ငွေနှင်းမှို မျိုးထုပ် ပြုလုပ်ရာမှာ အသုံးပြုရတဲ့ ကုန်ကြမ်းရှားပါး ဈေးမြင့်လာပေမယ့် စီးပွားဖြစ် စိုက်ပျိုးသူ ယခင်ထက်များလာ

ငွေနှင်းမှို မျိုးစေ့ထုပ် ပြုလုပ်ရာမှာအသုံးပြုရတဲ့ မြေသြဇာကုန်ကြမ်းဟာ လိုအပ်သလောက် မရရှိဘဲ ဈေးမြင့်လာပေမယ့် ငွေနှင်းမှိုကို စီးပွားဖြစ် စိုက်ပျိုးရောင်းချတဲ့ သူတွေကတော့ယခင်ထက် ပိုများလာတယ်လို့ ငွေနှင်းမှို မျိုးထုပ်ရောင်းချတဲ့ သူတွေထံက သိရပါတယ်။
Yangon_Times/LW
#Local_News
#Published_ 03 October 2023
#YMG #Yangon_Times #Yangon_Media_Group

YBS ယာဉ်လိုင်းနံပါတ်တစ်ခုကို ကုမ္ပဏီတစ်ခုသာ ပြေးဆွဲမည်

‘ YBS ယာဉ်လိုင်းတစ်ခုကို ကုမ္ပဏီတစ်ခုတည်း ပြေးဆွဲမှာဖြစ်တဲ့အတွက် ဘယ်ဘတ်စ်ကားနံပါတ်က စည်းကမ်းဖောက်ဖျက်လဲဆိုတာကို စိစစ်အရေးယူနိုင်တော့မှာဖြစ်တယ်။ ယာဉ်လိုင်း(၁၃)ခုမှ ကုမ္ပဏီမတူတဲ့ ယာဉ်အချိုသာမူလနံပါတ်တွေကနေ နံပါတ်အသစ်တွေပြောင်းလဲထားတာဖြစ်ပြီး ကျန်ယာဉ်လိုင်းတွေ(၁၀၀) ကျော်က မူလနံပါတ်တွေအတိုင်းပဲပြေးဆွဲသွားမှာဖြစ်တယ် ’ YRTCတွဲဖက်အတွင်းရေးမှူး ဦးလျန်ကျင့်မန်
Yangon_Times/tthl
#Local_News
#Published_ 03 October 2023
#YMG #Yangon_Times #Yangon_Media_Group

Published_ 03 October 2023

ပြည်တွင်းအလုပ်အကိုင်အခွင့်အလမ်း ၂၆၀၀ ကျော်ဖန်တီးပေးနိုင်မည့် ရင်းနှီးမြှုပ်နှံမှု လုပ်ငန်း ၆ ခုကို ခွင့်ပြုပေးလိုက်ကြောင်းမြန်မာနိုင်ငံရင်းနှီးမြှုပ်နှံမှု ကော်မရှင်(MIC)က သိရသည်။

မြန်မာနိုင်ငံအတွက် အဓိကလိုအပ်နေသည့် လျှပ်စစ်ကဏ္ဍ၊ စက် မှုကဏ္ဍ၊ ဟိုတယ်နှင့်ခရီးသွားကဏ္ဍတို့တွင်ရင်းနှီးမြှုပ်နှံမှုလုပ်ငန်းသစ် ၆ ခုကို ရင်းနှီးမြှုပ်နှံမှုကော်မရှင်၏(၃/၂၀၂၃) ကြိမ်မြောက်အစည်းအဝေးတွင်ခွင့်ပြုပေးခဲ့ကြောင်းသိရသည်။

အဆိုပါလုပ်ငန်းများ၏ ရင်းနှီးမြှုပ်နှံမှုပမာဏမှာ အမေရိကန်ဒေါ်လာ ၇၂ ဒသမ ၉၈ သန်းနှင့် ငွေကျပ် ၃၁၄,၇၃၉ ဒသမ ၁၄၁ သန်းဖြစ်ပြီး ပြည်တွင်းအလုပ်အကိုင် အခွင့်အလမ်းပေါင်း ၂၆၀၀ ကျော်ကို ဖန်တီးပေးနိုင်မယ်လို့လည်း ကော်မရှင်၏ ထုတ်ပြန်ချက်တွင် ဖော်ပြထားသည်။

