Published_3 Jan 2024

ပြည်ထောင်စုနယ်မြေနေပြည်တော်၊ ဇေယျာသီရိမြို့နယ်၊ စိမ်းစားပင်ကျေးရွာရှိ နေပန်လပန်ရှေးဟောင်းစေ တီတော် ရွှေထီးတော်၊ ငှက်မြတ်နားတော်၊ ရတနာ စိန်ဖူး တော် တင်လှူပူဇော်ပွဲနှင့် ဗုဒ္ဓါဘိသေက အနေ ကဇာတင် မဟာမင်္ဂလာအခမ်းအနားကို ယနေ့ ဇန်နဝါရီလ ၃ ရက် နံနက်ပိုင်းက ပြုလုပ်ခဲ့ကြောင်း သိရသည်။

အဆိုပါ နေပန်လပန်ရှေးဟောင်းစေတီတော်မြတ် ၄ ဆူသည် သာသနာရေးနှင့် ယဉ်ကျေးမှုဝန်ကြီးဌာန၊ ရှေး ဟောင်းသုတေသနဌာနမှ ပညာရှင်များ၏ ခန့်မှန်းချက် အရ လွန်ခဲ့သော နှစ်ပေါင်း ၃၀၀ ကျော်ခန့် ညောင်ရမ်း ခေတ်တွင် တည်ထားခဲ့သော စေတီတော်ဖြစ်ကြောင်း၊ ၂၀၀၅ ခုနှစ်တွင် လက်ရှိ သုခရတနာ ကျောင်းတိုက် ကျောင်းထိုင်ဆရာတော် ဘဒ္ဒန္တ အာလောက ၏ ခမည်းတော်ဖြစ်သူနှင့် ဦးရီးတော် ဖြစ်သူတို့မှ တွေ့ရှိခဲ့ပြီး ပြန်လည်ဖော်ဆောင်ခဲ့ခြင်းဖြစ်ကြောင်း သိရသည်။

ယင်း နေပန်လပန် ရှေးဟောင်းစေတီတော်မြတ် ၄ ဆူအား ဗုဒ္ဓသာသနာတော် အဓွန့်ရှည် တည်တံ့ခိုင်မြဲရေး၊ သာသနာတော် ထွန်းကားပြန့်ပွားရေးနှင့် ရှေးဟောင်းယဉ်ကျေးမှု အမွေအနှစ်များ မပျောက်ပျက်အောင် ထိန်း သိမ်းစောင့်ရှောက်နိုင်ရေး စသည့် ရည်ရွယ်ချက်များဖြင့် နိုင်ငံတော် စီမံအုပ်ချုပ်ရေးကောင်စီဥက္ကဋ္ဌ နိုင်ငံတော် ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် နှင့် ဇနီး ဒေါ်ကြူကြူလှ တို့ အမှူးပြုသည့် တပ်မတော်(ကြည်း၊ ရေ၊ လေ) မိသားစုများ၊ စေတနာရှင်ပြည်သူများ၏ စုပေါင်းလှူဒါန်းမှုဖြင့် ပြန်လည်ပြုပြင် မွမ်းမံတည်ထားပူ ဇော်ပြီးစီး ခဲ့ခြင်း ဖြစ်ကြောင်း သိရသည်။

ရွှေထီးတော်၊ ငှက်မြတ်နားတော်၊ ရတနာစိန်ဖူးတော် တင်လှူပူဇော်ခြင်းနှင့် ဗုဒ္ဓါဘိသေက အနေကဇာတင် မဟာမင်္ဂလာအခမ်းအနားသို့ပါဠိတက္ကသိုလ် မင်္ဂလာဇေယျုံကျောင်းတိုက် ပဓာနနာယက အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မ ဇောတိကဓဇ ဘဒ္ဒန္တ ဝိမလဗုဒ္ဓိ အမှူးပြုသည့် ဆရာတော်၊ သံဃာတော် အရှင်သူမြတ်များ ကြွရောက်ချီးမြှင့်တော်မူ ကြကြောင်းလည်း သိရသည်။
Yangon_Times/PP
#Local_News
#Published_3 Jan 2024
#Yangon_Times #YMG_News #Yangon_Media_Group

