#World_Health
Published 29 September 2023

ကင်ဆာဝေဒနာရှင်များအတွက် မျိုးဗီဇဆက်စပ်စမ်းသပ်နည်းများကို အခြေခံကာ တစ်ဦးချင်း ကင်ဆာကုသနည်းလမ်းများ မြှင့်တင်ပေးမယ့် ပူးပေါင်းဆောင်ရွက်မှု သဘောတူညီချက်ကို ရို့ချ်အစ္စရေးလ် ဆေးဘက်ဆိုင်ရာကုမ္ပဏီဖြစ်တဲ့ ဟာဒါဆာ ဆေးဘက်ဆိုင်ရာ တက္ကသိုလ်စင်တာမှ လက်မှတ်ရေးထိုးလိုက်ပါတယ်။

ဒါဟာ အစ္စရေးလ်မှာ ပထမဆုံးပူးပေါင်းမှုပုံစံ ဖြစ်လာမှာပါ။

မော်လီကျူးနဲ့ ဇီဝအချက်အလက်ဆိုင်ရာ နည်းပညာများကို အခြေခံကာ ကင်ဆာလူနာတွေအနေနဲ့ မျိုးဗီဇဆက်စပ်စမ်းသပ်နည်း ပူးပေါင်းဆောင်ရွက်ချက် ပုံစံများကို ရွေးချယ်ကုသနိုင်မှာဖြစ်ပြီး ကုမ္ပဏီများအနေနဲ့ ကင်ဆာအဆင့်တိုင်းမှာ တိကျတဲ့ကုသမှုများ လုပ်ဆောင်နိုင်မှာ ဖြစ်ပါတယ်။

ဒီလိုပေါင်းစပ်ခြင်းနည်းလမ်းကို အသုံးပြုကာ ကင်ဆာရောဂါကို အဆင့်မြင့်အဆန်းသစ်ဆုံး စမ်းသပ်ချက်များဖြင့် လူနာတွေအတွက် ဆောင်ရွက်ပေးနိုင်မှာ ဖြစ်ပါတယ်။

သဘောတူညီချက်များအရ ထိုနည်းလမ်းစမ်းသပ်ချက်များဖြင့် ဟာဒါဆာမှလူနာတွေကို ပိုမိုတိကျတဲ့ ကင်ဆာရှာဖွေရေးစမ်းသပ်မှုများ ပြုလုပ်မှာဖြစ်ပြီး နိုင်ငံခြားဓာတ်ခွဲခန်းများသို့ ပို့ဆောင်မှာဖြစ်ပါတယ်။

လူနာတစ်ဦးချင်းအတွက် မျိုးဗီဇစမ်းသပ်နည်းဖြင့် ကင်ဆာအကျိတ်ရဲ့ သဘောသဘာဝကို သိရှိစေနိုင်ကာ အတိကျဆုံးကုသမှု ပေးနိုင်မှာဖြစ်ပါတယ်။

လူနာစောင့်ရှောက်မှု ပိုမိုမြင့်မားရေးအတွက် AI အခြေပြုပစ္စည်းကိရိယာများလည်း ပိုမိုထုတ်လုပ်လာနိုင်မှာ ဖြစ်ပါတယ်။

ဆေးဘက်ဆိုင်ရာ အားသာချက်များအပြင် ကင်ဆာထိန်းချုပ်ရေးအတွက် အဆင့်မြင့်သိပ္ပံနည်းပညာများနဲ့ သုတေသနများမှာလည်း သိသိသာသာ တိုးတက်စေမှာ ဖြစ်ပါတယ်။

ကင်ဆာလူနာများကို အကောင်းဆုံး မော်လီကျူး အခြေခံနည်းလမ်းများဖြင့် ကုသခွင့်ရတဲ့အတွက် ဂုဏ်ယူရကြောင်း၊ လူနာများကို ကုသရာမှာ တိုးတက်လာမယ်လို့ ယုံကြည်နေကြောင်း ဟာဒါဆာကင်ဆာတက္ကသိုလ်မှ ညွှန်ကြားရေးမှူး ပရော်ဖက်ဆာ အာရွန်ပိုပေ့ါဗ်ဇာက ပြောကြားသွားပါတယ်။