ယခု ၂၀၂၃ ခုနှစ်၊ ဩဂုတ်လကုန်အထိ မြန်မာနိုင်ငံတွင် ရင်းနှီးမြှုပ်နှံထားသည့် နိုင်ငံ/ဒေသပေါင်း ၅၂ ခုအနက် ရင်းနှီးမြှုပ်နှံမှုအများဆုံးပြုလုပ်သော နိုင်ငံ/ဒေသများမှာ စင်ကာပူနိုင်ငံ၊ တရုတ်နိုင်ငံနှင့် ထိုင်းနိုင်ငံတို့ဖြစ်ပြီး စီးပွားရေးကဏ္ဍ ၁၂ ခုအနက် အများဆုံးရင်းနှီးမြှုပ်နှံထားသည့်ကဏ္ဍများမှာ လျှပ်စစ်ကဏ္ဍတွင် စုစုပေါင်းရင်းနှီးမြှုပ်နှံမှု၏ ၂၈ ဒသမ ၄၅ ရာခိုင်နှုန်းဖြင့်လည်းကောင်း၊ ရေနံနှင့်သဘာဝဓါတ်ငွေ့ကဏ္ဍတွင် စုစုပေါင်း ရင်းနှီးမြှုပ်နှံမှု၏ ၂၄ ဒသမ ၄၆ ရာခိုင်နှုန်းဖြင့်လည်းကောင်း၊ စက် မှုကဏ္ဍတွင် စုစုပေါင်းရင်းနှီးမြှုပ်နှံမှု၏ ၁၄ ဒသမ ၃၈ ရာခိုင်နှုန်းဖြင့်လည်းကောင်း ရင်းနှီးမြှုပ်နှံထားကြောင်း သိရသည်။
#Yangon-Times/PP
#Local_News
#YMG #Yangon_Times #Yangon_Media_Group

Published_ 3 October 2023

တရုတ်နိုင်ငံ၊ဟန်ကျိုးမှာကျင်းပနေသည့် အာရှအားကစားပြိုင်ပွဲတွင် မြန်မာပိုက်ကျော်ခြင်းအသင်းမှ ဂျပန်ပိုက်ကျော်ခြင်းအသင်းကို ရမှတ်(၂၁-၁၅)ဖြင့် အနိုင်ရပြီး ဗိုလ်လုပွဲသို့ ထိုက်ထိုက်တန်တန် တက်ရောက်သွားကြောင်း အားကစားရေးရာနှင့်လူငယ်ရေးရာဝန်ကြီးဌာနမှသိရသည်။

ဆီမီးဖိုင်နယ်ပွဲကို အကြိတ်အနယ်ယှဉ်ပြိုင်ခဲ့ပြီး ပထမပွဲစဉ်တွင် မြန်မာကအနိုင်ရရှိခဲ့သလို ဒုတိယပွဲစဉ်မှာ ဂျပန်က အနိုင်ရရှိခဲ့ပြီး အနိုင်အရှုံးအဆုံးအဖြတ်ပေးနိုင်မယ့် တတိယပွဲစဉ်တွင်မြန်မာမှ(၂၁)မှတ် ဂျပန်မှ(၁၅)မှတ်နဲ့ မြန်မာအမျိုးသားပိုက်ကျော်အသင်းမှ ဆီမီးဖိုင်နယ်ကိုအနိုင်ရပြီး ဖိုင်နယ်ကို တက်ရောက်သွားပြီဖြစ်ကြောင်း သိရသည်။

ဖိုင်နယ်ဗိုလ်လုပွဲတွင် ဆီမီးဖိုင်နယ်ပွဲစဉ်မှာ အကြိတ်အနယ်ယှဉ်ပြိုင်ခဲ့ကြသည့် ဖိလစ်ပိုင်နှင့်အင်ဒိုနီးရှားအသင်း တို့မှအနိုင်ရရှိသောအသင်းဖြင့်ဆက်လက်ယှဉ်ပြိုင်ရမည်ဖြစ်ကြောင်းနှင့် မြန်မာ ( လေးယောက်တွဲ ) အမျိုးသားပိုက်ကျော်ခြင်းအသင်းသည် အုပ်စုအတွင်း၌ လာအိုအသင်းနှင့် ဗီယက်နမ်အသင်းတို့ကို အနိုင်ရရှိခဲ့ပြီး အင်ဒိုနီးရှားတစ်သင်းကိုသာရှုူံးနိမ့်ခဲ့ကြောင်းသိရသည်။
Yangon_Time/tthl
#Local_News
#YMG #Yangon_Times #Yangon_Media_Group

