မလေးရှားသို့အတည်ပြုချက်ရရှိပြီးသားရွှေ့ပြောင်းအလုပ်သမားတစ်ရက်ကို ၁၀၀ကျော်မှ ၂၀၀ ခန့်အထိ ဆက်လက်စေလွှတ်နေ၊‌ အလုပ်ခေါ်စာအသစ်များလာမည့်နှစ်မှ ပိုမိုရရှိမည်

Published_ 11 October 2023
#Local_News
#တရားဝင်အေဂျင်စီ #ရွှေ့ပြောင်းအလုပ်သမား #အလုပ်ခေါ်စာအသစ်
#YMG/NN #Yangon_Times

‘သီတင်းကျွတ်အဖိတ်နေ့ အောက်တိုဘာလ(၂၈)ရက်ညနေပိုင်းမှာ ရွှေတိဂုံစေတီတော်ကြီးကို မီးစေတီနဲ့ပူဇော်သွားမှာဖြစ်ပြီး ဆီမီး(၁၀၀၀၀)ထွန်းညှိပူဇော်တာတွေ ဆောင်ရွက်သွားမယ်၊ သီတင်းကျွတ်လပြည့်နေ့မနက်ပိုင်းမှာ အဘိဓမ္မာအခါတော်နေ့အခမ်းအနား ကျင်းပသွားမှာဖြစ်ပါတယ်’ ရွှေတိဂုံစေတီတော်ဂေါပကအဖွဲ့ဝင်ဦးဘိုးသင်း

Published_ 11 October 2023
#Local_News
#ရွှေတိဂုံစေတီ #ဆီမီး(၁၀၀၀၀)ပူဇော်ပွဲ
#tthl #Yangon_Times

#Local_News
Published 11 October 2023

အနည်းဆုံးအခကြေးငွေ ၄၈၀၀ ကျပ်အပြင် အပိုထောက်ပံငွေ ၁၀၀၀ ကျပ်ကို အလုပ်သမား၁၀ဦးနှင့် အထက်ရှိသည့် လုပ်ငန်းများတွင် လုပ်ကိုင်နေသော အလုပ်သမားများ အားလုံး အကျိုးခံစားခွင့်ရရှိမှာဖြစ်ကြောင်း အလုပ်သမားဝန်ကြီးဌာနမှ သိရသည်။

အလုပ်သမားဝန်ကြီးဌာန၏ အောက်တိုဘာ ၅ရက် ထုတ်ပြန်ချက်မှာ တစ်ရက်အလုပ်ချိန် ၈နာရီ အတွက် အနည်းဆုံးအခကြေးငွေ ၄၈၀၀ကျပ် အပြင် အပိုထောက်ပံကြေး ၁၀၀၀ကျပ်ကို CMP လက်ခစားစနစ်နဲ့ လုပ်ကိုင်နေသည့် လုပ်ငန်းများမှ အလုပ်သမားများသာ ရရှိမှာဖြစ်ကြောင်း ထုတ်ပြန်ခဲ့ပေမယ့် အောက်တိုဘာ ၉ရက်တွင် အလုပ်သမား ၁၀ဦးနှင့် အထက်ရှိသည့်လုပ်ငန်းများတွင် လုပ်ကိုင်နေသည့် အလုပ်သမားများ ပါရရှိမှာဖြစ်ကြောင်း ထပ်မံထုတ်ပြန်ကြေညာခဲ့သည်။

''၄၈၀၀ကျပ်အပြင် ထောက်ပံကြေး ၁၀၀၀ ကျပ်ကို ပထမ CMP အလုပ်ရုံက အလုပ်သမားတွေပဲ ရပေမယ့် အခုတစ်နိုင်ငံလုံးမှာရှိတဲ့ အလုပ်သမား၁၀ဦးနဲ့ အထက်ရှိတဲ့ အလုပ်သမား ၁၀ဦးနဲ့ အထက်ရှိလုပ်ငန်းအားလုံးက လုပ်သားတွေရမှာပါ''ဟု အလုပ်သမားဝန်ကြီးဌာနမှ တာဝန်ရှိသူက ပြောသည်။

တစ်ရက်အလုပ်ချိန် ၈နာရီအတွက် အနည်းဆုံးအခကြေးငွေ ၄၈၀၀ကျပ်အပြင် အပိုထောက်ပံ့ကြေး ၁၀၀၀ကျပ် ပါရရှိမှာဖြစ်လို့ အလုပ်သမားတစ်ဦး၏ တစ်ရက်အနည်းဆုံးရရှိငွေမှာ ၅၈၀၀ ကျပ်ရရှိရမည်ဖြစ်ကြောင်း သိရသည်။

