၅ နိုဝင်ဘာ ၂၀၂၃

အစ္စရေး-ပါလက်စတိုင်း ပဋိပက္ခဖြစ်ပွားခဲ့တာ လေးပတ်ထဲအရောက်မှာ ဂါဇာကမ်းမြောင်တွင် လောင်စာဆီနှင့်  ဓာတ်ငွေ့များ ပြတ်လတ်နေတဲ့အတွက် သယ်ယူပို့ဆောင်ရေးမှာ မြည်းလှည်းတွေကို အသုံးပြုနေကြရပါတယ်။

ဂါဇာပြည်သူတွေဟာ လောင်စာဆီ၊အစားအသောက်နှင့် အန္တရာယ်မရှိတဲ့သောက်ရေတွေ အကြီးအကျယ်ပြတ် လတ်မှုနှင့် ရင်ဆိုင်နေကြရပါတယ်။

Source CCTV+

၅ နိုဝင်ဘာ ၂၀၂၃

အာရပ်ခေါင်းဆောင်များက ဂါဇာတွင် အစ္စရေးစစ်တပ်ကို ချက်ခြင်းအပစ်အခတ်ရပ်ရန် စနေနေ့က တောင်းဆိုပြီး အစ္စရေးကိုစည်းရုံးပြောဆိုရေး အမေရိကန်နိုင်ငံခြားရေးဝန်ကြီးအန်တိုနီဘလင်ကန်ကို ဖိအားပေးခဲ့သော်လည်း ဘလင်ကန်က ယခုအချိန်တွင် အပစ်အခတ်ရပ်လိုက်ပါက ပါလက်စတိုင်းစစ်သွေးကြွအုပ်စုဟားမာ့စ်ကို ပြန်လည် စုစည်းအုပ်စုပြန်ဖွဲ့ကြီး အစ္စရေးကိုပြန်လည်တိုက်ခိုက်ဖို့လုပ်ပေးသလိုဖြစ်သွားလိမ့်မည်ဟု ပြန်လည် ပြောဆိုခဲ့ ပါတယ်။

ဂျော်ဒန်နိုင်ငံ အာမန်တွင်ပြုလုပ်သော သတင်းစာရှင်းလင်းပွဲတွင် အများရှေ့မှောက် သဘောမတူမှုတစ်ခုအဖြစ် ဂျော်ဒန်နှင့် အီဂျစ်နိုင်ငံခြားရေးဝန်ကြီးတို့နှစ်ဦးသည် ဘလင်ကန်ဘေးတွင်ရပ်ရင်း ရန်လိုမှုများကို ရပ်တန့်ရေး ထပ်ကာထပ်ကာ တွန်းအားပေးခဲ့ပါတယ်။ “ အရပ်သားထောင်ပေါင်းများစွာ သေဆုံးနေရတာကို မိမိကိုယ် မိမိ ကာကွယ်နေမှုအဖြစ် ရှင်းချက်ထုတ်၍ မဖြစ်နိုင်ကြောင်း ပြောဆိုခဲ့ကြပါတယ်။

ဟားမားစ်ကို အမြစ်ပြတ်ချေမှုန်းလိုက်ပြီးပြီဆိုရင် ဂါဇာ နောက်ဘာဆက်ဖြစ်မလဲဆိုသည့် နက်ရှိုင်းစွာဆွေးနွေးမှုကို သူတို့ကပယ်ချခဲ့ကြပါတယ်။ လက်ငင်းအာရုံစိုက်ရမည်မှာ ရန်လိုမှုတွေရပ်တန့်ရေးကြိုးပမ်းတာပဲဖြစ်သင့်တယ်လို့ သူတို့က ပြောကြပါတယ်။

အောက်တိုဘာ ၇ရက်တွင် အစ္စရေးနှင့်ဟာမားစ်တို့ စစ်ဖြစ်ပြီးကတည်းက ဘလင်ကန်သည် ထိုဒေသသို့ ယခုတစ်ကြိမ် သည် ဒုတိယမြောက်သွားရောက်ခြင်းဖြစ်ပါတယ်။

ဘလင်ကန်နှင့် အစ္စရေး ဝန်ကြီးချုပ် ဘင်ဂျမင် နာတာယာဟုတို့တွေဆုံပြီးနောက် အပစ်အခတ်ရပ်ရေးစိတ်ကူးကို အစ္စရေးဝန်ကြီးချုပ်ကပယ်ချခဲ့ပါတယ်။

ယင်းနောက်“ အခုအပစ်အခတ်ရပ်ရင် ဟားမာ့စ်ကို သူ့နေရာသူပြန်ရောက်ပြီး အုပ်စုပြန်ဖွဲ့တာနှင့် အောက်တိုဘာ ၇ ရက်လိုပြန်တိုက်ခိုက်တာပဲ ကျန်ရစ်လိမ့်မယ်။ ကျွန်တော်တို့ရော ဘယ်နိုင်ငံကမှ ဒါမျိုးလုပ်ခံမှာမဟုတ်ဘူး။ အဲဒါကြောင့် အစ္စရေးရဲ့ ကိုယ့်ကိုကိုယ်ခုခံပိုင်ခွင့် အခွင့်အရေးနှင့် တာဝန်ကိုထပ်မံအတည်ပြုပေးဖို့ပဲ အရေးကြီးတယ်” ဟု ဘလင်ကန်က ပြောဆိုခဲ့သည်။

