Published 4 Jan 2023
တစ်နိုင်ငံလုံး အကြားအလပ် မရှိ အထွေထွေရွေးကောက်ပွဲကျင်းပပေးနိုင်ဖို့၊ မဲပေးကြမည့် နိုင်ငံသား အားလုံး မတရားမှုများမှကင်းဝေးစေဖို့ ကြိုးစားဆောင်ရွက်လျက်ရှိနေတယ်လို့ နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်က ပြောကြားပါတယ်။
ဇန်နဝါရီ (၄)ရက်နေ့က နေပြည်တော်မှာ ကျင်းပတဲ့၂၀၂၃ ခုနှစ်၊(၇၅)နှစ်မြောက်စိန်ရတုလွတ်လပ်ရေးနေ့ ဂုဏ်ပြုအခမ်းအနားတွင်ဗိုလ်ချူပ်မှူးကြီးမင်းအောင်လှိုင်က ပြောကြားခဲ့တာဖြစ်ပါတယ်။
“ရွေးကောက်ပွဲများ ကျင်းပရာမှာလည်း နိုင်ငံသားတစ်ဦးချင်းရဲ့ ဆန္ဒသဘောတရားကို လွတ်လပ်စွာဖော်ထုတ်နိုင်ဖို့ ခြိမ်းခြောက်မှု၊ အကျပ်ကိုင်မှု၊ မတရား တိုက်တွန်းမှု၊ လူအုပ်စုဖြင့်အနိုင်ကျင့်လွှမ်းမိုးမှု စတဲ့ မတရားမှုများ ကင်းဝေးရပါမယ်။ ကျွန်တော်တို့အစိုးရအနေနဲ့ တစ်နိုင်ငံလုံး အကြားအလပ် မရှိ အထွေထွေရွေးကောက်ပွဲကျင်းပပေးနိုင်ဖို့၊ မဲပေးကြမည့် နိုင်ငံသား အားလုံး မတရားမှုများမှကင်းဝေးစေဖို့ ကြိုးစားဆောင်ရွက်လျက်ရှိပါတယ်” လို့ နစက ဥက္ကဋ္ဌကပြောခဲ့ပါတယ်။
အဲသလိုဆောင်ရွက်ရာမှာ မိတ်ဆွေနိုင်ငံတွေနှင့် အဖွဲ့အစည်းတွေက နစကနှင့်အတူ အမျိုးသားရေးနှင့်နိုင်ငံရေးလုပ်ငန်းစဉ်တွေမှာ အသိတရား သတိထားပြီး ပူးပေါင်းပါဝင်အားပေးဖို့နှင့် မြန်မာ့ဒီမိုကရေစီအရေးကို ဝိုင်းဝန်းကာကွယ်ပေးကြဖို့လည်း သူက မေတ္တာရပ်ခံခဲ့ပါတယ်။
၂၀၀၈ ဖွဲ့စည်းပုံအခြေခံဥပဒေနှင့်အညီ နစကဟာ လုပ်ငန်းတာဝန်တွေထမ်းဆောင်နေတာဖြစ်တယ်လို့ ဗိုလ်ချူပ်မှူးကြီးက ထပ်မံပြောဆိုလိုက်ပြီး အချို့အဖွဲ့အစည်းတွေနှင့် နိုင်ငံတွေရဲ့ စွက်ဖက်မှု နှောက်ယှက်လုပ်ဆောင်မှုတွေရှိခဲ့တယ်လို့လည်း ဆိုပါတယ်။
“ ပြည်တွင်းလက်နက်ကိုင် ပဋိပက္ခများချုပ်ငြိမ်းရေးကို (၇၅)နှစ်မြောက် စိန်ရတုလွတ်လပ်ရေးနေ့က စပြီး အားသွန်ခွန်စိုက် ကြိုးပမ်းဆောင်ရွက်ခြင်းဖြင့် နောင်မျိုးဆက်သစ် များကို ငြိမ်းချမ်းရေးအမွေပေးခဲ့ကြပါစို့လို့ တိုက်တွန်းပြောကြားလိုပါတယ်” လို့လည်း နစက ဥက္ကဋ္ဌက လက်ရှိငြိမ်းချမ်းရေးဆွေးနွေးပွဲတွေ ဆောင်ရ္ကက်နေမှုနှင့်ပတ်သက်ပြီး လက်နက်ကိုင် အဖွဲ့အစည်းတွေအားလုံးကို ကမ်းလှမ်းပြောဆိုခဲ့ပါတယ်။
လွတ်လပ်ရေးကြိုးပမ်းမှုကာလတွေနှင့် မြန်မာ့နိုင်ငံရေးသမိုင်းမှာ ထင်ရှားခဲ့တဲ့ ပုဂ္ဂိုလ်အချို့ရဲ့အမည်နာမတွေကို ထုတ်ဖော်ပြီး ဗိုလ်ချူပ်မှူးကြီးမင်းအောင်လှိုင်က စိန်ရတုလွတ်လပ်ရေးနေ့ဂုဏ်ပြုမိန့်ခွန်းထဲမှာ ကျေးဇူးတင်စကား ထည့်သွင်းပြောဆိုခဲ့ပါတယ်။အဲဒီအထဲမှာ ဗိုလ်ချူပ်အောင်ဆန်း၊ဦးနေဝင်း၊ ဦးနု၊ ဦးသန့်၊ဗိုလ်ချူပ်မှူးကြီးသန်းရွှေစတဲ့ အမည်နာမတွေပါဝင်ခဲ့ပါတယ်။