''အစိုးရ ဝန်ထမ်းတွေက လခစားဖြစ်တဲ့အတွက် တစ်လကိုထောက်ပံငွေကျပ် ၃သောင်းရတယ်၊ပုဂ္ဂလိကလုပ်ငန်းကျတော့ နေ့စားလရှင်းများတဲ့အတွက် အလုပ်ဆင်းရတဲ့ ၂၆ ရက်အတွက်ပဲရမယ်၊ အခုက အနည်းဆုံးအခကြေးငွေ တိုးတာမဟုတ်ဘူး အပိုထောက်ပံကြေးဖြစ်တဲ့အတွက် အချိန်ပိုအတွက်တွက်တာကိုတော့ ၄၈၀၀ ကျပ်နဲ့ တွက်ပြီးရမှာဖြစ်တယ်''ဟု အလုပ်သမားဝန်ကြီးဌာနမှ တာဝန်ရှိသူက ဆက်လက်ပြောကြားသည်။

အဆိုပါ အပိုထောက်ပံကြေး ၁၀၀၀ ကျပ်ကို ယခုလအောက်တိုဘာ ၁ရက်ကစပြီး အလုပ်သမား၁၀ဦးနှင့် အထက်ရှိ လုပ်ငန်းများမှ အလုပ်သမားများရရှိမှာဖြစ်ပြီး အလုပ်သမား ၁၀ဦးအောက်ရှိ မိသားစုလုပ်ငန်းများ မပါဝင်ကြောင်း သိရသည်။

#Local_News #အနည်းဆုံးအခကြေးငွေ #အပိုထောက်ပံငွေ ၁၀၀၀ ကျပ်
#YMG/ LW #Yangon_Times

#Local_News
Published-11 October 2023

မလေးရှားနိုင်ငံတွင် အလုပ်လုပ်ကိုင်သူ မြန်မာလုပ်သားများအနေဖြင့် ဝန်ထမ်းထောက်ပံ့ရေးစုဆောင်းငွေများ(EPFထည့်ဝင်ငွေများ)ကိုပြန်လည်ထုတ်ယူနိုင်ကြောင်းကွာလာလမ်ပူမြို့ရှိ မြန်မာသံရုံးမှ အသိပေးထုတ်ပြန်ထားသည်။

ယင်းထုတ်ပြန်ချက်၌ မလေးရှားနိုင်ငံတွင် အလုပ်လုပ်ကိုင်လျက်ရှိသည့် မြန်မာနိုင်ငံသား အလုပ်သမားများသည် မလေးရှားနိုင်ငံ၏ ၁၉၉၁ ခုနှစ်၊ ဝန်ထမ်းထောက်ပံ့ရေး စုဆောင်းငွေ အက်ဥပဒေအရ EPF စုငွေများကို ထည့်ဝင်၍ စုဆောင်းခဲ့ကြပြီးအဆိုပါ စုဆောင်းငွေထည့်သွင်းခဲ့ကြသည့် မြန်မာနိုင်ငံသားများသည် ၎င်းတို့၏ စုငွေများကို ထုတ်ယူခြင်းမရှိဘဲ မြန်မာနိုင်ငံသို့ ပြန်လည်ထွက်ခွာခဲ့ကြကြောင်း သိရသည်။

ယင်းကြောင့် EPF အနေဖြင့် (၃)နှစ်ဆက်တိုက် စုဆောင်းငွေထည့်သွင်းခြင်းမရှိသည့် အဖွဲ့ဝင်များ၏ စုငွေများကို Unclaimed Money Management Division (BWTD)ဌာနသို့ လွှဲပြောင်းသွားမည်ဖြစ်ကြောင်း သိရသည်။

EPF စုဆောင်းငွေထည့်သွင်းထားသည့် မြန်မာနိုင်ငံသားများသည် မိမိနိုင်ငံသို့ ပြန်လည်မထွက်ခွာမီ စုဆောင်းငွေများအား ပြန်လည်ထုတ်ယူနိုင်ကြောင်းနှင့် EPF စုဆောင်းငွေထည့်သွင်းထားရှိခဲ့ပြီး စုဆောင်းငွေများအား ထုတ်ယူသွားခြင်းမရှိဘဲ မြန်မာနိုင်ငံသို့ ပြန်လည်ရောက်ရှိနေသူများသည် EPF သို့မဟုတ် BWTD သို့ လိုအပ်သည့် စာရွက်စာတမ်းများကိုတင်ပြ၍ ပြန်လည်ထုတ်ယူနိုင်ကြောင်း သိရသည်။

EPF စုဆောင်းငွေများ ထည့်သွင်းထားသည့် မြန်မာနိုင်ငံသားများအနေဖြင့် စုဆောင်းငွေများနှင့်ပတ်သက်၍ သိရှိလိုပါက EPF ၏ Website ဖြစ်သည့် www.kwsp.gov.my သို့ ဝင်ရောက်ကြည့်ရှုနိုင်ကြောင်းလည်း သံရုံးကထုတ်ပြန်ထားသည်။

