#World_News
Published 02 January 2024

ထောင်နဲ့ချီတဲ့ အစ္စရေးလ်စစ်သားတွေဟာ ဂါဇာကမ်းမြောင်ကနေ ဆုတ်ခွာသွားကြပြီး ဒါဟာ စစ်ပွဲဖြစ်ပွားပြီးနောက်ပိုင်း ပထမဆုံးအနေနဲ့ တပ်အင်အား အများအပြား ဆုတ်ခွာခြင်း ဖြစ်ပါတယ်။

ဂါဇာကမ်းမြောင် တောင်ဘက်ခြမ်းတဝက်ရှိ အဓိကမြို့ကို ဆက်လက်ပြီး အာရုံစိုက်တိုက်ခိုက်ချင်တာကြောင့် ဒီလိုတပ်ဆုတ်လာတာပဲ ဖြစ်ပါတယ်။

အစ္စရေးလ်စစ်တပ်က မြောက်ပိုင်းတဝက်မှာ စစ်ဆင်ရေးတွေ ရပ်ဆိုင်းမယ်လို့ ဆိုထားကာ ဂါဇာအချို့နေရာတွေမှာ တိုက်ခိုက်မှုတွေ လျော့နည်းလာမယ်ဆိုတဲ့ အရိပ်အယောင် ဖြစ်ပါတယ်။

အစ္စရေးလ်ဟာ တိုက်ခိုက်မှုတွေ လျှော့ချလာဖို့ အဓိကမဟာမိတ် အမေရိကန်ကနေ ဖိအားပေးခြင်းကို ခံနေရပါတယ်။

မကြာခင်မှာ နိုင်ငံခြားရေးဝန်ကြီး အန်တိုနီဘလင်ကန် လာရောက်မှာဖြစ်ပြီး အမေရိကန်အစိုးရက အစ္စရေးလ်သို့ လက်နက်များ အရေးပေါ်ရောင်းချရန် အတည်ပြုပြီးနောက် အခုလို တပ်ဆုတ်လာတာ ဖြစ်ပါတယ်။

ဒါပေမဲ့ ဂါဇာ တောင်ပိုင်းမြို့ ခန်ယူနစ်နဲ့ အလယ်ပိုင်းဒေသတွေမှာတော့ တိုက်ခိုက်မှုတွေ ဆက်လက်ပြင်းထန်နေပါတယ်။

တပ်ရင်း ၅ ခုစာရှိတဲ့ ထောင်ချီတပ်သားတွေဟာ လေ့ကျင့်အနားယူရန်အတွက် လာမယ့်ရက်သတ္တပတ်တွေမှာ ဆုတ်ခွာလာမှာ ဖြစ်ပါတယ်။

စစ်ပွဲဦးတည်ချက်အရ ကြာရှည်လာနိုင်တာကြောင့် အစီစဥ်တကျ ပြင်ဆင်ထားဖို့ လိုအပ်တယ်လို့ အစ္စရေးလ်စစ်တပ်မှ ပြောရေးဆိုခွင့်ရှိသူ ဒန်နီယယ်ဟေဂရီက ပြောပြသွားပါတယ်။

ခန်ယူနစ်မြို့မှာ အစ္စရေးလ်တပ်သား ထောင်ချီရှိနေမယ်လို့ ယူဆရပြီး မြို့အနောက်ပိုင်းနဲ့ အလယ်ပိုင်းတို့မှာ လေကြောင်းတိုက်ခိုက်မှုများ ဖြစ်ပွားနေတယ်လို့ သိရပါတယ်။

စစ်ပွဲက လနဲ့ချီကြာဦးမယ်လို့ အစ္စရေးလ်က ဆိုလိုက်ကာ ဟားမတ်စ်စစ်သွေးကြွများ နောက်ထပ်တိုက်ခိုက်မှုများ မပြုလုပ်နိုင်စေရန် အခြေခံအဆောက်အအုံများနဲ့ လက်နက်များကို ရှင်းလင်းဖို့ အချိန်လိုအပ်တယ်လို့ ဆိုလိုက်ပါတယ်။

အစ္စရေးလ်တပ်သားများ သေဆုံးမှု မြင့်တက်နေပေမယ့် စစ်ပွဲဦးတည်ချက်တော့ ဆက်လက်လုပ်ဆောင်နေဆဲ ဖြစ်ပါတယ်။