Published_3 Jan 2024

(၇၆)နှစ်မြောက် လွတ်လပ်ရေးနေ့အထိမ်းအမှတ် ဝန်ကြီးဌာနပေါင်းစုံ ဘောလုံး ပြိုင်ပွဲ(အမျိုးသား) ဗိုလ်လုပွဲ တွင် စီမံကိန်းနှင့်ဘဏ္ဍာရေးဝန်ကြီးဌာန အသင်းနှင့်အားကစား နှင့် လူငယ်ရေးရာဝန်ကြီးဌာနအသင်းတို့ ယနေ့ ဇန်နဝါရီလ ၃ ရက် က ဗိုလ်လု ယှဉ်ပြိုင်က စားကြ ရာ ပွဲကစားချိန် ၈ မိနစ်တွင် စီမံကိန်း နှင့် ဘဏ္ဍာ ရေးဝန် ကြီး ဌာနအသင်းက အဖွင့်ဂိုးရရှိခဲ့ပြီး ဦးဆောင်နိုင်ခဲ့ကြောင်း သိရသည်။

ထို့နောက်ပွဲကစားချိန် ၁၁ မိနစ်တွင် အားကစားနှင့်လူငယ်ရေးရာဝန်ကြီးဌာနအသင်းက ချေပဂိုးနှင့် ပွဲချိန် ၁၆ မိနစ်နှင့် ပွဲချိန် ၁၈ မိနစ်တို့တွင် ဦးဆောင်ဂိုးများထပ်မံသွင်းယူနိုင်ခဲ့သောကြောင့် ၃ ဂိုး ၁ ဂိုးဖြင့် အားကစား နှင့်လူငယ်ရေးရာဝန်ကြီးဌာနအသင်းက ဦးဆောင်နိုင်ခဲ့သော် လည်း ပွဲချိန် ၄၂ မိနစ်တွင် စီမံကိန်းနှင့်ဘဏ္ဍာ ရေးဝန်ကြီးဌာနအသင်းက ချေပဂိုးတစ်ဂိုး ပြန်လည်သွင်းယူနိုင်ခဲ့သောကြောင့် ပထမပိုင်း ၄၅ မိနစ်ပြီးဆုံးချိန် တွင် အားကစား နှင့်လူငယ်ရေးရာဝန်ကြီးဌာနအသင်းက ၃ ဂိုး ၂ ဂိုးဖြင့် ဦးဆောင်နိုင်ခဲ့ကြောင်းသိရသည်။

ယင်းနောက် ဒုတိယပိုင်းပွဲကစားချိန်ကို ဆက်လက်ယှဉ်ပြိုင်ကစားခဲ့ရာ ပွဲ စလျင် စချင်း ၄၇ မိနစ်၌ စီမံကိန်း နှင့်ဘဏ္ဍာရေးဝန်ကြီးဌာနအသင်းက ချေပဂိုးတစ်ဂိုးထပ်မံ သွင်းယူနိုင်ခဲ့သဖြင့် တစ်ဖက်သုံးဂိုးစီဖြင့် နှစ်ဖက်အ ပြန် အလှန် အကြိတ်အနယ် ဆက်လက် ယှဉ်ပြိုင် ကစားခဲ့ကြသည်။

ကျန်ရှိသည့် ပွဲကစားချိန်အတွင်း အနိုင်ဂိုး ရရှိရေး ရေကုန် ရေခမ်း ယှဉ်ပြိုင်ကစားခဲ့ကြသော်လည်း တစ်ဖက်နှင့်တစ်ဖက် ဂိုးသွင်းယူနိုင်ခြင်း မရှိသည့် အတွက် သာမာန်ပွဲကစားချိန် မိနစ် ၉၀ ပြည့်သည့်အချိန်တွင် သရေရလာဒ်ဖြင့်သာ ပွဲပြီး ဆုံးခဲ့ရသဖြင့် အချိန် ပိုပထမပိုင်းကို ဆက်လက်ယှဉ်ပြိုင်ကစားခဲ့ရကြောင်း သိရသည်။

အချိန်ပို မိနစ် ၃၀ ကို ဆက်လက်ယှဉ်ပြိုင်ကစားခဲ့ရာ အချိန်ပို ၁၈ မိနစ်တွင် အားကစားနှင့်လူငယ်ရေးရာ ဝန် ကြီး ဌာနအသင်းက ၁၈ ကိုက်စည်း အပြင်ဘက်မှ အပြင်းကန်သွင်းချက်ဖြင့် ဦးဆောင်ဂိုးရရှိခဲ့ပြီး ချေပဂိုးပြန် လည်သွင်းယူနိုင်ခြင်းမရှိသဖြင့် ပွဲကစားချိန်များပြီးဆုံးချိန်တွင် အားကစားနှင့်လူငယ်ရေးရာ ဝန်ကြီးဌာနအသင်း က စီမံကိန်းနှင့်ဘဏ္ဍာရေးဝန်ကြီးဌာန အသင်းအား ၄ ဂိုး - ၃ ဂိုးဖြင့် ထိုက်တန်စွာ အနိုင်ရ ဗိုလ်စွဲခဲ့ကြောင်း သိရ သည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က ပထမဆုရ ရှိသည့် အားကစားနှင့်လူငယ်ရေးရာ ဝန်ကြီးဌာနအသင်းအား ဂုဏ်ပြုချီးမြှင့်ငွေနှင့် တံခွန်စိုက်ဖလား တို့ကိုပေး အပ်ချီး မြှင့်ပြီး အားကစားသမားများကို ရင်းရင်းနှီးနှီးနှုတ်ဆက်ခဲ့ကြကြောင်း သိရသည်။