“လွတ်လပ်ရေးကြိုးပမ်းမှုကာလ၊ လွတ်လပ်ရေးရပြီးကာလတွေမှာ ပြာပုံဘဝဖြစ်ခဲ့တဲ့ ကျွန်တော်တို့နိုင်ငံကို ယခုအခြေအနေထိ ရောက်ရှိ စေရေးအတွက် ဘဏ္ဍာရေး၊ နည်းပညာ၊ အခွင့်အလမ်း စသည်ဖြင့် ဘက်ပေါင်းစုံမှ ထောက်ပံ့ကူညီပေးခဲ့တဲ့ နိုင်ငံများ၊ အဖွဲ့အစည်းများ အားလုံးကိုလည်း ကျေးဇူးတင်ပါကြောင်း ပြောလိုပါတယ်။ ကျွန်တော်တို့ အစိုးရအနေနဲ့ မြန်မာနိုင်ငံရဲ့အကျိုးကိုလိုလားတဲ့ မည်သည့်နိုင်ငံ၊ အဖွဲ့အစည်း၊ လူပုဂ္ဂိုလ်များနဲ့မဆို ပူးပေါင်းဆောင်ရွက်ဖို့ အသင့်ရှိပါတယ်” လို့ ဗိုလ်ချူပ်မှူးကြီးက ပြောဆိုခဲ့ပါတယ်။
မြန်မာနိုင်ငံဟာ ၁၉၄၈ခုနှစ် ဇန်နဝါရီ(၄)ရက်နေ့မှာ ဗြိတိသျှနယ်ချဲ့ထံမှ လွတ်လပ်ရေးရရှိခဲ့ပြီး ယခု ၂၀၂၃ဟာ ၇၅နှစ်ပြည့် စိန်ရတုလွတ်လပ်ရေးနေ့ဖြစ်လို့ နစက,က လွတ်လပ်ရေးနေ့အခမ်းအနားကို နေပြည်တော်မှာ တပ်မတော် ကြည်း၊ရေ၊လေတပ်ဖွဲ့များ၊တိုင်းဒေသကြီးနှင့်ပြည်နယ်များနှင့် ဝန်ကြီးဌာနများရဲ့ တင်ဆက်ပြသမှုများနှင့်အတူ ကြီးကျယ်ခမ်းနားစွာကျင်းပခဲ့တာဖြစ်ပါတယ်။
-ymg/knl
#Myanmar_Independence_Day
#Myanmar_Politics
- Category: Myanmar
- Hits: 441
#LocalNews
Published_4 January 2023
ဝန်ကြီးဟောင်းသူရဦးအောင်ကို ၊ စာရေးဆရာမ ဒေါ်သန်းမြင့်အောင်နှင့် စာရေးဆရာ ဦးထင်လင်းဦးတို့ အကျဉ်းထောင်မှ ပြန်လည်လွတ်မြောက်ကြကြောင်း သိရသည်။
လက်ရှိတွင် ဝန်ကြီးဟောင်းသူရဦးအောင်ကိုမှာ နေအိမ်သို့ ပြန်လည်ရောက်ရှိနေပြီဖြစ်ကြောင်း ယင်း၏ မိသားစုနှင့် နီးစပ်သူက အတည်ပြုသော်လည်း စာရေးဆရာမ ဒေါ်သန်းမြင့်အောင်နှင့် စာရေးဆရာ ဦးထင်လင်းဦးတို့ နှစ်ဦးမှာ နေအိမ်သို့ ပြန်ရောက်ပြီဆိုသည့် အကြောင်းကိုမူ အတည်မပြုနိုင်သေးပေ။
"သူရဦးအောင်ကိုကတော့ မနေ့က ညကတည်းက သူ့အိမ်ကိုရောက်တာ၊ကားနဲ့ လာပို့တာတဲ့ "ဟု ယင်း၏ မိသားစုနှင့်နီးစပ်သူက ပြောသည်။
နစက အနေဖြင့် အကျဉ်းထောင်၊အချုပ်ထောင်စခန်းအသီးသီးတွင် ပြစ်ဒဏ်ကျခံနေရသည့် အကျဉ်းသား၊အကျဉ်းသူ (၇၀၁၂)ဦးတို့ကို ယနေ့ ဇန်နဝါရီလ ၄ ရက် လွတ်လပ်ရေးနေ့တွင် ပြစ်ဒဏ်လွတ်ငြိမ်းခွင့်ပြုလိုက်ကြောင်း ထုတ်ပြန်ထားသည်။
ယင်းအပြင် ၂၀၂၃ ခုနှစ်၊ ဇန်နဝါရီလ ၄ ရက်မတိုင်မီ လူသတ်မှု၊ မုဒိမ်းမှု၊ ပေါက်ကွဲစေတတ်သော ဝတ္ထုပစ္စည်းများအက်ဥပဒေအရ ပြစ်မှုများ၊ မတရားအသင်းများအက်ဥပဒေအရ ပြစ်မှုများ၊ ၁၈၇၈ ခုနှစ် လက်နက်များအက်ဥပဒေပုဒ်မ ၁၉(စ)အရ ပြစ်မှုများ၊ ၁၉၄၉ ခုနှစ် လက်နက် (အရေးပေါ်ပြစ်ဒဏ် စီရင်မှု) (ယာယီ) အက်ဥပဒေအရ ပြစ်မှုများ၊ ၁၉၅၁ ခုနှစ် လက်နက် (ယာယီပြင်ဆင်ချက်) အက်ဥပဒေအရ ပြစ်မှုများ၊ ၁၉၂၄ ခုနှစ် ရှမ်းပြည်နယ်လက်နက်အမိန့်အရ ပြစ်မှုများ၊ မူးယစ် ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ ပြစ်မှုများ၊ သဘာဝဘေးအန္တရာယ် ဆိုင်ရာစီမံခန့်ခွဲမှုဥပဒေအရ ပြစ်မှုများ၊ အကြမ်းဖက်မှုတိုက်ဖျက်ရေးဥပဒေအရ ပြစ်မှုများနှင့် အဂတိ လိုက်စားမှုတိုက်ဖျက်ရေးဥပဒေအရ ပြစ်မှုများမှအပ တည်ဆဲဥပဒေတစ်ရပ်ရပ်အရ ပြစ်မှုတစ်ခုခုနှင့် စပ်လျဉ်း၍ ပြစ်ဒဏ်ချမှတ်ခြင်းခံရပြီး အကျဉ်းထောင်၊ အချုပ်ထောင်၊စခန်းအသီးသီးတွင် ပြစ်ဒဏ်ကျခံနေရသည့် အကျဉ်းသား၊ သူများကို ရာဇဝတ်ကျင့်ထုံးဥပဒေပုဒ်မ ၄၀၁၊ ပုဒ်မခွဲ(၁)အရ ယင်းတို့ ကျခံနေရသော ပြစ်ဒဏ်၏ခြောက်ပုံတစ်ပုံကို လွတ်ငြိမ်းသက်သာခွင့်ပြုလိုက်ကြောင်း လည်း ထုတ်ပြန်ထားသည်။
