#Local_News
Published 1 Jan 2023
YBS စီးခရီးသည်တွေအနေနဲ့ ယာဉ်ပေါ်မှာလုံခြုံမှုရှိစေရန်အတွက် ယာဉ်လိုင်းတွေမှာ Telematics စနစ်တပ်ဆင်နေတာဖြစ်တယ်လို့ ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ (YRTC) ကနေ သိရပါတယ်။
#Yangon_Media_Group
- Category: Myanmar
- Hits: 301
#TV Yangon Times Matters အစီအစဉ်
Published - 1 Jan 2023
အစီအစဉ်တင်ဆင်သူ ဆရာဟိန်းလတ်က ဦးစိုးလင်းဟိန်း(Uncle ZAN Art & Watch Gallery)နှင့်အတူ
-"နာရီကို ငယ်ငယ်ကတည်းကကြိုက်တာဆိုတော့ တစ်ခါတစ်လေ ဈေးကြီးတာမျိုးမဟုတ်ဘဲ စိတ်ကူးထဲမှာ ကြိုက်တဲ့နာရီမျိုးစုံပတ်ဖြစ်လေ့ရှိကြောင်း
- တန်ဖိုးရှိနာရီဆိုတာထက် ရှားပါးနာရီတွေကို ပိုစုဖြစ်တယ် နာရီချစ်သူအချင်းချင်း ရောင်းဝယ်လဲလှယ်တာလုပ်လေ့ရှိကြောင်း
- နိုင်ငံခြားကဝင်တဲ့ နာရီတွေလည်းရှိတယ် နာရီတစ်လုံးစုဆောင်းတော့မယ်ဆိုရင် အတုလားအစစ်လား အချက်အလက်တွေကို သေချာလေ့လာစုဆောင်းလေ့ရှိကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။
#Yangon_Media_Group
- Category: Myanmar
- Hits: 501
Published: 1 January 2023
ပါလက်စတိုင်းနယ်မြေများကို အစ္စရေးသိမ်းပိုက်ထားမှုအပေါ် နိုင်ငံတကာတရားရုံး(အိုစီဂျေ)ထံမှ ဥပဒေကြောင်းအရ စဉ်းစားရန်အချက်ကိုတောင်းခံထားသည့် ကုလသမဂ္ဂအထွေထွေညီလာခံရဲ့ မဲပေးမှုကို အစ္စရေးဝန်ကြီးချုပ် ဘင်ဂျမင် နာတာယာဟုက ပြင်းထန်စွာဝေဖန်လိုက်ပါတယ်။
“ ဂျူးပြည်သူတွေဟာ သူတို့ရဲ့ကိုယ်ပိုင်မြေ ရော ကျွန်တော်တို့ရဲ့ထာဝရမြို့တော်ဂျေရုစလင်မှာရော သိမ်းပိုက်သူတွေ မဟုတ်ကြဘူး။ ဘယ်လိုကုလသမဂ္ဂဆုံးဖြတ်ချက်ကမှ သမိုင်းရဲ့အမှန်တရာကို ပုံဖျက်ပစ်လို့မရနိုင်ဘူး” လို့ နာတာယာဟုက ဗွီဒီယိုနှင့်သတင်းစကားပါးလိုက်တာဖြစ်ပါတယ်။
အစ္စရေးဟာ စက်ဆုပ်ဖွယ်ကောင်းတဲ့ဆုံးဖြတ်ချက်ကို လိုက်ပါဆောင်ရွက်မှာမဟုတ်ဘူးလို့လည်း သူကဖြည့်စွက်ပြောပါတယ်။
နာတာယာဟုဟာ ဒီတစ်ပတ်ကမှ ဝန်ကြီးချုပ်ရာထူးတာဝန်ရယူခဲ့တာဖြစ်ပါတယ်။ အခြေချနေရာတိုးချဲ့တာကို ဦးစားပေးလုပ်ငန်းအဖြစ်ထားရှိဖို့ဆောင်ရွက်နေပြီး သူတို့ တည်ဆောက်ထားတဲ့ အနောက်ဘက်ကမ်းခြေနယ်မြေကို ကျူးကျော်လိုတဲ့ ပါတီတွေတွေကို ထည့်သွင်းထားတဲ့ အစိုးရတစ်ခုကို သူက ဦးဆောင်နေပါတယ်။