ဘလင်ကန်သည် ဆော်ဒီ၊ကာတာ၊ယူအေအီး၊အီဂျစ်နှင့် ဂျော်ဒန်နိုင်ငံခြားရေးဝန်ကြီးများ၊ ပါလက်စတိုင်း ကိုယ်စားလှယ်များကို အာမန်တွင် စောစောပိုင်းကတွေ့ဆုံခဲ့ပါတယ်။ အစည်းအဝေးသည် အပစ်အခတ်ရပ်ရေး တောင်းဆိုခြင်း၊ လူသားချင်းစာနာထောက်ထားခြင်းဆိုင်ရာ အကူအညီများပေးရေးနှင့် ဒေသ၏လုံခြုံရေးကို ခြိမ်းခြောက်နေသည့် ကြောက်ဖက်ဖွယ်အခြေအနေဆိုးရွားနေမှုကို အဆုံးသတ်မည့် နည်းလမ်းများရှာရေး ဟူသည့် အာရပ်တို့၏ ရပ်တည်ချက်ကို အလေးပေးမည်ဟု ဂျော်ဒန်နိုင်ငံခြားရေးဝန်ကြီးကပြောခဲ့ပါတယ်။

“ နိုင်ငံတကာအသိုက်အဝန်းရဲ့ တာဝန်ဟာ ဟာ အမြဲတမ်း ရန်လိုမှုတွေရပ်တန့်ရေးဖြေရှင်းဖို့ပဲဖြစ်တယ်။ အကြမ်းဖက်မှုတွေကို ဆက်လက်ဖြစ်ပွားအောင်မြှင့်တင်ပေးဖို့မဟုတ်ဘူး” လို့လည်း အဲဒီ သတင်းစာရှင်းလင်းပွဲမှာ အီဂျစ် နိုင်ငံခြားရေး ဝန်ကြီး  ဆာမာ ရှောင်ရီကပြောပါတယ်။

“ ကျွန်တော်တို့ရဲ့ဦးစားပေးမှုတွေ ချက်ခြင်းရဖို့လိုအပ်တယ်။ ယခုအချိန်ကစပြီး စစ်ပွဲရပ်တန့်းအောင် အသေအချာ လုပ်ကြရမယ်” လို့ ဂျော်ဒန်နိုင်ငံခြားရေးဝန်ကြီး အေမန်ဆာဖာဒီကပြောပါတယ်။

ဂျော်ဒန်တွင် ဘလင်ကန်နှင့်တွေ့ဆုံစဉ် လက်ဘနွန်အ်ိမ်စောင့်အစိုးရ ဝန်ကြီးချုပ် နာဂျစ်မီကာတီက  ဂါဇာတွင် အပစ်အခတ်ရပ်ရေးအရေးကြီးကြောင်းပြောခဲ့ပြီး လက်ဘနွန်တောင်ပိုင်းကို အစ္စရေး၏ ကျူးကျော်ရန်လိုမှု ရပ်တန့်ရမည်ဟုလည်းပြောခဲ့ပါတယ်။

Source Reuters

၄ နိုဝင်ဘာ ၂၀၂၃

ရုရှားတပ်မတော်နှင့် မြန်မာ့တပ်မတော်အကြား နှစ်နိုင်ငံချစ်ကြည်ရေး နှစ်နိုင်ငံတပ်မတော် ယဉ်ကျေးမှုအဖွဲ့များ ပူးပေါင်းဖျော်ဖြေပွဲကို နိုဝင်ဘာ ၄ရက်မနက်က ကျင်းပရာ နစက ဥက္ကဋ္ဌ ၊တပ်မတော်ကာကွယ်ရေးဦီးစီးချုပ် ဗိုလ်ချုပ်မှူးကြီးမင်းအောင်လှိုင်နှင့် ဇနီးဒေါ်ကြူကြူလှ၊ရုရှားဖက်ဒရေးရှင်းနိုင်ငံ ရေတပ်ဦးစီးချုပ် Admiral Nikolai A.EVMENOV နှင့်ရုရှားရေတပ်ချစ်ကြည်ရေးကိုယ်စားလှယ်အဖွဲ့ဝင်တွေ တက်ရေက်အား  ပေးခဲ့ကြတယ်လို့သိရပါတယ်။

မြန်မာ့တပ်မတော်ယဉ်ကျေးမှု အဖွဲ့နှင့်ရုရှားရေတပ်သံစုံတီးဝိုင်းအဖွဲ့တို့က  နေပြည်တော်ရှိ ဇေယျာသီရိဗိမာန်၊ သဘင်ဆောင်၌ ဖျော်ဖြေတင်ဆက်ခဲ့ကြတာဖြစ်တယ်လို့ နစကရဲ့သတင်းထုတ်ပြန်ချက်မှာဖော်ပြထားပါတယ်။