ymg/mt
#Yangon_Media_Group
- Category: Myanmar
- Hits: 520
#LocalNews
Published_4 January 2023
အကျဉ်းထောင်၊ အချုပ်ထောင်၊စခန်းအသီးသီးတွင် ပြစ်ဒဏ်ကျခံနေရသည့် အကျဉ်းသား၊ သူများကို ပြစ်ဒဏ်၏ခြောက်ပုံတစ်ပုံ လွတ်ငြိမ်းသက်သာခွင့်ပြုလိုက်ကြောင်း နိုင်ငံတော်စီမံအုပ်ချုပ်ရေးကောင်စီ က ယနေ့ လွတ်လပ်ရေးနေ့တွင် ထုတ်ပြန်လိုက်သည်။
ယင်းထုတ်ပြန်ချက်တွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌသည် ၂၀၂၃ ခုနှစ်၊ ဇန်နဝါရီလ ၄ ရက်နေ့တွင် ကျရောက်သည့် (၇၅)နှစ်မြောက် စိန်ရတုလွတ်လပ်ရေးနေ့အထိမ်းအမှတ်နေ့အားဖြင့်လည်းကောင်း၊ ပြည်သူလူထုနှလုံးစိတ်ဝမ်းအေးချမ်းစေရေးနှင့် လူမှုရေးအရ ငဲ့ညှာထောက်ထားသောအားဖြင့် လည်းကောင်း၊ နိုင်ငံတော်၏မေတ္တာနှင့် စေတနာကို နားလည်စေရန် ရှေးရှုသောအားဖြင့်လည်းကောင်း ၂၀၂၃ ခုနှစ်၊ ဇန်နဝါရီလ ၄ ရက်မတိုင်မီ လူသတ်မှု၊ မုဒိမ်းမှု၊ ပေါက်ကွဲစေတတ်သော ဝတ္ထုပစ္စည်းများအက်ဥပဒေအရ ပြစ်မှုများ၊ မတရားအသင်းများအက်ဥပဒေအရ ပြစ်မှုများ၊ ၁၈၇၈ ခုနှစ် လက်နက်များအက်ဥပဒေပုဒ်မ ၁၉(စ)အရ ပြစ်မှုများ၊ ၁၉၄၉ ခုနှစ် လက်နက် (အရေးပေါ်ပြစ်ဒဏ် စီရင်မှု) (ယာယီ) အက်ဥပဒေအရ ပြစ်မှုများ၊ ၁၉၅၁ ခုနှစ် လက်နက် (ယာယီပြင်ဆင်ချက်) အက်ဥပဒေအရ ပြစ်မှုများ၊ ၁၉၂၄ ခုနှစ် ရှမ်းပြည်နယ်လက်နက်အမိန့်အရ ပြစ်မှုများ၊ မူးယစ် ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ ပြစ်မှုများ၊ သဘာဝဘေးအန္တရာယ် ဆိုင်ရာစီမံခန့်ခွဲမှုဥပဒေအရ ပြစ်မှုများ၊ အကြမ်းဖက်မှုတိုက်ဖျက်ရေးဥပဒေအရ ပြစ်မှုများနှင့် အဂတိ လိုက်စားမှုတိုက်ဖျက်ရေးဥပဒေအရ ပြစ်မှုများမှအပ တည်ဆဲဥပဒေတစ်ရပ်ရပ်အရ ပြစ်မှုတစ်ခုခုနှင့် စပ်လျဉ်း၍ ပြစ်ဒဏ်ချမှတ်ခြင်းခံရပြီး အကျဉ်းထောင်၊ အချုပ်ထောင်၊စခန်းအသီးသီးတွင် ပြစ်ဒဏ်ကျခံနေရသည့် အကျဉ်းသား၊ သူများကို ရာဇဝတ်ကျင့်ထုံးဥပဒေပုဒ်မ ၄၀၁၊ ပုဒ်မခွဲ(၁)အရ ယင်းတို့ ကျခံနေရသော ပြစ်ဒဏ်၏ခြောက်ပုံတစ်ပုံကို လွတ်ငြိမ်းသက်သာခွင့်ပြုလိုက်ကြောင်း ဖော်ပြထားသည်။
ymg/mt
#Yangon_Media_Group
- Category: Myanmar
- Hits: 469
#LocalNews
Published_4 January 2023
အကျဉ်းထောင်၊အချုပ်ထောင်စခန်းအသီးသီးတွင် ပြစ်ဒဏ်ကျခံနေရသည့် အကျဉ်းသား၊အကျဉ်းသူ (၇၀၁၂)ဦးတို့ကို ပြစ်ဒဏ်လွတ်ငြိမ်းခွင့်ပြုလိုက်ကြောင်း နိုင်ငံတော်စီမံအုပ်ချုပ်ရေးကောင်စီက ယနေ့ လွတ်လပ်ရေးနေ့တွင် ထုတ်ပြန်လိုက်သည်။