အကောင်းဆုံး အားကစားသမားဆုရရှိခဲ့ကြ သည့် အားကစားသမားများကို ဒုတိယဝန်ကြီးချုပ်နှင့် စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးဝင်းရှိန်၊ ကောင်စီဝင်များ ဖြစ်ကြသည့် ခွန်စံလွင်၊ ဒေါက်တာ ရွှေ၊ ဒေါက်တာမှုထန် နှင့် မန်းငြိမ်းမောင် တို့က ဂုဏ်ပြုဆုတံဆိပ်နှင့် ချီးမြှင့်ငွေများကိုလည်းကောင်း၊ အသင်း လိုက် စတုတ္ထဆုရရှိသည့် ဆောက်လုပ်ရေးဝန်ကြီးဌာနအသင်းကို ကောင်စီဝင်ဒုတိယဗိုလ် ချုပ် ကြီး ညိုစော ကလည်း ကောင်း၊ တတိယဆုရရှိသည့် ပြည်ထဲရေးဝန်ကြီးဌာနအသင်းကို ကောင်စီဝင် ဒုတိ ယဗိုလ်ချုပ်ကြီး ရာပြည့် က လည်း ကောင်း၊ ဒုတိယဆုရရှိသည့် စီမံကိန်းနှင့်ဘဏ္ဍာရေးဝန်ကြီးဌာနအသင်းကို ကောင်စီဝင် ဗိုလ်ချုပ်ကြီး မြထွန်းဦး ကလည်းကောင်း တစ်ဦးချင်းဆုတံဆိပ်၊ ဂုဏ်ပြုဆုနှင့် ချီးမြှင့် ငွေများကို အသီးသီးပေးအပ်ချီး မြှင့် ကြကြောင်းသိရသည်။

အလားတူ ပထမဆုရရှိသည့် အားကစားနှင့်လူငယ်ရေးရာ ဝန်ကြီးဌာန အသင်းကိုကောင်စီတွဲဖက် အတွင်း ရေးမှူး ဒုတိယဗိုလ်ချုပ်ကြီး ရဲဝင်းဦးက တစ်ဦးချင်း ဆုတံဆိပ်များကို ပေးအပ်ချီးမြှင့်ခဲ့ကြောင်း လည်း သိရ သည်။
Yangon_Times/PP
#Local_News
#Published_3 Jan 2024
#Yangon_Times #YMG_News #Yangon_Media_Group

တရုတ်နိုင်ငံဟာ ၂၀၂၄ ခုနှစ်မှာ ခေတ်မီဖွံဖြိုးတိုးတက်ရေးကို ပုံမှန်အတိုင်း ဆက်လက်ပြုလုပ်သွားမယ်လို့ သမ္မတရှီကျင့်ဖျင်က ၂၀၂၄ နှစ်သစ်ကူးအတွက် နှစ်ကူးအကြိုတနင်္ဂနွေနေ့မှာ မိန့်ခွန်းပြောကြားခဲ့ပါတယ်။
#Asia_News
#Published_ 03 January 2024
#YMG #Yangon_Times #YMG_News #Yangon_Media_Group

#Daily_News
#TV Yangon Times ရဲ့ နေ့စဉ်သတင်းအစီအစဉ် (တိုက်ရိုက်)
Published_3 January 2024

၁။ ယခုလတွင် ဒေသ(၂)ခုတွင် မိုးပိုရွာပြီး ဒေသ(၅)ခုတွင် မြူပိုကျမည်၊ ယခုရက်ပိုင်းအတွင်း ဒေသ(၁၀)ခု၌ ညအပူချိန်များ ကျဆင်းမည်

၂။ ၂၀၂၄ခုနှစ်အတွင်း ပြောင်းဈေးမြင့်လာပြီး ဈေးကွက်ကောင်းမွန်လာနိုင်မည့် အနေထားရှိ​ကြောင်း ပြောင်းကုန်သည်များ သုံးသပ်