#Local_News #မလေးရှားနိုင်ငံ #မြန်မာလုပ်သားများ #ဝန်ထမ်းထောက်ပံ့ရေး
#Yangon_Times/PP

#Local_News
Published_ 11 October 2023

နေရပ်ပြန်လိုသည့် ခက်ခဲနေသည့် အစ္စရေးနိုင်ငံရောက် မြန်မာနိုင်ငံသားများကို ဆက်သွယ်ကူညီပေးခြင်းအပြင် ကယ်ဆယ်ရေးလေယာဉ်Rescue Flightများစီစဉ်ပေးပြီး ပြန်လည်ခေါ်ဆောင်ပေးရန်အစီအစဉ်ရှိကြောင်း အစ္စရေးနိုင်ငံ၊ တဲလ်အဗီးမြို့အခြေစိုက်၊ မြန်မာသံရုံး၏ထုတ်ပြန်ချက်အရသိရသည်။

ထုတ်ပြန်ချက်တွင် မြန်မာသံရုံး၊ တဲလ်အဗီးမြို့အနေဖြင့် နေရပ်ပြန်လိုသူများနှင့် အခက်အခဲကြုံတွေ့နေရသော မြန်မာနိုင်ငံသားများရှိပါက သံရုံးသို့ ဆက်သွယ်အကူအညီတောင်းခံနိုင်ကြောင်း အသိပေးထားပြီးဖြစ်ကြောင်း၊

လက်ရှိအခြေအနေ၌ အစ္စရေးနိုင်ငံတွင် Commercial Flightအချို့ရပ်နားထားမှုများရှိနေသော်လည်း အခက်အခဲ ကြုံတွေ့နေသူ၊နေရပ်ပြန်လိုသူမြန်မာနိုင်ငံသားများရှိပါက မြန်မာသံရုံးအနေဖြင့် သက်ဆိုင်ရာနိုင်ငံ တာဝန်ရှိသူ များနှင့် ညှိနှိုင်းဆောင်ရွက်ပေးသွားမည်ဖြစ်ပြီး လိုအပ်ချက်များရှိလာခဲ့လျှင် မိမိတို့နိုင်ငံ အစီအစဉ်ဖြင့် Rescue Flightစီစဉ်ပေးနိုင်ရေး ဆောင်ရွက်သွားမည်ဖြစ်၍ မြန်မာသံရုံး၊ တဲလ်အဗီးသို့ ဆက်သွယ်နိုင်ကြောင်း ထပ်မံ အသိပေးထားသည် ဟုဖော်ပြပါရှိသည်။

#Local_News #အစ္စရေးရောက်မြန်မာနိုင်ငံသားများ #လေယာဉ်ဖြင့်ပြန်ခေါ်မည်
#tthl #Yangon_Times

#World_Science
Published 11 October 2023

အခြေခံအရသာ ၅ မျိုးထဲက ချို ချဥ် ငန် ဖန် အူမာမီတို့အပြင် ၆ ခုမြောက်အဖြစ် အမိုနီယမ်ကလိုရိုက်ကို သုတေသီများ ထပ်ပြီးတွေ့ရှိထားပါတယ်။

စကန်ဒီနေဗီယန် သကြားလုံးတွေမှာ ပါဝင်တဲ့ ဒီလိုအရသာမျိုးကို အာရုံခံနိုင်တဲ့ လျှာရဲ့စွမ်းရည်အကြောင်း သုတေသီများ လေ့လာဖော်ထုတ်ခဲ့ကြပါတယ်။

စကန်ဒီနေဗီယန် နိုင်ငံတွေမှ လူတွေကတော့ ဒီအရသာကို လက်ခံပြီးသား ဖြစ်နေလောက်ပြီလို့ ကယ်လီဖိုးနီးယား တောင်ပိုင်းတက္ကသိုလ်မှ အာရုံကြော သိပ္ပံပညာရှင် အမ်မီလီလိုင်မန်က ပြောပြခဲ့ပါတယ်။

လျှာက အမိုနီယမ်ကလိုရိုက်ကို သိရှိပေမယ့် သက်ဆိုင်တဲ့ ပရိုတိန်းရီဆပ်တာတွေကတော့ လေ့လာဆဲဖြစ်ပါတယ်။

အချဥ်အရသာကို သိရှိတဲ့ OTOP1 ပရိုတိန်းကိုတော့ ယခင်က လေ့လာဖူးကြပါတယ်။

အက်ဆစ်ပါတဲ့ အချဥ်စားစရာတွေနဲ့ ထိတွေ့တဲ့အခါ ဟိုက်ဒရိုဂျင်အိုင်းယွန်းတွေအတွက် လမ်းကြောင်းအဖြစ် ဆောင်ရွက်ပေးပါတယ်။