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက ၂၀၂၃ ခုနှစ်၊ ဇန်နဝါရီလ ၄ ရက်တွင် ကျရောက်သည့် (၇၅)နှစ်မြောက် စိန်ရတုလွတ်လပ်ရေးနေ့အထိမ်းအမှတ်နေ့အနေဖြင့်လည်းကောင်း၊ ပြည်သူလူထုနှလုံးစိတ်ဝမ်းအေးချမ်းစေရေးနှင့် လူမှုရေးအရ ငဲ့ညှာထောက်ထားသောအားဖြင့် လည်းကောင်း၊ နိုင်ငံတော်၏မေတ္တာနှင့်စေတနာကိုနားလည်စေရန် ရှေးရှုသောအားဖြင့်လည်းကောင်း ရည်ရွယ်၍ ပြစ်ဒဏ်လွတ်ငြိမ်းခွင့်ပြုလိုက်ခြင်း ဖြစ်ကြောင်း ထုတ်ပြန်ချက်တွင် ဖော်ပြထားသည်။
အဆိုပါ ပြစ်ဒဏ်လွတ်ငြိမ်းခွင့်ပြုခံရသူများအား ရာဇဝတ်ကျင့်ထုံးဥပဒေပုဒ်မ ၄၀၁၊ ပုဒ်မခွဲ (၁)အရ “နောက်တစ်ကြိမ်ပြစ်မှုထပ်မံ ကျူးလွန်ပါက ၎င်းပြစ်ဒဏ်အပြင် ယခုကျခံရန်ကျန်ရှိသော ပြစ်ဒဏ်များကိုပါ ဆက်လက်ကျခံပါမည်” ဟူသော စည်းကမ်းသတ်မှတ်ချက်ဖြင့် ယင်းတို့ကျခံရန်ကျန်ရှိသော ပြစ်ဒဏ်များကိုလျှော့ပေါ့၍ လွတ်ငြိမ်းခွင့်ပြုလိုက်ခြင်း ဖြစ်ကြောင်းလည်း သိရသည်။
ymg/mt
#Yangon_Media_Group
- Category: Myanmar
- Hits: 345
#World_Lifestyle
Published 4 January 2023
၁၉၆၈ ခုနှစ်က ရိုမီယိုနဲ့ဂျူလီယက် (Romeo And Juliet)ဇာတ်ကားထဲမှာ သရုပ်ဆောင်ခဲ့တဲ့ မင်းသားနဲ့မင်းသမီးတို့ဟာ သူတို့ဆယ်ကျော်သက်အရွယ်တုန်းက ရိုက်ကူးခဲ့တဲ့ ဇာတ်ကားထဲမှာ ဝတ်လစ်စားလစ်အခန်းပါဝင်ခဲ့တာကြောင့် Paramount Pictures ထုတ်လုပ်ရေးကုမ္ပဏီကို အမေရိကန်ဒေါ်လာသန်း ၅၀၀ ကျော်ဖြင့် ဇန်နဝါရီ ၃ ရက်နေ့က တရားစွဲဆိုခဲ့ပါတယ်။
အဲဒီတုန်းက 'ဂျူလီယက်'အဖြစ်သရုပ်ဆောင်ခဲ့တဲ့ အသက် ၁၅ နှစ်အရွယ် 'အိုလီဗီယာဟက်ဆီ'နဲ့ 'ရိုမီယို'အဖြစ်သရုပ်ဆောင်တဲ့ အသက် ၁၆ နှစ်အရွယ် 'လီယိုနာ့ဒ်ဝှိုက်တင်'တို့ဟာ အခုဆိုရင် ၇၁ နှစ်နဲ့ ၇၂ နှစ်ရှိကြပြီဖြစ်ပြီး လိင်ပိုင်းဆိုင်ရာစော်ကားနှောင့်ယှက်မှု၊ လိမ်လည်မှုတို့ဖြင့် ထုတ်လုပ်ရေးကုမ္ပဏီကို လော့စ်အိန်ဂျလိစ်ကောင်တီ အထက်တရားရုံးမှာ တရားစွဲဆိုထားပါတယ်။
ထိုရုပ်ရှင်ကားရဲ့ဒါရိုက်တာ'ဖရန်ကိုဇက်ဖရယ်လီ'က ၂၀၁၉ ခုနှစ်မှာကွယ်လွန်ခဲ့ပြီဖြစ်ကာ တရားစွဲဆိုချက်အရ ဇာတ်ကားနောက်ပိုင်းတွေမှာ ပါဝင်တဲ့ အိပ်ရာဝင်ဇာတ်ဝင်ခန်းထဲမှာ သူတို့နှစ်ယောက်ဟာ အသားရောင်အတွင်းခံများဝတ်ဆင်ရမယ်လို့ ဒါရိုက်တာက ညွှန်ကြားခဲ့ပြီး ရိုက်ကူးရေးနောက်ဆုံးရက်တွေမှာ ရိုက်ကူးခဲ့တာဖြစ်တယ်လို့ သိရပါတယ်။
ဒါပေမဲ့ ရိုက်ကူးမယ့်နေ့ မနက်ပိုင်းရောက်တော့ ခန္ဓာကိုယ်မိတ်ကပ်သာလိမ်းခြယ်ရမှာဖြစ်ပြီး သူတို့ကိုယ်လုံးတီးပုံစံကို မမြင်ရတဲ့အနေအထားကနေ ကင်မရာရိုက်မှာဖြစ်တယ်လို့ 'ဇက်ဖရယ်လီ'က ညွှန်ကြားခဲ့ကြောင်း ဖော်ပြထားပါတယ်။
သူတို့ဝတ်လစ်စားလစ်ဖြစ်နေတာကို သူတို့ကိုယ်တိုင်မသိရှိဘဲ ရိုက်ကူးခဲ့ကြရာ ဒါဟာ ကယ်လီဖိုးနီးယားနဲ့ ဖက်ဒရယ်ဥပဒေများအပြင် ကလေးများကိုအသုံးချခြင်းဆိုင်ရာ ဥပဒေများကို ချိုးဖောက်ရာရောက်တယ်လို့ ဖော်ပြထားပါတယ်။