၃။ မော်တော်ယာဉ်မူဝါဒသစ် ကားဈေးကွက်အ‌ပေါ် သက်ရောက်မှုမရှိ၊ SKD,CKDကားများ ထွက်ရှိလာမှသာ ဈေးကွက်ကျနိုင်ဟုဆို

၄။ အဟောင်းတွေကို မဖျက်ဆီးဘဲ အသစ်တွေကို တည်ငြိမ်စွားတိုးချဲ့စီးပွားရေးမြှင့်တင်မည်ဟု တရုတ်သမ္မတရှီကျင့်ဖျင်ပြော ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

Published_03 January 2024

ဘူတာ၁၀ခု၌ကုန်စည်သယ်ယူပို့ဆောင်မှုလုပ်ငန်းနှင့် ဆက်စပ်သည့် သိုလှောင်၊ ဖြန့်ဖြူးရေးစင်တာ အငယ်
စားများ တည်ဆောက်/လည်ပတ်လုပ်ကိုင်ရန် မြန်မာ့မီးရထားက တင်ဒါအဆိုပြုလွှာ (Tender Proposal) တင်သွင်းနိုင်ကြောင်း ဖိတ်ခေါ်ထားသည်။

အဆိုပါ တင်ဒါအဆိုပြုလွှာ (Tender Proposal) ဖိတ်ခေါ်ရာတွင်သီလဝါ-တိုးကြောင်ကလေး-မြို့ပတ်၊ ရန်ကုန်-ပြည်၊ ရန်ကုန်-မန္တလေး၊ ရန်ကုန်-မော်လမြိုင်၊ သာစည်-မြင်းခြံရထားလမ်းပိုင်းများတွင် သိုလှောင်၊ ဖြန့်ဖြူးရေးစင်တာများနှင့် ဆက်စပ်သည့် ရထားနှင့် ကုန်စည်သယ်ယူပို့ဆောင်ရေးလုပ်ငန်းများ လည်း ပါဝင်နေကြောင်းသိရသည်။

ထို့အပြင် Package စနစ် ငါးနှစ်မူဖြင့်အကောင်အထည်ဖော်ဆောင်ရွက်သွားမည်ဖြစ်ပြီး စိတ်ပါဝင်စားသည့် နိုင်ငံသားပုဂ္ဂလိကလုပ်ငန်းရှင်/ ကုမ္ပဏီအဖွဲ့အစည်းများ အနေဖြင့် တင်ဒါအဆိုပြုလွှာ တင်သွင်းနိုင်ကြောင်း ထုတ်ပြန်ထားသည်။

ယင်းတင်ဒါစည်းကမ်းချက်နှင့် တင်ဒါအဆိုပြုလွှာ (Instructions to Tenderer & Request for Proposal) များကို ၁ စုံ ကျပ် ၅ သိန်းနှုန်းနှင့် ဇန်နဝါရီလ ၁ ရက်မှ ၁၅ ရက်နေ့အထိ ရုံးချိန်အတွင်း ဒုတိယအထွေထွေမန်နေဂျာ၊ ထောက်ပံ့ဌာန၊မြန်မာ့မီးရထား၊ ကုန်သည်လမ်းနှင့် ၅၁လမ်းထိပ်၊ဗိုလ်တထောင်မြို့နယ်၊ရန်ကုန်၌ဝယ်ယူနိုင်ကြောင်းအသိပေးထားသည်။

အဆိုပါတင်ဒါအဆိုပြုလွှာများကို ဧပြီလ ၁ ရက်နေ့၊ နေ့လည်၂နာရီနောက်ဆုံးထား တင်သွင်းရမည်ဖြစ်ပြီး အသေးစိတ်အချက်အလက်များကိုမြန်မာ့မီးရထား(ရုံးချုပ်)၊နေပြည်တော်ဘူတာ(ပထမထပ်)ရှိစီးပွားရေးဌာနထံ လူကိုယ်တိုင်ဖြစ်စေ၊ ၀၆၇-၇၇၀၄၈ / ၇၇၁၆၃ ဖြစ်စေ၊ Email – This email address is being protected from spambots. You need JavaScript enabled to view it. ဖြစ်စေဆက်သွယ်စုံစမ်းမေးမြန်းနိုင်ကြောင်းတင်ဒါခေါ်ယူရေးနှင့်စိစစ်ရေးကော်မတီမှကြေညာထားကြောင်းသိရသည်။
Yangon Times/NN
#Local_News
#Published_ 03 January 2024
#YMG #Yangon_Times #YMG_News #Yangon_Media_Group

Published 3 January 2024

ဗိုလ်တထောင် ၊ကမ်းနားလမ်း၊ကွန်တိန်နာယာဉ်ရပ်နားဝန်းအတွင်း ရပ်နားထားသော အဝါရောင်ကွန်တိန်နာမီးလောင်ကျွမ်းမှုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့၏ထုတ်ပြန်ချက်အရသိရသည်။