ဖျော်ဖြေပွဲအခမ်းအနားတွင်  ရုရှားရေတပ်သံစုံတီးဝိုင်းအဖွဲ့က ရုရှားသီချင်းများ၊ အကအလှများ အပါအဝင် မြန်မာတေးသီချင်းကိုလည်းကောင်း၊ မြန်မာ့တပ်မတော်ယဉ်ကျေးမှုအဖွဲ့ ၊ မြဝတီ တေးဂီတအဖွဲ့က “ဆန်းသစ်လှပ ပုဂံယိမ်းအက” အပါအဝင် ရုရှားတေးသီချင်းဖြစ်သည့် “Katyusha” သီချင်းနှင့် “Kalinka” တေးသီချင်း တို့အား မြန်မာ့ရိုးရာတူရိယာ ပစ္စည်း များဖြစ်သည့် မြန်မာ့ဆိုင်းဝိုင်းကြီးနှင့် မြိုင်ဆိုင်စွာတီးခတ်ပြီး ရုရှားအကများဖြင့် လည်းကောင်း၊ ရုရှားတေးသီးချင်းဖြစ်သည့် “Ar Thi Na Si Me Yar” ကို သီဆို၍လည်းကောင်း အသီးသီးဖျော်ဖြေတင်ဆက်ခဲ့ကြတာဖြစ်ပါတယ်။

ဖျော်ဖြေမှုများအပြီးတွင် ဗိုလ်ချုပ်မှူးကြီးနှင့်ဇနီးတို့က ရုရှားရေတပ်သံစုံတီးဝိုင်းအဖွဲ့အား ဂုဏ်ပြုပန်းခြင်း ပေးအပ်ချီးမြှင့်ခဲ့ပြီး ရုရှားဖက်ဒရေးရှင်းနိုင်ငံ ရေတပ်ဦးစီးချုပ်က မြန်မာ့တပ်မတော် ယဉ်ကျေးမှုအဖွဲ့ ပြည်သူ့ဆက်ဆံရေးနှင့်စိတ်ဓာတ်စစ်ဆင်ရေး ညွှန်ကြားရေးမှူးရုံး ကွပ်ကဲမှုအောက် မြဝတီတေးဂီတအဖွဲ့အား ဂုဏ်ပြုပန်းခြင်းပေးအပ်ချီးမြှင့်ခဲ့ကြတယ်လို့ သတင်းမှာဖော်ပြထားပါတယ်။

-ymg/knl

၄ နိုဝင်ဘာ ၂၀၂၃

မြန်မာနှင့်ရုရှား တပ်မတော်(ရေ)နှစ်ရပ်အကြား ကာကွယ်ရေးဆိုင်ရာ ကိစ္စရပ်များတွင် ပူးပေါင်းဆောင် ရွက်လျက်ရှိမှုအခြေအနေများကို နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့်  ရုရှားဖက်ဒရေးရှင်းနိုင်ငံ ရေတပ်ဦးစီးချုပ် Admiral Nikolai A.EVMENOV တို့ ဆွေးနွေးခဲ့ကြတယ်လို့ နစကရဲ့သတင်းထုတ်ပြန်ချက်အရ သိရပါတယ်။

နစက ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် သည် ရုရှားဖက်ဒရေးရှင်းနိုင်ငံ ရေတပ်ဦးစီးချုပ် Admiral Nikolai A.EVMENOV တို့ ဦးဆောင်သောကိုယ်စားလှယ်အဖွဲ့အား နိုဝင်ဘာ ၄ရက် မနက်ပိုင်းတွင် နေပြည်တော်ရှိ ဇေယျာသီရိဗိမာန် ဧည့်ခန်းမဆောင်၌ လက်ခံတွေ့ဆုံရာတွင် ယင်းကဲ့သို့ တွေ့ဆုံဆွေးနွေးခဲ့ကြတာဖြစ်ပါတယ်။