Published 3 October 2023

မလေးရှားနိုင်ငံ၊ မလက္ကာပြည်နယ် တွင် လူဝင်ကြီးကြပ်ရေးဌာနမှ အထူးစစ်ဆင်ရေးအဖွဲ့၊ မလက္ကာရှေ့ဟောင်းမြို့ တာဝန်ရှိသူများနှင့် မလေးရှားတော်ဝင်ရဲတပ်ဖွဲ့ တို့က မြန်မာရွေ့ပြောင်းလုပ်သား ၁၀၀ကျော် အပါအဝင် အခြား နိုင်ငံ ခြားသား ရွှေ့ပြောင်း လုပ်သားများ ကို စစ်ဆေးမှု
ပြုလုပ်ခဲ့ပြီး အထောက်အထား မပြည့် ဆုံသည့့်မြန်မာရွှေ့ပြောင်းအလုပ်သမား ၁၆ဦးအဖမ်းခံခဲ့ရကြောင်း မလက္ကာလူဝင်မှုကြီးကြပ်ရေးရုံးက ထုတ်ပြန်ချက် အရ သိရသည်။

မလေးရှား အစိုးရ က ပြည်တွင်း ရှိ တရားမဝင် နေထိုင်သူများ ကို စီမံချက် ဖြင့် ဖမ်းဆီးမှုများပြုလုပ်လျက်ရှိကာ ပြီးခဲ့သည့် အောက်တိုဘာ ၁ရက် က မလက္ကာပြည်နယ် ရှိ အဝေးပြေးယာဉ်ရပ်နားစခန်းဝန်းကျင်ရှိ တရားဝင် ဖွင့်လှစ်ထားသော စီးပွားရေးလုပ်ငန်းနေရာများနှင့် ဈေးဆိုင်များကို ဝင်ရောက်စစ်ဆေးခဲ့ရာမှ မြန်မာအပါအဝင် နိုင်ငံခြားသား ၁၉၉ ဦးကို ဖမ်းဆီးစစ်ဆေး ခဲ့ ခြင်းဖြစ်ကြောင်း သိရသည်။

ဖမ်းဆီးစစ်ဆေးခံရသူများတွင် မြန်မာ ၁၀၂ဦး၊ ဘင်္ဂလားဒေ့ရှ် ၆၈ ဦး၊ အင်ဒိုနီးရှား ၉ ဦး၊ နီပေါ ၁၇ ဦးနဲ့ ပါကစ္စတန်နိုင်ငံသား ၃ ဦးတို့ပါဝင်ပြီး အဆိုပါ နေရာအနီးတဝိုက် တွင် အလုပ်လုပ်နေကြသူများ အပြင် လမ်းသွားလမ်းလာလုပ်နေကြသူတွေလည်း ပါဝင်ကြောင်း သိရသည်။

မလက္ကာလူဝင်မှုကြီးကြပ်ရေးဌာနမှာ စစ်ဆေးခံရသူများတွင် ၂၃ ဦးသည် အထောက်အထား မပြည့်စုံတဲ့အတွက် ဖမ်းဆီးထားပြီး ယင်း၂၃ဦးထဲမှာ မြန်မာအမျိုးသား ၁၆ဦးနဲ့ ဘင်္ဂလာဒေ့ရှ် ၇ဦး ပါဝင် ကြောင်း သိရသည်။

ယခု ကဲ့သို့ မလေးရှားအစိုးရ က တရားမဝင်နေထိုင်သည့် နိုင်ငံခြားသား အလုပ်သမားများကိုဖမ်းဆီးမှုများ ဆက်တိုက် လုပ်နေသော်လည်း မြန်မာ နိုင်ငံ အတွင်း အလုပ်အကိုင် အခွင့်လမ်း နည်းလာတာကြောင့် မလေးရှား သို့ ပွဲစားများကနေတဆင့် တရားမဝင် လာရောက်သည့် မြန်မာအလုပ်သမားများ လည်း ရှိနေကာ အလုပ်အကိုင် မရရှိဘဲ အခက်ခဲ ဖြစ်ပေါ်နေမှုများ လည်း ရှိနေကြောင်း မလေးရှားနိုင်ငံ ရှိ မြန်မာလူမှုကူညီရေး အသင်းများထံ က သိရသည်။
Yangon_Time/LW
#Local_News
#YMG #Yangon_Times #Yangon_Media_Group

published 3 October 2023

      ၂၀၂၃-၂၀၂၄ ဘဏ္ဍာနှစ်အတွင်းရေအားလျှပ်စစ် စီမံကိန်းများအတွက် ကျပ် ၁၆၀ ဘီလီယံကျော် အသုံးပြုသွားမည် ဖြစ်ကြောင်း ရသုံးမှန်းခြေငွေစာရင်းဌာနမှ ထုတ်ပြန်သည့်အသုံး ခန့်မှန်းခြေငွေစာရင်းဆိုင်ရာ အချက်အလက်များ အရသိရသည် ။