ဇန်နဝါရီလ၃ရက်နေ့ ညနေ၄နာရီကျော်တွင်  ရန်ကုန်တိုင်းဒေသကြီး၊ ဗိုလ်တထောင်မြို့နယ်၊ အမှတ်(၁)ရပ်ကွက်၊ ကမ်းနားလမ်း၊ ကွန်တိန်နာယာဉ်ရပ်နားဝန်းအတွင်း ရပ်နားထားသော Howo Sino Truck (အဝါရောင်)ကွန်တိန်နာယာဉ်(၁)စီး မီးလောင်မှုဖြစ်ပွားခဲ့ခြင်းဖြစ်သည်။

အဝါရောင်ကွန်တိန်နာယာဉ်မီးလောင်ကျွမ်းမှု ကြောင့်ဘေးအနီးရှိ ကွန်တိန်နာတစ်စီးကိုလည်း မီးကူးစက်လောင်ခဲ့သည်။

အဆိုပါမီးလောင်ကျွမ်းမှုကို  တာမွေမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ ရှင်သန်ရေးလူမှုကူညီရေးအသင်းမှ ရေသယ်ယာဉ်(၁)စီးတို့ဖြင့် ထွက်ခွာငြှိမ်းသတ်ခဲ့ရာ ၀၄ ၅၅ အချိန် မီးငြိမ်းကြောင်းသိရသည်။

ရှင်သန်ရေးကူညီမှုအသင်းရေဘောက်ဆာ+မီးသတ်ဆေးဘူးအကြီးများဖြင့်  ရေအထောက်အကူပြု + မီးငြိမ်းသတ်  ကူညီပေးခဲ့ကြောင်း သိရသည်။
Yangon Times/tthl
#Local_News
#Published_ 03 January 2024
#YMG #Yangon_Times #YMG_News #Yangon_Media_Group

ရန်ကုန်တိုင်းဒေသကြီး လှည်းကူးမြို့နယ် ပိုက်ကြီးဝဲကျေးရွာ မဟာဇီဝိတာရာမ ကျောင်းတိုက်ဝန်းအတွင်းရှိ လှည်းကူးမြို့နယ်ဆိုင်ရာ ရှေးဟောင်းသမိုင်းပြတိုက် အဆင့်မြှင့်တင်ခြင်းလုပ်ငန်း လုပ်ဆောင်နေတယ်လို့ လှည်းကူးသမိုင်းပြတိုက်နှင့် လှည်းကူးမြို့နယ် သမိုင်းပြုစုရေးအဖွဲ့ထံက သိရပါတယ်။

Yangon Times/LW
#Local_News
#Published_ 03 January 2024
#YMG #Yangon_Times #YMG_News #Yangon_Media_Group

ဘွန်ဆိုင်းပင်တွေက အခု ဈေးကွက်တစ်ခုအနေနဲ့ ရှိလာပြီ၊ ဆရာတွေလက်ထဲမှာ သက်တမ်း၄၀ ကနေ၅၀ ဘွန်ဆိုင်းတွေ ပိုင်နေပြီ၊ အဲ့ဒီအတွက် သက်တမ်းအလိုက် အပင်ဈေးနှုန်းတွေ ဈေးကြီး‌ပါတယ်၊ မန္တလေးက ဘွန်ဆိုင်းပညာရှင်က ထနောင်းပင်တစ်ပင်ကို သိန်း၄၀၀ အထိရောင်းခဲ့ရတယ်၊ စားသောက်ဆိုင်တွေ ဟိုတယ်တွေက ဝယ်တာများတယ်၊ဘွန်ဆိုင်းဝါသနာရှင်တွေလည်း ဝယ်တာတွေရှိပါတယ် '
Yangon Times/NN
#Local_News
#Published_ 03 January 2024
#YMG #Yangon_Times #YMG_News #Yangon_Media_Group

Published_ 03 January 2024

လူမှုဖူလုံရေး အကျုံးဝင် အာမခံအလုပ်သမား ၁ ဒသမ ၂ သန်းကျော်ရှိပြီး ကျန်းမာရေးစောင့်ရှောက်မှုအတွက်လူမှုဖူလုံရေးအဖွဲ့ပိုင် ဆေးရုံကြီးသုံးရုံအပါအဝင် ဆေးခန်းများ၌ ဝန်ဆောင်မှုများ ဆောင်ရွက်ပေးနေကြောင်း အလုပ်သမားဝန်ကြီးဌာန၊ လူမှုဖူလုံရေးအဖွဲ့မှ သိရသည်။