#World_News #နည်းဗျူဟာပြောင်း #ဂါဇာမှအစ္စရေးလ်တပ်သားထောင်ချီဆုတ်ခွာ #Source: NPR

#Local_News
Published 2 January 2024

မြန်မာ့ကြက်တောင်မယ်သက်ထားသူဇာသည်၂၀၂၃ ခုနှစ်အတွက် မြန်မာနေရှင်နယ်ချန်ပီယံရှစ်ဆုအား ဆွတ်ခူးရရှိခဲ့ကြောင်း ယမန်နေ့ကသူမ၏လူမှုကွန်ရက်စာမျက်နှာတွင် ရေးသားထားသည်။

သက်ထားသူဇာအနေဖြင့် ၂၀၂၃ ခုနှစ်တစ်နှစ်တာအတွက် မြန်မာနေရှင်နယ်ချန်ပီယံရှစ်ဆုအား ရွှေတံဆိပ်ဆွတ်ခူးခဲ့ခြင်းဖြစ်သည်။

ထို့အပြင် ကမ္ဘာတစ်ဝှမ်းတွင်ရှိသော အမျိုးသမီးကြက်တောင်မယ် တစ်ဦးချင်းဆီအတွက် ကြက်တောင်ကျွမ်းကျင်အဆင့် သတ်မှတ်ချက်များဖြစ်သည့် ကမ္ဘာ့ကြက်တောင်အဖွဲ့ချုပ်၏ ကမ္ဘာအဆင့် သတ်မှတ်ချက် (၄၂) နေရာတွင် ရပ်တည်နေသူတစ်ဉီးဖြစ်ပြီး၊အိုလံပစ်အဆင့် သတ်မှတ်ချက်အဆင့် (၂၁) နေရာကိုလည်း ရရှိထားကြောင်းသိရသည်။

သက်ထားသူဇာသည် မြန်မာ့အားကစားသမား ကြက်တောင်မယ်တစ်ဦးဖြစ်ပြီး အသက် ၇ နှစ်အရွယ်တွင် ဖခင်ဖြစ်သူမှာ ထိုင်းနိုင်ငံသို့သွား၍ ကြက်တောင်နည်းပြအဖြစ် လုပ်ကိုင်ရာ အတူလိုက်ပါသွားပြီး ထိုစဉ်မှပင် စတင်ကစားခဲ့သူဖြစ်သည်။ ထိုင်းနိုင်ငံဘုရင်မင်းမြတ်က ပေးအပ်သော ဂုဏ်ထူးဆောင်ဆု ၆ ဆုအထိ ရရှိခဲ့သည်။ ၂၀၁၁ ခုနှစ်တွင် မြန်မာပြည်သို့ ပြန်လည်ရောက်ရှိကာ ထိုနှစ်တွင်ပင် လက်ရွေးစင်အဖြစ် ရွေးချယ်ခံခဲ့ရရှိခဲ့ပြီး၂၀၁၈ ခုနှစ် နှစ်ကုန်ပိုင်းမှစ၍ နိုင်ငံတကာအားကစားပြိုင်ပွဲများတွင် အောင်မြင်မှုများ ဆက်တိုက်ရရှိလာခဲ့သူဖြစ်သည်။

သက်ထားသူဇာအနေဖြင့် ယခု ၂၀၂၄ ခုနှစ်အတွင်း ကျင်းပပြုလုပ်မည့် အိုလံပစ်ပိုင်ပွဲတွင် ဝင်ရောက်ယှဉ်ပြိုင်နိုင်ရန် ကြိုးစားနေပြီးလေ့ကျင့်မှုများ ဆက်တိုက်လုပ်ဆောင်နေကြောင်း သိရသည်။

#Local_News #မြန်မာ့ကြက်တောင်မယ်သက်ထားသူဇာ #မြန်မာနေရှင်နယ်ချန်ပီယံရှစ်ဆုဆွတ်ခူး #YMG/NN #Yangon_Times

#World_Health
Published 02 January 2024

ဦးနှောက်ယိုယွင်းခြင်းရောဂါဖြစ်တဲ့ ဒီမန်ရှာရောဂါဟာ ကုသလို့မရပေမယ့် စောစီးစွာ ရောဂါတွေ့ရှိပါက ထိန်းသိမ်းစောင့်ရှောက်မှု သိသိသာသာ ပြောင်းလဲစေပါတယ်။

ဒီမန်ရှာရောဂါတွေထဲက အယ်လ်ဇိုင်းမားရောဂါဟာ အဖြစ်အများဆုံးတစ်မျိုး ဖြစ်ပြီး စိတ်ပိုင်းဆိုင်ရာ လုပ်ဆောင်ချက်များ ကျဆင်းလာတဲ့ အခြေအနေ ဖြစ်ပါတယ်။