ကိုယ်လုံးတီးနဲ့ သရုပ်ဆောင်ရမှာဖြစ်ပြီး မဟုတ်ပါက ဇာတ်ဝင်ခန်းပုံပေါ်မှာမဟုတ်သလို သူတို့ရဲ့အနုပညာလမ်းကြောင်းလည်း ထိခိုက်ရလိမ့်မယ်လို့ 'ဇက်ဖရယ်လီ'က ပြောခဲ့ကြောင်း ဖော်ပြခဲ့ပါတယ်။
သရုပ်ဆောင်တွေလည်း ရွေးချယ်စရာမရှိတော့တာကြောင့် တောင်းဆိုတဲ့အတိုင်း ခန္ဓာကိုယ်မိတ်ကပ်နဲ့ ကိုယ်လုံးတီးသရုပ်ဆောင်ခဲ့ရပါတယ်။
'ဝှိုက်တင်'ရဲ့တင်ပါးဗလာနဲ့ 'ဟက်ဆီ'ရဲ့ရင်သားဗလာတို့ကို ဇာတ်ဝင်ခန်းထဲမှာ လျှပ်တပြက်ပြသသွားပါတယ်။
ထိုထဲက ဇာတ်ဝင်တေးသီချင်းတွေဟာ ထိုခေတ်က နာမည်ကြီးသီချင်းတွေဖြစ်ခဲ့ပြီး အထက်တန်းကျောင်းသားမျိုးဆက်တွေကြား ကြည့်ရှုသူများပြားခဲ့ပါတယ်။
'ဟက်ဆီ'နဲ့ 'ဝှိုက်တင်'တို့ဟာ စိတ်ပိုင်းဆိုင်ရာထိခိုက်နာကျင်မှုများကို ဆယ်စုနှစ်တွေကြာအောင် ခံစားခဲ့ရပြီး ထိုရုပ်ရှင်နဲ့မသက်ဆိုင်တဲ့ အလုပ်အကိုင်များ လုပ်ကိုင်ခဲ့ရပါတယ်။
ဇာတ်ကားထွက်ရှိကတည်းက ရရှိခဲ့တဲ့ဝင်ငွေအတိုင်းအတာနဲ့ နာကျင်ခံစားခဲ့ရမှုတွေကြောင့် သရုပ်ဆောင်တွေဟာ နစ်နာကြေးဒေါ်လာသန်း ၅၀၀ ကျော်ခံစားခွင့်ရှိတယ်လို့ တရားစွဲဆိုချက်မှာဖော်ပြထားပါတယ်။
Paramount Pictures ကတော့ ဒါနဲ့ပတ်သက်ပြီး ချက်ချင်းဖြေကြားခြင်းမရှိသေးပါဘူး။ 'ဟက်ဆီ'နဲ့'ဝှိုက်တင်'တို့ လူသိရှင်ကြားပြောသလိုမျိုးကိစ္စမဟုတ်ရင်တော့ လိင်ပိုင်းဆိုင်ရာအသုံးချခြင်းခံခဲ့ရတဲ့သူတွေရဲ့ နာမည်တွေကို AP က ဖော်ပြခြင်းမရှိခဲ့ပါဘူး။
Source: CNA
#Yangon_Media_Group
- Category: World
- Hits: 4751
#LocalNews
Published_4 January 2023
တပ်မတော်စွမ်းရည်သတ္တိဆိုင်ရာ ဂုဏ်ထူးဆောင်တံဆိပ်နှင့် လက်မှတ်များကို ဇန်နဝါရီလ ၃ ရက်က ချီးမြှင့်အပ်နှင်းခဲ့ကြောင်း နစက သတင်းထုတ်ပြန်ရေးအဖွဲ့က သိရသည်။
အဆိုပါ အခမ်းအနားတွင် သူရဲကောင်းမှတ်တမ်းဝင်တံဆိပ်ရရှိသူ ၃၂ ဦး၊ တပ်မတော်ကာကွယ်ရေးဦးစီးချုပ်၏ သူရဲကောင်းလက်မှတ် ရရှိသူ ၂ ဦး၊ တပ်မတော် ကာကွယ်ရေးဦးစီးချုပ်၏ ဂုဏ်ထူးဆောင် လက်မှတ်ရရှိသူ ၃၉ ဦးတို့ကိုနိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး သတိုးမဟာသရေစည်သူ သတိုးသီရိသုဓမ္မ မင်းအောင်လှိုင်ကချီးမြှင့်ကာ ရဲဗလ တံဆိပ်ရရှိသူ ၁၈၁ ဦး၊ စီမံထူးချွန်တံဆိပ်ရရှိသူ ၁၁၀ ဦး၊ လူမှုထူးချွန် တံဆိပ်ရရှိသူ ၁၂ ဦး၊ စက်မှုစီးပွားထူးချွန်တံဆိပ်ရရှိသူ ၄ ဦး၊ ဝန်ဆောင် စီးပွား ထူးချွန်တံဆိပ်ရရှိသူ ၁၀ ဦး၊ သိပ္ပံပညာထူးချွန်တံဆိပ်ရရှိသူ ၄ ဦး၊ ဆေးပညာ ထူးချွန်တံဆိပ်ရရှိသူ ၁ ဦးနှင့် နည်းပညာထူးချွန်တံဆိပ်ရရှိသူ ၇၄ ဦး၊ တပ်မတော် ကာကွယ်ရေးဦးစီးချုပ်၏ သူရဲကောင်းလက်မှတ် ရရှိသူ ၁၃၆ ဦး၊ တပ်မတော်ကာကွယ် ရေးဦးစီးချုပ်၏ ဂုဏ်ထူးဆောင် လက်မှတ်ရရှိသူ ၄၀၄ ဦးတို့ကိုလည်း တပ်မတော် ကာကွယ်ရေးဦးစီးချုပ်ကိုယ်စား သက်ဆိုင်ရာတိုင်းမှူးများက ပေးအပ်ချီးမြှင့်ခဲ့ကြောင်း သိရသည်။
