#World_News
Published 27 Decembed 2025

■ ယူကရိန်းသမ္မတ ဇယ်လန်စကီက စစ်ပွဲအဆုံးသတ်ရေး နယ်မြေကိစ္စများကို အမေရိကန်သမ္မတ ဒေါ်နယ်ထရမ့်နဲ့ တနင်္ဂနွေနေ့မှာ ဆွေးနွေးလိုနေပါတယ်။

■ အချက် ၂၀ ပါ ငြိမ်းချမ်းရေးမူဘောင်နဲ့ လုံခြုံရေးအာမခံချက် သဘောတူညီချက်တို့က ပြီးမြောက်ဖို့ နီးစပ်နေပြီဖြစ်ပါတယ်။

■ နှစ်သစ်ကူးမတိုင်ခင် အကြောင်းအရာ အများအပြား ဆုံးဖြတ်ချက် ချသွားနိုင်တယ်လို့ ဇယ်လန်စကီ ပြောပါတယ်။

■ အမေရိကန်နဲ့ ယူကရိန်းတို့ကြား လုံခြုံရေးအာမခံချက်က အဆင်သင့်နီးပါး ဖြစ်နေကာ အချက် ၂၀ ပါဝင်တဲ့မူကြမ်းကလည်း ၉၀ ရာခိုင်နှုန်း ပြီးမြောက်နေပြီလို့ ဆိုပါတယ်။

■ ထရမ့်ကတော့ သူအသိအမှတ် မပြုခင်အထိ ဇယ်လန်စကီ ဘာမှမရနိုင်ဘူးလို့ ဆိုပါတယ်။

■ ယခင်က မဟာမိတ်များ လုံခြုံရေးအာမခံချက် ပျက်ယွင်းခဲ့တာကို စဉ်းစားပြီး ယူကရိန်းက တရားဝင်ခိုင်မာတဲ့ သဘောတူညီချက်မျိုး လိုချင်တာ ဖြစ်ပါတယ်။

■ ဇယ်လန်စကီနဲ့ အစည်းအဝေးမှာ မူကြမ်းထဲကကိစ္စမျ အချောသတ်ဖို့ ဆွေးနွေးသွားမယ်လို့ ထရမ့်ပြောပါတယ်။

■ ညှိနှိုင်းမှုများ ပြုလုပ်ရာမှာ နယ်မြေကိစ္စက ခက်ခဲတဲ့အခြေအနေ ရှိနေပြီး ရုရှားတို့က ဒိုနက်စ်အရှေ့ဘက်ကနေ ယူကရိန်းတို့ ဆုတ်ခွာပေးဖို့ အလိုရှိနေပါတယ်။

■ ယူကရိန်းက လက်ရှိမှာ တိုက်ခိုက်မှုတွေကို ရပ်တန့်လိုနေပါပြီ။

■ ယင်းတို့နှစ်ယောက် ဆွေးနွေးပွဲကို ဥရောပခေါင်းဆောင်တွေကလည်း အွန်လိုင်းကနေ ပါဝင်ဖွယ်ရှိနိုင်ပါတယ်။

■ ဇယ်လန်စကီက ထရမ့်နဲ့အတူ ရုရှားကို ဆက်လက်ဖိအားပေးသွားဖို့ စီစဉ်နေပါတယ်။

Source: Reuters

#World_Health
Published 27 December 2025

■ နှလုံးဖောက်ခြင်းဖြစ်စဉ်တွေရဲ့ ပျမ်းမျှအသက်က အမျိုးသားတွေမှာ ၅၆ နှစ်နဲ့ အမျိုးသမီးတွေမှာ ၆၅ နှစ် ဖြစ်ပါတယ်။

■ နှလုံးသွေးကြောကျန်းမာရေးနဲ့ ပတ်သက်လာရင် အစားအသောက်၊ နေထိုင်မှုပုံစံ၊ ဆေးဝါးတို့က အရေးပါနေပါတယ်။

■ နှလုံးကာကွယ်ရေး အာဟာရပညာရှင် မစ်ရှဲလ်ရူသန်စတိုင်က နှလုံးကျန်းမာရေးအတွက် မဂ္ဂနီဆီယံလုံလောက်ဖို့က အရေးကြီးကြောင်း ပြောထားပါတယ်။

■ မဂ္ဂနီဆီယံက အရေးပါတဲ့ သတ္တုဓာတ်ဖြစ်ပြီး နှလုံးကြွက်သားတွေမှာ လျှပ်စီးလှုပ်ရှားမှုတွေကို ထိန်းညှိပေးပြီး နှလုံးခုန်နှုန်း ပုံမှန်ဖြစ်အောင် ထိန်းသိမ်းပေးတယ်လို့ ရှင်းပြပါတယ်။

