့လည်း အဆိုပါအီးမေးလ်မှာရေးသားထားပါတယ်။

“ USAID ကို  အကြီးအကျယ်အစွန်းရောက်အုပ်စုက စီမံခန့်ခွဲနေကြတယ်” လို့ တနင်္ဂနွေနေ့က သတင်းထောက်တွေကိုပြောခဲ့ပါတယ်။  “ သူတို့ကိုထုတ်ပစ်ရမယ်။ ပြီးရင် ဆုံးဖြတ်ချက်တစ်ခု ချရမယ်” လို့ ထရမ့်ကပြောပါတယ်။

USAID ဟာ ကမ္ဘာမှာ အကြီးဆုံး ကူညီလှူဒါန်းနေတဲ့အဖွဲ့အစည်းဖြစ်ပြီး  ၂၀၂၃ခုနှစ်မှာ တစ်ကမ္ဘာလုံးသို့ အကူအညီ  အမေရိကန်ဒေါ်လာ ၇၂ ဘီလျံပေးကမ်းခဲ့တာဖြစ်ပါတယ်။ USAID မှာ ဝန်ခမ်းပေါင်း တစ်သောင်းကျော်ရှိပါတယ်။ ထရမ့်ရဲ့ အမေရိကန်ပထမ မူဝါဒကြောင့် USAIDရဲ့ အကူအညီအများစုကို ရပ်တန့်ပစ်ခဲ့ရပါတယ်။ အဲဒါကြောင့် ထိုင်းနိုင်ငံ ဒုက္ခသည်စခန်းတွေက ဆေးရုံတွေ၊ စစ်ဖြစ်နေတဲ့ဒေသ တွေက မြေမြှပ်မိုင်းရှင်းလင်းရေးတွေ၊ အိတ်ချ်အိုင်ဗီကဲ့သို့သောရောဂါတွေကိုကုသပေးနေတဲ့ဆေးဝါးတွေ စတဲ့အစီအစဉ်တွေဟာ ဖျက်သိမ်းခံရမယ့်ကိန်းဆိုက်နေပါတယ်။

Source Reuters

အစ္စရေးလ်ဘက်က ပိတ်ပင်မှုတွေ စတင်ပြုလုပ်ပြီဖြစ်ပေမယ့် UNRWAလိုခေါ်တဲ့ ပါလက်စ်တိုင်းဒုက္ခသည်များအတွက် ကုလသမဂ္ဂကယ်ဆယ်ရေးနဲ့ လုပ်ငန်းအဖွဲက လူသားချင်း ထောက်ထားကူညီမှုများ ဆက်လုပ်ပြုလုပ်နေဆဲ ဖြစ်တယ်လို ကြာသပတေးနေ့က ပြောပါတယ်။
#World_News
Published  3 February 2025
#UNRWA #ပါလက်စ်တိုင်းဒုက္ခသည်များ
#YMG #Yangon_Times #Yangon_Media_Group

#Daily_News
Published  3 February 2025

၁။ ရွှေလေပတ်ကားပပျောက်ရေးနှင့်  နိုင်ငံတကာသို့ရောင်းချ‌နိုင်ရေးများပါဆောင်ရွက်နေ

၂။ စားအုန်းဆီ‌ရည်ညွန်း‌ဈေးများ ဆက်တိုက်ကျဆင်းနေသော်လည်း ပြင်ပပေါက်ဈေးမကျ

၃။ ပြည်တွင်းထုတ် ပရိဘောဂနှင့် ကြမ်းခင်းများကို စင်ကာပူနှင့်အိန္ဒိယသို့ အဓိကတင်ပို့နေ

၄။ အစ္စရေးလ်ဘက်မှ ဥပဒေထုတ်ပြန်ပိတ်ပင်လိုက်သော်ငြား ပါလက်စ်တိုင်းဒုက္ခသည်များအတွက်အကူအညီများ UNRWA ဆက်လက်ပေးပို့သွားမည်
... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group