ယင်းအပြင်  နှစ်နိုင်ငံတပ်မတော်(ရေ)မှ စစ်ရေယာဉ်များနှင့် အဆင့် မြင့်တပ်မတော်အရာရှိကြီးများ ချစ်ကြည်ရေးခရီးစဉ်များ အပြန်အလှန်လည်ပတ်မှု အခြေအနေများ၊ နှစ်နိုင်ငံရေတပ်နှစ်ရပ်အကြား ပင်လယ်ရေကြောင်းလုံခြုံရေးအတွက် ပူးပါင်းလေ့ကျင့်ခန်းများ ဆောင်ရွက် သွားမည့်အခြေအနေများ၊ မြန်မာ့တပ်မတော် အရာရှိများ ရုရှားဖက်ဒရေးရှင်းနိုင်ငံတွင် ပညာသင်ကြားလျက်ရှိမှုအခြေအနေများ၊ တပ်မတော်နှစ်ရပ်အကြား ယဉ်ကျေးမှု အပြန်လှန်ဖလှယ်နိုင်မှု အခြေအနေများနှင့် ပူးပေါင်းဆောင်ရွက်မှုများ ယခုထက် ပိုမိုတိုးတက်အောင် ဆောင်ရွက်သွားမည့် အခြေ အနေများအား ရင်းနှီးပွင့်လင်းစွာဖြင့် အမြင်ချင်းဖလှယ် ဆွေးနွေးခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်။
အဆိုပါတွေ့ဆုံပွဲသို့ ဗိုလ်ချုပ်မှူးကြီးနှင့်အတူ ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး ရဲဝင်းဦး၊ ကာကွယ်ရေးဦးစီးချုပ်(ရေ) ဗိုလ်ချုပ်ကြီး မိုးအောင်နှင့် တပ်မတော် အရာရှိကြီး များတက်ရောက်ကြပြီး ရုရှားဖက်ဒရေးရှင်းနိုင်ငံရေတပ်ဦးစီးချုပ်နှင့်အတူ မြန်မာနိုင်ငံ ဆိုင်ရာရုရှားသံအမတ်ကြီး H.E.Mr. Iskandar Azizov ၊ ရုရှားရေတပ်မှ တပ်မတော် အရာရှိကြီးများနှင့် မြန်မာနိုင်ငံဆိုင်ရာရုရှားစစ်သံမှူးတို့ တက်ရောက်ခဲ့ကြတယ်လို့ သိရှိရပါတယ်။

-ymg/knl

#Daily_News
Published_ 04 November 2023

၁။ တန်ဆောင်မုန်းလပြည့်နေ့တွင် ဗိုလ်တထောင်စေတီ၌ မသိုးရွှေကြာသင်္ကန်း ယှဉ်ပြိုင်ဆက်ကပ်ပူဇော်ပွဲ ကျင်းပမည်

၂။ မြန်မာ့ရိုးရာ သိုင်းအားကစားရုံများ မြို့နယ်တိုင်း၌ တည်ဆောက်နိုင်ပါက သိုင်းပညာ ပိုမိုပြန့်ပွားနိုင်မည်

၃။ ကိုယ်ပိုင်ဝင်ငွေမရှိသည့် အမျိုးသမီးကြီးငယ်များ အိမ်တွင်းအကြမ်းဖက်ခံရမှု ပိုများနေဟုဆို

၄။ အိန္ဒိယမှ ကြက်သွန်နီများ ဈေးနှုန်းနှစ်ဆနီးပါး မြင့်တက်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

နွေကြက်သွန် လက်ကျန်ရှိနေသည့်အတွက် ဘဂ်လားဝယ်လိုအားပေါ် မူတည်၍ မြင်းခြံကြက်သွန်နီဈေးနှုန်းများ အတက်အကျဖြစ်နေ

' တောင်သူတွေထဲမှာ ကြက်သွန်လက်ကျန်အင်အားရှိတာလည်းပါတယ် 'မြင်းခြံကုန်စည်ဒိုင်ဒုတိယဥက္ကဌဦးကျော်ရှိန်
‌#Yangon_Times/NN
#Local_News
#Published_ 04 November 2023
#YMG #Yangon_Times #Yangon_Media_Group

ရှမ်းထွက်ကုန်များ ရန်ကုန်ဈေးကွက်တွင် အရောင်းဝယ်ပေးပေမယ့် ဈေးပြန်မကျ

ရှမ်းပြည်နယ်တောင်ပိုင်းက ထွက်ရှိတဲ့ အသီးအနှံဈေးကွက်မှာ သီတင်းကျွတ်ပွဲတော်ပြီး နောက်ပိုင်းကတည်းက ရန်ကုန်ဈေးကွက်မှာ အရောင်းဝယ်အေးနေပေမယ့် ဈေးနှုန်းကတော့ ကျဆင်းခြင်းမရှိဘဲ ညိမ်နေတယ်လို့ သီရိမင်္ဂလာဈေးရှိ ရှမ်းကုန်ရောင်းဝယ်သူတွေထံက သိရပါတယ်။
#Yangon_Times/LW
#Local_News
#Published_ 04 November 2023
#YMG #Yangon_Times #Yangon_Media_Group

Published 4 November 2023

မြန်မာနှင့်လာအို နှစ်နိုင်ငံ အလုပ်သမား များ အကြား အလုပ်အကိုင်အခွင့် လမ်းတရားဝင် ရရှိစေဖို့ နှစ်နိုင်ငံ အလုပ်သမားဝန်ကြီးများ ဆွေးနွေးခဲ့ကြောင်းအလုပ်သမားဝန်ကြီးဌာန၏ ထုတ်ပြန်ချက်အရ သိရသည်။