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ် ရေးဦးစီးချုပ် ဗိုလ်ချုပ်မှူးကြီး သတိုးမဟာသရေစည်သူ သတိုးသီရိသုဓမ္မ မင်းအောင်လှိုင် က ချီးမြှင့်ခြင်းခံရသည့် တပ်မတော်ဆိုင်ရာ ဂုဏ်ထူးဆောင် တံဆိပ်နှင့် လက်မှတ်များ၏ တန်ဖိုးပိုင်းဖြတ်၍မရသည့် လေးနက်မှုကို မျိုးဆက်သစ်များ မျှဝေခံစားလို့ရအောင် လက်ဆင့်ကမ်းအမွေပေးသွားကြရန်၊ တပ်မတော်၏ နိုင်ငံတော်ကာကွယ်ရေးနှင့် တိုင်းပြည်တည်ဆောက်ရေးလုပ်ငန်းများတွင် မိမိတို့ထံကျရောက်လာမည့် တာဝန်များနှင့်ပတ်သက်ပြီး ကျေပွန်အောင် ဆက်လက် ထမ်းဆောင်သွားကြရန်၊ လွတ်လပ်ရေး၏တန်ဖိုး၊ လွတ်လပ်ရေး၏အမွေကို သိရှိနားလည်ပြီး ဒို့တာဝန် အရေးသုံးပါးကို ထာဝစဉ်ကာကွယ် စောင့်ရှောက်မည်ဟူသည့် ယုံကြည်ချက်၊ ခံယူချက်နှင့် တပ်မတော်သားကောင်းများဖြစ်အောင် ကြိုးစားသွားကြရန် တိုက်တွန်းခဲ့သည်။
တပ်မတော်တွင် စွမ်းရည်သတ္တိဆိုင်ရာ ဂုဏ်ထူးဆောင်တံဆိပ်နှင့် လက်မှတ်ရရှိသူများအနေဖြင့် ၂၀၂၂ ခုနှစ် ဇန်နဝါရီလအထိ အောင်ဆန်းသူရိယဘွဲ့ရရှိသူ ၆ ဦး၊ သီဟသူရ ဘွဲ့ရရှိသူ ၅၁ ဦး၊ သူရဘွဲ့ရရှိသူ ၅၅၄ ဦး၊ သီဟဗလတံဆိပ်ရရှိသူ ၆ ဦး၊ သူရဲကောင်း မှတ်တမ်းဝင်ရရှိသူ ၁၈၆၀ ဦး၊ သူရဲကောင်းမှတ်တမ်းဝင်တံဆိပ်ရရှိသူ ၂၀၅၀ ဦး၊ စစ်သေနာပတိချုပ်၏ သူရဲကောင်းလက်မှတ်ရရှိသူ ၃၃၉ ဦး၊ တပ်မတော်ကာကွယ်ရေး ဦးစီးချုပ်၏ သူရဲကောင်းလက်မှတ်ရရှိသူ ၃၁၂၅ ဦး၊ စစ်သေနာပတိချုပ်၏ ဂုဏ်ထူး ဆောင်လက်မှတ်ရရှိသူ ၉ ဦး၊ တပ်မတော်ကာကွယ်ရေးဦးစီးချုပ်၏ ဂုဏ်ထူးဆောင် လက်မှတ်ရရှိသူ ၂၃၅၁ ဦး ရှိပြီဖြစ်ကြောင်း လည်း သိရသည်။
ymg/mt
#Yangon_Media_Group
- Category: Myanmar
- Hits: 542
#World_Health
Published 4 January 2023
အိန္ဒိယမှာ ခန္ဓာကိုယ်ထက်ဝက်ကျော်လောက် အမွှေးထူထူမည်းမည်းတွေ ဖုံးလွှမ်းနေတဲ့ ကလေးတစ်ယောက်မွေးဖွားခဲ့ရာ အွန်လိုင်းမှာပျံ့နှံ့နေပါတယ်။
မွေးဖွားချိန်မှာ ပြဿနာမရှိခဲ့ပေမယ့် ကလေးရဲ့ခန္ဓာကိုယ် ၆၀ ရာခိုင်နှုန်းလောက်ဟာ အမွှေးထူတွေဖုံးလွှမ်းနေပါတယ်။
ကလေးရဲ့ကျောမှာ အမွှေးတွေဖုံးနေတဲ့ပုံတွေကို အံ့အားသင့်ဖွယ်မြင်တွေ့နိုင်ပါတယ်။
ဒေါက်တာ'အစ်ကရမ်ဟူစိန်'က ထိုကလေးကို မွေးရာပါကင်ဆာမဟုတ်တဲ့အရေပြားရောဂါအဖြစ် သတ်မှတ်ခဲ့ပါတယ်။
ကမ္ဘာတဝှမ်း ကလေးအယောက် ၂ သောင်းမှာ ၁ ယောက်နှုန်းမွေးလေ့ရှိကာ အမွှေးတွေက ခန္ဓာကိုယ်ကြီးလာတဲ့နှုန်းအတိုင်း ရှည်လာမှာဖြစ်ပြီး အနည်းဆုံး ၁၅ လက်မကျော်လောက် ရှိလာနိုင်ကြောင်း ပညာရှင်များက ဆိုပါတယ်။
အရေပြားမျက်နှာပြင်ပုံစံအမျိုးမျိုးရှိနိုင်ပြီး ပြောင်းလဲနိုင်ပါတယ်။
သူတို့ရဲ့အရေပြားက ခြောက်သွေ့ကာ ယားယံခြင်းဖြစ်နိုင်ပြီး အမွှေးအမျှင်ရှည်လွန်းခြင်းဖြစ်စဉ် ဖြစ်နိုင်ပါတယ်။