အဆိုပါ အာမခံလုပ်သားများ၏ ကျန်းမာရေးစောင့်ရှောက်မှုအတွက် လူမှုဖူလုံရေးအဖွဲ့ပိုင် ဆေးရုံကြီး (၃)ရုံ၊ မြို့နယ်လူမှုဖူလုံရေး ဆေးခန်း (၉၆) ခန်း၊ ဌာနကြီးဆေးခန်း (၆၀)၊ စာချုပ်ဆေးခန်း (၅၄) ခန်း၊ သားဖွားမီးယပ်ပြင်ပလူနာကုသမှု (Specialist OG OPD) ဆောင်ရွက်သည့် စာချုပ်ဆေးခန်း (၂၃)ခန်း၊ မီးဖွားဝန်ဆောင်မှု ဆောင်ရွက်လျက်ရှိသော စာချုပ်ဆေးရုံ/ သားဖွားခန်း (၁၂) ခန်း၊ တိုင်းရင်းဆေးခန်းတစ်ခန်းတို့ဖြင့် ဝန်ဆောင်မှု ဆောင်ရွက်ပေးနေကြောင်း သိရသည်။

အလုပ်သမားဝန်ကြီးဌာန လူမှုဖူလုံရေးအဖွဲ့အနေဖြင့် လူမှုဖူလုံရေးအာမခံ (Social Insurance) စနစ်အရ လက်ရှိတွင် အာမခံစနစ် ခြောက်မျိုးအနက် နှစ်မျိုးကို အကောင်အထည်ဖော်လျက် အကျိုးခံစားခွင့် (၁၅) မျိုး ဆောင်ရွက်ပေးနေကြောင်း သိရသည်။

ထို့ပြင် လစဉ်ထည့်ဝင်ကြေးကို လုပ်ခလစာတစ်လလျှင် တစ်သိန်းရရှိသည့် အာမခံအလုပ်သမားတစ်ဦးအနေဖြင့် အလုပ်သမားထည့်ဝင်ကြေး ၂ ရာခိုင်နှုန်းအတွက် ကျပ် (၂၀၀၀) နှင့် အလုပ်ရှင်မှ ၃ ရာခိုင်နှုန်းအတွက် ကျပ် (၃၀၀၀) စုစုပေါင်း ၅ ရာခိုင်နှုန်းအတွက် ကျပ် (၅၀၀၀) ပေးသွင်းရကြောင်းသိရသည်။

အများဆုံးလုပ်ခလစာ သုံးသိန်းအထိ သတ်မှတ်ထားကာ အလုပ်သမားထည့်ဝင်ကြေး ၂ ရာခိုင်နှုန်းအတွက် ကျပ် (၆၀၀၀) နှင့် အလုပ်ရှင်မှ ၃ ရာခိုင်နှုန်းအတွက် ကျပ် (၉၀၀၀) စုစုပေါင်း ၅ ရာခိုင်နှုန်းအတွက် ကျပ် (၁၅၀၀၀) ပေးသွင်းရကြောင်းလည်း သိရသည်။

လစဉ်ထည့်ဝင်ကြေးပေါ်မူတည်၍ မကျန်းမာမှုအကျိုးခံစားခွင့်၊ မီးဖွားမှု အကျိုးခံစားခွင့်၊ နာရေးစရိတ်၊ အလုပ်တွင်ထိခိုက်မှုကြောင့် ယာယီမသန်စွမ်းဖြစ်မှု အကျိုးခံစားခွင့်၊ အမြဲတမ်းမသန်စွမ်း အကျိုးခံစားခွင့်နှင့် အလုပ်တွင် ထိခိုက်မှုကြောင့် သေဆုံးမှုအတွက် ကျန်ရစ်သူအကျိုးခံစားခွင့်စသည်တို့ကို ခံစားရရှိနိုင်ကြောင်း သိရသည်။
Yangon Times/NN
#Local_News
#Published_ 03 January 2024
#YMG #Yangon_Times #YMG_News #Yangon_Media_Group

Published 3 January 2024

  အဝတ်အထည်ရောင်းချသော Online Page တစ်ခုမှ Live လွှင့်ရောင်းချပြီးပစ္စည်း မပို့ပေးသည့်အပေါ် တိုင်ကြားမှုတစ်ခု ဖြစ်ပွားခဲ့ကြောင်း စားသုံးသူရေး ရာ ဦးစီးဌာန၏ ယမန်နေ့ ဇန်နဝါရီ(၂) အသိပေးထုတ်ပြန်ချက်အရ သိရသည်။