     ထိုသို့အသုံးပြုရာတွင်ရွှေလီ (၃)၊ အထက်ရဲရွာ၊ သူဋ္ဌေးနှင့်အထက်ကျိုင်းတောင်း ရေအားလျှပ်စစ်စီမံကိန်းများ အပါအဝင် ရေအားလျှပ်စစ်စီမံကိန်းများအတွက် ကျပ် (၁၆၂.၇၇၃) ဘီလီယံ အသုံးပြုသွားမည်ဖြစ်ကြောင်းသိရသည် ။

     ထို့အပြင် ရေအားလျှပ်စစ် စီမံကိန်းအသစ်များ စူးစမ်းလေ့လာခြင်း၊ တည်ဆောင်ပြီး ရေလှောင်တမံတွေ/ ရေအားလျှပ်စစ် စက်ရုံများနှင့် ဆက်စပ် ရေအားအဆောက်အအုံများ ပြင်ဆင်ခြင်း၊ ဆောင်ရွက်ဆဲ ရေအားလျှပ်စစ်စီမံကိန်းများအတွက် လိုအပ်သည့်  ပံ့ပိုးပစ္စည်းများ ဝယ်ယူဖြည့်တင်းခြင်းအတွက် (၇.၁၆) ဘီလီယံ သုံးစွဲရန် လျာထား‌ကြောင်း သိရသည် ။
   
      လျှပ်စစ်စွမ်းအားဝန်ကြီးဌာနအနေနှင့် ကျပ် (၃၃၈၁.၃၂၇) ဘီလီယံအထိ သုံးစွဲထားပြီး ဝန်ကြီးဌာန/အဖွဲ့အစည်းများရှိ  ဘဏ္ဍာငွေ အများဆုံးအသုံးပြုခွင့် ရရှိထားပြီး ဓာတ်အားလိုင်း/ ဓာတ်အားခွဲရုံနှင့် ဓာတ်အားပေးစက်ရုံတည်ဆောက်ခြင်း၊ ဓာတ်အားပေးစက်ရုံတွေ အဆင့်မြှင်တင်/ ပြုပြင်/ စက်နဲ့ စက်ရုံတွေ ပြင်ဆင်ခြင်း၊ ဓာတ်အားဖြန့်ဖြူးခြင်း၊ ရန်ကုန် - YESC နှင့် မန္တလေး - MESC တို့ရဲ့ အသုံးစရိတ်တွေအပါ ကျပ် (၅၁၀) ဘီလီယံကျော် သုံးစွဲထား ကြောင်းသိရသည်  ။
Yangon_Time/NN
#Local_News
#YMG #Yangon_Times #Yangon_Media_Group

Published_ 03 October 2023

ဂျပန်နိုင်ငံမှ ပညာရှင်ကြယ်ပွင့်များ မွေးထုတ်ရာ ထိပ်တန်းအေဂျင်စီဖြစ်တဲ့ Johnny & Associates က လုပ်ငန်းအဖွဲ့  ၂ ခုကွဲသွားမှာဖြစ်ကာ အဖွဲ့တစ်ဖွဲ့က ယခင်တည်ထောင်သူမှ လိင်ပိုင်းဆိုင်ရာ အလွဲသုံးစားပြုခြင်း ခံခဲ့ရတဲ့သူများကို နစ်နာကြေးပေးရန် ရည်မှန်းထားပြီး ယခုအချိန်အထိ လူပေါင်း ၃၂၅ ဦးက ထိခိုက်နစ်နာခဲ့ကြောင်း ဖော်ထုတ်လာကြတယ်လို့ အဆိုပါအေဂျင်စီက တနင်္လာနေ့မှာ ပြောကြားခဲ့ပါတယ်။

အေဂျင်စီတည်ထောင်သူ ဂျွန်နီကီတာဂါဝါထံမှ ခွဲထွက်ကာ အမည်ပြောင်းလဲသွားမှာ ဖြစ်ပါတယ်။

၂၀၁၉ ခုနှစ်မှာ ကွယ်လွန်ခဲ့တဲ့ ကီတာဂါဝါဟာ ၁၉၇၀ ခုနှစ်တွေကတည်းက အောင်မြင်ကျော်ကြားချင်တဲ့ လူငယ်လူရွယ် ယောက်ျားလေးရာဂဏန်းခန့်ကို အလွဲသုံးစားပြုခဲ့တယ်လို့ အမျိုးသား ဖျော်ဖြေရေး အနုပညာရှင်များသာ မွေးထုတ်ပေးတဲ့ ထိုအေဂျင်စီက ပြီးခဲ့တဲ့လက ဝန်ခံခဲ့ပါတယ်။