■ သက်ကြီးရွယ်အိုတွေမှာ မဂ္ဂနီဆီယံချို့တဲ့ပါက သွေးတိုး၊ လေဖြတ်၊ နှလုံးခုန်မမှန်ခြင်းစတဲ့ ပြဿနာများ ဖြစ်လာနိုင်ပါတယ်။

■ အမျိုးသားတွေအတွက် တစ်နေ့ကို မဂ္ဂနီဆီယံ ၄၂၀ မီလီဂရမ်နဲ့ အမျိုးသမီးတွေမှာ ၃၂၀ မီလီဂရမ် ရရှိဖို့ အရေးကြီးပါတယ်။

■ မဂ္ဂနီဆီယံက သွေးကြောတွေကျယ်စေပြီး နှလုံးသွေးကြောကို ဝန်ပေါ့စေကာ သွေးပေါင်ချိန်ကိုလည်း ပုံမှန်ထိန်းပေးပါတယ်။

■ အရိုးကျန်းမာရေး၊ ကယ်စီယံဖြစ်စဉ် ထိန်းညှိခြင်း၊ အရိုးသိပ်သည်းဆ ထိန်းသိမ်းခြင်းတို့မှာ မဂ္ဂနီဆီယံက အရေးပါပါတယ်။

■ ဂျုံပြောင်းဆန်များ၊ အခွံမာသီးများ၊ ဟင်းနုနွယ်၊ ပဲအမျိုးမျိုး၊ အာလူးတို့မှာ မဂ္ဂနီဆီယံ ကြွယ်ဝစွာ ပါဝင်သလို အာဟာရဓာတ် ချို့တဲ့သူတွေမှာ ဖြည့်စွက်ဆေးများလည်း အသုံးဝင်နိုင်ပါတယ်။

■ အာဟာရဓာတ်မျှတတဲ့ အစားအသောက် စားခြင်းဖြင့် မဂ္ဂနီဆီယံလုံလောက်စွာ ရနိုင်ပြီး နှလုံးသွေးကြော၊ အရိုး၊ ဇီဝကျန်းမာရေးတို့ကို ကူညီထောက်ပံ့ပေးနိုင်မှာ ဖြစ်ပါတယ်။

Source: Parade

#World_Health
Published 27 December 2025

■ လူအများစုက ညအိပ်ပျော်သွားတဲ့အခါ လက်တွေ အထဲသို့ကွေးသွားပြီး ရင်ဘတ်နား ကပ်သွားကာ ဒါကို ဆိုရှယ်မီဒီယာပေါ်မှာ T. rex အနေအထားလို့ ခေါ်ကြပါတယ်။

■ ညတိုင်းညတိုင်း ဒီလိုမျိုး ဖြစ်လာတယ်ဆိုရင် ထုံကျဉ်ခြင်း၊ စူးရှခြင်းတို့ ခံစားရနိုင်ပြီး အာရုံကြောတွေ ထိခိုက်လာနိုင်တယ်လို့ ဆရာဝန်တွေ သတိပေးလာပါတယ်။

■ လက်တွေ အထဲသို့ကွေးတုပ်သွားတဲ့အခါ တံတောင်ဆစ်၊ လက်ကောက်ဝတ်တို့က အာရုံကြောတွေကို ဖိမိစေကာ သွေးစီးဆင်းမှု နှေးစေပြီး လက်တွေ ထုံကျဉ်စူးရှစေတဲ့အပြင် ရေရှည်မှာ ဒဏ်ဖြစ်လာစေပါတယ်။

■ မနက်အိပ်ရာနိုးလို့ လက်တွေလှုပ်မရတဲ့အခါမျိုး၊ လှုပ်ခါရတဲ့အခါမျိုးဟာ အာရုံကြောစနစ် အခြေအနေမကောင်းတဲ့ လက္ခဏာဖြစ်တယ်လို့ Sleepopolis မှ အိပ်စက်ကျန်းမာရေးအထူးကု ဒေါက်တာ ရာဂျ်ဒက်စ်ဂုတာက ပြောပါတယ်။

■ အကယ်၍ ယာယီသာ ခံစားရပြီး အိပ်စက်ပုံအနေအထား ပြောင်းလိုက်လို့ အဆင်ပြေသွားတယ်ဆိုရင် ကိစ္စမရှိပေမယ့် ရက်တွေလတွေတိုင်အောင် ဖိထားသလိုဖြစ်တယ်ဆိုရင်တော့ အာရုံကြောထိသွားတာ ဖြစ်နိုင်ပါတယ်။