အမိုနီယမ်ကလိုရိုက်ကလည်း ဟိုက်ဒရိုဂျင်အိုင်းယွန်း ပမာဏအပေါ် သက်ရောက်တဲ့အတွက် OTOP1 ကို လှုံ့ဆော်ပေးတယ်လို့ ကောက်ချက်ချထားပါတယ်။

သိပ္ပံပညာရှင်များက OTOP1 ရီဆပ်တာနဲ့ သက်ဆိုင်တဲ့ မျိုးရိုးဗီဇကို ဓာတ်ခွဲခန်းထုတ် လူသားဆဲလ်တွေနဲ့ ထိတွေ့စေကာ ထုတ်လုပ်စေခဲ့ပါတယ်။

ထိုဆဲလ်တွေကို အက်ဆစ် ဒါမှဟုတ် အမိုနီယမ်ကလိုရိုက်နဲ့ ထိတွေ့စေပြီး တုန့်ပြန်မှုတွေကို တိုင်းတာခဲ့ပါတယ်။

ထိုအခါမှာ အမိုနီယမ်ကလိုရိုက်က အက်ဆစ်ထက် OTOP1 လမ်းကြောင်းတွေကို ပိုပြီးလှုံ့ဆော်ပေးကြောင်း တွေ့ရှိခဲ့ကြပါတယ်။

ကြွက်တွေရဲ့ အရသာခံဖုဆဲလ်တွေဟာ အမိုနီယမ်ကလိုရိုက်ကို ပိုမိုတုန့်ပြန်ပြီး OTOP1 မရှိတဲ့ဆဲလ်တွေက ထိုကဲ့သို့ တုန့်ပြန်မှုမျိုး မတွေ့ရပါဘူး။

အမိုနီယမ်ကလိုရိုက်ကို အရသာခံလာနိုင်တာဟာ အမိုနီယမ်များပြားတဲ့ စားစရာတွေ မစားမိစေရန် ပြောင်းလဲလာတာ ဖြစ်နိုင်ကြောင်း ယူဆနိုင်ပါတယ်။

#World_Science #လျှာမှအာရုံခံသိရှိနိုင် #ဆဌမမြောက်အရသာ #သိပ္ပံပညာရှင်များရှာဖွေတွေ့ရှိ #Source: WION

#World_News
Published 11 October 2023

ပါလက်စ်တိုင်း စစ်သွေးကြွ ဟားမတ်စ်အဖွဲ့ရဲ့ တိုက်ခိုက်မှုကို ဒီထက်ပိုပြီး တုန့်ပြန်တဲ့အနေနဲ့ မြေပြင်ထိုးစစ်ဆင်မှုများ ပြုလုပ်သွားမယ်လို့ အစ္စရေးလ်က အခိုင်အမာဆိုလိုက်ပါတယ်။

အမေရိကန်သမ္မတ ဂျိုးဘိုင်ဒင်က အစ္စရေးလ်ကို ထောက်ပံ့သွားမယ်လို့ ကတိပြုလိုက်ကာ ယခုဖြစ်ရပ် အခြေအနေကို အခွင့်ကောင်းယူရန် ကြံစည်နေတဲ့သူမှန်သမျှကို သတိပေးလိုက်ပါတယ်။

ဟားမတ်စ်တို့ နေထိုင်အခြေချခဲ့တဲ့ ဂါဇာမြို့နေရာတဝိုက်မှာ အစ္စရေးလ် တိုက်လေယာဥ်ဒါဇင်ခန့်က ပစ်မှတ်ပေါင်း ၂၀၀ ကျော်ကို ညတွင်းချင်း တိုက်ခိုက်ခဲ့တယ်လို့ အစ္စရေးလ်စစ်တပ်က ပြောကြားလိုက်ပါတယ်။

ထိုဒေသအတွင်း အနည်းဆုံး လူ ၉၀၀ သေဆုံးထားကာ ၄,၆၀၀ ခန့် ဒဏ်ရာရရှိထားကြောင်း ဂါဇာကျန်းမာရေး ဝန်ကြီးဌာနက ပြောပြလိုက်ပါတယ်။

စနေနေ့က ဂါဇာကမ်းမြောင်မှ ဟားမတ်စ်သေနတ်ကိုင်တွေဟာ အစ္စရေးလ်တောင်ပိုင်းနေရာများကို ဝင်ရောက်သောင်းကျန်းခဲ့ပြီး အစ္စရေးလ်သမိုင်းတလျှောက် ပါလက်စ်တိုင်း စစ်သွေးကြွများမှ ကျူးလွန်တဲ့ အပျက်အစီးအများဆုံး တိုက်ခိုက်မှု ဖြစ်ခဲ့ပါတယ်။