ကီတာဂါဝါရဲ့ တူမဖြစ်သူ ဂျူလီကေဖူဂျီရှီမာက ပြီးခဲ့တဲ့လက အေဂျင်စီဥက္ကဌအဖြစ်မှ နုတ်ထွက်ခဲ့ပြီး ထိုကိစ္စများအတွက် တောင်းပန်လိုက်ကာ ပြုပြင်ပြောင်းလဲရေး ပြုလုပ်ရန်နဲ့ လျော်ကြေးများ ပေးဆောင်ရန် ကတိပြုလိုက်ပါတယ်။

ဥက္ကဌအသစ် နိုရီယူကီ ဟီဂါရှီယာမာက အေဂျင်စီကို Smile-Up လို့ အမည်ပြောင်းလဲမှာဖြစ်ပြီး ကီတာဂါဝါကြောင့် နစ်နာခဲ့သူများကို လျော်ကြေးပေးရန် အဓိကထားဆောင်ရွက်သွားမှာ ဖြစ်ပါတယ်။

ပညာရှင်ကြယ်ပွင့်များ စီမံခန့်ခွဲရေးလုပ်ငန်းများ လွှဲပြောင်းလုပ်ဆောင်ရန် သီးခြားကုမ္ပဏီတစ်ခုဖြင့် လည်ပတ်သွားမှာ ဖြစ်ပြီး ဆက်လက်လက်တွဲ လုပ်ဆောင်ချင်သူ တစ်ဦးချင်းနဲ့ အဖွဲ့များကို စာချုပ်သက်တမ်းတိုးသွားမှာ ဖြစ်တယ်လို့ ဟီဂါရှီယာမာက ရှင်းလင်းပွဲတစ်ခုမှာ ပြောပြသွားပါတယ်။

အမည်ကိုတော့ ယင်းတို့ထံမှ ဖျော်ဖြေရေးကြယ်ပွင့်များရဲ့ ပရိသတ်များကို ရွေးချယ်စေမှာ ဖြစ်ပါတယ်။

ကီတာဂါဝါရဲ့ မတရားပြုကျင့်မှုကို ၁၉၉၉ ခုနှစ်တုန်းက ပြည်တွင်းထုတ်သတင်းစာ Shukan Bunshun မှ ပထမဆုံးဖော်ထုတ်တင်ပြခဲ့ဖူးပါတယ်။

မတ်လမှာ BBC မှ ဖော်ပြပြီးနောက်မှာတော့ ထိခိုက်နစ်နာခဲ့ရသူများဟာ ထုတ်ဖော်ပြောဆိုလာကြပြီး ယခုနှစ်အတွင်း ပိုပြီးလူသိများလာပါတယ်။

ဒီကိစ္စအကြောင်း ကုမ္ပဏီကသိရှိတယ်လို့ ပြီးခဲ့တဲ့လက ကြေညာပြီးနောက် အဓိကကုမ္ပဏီကြီး ဒါဇင်ခန့်ဟာ ယင်းတို့ရဲ့ အနုပညာရှင်တွေနဲ့ စာချုပ်သက်တမ်း အဆုံးသတ်တော့မယ်လို့ ဆိုခဲ့ကြပါတယ်။

ဖူဂျီရှီမာက ကီတာဂါဝါရဲ့ ဆွေမျိုးသားချင်း ဖြစ်တဲ့အတွက် Johnny & Associatess ကို အဆုံးသတ်ဖို့က သူ့ရဲ့တာဝန်ဖြစ်ကြောင်း ထုတ်ပြန်ကြေညာခဲ့ပါတယ်။

ဂျွန်နီကီတာဂါဝါရဲ့ လက်စလက်နအားလုံးကို ဒီလောကကနေ ဖယ်ရှားချင်နေပြီလို့ ဖော်ပြသွားပါတယ်။
Source: NDTV.
#World_News
#YMG #Yangon_Times #Yangon_Media_Group

Published_ 3 October 2023

ခရီးအေးတင်း Creatine ဆိုတာ အလေးမရာမှာ ဒါမှမဟုတ် လေ့ကျင့်ခန်းပြင်းပြင်းထန်ထန်လုပ်ရာမှာ ကြွက်သားတွေကနေ အားအင်တွေ ထုတ်လုပ်ပေးဖို့ကူညီတဲ့ ဓာတ်ပေါင်းပစ္စည်းတစ်မျိုးဖြစ်ပါတယ်။

အဲဒါဟာ ကိုယ်ကာယလေ့ကျင့်ရေးနေရာ gymတွေမှာ လူကြိုက်အများဆုံးပါ။

ယခုအခါ အဲဒီဓာတ်ပေါင်းပစ္စည်းခရီးအေးတင်းဟာ နာတာရှည်ကိုဗစ်ရောဂါလက္ခဏာတွေကို သက်သာစေတယ်လို့ သုတေသနပညာရှင် အုပ်စုတစ်ခုက တွေ့ရှိထားပါတယ်။