ပါလက်စတိုင်းတွေက အနောက်ဘက်ကမ်းခြေကို ဂါဇာနှင့် အရှေ့ဂျေရုစလင်နှင့်အတူ ပါလက်စတိုင်းနိုင်ငံအတွက် သိမ်းပိုက်ဖို့ကြိုးစားနေပါတယ်။ အနောက်ဘက်ကမ်းခြေမှာ အစ္စရေးတွေအခြေချမှုကို နိုင်ငံအများစုက တရားမဝင်ဘူး လို့ရှုမြင်ထားကြပါတယ်။ အစ္စရေးကတော့ သမိုင်းနှင့် သမ္မာကျမ်းစာတို့နှင့် ဒီမြေကို စည်းနှောင်ပြီး အဲဒီအမြင်ကို ပြင်းပြင်းထန်ထန် အငြင်းပွားခဲ့ပါတယ်။
သည်ဟေ့ဂ်အခြေစိုက် အိုစီဂျေကို ကမ္ဘာ့တရားရုံးအဖြစ်လည်းသိကြပြီး ကုလသမဂ္ဂရဲ့ နိုင်ငံအချင်းချင်းအငြင်းပွားမှုကို ဖြေရှင်းကြရတဲ့ ထိပ်တန်းတရားရုံးတစ်ခုလည်းဖြစ်ပါတယ်။သူ့ဆုံးဖြတ်ချက်ဟာ တရားဝင်ဖြစ်စေပေမယ့် အိုင်စီဂျေဟာ အဲဒါကို အတင်းအကျပ်လိုက်နာစေဖို့အခွင့်အာဏာမရှိပါဘူး။
အစ္စရေးရဲ့ သိမ်းပိုက်အခြေချကျူးကျော်နေထိုင်မှုတွေနှင့်ပတ်သက်လို့ ဥပဒေပိုင်းအရ အကျိးဆက်တွေအပေါ် အကြံပြုချက်ပေးဖို့ ကုလသမဂ္ဂအထွေထွေညီလာခံက အိုင်စ်ီဂျေကိုတောင်းခံလိုက်တာဖြစ်ပါတယ်။
နာတာယာဟုရဲ့ အစိုးရအဖွဲ့ဝင်တွေက အဲဒီအခြေချနေထိုင်မှုကို ဖွံ့ဖြိုးရေးစီမံကိန်းတွေ။ ဘတ်ဂျက်တွေနှင့် ခွင့်ပြုချက်မရှိဘဲ ရှေ့တန်းကင်းစခန်းတွေကို ခွင့်ပြုတာတွေနှင့် လုပ်ဆောင်ဖို့ ဆုံးဖြတ်ထားပါတယ်။
Source: Reuters
#Israeli_slammed_UNGA_decision
#Benjamin_Netanyahu
#Israel_Palestinie
- Category: World
- Hits: 358
#Local_News
Published_ 1st Jan 2023
လက်တွေ့ကျသည့် ငြိမ်းချမ်းရေးဆွေးနွေးမှု လုပ်ငန်းစဉ်များကို ဆက်လက်အကောင်အထည်ဖော်ဆောင်ရွက်နိုင်ရေး၊ ပြည်သူလူထုတစ်ရပ်လုံး လိုလားတောင့်တလျက်ရှိသည့် ထာဝရငြိမ်းချမ်းရေးရရှိရေးတို့အတွက် နိုင်ငံတော်ကာကွယ်ရေးနှင့် အုပ်ချုပ်မှုဆိုင်ရာကိစ္စရပ်များအပြင် နိုင်ငံတော်အစိုးရ၏ လုံခြုံရေးနှင့် အုပ်ချုပ်ရေးဆိုင်ရာယန္တရားများကို နှောင့်ယှက်ထိပါး၍တိုက်ခိုက်ချိန်မှအပ တပ်မတော်၏ စစ်ရေး ဆိုင်ရာလှုပ်ရှားမှုများကို ၂၀၂၃ ခုနှစ်၊ ဇန်နဝါရီလ ၁ ရက်မှ ဒီဇင်ဘာလ ၃၁ ရက်အထိ ထပ်မံတိုးမြှင့်ရပ်စဲလိုက်ကြောင်း တပ်မတော်ကာကွယ်ရေးဦးစီးချုပ်ရုံး က ၂ဝ၂၂ ခုနှစ် ၊ ဒီဇင်ဘာလ ၃၁ ရက် ည တွင် ထုတ်ပြန်လိုက်သည်။