ဒီကလေးအကြောင်းကြားသိပြီးတော့ ဒေသခံအများအပြား လာရောက်ကြည့်ရှုကြပါတယ်။
ဒီလက္ခဏာက အသက်အန္တရာယ်မရှိပေမယ့် အရေပြားကင်ဆာဖြစ်နိုင်ချေ ရှိနေပါတယ်။
အရေပြားဆဲလ်တွေက ဦးနှောက်နဲ့ကျောရိုးတစ်ရှူးတွေမှာ ဖြစ်ပေါ်လာပြီး ခေါင်းကိုက်ခြင်း၊ အော့အန်ခြင်း၊ တက်ခြင်း၊ ဦးနှောက်အကျိတ်များ ဖြစ်ပေါ်နိုင်ပါတယ်။
ဒီအခြေအနေက အိန္ဒိယမှာ အခုမှဖြစ်ဖူးတာမဟုတ်ပါဘူး။
နိုဝင်ဘာလတုန်းက ဆယ်ကျော်သက်တစ်ဦးဟာ ထိုကဲ့သို့အခြေအနေဖြစ်နေကြောင်း ချပြခဲ့ကာ တစ်ကိုယ်လုံးမှာ သမန်းဝံပုလွေကဲ့သို့ အမွှေးတွေဖုံးလွှမ်းနေပါတယ်။
Source: NY Post
#Yangon_Media_Group
- Category: World
- Hits: 723
#Local_News
Published_ 4January 2023
ရွှေတိဂုံစေတီတော်ကြီး ရွှေသင်္ကန်းကပ်လှူရန် ရွှေပြား(၂၄)ချပ်ကိုလှူဒါန်းခဲ့သည့် အလှူရှင်(၂၀)ဦးနှင့် ကျပ်တစ်သိန်းအထက်ငွေသားအလှူရှင်များကိုဂုဏ်ပြုမှတ်တမ်းလွှာများပေးအပ်ခဲ့ကြောင်း ရွှေတိဂုံဂေါပကအဖွဲ့ထံမှ သိရသည်၊၊
ရွှေတိဂုံစေတီတော်မြတ်ကြီးသို့ စေတနာသဒ္ဓါတရားထက်သန်စွာ လှူဒါန်းထားကြသော ငွေကျပ်တစ်သိန်းနှင့် အထက်အလှူရှင်များအား ဘဏ္ဍာတော်ထိန်းဂေါပကအဖွဲ့က (၅၇၈)ကြိမ်မြောက် ထုတိအနုမောဒနာ ဂုဏ်ပြုမှတ်တမ်းလွှာပေးအပ်ပွဲနှင့် လှူဒါန်းမှုအစုစုတို့အတွက် ရေစက်ချ အလှူတော်မင်္ဂလာအခမ်းအနားကို ဇန်နဝါရီ(၃)ရက် မွန်းလွဲ ၁ နာရီတွင် ရွှေတိဂုံစေတီတော်ရင်ပြင် တောင်ဘက်မုဒ်ရှိ ရှေးဟောင်းဗုဒ္ဓရုပ်ပွားတော်များ တန်ဆောင်း၌ ကျင်းပခဲ့ခြင်းဖြစ်သည်။
အလှူရှင်များက အလှူတော်ငွေများကို ပေးအပ်လှူဒါန်းရာ ဘဏ္ဍာတော်ထိန်းဂေါပကအဖွဲ့ အလှည့်ကျသဘာပတိ ဦးညွန့်သင်းနှင့် ဘဏ္ဍာတော်ထိန်းဂေါပကအဖွဲ့ဝင်များက လက်ခံရယူပြီး ဂုဏ်ပြုမှတ်တမ်းလွှာများ ပြန်လည်ပေးအပ်ကြသည်။
ထို့နောက် ရွှေတိဂုံစေတီတော် ဘဏ္ဍတော်ထိန်းဂေါပကအဖွဲ့၏ ဩဝါဒါစရိယ၊ တိပိဋကဓရ တိပိဋကကောဝိဒ ရွေးချယ်ရေးအဖွဲ့ ဩဝါဒါစရိယ တိပိဋကဓရဓမ္မဘဏ္ဍာ ဂါရိက အဂ္ဂမဟာပဏ္ဍိတ၊ သ.စ.အ.ပါဠိပါရဂူ ယောဆရာတော် ဘဒ္ဒန္တသိရိန္ဒာဘိဝံသထံမှ အခမ်းအနားသို့ တက်ရောက်လာကြသူများက ငါးပါးသီလခံယူဆောက်တည်ကြပြီး ရေစက်ချအနုမောဒနာတရားနားယူကာ အခမ်းအနားကို ရုတ်သိမ်းလိုက်သည်။
အဆိုပါ အလှူငွေပေးအပ်လှူဒါန်းပွဲ၌ ရွှေသင်္ကန်းတော်ရွှေပြား အလှူရှင် (၂၀)က ရွှေပြားအချပ် (၂၄)ချပ်လှူဒါန်းခဲ့ပြီး ငွေသားအလှူရှင် (၂၄)ဦးအပါအဝင် လှူဒါန်းငွေ စုစုပေါင်း ငွေကျပ် ၁၃၁၆၆၂၉၇၉၉/ (ကျပ်သိန်း တစ်သောင်းသုံးထောင့် တစ်ရာခြောက်ဆယ့်ခြောက်သိန်းနှစ်သောင်းကိုးထောင်ခုနှစ်ရာကိုးဆယ်ကိုး) တိတိ လှူဒါန်းခဲ့ကြောင်း သိရသည်။
ymg/tthl
#Yangon_Media_Group
- Category: Myanmar
- Hits: 521
#World_Health
Published 4 January 2023