  မကွေးမြို့ရှိ ပိုးထည်ချည်ထည် အမျိုးမျိုးရောင်းဝယ်ရေး Online Page Live မှ ပါတိတ်ထမီ (၁၀) ကွင်းအား ကျသင့်ငွေ ကျပ်(၂၈,၄၀ဝ)၊ ပို့ဆောင်ခ ကျပ် (၁,၀၀ဝ)၊ စုစုပေါင်းကျသင့်ငွေ ကျပ်(၂၉,၄၀ဝ)အား K-Pay ဖြင့် ငွေလွှဲ၍ ဝယ်ယူခဲ့သည်ဟုဆိုသည်။

သို့သော် မှာယူပြီး သုံးပါတ်ကြာသည်အထိ အထည်များပေးပို့လာခြင်းမရှိသဖြင့် ဆက်သွယ်ပြောကြားခဲ့ရာတွင် ရိုင်းစိုင်းစွာပြောဆိုပြီး Account အား block သွားပါသဖြင့် Consumer Call Center 1535 သို့ တိုင်ကြားလာကြောင်း သိရသည်။

  ထို့ကြောင့် စားသုံးသူရေးရာဦးစီးဌာန ကတိုင်ကြားမှုအတွက် စားသုံးသူကာကွယ် ရေးဥပဒေအရ စားသုံးသူထိခိုက် နစ်နာမှုရှိ/မရှိ စိစစ်ခဲ့ပြီး တိုင်ကြားသူဝယ်ယူခဲ့သည့် Online Page တွင် ဖော်ပြထားသော ဖုန်းနံပါတ်ကို အကြိမ်ကြိမ်ဆက်သွယ်ခဲ့သော်လည်း ဆက်သွယ်၍မရသဖြင့် ၎င်း၏ Page Chat Box မှတဆင့် ဖြေရှင်းဆောင်ရွက်ပေးရန် ကနဦး ညှိနှိုင်းပေးခဲ့ရသည်ဟုဆိုသည်။

 ၎င်း Page မှ အထည်ဝယ်ယူခဲ့သူကိုယ်တိုင် ဆက်သွယ်ပေးပါရန် ပြောကြားလာသဖြင့် တိုင်ကြားသူအား ဆက်သွယ်စေခဲ့ပါသည်ဟုဆိုသည်။

 ထို့နောကိ တိုင်ကြားသူ၏ K-Pay Account ထဲသို့ ပါတိတ် ထမီ(၁၀) ကွင်း ဝယ်ယူခဲ့သည့် ကျသင့်ငွေကျပ် (၂၉,၄၀ဝ)အား ပြန်လည်လွှဲပြောင်းပေးပို့ပြီးဖြစ်ကြောင်း ပိုးထည်ချည်ထည်ရောင်းဝယ်ရေး Page Message မှ ဌာနသို့ ပေးပို့လာကြောင်း သိရသည်။

  ဌာနအနေဖြင့်  တိုင်ကြားသူအား လျော် ကြေးငွေ ရရှိခြင်း ရှိ/မရှိမေးမြန်းရာ လျော်ကြေးငွေ ပြန်လည်ရရှိပြီးဖြစ် ကြောင်း၊ မကွေးတိုင်းစားသုံးသူရေးရာဦးစီး ဌာန၏ ဖြေရှင်းဆောင်ရွက်ပေးမှုအပေါ်  စိတ်ကျေနပ်မှုရရှိသဖြင့် တိုင်းဒေသကြီးဦးစီးမှူးရုံး သို့လာရောက်၍ ကြေအေးလွှာတွင် လက်မှတ်ရေးထိုးပြီး အမှုအားပိတ်သိမ်းခဲ့သည်ဟု အသိပေးထုတ်ပြန်ချက်တွင်ရေးသားဖော်ပြထားသည်။
Yangon Times/LW
#Local_News
#Published_ 03 January 2024
#YMG #Yangon_Times #YMG_News #Yangon_Media_Group

3 January 2024

တောင်ကြီး၊စဝ်စံထွန်း‌ဆေးရုံကြီးတွင် (၅)ဆေးကုသဆောင်အသစ်နှင့်(၄)ထပ်သင်ကြားရေးစာသင်ဆောင်သစ်များဖွင့်လှစ်ခဲ့ကြောင်း ကျန်းမာရေးဝန်ကြီးဌာနမှသိရသည်။

(၇၆)နှစ်မြောက် လွတ်လပ်ရေးနေ့ကို ဂုဏ်ပြုကြိုဆိုသောအားဖြင့်ဖွင့်လှစ်ခဲ့ခြင်းဖြစ်သည်။