အလုပ်သမားပြည်ထောင်စုဝန်ကြီး ဦးမြင့်နောင်မှ နိုဝင်ဘာ ၃ရက်နှင့်၄ရက် နေ့အထိ တရုတ်နိုင်ငံတွင် ပြုလုပ်သည့် အာဆီယံ-တရုတ် လူ့စွမ်းအားအရင်းအမြစ် ဖွံဖြိုးတိုးတတ်မှု ပူးပေါင်း
ဆောင်ရွက်ရေးနှင့် လူ့စွမ်းအား အရင်းမြစ် ဝန်ဆောင်မှုဆိုင်ရာ ဖိုရမ် ၂၀၂၃ ဖွင့်ပွဲ အခမ်းအနား ကို သွားရောက် တတ်ရောက်စဉ် တွင် လာအိုပြည်သူ့ဒီမိုကရက်တစ်သမ္မတ နိုင်ငံ အလုပ်သမား
နှင့်လူမှုဖူလုံရေးဝန်ကြီးဌာန ဝန်ကြီး Mrs.Baykham Kha Hiya နှင့်တွေ့ဆုံဆွေးနွေးခဲ့ခြင်း ဖြစ်ကြောင်း သိရသည်။

အဆိုပါ နှစ်နိုင်ငံ အလုပ်သမား ဝန်ကြီးများ နွေးရာ တွင် နှစ်နိုင်ငံ နယ်စပ်ရှိ မြန်မာနှင့် လာအို နိုင်ငံသာများ အကြား နှစ်နိုင်ငံ တည်ဆဲအလုပ်သမား ဥပဒေများနှင့် အညီ၊ အလုပ်အကိုင် အခွင့်
လမ်းများ တရားဝင် ရရှိစေရေး အလုပ်သမား အဝင်/အထွက် စည်းကြပ်နိုင်ရေး၊နှစ်နိုင်ငံအကြားနားလည်မှုစာချွန်လွှာ လက်မှတ် ရေးထိုးဆောင်ရွက် သွားနိုင်ရေးနှင့် နှစ်နိုင်ငံ ခေါင်းဆောင်များ၏ လမ်းညွှန်ချက် များနှင့် အညီ အလုပ်သမား များ ကာကွယ်စောင့်ရှောက်ရေး လုပ်ငန်းများ ကို လုပ်ဆောင်ရန် ဆွေးနွေးခဲ့ကြောင်း သိရသည်။

လက်ရှိတွင် မြန်မာ-လာအို နယ်စပ် ရှမ်းပြည်နယ် အရှေ့ပိုင်း တာချီလိပ် မြို့မှ တဆင့် လာအိုနိုင်ငံ သို့ သွားရောက် အလုပ်လုပ်ကိုင်နေသည့် မြန်မာ အလုပ်သမားများ ရာချီရှိကြောင်းသိရသည်။
#Yangon_Times/LW
#Local_News
#Published_ 04 November 2023
#YMG #Yangon_Times #Yangon_Media_Group

Published_ 04 November 2023

မြန်မာအပါအဝင်မဲခေါင်မြစ်နိုင်ငံများနှင့်အတူ အနာဂတ်ပူးပေါင်းဆောင်ရွက်မှုကို အစီအစဉ်ရေးဆွဲသွားပြီး စီးပွားရေးပြန်လည်ဦးမော့လာမှုနှင့် ဆန်းသစ်တီထွင် ဖွံ့ဖြိုးတိုးတက်မှုကို အတူမြှင့်တင်သွားမည်ဟုတရုတ်နိုင်ငံ လက်ထောက်နိုင်ငံခြားရေးဝန်ကြီး Mr. Nong Rong ပြောကြားခဲ့သည်။

(၁၀) ကြိမ်မြောက် လန်ချန်း-မဲခေါင် ပူးပေါင်းဆောင်ရွက်မှုအဆင့်မြင့်အရာရှိအစည်းအဝေးကို တရုတ်နိုင်ငံ လက်ထောက်နိုင်ငံခြားရေးဝန်ကြီး Mr. Nong Rong တက်ရောက်ရင်း ထည့်သွင်းပြောကြားခဲ့ခြင်းဖြစ်သည်။

လက်ထောက်နိုင်ငံခြားရေးဝန်ကြီး Mr. Nong Rong က ‘‘တရုတ်နိုင်ငံသည် အရည်အသွေးမြင့်ဖွံ့ဖြိုးတိုးတက် မှုဖြင့် တရုတ်ပုံစံခေတ်မီမှုကို ဖော်ဆောင်လျက်ရှိကြောင်း၊ ချစ်ခင်ရင်းနှီးခြင်း၊ ရိုးသားစွာဆက်ဆံခြင်း၊ အပြန်အလှန် အကျိုးဖြစ်ထွန်းခြင်း၊ အားလုံးပါဝင်ခြင်း ဟူသည့် အနီးတဝိုက် နိုင်ငံခြားရေးသဘောတရားကို ဆက်လက် အကောင်အထည်ဖော်ဆောင်ကာ မဲခေါင်မြစ်နိုင်ငံများနှင့်အတူ အနာဂတ်ပူးပေါင်းဆောင်ရွက်မှုကို အစီအစဉ် ရေးဆွဲသွားပြီး စီးပွားရေးပြန်လည်ဦးမော့လာမှုနှင့် ဆန်းသစ်တီထွင် ဖွံ့ဖြိုးတိုးတက်မှုကို အတူမြှင့်တင်သွား မည်ဖြစ်ကြောင်း၊ ဒေသခွဲဖွံ့ဖြိုးတိုးတက်မှုနှင့် လုံခြုံမှုကိုစီမံကာ လန်ချန်း-မဲခေါင်မြစ်ဝှမ်း စီးပွားရေးဖွံ့ဖြိုး တိုးတက်မှုခါးပတ်လမ်း တည်ဆောက်ရေးနှင့် လန်ချန်း-မဲခေါင်နိုင်ငံများ အေးအတူပူအမျှ အသိုက်အဝန်း တည်ဆောက်ရေးအတွက် ပိုမိုအားကောင်းသည့်တွန်းအား ထည့်သွင်းပေးသွားမည်ဖြစ်ကြောင်း’’ ပြောကြားခဲ့သည်။