လက်ရှိတွင် တပ်မတော်အနေဖြင့် နိုင်ငံတော်တာဝန်များကို ထမ်းဆောင်နေသည်မှာ တစ်နှစ်နှင့် ၁၁ လကာလသို့ ရောက်ရှိခဲ့ပြီဖြစ်ကာ ပါတီစုံဒီမိုကရေစီစနစ် ခိုင်မာစေရေးနှင့် ဒီမိုကရေစီနှင့်ဖက်ဒရယ်စနစ်ကို အခြေခံသည့် ပြည်ထောင်စုတည်ဆောက်ရေးအတွက် ရှေ့လုပ်ငန်းစဉ် ၅ ရပ် ချမှတ်ဆောင်ရွက် လျက်ရှိပြီး ရှေ့လုပ်ငန်းစဉ်၏ စတုတ္ထအချက်ဖြစ်သည့် “တစ်နိုင်ငံလုံးထာဝရ ငြိမ်းချမ်းရေး ရရှိရေးအတွက် တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ်(NCA)ပါ သဘောတူညီချက်များအတိုင်း ဖြစ်နိုင်သမျှ အလေးထားလုပ်ဆောင်သွားမည်”ဟူသောလုပ်ငန်းစဉ်ကို အကောင်အထည်ဖော်နိုင်ရေးအတွက် ငြိမ်းချမ်းရေးလုပ်ငန်းစဉ်များကို စဉ်ဆက်မပြတ် အကောင်အထည်ဖော်လျက်ရှိကြောင်း သိရသည်။
နစက ဥက္ကဋ္ဌ က ပြီးခဲ့သည့် ၂၀၂၂ ခုနှစ်၊ ဧပြီလ ၂၂ ရက်က ပြည်သူများသို့ ပြောသည့် ငြိမ်းချမ်းရေးနှင့် ပတ်သက်သောမိန့်ခွန်းတွင်တိုင်းရင်းသား လက်နက်ကိုင်အဖွဲ့များ၏ ခေါင်းဆောင်များနှင့် ကိုယ်တိုင်တွေ့ဆုံ၍ ရိုးသားပွင့်လင်းစွာ ဆွေးနွေးနိုင်ရေး ဖိတ်ခေါ်ခဲ့ရာ ယနေ့ အထိ NCA လက်မှတ်ရေးထိုးပြီးဖြစ်သည့် DKBA၊ KNU- KNLA/PCI PNLO၊ NMSP၊ ALPI RCSS(SSA)၊ LDU စသည့် အဖွဲ့ ခုနှစ်ဖွဲ့နှင့် လက်မှတ် ရေးထိုးခြင်း မပြုရသေးသည့် UWSA၊ NDAAI SSPP(SSA) စသည့် အဖွဲ့ သုံးဖွဲ့၊ စုစုပေါင်း အဖွဲ့ ၁၀ တို့မှ ကိုယ်စားလှယ်အဖွဲ့များနှင့် နှစ်ကြိမ်တိုင်တိုင် တွေ့ဆုံဆွေးနွေးနိုင်ခဲ့ကြောင်းလည်း သိရသည်။
တွေ့ဆုံဆွေးနွေးခဲ့ရာတွင် အပြုသဘောဆောင်သည့် ဆွေးနွေးမှုရလာဒ်များကို ဖော်ဆောင်နိုင်ခဲ့သောကြောင့် ငြိမ်းချမ်းရေး လုပ်ငန်းစဉ်များကို ဆက်လက်ဆောင်ရွက်လျက်ရှိပြီး ဖွဲ့စည်းပုံအခြေခံဥပဒေ (၂၀၀၈ ခုနှစ်)နှင့် တစ်နိုင်ငံလုံးပစ်ခတ် တိုက်ခိုက်မှုရပ်စဲရေး သဘောတူစာချုပ် (NCA)တို့ကို အခြေခံသည့် ငြိမ်းချမ်းရေးလမ်းကြောင်းကို ဆက်လက်ဖော်ဆောင်သွားမည်ဖြစ်ကြောင်းလည်း အဆိုပါ ထုတ်ပြန်ချက်တွင် ဖော်ပြထားသည်။