လေ့လာတွေးတောခြင်း စွမ်းရည်များ၊ ယာယီမှတ်ဉာဏ်များ၊ တွေးခေါ်ခြင်း၊ အမြင်အာရုံသိရှိခြင်း၊ အာရုံစူးစိုက်ခြင်း၊ အချက်အလက် ဖော်ထုတ်ခြင်း၊ အကဲဖြတ်ခြင်းတို့မှာ ယိုယွင်းပျက်စီးလာတာ ဖြစ်ပါတယ်။

ပိုဆိုးလာတဲ့အခါ နေ့စဥ်အခြေခံလုပ်ဆောင်မှုများကိုပါ လုပ်ဆောင်ရန် ခက်ခဲလာပါတယ်။

အယ်လ်ဇိုင်းမား ဖြစ်နိုင်ခြေက အသက်ကြီးလာတာနဲ့အမျှ များလာပြီး အသက် ၈၅ နှစ်နဲ့အထက် လူကြီးတွေရဲ့ ၃ ပုံ ၁ ပုံခန့် ခံစားနေရပါတယ်။

ချီကာဂိုတက္ကသိုလ်မှ လေ့လာချက်အရ အနံ့အာရုံပျောက်ဆုံးခြင်းက အစောပိုင်းရောဂါလက္ခဏာတစ်ခု ဖြစ်ပါတယ်။

၅၁၅ ဦးဖြင့် အနံ့အာရုံစမ်းသပ်ရန် ရည်ရွယ်ခဲ့ကြပြီး ရေချိုးရင်း ဆပ်ပြာနံ့၊ ခေါင်းလျှော်ရည်နံ့တို့ သိရှိစေတဲ့ စွမ်းရည်ယိုယင်းလာတာကို စမ်းသပ်ခဲ့ကြပါတယ်။

မှတ်ဉာဏ်ပိုင်းဆိုင်ရာ ဦးနှောက်အစိတ်အပိုင်း လျော့ကျလာတဲ့အခါ အနံ့ခံအာရုံအပိုင်းမှာပါ လျော့ကျလာတာကို တွေ့ရှိခဲ့ကြပါတယ်။

အစောပိုင်းအဆင့်တွေမှာ ဒီမန်ရှာကို တွေ့ရှိပါက ရောဂါကိုထိရောက်စွာ ထိန်းချုပ်နိုင်မှာဖြစ်ပါတယ်။

ကုသလို့မရပေမယ့် အနံ့ခံအာရုံယိုယွင်းတာမျိုးက အစောပိုင်းလက္ခဏာတွေဖြစ်ပြီး သင့်တင့်တဲ့စောင့်ရှောက်မှု ပြုလုပ်နိုင်မှာဖြစ်ပါတယ်။

#World_Health #ဒီမန်ရှာရောဂါလက္ခဏာတစ်ခု #Source: The Jerusalem Post

#Sport_News
Published_ 2 January 2024

၂၀၂၄ ခုနှစ်အတွင်း ကျင်းပမည့် အသက်(၂၀) အောက်အာရှဖလားခြေစစ်ပွဲ ဝင်ရောက်ယှဥ်ပြိုင်မည့် မြန်မာ့လက်ရွေးစင် ယူ-၁၉ အသင်းအတွက် ပဏာမ လက်ရွေးစင် လူစာရင်းကို မြန်မာနိုင်ငံ ဘောလုံးအဖွဲ့ချုပ်က ဇန်နဝါရီ ၁ ရက်တွင် ထုတ်ပြန်ကြေညာလိုက်ပါတယ်။

အဆိုပါ လူစာရင်းတွင် ကစားသမား ၄၄ဦးပါဝင်ပြီး ယခင်မြန်မာ့လက်ရွေးစင်ယူ-၁၆ (Young Boys) အသင်းမှကစားသမားများ၊ အကယ်ဒမီများမှ ကစားသမားများ၊ တိုင်းနှင့်ပြည်နယ်ပြိုင်ပွဲများမှ ထွက်ပေါ်လာသောကစားသမားများ၊ MNL 1 / 2 မှ ကစားသမားများကို အဆင့်ဆင့် စီစစ်ရွေးချယ်ဖွဲ့စည်းခဲ့ခြင်းဖြစ်ပြီး ခြေစွမ်းအလိုက် အလားအလာ ရှိသည့် လူငယ်ကစားသမားများကိုလည်း ထပ်မံအားဖြည့်ခြင်းများ ပြုလုပ်မှာဖြစ်ပါတယ်။