အဆိုပါတွေ့ရှိချက်ကို အစားအစာသိပ္ပံနှင့်အဟာရဂျာနယ်မှာဖော်ပြထားပါတယ်။

သူတို့ဟာ လတ်တလော ကိုဗစ်နာတာရှည်ဖြစ်နေကြတဲ့ လူ ၁၁ဦးကို ပျံကျစမ်းသပ်ခဲ့ကြပြီး ကုသမှုဘယ်လောက်ထိရောက်သလဲဆိုတာကို လေ့လာခဲ့ကြပါတယ်။

အထူးသဖြင့် မောပန်းနွမ်းနယ်ခြင်းကိုဘယ်လောက်သက်သာစေသလဲဆိုတာဖြစ်ပါတယ်။

သူတို့ဟာ ခြောက်လကြာခန့် သုတေသနပြုခဲ့ကြပါတယ်။

ဒါဟာ ခရီးအေးတင်းအတွက် ယင်းရဲ့အာနိသင်ထိရောက်ဖို့လုံလောက်တဲ့ အချိန်ဖြစ်ပါတယ်။

အဲဒီအခါ အနံ့ပျောက်တာမျိုး နာတာရှည်ကိုဗစ်ရောဂါလက္ခဏာတွေမှာ သိသိသာသာ ထိရောက်တိုးတက်မှုရှိတာတွေ့ကြရပါတယ်။

သုတေသနပညာရှင်တွေဟာ မောပန်းမှုအဆင့်မှာ သိပ်ထူးခြားတာမတွေ့ရပေမယ့် အခြားရောဂါလက္ခဏာတွေမှာတော့ ခရိုအေးတင်းက သိသိသာသာ အစွမ်းပြတာတွေ့ကြရပါတယ်။

အနံ့အရသာပျောက်တာတွေ၊အသက်ရှုရကြပ်တာတွေ၊ အဆုတ်ထဲနာတာတွေ၊ခန္ဓာကိုက်ခဲ့တာတွေနှင့် အာရုံစိုက်မရတာတွေမှာ သိသိသာသာတိုးတက်မှုရှိလာပါတယ်။

ခရီးအေးတင်းဟာ အမိုင်နိုအက်ဆစ် အားဖြည့်ဆေးဖြစ်ပြီး သောက်သုံးရတာအန္တရာယ်ကင်းပြီး ဘေးထွက်ဆိုးကျိုးလည်းမရှိတဲ့အတွက် နေ့စဉ်သုံးစွဲလို့ရတယ်ဆိုပြီး သိထားကြတာဖြစ်ပါတယ်။
Source IndiaToday
#World Health
#YMG #Yangon_Times #Yangon_Media_Group

Published_ 3 October 2023

မလေးရှားနိုင်ငံ ကို သွားရောက် အလုပ်လုပ်ကိုင်ရန် အတွက် ကော့သောင်းဘက်မှ ထိုင်းနိုင်ငံ ရနောင်းခရိုင် သို့ လှေဖြင့် ခိုးကာ ဝင်ရောက်လာသည့် မြန်မာနိုင်ငံသား ၁၉ ဦး ဖမ်းဆီးခံရ ကြောင်းထိုင်းသတင်းဌာန များ ၏ဖေါ်ပြ ချက် အရ သိရသည်။

စက်တင်ဘာ ၂ရက် နံနက် ၁နာရီ ဝန်းကျင်က အမှတ် (၂၅) ခြေမြန်တပ်ရင်းမှ တပ်ဖွဲ့ဝင်များက ထိုင်းနိုင်ငံမှတဆင့် မလေးရှားနိုင်ငံသို့ သွားရောက်အလုပ်လုပ်ကိုင်ရန် တရားမဝင်ဝင်ရောက်လာသူများရှိနေကြောင်း သတင်းရရှိသဖြင့် လှည့်လည်စစ်ဆေးရာ မှ ဖမ်းဆီးခံခဲ့ရခြင်း ဖြစ်သည်။

ယင်းအလုပ်သမားများ တင်ဆောင်လာသည့် ကားသည် အမှတ် ၆၊ ကျောလောပေါကျေးရွာအနီးရှိလမ်းမပေါ်တွင် စစ်ဆေးရန် ရပ်တန့်ခိုင်းစဉ် ယင်း ကား ၂ စီးမှာ မောင်းနှင်ထွက်ပြေးသွား သဖြင့် လိုက်လံ ဖမ်းဆီးခဲ့ရ ကြောင်း သိရသည်။