မျိုးဗီဇပြောင်းလဲချက်များအပေါ် အခြေခံကာ ကင်ဆာလူနာတစ်ဦးကို အချိန်မှန် ကုသနည်းမှန်မှန်ဖြင့် ကုသပေးနိုင်မှာဖြစ်ကာ မလိုအပ်တဲ့ ကုသမှုတွေ ရှောင်ရှားနိုင်မှာလည်း ဖြစ်ပါတယ်။

#World_Health #မျိုးဗီဇဆက်စပ်နည်းလမ်း #ကင်ဆာလူနာ
#Source:_The_Jerusalem_Post

#World_Health
Published 28 September 2023

အိတ်စ်ရောဂါ (Disease X)လို့ WHO မှ အမည်ပေးထားတဲ့ရောဂါဟာ ကိုဗစ်၁၉ရောဂါထက် ပိုမိုအသက်အန္တရာယ်များနိုင်တဲ့ ကပ်ရောဂါကြီး ဖြစ်စေနိုင်တယ်လို့ ဗြိတိန်ကျန်းမာရေး ပညာရှင်တစ်ဦးက ပြောကြားလိုက်ပါတယ်။

အဆိုပါဗိုင်းရပ်စ်အသစ်ဟာ ၁၉၁၉ - ၁၉၂၀ အတွင်းက စပိန်တုပ်ကွေးလိုမျိုး ထိခိုက်စေလိမ့်မယ်လို့ ၂၀၂၀ မေလမှ ဒီဇင်ဘာလအထိ ဗြိတိန်ကာကွယ်ဆေးအဖွဲ့မှာ ဥက္ကဌအဖြစ် ထမ်းဆောင်ခဲ့တဲ့ ကေတီဘင်ဂမ်က ဆိုခဲ့ပါတယ်။

ထိုရောဂါဟာ ဗိုင်းရပ်စ်၊ ဘက်တီးရီးယား၊ မှိုတစ်ခုခုကြောင့် ဖြစ်နိုင်ပြီး ကုသရာနည်းလမ်း မရှိသေးဘူးလို့ WHO က ဆိုပါတယ်။

စပိန်တုပ်ကွေးတုန်းက လူသန်း ၅၀ ခန့်သေဆုံးခဲ့ကာ ယခုလက်ရှိ တည်ရှိနေပြီးသားဖြစ်နေတဲ့ ဗိုင်းရပ်စ်ကြောင့် အလားတူ သေဆုံးသူပမာဏ ရှိလာနိုင်တယ်လို့ မစ္စဘင်ဂမ်က ထုတ်ဖော်ပြောကြားလိုက်ပါတယ်။

အိတ်စ်ရောဂါရဲ့ ခြိမ်းခြောက်မှုကို ကာကွယ်ဖို့ဆိုရင် တစ်ကမ္ဘာလုံးအနေနဲ့ ကာကွယ်ဆေး အမြောက်အများ ပြင်ဆင်ထားရန်နဲ့ အချိန်မီပေးပို့နိုင်ရန် ပြင်ဆင်ထားဖို့ လိုအပ်ပါတယ်လို့ Daily Mail ထံ ပြောကြားခဲ့ပါတယ်။

ဗိုင်းရပ်စ်မျိုးနွယ်ဝင် ၂၅ မျိုး တွေ့ရှိထားပေမယ့် တစ်မျိုးကနေ တစ်မျိုးကူးပြောင်းနိုင်တဲ့ မျိုးကွဲဗိုင်းရပ်စ်ပေါင်း တစ်သန်းကျော် ကျန်ရှိနေနိုင်ပါသေးတယ်။

ကိုဗစ်ရောဂါကြောင့် ကမ္ဘာတဝှမ်းမှာ သန်း ၂၀ ကျော်သေဆုံးခဲ့တယ် ဆိုပေမယ့် ကံကောင်းတယ်လို့ ပြောရမှာဖြစ်ကြောင်း၊ လူအများစုက ကိုဗစ်ရောဂါမှ ပြန်လည်သက်သာလာကြကြောင်း၊ အိတ်စ်ရောဂါကတော့ ဝက်သက်လို ကူးစက်မှုနှုန်းမြန်ဆန်ပြီး အီဘိုလာလိုမျိုး အသက်အန္တရာယ်ရှိကြောင်း၊ တစ်နေရာရာမှာ ဗိုင်းရပ်စ်ကပွားနေကာ တစ်ချိန်ချိန်မှာ တစ်စုံတစ်ယောက်ကနေ စတင်ဖျားနာလာနိုင်ကြောင်း ရှင်းပြသွားပါတယ်။

ရောဂါပျံ့ပွားမှုတွေ များပြားလာရခြင်း အကြောင်းအရင်းတွေက ယနေ့ခေတ်မှာ နေထိုင်ရခြင်းရဲ့ ပေးဆပ်မှုတစ်ခု ဖြစ်လာရခြင်း၊ ပြောင်းလဲလာတဲ့ ကမ္ဘာ့ယဥ်ကျေးမှုထုံးတမ်းနဲ့ ပိုမိုဆက်စပ်လာရခြင်း၊ မြို့ကြီးပြကြီးတွေမှာ လူတွေပိုပိုများလာပြီး ထိတွေ့မှုပိုမိုများပြားလာရခြင်း တို့ကြောင့် ဖြစ်နေပါတယ်။

ရောဂါအိတ်စ်လို့ အမည်ပေးရခြင်းက လူသားတွေမှာ ရောဂါဖြစ်စေနိုင်တယ်လို့ မသိရသေးတဲ့ ရောဂါပိုးတစ်ခုကြောင့် နိုင်ငံတကာမှာ ကပ်ရောဂါဖြစ်ပွားနိုင်တာကြောင့် ဖြစ်ပါတယ်။

#World_Health #(Disease X)ကပ်ဘေး #လူသန်း၅၀ခန့်သေဆုံး #Source: NDTV

၂၈ စက်တင်ဘာ ၂၀၂၃

အမုန်းတရားတွေ လုပ်နေမယ်ဆိုရင်တော့ တိုင်းပြည်နစ်နာဖို့ပဲရှိတယ်လို့ နစက ဥက္ကဋ္ဌနှင့် နိုင်ငံတော် ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်ကပြောပါတယ်။

စက်တင်ဘာ ၂၈ ရက်က နေပြည်တော်ရှိ နစက ဥက္ကဋ္ဌရုံးမှာကျင်းပတဲ့ နိုင်ငံတော်စီမံအုပ်ချုပ်ရေး   ကောင်စီအစည်းအဝေး(၄/၂၀၂၃)တွင် ဗိုလ်ချုပ်မှူးကြီးမင်းအောင်လှိုင်က နစက ကောင်စီဝင်တွေကို ပြောကြားရာမှာ ယင်းကို ထည့်သွင်းပြောကြားခဲ့ခြင်းဖြစ်တယ်လို့ နစကသတင်းထုတ်ပြန်ချက်အရသိရပါတယ်။

“ကျွန်တော်တို့ကတော့ Moving Forward ပဲ၊ ရှေ့ကိုသွားမှာပဲ။ ရသလောက် ကျွန်တော်လုပ်သွားမှာပဲ။ ရအောင်လုပ်သွားမယ်။ အဲ့ဒီတော့ ဒီအပေါ်မှာ ကျွန်တော်တို့ အားလုံး သံသယရှင်းရှင်း၊ အာဃာတကင်းကင်းနဲ့ လုပ်ကြမယ်ဆိုရင်တော့ ကျွန်တော် တို့ မျှော်မှန်းချက်လမ်းကြောင်းကတော့ ရှောရှောရှုရှုရောက်မယ်ဆိုတာကို တွေ့ပါ တယ်။ ဒါလေးတွေဝိုင်းဝန်းဆောင်ရွက်ပေးနိုင်ဖို့ အတွက်တိုက်တွန်းလိုပါတယ်” လို့ ဗိုလ်ချုပ်မှူးကြီးက ပြောဆိုပါတယ်။

“လာမယ့် အောက်တိုဘာ လ ၁၅ ရက်နေ့ဟာ ငြိမ်းချမ်းရေးစာချုပ်ချုပ်ဆိုခြင်း၊ NCA လက်မှတ်ရေးထိုးတဲ့ ၈ နှစ်မြောက်နေ့ဖြစ်ပါတယ်။ ဒါကိုနိုင်ငံရေးအနှစ်သာရရှိရှိလုပ်ဖို့ရှိပါတယ်။ တိုင်းရင်းသားခေါင်းဆောင်တွေလည်း လက်လှမ်းမှီသလောက် အကုန်ဖိတ်ပါတယ်။ ပြည်ပနိုင်ငံတွေလည်းအခုဖိတ်နေပါပြီ” ဟု နစက ဥက္ကဋ္ဌက NCA အခမ်းအနားနှင့်ပတ်သက်၍ ဆက်လက် ပြောကြား ပါတယ်။

“ကျွန်တော် Personal အကုန်စာတွေရေးပြီး ဖိတ်ပါတယ်။ တစ်ချို့ကလည်းတယ်လီဖုန်းနဲ့၊ တစ်ချို့က လည်းစာနဲ့ရေးပြီးဖိတ်တာတွေရှိတယ်။ တစ်ချို့လာနိုင်တယ်လို့လည်းပြောတာရှိတယ်။ တစ်ချို့ကတော့သူလည်း မလာနိုင်ဘူး၊ သို့သော်လည်း အဓိကကျတဲ့သူတို့ကိုယ်စားလှယ်တွေလွှတ်ပေးမယ်လို့ ပြောတာတွေ ရှိပါတယ်။ ပြည်ပနိုင်ငံတွေက ဒီလိုသဘောထားရှိလို့ရှိရင် ကျွန်တော်တို့ တိုင်းရင်းသား ခေါင်းဆောင်တွေ ပိုပြီးလိုလား တဲ့စိတ်ရှိဖို့လိုတာပေါ့။ အထူးသဖြင့် လက်မှတ်ရေးထိုး ထားတဲ့အဖွဲ့တွေ အကုန်တက်နိုင်ဖို့လိုပါတယ်။ လက်မှတ်မထိုး ထားတဲ့အဖွဲ့တွေကလည်း ငြိမ်းချမ်းရေးကို လိုချင်တယ်ဆိုလို့ရှိရင် ဒီအခမ်းအနားကို လာတက်ခြင်းအားဖြင့် ငြိမ်းချမ်း ရေးလမ်းကြောင်းပေါ်မှာ လျှောက်လှမ်းလို့ရအောင် လမ်းခင်းဖို့လိုပါတယ်”ဟု ဗိုလ်ချုပ်မှူးကြီးက တိုင်းရင်းသား လက်နက်ကိုင်အဖွဲ့အစည်းတွေကို ထပ်မံဖိတ်ခေါ်ခဲ့ပါတယ်။

နစက ကောင်စီဝင်များကို  သက်ဆိုင်ရာဒေသအလိုက် ဒေသဖွံ့ဖြိုးရေး သွားရောက် ဆောင်ရွက်ခဲ့မှုများအပေါ် ဗိုလ်ချုပ်မှူးကြီးက  ဒေသရဲ့အခြေအနေမှန်၊ ပြည်သူလူထုသဘောထားအမှန် စိတ်နေစိတ်ထားလိုအပ်ချက်များကို သိချင်သဖြင့် တာဝန်ခွဲဝေပေးပြီး သွားရောက်စေခဲ့ခြင်းဖြစ်တယ်လို့ ပြောပါတယ်။ ယင်းသို့သွားရောက်သည့် အတွက်လည်း အခြေအနေကို ယခင်ထက်စာရင် ပိုပြိးသိလာရတယ်လို့လည်း ဗိုလ်ချုပ်မှူးကြီးက ဆက်လက် ပြောဆိုပါတယ်။

ကောင်စီတွဲဖက်အတွင်းရေးမှူးက ဆီဈေးနှုန်းများနှင့် ကုန်ဈေးနှုန်းများကို သတ်မှတ်ဈေးနှုန်းများထက် အလွန်အကျွံမြှင့်တင်ရောင်းချနေသူများနှင့်ပါဝင်ပတ်သက်လျက်ရှိသည့် ဌာန ဆိုင်ရာတာဝန်ရှိသူများကို ဥပဒေနှင့်အညီ ထိရောက်စွာအရေးယူဆောင်ရွက်သွားမည့်အခြေအနေများနှင့် အခြားသော နိုင်ငံတော် တည်ငြိမ်အေးချမ်းရေး‌ နှင့် မူးယစ်ဆေးဝါးတားဆီးနှိမ်နှင်းရေးလုပ်ငန်းတွေဆောင်ရွက်နေတာတွေကိုတင်ပြခဲ့တယ်လို့ သတင်းမှာ ဖော်ပြထားပါ တယ်။

ကောင်စီအတွင်းရေးမှူးကလည်း ကောင်စီလုပ်ငန်းများ ဆောင်ရွက်လျက်ရှိမှုအခြေအနေများ၊ ဒေသအလိုက်တင်ပြချက်များအပေါ် ညှိနှိုင်း ဖြေရှင်းဆောင်ရွက်လျက်ရှိမှုအခြေအနေများကိုရှင်းလင်းတင်ပြခဲ့ပြီး ကောင်စီဝင်များကလည်း ဒေသခရီးစဉ်များအကြောင်း တင်ပြခဲ့ကြပါတယ်။

အဆိုပါအစည်းအဝေးသို့ နစကဒုတိယဥက္ကဋ္ဌ ဒုတိယ ဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်း၊ အတွင်းရေးမှူး ဒုတိယဗိုလ်ချုပ်ကြီး အောင်လင်းဒွေး၊ တွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ ကောင်စီအဖွဲ့ဝင်များနှင့် တာဝန်ရှိသူများ တက်ရောက်ခဲ့ကြကြတယ်လို့သိရှိရပါတယ်။

-knl/ymg

အရှေ့အာရှပွဲတော်တွေထဲက ဗီယက်နမ်တိုရဲ့ အကြီးဆုံးပွဲတော်ကြီးဖြစ်တဲ့ ၁၉ ကြိမ်မြောက် ဆောင်းဦးလယ်ပွဲတော် အလှပြယာဥ်စီတန်းလှည့်လည်ပွဲကြီးကို ဟနွိုင်းမြောက်ဘက် တုယင်ကွမ်မြို့လေးမှာ စနေနေ့က စတင်ကျင်းပခဲ့ပါတယ်။
Published_ 28 September 2023
#Asia_Event
#ဗီယက်နမ် #ဆောင်းဦးလယ်အလှပြယာဥ်

#Daily_News
Published_ 28 September 2023

၁။ လေဖိအားနည်းဆဲလ်ကြောင့် ရန်ကုန်နှင့်ဒေသအချို့တွင် မိုး‌(၆)ရက်သည်းနိုင်

၂။ ပုဂံရှေးဟောင်းယဉ်ကျေးမှုဇုန်ဝင်ကြေး အောက်တိုဘာ ၁ ရက်မှစတင် တိုးကောက်မည်၊လည်ပတ်ချိန် ၃ ရက်အတွက်သာဖြစ်ဟုဆို

၃။ ဘင်္ဂလားဒေ့ရှ်မှ ဂျင်းဝယ်လိုအား လာမယ့်အောက်တိုဘာလကုန်မှသာ ပြန်ရှိနိုင်မည်

၄။ ဗီယက်နမ်မှ(၁၉)ကြိမ်မြောက် ဆောင်းဦးလယ်အလှပြယာဥ်စီတန်းလှည့်လည်ပွဲကြီး စနေနေ့ကစတင်ကျင်းပ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

#Local_News
Published_ 28 September 2023

ယနေ့စက်တင်ဘာလ(၂၈)ရက်ညနေပိုင်းတွင် (၁၉)ကြိမ်မြောက် အာရှအားကစားပြိုင်ပွဲတွင် မြန်မာဘောလုံးအသင်းအတွက်အဆုံးအဖြတ်ပေးမည့်ပွဲစဉ်များဖြစ်သော မြန်မာ-ဂျပန်(အမျိုးသား ဘောလုံးအသင်း)နှင့် မြန်မာ-ဖိလစ်ပိုင်(အမျိုးသမီးဘောလုံးအသင်း)ပွဲစဉ်တို့ယှဉ်ပြိုင်မည်ကြမည် ဖြစ်ကြောင်းသိရသည်။

မြန်မာ-ဂျပန်(အမျိုးသားဘောလုံးအသင်း)ပြိုင်ပွဲသည် ရှုံးထွက်အဆင့်ယှဉ်ပြိုင်ရမည်ဖြစ်ပြီး မြန်မာစံတော်ချိန် ညနေ ၆ နာရီတွင်ယှဉ်ပြိုင်မည်ဖြစ်သည်။ ယနေ့စက်တင်ဘာလ(၂၈)ရက်ပြိုင်ပွဲသည်မြန်မာအမျိုးသားဘောလုံး အသင်းအတွက်အရေးကြီးသည့်အဆုံးအဖြတ်ပေးနိုင်မည့်ပွဲစဉ်ဖြစ်ပြီး ရှုံးနိမ့်ပါက အာရှအားကစားပြိုင်ပွဲမှ ထွက်ရမည်ဖြစ်ပြီး အနိုင်ရပါက အုပ်စုဒုတိယအဆင့်ရှုံးထွက်အဆင့်မှနောက်တစ်ဆင့်ကိုတက်ရောက် နိုင်မည်ဖြစ်သည်။

ဂျပန်အသင်းသည် အုပ်စုပွဲများတွင် ကာတာနှင့် ပါလက်စတိုင်း နှစ်သင်းစလုံးအနိုင်ယူကာ အုပ်စုပထမဖြင့် နောက်တစ်ဆင့် တက်ရောက်လာခြင်းဖြစ်သလို ၂၀၁၈ ပြိုင်ပွဲတွင် ဗိုလ်လုပွဲ တက်ရောက်ခဲ့သည့်အသင်း ဖြစ်သည်။

မြန်မာအသင်းသည် အုပ်စုသုံးပွဲတွင် ဘင်္ဂလားဒေ့ရှ်အသင်းကို တစ်ဂိုး-ဂိုးမရှိဖြင့် အနိုင်ရပြီး အိန္ဒိယနှင့် တစ်ဂိုးစီသရေကျကာ တရုတ်အသင်းကို လေးဂိုးပြတ်အရေးနိမ့်ခဲ့သော်လည်း ဒုတိယအဆင့်(၁၆)သင်း ထဲတွင်ပါဝင်ခဲ့သောအသင်းဖြစ်ကြောင်းသိရသည်။

မြန်မာ-ဖိလစ်ပိုင်(အမျိုးသမီးဘောလုံးအသင်း)ပွဲစဉ်သည်လည်း အရေးကြီးပြီး မြန်မာအသင်းသည် နောက်တစ်ဆင့်တက်ရောက်ရေးအတွက် ဖိလစ်ပိုင်ကို အနိုင်ကစားရန် လိုအပ်သလို အခြားအုပ်စုရ လဒ်များကိုလည်း စောင့်ကြည့်ရမည်ဖြစ်သည်။

မြန်မာအသင်းသည် အုပ်စုပွဲများတွင် တောင်ကိုရီးယားကို သုံးဂိုးပြတ် အရေးနိမ့်ခဲ့သော်လည်း ဟောင်ကောင်အသင်းကို တစ်ဂိုး-ဂိုးမရှိဖြင့် အနိုင်ရရှိခဲ့ကာ အာရှအားကစားပြိုင်ပွဲတွင် ပထမဆုံး ဝင်ရောက်ယှဉ်ပြိုင်ခြင်း ဖြစ်သည်။ အမျိုးသမီးဘောလုံးပြိုင်ပွဲကို အုပ်စုငါးခုခွဲ၍ ကျင်းပလျက်ရှိပြီး ပြိုင်ပွဲကျင်းပမည့်ပုံစံအရ အုပ်စုတစ်ခုစီမှ ထိပ်ဆုံးငါးသင်းစီနှင့် ဒုတိယနေရာရအသင်းများအနက် အကောင်းဆုံးသုံးသင်း စုစုပေါင်းရှစ်သင်းသာ ကွာတားဖိုင်နယ် တက်ရောက်ခွင့်ရမည်ဖြစ်ကြောင်း သိရသည်။

#tthl #Local_News #ယနေ့မြန်မာဘောလုံး #ဘောလုံးပွဲစဉ်များ #Yangon_Times

‘ငမိုးရိပ်တမံမှာ ရေပြည့်နေပြီး ရေပိုလွှဲမှရေ ၂.၅၀ ပေကျော်နေသလို မဟူရာတမံမှာလည်း ရေပြည့်ကာ ရေပိုလွှဲမှရေ ဝ.၉၀ ပေကျော်နေပြီး ပေါင်းလင်းတမံမှာတော့ ရေပြည့်မှတ်ရောက်ဖို့ ဝ.၂၀ပေလိုသေးတယ်’ စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန

Published_ 28 September 2023
#Local_News
#ရေလှောင်ကန်နှင့်တမံများ #ငမိုးရိပ်တမံ
#tthl #Yangon_Times

တောင်သူတွေ လက်ထဲရောင်းချရမယ့် နှမ်းတင်းပေါင်းများစွာကျန်နေသေးပေမယ့် ဈေးဆက်တိုက် ကျလာတာကြောင့် နှမ်းစုပေါင်းရောင်းချပွဲကို သတ်မှတ်ကာလအတွင်းမှာပဲ ပိတ်သိမ်းတော့မှာ ဖြစ်တယ် လို မကွေးတိုင်းတောင်သူဖွံ့ဖြိုးရေးအဖွဲ့ထံက သိရပါတယ်။

Published_ 28 September 2023
#Local_News
#ဈေးဆက်တိုက်ကျ #နှမ်းစုပေါင်းရောင်းချပွဲ
#YMG/LW #Yangon_Times

ဂျင်းတပင်ကို တစ်နှစ်လျှင် နှစ်ကြိမ် ဂျင်းတက်ခူးဆွပ်နိုင်ပြီး လာမယ့် အောက်တိုဘာလကုန်ပိုင်းမှ ဒီဇင်ဘာလအထိ ထွက်ရှိမယ့် ဂျင်းဟာ ပြည်ပကဝယ်ယူတာများတဲ့ ဂျင်းအခက်ကြီးများဖြစ်တာကြောင့် ဘင်္ဂလားဒေ့ရှ်မှ ဝယ်ယူမှု ပြန်ရှိနိုင်မှာဖြစ်တယ်လို့ ဆိုပါတယ်။

Published_ 28 September 2023
#ဂျင်းဝယ်လိုအား #ဘင်္ဂလားဒေ့ရှ်မှဝယ်ယူမှု
#YMG/LW
#Yangon_Times

#Local_News
Published-28 September 2023

ရှမ်းပြည်နယ်၊ ဟဲဟိုးမြို့၊ မိတ္ထီလာ-တောင်ကြီးပြည်ထောင်စုလမ်းမကြီးတွင်Hijet (အဖြူရောင်)ယာဉ်က လမ်းဘေးတွင် ရပ်ထားသော Nissan (အဖြူရောင်)(၆)ဘီးယာဉ်အား အနောက် မှ ဝင်ရောက်တိုက်မိပြီးသေဆုံးသူ ၂ဦးနှင့်ထိခိုက်ဒဏ်ရာရရှိသူ ၇ ဦးရှိခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

ဖြစ်စဥ်မှာ စက်တင်ဘာလ ၂၈ရက် ၊ နံနက် ၆နာရီအချိန်က မိတ္ထီလာ-တောင်ကြီးပြည်ထောင်စုလမ်းမကြီး၊မိုင်တိုင်အမှတ်(၈၉/၇)နှင့်(၉၀/၀)ကြားတွင် Hijet (အဖြူရောင်)ယာဉ်သည် မောင်းနှင်လာစဉ် အရှိန်မထိန်းနိုင်ဘဲ လမ်းဘေးတွင် ရပ်ထားသော Nissan (အဖြူရောင်)(၆)ဘီးယာဉ်အား အနောက်မှဝင်ရောက်တိုက်မိပြီး Hijet (အဖြူရောင်)ယာဉ်မှ ယာဉ်မောင်းကားခေါင်းခန်းတွင် ညပ်နေမှုဖြစ်ခဲ့ကြောင်း သိရသည်။

အဆိုပါဖြစ်စဉ်ကြောင့် ယာဉ်မောင်းကျား(၁)ဦးနှင့် အမျိုးသမီး(၁)ဦး (သေဆုံး)ခဲ့ပြီးအမျိုးသား၃ဦးနှင့် အမျိုးသမီး ၄ဦး(မစိုးရိမ်ရ) ထိခိုက်ဒဏ်ရာရရှိခဲ့ကြောင်း သိရသည်။

ဖြစ်စဥ်နေရာသို့ ဟဲဟိုးနယ်မြေမီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများသွားရောက်​ဆောင်ရွက်ခဲ့ပြီးဟဲဟိုးမြတ်စေတနာလူမှုကူညီရေးအသင်းမှယာဉ်ဖြင့် ဟဲဟိုးပြည်သူ့ဆေးရုံသို့ ပို့ဆောင်ပေးခဲ့ကြောင်းသိရသည်။

#Local_News #ယာဉ်တိုက်မှုဖြစ်ပွား #ထိခိုက်ဒဏ်ရာရရှိသူ ၇ဦးရှိ
#Yangon_Times/PP

"အောက်တိုဘာ ၁ ရက်နေ့မှစတင်ပြီး ပြည်ပနိုင်ငံခြားသားတစ်ဦးကို ဇုန်ဝင်ကြေး (၃၀၀၀၀)ကျပ်သို တိုးမြှင့်ကောက်ခံသွားမှာ ဖြစ်ပါတယ်။နေထိုင်လည်ပတ်ခွင့်သက်တမ်း(၃)ရက် နာရီအားဖြင့် (၇၂)နာရီလည်ပတ်ခွင့်ရမှာဖြစ်ကာ  (၃)ရက် ထက်ကျော်လွန်ပါက ဇုန်ဝင်ကြေးထပ်မံကောက်ခံသွားမှာဖြစ်တယ်"
သာသနာရေးနှင့် ယဉ်ကျေးမှုဝန်ကြီးဌာန၊ ရှေးဟောင်းသုတေသနနှင့် အမျိုးသားပြတိုက်ဦးစီးဌာန(ပုဂံဌာနခွဲ)

Published_ 28 September 2023
#Local_News
#ပုဂံဇုန်ဝင်ကြေးတိုးကောက် #ယဉ်ကျေးမှုဝန်ကြီးဌာန
#tthl #Yangon_Times

"မကွေးတိုင်း၊ တနင်္သာရီတိုင်း၊ ရခိုင်ပြည်နယ်၊ ကရင်ပြည်နယ်နှင့် မွန်ပြည်နယ်တို့မှာ ဒေသအလိုက်မိုးကြီးတာနဲ့ မန္တလေးတိုင်း၊ ပဲခူးတိုင်း၊ ရန်ကုန်တိုင်း၊ဧရာဝတီတိုင်းတို့မှာ နေရာကွက်ပြီး မိုးကြီးနိုင်တယ်" မိုးလေဝသနှင့်ဇလဗေဒညွှန်ကြားမှုဦးစီးဌာန၊ ညွှန်ကြားရေးမှူးဦးလှထွန်း

Published_ 28 September 2023
#Local_News
#လေဖိအားနည်းဆဲလ် #မိုးသည်းပြီးသဘာဝဘေးကြုံနိုင်
#tthl #Yangon_Times