လေဖြတ်ဝေဒနာရှင် ၅ ပုံ ၂ ပုံလောက်ဟာ စကားမပြောနိုင်တဲ့ အခက်အခဲရှိကြပေမယ့် သူတို့ရဲ့အသံပြန်ရအောင် ကြိုးစားလို့ရပါသေးတယ်။
စကားမပြောနိုင်ခြင်းပြဿနာနဲ့ လူမှုဆက်ဆံရေးရာတို့အတွက် အတူတကွသီချင်းဆိုခြင်းဖြင့် တိုးတက်စေနိုင်ကြောင်း ဟယ်လ်ဆင်ကီတက္ကသိုလ်မှ သုတေသီများက တွေ့ရှိခဲ့ပါတယ်။
ဒါဟာ ဝေဒနာရှင်အချင်းချင်း အထောက်အပံ့ပေးနိုင်သလို ငွေကုန်ကြေးကျသက်သာနိုင်ပါတယ်။
လေ့လာမှုပြုလုပ်ရာမှာ ပြန်လည်ထူထောင်ရေးကဏ္ဍတွေကို တေးဂီတကုထုံးပညာရှင်များနဲ့ အဖွဲ့လိုက်သင်ကြားရေးပညာရှင်တို့က ဦးဆောင်ပြုလုပ်ခဲ့ပါတယ်။
လေဖြတ်ခြင်းကြောင့် စကားမပြောနိုင်တဲ့သူတဝက်ခန့်မှာ ဒီအခက်အခဲက တစ်နှစ်လောက်ကြာတဲ့အထိ ရှိနေဆဲဖြစ်ပြီး နေထိုင်မှုဘဝအပေါ် များစွာသက်ရောက်ကာ လူမှုရေးမှာ သီးခြားဖြစ်လာပါတယ်။
ဦးနှောက်ထိခိုက်ပြီး စကားမပြောနိုင်တဲ့ လူနာ ၅၄ ဦးနဲ့ မိသားစုဝင်ထဲမှ စောင့်ရှောက်မယ့်သူများကို စမ်းသပ်ဖို့ခေါ်ယူခဲ့ပါတယ်။
၅ လမှ ၉ လအတွင်း လူနာတွေရဲ့ ပြောဆိုနိုင်စွမ်း၊ စိတ်အခြေအနေ၊ လူမှုရေးအခြေအနေ၊ ဘဝနေထိုင်မှုအခြေအနေတို့နဲ့ ပတ်သက်ပြီး မိသားစုများကို မေးမြန်းခဲ့ပါတယ်။
သီချင်းသီဆိုမှုပုံစံအမျိုးမျိုးဖြင့် လေ့ကျင့်ခဲ့ကြကာ သံစဉ်တေးသွားအတိုင်း ဖြည်းဖြည်းချင်းလိုက်ဆိုရာကနေ စကားပြောနိုင်သည်အထိ တိုးတက်လာခဲ့ပါတယ်။
လေဖြတ်ခြင်းကြောင့် စကားမပြောနိုင်တဲ့လူနာတွေမှာ သီချင်းဆိုခြင်းဖြင့် ပြန်လည်ထူထောင်ရေး အစီအစဉ်ကို အသုံးပြုသင့်ကြောင်း တွေ့ရှိခဲ့ပါတယ်။
အဖွဲ့လိုက်ပြန်လည်ထူထောင်ခြင်းဖြင့် စကားပြောနိုင်ဖို့အတွက် လေ့ကျင့်ပေးနိုင်ရုံမက လူနာတွေနဲ့ မိသားစုဝင်တွေအတွက်ပါ အချင်းချင်းအကူအညီ ဖြစ်စေပါတယ်လို့ ပြောကြားခဲ့ကြပါတယ်။
Source: The Jerusalem Post
#Yangon_Media_Group
- Category: World
- Hits: 315
#Local_News
Published_ 3 January 2023
ဇန်နဝါရီလထဲမှာ ရန်ကုန်တိုင်းအပါအဝင်ဒေသအချို့မှာ ရာသီဥတုအေးရာမှ အအေးပေါ့ပြီး ရာသီဥတုပြန်နွေးလာဖို့ရှိတယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်၊၊
#Yangon_Media_Group
- Category: Myanmar
- Hits: 288
#Sport_Legend
Published 3 January 2023
ဘရာဇီးလ်ဂန္တဝင်ဘောလုံးသမားကြီး'ပီလီ'ကို နှစ်ပေါင်း ၆၀ ကျော်တိုင်အောင် ဆံပင်ညှပ်ပေးခဲ့တဲ့ ဘရာဇီးလ်ဆံသဆရာအတွက်တော့ ဖောက်သည်အဖြစ်ရော မိတ်ဆွေအဖြစ်ပါ ဆုံးရှုံးလိုက်ရတဲ့ အခြေအနေဖြစ်နေပါတယ်။
#Yangon_Media_Group
- Category: Myanmar
- Hits: 312
#Local_News
Published _ 3 January 2023
လက်ရှိရန်ကုန်အိမ်ခြံမြေဈေးကွက်ဟာ ပုံမှန်အတိုင်းပဲအရောင်းအဝယ်ဖြစ်နေတယ်လို့ အိမ်ခြံမြေအကျိုးတော်ဆောင်တွေဆီကနေ သိရပါတယ်။
#Yangon_Media_Group
- Category: Myanmar
- Hits: 267