ဖမ်းဆီးခံရသည့် မြန်မာနိုင်ငံသား ၁၉ ဦးမှာ ထိုင်းနိုင်ငံမှတဆင့် မလေးရှားနိုင်ငံသို့ သွားရောက် အလုပ်လုပ်ကိုင်ရန်အတွက် မန္တလေးမြို့မှ လေယာဉ်ဖြင့် ကော့သောင်းမြို့သို့ ရောက်ရှိလာခဲ့ပြီး ကော့သောင်းခရိုင်၊ ခမောက်ကြီးမြို့နယ်ဘက်မှ လှေဖြင့် ရ‌‌နောင်းဘက်သို့ ဝင်ရောက်လာခဲ့ကာ ပွဲစားခအဖြစ် တစ်ဦးလျင် ထိုင်းဘတ်ငွေ (၄၄၀၀၀) စီ ပေးချေခဲ့ရကြောင်း စစ်ဆေးချက်များ အရ သိရသည်။
Yangon_Time/LW
#Local_News
#YMG #Yangon_Times #Yangon_Media_Group

#World_Health
Published 3 October 2023

ရုတ်တရက် နှလုံးကြွက်သား သွေးမရောက်ခြင်း သို့မဟုတ် နှလုံးဖောက်ခြင်းဝေဒနာ ဆိုတာဟာ နှလုံးကြွက်သားများသို့ သွေးစီးဆင်းမှု ရုတ်တရက် ပြတ်တောက်သွားပြီး နှလုံးကြွက်သား ထိခိုက်အန္တရာယ် ဖြစ်စေတာ ဖြစ်ပါတယ်။

ဒီအခြေအနေဟာ သက်ကြီးရွယ်အိုတွေမှာသာ ဖြစ်တတ်တယ်လို့ ယခင်က ထင်မှတ်ခဲ့ကြပေမယ့် ယခုအခါမှာတော့ နှလုံးဖောက်ဝေဒနာလူနာ ၅ ဦးရှိရင် တစ်ဦးက အသက် ၄၀ အောက်အရွယ် ဖြစ်နေပါပြီ။

အသက် ၂၀ ၊ ၃၀ အရွယ်တွေမှာပင် ထိုအန္တရာယ် ရှိနိုင်လောက်တဲ့ အကြောင်းအရင်းတွေလည်း ရှိလာပါတယ်။

နှလုံးသွေးကြောယိုယွင်းရောဂါနဲ့ အတူ အခြားဝေဒနာများနဲ့ ပေါင်းဆုံပြီး နှလုံးကြွက်သား သွေးမရောက်ခြင်းရောဂါ ဖြစ်လာနိုင်ကာ ရုတ်တရက် သေဆုံးခြင်းအထိပင် ဖြစ်ပွားနိုင်ပါတယ်။

အသက် ၃၅ နှစ်အောက်အရွယ်တွေ နှလုံးကြွက်သား သွေးမရောက်တဲ့ အခြေအနေ ဖြစ်ပွားရတဲ့ အကြောင်းအရင်းများက..

(၁) ကျန်းမာရေးနဲ့ မသင့်လျော်တဲ့ နေထိုင်စားသောက်မှုပုံစံ

(၂) ဆေးလိပ် အရက်သေစာ အလွန်အကျွံ သုံးစွဲခြင်း

(၃) အဝလွန်ခြင်း

(၄) စိတ်ဖိစီးမှုဖြစ်ပေါ်ခြင်း

(၅) သွေးတိုးရောဂါ

(၆) ဆီးချိုရောဂါတို့ကြောင့် အဖြစ်များပါတယ်။

သက်ငယ် သက်လတ်ပိုင်းတွေ နှလုံးသွေးကြောယိုယွင်းရောဂါ တဖြည်းဖြည်း အဖြစ်များလာတာဟာ ဆေးလိပ်၊ အဝလွန်ခြင်း၊ ကိုယ်လက်လှုပ်ရှားမှု မရှိခြင်း၊ နှလုံးသွေးကြော လည်ပတ်မှုစနစ်အပေါ် ဖိအားများစေမယ့် အခြားသော အကြောင်းအရာများကြောင့် ဖြစ်ပါတယ်။

အောက်ဆီဂျင်ပါဝင်တဲ့ သွေးတွေကို သယ်ဆောင်လာတဲ့ သွေးလွှတ်ကြောတွေ ပိတ်ဆို့ခံရတဲ့အခါ နှလုံးဖောက်ခြင်း အန္တရာယ်ဖြစ်တတ်ပါတယ်။

နှလုံးအန္တရာယ် ရှိမရှိ သိရှိစေရန် လုံလောက်တဲ့ ဆေးစစ်ချက်များ ပြုလုပ်ရန်လည်း လိုအပ်ပါတယ်။