အဆိုပါ အစည်းအဝေးတွင် နိုင်ငံအသီးသီးက လန်ချန်း-မဲခေါင်ပူးပေါင်းဆောင်ရွက်မှု စတင်သည့် ၇ နှစ်အတွင်း ရရှိသည့်ကောင်းမွန်များပြားသောရလဒ်များကို ချီးကျူးခဲ့ပြီး တရုတ်၊မြန်မာ၊ ကမ္ဘောဒီးယား၊ လာအို၊ ထိုင်း၊ ဗီယက်နမ်မှ ခြောက်နိုင်ငံမှ အဆင့်မြင့် အရာရှိများက တစ်နှစ်တာအတွင်း လန်ချန်း-မဲခေါင်ပူးပေါင်းဆောင်ရွက်မှု တိုးတက်မှုအခြေအနေကို ပြန်လည်သုံး သပ်ကာ ပူးပေါင်းဆောင်ရွက်မှု အတွေ့အကြုံများကို ခြုံငုံသုံးသပ်၍ နောက်တစ်ဆင့် ပူးပေါင်းဆောင်ရွက်မှုအတွက် နက်ရှိင်းစွာအမြင်ချင်းဖလှယ်ခဲ့ကြကြောင်း သိရသည်။

နေပြည်တော်သို့ရောက်ရှိနေစဉ်အတွင်း လက်ထောက်နိုင်ငံခြားရေးဝန်ကြီး Mr. Nong Rong သည် လန်ချန်း-မဲခေါင်ပူးပေါင်းဆောင်ရွက်မှု အထူးရန်ပုံငွေပံ့ပိုးမှုဖြင့် ဖော်ဆောင်သည့်ပူးပေါင်းဆောင်ရွက်မှုစီမံကိန်းများကိုလည်း သွားရောက်လေ့လာခဲ့ကြောင်းနှင့် အဆိုပါလှုပ်ရှားမှုအခမ်းအနားများကို မြန်မာနိုင်ငံဆိုင်ရာတရုတ်သံအမတ်ကြီး Mr. Chen Hai လည်းပါဝင်တက်ရောက်ခဲ့ကြောင်းသိရသည်။
#Yangon_Times/tthl
#Local_News
#Published_ 04 November 2023
#YMG #Yangon_Times #Yangon_Media_Group

Published_04 November 2023

သွားဘက်ဆိုင်ရာနှင့်ပတ်သက်၍ နိုင်ငံတော်ဘက် မှ တန်ဖိုးအလွန်ကြီးမြင့်သည့် ဓာတ်ရောင်ခြည်ဖြင့် ကုသမှုပေးသည့်စက် များကို တိုးမြှင့်တပ်ဆင်ပေးလျက်ရှိကြောင်း(နိုဝင်ဘာ ၃) ရက်က မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန-၂၊ နေပြည်တော်တွင် ကျင်းပသည့် မြန်မာနိုင်ငံသွားဘက်ဆိုင်ရာ ဆေးပညာညီလာခံ (၂၀၂၃) ဖွင့်ပွဲအခမ်းအနားတွင် ဒေါက်တာဘရွှေက ပြောကြားခဲ့ခြင်းဖြစ်သည်။

ပြည်သူ့ဆေးရုံကြီးများတွင် မွေးရာပါနှုတ်ခမ်းကွဲ၊ အာခေါင်ကွဲလူနာများကို အခမဲ့ခွဲစိတ်ကုသပေးနေပြီး ခံတွင်းကင်ဆာရောဂါများကိုလည်း အထူးကျွမ်းကျင်ပိုင်နိုင်စွာ ကုသပေးနေကြောင်း ဂုဏ်ယူဖွယ်သိရှိရ၍ လူနာများကိုယ်စား အထူးပင်ကျေးဇူးတင်ရှိကြောင်း၊ နိုင်ငံတော်ဘက် မှလည်း တန်ဖိုးအလွန်ကြီးမြင့်သည့် ဓာတ်ရောင်ခြည်ဖြင့် ကုသမှုပေးသည့်စက် များကို တိုးမြှင့်တပ်ဆင်ပေးလျက်ရှိကြောင်းလည်းဆိုသည်။