ယခုဖွင့်လှစ်သည့် စဝ်စံထွန်းပြည်သူ့ဆေးရုံကြီး (၅)ထပ် ကုသဆောင်သစ်ကို နိုင်ငံတော်၏ ခွင့်ပြုရန်ပုံငွေကျပ် ၂ဒသမ၅ ဘီလီယံကျော် (၂၅၉၂ဒသမ၅ ကျပ်သန်း) အကုန်ကျခံ၍ တည်ဆောက်ခဲ့ခြင်းဖြစ်ပြီး အရေးပေါ်ကုသမှုဌာနနှင့် စာသင်ခန်းမ၊ ဓာတ်မှန်ဌာန၊ အရိုးကုသဆောင်၊ အစာအိမ်အူလမ်းကြောင်း မှန်ပြောင်းကြည့်ရှုမည့် (Endoscopy) အခန်းနှင့် ခွဲစိတ်ကုသဆောင်၊ အထူးကြပ်မတ်ကုသဆောင်၊ စာသင်ခန်းများ၊ ခွဲစိတ်ခန်း (၅)ခန်းတို့ပါဝင်ကာ လူနာခုတင်အသစ်များ၊ ခွဲစိတ်ခန်း၊ အထူးကြပ်မတ်ကုသခန်း၊ အရေးပေါ်ဌာနတို့အတွက် လိုအပ်သည့် ဆေးရုံသုံးစက်ပစ္စည်း ကိရိယာများကို ဖြည့်ဆည်း တပ်ဆင်ပေးထားသည်။

ဆေးတက္ကသိုလ်-တောင်ကြီး (၄)ထပ် စာသင်ဆောင်သစ်ကို စုစုပေါင်းကုန်ကျငွေ ကျပ်သန်းပေါင်း (၁၄၀၃)သန်းကို အသုံးပြုကာ တည်ဆောက်ခဲ့ခြင်းပြီး ဆေးတက္ကသိုလ်-တောင်ကြီးတွင် (၂၀၂၄) ပညာသင်နှစ်အတွက် ဆေးပညာမဟာသိပ္ပံဘွဲ့လွန် သင်တန်းကို စတင်ဖွင့်လှစ်နိုင်ပြီ ဖြစ်ကြောင်း သိရသည်။ 

အဆိုပါဆေးကုသဆောင်နှင့်သင်ကြားရေးဆောင် ဖွင့်ပွဲအခမ်းအနားသို့ ကျန်းမာရေးဝန်ကြီးဌာန၊ ပြည်ထောင်စုဝန်ကြီး ပါမောက္ခ ဒေါက်တာ သက်ခိုင်ဝင်း၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးအောင်ဇော်အေး၊ ပြည်နယ်တရားသူကြီးချုပ်နှင့် ပြည်နယ်အစိုးရအဖွဲ့ အဖွဲ့ဝင်ဝန်ကြီးများ၊ အရှေ့ပိုင်းတိုင်းစစ်ဌာနချုပ် ဒုတိယတိုင်းမှူး၊ ဌာနဆိုင်ရာအသီးသီးမှ ဖိတ်ကြားထားသော ဧည့်သည်တော်များ၊ ကျန်းမာရေးဝန်ကြီးဌာနမှ ညွှန်ကြားရေးမှူးချုပ်များ၊ ဒုတိယညွှန်ကြားရေးမှူး ချုပ်များ၊ ပါမောက္ခချုပ်၊ ဆေးရုံအုပ်ကြီးများ၊ ပါမောက္ခ/ အထူးကုဆရာဝန်ကြီးများ၊ သင်ကြားရေးဆိုင်ရာ ဆရာ/ဆရာမများ၊ ကျန်းမာရေးဝန်ထမ်းများနှင့် ဆေးကျောင်းသား/ ကျောင်းသူများ တက်ရောက်ကြကြောင်းသိရသည်။
Yangon Times/tthl
#Local_News
#Published_ 03 January 2024
#YMG #Yangon_Times #YMG_News #Yangon_Media_Group

၃ ဇန်နဝါရီ ၂၀၂၃

အင်္ဂါနေ့က လေယာဉ်ပြေးလမ်းမှာ လေယာဉ်နှစ်စီးကြောက်မက်ဘွယ်ရာတိုက်မိခဲ့ပြီးနောက် ဂျပန်နိုင်ငံ တိုကျို ဟာနေဒါ လေဆိပ်မှာ ဗုဒ္ဓဟူးနေ့က လေယာဉ်ခရီးစဉ်အများအပြား ဖျက်သိမ်းခဲ့ရလို့ ထောင်ပေါင်းများစွာသော ခရီးသည်တွင် အခက်အခဲ တွေ့နေကြရပါတယ်။

Source CCTV+