ပဏာမလက်ရွေးစင်ယူ-၁၉အသင်းကို ၂၀၂၃ ခုနှစ် နှစ်ဆန်းပိုင်းတွင် စတင်ဖွဲ့စည်းခဲ့ပြီး နည်းပြချုပ်အဖြစ် ဦးအောင်နိုင်၊ လက်ထောက်နည်းပြများအဖြစ် ဦးအောင်ခိုင်၊ ဦးခင်မောင်ထွေးနှင့် ဂိုးနည်းပြအဖြစ် ဦးဇော်လင်းအောင်တို့က တာဝန်ယူကိုင်တွယ် လျက်ရှိပြီး သုဝဏ္ဏဘောလုံးကွင်း လက်ရွေးစင်အဆောင်တွင် ကာလရှည်စခန်းသွင်း လေ့ကျင့်ပေးလျက်ရှိပါတယ်။

ကာလရှည်စခန်းသွင်းလေ့ကျင့်နေသည့် ကာလအတွင်း ပြိုင်ပွဲအတွေ့ အကြုံ ကောင်းများရရှိရန် ၂၀၂၃ ခုနှစ် မြန်မာနေရှင်နယ်လိဂ်-၂ အမှတ်ပေးပြိုင်ပွဲကို (Junior Lions) အမည်ဖြင့် ဝင်ရောက်ယှဉ်ပြိုင်ခဲ့သလို ပြည်တွင်းကလပ်များ၊ အကယ်ဒမီ အသင်းများနှင့် ခြေစမ်းပွဲများ ယှဥ်ပြိုင်ကစားစေခဲ့ပါတယ်။

မြန်မာ့လက်ရွေးစင်ယူ-၁၉ အသင်းသည် ၂၀၂၄ခုနှစ်အတွင်း အာရှခြေစစ်ပွဲစဥ် သာမက အာဆီယံချန်ပီယံရှစ် နှင့် အခြားနိုင်ငံတကာပြိုင်ပွဲများတွင် ဝင်ရောက်ယှဥ်ပြိုင် ရန် စီစဥ်ထားပါတယ်။

ပဏာမမြန်မာ့လက်ရွေးစင်ယူ-၁၉ အသင်း
++++++++++++++++++++++++++++++++++++
ဂိုး- စောကျော်ခန့်နို (University)၊ စောအယ်ဒိုထူး (Dagon Port)၊ ချစ်ရအောင်စိုး (နေပြည်တော်)၊ ပိုင်ဇင် (ISPE)၊ ဟန်မြင့်မြတ်ထွန်း (မဟာယူနိုက်တက်)

နောက်တန်း- ထွန်းထွန်းသိန်း (ရတနာပုံ)၊ ကောင်းဆက်ပိုင် (ISPE)၊ ကောင်းခန့်ကျော် (ဧရာ၀တီယူနိုက်တက်)၊ ဖြိုးပြည့်စုံ(မန္တလေးတိုင်းဒေသကြီး)၊ အောင်မြင့် (မွန်ပြည်နယ်)၊ ရဲကောင်းဆက်၊ သူရအောင် (Glory Goal)၊ ခန့်ဇင်ဟိန်း၊ ရှင်မွေလငိုင်းကီး၊ ခွန်းချိုထူး (Junior Lions)၊ လွမ်းထက်ထွန်း (စီမံ/ ဘဏ္ဍာ)၊ စခန့်ချော (University)၊ လွင်ဖြိုးအောင် (ဟံသာဝတီယူနိုက်တက်)၊

အလယ်တန်း- ခွန်သူရိန်ထူး (Police Tero Academy)၊ အောင်ခန့်ကျော် (နေပြည်တော်)၊ စောလင်းထက်ပိုင်(ရခိုင်ယူနိုက်တက်)၊ ဝိုင်းလု(ဟံသာဝတီယူနိုက်တက်)၊ သူရ (Glory Goal)၊ ဂျခီဆွတ်အောင် (Junior Lions)၊ ဇော်မျိုးထွန်း၊ မင်းသန့်ဗိုလ် (စီမံ/ ဘဏ္ဍာ)၊ ကောင်းဇေယျာလင်း (မဟာယူနိုက်တက်)၊ ကောင်းခန့်ကျော် (မန္တလေးအကယ်ဒမီ)၊ နိုင်ကို (မွန်ပြည်နယ်)၊ သိန်းဇော်သီဟ(ISPE)၊ မင်းမော်ဉီး (သစ္စာအားမာန်)၊ နိုင်အောင်ဆန်း (Dagon Port)၊ ဝင်းကိုဌေး (Junior Lions)၊

ရှေ့တန်း- စွမ်းထက် (ရတနာပုံ)၊ ဝင်းပြည့်မောင်၊ နိုင်လင်းဖြိုး (ISPE)၊ ဇွဲမာန်သာ (ဟံသာဝတီယူနိုက်တက်)၊ နိုင်ဝင်းထွန်း (မန္တလေးတိုင်းဒေသကြီး)၊ စောဆဲကပေါ်ဆေး၊ မောင်တော့ (ဧရာဝတီတိုင်းဒေသကြီး)၊ စောမျိုးဇော် (သစ္စာအားမာန်)၊ ထွန်းနိုင်စိုး (ရက္ခပူရယူနိုက်တက်)၊ ရှိုင်းဝဏ္ဏအောင်၊ စိုင်းဇေယျာကျော် (Junior Lions)

#Sport_News #ပဏာမမြန်မာ့လက်ရွေးစင် #ယူ-၁၉အသင်းလူစာရင်းထုတ်ပြန် #ymg_mnn #Yangon_Media_Group

#World_Health
Published 02 January 2024

အမိုင်နိုဆိုင်ယာနင်မော်လီကျူးတွေ အသုံးပြုပြီး ကင်ဆာဆဲလ်တွေ ဖယ်ရှားတဲ့နည်းလမ်းသစ် တစ်ခုကို သိပ္ပံပညာရှင်များ ရှာဖွေတွေ့ရှိခဲ့ပါတယ်။

ဇီဝဓာတ်မှန်တွေမှာ ဆိုးဆေးအဖြစ် အသုံးပြုလေ့ရှိတဲ့ ထိုမော်လီကျူးတွေဟာ အနီအောက်နီးပါးရောင်ခြည်မှာ လှုံ့ဆော်တဲ့အခါ ကင်ဆာဆဲလ် အမြှေးပါးတွေကို ဖျက်ဆီးနိုင်တဲ့ စွမ်းရည်ရှိတာကို တွေ့မြင်ခဲ့ရပါတယ်။

ဒါဟာ မော်လီကျူးဆိုင်ရာ မျိုးဆက်သစ်ကြီးတစ်ခု ဖြစ်ပြီး မော်လီကျူးဖောက်စက်လို့ အမည်ပေးထားကြောင်း ရိုက်စ်တက္ကသိုလ်မှ ဓာတုပညာရှင် ဂျိမ်းစ်တိုးက ပြောပြသွားပါတယ်။

ထိုမော်လီကျူးတွေက စက်လှုပ်ရှားပုံထက် အဆသန်းပေါင်းများစွာ ပိုမြန်တာကို တွေ့ရှိထားပါတယ်။

အနီအောက်နီးပါးရောင်ခြည် အသုံးပြုခြင်းက အတော်လေး သိသာထင်ရှားနေပါတယ်။

ထိုတွေ့ရှိချက်က အရိုးနဲ့ အင်္ဂါတွေရဲ့ ကင်ဆာတွေကို ကုသရာမှာ ပြောင်းလဲလာနိုင်ဖွယ်ရှိပြီး ခွဲစိတ်ရတာမျိုး လုပ်ဖို့မလိုအပ်တော့ပါဘူး။

ဓာတ်ခွဲခန်းထဲမှာ မွေးမြူထားတဲ့ ကင်ဆာဆဲလ်တွေနဲ့ စမ်းသပ်ရာမှာ မော်လီကျူးဖောက်စက်က ကင်ဆာဆဲလ်တွေကို ၉၉ ရာခိုင်နှုန်း အောင်မြင်စွာ ဖျက်ဆီးနိုင်တာကို တွေ့ရှိခဲ့ပါတယ်။

သက်ရှိသတ္တဝါ ကြွက်တွေနဲ့ စမ်းသပ်ရာမှာတော့ တဝက်လောက်က ကင်ဆာပျောက်ကင်းသွားခဲ့ပါတယ်။

တွေ့ရှိချက်တွေက အစောပိုင်းအဆင့်သာ ရှိသေးပေမယ့် ကင်ဆာကုသရာမှာ ထိုနည်းလမ်းအသုံးဝင်ပုံကို သုတေသီများ ကျေနပ်နေကြပါတယ်။

နောက်ထပ်သုတေသနမှာလည်း အလားတူစွမ်းရည်ရှိတဲ့ အခြားမော်လီကျူးများ ရှာဖွေဖို့ပဲ ဖြစ်ပါတယ်။

#World_Health #ကင်ဆာဆဲလ်တွေကို(၉၉)ရာခိုင်နှုန်းဖျက်ဆီးနိုင် #သိပ္ပံပညာရှင်များတွေ့ရှိ #Source: WION

Huawei နှင့် Seres ကုမ္ပဏီတို့မှ ပူးပေါင်းထုတ်လုပ်သည့် Aito အမှတ်တံဆိပ် လျှပ်စစ်ကားသစ်အားထုတ်ဖော်ပြသ

တရုတ်ဆက်သွယ်ရေးကုမ္ပဏီကြီး Huawei Technologies နဲ့ မော်တော်ကားကုမ္ပဏီ Seres Group တို့ပူးပေါင်းကာ Aito လျှပ်စစ်ကားအမှတ်တံဆိပ်မှ ထုတ်လုပ်တဲ့ ဇိမ်ခံ SUV ကားသစ်ကို အင်္ဂါနေ့က ထုတ်ဖော်ပြသလိုက်ပါတယ်။
#Asia_Development
Published_1 January 2024
#Huaweiနှင့်Seres #Aito အမှတ်တံဆိပ် #လျှပ်စစ်ကားသစ်အားထုတ်ဖော်ပြသ
#Yangon_Times #YMG_News #Yangon_Media_Group

#Daily_News
Published_1 January 2024

၁။ ၂၀၂၄ တွင် ပြည်တွင်းစားသောက်ဆိုင်လုပ်ငန်းများဖြစ်ထွန်းမည်၊ Tourist ကို အဓိကရောင်းသည့် စားသောက်ဆိုင်များရုန်းကန်ရဦးမည်

၂။ ဟင်းသီးဟင်းရွက် သစ်သီးဝလံနှင့် ပန်းမန်ပြပွဲပြိုင်ပွဲ၌ ပြခန်းပေါင်း ၃၀ ကျော် ပါဝင်ပြသ

၃။ အာဟာရဓါတ် မြင့်မားစွာပါဝင်သော်လည်း စားသုံးမှုနည်းသောကြောင့် နို့စိမ်းမှို စိုက်ပျိုးထုတ်လုပ်မှု နည်းနေသေးဟုဆို

၄။ Huawei နှင့် Seres ကုမ္ပဏီတို့မှ ပူးပေါင်းထုတ်လုပ်သည့် Aito အမှတ်တံဆိပ် လျှပ်စစ်ကားသစ်အားထုတ်ဖော်ပြသ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

လတ်တလောမှာတော့ လမ်းပန်းဆက်သွယ်ရေး ပိတ်ထားတဲ့အတွက် ဘင်္ဂလာဒေ့ရ်ှကိုတင်ပို့နိုင်ခြင်းမရှိတဲ့ အပြင် ဈေးကွက်မှာလဲ ကုန်အ၀င်များလာတဲ့အတွက် ယခင်တပတ်ထက်ကို ဈေးက၅၀၀ ကျပ်လောက်ကျတယ်၊ ဂျင်းတစ်ပိဿာကို လက်ကားဈေး ကျပ် ၃၀၀၀ ၀န်းကျင်သာရှိတော့တယ်။
#Local_News
Published_1 January 2024
#ဂျင်းဈေးနှုန်းတဖြည်းဖြည်းကျဆင်း #ပြည်ပတင်ပို့မှုရပ်ထား
#YMG/LW #Yangon_Times

#Local_News
Published-1 January 2024

ရန်ကုန်တိုင်းဒေသကြီး၊ ကျောက်တန်းမြို့နယ်၊ မြိုင်သာယာကျေးရွာအုပ်စု၊ မြိုင်လေးကျေးရွာတွင် တောမီးလောင်မှုတစ်ခု ယနေ့နေ့လည်ပိုင်းမှာ ဖြစ်ပွားကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

ဇန်နဝါရီ ၁ ရက်နေ့၊ နေ့လယ်၃နာရီ  ၁၀မိနစ် အချိန်ခန့်တွင်  ရန်ကုန်တိုင်းဒေသကြီး၊ ကျောက်တန်းမြို့နယ်၊ မြိုင်သာယာကျေးရွာအုပ်စု၊ မြိုင်လေးကျေးရွာတွင် တောမီးလောင်မှုဖြစ်ပွားကြောင်း သတင်းရရှိသဖြင့် ကျောက်တန်းမြို့နယ်မီးသတ်စခန်းနှင့် သီလဝါနယ်မြေမီးသတ်စခန်းတို့မှ  မီးသတ်ယာဉ်များ ထွက်ခွာငြှိမ်းသတ်ခဲ့ကြောင်းသိရသည်။

ထိုသို့မီးငြှိမ်းသတ်ခဲ့ရာ ညနေ၃နာရီ၂၇ မိနစ်အချိန်၌  မီးထိန်းနိုင်ခဲ့ပြီး ညနေ၃နာရီ ၃၂မိနစ် အချိန်၌မီးငြှိမ်းနိုင်ခဲ့ကြောင်း သိရသည်။

#Local_News #ကျောက်တန်း #တောမီးလောင်မှုဖြစ်ပွား #YMG/NN #Yangon_Times

#Local_News
Published_ 1 January 2024

၂၀၂၃ ခုနှစ် ဒီဇင်ဘာ တတိယပတ်တွင် မြန်မာနိုင်ငံမှ ပြည်ပသို့ပို့ကုန်တန်ဖိုးမှာ အမေရိကန်ဒေါ်လာ ၂၆၆ သန်းကျော်ရှိကြောင်း သိရပါတယ်။

နှစ်သစ်ကူးကာလဖြစ်၍ မြန်မာနိုင်ငံ၏ လယ်ယာစိုက်ပျိုးရေးထွက်ကုန်များကို ပြည်ပနိုင်ငံများမှ ဝယ်လိုအားတက်ခဲ့ရာ ပဲတီစိမ်း၊ မတ်ပဲ၊ ပဲစင်းငုံနှင့် အခြားပဲမျိုးစုံ၊ နှမ်း၊ မြေပဲ၊ ဖရဲ၊ သခွား၊ သစ်သီးဝလံများ၊ ရော်ဘာစိမ်း၊ ကြက်သွန်နီစသည့် လယ်ယာထွက်ကုန်ပစ္စည်းများ၊ ပုစွန်နှင့် အခြားရေထွက်ပစ္စည်းများ ပိုမိုတင်ပို့နိုင်သကဲ့သို့ စက်မှုကုန်ချော များဖြစ်သည့် CMP ချုပ်ပြီး အထည်များလည်း ပိုမိုတင်ပို့နိုင်ခဲ့ပါတယ်။

ပဲမျိုးစုံတန်ချိန် ၂၄၇၇၉ တန် တင်ပိုခဲ့ပြီး အမေရိကန်ဒေါ်လာ ၂၁ သန်းကျော်ရရှိခဲ့ပါတယ်။ ပါကစ္စတန်၊ ထိုင်း၊ ယူအေအီး၊ ဗီယက်နမ်၊ ကနေဒါ၊ အမေရိကန်၊ ဂျပန်နိုင်ငံများသို့ ယခင်ရက်သတ္တပတ်များထက် ပင်လယ်ရေကြောင်းမှ တင်ပို့မှုတိုးတက်လာပါတယ်။

နှမ်းမျိုးစုံမှာ တရုတ်နိုင်ငံသို့ ယခင်အပတ်ထက် ပိုမိုတင်ပို့ခဲ့တဲ့အပြင် ဂျပန်၊ ထိုင်း၊ စင်ကာပူ၊ ထိုင်ဝမ်နိုင်ငံတို့မှလည်း ဝယ်လိုအား များပြားလာပါတယ်။

အထည်ချုပ်ကဏ္ဍမှ ပြည်ပတင်ပို့မှု၌ CMP လက်ခစားစနစ်ဖြင့် ဆောင်ရွက်သည့်လုပ်ငန်းမှာ အများဆုံးဖြစ်ပြီး ယခုအပတ်အတွင်း ပြည်ပသို့ချုပ်ပြီးအထည် တင်ပို့မှုမှ အမေရိကန်ဒေါ်လာ ၈၂ သန်းကျော်ရရှိခဲ့ပြီး နိုင်ငံပေါင်း ၅၃ နိုင်ငံသို့တင်ပို့ခဲ့ပြီး ဂျပန်၊ ပိုလန်၊ တောင်ကိုရီးယား၊ ဗြိတိန်၊ အမေရိကန်နိုင်ငံတို့သို့ အများဆုံးမှာ ယူတင်ပို့ခဲ့ပါတယ်။

CMP အထည်ချုပ်လုပ်ငန်းအပြင် လျှပ်စစ်နှင့် အီလက်ထရွန်နစ်ပစ္စည်းများ၊ ဖိနပ်၊ အိတ်မျိုးစုံ၊ ဆံပင်အတု၊ မှန်ဘီလူးနှင့် ကင်မရာ စသည့်စက်မှုလုပ်ငန်းများကိုလည်း CMP စနစ်ဖြင့်လုပ်ကိုင်နေခြင်းဖြစ်ပါတယ်။

#Local_News #ပြည်ပပို့ကုန် #အမေရိကန်ဒေါ်လာ၂၆၆သန်းကျော်တင်ပို့နိုင် #ymg_mnn #Yangon_Media_Group

‘နေရာကောင်းတဲ့နေအိမ်၊ တိုက်ခန်းတွေကိုပြန်ရောင်းပြီး ဈေးနည်းတဲ့နေအိမ် တိုက်ခန်းတွေဝယ်ယူတာတွေ ဝိတ်လျှော့ပြီးရောင်းဝယ်ကြမယ့်သူများလာမှာဖြစ်တယ်။ ရင်းနှီးမြှုပ်နှံသူတွေကတော့ ငွေကြေးတန်ဖိုးအခြေအနေတွေအရ အိမ်ခြံမြေကို ဝယ်ယူရင်းနှီးမြှုပ်နှံဖို့ လက်မရဲသေးဘဲ ငွေပဲကိုင်ထားကာ’ စောင့်ကြည့်နေဖို့များတယ်’ အိမ်ခြံမြေအကျိုးတော်ဆောင် ဒေါ်နှောင်းဝဿန်
#Local_News
Published_1 January 2024
#အိမ်ခြံမြေလုပ်ငန်း
#tthl #Yangon_Times