သွားနှင့်ခံတွင်း ကျန်းမာရေးစောင့်ရှောက် မှုလုပ်ငန်းများကို တိုင်းရင်းသားများရှိရာဒေသများသို့ သွားရောက်ဆောင်ရွက်ခဲ့ခြင်းများနှင့်ပတ်သက်၍ ပိုမိုတိုးမြှင့်ဆောင်ရွက်ရန် တိုက်တွန်းကြောင်း ယင်းကပြောကြားခဲ့သည်။

သွားနှင့်ခံတွင်းဆိုင်ရာ လူ့စွမ်းအားအရင်းအမြစ်များ တိုးမြှင့်ခန့်အပ် တာဝန်ပေးနိုင်ခဲ့သည့်အခြေအနေ၊ ကိုယ်ဝန်ဆောင်မိခင်မှစတင်၍ ကလေးသူငယ်အရွယ်၊ ကျောင်းနေအရွယ်၊ ပျိုရွယ်သူအရွယ်စသည့် အရွယ်ရောက်ပြီးချိန်မှစတင်၍ သက်ကြီးရွယ်အိုအရွယ်အထိ သွားနှင့်ခံတွင်းကျန်းမာရေး စောင့်ရှောက် မှုများ ဆောင်ရွက်ပေးနေသည့် အခြေအနေများကို ကျန်းမာရေးဝန်ကြီးဌာန ပြည်ထောင်စုဝန်ကြီး ပါမောက္ခ ဒေါက်တာသက်ခိုင်ဝင်းကလည်း ပြောကြားခဲ့ကြောင်း သိရသည်။
#Yangon-Times/PP
#Local_News
#Published_ 04 November 2023
#YMG #Yangon_Times #Yangon_Media_Group

Published_ 4 November 2023

MyRO တွင် ဆန်စပါးသိုလှောင်ရုံမှတ်ပုံတင်ခြင်း၊ ပိုကုန်လုပ်ငန်းရှင်မှတ်ပုံတင်ခြင်း၊ ဆန်စက်မှတ်ပုံတင်ခြင်း စသည့်လုပ်ငန်းများကို Digital Platform ပုံစံဖြင့် ဆောင်ရွက်မည် ဖြစ်ပြီး ကုမ္ပဏီမှတ်ပုံတင်စနစ်ကဲ့သို လွယ်ကူလျင်မြန်စွာ ဆောင်ရွက်နိုင်မှာ ဖြစ်ကြောင်း သိရပါတယ်။

နေပြည်တော်ရှိ သင်္ဂဟဟိုတယ်၌ စီးပွားရေးနှင့်ကူးသန်းရောင်းဝယ်ရေးဝန်ကြီး ဌာနနှင့် မြန်မာနိုင်ငံဆန်စပါး အသင်းချုပ်တို ပူးပေါင်းကျင်းပသည့် Myanmar Rice Online (MyRO) Website မိတ်ဆက်ပွဲအခမ်းအနား(Go-Live Ceremony)နှင့် MyRO တွင် ဆန်စပါးသိုလှောင်ရုံများ မှတ်ပုံတင်ခြင်းနှင့်ပတ်သက်တဲ့ ရှင်းလင်းဆွေးနွေးပွဲကို နိုဝင်ဘာ (၃)ရက်တွင် ကျင်းပပြုလုပ်ခဲ့တာ ဖြစ်ပါတယ်။

ဆန်စပါးကဏ္ဍကို ဒီဂျစ်တယ် အသွင်ကူးပြောင်းရန် ခြေလှမ်းအစဖြစ်သည့်အတွက် ဆက်လက်ဆောင်ရွက်ရမည့် ရှေ့လုပ်ငန်းစဉ်များအပေါ် ကောင်းသည်ထက် ပိုမို ကောင်းမွန်အောင် ဝိုင်းဝန်းကြိုးပမ်းဆောင်ရွက်ကြဖို့ ဒုတိယဝန်ကြီးချုပ်နှင့် စီမံကိန်းနှင့် ဘဏ္ဍာရေးဝန်ကြီးဌာနဝန်ကြီး ဦးဝင်းရှိန်က တိုက်တွန်းပြောဆိုပါတယ်။

ဆက်လက်၍ဝန်ကြီးက MyRO Website မိတ်ဆက်ပွဲနှင့် MyRO ၌ ဆန်စပါး သိုလှောင်ရုံများ မှတ်ပုံတင်မှုစနစ် ရှင်းလင်းဆွေးနွေးပွဲသည် မြန်မာ့ဆန်စပါးညီလာခံ ၂၀၂၂ တွင် ဖော်ထုတ်ခဲ့တဲ့ ဆန်စပါးကဏ္ဍ ပိုမိုဖွံဖြိုးတိုးတက်လာစေရေးနှင့် တောင်သူများ အတွက် သီးနှံအာမခံစနစ် တည်ထောင်ရေးလုပ်ငန်းစဉ်ကို အကောင်အထည်ဖော် ဆောင်ရွက်ခြင်းဖြစ်တယ်လို့ ဆိုပါတယ်။