ယခုသီတင်းပတ်အကုန်မှာ သေဆုံးသူအရေအတွက် ၁,၂၀၀ ရှိသွားပြီလို့ အစ္စရေးလ်ရုပ်သံ Kan မှ ဖော်ပြခဲ့ပါတယ်။

တိုက်ခိုက်ခံရသူ အများစုက အရပ်သားတွေဖြစ်ပြီး အိမ်တွေ လမ်းတွေ ပါတီပွဲတွေမှာ ပစ်သတ်ခံရတာ ဖြစ်ပါတယ်။

အစ္စရေးလ်လူမျိုး အများအပြားနဲ့ နိုင်ငံခြားသားအချို့ကိုလည်း ဖမ်းဆီးသွားပြီး ဂါဇာသို့ ဓားစာခံများအဖြစ် ခေါ်ဆောင်သွားပါတယ်။

ဂါဇာရှိအိမ်များကို သတိပေးခြင်းမပြုဘဲ တိုက်ခိုက်တိုင်း ဖမ်းဆီးထားတဲ့ ဓားစာခံများကို သတ်ပစ်မယ်လို့ ဟားမတ်စ်စစ်သွေးကြွတွေက တနင်္လာနေ့မှာ ခြိမ်းခြောက်ထားပေမယ့် အင်္ဂါနေ့ညအထိ ဒီလိုအရိပ်အယောင် မတွေ့ရပါဘူး။

အစ္စရေးလ်ကာကွယ်ရေးဝန်ကြီး ယို့ဗ်ဂဲလန့်က ‘’ကျုပ်တို့ လေကြောင်းကနေ စတင်တိုက်ခိုက်ခဲ့ပါတယ်။ ဒီနောက် မြေပြင်ကနေလည်း တိုက်ခိုက်သွားဦးမှာပါ။ ဒုတိယနေ့ကတည်းက ထိုနေရာကို ထိန်းချုပ်ထားနိုင်ပြီဖြစ်ပြီး ထိုးစစ်ဆင်မှုက ဒီထက်ပိုပြီး ပြင်းထန်လာဖို့ပဲ ရှိပါတယ်’’ လို့ ပြောကြားသွားပါတယ်။

အစ္စရေးလ်တွေဟာ ဂါဇာမှာ ၃၈ နှစ်ကြာ သိမ်းပိုက်ထားပြီးနောက် ၂၀၀၅ ခုနှစ်မှာ တပ်ဆုတ်ခွာခဲ့ပါတယ်။

ထိုနေရာမှာပဲ ၂၀၀၇ ခုနှစ်မှာ ဟားမတ်စ်တို့ အုပ်စိုးစဥ်ကတည်းက ပိတ်ဆို့ထားခဲ့တာ ဖြစ်ပါတယ်။

အစ္စရေးလ် မြောက်ပိုင်းနယ်စပ်မှာလည်း လက်ဘနွန်တောင်ပိုင်းကနေ ဒုံးကျည်များ ပစ်ခတ်နေခဲ့ရာ အစ္စရေးလ်ဘက်မှ ပြန်လည်ပစ်ခတ်ခဲ့တယ်လို့ လုံခြုံရေး သတင်းရင်းမြစ် ၃ ဦးထံမှ သိရှိရပါတယ်။

ဘိုင်ဒင်က ဟားမတ်စ်တို့ရဲ့ လုပ်ရပ်ဟာ အလွန်ဆိုးရွားကြောင်း၊ အစ္စရေးလ်အတွက် နောက်ထပ် စစ်ရေးထောက်ပံ့မှုများ အလျင်အမြန် လုပ်ဆောင်နေကြောင်း အိမ်ဖြူတော်ကနေ ပြောကြားလိုက်ကာ စစ်ပွဲဥပဒေဘောင်အတွင်းကနေသာ တုန့်ပြန်ဆောင်ရွက်သွားရန် အစ္စရေးလ်ကို တောင်းဆိုလိုက်ပါတယ်။

အီရန်ဘက်က ဟားမတ်စ်တို့ကို ကာလကြာရှည်စွာ ထောက်ပံ့နေတာကို ထောက်ပြချင်ပေမယ့် အဆိုပါ တိုက်ခိုက်အကြမ်းဖက်မှုကို အီရန်က ကြိုးကိုင်တယ်ဆိုတဲ့ အထောက်အထားတော့ အမေရိကန်အရာရှိတွေ မတွေ့ရှိထားပါဘူး။

#World_News #မြေပြင်ထိုးစစ်ဆင်ရန် #အစ္စရေးလ်ပြင်ဆင်နေ
#Source: Reuters

#World_Health
Published 11 October 2023

မိမိအားမသန်တဲ့လက်ဖြင့် စားသောက်ခြင်းက ကိုယ်အလေးချိန်လျော့ကျရာမှာ အထောက်အကူ ဖြစ်စေနိုင်ဖွယ်ရှိတယ်လို့ အံ့အားသင့်ဖွယ် တွေ့ရှိထားပါတယ်။

ဒီလိုပုံစံမျိုး စားသုံးခြင်းဖြင့် အနည်းငယ်သာ စားဖြစ်တော့တယ်လို့ ဟာ့တ်ဖို့ဒ်ရှိုင်းယားတက္ကသိုလ်မှာ ပညာသင်ကြားနေတဲ့ ပရော်ဖက်ဆာ ရစ်ချတ်ဝိုက်စ်မန်းက ပြောကြားခဲ့ပါတယ်။

အားမသန်တဲ့လက်နဲ့ စားသုံးခြင်းဖြင့် စိတ်နဲ့ကိုယ်နဲ့ စည်းချက်ညီလှုပ်ရှားနိုင်အောင် ကြိုးပမ်းနေရကာ အချိန်ပိုကြာစေတာကြောင့် အစားနည်းသွားစေတာ ဖြစ်တယ်လို့ ပြောပြခဲ့ပါတယ်။

ဒီနည်းလမ်းက ရိုးရှင်းပေမယ့် အလွန်ထိရောက်ကာ အစားနည်းနည်းပဲ စားဖြစ်စေကြောင်း ဆိုသွားပါသေးတယ်။

၁၉၉၈ ခုနှစ်မှာ ဘုရှ်မန်းက လူတွေကို မှန်တစ်ချပ်ရှေ့မှာ စားသုံးခိုင်းပြီး သုတေသန ပြုလုပ်ခဲ့ပါတယ်။

ထိုအခါမှာ ထိုလူတွေဟာ အဆီများတဲ့ စားစရာတွေကို အနည်းငယ်သာ စားသုံးဖြစ်ခဲ့တယ်လို့ တွေ့ရှိခဲ့ပါတယ်။

လူတွေက သူတို့ကိုယ်သူတို့ မြင်တွေ့နေရကာ ပိုပြီးတော့ သတိကပ်လာပြီး ကျန်းမာရေးနဲ့ ညီညွတ်တဲ့ စားစရာတွေ ပိုစားဖြစ်တယ်လို့ ရှင်းပြခဲ့ပါတယ်။

စားသောက်တဲ့အခါ သတိကပ်ပြီး စားသုံးခြင်းဖြင့် ကိုယ်အလေးချိန် လျှော့ချချင်တဲ့သူတွေမှာ အထောက်အကူ ဖြစ်စေနိုင်မှာ ဖြစ်ပါတယ်။

အမေရိကန်ပြည်နယ် ၂၂ ခုမှ လူပေါင်း ၃၅ ရာခိုင်နှုန်းခန့်ဟာ အဝလွန်နေတယ်လို့ ရောဂါထိန်းချုပ်ကာကွယ်ရေးစင်တာမှ ထုတ်ပြန်ထားပါတယ်။

#World_Health #မိမိအားမသန်သည့်လက် #ကိုယ်အလေးချိန်လျှော့ချ #ပညာရှင်တစ်ဦးအကြံပေး #Source: New York Post

၁၀ အောက်တိုဘာ ၂၀၂၃

ဒုတိယဗိုလ်ချုပ်ကြီ(ဟောင်း)မိုးမြင့်ထွန်းနှင့် ဗိုလ်မှူးချုပ်(ဟောင်း) ရန်နောင်စိုးတို့ကို  စစ်တရားရုံးက နှစ်(၂၀)နှင့် ညီမျှသော တစ်သက်တစ်ကျွန်းပြစ်ဒဏ်တွေချမှတ်ခဲ့တယ်လို့ အောက်တိုဘာ ၁၀ရက်နေ့တွင် နစကသတင်းထုတ်ပြန်ရေးအဖွဲ့က သတင်း ထုတ်ပြန်ပါတယ်။

ဒုတိယဗိုလ်ချုပ်ကြီး(ဟောင်း)မိုးမြင့်ထွန်းသည်နိုင်ငံတော်စီမံအုပ်ချုပ်ရေးကောင်စီအဖွဲ့ဝင်၊မြန်မာနိုင်ငံရင်းနှီးမြှုပ်နှံမှုကော်မရှင်ဥက္ကဋ္ဌ၊နိုင်ငံခြားသုံးငွေကြီးကြပ်ရေးကော်မတီဥက္ကဋ္ဌ၊ကုန်သွယ်မှုနှင့်ကုန်စည်စီးဆင်းမှုများ မှန်ကန်မြန်ဆန်ရေးဗဟိုကော်မတီ ဥက္ကဋ္ဌ တာဝန်များကိုထမ်းဆောင်စဉ်အတွင်း နိုင်ငံတော်၏ နိုင်ငံခြားသုံးငွေဆိုင်ရာ မူဝါဒ၊ အရေးကြီး ကုန်စည်ဆိုင်ရာမူဝါဒနှင့် အခြားစီးပွားရေးဆိုင်ရာ မူဝါဒများနှင့် ဆန့်ကျင်၍ ပုဂ္ဂိုလ်ရေး အကျိုးအမြတ်ရယူဆောင်ရွက်ခဲ့ခြင်း ဖြင့် နိုင်ငံတော်က ချမှတ်ထားသည့် ရှေ့လုပ်ငန်းစဉ် များနှင့်ဦးတည်ချက်များကို သွေဖည်ဆောင်ရွက်၍ နိုင်ငံတော်သစ္စာဖောက်ဖျက်မှုကို ကျူးလွန်ခဲ့ခြင်း၊ နိုင်ငံတော်အစိုးရက စားအုန်းဆီများကိုတင်သွင်းရန် သတ်မှတ်ရာခိုင်နှုန်းအတွက် ကျသင့်ဒေါ်လာများအားမြန်မာနိုင်ငံတော်ဗဟိုဘဏ်က ရည်ညွှန်းဈေးနှုန်းဖြင့် ရောင်းချပေး ကာတင်သွင်းစေခဲ့သော်လည်းနိုင်ငံတော်အစိုးရက ခွင့်ပြု ရောင်းချရန် သတ်မှတ်ထားသည့် ရည်ညွှန်းဈေးနှုန်းထက် ဈေးတင်ရောင်းချခြင်းကို သိလျက် အရေးယူဆောင်ရွက်ရန် ပျက်ကွက်ခြင်း၊ ပတ်သက်ဆောင်ရွက်ခြင်း၊ကုမ္ပဏီများက ပေးအပ်သည့် တံစိုး လက်ဆောင်ပစ္စည်းများကို ရာထူး လုပ်ပိုင်ခွင့်ကိုအသုံးပြု၍ ရယူ ဆောင်ရွက်ခဲ့ခြင်း၊ နိုင်ငံခြားသုံးငွေများကို တရားမဝင် လက်ဝယ် ထားရှိခြင်း၊စစ်စည်းကမ်းဆိုင်ရာ ညွှန်ကြား ချက်များကို ဖောက်ဖျက်၍ အရပ်ဘက်စီးပွားရေးလုပ်ငန်းများတွင် ပါဝင်ဆောင်ရွက်ခဲ့ခြင်းတို့ကို ကျူးလွန်ခဲ့သဖြင့် သက်ဆိုင်ရာ ဥပဒေပုဒ်မများဖြင့်စွဲချက်တင်ကာ စစ်တရားရုံးဖြင့် စစ်ဆေးစီရင်ပြီး နှစ်ဆယ် နှစ်ကာလနှင့်ညီမျှသော တစ်သက်တစ်ကျွန်းဒဏ်ကိုချမှတ်ခဲ့ခြင်းဖြစ်တယ်လို့ သတင်းထုတ်ပြန်ချက်မှာဖော်ပြထားပါတယ်။

အဲဒီအပြင် ဗိုလ်မှူးချုပ်(ဟောင်း) ရန်နောင်စိုးသည် ကုန်သွယ်မှုနှင့် ကုန်စည်စီးဆင်းမှုများ မှန်ကန်မြန်ဆန်ရေးဗဟိုကော်မတီ တွဲဖက်အတွင်းရေးမှူး တာဝန်ထမ်းဆောင်စဉ်နိုင်ငံတော်၏ စီးပွာရေး ဆိုင်ရာမူဝါဒနှင့်ဆန့်ကျင်၍ ပုဂ္ဂိုလ်ရေး အကျိုးအမြတ်ရယူဆောင်ရွက်ခြင်း၊နိုင်ငံခြားသုံး ငွေဆိုင်ရာမူဝါဒ၊ အရေးကြီးကုန်စည်ဆိုင်ရာမူဝါဒနှင့် အခြားစီးပွားရေး ဆိုင်ရာမူဝါဒများနှင့် ဆန့်ကျင်ကာ နိုင်ငံတော်ရှေ့လုပ်ငန်းစဉ်များနှင့် ဦးတည်ချက်များကို သွေဖည်ဆောင်ရွက်၍ နိုင်ငံတော်သစ္စာဖောက်ဖျက်မှုကို ဒုတိယဗိုလ်ချုပ်ကြီး(ဟောင်း) မိုးမြင့်ထွန်းနှင့်အတူ ပူးပေါင်း ကျူးလွန်ခဲ့ခြင်း၊ ရာထူးလုပ်ပိုင် ခွင့်အား အသုံးပြု၍ စီးပွားရေးလုပ်ငန်းရှင်များအားနိုင်ငံခြားငွေနှင့် မြန်မာကျပ်ငွေများကိုလဲလှယ်ပေးခဲ့ခြင်း၊ စီးပွားရေး လုပ်ငန်းရှင်များထံမှနိုင်ငံခြားငွေနှင့် မြန်မာကျပ်ငွေများကိုလက်ခံရယူခဲ့ခြင်း၊ စီးပွားရေးလုပ်ငန်းရှင်များအားဒုတိယဗိုလ်ချုပ်ကြီး (ဟောင်း)မိုးမြင့်ထွန်းနှင့် ဆက်သွယ်ဆောင်ရွက်ပေးခြင်း၊ နိုင်ငံခြားငွေများကို တရားမဝင် လက်ဝယ် ထားရှိ ခြင်း၊ စစ်စည်းကမ်း ဆိုင်ရာ ညွှန်ကြားချက်များကို ဖောက်ဖျက်၍အရပ်ဘက်စီးပွားရေးလုပ်ငန်းများတွင် ပါဝင်ဆောင်ရွက်ခဲ့ခြင်း တို့ကို ကျူးလွန်ခဲ့ သဖြင့် သက်ဆိုင်ရာဥပဒေပုဒ်မများဖြင့် စွဲချက်တင်ကာ စစ်တရားရုံးဖြင့် စစ်ဆေးစီရင်ပြီး နှစ်ဆယ် နှစ်ကာလနှင့်ညီမျှသော တစ်သက်တစ်ကျွန်းဒဏ်ကိုချမှတ်ခဲ့တယ်လို့လည်း သတင်းမှာဖော်ပြထားပါတယ်။

နိုဝင်ဘာလအထိ ကျင်းပသွားမယ့် ကျေးလက်ဂီတရာသီရောက်ရှိလာသဖြင့် တရုတ်နိုင်ငံ စီချွမ်ပြည်နယ် အနောက်တောင်ဘက် ချန်ဒူမြို့ရှိ ဒေသတွင်းစီးပွားရေးလုပ်ငန်းတွေဟာ အခွင့်အလမ်းအသစ်တွေ ကြုံတွေ့လာရပါတယ်။

Published_ 10 October 2023
#Asia_Business
#ကျေးလက်ဂီတရာသီပွဲတော် #ချန်ဒူမြို့ #အခွင့်အလမ်းသစ်

#Daily_News
Published_ 10 October 2023

၁။ ဖူးကြီးရေလှောင်ကန်ရေလျှံ၍ မှော်ဘီတွင်အိမ်ခြေ ၇၀၀ နစ်မြုပ်၊ စပါးနှင့် စိုက်ပျိုးရေးခြံများလည်း နစ်မြုပ်ခဲ့ဟုဆို

၂။ သုံးရက်ကြာသည်အထိ ပဲခူးမြစ်ကျဆင်းမှုမရှိသေးတာကြောင့် ဘေးကင်းရာသို့ ပြောင်းရွေ့ရသူပိုများလာပြီး သေဆုံးမှုပါ ရှိလာဟုဆို

၃။ ဘီလင်းမြစ်နှင့်ဧရာဝတီမြစ်အပါအဝင် မြစ်ရေများ တိုးနေသဖြင့် ဒေသခံများသတိပြုနေထိုင်ရန်လို

၄။ ကျေးလက်ဂီတရာသီပွဲတော်ကြောင့် ချန်ဒူမြို့ရှိဒေသခံစီးပွားရေးလုပ်ငန်းများ အခွင့်အလမ်းသစ်များရရှိလာ.... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

 ‘ပဲခူးမြစ်ဟာပဲခူးမှာ ၃ စင်တီမီတာပြန်ကျနိုင်ခြေရှိပေမယ့် စိုးရိမ်ရေအမှတ်အထက်ဆက်လက်ရှိနေဦးမှာ ဖြစ်သလို ဘီးလင်းမြစ်ရေကတော့နောက် ၂၄နာရီအတွင်း မြစ်ရေတွေတိုးလာပြီး စိုးရိမ်ရေအမှတ်အထက် ရောက်နိုင်တယ်။ ဧရာဝတီမြစ်ရေနဲ့အခြားမြစ်ရေတွေလည်းတိုးဖို့ရှိတယ်’ မိုးလေဝသနှင့်ဇလဗေဒညွှန်ကြားမှုဦးစီးဌာန

Published_ 10 October 2023
#Local_News
#ဘီလင်းမြစ် #မိုးလေဝသနှင့်ဇလဗေဒ
#tthl #Yangon_Times