#Local_News
Published_1 January 2024

ကြိမ်၊ ဝါးကုန်ကြမ်းများနှင့် အချောထည်ပစ္စည်းများကို အာရှနှင့်ဥရောပနိုင်ငံများသို့ တင်ပို့နေကြောင်း သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ သိရသည်။

အဆိုပါကဲ့သို့တင်ပို့ရာတွင် ကြိမ်၊ ဝါးကုန်ကြမ်းများနှင့် အချောထည်ပစ္စည်းများကို အိမ်နီးချင်းနိုင်ငံ များ၊ အာဆီယံနိုင်ငံများ၊ အာရှ၊ ဥရောပနှင့် တောင်အာဖရိကနိုင်ငံများသို့ နယ်စပ်ကုန် သွယ်ရေး လမ်းကြောင်းနှင့် ပင်လယ်ရေ ကြောင်းတို့မှတဆင့် တင်ပို့ခြင်းဖြစ်ပြီး ပြည်တွင်းမှ ထွက်ရှိသော ကြိမ်အချောထည်ပစ္စည်းများ၊ ကြိမ်လုံး၊ ဝါးခြမ်း၊ ဝါးလုံးနှင့် ဝါးဖျာ စသည့် ကြိမ်၊ ဝါးကုန် ကြမ်းများနှင့် အချောထည်ပစ္စည်းများကို ပြည်ပသို့ တင်ပို့ခြင်းဖြစ်ကြောင်း သိရသည်။

မြန်မာနိုင်ငံတွင်နှစ်စဉ် ဝါးလုံးရေ ၃၀၁ သန်းနှင့် ကြိမ်လုံးရေ ၇၇ သန်း ထုတ်လုပ်နိုင်ပြီး ဝါးနှင့် ကြိမ်အချောထည် တင်ပို့မှုမှ ပြည်ပဝင်ငွေ ရှာဖွေပေးနေကြောင်း၊ ဝါးနှင့်ကြိမ် အချောထည်ပစ္စည်းများကို ပြည်တွင်းဈေးကွက်တွင်သာမက ပြည်ပဈေးကွက်အထိ တင်ပို့၍ ပြည်တွင်းပြည်ပဝင်ငွေများ ရှာဖွေပေးနေသည့်အပြင် ဒေသခံပြည်သူများအတွက်လည်း အလုပ်အကိုင်အခွင့်အလမ်းများ ဖန်တီးပေးလျက်ရှိကြောင်းသယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးခင်မောင်ရီက ပြောသည်။

ဧရာဝတီတိုင်းဒေသကြီး၊ ကျုံပျော်ခရိုင်၊ ရေကြည်မြို့ စိမ်းလဲ့ရေကြည်ခန်းမ၌ ကြိမ်/ဝါး အချောထည်လုပ်ငန်းရှင်များနှင့် တွေ့ဆုံစဉ် ၄ကအထက်ပါအတိုင်း ထည့်သွင်းပြောကြားခဲ့ခြင်းဖြစ်သည်။

ထို့အပြင် ကြိမ်နှင့်ဝါးအချောထည် MSME များ ယခုထက်ပို၍ ဖွံ့ဖြိုးတိုးတက်စေရေးအတွက် လုပ်ငန်းရှင်များ၏ လိုအပ်ချက်များကို ဝန်ကြီးဌာနမှ အတတ်နိုင်ဆုံးဖြည့်ဆည်း ဆောင်ရွက် ပေးမည်ဖြစ်ပြီး နည်းပညာနှင့် လူ့စွမ်းအားအရင်းအမြစ် တိုးတက်စေရေး၊ ကုန်ကြမ်းရရှိရေးနှင့် ထုတ်လုပ်ပြီးသောကုန်ချောများ တင်ပို့ရာတွင် အဆင်ပြေချောမွေ့မှုရှိစေရေးအတွက် ဌာနနှင့် လုပ်ငန်းရှင်များ ညှိနှိုင်းပေါင်းစပ်ဆောင်ရွက်သွားကြရန်လိုကြောင်းလည်း ပြောကြားခဲ့ကြောင်းသိရသည်။

#Local_News #အချောထည်ပစ္စည်း #အာရှနှင့်ဥရောပနိုင်ငံများသို့တင်ပို့ #YMG/NN #Yangon_Times