နစက အနေဖြင့် တစ်နိုင်ငံလုံး ထာဝရငြိမ်းချမ်းရေးရရှိစေရေး၊ ငြိမ်းချမ်းရေးလုပ်ငန်းစဉ်များကို ပိုမိုတိုးမြှင့်ဆောင်ရွက်နိုင်ရေး၊ မြန်မာနိုင်ငံတစ်ဝန်းလုံး၌ ကိုဗစ်-၁၉ ရောဂါ ကာကွယ်၊ ထိန်းချုပ်၊ ကုသရေး လုပ်ငန်းစဉ်များကို ထိရောက်စွာ ဆောင်ရွက်နိုင်ရေးရည်ရွယ်၍ တပ်မတော်အနေဖြင့် နိုင်ငံတော်ကာကွယ်ရေးနှင့် အုပ်ချုပ်မှုဆိုင်ရာကိစ္စရပ်များ၊ နိုင်ငံတော်အစိုးရ၏ လုံခြုံရေးနှင့် အုပ်ချုပ်ရေးဆိုင်ရာ ယန္တရားများကို နှောင့်ယှက်ထိပါး၍ တိုက်ခိုက်ချိန်မှအပ ၂၀၁၈ ခုနှစ်၊ ဒီဇင်ဘာလ ၂၁ ရက်မှ ၂၀၂၂ ခုနှစ်၊ ဒီဇင်ဘာလ ၃၁ ရက်အထိ ၄ နှစ်ကျော်ကာလတိုင် ပစ်ခတ်တိုက်ခိုက်မှုရပ်စဲရေးအတွက် ထုတ်ပြန်ချက် ပေါင်း(၂၁)ကြိမ် ထုတ်ပြန်ခဲ့ပြီးဖြစ်ကြောင်း သိရသည်။
ymg/mt
#Yangon_Media_Group
- Category: Myanmar
- Hits: 517
Published: 1 January 2023
တစ်နိုင်ငံလုံးအကြားအလပ်မရှိ ရွေးကောက်ပွဲကျင်းပနိုင်ဖို့နှင့် တိုင်းပြည်ကိုမူလအခြေအနေအတိုင်း အေးချမ်းစေဖို့ ဆောင်ရွက်နေတယ်လို့ နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်ကပြောကြားပါတယ်။
၂၀၂၃ခုနှစ် နှစ်သစ်ကူး နှုတ်ခွန်းဆက်စကားပြောကြားရာမှာ ဗိုလ်ချုပ်မှူးကြီးက အဆိုပါအတိုင်းပြောကြားခဲ့တာ ဖြစ်ပါတယ်။
“ကျွန်တော်တို့ လက်နက်ကိုင်ပဋိပက္ခ တွေ ဖြေရှင်းနိုင်ရင် တိုင်းရင်းသားတွေနဲ့ တိုင်းရင်းသားဒေသတွေရဲ့အခွင့်အရေး ပိုမိုဆောင်ရွက်ပေးနိုင်မှာပဲဖြစ်ပါတယ်။ တိုင်းရင်းသားညီအစ်ကိုမောင်နှမတွေ ဒီမိုကရေစီ အခွင့်အရေးတွေ မဆုံးရှုံးစေဖို့ တိုင်းရင်းသားဒေသတွေအပါအဝင် တစ်နိုင်ငံလုံး နေရာအနှံ့ အကြားအလပ်မရှိ ရွေးကောက်ပွဲကျင်းပနိုင်ဖို့ ကြိုးစားဆောင်ရွက်လျက် ရှိပါတယ်။ တိုင်းပြည်ကို မူလအခြေအနေအတိုင်းအေးချမ်းစေဖို့ ဆောင်ရွက်နေပါတယ်” လို့ နစက ဥက္ကဋ္ဌက ပြောကြားခဲ့တာပါ။
လွတ်လပ်ရေးရတာ (၇၅)နှစ်ပြည့်တော့မှာဖြစ်ပေမယ့် လွတ်လပ်ရေးရဲ့အရသာကို အပြည့်အဝမခံစားကြရသေးဘူးလို့ လက်နက်ကိုင် ပဋိပက္ခတွေကို ရည်ညွန်းပြီး ဗိုလ်ချုပ်မှူးကြီးက ပြောပါတယ်။
“လွတ်လပ်ရေးနဲ့အတူပေါက်ဖွားလာတဲ့ လက်နက်ကိုင်ပဋိပက္ခတွေကို တတ်နိုင်သမျှချုပ်ငြိမ်းအောင် ကျွန်တော်တို့ ဆောင်ရွက် ခဲ့ပါတယ်။ ငြိမ်းချမ်းရေးကို ကျွန်တော်ကိုယ်တိုင် ဖိတ်ခေါ်ပြီးဆွေးနွေးခဲ့ပါတယ်။ ဆွေးနွေးပြီးသမျှ တိုင်းရင်းသားလက်နက်ကိုင်အဖွဲ့တွေနဲ့ ငြိမ်းချမ်းရေးအတွက် ဆွေးနွေးမှုများအပေါ်မှာ အလားအလာကောင်းတဲ့ သဘောတူညီမှုများ ရရှိခဲ့ပါတယ်။ မိမိဒေသ၊ မိမိလူမျိုးရဲ့ကောင်းကျိုးကို တကယ့်ရင်ထဲက စစ်မှန်တဲ့စေတနာ၊ မေတ္တာ အမှန်တရားနဲ့ လိုလားဖို့ပဲအရေးကြီးပါတယ်” လို့ သူကပြောပါတယ်။