■ ဖိစီးမှု စိုးရိမ်ပူပန်မှုခံစားရခြင်း၊ ကောင်းစွာ မအိပ်စက်ရခြင်းတို့ကြောင့် ခန္ဓာကိုယ်က အလိုအလျောက် T. rex အနေအထားမျိုးအဖြစ် အကာအကွယ်ယူ အိပ်ပျော်သွားတတ်ပါတယ်။

■ လက်ကွေးမသွားအောင် ခေါင်းအုံးခံခြင်း၊ ပဝါအသုံးပြုခြင်းတို့ဖြင့် ပိုမိုသင့်လျော်တဲ့ အိပ်စက်မှုပုံစံရရှိစေနိုင်ပါတယ်။

■ အသက်ရှူလေ့ကျင့်ခန်း၊ အိပ်စက်မှုအားပေးနိုင်မယ့် အလေ့အထတွေက အိပ်စက်မှုပုံစံကောင်းမွန်အောင် ထောက်ပံ့ပေးနိုင်မှာ ဖြစ်ပါတယ်။

Source: HuffPost.

တရုတ်နိုင်ငံခြားရေးဝန်ကြီးဌာနမှ အာရှရေးရာ အထူးသံတမန် ဒန်ရှီကျွန်က ကမ္ဘောဒီးယားနဲ့ ထိုင်းနိုင်ငံသို့သွားကာ နယ်စပ်ပဋိပက္ခနဲ့ပတ်သက်ပြီး ကြားဝင်ညှိနှိင်းပြောဆိုပေးဖို့ ခရီးစဉ်ထွက်ခွာခဲ့ကြောင်းဖော်ပြထားပါတယ်။

#Local_News
Published 26 December 2025
#ကမ္ဘောဒီးယား #ထိုင်း
#YMG #Yangon_Times #Yangon_Media_Group

#World_News
Published 26 December 2025

■ နိုင်ဂျီးရီးယားအစိုးရရဲ့ တောင်းဆိုမှုဖြင့် အမေရိကန်က နိုင်ဂျီးရီးယား အနောက်မြောက်ပိုင်းမှ အစ္စလာမ်စစ်သွေးကြွများကို တိုက်ခိုက်မှုတစ်ခု ပြုလုပ်ခဲ့တယ်လို့ သမ္မတဒေါ်နယ်ထရမ့်နဲ့ အမေရိကန်စစ်တပ်တို့က ကြာသပတေးနေ့မှာ ပြောသွားပါတယ်။

■ ထိုစစ်သွေးကြွတွေက ဒေသတွင်းမှာရှိတဲ့ ခရစ်ယာန်တွေကို ပစ်မှတ်ထားနေတာ ဖြစ်ပါတယ်။

■ နိုင်ဂျီးရီးယား အာဏာပိုင်များရဲ့ ပူးပေါင်းမှုဖြင့် ဆိုကိုတိုပြည်နယ်မှာ တိုက်ခိုက်မှုလုပ်ခဲ့ပြီး ISIS စစ်သွေးကြွအများအပြားကို သုတ်သင်ခဲ့တယ်လို့ အမေရိကန်စစ်တပ်ရဲ့ အာဖရိကကွပ်ကဲရေးကပြောထားပါတယ်။

■ နိုင်ဂျီးရီးယားမှာ ခရစ်ယာန်တွေ ခြိမ်း‌ခြောက်ခံနေရပြီး စစ်ရေးဝင်ရောက် စွက်ဖက်ဖို့လို‌ပြီလို့ ထရမ့်က အောက်တိုဘာလမှာ သတိပေးခဲ့ပါတယ်။

■ နိုဝင်ဘာနောက်ပိုင်းတည်းက အမေရိကန်ဟာ နိုင်ဂျီးရီးယား နေရာအနှံ့အပြားမှာ သတင်းထောက်လှမ်းရယူခဲ့ကြတာ ဖြစ်ပါတယ်။

■ နိုင်ဂျီးရီးယားက အမေရိကန်နဲ့ ပူးပေါင်းကာ အချက်အလက်မျှဝေခြင်း၊ ဗျူဟာမြောက် ပူးပေါငါးဆောင်ရွက်ခြင်းတို့ ပြုလုပ်ခဲ့ကြောင်း နိုင်ငံခြားရေးဝန်ကြီးဌာနက ပြောပါတယ်။

■ ISIS စခန်းတွေလို့ သိထားတဲ့ နေရာတွေမှ စစ်သွေးကြွတွေကို ပစ်မှတ်ထား တိုက်ခိုက်ခဲ့တာ ဖြစ်ပါတယ်။