နိုင်ငံ့စီးပွားရေးကဏ္ဍဖွံဖြိုးတိုးတက်ရေးအတွက် အစိုးရ-ပုဂ္ဂလိက ဟန်ချက်ညီစွာ ပူးပေါင်းဆောင်ရွက်သွားကြဖို့လည်း ဝန်ကြီးက ပြောကြားခဲ့ပါတယ်။

MyRO ကို Pilot Project အနေဖြင့် နေပြည်တော်၊ ပဲခူးတိုင်းဒေသကြီး၊ ရန်ကုန်တိုင်းဒေသကြီးနှင့် ဧရာဝတီတိုင်းဒေသကြီးတို့တွင် လျာထားဆောင်ရွက်သွားမယ် လို့ သိရပါတယ်။

MyRO တွင် တောင်သူများ၊ ကုန်သည်များ၊ ဆန်စက်လုပ်ငန်းရှင်များ၊ ပြည်ပ တင်ပို့သူများ၊ ကျွမ်းကျင်ပညာရှင်များ၊ သုတေသနပညာရှင်များ၊ စားသုံးသူများအပါအဝင် ဆန်စပါးလုပ်ငန်းနှင့် ဆက်စပ်လုပ်ကိုင်နေသူများအတွက် တစ်နေရာတည်းတွင် သတင်းအချက်အလက်များ၊ ဝန်ဆောင်မှုများ၊ မှတ်ပုံတင်သည့်လုပ်ငန်းများကို လွယ်ကူ ရိုးရှင်းစွာဖြင့် အချိန်တိုအတွင်း ဆောင်ရွက်နိုင်မှာ ဖြစ်ပါတယ်။
ymg_mnn
#Local_News
#Published_ 04 November 2023
#YMG #Yangon_Times #Yangon_Media_Group

Published_04 November 2023

ထိုင်းနိုင်ငံ တွင် အလုပ်လုပ်ကိုင်ရန် အတွင် တရားမဝင် ခိုးဝင်လာသည့် မြန်မာနိုင်ငံသား ၁၂ဦးအဖမ်းခံကြောင်း ထိုင်းသတင်းဌာန များ၏ ဖေါ်ပြချက်အရ သိရသည်။

နိုဝင်ဘာ ၃ရက် ပထုံဌာနီခရိုင် နောင်စူယာမြို့နယ်၊ ဘှုန်ကာစမ်ကျေးရွာ အနီး တွင် မောင်းနှင်လာသော ပစ်ကပ်ကား နောက်ခန်းတွင် မြန်မာနိုင်ငံသားများ စီးနင်းလိုက်ပါသည်ကိုတွေ့ရှိသဖြင့် ထိုင်းရဲတပ်ဖွဲ့မှ တားဆီးစစ်ဆေးခဲ့ရာမှ နေထိုင် ခွင့် အထောက်အထားများ ပြသခိုင်းရာတွင် မပြနိုင်သောကြောင့် အဖမ်းခံရကြောင်း သိရသည်။

'' ထိုင်းကို အောက်လမ်းကနေ လာလို့ အဖမ်းခံရတဲ့ မြန်မာနိုင်ငံသားတွေ မနည်းတော့ဘူး၊မကြာမကြာ ကြားနေရတယ်၊ပြည်တွင်း မှာက စားဝတ်နေရေးကြပ်တည်းတော့ ပြည်ပ ကို ထွက်တာများလာတယ်၊တကယ်လို့ ပြည်ပ ကို လာရင်လဲ တရားဝင်ပဲ လာစေချင်တယ်၊အခုလိုတရားမဝင်လာလို့ အဖမ်းခံရရင် ဒုက္ခပေါ် ဒုက္ခ ဆင့်သလို ဖြစ်နေမယ်''ဟု ထိုင်းရောက်မြန်မာအလုပ်သမားတစ်ဦးကပြောသည်။

ယခု အဖမ်းခံရသည့် မြန်မာနိုင်ငံသား များ ကိုထိုင်းနိုင်ငံသားယာဉ်မောင်းဖြစ်သူက တစ်ဦးလျှင်
ကားခ ဘတ်ငွေ (၁၅၀၀၀) ရရှိသဖြင့် တာ့က်ခရိုင်၊ ဝမ်ကျောက်မြို့နယ်မှ ကားဖြင့်တင်ဆောင်လာခြင်းဖြစ်ကြောင်း သိရသည်။

ဖမ်းဆီးရမိသူ မြန်မာလုပ်သား ၁၂ ဦးနှင့် ၎င်းတို့အား ကားဖြင့်တင်ဆောင်လာသူ ထိုင်းနိုင်ငံသား ယာဉ်မောင်းတို့အား ထိုင်းနိုင်ငံ၊ ဥပဒေအရအရေးယူဆောင်နိုင်ရန် သက်ဆိုင်ရာနယ်မြေရဲစခန်းကိုပို့ဆောင်ထားကြောင်း သိရသည်။
#Yangon_Times/LW
#Local_News
#Published_ 04 November 2023
#YMG #Yangon_Times #Yangon_Media_Group