၂၀၂၃ခုနှစ်ဟာ လွတ်လပ်ရေးစိန်ရတုနှစ်ဖြစ်လို့ မြန်မာ့နိုင်ငံရေး အချိုးအကွေ့တစ်ခုမှာ သမိုင်းကောင်းတစ်ခု ဖန်တီးနိုင်မယ့် အခွင့်အရေးကောင်းတစ်ခုကို တိုင်းရင်းသားပြည်သူတွေ ပိုင်ဆိုင်ခွင့်ရတဲ့နှစ်တစ်နှစ်ဖြစ်ပြီး အဲဒီအခွင့်အရေးကို အရယူနိုင်ဖို့မျှော်လင့်တယ််လို့လည်း ဆိုပါတယ်။
ဒီမိုကရေစီနှင့် ဖက်ဒရယ်စနစ်ကို အခြေခံတဲ့ ြည်ထောင်စုတည်ဆောက်ရေး အတွက် ယခုရှိပြီးသားထက်ပိုမိုတဲ့ ပေါင်းစည်းညီညွတ်မှုများနဲ့ ရှေ့ကိုခရီးဆက်ရမှာပဲ ဖြစ်လို့ နစက အနေနဲ့ ဘက်ပေါင်းစုံကနေ ရှိသမျှတံခါးများအားလုံးဖွင့်လျက် လက်ကမ်းကြိုလျက် ရှိနေပါတယ်လို့ ငြိမ်းချမ်းရေးဆွေးနွေးပွဲများကို ဆက်စပ်ရည်ညွန်းပြီး ဗိုလ်ချူပ်မှူးကြီးက နှစ်သစ်နှုတ်ခွန်းဆက်စကားမှာ ထည့်သွင်းပြောကြားခဲ့ကြောင်းသိရပါတယ်။
ymg/knl
#Myanmar_Politics
- Category: Myanmar
- Hits: 539
#World_Health
Published 1 Jan 2023
အစားအသောက်တွေ မုန့်တွေပိုစားဖြစ်တဲ့အခါ ဆားပမာဏလည်း မြင့်မားစွာစားသုံးမိပါလိမ့်မယ်။
လေ့လာချက်အသစ်အရ လိုအပ်တာထက် ဆားပိုမိုစားသုံးမိတဲ့အခါ စိတ်အခြေအနေထိခိုက်လာတတ်ပါတယ်။
ခန္ဓာကိုယ်ထဲ ဆားပမာဏများလာတဲ့အခါ သွေးပေါင်ချိန်ပါမြင့်တက်လာပြီး လေဖြတ်ခြင်းနဲ့ နှလုံးရောဂါဖြစ်နိုင်ချေ များလာပါတယ်။
ဆားရဲ့သက်ရောက်မှုက ရုပ်ပိုင်းဆိုင်ရာကျန်းမာရေးအပြင် အပြုအမူနဲ့ စိတ်ဖိစီးမှုကိုပါ တိုးများလာစေကြောင်း Cardiovascular Research မှာ ဖော်ပြထားပါတယ်။
ဆားတိုင်းအားလုံး မကောင်းတာတော့ မဟုတ်ပါဘူး။
အဟာရဓာတ်တွေ ဆဲလ်တွေကနေ အဝင်အထွက်ပြုလုပ်တဲ့နေရာမှာ ဆိုဒီယမ်က အဓိကထိန်းညှိပေးပါတယ်။
ခန္ဓာကိုယ်ထဲမှာ ကလိုရိုက်ဒ်နဲ့ပေါင်းစပ်ဖို့ ဆိုဒီယမ်ဓာတ် အနည်းငယ်သာလိုအပ်ပါတယ်။
အမေရိကန်နဲ့ နိုင်ငံအများစုမှာ နေ့စဉ်ဆားစားသုံးမှုက လိုအပ်တာထက် ကျော်လွန်နေပါတယ်။