■ ဒီအဖွဲ့တွေဟာ ခရစ်ယာန်တွေရော မွတ်ဆလင်တွေကိုပါ ခြိမ်းခြောက်နေတာ ဖြစ်တယ်လို့ နိုင်ဂျီးရီးယားအစိုးရက ပြောထားပါတယ်။

■ ထရမ့်က ခရစ္စမတ်နေ့မှာ တိုက်ခိုက်မှုအကြောင်း ကြေညာခဲ့တာ ဖြစ်ပါတယ်။

■ အမေရိကန်တပ်တွေဟာ ပြီးခဲ့တဲ့ ရက်သတ္တပတ်ကလည်း ဆီးရီးယားမှ အစ္စလာမ်ပစ်မှတ်များကို တိုက်ခိုက်ခဲ့ပါသေးတယ်။

Source: Reuters

#World_Health
Published 26 December 2025

■ ဝိုင်သောက်ခြင်းကနေ အယ်ကိုဟောတွေ ဝင်လာပြီး သွေးတိုးခြင်း၊ အသည်းရောဂါ၊ အစာခြေစနစ်၊ စိတ်ကျန်းမာရေး၊ ကိုယ်ခံအားစနစ်တို့အပြင် ကင်ဆာပါ ဖြစ်နိုင်ခြေများစေပါတယ်။

■ ဒါပေမဲ့ ဝိုင်ကို အတော်အသင့် သောက်သုံးရင်တော့ နှလုံးအတွက် အကျိုးကျေးဇူးအချို့ ရနိုင်တယ်လို့ လန်ဒန်မှ နှလုံးအထူးကု အိုလီဗာဂတ်မန်းက ပြောပါတယ်။

■ ဝိုင်က မကောင်းတဲ့ ကိုလက်စထရောတွေကို လျှော့ချနိုင်ကာ နှလုံးရောဂါ၊ ကျောက်ကပ်ပြဿနာများ၊ လေဖြတ်ခြင်းတို့ ဖြစ်နိုင်ခြေနည်းစေနိုင်တယ်လို့ တွေ့ရှိထားပါတယ်။

■ သူ့မှာပါတဲ့ ဒြပ်ပေါင်းတွေက သွေးကြောတွေ ပွင့်စေတဲ့အပြင် ဓာတ်တိုးဆန့်ကျင်ပစ္စည်းတွေကလည်း နှလုံးကျန်းမာရေးကို အထောက်အကူဖြစ်စေပါတယ်။

■ ဒါပေမဲ့ အယ်ကိုဟော ဘယ်လောက်ပဲသောက်သောက် ဘေးကင်းတယ်မရှိဘူးလို့လည်း WHO က ဖော်ပြဖူးပါတယ်။

■ အုပ်စု(၁) ကင်ဆာဖြစ်စေတဲ့ ပစ္စည်းတွေက နှလုံးအကျိုးကျေးဇူးဆိုတာထက် ပိုပြီးများနေပါတယ်။

■ ဘယ်ရီသီး၊ စပျစ်သီးတွေက ဝိုင်လိုမျိုး အကျိုးကျေးဇူးပေးကာ ဝိုင်ရဲ့ဘေးထွက်ဆိုးကျိုးတွေ မပါရှိပါဘူး။

■ မသောက်ဖူးတဲ့သူကို သောက်ဖို့အားမပေးသလို အတော်အသင့်သောက်ခြင်းကလည်း အဓိကအရေးပါကြောင်း၊ အယ်ကိုဟောသောက်စရာတွေမှာ သကြားနဲ့ ကယ်လိုရီတို့ မြင့်မားစွာပါဝင်ကာ အသည်းကို ထိခိုက်စေကြောင်း ဂတ်မန်းက ပြောထားပါတယ်။

■ တစ်လအတွင်း ဝိုင်ခွက် ၂၀ ထက် ပိုမသောက်ဖို့လည်း အကြံပြုထားပါတယ်။

■ ဗြိတိန်နှလုံးဖောင်ဒေးရှင်းကတော့ တစ်ပတ်ကို အယ်ကိုဟော ၁၄ ခွက်ထက် ပိုမသောက်သင့်ဘူးလို့ အကြံပြုထားပါတယ်။

■ ဝိုင်က ဆေးမဟုတ်တာကြောင့် စားချင်တာစားပြီး ဝိုင်နဲ့ချေဖျက်တာမျိုး မလုပ်စေလိုဘူးလို့ ပြောသွားပါတယ်။

Source: The Guardian