ဒီရောဂါကိုကုသရေးက အရေးတကြီး လုပ်ဆောင်ရန်လိုအပ်သလို ဆေးဝါးများအနေနဲ့ သွေးကျဲဆေးများ၊ သွေးခဲခြင်းကို ဆန့်ကျင်သောဆေးများ၊ အကိုက်အခဲ ပျောက်ဆေးများ၊ သွေးခဲများကို ပျော်ဝင်စေနိုင်သော ဆေးများ၊ သွေးထိန်းဆေးများဖြင့် ကုသလေ့ရှိပါတယ်။

ငယ်ရွယ်စဥ်မှာ နှလုံးကြွက်သား သွေးမရောက်ခြင်းဝေဒနာ ဖြစ်နိုင်ချေလျှော့ချပြီး သက်ရှည်ကျန်းမာစွာ နေထိုင်နိုင်ရန် အစောကတည်းက ကြိုတင်ကာကွယ်နိုင်ပါတယ်။

(၁) အမျှင်ဓာတ်ပါဝင်တဲ့ အစားအစာများ မျှတစွာ စားသုံးခြင်း

(၂) အငန်လျှော့စားခြင်း

(၃) ထုပ်ပိုးထုတ်လုပ်ထားသော စားစရာများ ရှောင်ကြဥ်ခြင်း

(၄) သွေးတွင်းသကြားဓာတ်၊ သွေးပေါင်ချိန်၊ ကိုလက်စ်ထရောလ်တို့ကို စောင့်ကြည့်စစ်ဆေးခြင်း

(၅) ဆေးလိပ်ဖြတ်ခြင်း၊ အခြားတစ်ယောက်ထံမှ ဆေးလိပ်ငွေ့ မရှူမိအောင် သတိထားခြင်း

(၆) တက်ကြွစွာ လှုပ်ရှားနေထိုင်ခြင်း တို့ ပြုလုပ်သင့်ပါတယ်။

ဒီရောဂါက လူငယ်တွေမှာ အဖြစ်များလာတာကြောင့် ပေါ့ဆလို့မရပေမယ့် အနည်းငယ်မျှ ထိန်းသိမ်းကာကွယ် နေထိုင်ခြင်းဖြင့် ရောဂါဖြစ်နိုင်ချေ လျှော့ချနိုင်ပါတယ်။

#World_Health #လူငယ်လူရွယ်များ #ရုတ်တရက်နှလုံးဖောက်ဝေဒနာ
Source: NDTV

တရုတ်နိုင်ငံဟာ ပင်လယ်ဖြတ်သန်းပြေးဆွဲတဲ့ အမြန်ဆုံးရထားလမ်းကို ကြာသပတေးနေ့က ဖွင့်လှစ်ခဲ့ပြီး တစ်နာရီကို ၃၅၀ ကီလိုမီတာ အမြန်ဆုံးမောင်းနှင်နိုင်ကာ ထိုင်ဝမ်ရေလက်ကြား အနောက်ဘက်ကမ်းရိုးတန်းတလျှောက် ဖူကျိုးနဲ့ ရှာမင်အပါအဝင် မြို့ကြီးများကို ချိတ်ဆက်ထားပါတယ်။
Published_ 2 October 2023
#Asia_Transport
#တရုတ်နိုင်ငံဖူကျိုး-ရှာမင် #ထိုင်ဝမ်ရေလက်ကြား

#Daily_News
Published_ 2 October 2023

၁။ မင်္ဂလာခန်းမများတွင် ကြိုတင်ဘိုကင်ယူသူများလာ၊ ယခုနှစ်တွင်ဝါထပ်၍ အောက်တိုဘာလကုန်ပိုင်းမှ မင်္ဂလာအခမ်းအနားများကျင်းပနိုင်မည်

၂။ ဒညင်းကုန်းလက်ကားဈေးကြီးတွင် အခြေခံစားသောက်ကုန်များကို လက်ကားရောင်းချနိုင်မည့် ဈေးရုံအသစ် ယခုနှစ်ကုန်တွင် ထပ်မံဖွင့်လှစ်မည်

၃။ မိုးစပါးပေါ်ချိန်ဖြစ်၍ ပြည်တွင်းစား ဆန်ဈေးနှုန်းဆက်တိုက်ကျဆင်းလာနေဟုဆို

၄။ ပင်လယ်ဖြတ်သန်းမောင်းနှင်မည့် တရုတ်နိုင်ငံဖူကျိုး-ရှာမင်အမြန်ဆုံး မီးရထားလမ်းစတင်ဖွင့်လှစ် .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG