ပဲခူးမြစ်ရေမြင့်တက်မှုဟာ သုံးရက်ကြာလာတဲ့အထိ ဆက်လက်မြင့်တက်နေတဲ့ အတွက် ဘေးကင်းရာကို ပြောင်းရွေ့နေထိုင်ရတဲ့ ပြည်သူပိုမိုများလာကာရေနှင့် မျောပါသေဆုံးသူပါရှိလာတယ်လို့ လူမှုကူညီရေးအသင်းတွေထံက သိရပါတယ်။

Published_ 10 October 2023
#Local_News
#ပဲခူးမြစ်ကျဆင်းမှုမရှိ #သေဆုံးမှုပါရှိလာ
#YMG/LW #Yangon Times

လက်ရှိကုန်ကြမ်းသစ်တစ်မျိုးသာ ၂၀ ရာခိုင်နှုန်းကနေ ၂၅ရာခိုင်နှုန်းအထိမြင့်တက်

Published_ 10 October 2023
#Local_News
#လက်ရှိကုန်ကြမ်းသစ် #ဆောက်လုပ်ရေးလုပ်ငန်း
#Yangon_Times # YMG/NN

‘မှော်ဘီမှာရေဘေးသင့်တဲ့ပြည်သူတွေဟာ ဘုန်းကြီးကျောင်းတွေမှာ သွားနေထိုင်နေကြပြီး အဝီစိတွင်းတွေနစ်မြုပ်သွားလို့ သောက်ရေသောက်ဖို့ခက်ခဲနေပြီး ရေထပ်များနေဦးမယ်ဆိုရင် စားသောက်ရေးအတွက်အခက်အခဲတွေရှိလို့ ကူညီထောက်ပံ့ပေးဖို့လိုအပ်တယ်’
မှော်ဘီမြို့နယ်ရှိ မြို့မလူမှုကူညီရေးအသင်းမှ ဦးကျော်မင်း

Published_ 10 October 2023
#Local_News
#ဖူးကြီးကန်ရေလျှံ #မှော်ဘီ
#tthl #Yangon_Times

ပဲခူးမြစ်ရေတတ်ပြီး လမ်းများ ရေကျော် တာကြောင့် ရန်ကုန်-မန္တလေးလမ်းဟောင်းမှာပိတ်မိနေတဲ့ ကုန်တင်ယာဉ်တွေထဲမှ ပုပ်သိုးပျက်စီးလွယ်တဲ့ကုန်တွေတင်ဆောင်လာသည့် ၆ ဘီးနဲ့ ၁၂ဘီး ယာဉ်တွေကို အမြန်လမ်းမှ ဖြတ်သန်းခွင့်ပြုပေးလိုက်တယ်လို့ မြန်မာနိုင်ငံအဝေးပြေး ကုန်စည်ပို့ဆောင်ရေးဝန်ဆောင်မှုလုပ်ငန်းရှင်များအသင်းမှ သိရပါတယ်။

Published_ 10 October 2023
#Local_News
#ရန်ကုန်- မန္တလေးလမ်းဟောင်း #အမြန်လမ်းမှဖြတ်သန်းခွင့်ပြု
#YMG/LW #Yangon_Times

#Local_News
Published_ 10 October 2023

ရှမ်းပြည်နယ်၊ လားရှိုးမြို့ရှိ ဝန်ထမ်းအိမ်ယာတစ်ခုတွင် အနံ့အသက် များထွက်၍သွားရောက်စစ်ဆေးရာ အမျိုးသား၁ဦး ပုပ်ပွသေဆုံးလျက်တွေ့ရှိခဲ့ကြောင်း လားရှိုးလူငယ်များလူမှုကူညီရေးအသင်းကသိရသည်။

ပြည်သူတစ်ဦးက အဆိုပါဖြစ်စဉ်ကိုလားရှိုးလူငယ်များ လူမှုကူညီရေးအသင်းထံ အောက်တို ဘာလ ၁၀ ရက်ကဆက်သွယ်အကြောင်းကြားခဲ့​၍ သွားရောက်စစ်ဆေးကြရာအထက်ပါအတိုင်းတွေ့ရခြင်းဖြစ်သည်။

အခင်းဖြစ်ပွားရာနေရာသို့သက်ဆိုင်ရာ တာဝန်ရှိသူများကလည်း လိုအပ်သည့်စစ်ဆေးမှုများဆောင်ရွက်ခဲ့ကြောင်းသိရသည်။

ထို့နောက် လူမှုကူညီရေးအသင်းကသေဆုံးသူအမျိုးသား၏ရုပ်အလောင်းကို လားရှိုးပြည်သူ့ဆေးရုံကြီး အရေးပေါ်ဌာနသို့ပို့ဆောင်ပေးခဲ့ပြီးယင်းမှတစ်ဆင့် ရင်ခွဲရုံသို့ပို့ဆောင်ပေးခဲ့ကြောင်းသိရသည်။

#Local_News #လားရှိုးမြို့ #အမျိုးသား၁ဦး ပုပ်ပွသေဆုံး
#Yangon_Times/PP

#Local_News
Published _10 Oct 2023

ကိုဗစ်_၁၉ရောဂါကြောင့်သုံးနှစ်ကြာရပ်နားထားသည့် အင်းလေးဖောင်တော်ဦးဘုရားပွဲတော်ကို စည်ကားသိုက်မြိုက်စွာကျင်းပသွားမည်ဖြစ်ကြောင်း ရှမ်းပြည်နယ်တောင်ပိုင်း ရိုးရာမီးပုံးပျံပညာရှင်များအသင်းမှ သိရသည်။

အဆိုပါ အင်းလေးဖောင်တော်ဦးဘုရားပွဲတော်အား (သီတင်းကျွတ် လဆန်း (၁)ရက် မှ လဆုတ် (၃)ရက်နေ့ထိ )အောက်တိုဘာ ၁၅ရက်မှ နိုဝင်ဘာ ၁ရက်နေ့အထိကျင်းပသွားမည်ဖြစ်ကြောင်း သိရသည်။

"သုံးနှစ်ကြာရပ်နားထားပြီးမှ အခုနှစ်ပြန်လည်ကျင်းပမှာပါ။ ရှမ်းပြည်နယ်ရဲ့အထင်ကရပွဲတော်ဖြစ်တဲ့ အပြင် ဒီပွဲတော်ကိုမှီခိုတဲ့လုပ်ကိုင်စား‌သောက်တဲ့ ဒေသခံတွေ နဲ့စီးပွားရေးလုပ်ငန်းတွေ အကုန်အဆင်ပြေအောင်လိုပေါ့နော်။ နောက်ကမ္ဘာကျော်တဲ့ပွဲတော်ဖြစ်တဲ့အတွက်လည်း လာရောက်ကြဖို့ဖိတ်ခေါ်ပါတယ်" ဟုရှမ်းပြည်နယ်တောင်ပိုင်း ရိုးရာမီးပုံးပျံပညာရှင်များအသင်းမှ တာဝန်ရှိသူတစ်ဦးက ရန်ကုန်မီဒီယာဂရုကို ပြောသည်။

လတ်တလောမှာအင်းလေးကန်ရေ မြင့်တက်နေပြီး နှစ်စဉ်ဖောင်တော်ဦးဘုရားများဒေသစာရီလှည့်လည်ချိန်၌ ယခုကဲ့သိုပုံမှန် ရေတက်လေ့ရှိကြောင်းရှမ်းပြည်နယ်တောင်ပိုင်းရိုးရာ မီးပုံပျံပညာရှင်များအသင်းမှ တာဝန်ရှိသူတစ်ဦးကပြောသည်။

"ဒေသစာရီကြွချီဆိုရင်တော်သလင်းလောက်မှာအမြဲတမ်းမိုးကြီးပြီးရေတက်နေကျပါ။ မူလစံကျောင်းကိုကြွတဆိုတော့ရေကိုဆန်တက်သွားရမှာလေ။ ဒီအချိန်အမြဲတမ်းရေတက်နေကြပါ" ဟု ၎င်းကဆက်ပြောသည်။

ထို့အပြင် ဖောင်တော်ဦးဘုရားပွဲတော်အတွက် ဓာတ်ပုံပြိုင်ပွဲပြုလုပ်သွားမည်ဖြစ်ပြီး ဝင်ရောက်ယှဉ်ပြိုင်လိုသူများကိုလည်း ဖိတ်ခေါ်ထားကြောင်း သိရသည်။

ဖောင်တော်ဦးဘုရားပွဲတော်၏ဓာတ်ပုံပြိုင်ပွဲ၌မည်သူမဆို  ပါဝင်ယှဉ်ပြိုင် နိုင်ပြီး ပထမဆုအဖြစ် ကျပ်သိန်း ၅၀ ၊ ဒုတိယဆုအဖြစ်ကျပ် သိန်း ၄၀ နှင့် တတိယဆုအဖြစ် ကျပ် သိန်း၃၀ကို ချီးမြှင့်သွားမည် ဖြစ်ကြောင်း သိရသည်။

     
မြန်မာနိုင်ငံတွင်သာမြင်တွေ့နိုင်သည့် ခြေဖြင့်လှော်ခတ်သည့် လှေလှော်ပြိုင်ပွဲအားလည်း ခရီးသွားဧည့်သည်များအနေဖြင့် အားပေးကြည့်ရှုနိုင်မည်ဖြစ်ပြီး ခြေဖြင့်လှော်ခတ်သည့် လှေလှော်ပြိုင်ပွဲမှာ ပွဲတော်၏ အဓိကဆွဲဆောင်မှုဖြစ်သည့်အပြင်အဆိုအကများဖြင့် ပူဇော်ပသခြင်းများလည်းပါဝင်ကြောင်း သိရသည်။

အင်းလေးဖောင်တော်ဦးဘုရားတွင် ရွှေသင်္ကန်းများကပ်လှူထားသောကြောင့် ဘုရားဆင်းတုတော်များမှာ မူလပုံစံ ပျောက်ကွယ်နေပြီး  ဘုရားဖူးများမှာ ဘုရားရှိခိုးကန်တော့၍  လှူဘွယ်များအား ကပ်လှူကြပြီး ရဟန်းသံဃာများအားလည်း လှူဘွယ်ပစ္စည်းများဖြင့် ကပ်လှူပူဇော်ကြကြောင်း သိရသည်။

အဆိုပါပွဲတော်သည်  အင်းလေးတွင် ကျင်းပသော အကြီးကျယ်ဆုံး ဘုရားပွဲတော်ဖြစ်ပြီး  ပွဲတော်သို့ ဘုရားဖူးလာရောက်ကြသည့် ခရီးသွားဧည့်သည်များ များပြားလှ‌ကြောင်း  သိရသည်။

#Local_News #သုံးနှစ်ကြာရပ်နား #အင်းလေးဖောင်တော်ဦး
#NN #Yangon_Times

#Local_News
Published_ 10 October 2023

ပဲခူးနှင့်လှည်းကူးမြို့ရေဘေးတွင် မီးသတ်တပ်ဖွဲ့မှ တပ်ဖွဲ့ဝင်အင်အားရာချီအသုံးပြုပြီးကူညီကယ်ဆယ်ရေး များဆောင်ရွက်လျက်ရှိသည်။

ရေဘေးသင့်ပြည်သူများကိုကူညီကယ်ဆယ်နိုင်ရန်အတွင် ပဲခူးမြို့သို့မြန်မာနိုင်ငံမီးသတ်ဌာနချုပ်မှရှာဖွေကယ် ဆယ်ရေးအထူးတပ်ဖွဲ့ဝင်(၃၅)ဦးနှင့် လှေ(၁၀)စီး ထပ်မံအားဖြည့်ပေးပို့ထားပြီဖြစ်ပြီး အထူးတပ်ဖွဲ့ဝင်များ ထပ်လွှတ်ရန်လည်းရှိသေးကြောင်း မြန်မာနိုင်ငံမီးသတ်တပ်ဖွဲ့ မှသိရသည်။

ပဲခူးမြို့ရှိရေဘေးသင့်ပြည်သူများကို ပဲခူးတိုင်းဒေသကြီး၏ရှာဖွေကယ်ဆယ်ရေးတပ်ဖွဲ့ဝင်(၁၃၈)ဦး၊ အရန်မီးသတ် တပ်ဖွဲ့ဝင်များနှင့် အတူ ဌာနချုပ်မှရှာဖွေကယ်ဆယ်ရေးအထူးတပ်ဖွဲ့ဝင်(၃၅)ဦးသည် ဒေသခံပြည်သူများကို ရေဘေးလွတ်ရာသို့ ကူညီပြောင်းရွှေ့ရေးလုပ်ငန်းများဆက်လက်ဆောင်ရွက်လျက်ရှိသည်ဟုဆိုသည်။

‘ပဲခူးတိုင်းအတွက် ကျွန်တော်တို့မီးသတ်ဌာနချုပ်မှ လူအင်အားအနေနဲ့ ရှာဖွေကယ်ဆယ်ရေးအထူးတပ်ဖွဲ့ ဝင်(၃၅)ဦးနဲ့ လှေ(၁၀)စီးပေးပို့ပြီးအားဖြည့်ပေးထားပါတယ်။ဒီနေ့ကတော့(၆)ဦးလွှတ်ဖို့ထပ်ရှိသေးတယ် မလွှတ်ရသေးဘူး။ ပဲခူးတိုင်းမှာရှိတဲ့ ရှာဖွေကယ်ဆယ်ရေးအဖွဲ့ဝင်တွေနဲ့ ပူးပေါင်းဆောင်ရွက်သွားကြမှာဖြစ်ပါ တယ်”ဟု မြန်မာနိုင်ငံမီးသတ်အဖွဲ့ချုပ်မှ ဒုတိယညွှန်ကြားမှူး ဦးထင်အောင်လင်းက YMG ကို ပြောသည်။

ဌာနချုပ်မှ ရှာဖွေကယ်ဆယ်ရေးအထူးတပ်ဖွဲ့ဝင်များနှင့်အတူ ရှာဖွေကယ်ဆယ်ရေးသုံး ရေယာဉ်၊ စက်ပစ္စည်းကိရိယာများ၊ရေပြင်ကယ်ဆယ်ရေးဆိုင်ရာတစ်ကိုယ်ရေသုံးဝတ်စုံပစ္စည်းကိရိယာများဖြင့် သွားရောက်ကူညီကယ်ဆယ်လျက်ရှိသည်။

လှည်းကူးရေဘေးကိုတော့ ရန်ကုန်တိုင်းမီးသတ်ဦးစီးမှူးရုံးမှ ညွှန်ကြားရေးမှူးဦးမင်းစမ်းအေးဦးဆောင်ပြီး ကယ်ဆယ်ရေးရေယာဉ်(၁၂)စီး၊ရှာဖွေကယ်ဆယ်ရေးအဖွဲ့ဝင်(၅၀)ဦး၊အရန်မီးသတ်တပ်ဖွဲ့ဝင်(၅၅)ဦးဖြင့် ကူညီကယ်ဆယ်ရေးလုပ်ငန်းများဆောင်ရွက်လျက်ရှိကြောင်း သိရသည်။

#Local_News #ပဲခူး၊လှည်းကူးရေဘေး #မီးသတ်မှတပ်ဖွဲ့ဝင်ရာချီ
#tthl #Yangon_Times

#Local_News
Published_ 10 October 2023

မြန်မာနိုင်ငံတွင်းရှိ ဖက်ရှင်ဝါသနာရှင်များအတွက် Goethe-Institut Myanmar နှင့် Institut français de Birmanie (ပြင်သစ်ယဉ်ကျေးမှုဌာန)တို ပူးပေါင်းပြီး ဖက်ရှင်သင်တန်းကို အောက်တိုဘာ (၂၇) ရက်နေ့မှစတင်ပြီး အခမဲ့ဖွင့်လှစ်သွားမည်ဖြစ်ကြောင်း သိရသည်။

ပြည်တွင်း အဝတ်အထည်ဈေးကွက်၌ ဖက်ရှင်ဒီဇိုင်းနာအဖြစ်လည်းကောင်း၊ အဝတ်အထည်အမှတ်တံဆိပ်တစ်ခု ဖန်တီးသူအဖြစ် လည်းကောင်း၊ ရပ်တည်လိုသူများအတွက်ရည်ရွယ်ဖွင့်လှစ်ခြင်းဖြစ်ပြီး သင်တန်းကာလ (၆) လတာ ကြာမြင့်မည်ဖြစ်သည်။

အဆိုပါ အစီအစဉ်တွင် အောက်ပါဘာသာရပ်များကို ပြည်တွင်းရှိ ကျွမ်းကျင်ပညာရှင်များက စာတွေ့၊ လက်တွေ့ သင်ကြားပေးသွားမည် ဖြစ်ပါသည်။ဘာသာရပ်အားဖြင့်Fashion Design ၊ Fashion Business၊Fashion Illustration၊Pattern Making, Draping and Sewing၊ Fashion History၊ Textileတိုပါဝင်မည်ဖြစ်ပြီး သင်ကြားပေးမည့် ဆရာများအဖြစ် ဦးစောမြင့်၊ရွှန်းလက်ပိုင်၊ဇင်မင်းသိုက်တိုပါဝင်မည်ဖြစ်သည်။

အောက်တိုဘာလ(၆)ရက်မှ (၁၅)ရက်အတွင်း (ည၁၂ နာရီအထိသာ) This email address is being protected from spambots. You need JavaScript enabled to view it.မှတစ်ဆင့် လျှောက်ထားနိုင်ပြီး စက်ချုပ်ပညာအသင့်အတင့်၊ပက်တန်ဘာသာရပ်အခြေခံအဆင့်တတ်မြောက်ထားသည့် အခြေခံပညာအထက်တန်းအဆင့်အထိတက်ရောက်ဖူးသူများတက်ရောက်နိုင်ကြောင်းနှင့်ကိုယ်တိုင်ဖန်တီးထားသောချုပ်လုပ်မှုဆိုင်ရာလက်ရာများ၊ဖန်တီးမှုဆိုင်ရာလက်ရာများတင်ပြရမည်ဖြစ်ကြောင်း Goethe-Institut Myanmar ၏ထုတ်ပြန်ချက်အရသိရခြင်းဖြစ်သည်။

#Local_News #ဖက်ရှင်ဒီဇိုင်းနာ #ပြင်သစ်ယဉ်ကျေးမှုဌာန #ဖက်ရှင်သင်တန်း
#tthl #Yangon_Times

Video>>

Breaking News

၁၀ အောက်တိုဘာ ၂၀၂၃

တပ်မတော်အနေနနှင့် မည်သည့် လက်နက်ကိုင်သောင်းကျန်းသူတွေရဲ့ ဌာနချုပ်ကိုမှ ပစ်ခတ်တိုက်ခိုက်ခဲ့တာတွေ မရှိခဲ့ဘူးလို့ သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက ပြောပါတယ်။ ကေအိုင်အေရဲ့ လိုင်ဇာ ဌာနချုပ်အတွင်း ပေါက်ကွဲမှုဖြစ်ပေါ်ခဲ့တဲ့သတင်းများနှင့်ပတ်သက်လို့ ဗိုလ်ချုပ်ဇော်မင်းထွန်းက သတင်းမီဒီယာများရဲ့အမေးကိုပြန်လည် ဖြေကြားခဲ့တာဖြစ်ပါတယ်။

#World_News
Published 10 October 2023

အစ္စရေးလ်ဘက်မှ သတိပေးချက် မထုတ်ပြန်ဘဲ ပါလက်စ်တိုင်းအိမ်တွေကို တစ်ခါဗုံးကျဲတိုင်း အစ္စရေးလ်အကျဥ်းသား တစ်ဦးချင်းစီကို ကွပ်မျက်သွားမယ်လို့ အစ္စလာမ်စစ်သွေးကြွ ဟားမတ်စ်အဖွဲ့က ခြိမ်းခြောက်လိုက်ပါတယ်။

အစ္စရေးလ်က မကြုံစဖူး အရန်တပ်ဖွဲ့ဝင် ၃ သိန်းခေါ်ယူလိုက်ကာ ဂါဇာကမ်းမြောင်မှာ ပိတ်ဆို့ထားလိုက်တာကြောင့် မြေပြင်တိုက်ခိုက်မှု စီစဥ်နေတာကို စိုးရိမ်လာရပါတယ်။

ဟားမတ်စ်ဘက်ကနေ ရက်စက်တဲ့ တိုက်ခိုက်မှု ပြုလုပ်ပြီးနောက် အကြမ်းဖက် တိုက်ခိုက်နေကြရာ လူပေါင်း ၁,၅၀၀ ကျော်သေဆုံးထားပြီး နိုင်ငံတကာမှ အစ္စရေးလ်ကို ထောက်ခံကြောင်း ကြေညာလာကြကာ တိုက်ခိုက်မှုများ အဆုံးသတ်ရေးနဲ့ အရပ်သားပြည်သူများကို ကာကွယ်ပေးဖို့ တောင်းဆိုလာကြပါတယ်။

ဟားမတ်စ်တို့ရဲ့ တိုက်ခိုက်မှုကြောင့် အစ္စရေးလ်ဘက်မှ သေဆုံးသူအရေအတွက် ၉၀၀ ကျော်ရှိလာကာ ဒဏ်ရာရသူ အနည်းဆုံး ၂,၆၀၀ ရှိပြီး လူဒါဇင်ခန့် ဖမ်းဆီးထိန်းသိမ်းခံထားရတယ်လို့ အစ္စရေးလ် တီဗီအစီအစဥ်တွေမှာ ဖော်ပြထားကြပါတယ်။

အစ္စရေးလ်ဝန်ကြီးချုပ် ဘင်ဂျမင်နေတန်ညာဟူက လက်စားချေမယ်လို့ မိန့်ခွန်းမှာကတိပြုလိုက်ပြီး ဟားမတ်စ်တွေဟာ ကလေးတွေကို ကြိုးတုပ်ပြီး သတ်ဖြတ်တာမျိုးတွေနဲ့ အခြားရက်စက်တာမျိုးတွေ ကျူးလွန်နေတယ်လို့ စွပ်စွဲလိုက်ကာ သူတို့ စစ်ပွဲဖြစ်ချင်တဲ့အတိုင်း ဖြစ်စေရမယ်လို့ ပြောကြားလိုက်ပါတယ်။

စနေနေ့ကတည်းက ပိတ်ဆို့ထားတဲ့ နယ်မြေကို အစ္စရေးလ်ဘက်မှ လေကြောင်းတိုက်ခိုက်မှုများ ပြုလုပ်ခဲ့ရာ ပါလက်စ်တိုင်း ၆၈၇ ဦး အနည်းဆုံးသေဆုံးပြီး ၃,၇၂၆ ဦးဒဏ်ရာရရှိခဲ့တယ်လို့ ဂါဇာကျန်းမာရေး ဝန်ကြီးဌာနက ပြောကြားခဲ့ပါတယ်။

တိုက်ခိုက်ခံခဲ့ရတဲ့ နေရာတွေထဲမှာ တိုက်ခန်းများ၊ ဗလီကျောင်းတစ်ကျောင်း၊ ဆေးရုံများ ပါဝင်ခဲ့ပြီး လမ်းနဲ့ အိမ်အချို့ ပျက်စီးသွားခဲ့တယ်လို့ မျက်မြင်သက်သေများနဲ့ ဒေသတွင်းမီဒီယာများက ပြောပြထားပါတယ်။

ပါလက်စ်တိုင်း ပုဂ္ဂလိကဆက်သွယ်ရေးလုပ်ငန်းရဲ့ ရုံးချုပ်များကို အစ္စရေးလ်တို့ တိုက်ခိုက်ခဲ့ရာ တယ်လီဖုန်းလိုင်းများ၊ အင်တာနက်လိုင်းများ၊ မိုဘိုင်းဖုန်းဝန်ဆောင်မှုများ ထိခိုက်ခဲ့ပါတယ်။

အစ္စရေးလ်စစ်တပ်က ဂါဇာကမ်းမြောင်ရှိ ပစ်မှတ်များကို ပင်လယ်နဲ့ လေထဲကနေ တိုက်ခိုက်နိုင်ခဲ့ကာ ဂါဇာကမ်းရိုးတန်းရှိ အစ္စလာမ်ဂျီဟဒ်နဲ့ ဟားမတ်စ်တို့ ပိုင်ဆိုင်တဲ့ လက်နက်တိုက်တစ်ခုလည်း ထိမှန်ခဲ့ကြောင်း ပြောကြားလာပါတယ်။

ဓားစာခံများ သတ်ပစ်မယ်လို့ ခြိမ်းခြောက်လာတာကို အစ္စရေးလ်စစ်တပ်ဘက်မှ တုန့်ပြန်ဖြေကြားခြင်း မရှိသေးပါဘူး။

သီတင်းပတ်အကုန်တုန်းက နယ်စပ်ဖြတ်ကျော် ကျူးကျော်တိုက်ခိုက်စဥ် ဟားမတ်စ်တို့က လူပေါင်းတစ်ရာကျော်ကို ဖမ်းဆီးခေါ်ဆောင်သွားတယ်လို့ အစ္စရေးလ် နိုင်ငံခြားရေးဝန်ကြီး အယ်လီကိုဟင်က ပြောကြားလိုက်ပါတယ်။

လူပေါင်း ၁၃၇,၀၀၀ ခန့်ဟာ ကုလသမဂ္ဂအေဂျင်စီ UNRWA ထံမှာ ခိုလှုံနေကြကာ ပါလက်စ်တိုင်းတို့အတွက် မရှိမဖြစ်လိုအပ်တဲ့ ဝန်ဆောင်မှုတွေ ထောက်ပံ့ပေးနေကြောင်း ကုလထွေချုပ် အန်တိုနီယိုဂူတာရက်စ်က ပြောကြားလိုက်ပါတယ်။

ဗြိတိန်၊ ပြင်သစ်၊ ဂျာမနီ၊ အီတလီ၊ အမေရိကန်အစိုးရတို့က အစ္စရေးလ်တို့ဘာသာ ကာကွယ်နိုင်ရေးအတွက် စည်းလုံးပူးပေါင်းရပ်တည်သွားမယ်လို့ ထုတ်ပြန်ခဲ့ကြပါတယ်။

#World_News #ပါလက်စ်တိုင်း #အစ္စရေးလ် #Source: Reuters #Yangon_Times

Published 10 October 2023

ဂန္တဝင်ဂီတကို အဖွဲ့လိုက်နားဆင်ခြင်းဖြင့် ခန္ဓာကိုယ်တလျှောက် တေးသွားများပျံ့နှံ့ကာ နှလုံးခုန်နှုန်း၊ အသက်ရှူခြင်းတို့ကို သက်ရောက်စေကာ အရေပြားမှာ ကြက်သီးမွေးညင်းထတဲ့အထိ ခံစားရနိုင်တယ်ဆိုတဲ့ အထောက်အထားမျိုး တွေ့ရှိထားကြောင်း လေ့လာချက်တစ်ခုမှာ ဖော်ပြထားပါတယ်။

စိတ်ခံစားချက်အတိုင်း လိုက်လံလှုပ်ရှားတဲ့ အချိန်မှာ ခန္ဓာကိုယ်တေးသွားလှုပ်ရှားမှုက မြင့်တက်လာပြီး ဂီတထဲမှာ မျောပါသွားတယ်လို့ ဆွစ်ဇာလန် ဘန်းတက္ကသိုလ်မှ သုတေသနအဖွဲ့က မှတ်ချက်ပြုလိုက်ပါတယ်။

အနုပညာနဲ့ ဂီတကို တုန့်ပြန်တဲ့နေရာမှာ ခန္ဓာကိုယ်က အမြဲတမ်းပါဝင်နေတယ်လို့ ဦးဆောင်သုတေသီ ဝုဖ်ဂန်းရှာချာက ပြောကြားသွားပါတယ်။

စမ်းသပ်မှုထဲမှာ အလင်းမှိန်တဲ့အပြင် ကိုဗစ်စည်းမျဥ်းအတိုင်း ခွာခြားထိုင်ကြပေမယ့် လာရောက်နားဆင်ကြသူတွေဟာ တစ်ယောက်နဲ့ တစ်ယောက် စည်းချက်ညီစွာ လှုပ်ရှားကြပြီး နှလုံးခုန်နှုန်းတွေကလည်း စည်းချက်ညီကြတာကို တွေ့ရှိခဲ့ကြပါတယ်။

တွေ့ကြုံခံစားမှုအသစ်တွေကို လိုလားသူတွေဟာ ဒီလိုမျိုး အများဆုံးခံစားကြရပါတယ်။

အခြားဂီတအမျိုးအစားတွေဆိုရင် အဆိုပါခံစားမှုမျိုးက ဒီထက်ပိုပြီး သက်ရောက်နိုင်တယ်လို့ ရှာချာက ခန့်မှန်းလိုက်ပါတယ်။

ပေါ့ပ်ဂီတပွဲတွေမှာ လူတွေ စည်းချက်ညီ လှုပ်ရှားကြတာတွေ၊ ကကြတာတွေက ဂီတကြောင့်ဖြစ်ပြီး ပိုမိုထင်ရှားတဲ့ လက်တွေ့ဖြစ်ရပ်တွေ ဖြစ်ပါတယ်။
Source: New York Post
#World_Health
#YMG #Yangon_Times #Yangon_Media_Group

Published 10 October 2023

အသားမစားတဲ့ စားသောက်မှုပုံစံက စိတ်ဆန္ဒတစ်ခုတည်းနဲ့ လုပ်ယူလို့မရပါဘူး။

သက်သက်လွတ်စားခြင်းနဲ့ ဆက်စပ်နေတဲ့ မျိုးရိုးဗီဇ ၄ ခုရှိတယ်လို့ PLOS One မှာ ဖော်ပြထားပါတယ်။

ချုပ်ပြီးပြောရရင် သက်သက်လွတ်စားခြင်းက မျိုးရိုးဗီဇနဲ့ များစွာသက်ဆိုင်နေတယ်လို့ ဦးဆောင်စာတမ်းပြုစုသူ ဒေါက်တာ နာဘီလ်ယာဆင်က ပြောပြခဲ့ပါတယ်။

ဘာသာရေးနဲ့ ယဥ်ကျေးမှု ထုံးတမ်းအစဥ်အလာများအပြင် သက်ရှည်ကျန်းမာရေး၊ ပတ်ဝန်းကျင် အခြေအနေတို့ကြောင့် အသားလျှော့စားဖို့ ဖြစ်လာကြရပါတယ်။

သက်သက်လွတ် စားဖြစ်ကြသူတွေရဲ့ မျိုးရိုးဗီဇ အချက်အလက် အတိအကျကိုတော့ ရှာမတွေ့ခဲ့ပေမယ့် အနာဂတ်မှာတော့ စူးစမ်းလေ့လာသွားမှာဖြစ်တယ်လို့ ဆိုပါတယ်။

ယမန်နှစ်တစ်နှစ်လုံး အသားထုတ်ကုန်ပစ္စည်းများ မစားခဲ့တဲ့ လူ ၅ ထောင်နဲ့ အသားစားသူ ၃ သိန်းကို နှိုင်းယှဥ်ခဲ့ကြပါတယ်။

ထိုအခါမှာ သက်သက်လွတ်စားခြင်းနဲ့ ဆက်စပ်နေတဲ့ မျိုးရိုးဗီဇ ၃ မျိုးကို တွေ့ရှိခဲ့ပြီး ဆက်စပ်နိုင်ချေရှိတဲ့ နောက်ထပ် ၃၁ မျိုးကိုလည်း တွေ့ရှိခဲ့ပါတယ်။

သက်သက်လွတ်သမားတွေရဲ့ အဆိုပါမျိုးရိုးဗီဇတွေဟာ အသားစားသူတွေနဲ့ ယှဥ်ရင် ကွဲလွဲချက်တွေ ရှိနေပါတယ်။

ဒါတွေဟာ လူတစ်ဦးချင်းစီမှ အဆီများကို ချေဖျက်ပုံ မတူညီတာကြောင့် ဖြစ်နိုင်ပါတယ်။

ဟင်းသီးဟင်းရွက်တွေနဲ့ အသားတွေက အဆီဖွဲ့စည်းပုံချင်း မတူညီတာကြောင့် အချို့လူတွေမှာ အသားမှရရှိတဲ့ အဆီတွေကို မျိုးရိုးဗီဇအရ လိုအပ်တာ ဖြစ်ပါတယ်။

အဆီချေဖျက်ခြင်းရဲ့ မျိုးရိုးဗီဇကွဲလွဲမှုများ၊ ဦးနှောက်အပေါ် သက်ရောက်ပုံတို့နဲ့ ဆက်စပ်နေကာ နောက်ထပ်လေ့လာမှုတွေ ပြုလုပ်ဖို့ လိုအပ်နေပါတယ်။
Source: India Today
#World_Health
#YMG #Yangon_Times #Yangon_Media_Group