သုတေသနအဖွဲ့က ကြွက်တွေကိုအဖွဲ့ခွဲကာ ဆားပုံမှန်စားသုံးခိုင်းတဲ့အဖွဲ့၊ ဆိုဒီယမ်နည်းပါးစွာစားသုံးခိုင်တဲ့အဖွဲ့နဲ့ ဆားမြင့်မားစွာစားသုံးခိုင်တဲ့အဖွဲ့ဆိုပြီး သတ်မှတ်လိုက်ပါတယ်။
အချိန် ၈ ပတ်ကြာသည်အထိ မနက်နဲ့ညနေတိုင်း သူတို့ရဲ့စိတ်ဖိစီးမှုဟော်မုန်းတွေကို တိုင်းတာခဲ့ပြီး သွေးနမူနာများရယူခဲ့ပါတယ်။
အဲဒီနောက် ဟိုက်ပိုသဲလမတ်စ်၊ အသည်း၊ ကျောက်ကပ်၊ နှလုံးတို့နဲ့ပတ်သက်တဲ့ မျိုးရိုးဗီဇအချက်အလက်များအတွက် တစ်ရှူးနမူနာများ စုဆောင်းခဲ့ပါတယ်။
ဆားပမာဏသွေးထဲမှာ များတဲ့အခါ ဆိုဒီယမ်ဓာတ်များခြင်းအခြေအနေဖြစ်ပြီး အရည်မမျှတဘဲဖြစ်လာပါတယ်။
စားပွဲတင်ဆားအစား ဆားပမာဏနည်းတဲ့ ဆိုဒီယမ်ကလိုရိုက်ဒ်နဲ့ ပိုတက်ဆီယမ်ကလိုရိုက်ဒ်တို့ ပြောင်းလဲအသုံးပြုနိုင်ကြောင်း သုတေသီများအကြုံပြုထားပါတယ်။
Source: The Jerusalem Post
#Yangon_Media_Group
- Category: World
- Hits: 472
#World_Health
Published 1 January 2023
ယခင်ကမကြုံဖူးတဲ့ ပြဿနာတွေကို ဖြေရှင်းနိုင်စွမ်းပေးတဲ့ ဦးနှောက်အစိတ်အပိုင်းတွေကို ဗြိတိန်သုတေသီများက အသိဉာဏ်စီးဆင်းမှုအဖြစ် ဖော်ထုတ်လိုက်ပါတယ်။
အသိဉာဏ်စီးဆင်းမှုဟာ ပညာရေးနဲ့ အသက်မွေးဝမ်းကျောင်းဆိုင်ရာအောင်မြင်မှု၊ လူမှုရေးအခြေအနေ၊ အသက်ရှည်ကျန်းမာရေးအပြင် မှတ်ဉာဏ်ကဲ့သို့ သိရှိမှုစွမ်းရည်များစွာနဲ့ဆက်စပ်နေပါတယ်။
ခက်ခဲရှုပ်ထွေးတဲ့ စဉ်းစားနိုင်စွမ်းတွေဖြင့် နေ့စဉ်လှုပ်ရှားမှုတွေမှာ အသုံးချနိုင်တာကိုတွေ့ရပါတယ်။
အသိဉာဏ်စီးဆင်းမှုက လူသားတွေရဲ့အပြုအမူမှာ အဓိကကျပေမယ့် သိမြင်နိုင်စွမ်းတစ်ခုတည်း ဒါမှမဟုတ် ယင်းတို့ရဲ့အစုအဝေးတစ်ခုနဲ့ ဦးနှောက်ဆက်နွယ်မှုသဘောသဘာဝနဲ့ ပတ်သက်ပြီး အငြင်းပွားနေဆဲဖြစ်ပါတယ်။
အသိဉာဏ်စီးဆင်းမှုကို အကောင်းဆုံးစမ်းသပ်နိုင်တဲ့ Raven APM ကိုအသုံးပြုပြီး ဦးနှောက်အကျိတ် ဒါမှမဟုတ် လေဖြတ်လူနာ ၂၂၇ ယောက်ကို စူးစမ်းလေ့လာခဲ့ပါတယ်။
သူတို့ရဲ့ချဉ်းကပ်ပုံက ရောဂါဖြစ်စဉ်ကြောင့် ဒါမှမဟုတ် သိမြင်နိုင်စွမ်းကိုဖော်ပြနေတဲ့အပိုင်းတွေရဲ့ ချိတ်ဆက်မှုတွေကို အတူတကွဖော်ပြတဲ့ တွက်ချက်မှုကွန်ရက်အဖြစ် ဦးနှောက်ရှိအချက်အလက်များကြားဆက်ဆံရေးကို ဖော်ထုတ်ကြပါတယ်။
အသိဉာဏ်စီးဆင်းမှု ချို့ယွင်းတဲ့သူတွေမှာ ဦးနှောက်အနှံ့ပျံနှံ့နေတာထက်စာရင် ညာဘက်အရှေ့မှာထိခိုက်မှုရှိနေတဲ့ လူနာတွေမှာ ပိုပြီးတွေ့ရပါတယ်။
ဦးနှောက်အကျိတ်နဲ့ လေဖြတ်ခြင်းကဲ့သို့ ဦးနှောက်ထိခိုက်မှုတွေကို ဦးနှောက်ထိခိုက်ထားသူများနဲ့ ဒီမန်ရှာတို့လို အာရုံကြောပြဿနာလူနာတွေမှာ တွေ့ရှိကြရပါတယ်။
ဦးနှောက်ညာဘက်အရှေ့ပိုင်းဟာ ပြဿနာဖြေရှင်းနိုင်စွမ်း ကျိုးကြောင်းဆီလျော်နိုင်စွမ်းစတဲ့ အသိဉာဏ်စီးဆင်းမှု မြင့်မားတဲ့စွမ်းဆောင်ရည်တွေအတွက် အရေးကြီးကြောင်း ပထမဆုံးတွေ့ရှိခဲ့တာဖြစ်တယ်လို့ ပရော်ဖက်ဆာ'လီဆာဆီပိုလော့တီ'က ပြောပြခဲ့ပါတယ်။
ဦးနှောက်ထိခိုက်မှုတွေကို ပိုမိုလေ့လာခြင်းဖြင့် ဦးနှောက်နဲ့ သိရှိနိုင်စွမ်းတို့ကြားပတ်သက်မှုကို ထုတ်ဖော်နိုင်မှာဖြစ်ကာ အာရုံကြောပြဿနာတွေကို ဖြေရှင်းနိုင်မှာဖြစ်တယ်လို့ ပြောပြသွားပါတယ်။
Source: The Jerusalem Post
#Yangon_Media_Group
- Category: World
- Hits: 282
၂၀၂၃ခုနှစ်အတွက်နှစ်သစ်ဆုတောင်းများကို နိုင်ငံရေးပါတီခေါင်းဆောင်များ၊ကျန်းမာရေး၊ပညာရေးနှင့်စာပေပညာရှင်၊အနုပညာရှင်များဖြစ်သော
(၁)ဦးစိုင်းအိုက်ပေါင်း(ဥက္ကဌ)ရှမ်းတိုင်းရင်းသားများဒီမိုကရက်တစ်ပါတီ(ကျားဖြူပါတီ)၊
(၂)ဒေါက်တာအေးမောင်(ဥက္ကဌ)ရခိုင့်ဦးဆောင်ပါတီ၊
(၃)ဦးကိုကိုကြီး (ဥက္ကဌ)ပြည်သူ့ပါတီ၊
(၄)ဒေါက်တာမင်းညို(Chairman)New Pathway Institute၊
(၅)ဒေါက်တာခင်မောင်လွင်(ပြည်သူ့ကျန်းမာရေးပညာပေးပညာရှင်)
(၆)စာရေးဆရာဟိန်းလတ်
(၇)ဦးအောင်စိုးဦး၊စာရေးဆရာ၊ရုပ်ရှင်ဒါရိုက်တာ၊ နိုတြီပဗ္ဗလစ်နှင့်တရားလွှတ်တော်ရှေ့နေတို့၏ နှစ်သစ်ဆုတောင်းစကားများကိုစုစည်းတင်ဆက်လိုက်ရပါသည်၊၊
#Yangon_Media_Group
- Category: Myanmar
- Hits: 514
Published_ 31 December 2022
(၇၅)နှစ်မြောက် စိန်ရတုလွတ်လပ်ရေးနေ့ ဂုဏ်ပြုအခမ်းအနား ပါဝင်တက်ရောက် ကြမည့် ခေတ်အဆက်ဆက်နိုင်ငံတော်တာဝန်ကို ထမ်းဆောင်ခဲ့ကြသည့် နိုင်ငံတော် အကြီးအကဲများနှင့် တပ်မတော်အရာရှိကြီးများ၏ မိသားစုဝင်များအား နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့် ဇနီးဒေါ်ကြူကြူလှတို့သည် ဒီဇင်ဘာ ၃၁ ရက် နံနက်ပိုင်းတွင် သွားရောက်တွေ့ ဆုံနှုတ်ဆက်ခဲ့ပါတယ်။
ထိုသို နစကဥက္ကဋ္ဌနှင့်ဇနီးတိုအား ခေတ်အဆက်ဆက်နိုင်ငံတော်တာဝန်ကို ထမ်းဆောင်ခဲ့ကြသည့် နိုင်ငံတော်အကြီးအကဲများနှင့် တပ်မတော်အရာရှိကြီးများ၏ မိသားစုဝင်များက ရင်းရင်းနှီးနှီးကြိုဆိုနှုတ်ဆက်ကြပါတယ်။
ခေတ်အဆက်ဆက် နိုင်ငံတော်တာဝန်ကို ထမ်းဆောင်ခဲ့ကြသည့် နိုင်ငံတော် အကြီး အကဲများနှင့် တပ်မတော်အရာရှိကြီးများ၏ မိသားစုဝင်များဖြစ်ကြတဲ့ ဦးနု၏သမီး ဒေါ်သန်းသန်းနု၊ ဦးစန်းယု၏သမီး ဒေါ်လဲ့လဲ့ယု၊ ဗိုလ်ချုပ်မှူးကြီး စောမောင်၏သား ဦးသီဟစော၊ ဦးနေဝင်း၏သမီး ဒေါက်တာခင်စန္ဒာဝင်း၊ ဦးဗဆွေ၏သမီး ဒေါ်နေရည်ဗဆွေ၊ ဦးကျော်ငြိမ်း၏သမီး ဒေါ်ချိုချိုကျော်ငြိမ်း၊ ဒုတိယဗိုလ်ချုပ်ကြီး ထွန်းရီ၏သား ဦးဇော်ထွန်းနှင့် ဦးစိန်လွင်၏သမီး ဒေါက်တာချိုလွင်ဦးတိုအား တစ်ဦးချင်း ရင်းရင်းနှီးနှီး လိုက်လံနှုတ်ဆက်၍ နေထိုင်စားသောက်မှု အခြေအနေများ၊ တစ်ဦးချင်းစီ၏ ကျန်းမာရေး အခြေအနေများနှင့် အခြားလိုအပ်ချက်များကို မေးမြန်အားပေးစကားပြောကြားပြီး လိုအပ်သည်များကို ဖြည့်ဆည်းဆောင်ရွက်ပေးခဲ့တယ်လို့ သတင်းထုတ်ပြန်ချက်မှာ ဖော်ပြထားပါတယ်။
ygm_mnn
#Yangon_Media_Group
- Category: Myanmar
- Hits: 431
Published 31 December 2022
နယူးဇီလန်နိုင်ငံ အော့ကလန်းမြို့လယ်တွင် ၂၀၂၃ နှစ်သစ်ကို မီးရှီုးမီပန်းများဖောက်၍ ပြည်သူများကြိုဆိုခဲ့ကြပါတယ်။ နယူးဇီလန်နှင့် ဩစတေလျနိုင်ငံတို့ဟာ ၂၀၂၃နှစ်သစ်ကို ပထမဆုံးကြိုဆိုလိုက်ကြရတဲ့ နိုင်ငံအချို့ထဲပါဝင်နေပါတယ်။
Source AFP
- Category: World
- Hits: 271
#Local_News
Published_31 December 2022
ပြီးခဲ့တဲ့ရက်ပိုင်းမှာ နိုင်ငံတကာသံရုံးတွေက ၎င်းတိုရဲ့နိုင်ငံသားတွေကို မြန်မာပြည်ထဲလာရောက်တဲ့အခါမှာ လုံခြုံရေးသတိထားနေထိုင်ဖို့အတွက် အသိပေးကြေညာချက်တွေ ထုတ်ပြန်ထားပါတယ်။
#Yangon_Media_Group
- Category: Myanmar
- Hits: 316
#Local_News
Published_ 31 December 2022
နှစ်သစ်ကူးဦးအလှူအဖြစ် မွန်ပြည်နယ်၊ မော်လမြိုင်မြို့၊ နဂါးမောက်ဘုရားမှာ မိုးလင်းကနေမိုးချုပ်ကျွေးမွေးတဲ့ မီးခိုးတိတ် စတုဒီသာ (၅)ရက်ဆက်တိုက်ကျွေးမွေးလှူဒါန်းသွားဖို့ရှိတယ်လို့ အကျိုးတော်ဆောင်ကိုဇင်မိုးထံမှ သိရပါတယ်၊၊
#Yangon_Media_Group
- Category: Myanmar
- Hits: 314