မော်လမြိုင်မဟာမြတ်မုနိဘုရားကြီးတွင် ရွှေသားအတိ ဥသျှောင်မကိုဋ်တော်လှူဒါန်းထား

‘မော်လမြိုင်မြို့သူ၊မြို့သားတွေစုပေါင်းပြီး မဟာမြတ်မုနိဘုရားကြီး ရဲ့ ဥသျှောင်မကိုဋ်တော်ကို ရွှေစင်ရွှေသားအတိဖြင့် ပူဇော်ထားပြီး ဘုံအားလုံးကို ရွှေစင်ရွှေသား (၁)ပိသာ (၂၈)ကျပ်သားကျော်လှူဒါန်း ပူဇော်ထားတယ်’ မော်လမြိုင်မဟာမြတ်မုနိဘုရားကြီး ဂေါပကအဖွဲမှတာဝန်ရှိသူတစ်ဦး
Yangon_Times/tthl
#Local_News
#Published_ 19 October 2023
#YMG #Yangon_Times #Yangon_Media_Group

ပြည်ပဈေးကွက် မရှိသည့်အပြင် တရုတ်မှ တင်သွင်းနေတာကြောင့် အာလူးစိုက်တောင်သူတွေ ဈေးကောင်းမရဖြစ်နေ

စိုက်ပျိုးရေး နည်းပညာလိုအပ်ချက်တွေကြောင့် ပြည်ပဈေးကွက်မရှိတဲ့ အာလူးကို တရုတ်မှလည်းပြန်လည် တင်သွင်းလာတဲ့အတွက် ပြည်တွင်းက အာလူးစိုက်ပျိုးတဲ့ တောင်သူတွေဟာ ဈေးကောင်းရရှိမှု မရှိဘူးလို့ ရှမ်းပြည်တောင်ပိုင်းရှိ ကုန်သည်တွေထံက သိရပါတယ်။
Yangon_Times/LW
#Local_News
#Published_ 19 October 2023
#YMG #Yangon_Times #Yangon_Media_Group

Published-19 October 2023

မန္တလေးတိုင်းဒေသကြီး၊ ပြင်ဦးလွင်မြို့တွင် အမျိုးသားနှစ်ဦး စကားများရန်ဖြစ်ရာမှ (၁)ဦး ဓားဖြင့် အခုတ်ခံခဲ့ရပြီး စိုးရိမ်ရ ဒဏ်ရာများရရှိကြောင်း သန္တိသုခအခမဲ့ လူမှုကူညီရေးအသင်းမှ သိရသည်။

ပြင်ဦးလွင်မြို့၊ ရက က(၁၉)၊ငါးရံ့ ချောင်းတွင် အောက်တိုဘာ (၁၉) ရက် နံနက်ပိုင်းတွင် အမျိုးသား၂ဦး ရန်ဖြစ်စကားဖြစ်ခဲ့ပြီး အမျိုးသား၁ဦး ဓားဖြင့်ခုတ်ခံရပြီး ဘယ်ဘက်နားရွက်နှင့် နောက်စေ့ပြတ်ရှပြီး စိုးရိမ်ရဒဏ်ရာများရရှိခဲ့ကြောင်းသိရသည်။

ဓါးဖြင့် အခုတ်ခံရသူ အမျိုးသားမှာ (စိုးရိမ်ရ) ဒဏ်ရာရခဲ့သောကြောင့် အခင်းဖြစ်ရာ နေရာမှ ပြည်သူ့ဆေးရုံကြီး OPD သို့ သန္တိသုခအခမဲ့ လူမှုကူညီရေးအသင်းမှ အရေးပေါ်သူနာတင်ယာဉ်ဖြင့် ပို့ဆောင်ကူညီခဲ့ကြောင်း သိရသည်။
Yangon_Times/PP
#Local_News
#Published_ 19 October 2023
#YMG #Yangon_Times #Yangon_Media_Group

Published-19 October 2023

လူမှုဖူလုံရေးအဖွဲ့အနေဖြင့် ၂၀၁၂ ခုနှစ်၊ လူမှုဖူလုံရေးဥပဒေနှင့်အညီ အလုပ်သမားများ၏ လူမှုဘဝ လုံခြုံရေးအတွက် ကျန်းမာရေးစောင့်ရှောက် မှုများနှင့် ငွေလက်ငင်း အကျိုးခံစားခွင့်များအား ခံစားရရှိနိုင်စေရန် လက်ရှိတွင် အာမခံစနစ် (၆) မျိုး အနက် (၂) မျိုးကို အကောင်အထည်ဖော်လျက် အကျိုးခံစားခွင့် (၁၅) မျိုးအား ဆောင်ရွက်ပေးလျက်ရှိကြောင်း သိရသည်။

လူမှုဖူလုံရေးအာမခံ (Social Insurance) စနစ်အရ လူမှုဖူလုံရေးစီမံကိန်းကို တစ်မျိုးသားလုံး အကျုံးဝင်လာစေရေး  မဟာဗျူဟာရည်မှန်းချက်တစ်ရပ် ချမှတ်ပြီးဆောင်ရွက်နေကာ နိုင်ငံတော်၏ စီးပွားရေးဖွံ့ဖြိုးတိုးတက်မှုကိုလည်း အထောက်အကူပြုလျက်ရှိသည်။

အကျုံးဝင် အာမခံအလုပ်သမားများအတွက်  ကျန်းမာရေးစောင့်ရှောက်မှုများကို အလွယ်တကူ လက်လှမ်းမီ ရယူနိုင်စေရန် ပုဂ္ဂလိကနှင့်ပူးပေါင်း၍  စာချုပ် ဆေးခန်းများ ဖွင့်လှစ်ကာ ကျန်းမာရေးဝန်ဆောင်မှု ထောက်ပံ့ဆောင်ရွက် လျက်ရှိရာ လက်ရှိတွင် Capitation Payment စာချုပ်ဆေးခန်း ၂၆ ခန်း၊ Fee for Service Payment စာချုပ်ဆေးခန်း ၂၅ ခန်း၊ Specialist OG OPD ပြသနိုင်သော ဆေးခန်း ၁၈ ခန်း၊ မီးဖွားခြင်းနှင့်ဆိုင်သော ဝန်ဆောင်မှု ဆောင်ရွက်သည့် စာချုပ်ဆေးရုံ၊ သားဖွားခန်း ၁၂ ခန်း၊ Mobile Medical Unit ရွေ့လျားဆေးကုသယာဉ် နှစ်စီးတို့ဖြင့် ဝန်ဆောင်မှုပေးလျက်ရှိကြောင်းသိရသည်။

မန္တလေးတိုင်းဒေသကြီးတွင်   အကျုံးဝင် အာမခံအလုပ်သမား ၁၁၅၀၀၀ ကျော်ရှိပြီး အဆိုပါ အာမခံအလုပ်သမားများ၏ ကျန်းမာရေးစောင့်ရှောက်မှုအတွက် မန္တလေးအလုပ်သမားဆေးရုံကြီး၊ မြို့နယ် လူမှုဖူလုံရေးဆေးခန်း ၁၃ ခန်း၊ ဌာနကြီးဆေးခန်း ကိုးခန်း၊ စာချုပ်ဆေးခန်း လေးခန်းတို့ဖွင့်လှစ်၍ ဝန်ဆောင်မှုပေးလျက်ရှိရာ ၂၀၂၃ ခုနှစ် ဇန်နဝါရီလမှ ဩဂုတ်လအထိ  အာမခံအလုပ်သမား  လူနာ ၅၃၈၆၂ ဦးကို ကျန်းမာရေး စောင့်ရှောက်မှုပေးနိုင်ခဲ့ပြီး လူနာ ၉၁၈၅ ဦးအတွက် ဆေးဖိုးကုန်ကျငွေ ကျပ် ၁၃၁၃ ဒသမ ၀၇၈ သန်း ပေးအပ်ခဲ့ပြီးဖြစ်ကြောင်း သိရသည်။
Yangon_Times/PP
#Local_News
#Published_ 19 October 2023
#YMG #Yangon_Times #Yangon_Media_Group

Published_ 19 October 2023

တရုတ်_မြန်မာနယ်စပ်ဖြစ်သည့်မူဆယ်နယ်စပ်ကုန်သွယ်ရေးဇုန်မှ တစ်ဆင့် တစ်ရက်လျှင် ပို့ကုန် ကားအစီးရေ၁၆၀ခန့် တင်ပို့နေကြောင်းမူဆယ်နယ်စပ်ကုန်သည်များထံမသိရသည်။

ထိုသို့တင်ပို့ရာတွင်လက်ရှိတွင်ရေထွက်ကုန်ပစ္စည်း၊ပဲ၊ရော်ဘာ၊စားသောက်ကုန်များကိုအဓိကတင်ပို့နေခြင်းဖြစ်ကြောင်း သိရသည်။

" ဒီလမှာ တစ်ရက်ကို ပို့ကုန်ကားစီးရေ၁၅၀ကနေ၁၆၀လောက်နေ့စဉ်သွားနေပါတယ်။ဆန်နဲဆန်ကွဲတော့နဲတယ်။ကျန်ကုန်တွေများတာပေါ့ "ဟု မူဆယ်ဆန် ကုန်စည်ဒိုင်မှ ဒုတိယဥက္ကဌဦးမင်းသိန်းက ပြော
သည်။

ထို့အပြင်လာမည့် လအတွင်း၌ ပြည်တွင်း၌စပါးလှိုင်လှိုင်ပေါများချိန် ဖြစ်သောကြောင့် ဆန်နှင့်ဆန်ကွဲတင်ပို့မှု ပိုမိုလာနိုင်ပါက ပို့ကုန်ရငွေပိုမိုရရှိလာနိုင်ကြောင်း သိရသည်။

မြန်မာနိုင်ငံ၏ အဓိကကုန်သွယ်ဖက်နိုင်ငံဖြစ်သည့် တရုတ်နိုင်ငံနှင့် မူဆယ်၊လွယ်ဂျယ်၊ချင်းရွှေဟော်၊ကံပိုက်တည်၊ကျိုင်းတုံစသည့်နယ်စပ်ကုန်သွယ်ရေးများမှကုန်သွယ်မှူပြုလုပ်နေခြင်းဖြစ်ပြီး ၂၀၂၃ခုနှစ်ဧပြီ၁ရက်မှ အောက်တိုဘာ၆ရက်အထိ ပို့ကုန်တန်ဖိုး ကန်ဒေါ်လာသန်းပေါင်း ၁၁၈၆.၄၀၂၊ သွင်းကုန်တန်ဖိုး ကန်ဒေါ်လာသန်းပေါင်း ၉၀၅.၃၂၈ ဒေါ်လာ စုစုပေါင်းကုန်သွယ်မှုပမာဏ ကန်ဒေါ်လာသန်းပေါင်း၂၀၉၁.၇၃၀သန်းရရှိခဲ့ကြောင်းသိရသည်။

အဆိုပါ စုစုပေါင်းတင်ပို့မှုများတွင် မူဆယ်နယ်စပ်ကုန်သွယ်ရေးမှ ပို့ကုန် တန်ဖိုးကန်ဒေါ်လာ သန်းပေါင်း၉၅၆.၈၅၁၊သွင်းကုန်တန်ဖိုး ကန်ဒေါ်လာသန်းပေါင်း၃၈၃.၉၄၄ဒေါ်လာ ကုန်သွယ်မှုပမာဏစုစုပေါင်း ကန်ဒေါ်လာသန်းပေါင်း
၁၃၄၀.၇၉၅သန်းရရှိခဲ့ပြီး မြန်မာ_တရုတ် နယ်စပ် ကုန်သွယ်ရေးများ၌ အများဆုံးကုန်သွယ်နိုင်ခဲ့ကြောင်းသိရသည်။

မူဆယ်(105)မိုင်မှ တရုတ်နိုင်ငံသို့ ဆန်၊ဆန်ကွဲ၊ပဲမျိုးစုံ၊ပဲတီစိမ်း၊ပြောင်း၊ကြံ၊ဖရဲ၊သခွှားမွှေးများတင်ပို့‌ရှိလေ့ရှိပြီးတရုတ်နိုင်ငံဘက်မှလည်း ဆောက်လုပ်ရေး၊ဆေးဝါး၊စားကုန်သောက်ကုန်၊လျှပ်စစ်၊အိမ်သုံးကုန်နှင့်စက်ပစ္စည်းများ တင်သွင်းလျှက်ရှိ‌‌ကြောင်း သိရသည်။
Yangon_Times/NN
#Local_News
#Published_ 19 October 2023
#YMG #Yangon_Times #Yangon_Media_Group

Published-19 October 2023

အရှေ့တောင်အာရှချန်ပီယံ ရွှေတံဆိပ်ဆုများရှင် မြန်မာ့လက်ရွေးစင် အလေးမ အားကစားသမားဟောင်း ဦးစန်းမြင့် (ဗိုလ်ကြီးစန်းမြင့်- ငြိမ်း) အသက် (၇၂) နှစ်သည် ယမန်နေ့က (၉၆) ပါးသောရောဂါဖြင့် ကွယ်လွန်သွားခဲ့ကြောင်း သိရသည်။

ဦးစန်းမြင့်သည် ၁၉၇၇ ခုနှစ်၊ ၁၉၇၉ ခုနှစ်၊ ၁၉၈၃ ခုနှစ်၊ ၁၉၈၅ ခုနှစ်၊ ၁၉၈၇ ခုနှစ်၊ ၁၉၈၉ ခုနှစ်တို့တွင် ကျင်းပခဲ့သည့် အရှေ့တောင်အာရှ အားကစားပြိုင်ပွဲများနှင့် နိုင်ငံတကာ အားကစားပြိုင်ပွဲများတွင် မြန်မာနိုင်ငံအတွက် ရွှေတံဆိပ်ဆု (၁၃) ခုအား ဆွတ်ခူးရယူပေးနိုင်ခဲ့သူ ဖြစ်ကြောင်းသိရသည်။

၎င်းအတွက် နာရေးကူညီထောက်ပံ့ငွေ ၅၀၀၀ဝဝိ/- (ကျပ်ငါးသိန်းတိတိ) ကို အားကစားနှင့်လူငယ်ရေးရာဝန်ကြီးဌာန ပြည်ထောင်စုဝန်ကြီး ဦးမင်းသိန်းဇံကိုယ်စား အားကစားနှင့်ကာယပညာသိပ္ပံ (မုံရွာ) ကျောင်းအုပ်ကြီး ညွှန်ကြားရေးမှူး ဦးကျော်ကျော်က ကျန်ရစ်သူမိသားစုထံသို့ သွားရောက်ထောက်ပံ့ ပေးအပ်ခဲ့ကြောင်းသိရသည်။
Yangon_Times/PP
#Local_News
#Published_ 19 October 2023
#YMG #Yangon_Times #Yangon_Media_Group

JLPT ဂျပန်ဘာသာ စာမေးပွဲအတွက် သိသင့်သည့်အချက်များကို စာမေးပွဲကျင်းပရေး ကော်မတီမှ ရှင်းလင်းမည်

‘ဂျပန်ဘာသာ အရည်အချင်းစစ်စာမေးပွဲ (JLPT) နဲ့ ပတ်သက်လို့ သိသင့်တဲ့အချက်တွေကို စာမေးပွဲဖြေဆိုသူတွေ သိရှိနိုင်ရန်အတွက် JLPT စာမေးပွဲ ကျင်းပရေးကော်မတီ၊ မြန်မာနိုင်ငံ ဂျပန်ပြန်ပညာသင်ဟောင်းအသင်း(MAJA) မှ ဂျပန်စာသင်တန်းကျောင်းတွေကို အွန်လိုင်းကနေ ရှင်းလင်းပွဲပြုလုပ်ပြီး အသိပေးသွားမယ်’ JLPT စာမေးပွဲကျင်းပရေးကော်မတီ၊ မြန်မာနိုင်ငံဂျပန်ပြန်ပညာသင်ဟောင်းအသင်း(MAJA)
Yangon_Times/tthl
#Local_News
#Published_ 19 October 2023
#YMG #Yangon_Times #Yangon_Media_Group

သီတင်းကျွတ်ကာလအတွက် ကားအငှား ကြိုတင်ငှားရမ်းမှု များပြားနေပြီး ပုဂံဟိုတယ်များလည်း ဘိုကင်ပြည့်နေ

'အကုန်လုံး ပြည့်ကျပ်နေပြီ ပုံဂံဟိုတယ် ဘိုကင်တစ်လုံးမှမရတော့ဘူး ‌‌‌ ' ရွှေပင့်ကူဘုရားဖူးလုပ်ငန်း မှကိုမျိုးမင်းလတ်
Yangon_Times/NN
#Local_News
#Published_ 19 October 2023
#YMG #Yangon_Times #Yangon_Media_Group

တညင်းကုန်းဈေးရှိ ဈေးသည်များကို လုပ်ငန်းတိုးချဲ့ နိုင်ဖို့ MSME ချေးငွေ ထုတ်ချေးပေးမည်

ရန်ကုန်တိုင်း အင်းစိန်မြို့နယ်မှာရှိတဲ့ တညင်းကုန်းလက်ကားဈေးကြီးမှာ ဈေးရောင်းချနေတဲ့ သူတွေကို လုပ်ငန်းတိုးချဲ့နိုင်ဖို့အတွက် မြန်မာနိုင်ငံအသေးစား၊ အငယ်စားနဲ့ အလတ်စား စီးပွားရေးလုပ်ငန်း (MSME) ချေးငွေ ထုတ်ချေးပေးမှာ ဖြစ်တယ်လို့ Myanmar Agro Exchang Public .Ltd မှ သိရပါတယ်။
Yangon_Times/LW
#Local_News
#Published_ 19 October 2023
#YMG #Yangon_Times #Yangon_Media_Group

Published 19 October 2023

ကုလသမဂ္ဂ လုံခြုံရေးကောင်စီရဲ့ ဆုံးဖြတ်ချက်တစ်ရပ်ကို ဗုဒ္ဓဟူးနေ့မှာ အမေရိကန်က ဗီတိုအာဏာသုံး ပယ်ချလိုက်ပါတယ်။

ထိုဆုံးဖြတ်ဖြေရှင်းချက်မှာ ဂါဇာကမ်းမြောင်ဒေသသို့ လူသားချင်းစာနာကူညီမှုများ ရရှိနိုင်ရေးအတွက် အစ္စရေးလ်နဲ့ ပါလက်စ်တိုင်း ဟားမတ်စ်စစ်သွေးကြွတို့ရဲ့ ပဋိပက္ခ ယာယီရပ်ဆိုင်းပေးဖို့ တောင်းဆိုတာ ဖြစ်ပါတယ်။

ဂါဇာသို့ ကူညီထောက်ပံ့ရေးမှာ အမေရိကန်က ကြားဝင်ဖို့ ကြိုးပမ်းနေတာကြောင့် ဘရာဇီးလ်မှ အကြံပြုတင်သွင်းတဲ့ အဆိုပြုချက်ကို မဲဆန္ဒပေးဖို့ရာ နောက်ဆုံးနှစ်ရက်အတွင်း နှစ်ကြိမ်တိုင် ကြန့်ကြာခဲ့ပါတယ်။

ဆုံးဖြတ်ချက်မူကြမ်းကို ၁၂ နိုင်ငံက သဘောတူမဲပေးခဲ့ပြီး ရုရှားနဲ့ ဗြိတိန်တို့က ကြားနေမဲပေးခဲ့ပါတယ်။

သံတမန်ရေးရာမှာ အထူးကြိုးပမ်း လုပ်ကိုင်နေရပြီး ထိုသံတမန်ရေး ဖြစ်မြောက်ဖို့လိုအပ်တယ်လို့ ယုံကြည်ကြောင်း ကုလသမဂ္ဂဆိုင်ရာ အမေရိကန်သံအမတ် လင်ဒါသောမတ်စ်ဂရင်းဖီးလ်က ၁၅ နိုင်ငံ မဲဆန္ဒပေးအပြီးမှာ ပြောကြားခဲ့ပါတယ်။

‘’ဆုံးဖြတ်ဖြေရှင်းချက်တွေက အရေးကြီးတာ မှန်ပါတယ်။ ကောင်စီအနေနဲ့ တစ်ခုခုလုပ်ရမှာ မှန်ပါတယ်။

ဒါပေမဲ့ မြေပြင်က တကယ့်အခြေအနေတွေအတိုင်း ဆောင်ရွက်ဖို့နဲ့ သံတမန်ရေးရာ တိုက်ရိုက်အားထုတ်မှုတွေကို ထောက်ပံ့ပေးဖို့ လိုအပ်ပါတယ်။ ဒါမှသာ လူ့အသက်တွေကို ကယ်ဆယ်နိုင်မှာ ဖြစ်ပါတယ်။

ကောင်စီအနေနဲ့ မှန်ကန်အောင် ဆောင်ရွက်ဖို့ လိုပါတယ်’’ လို့ ပြောကြားသွားပါတယ်။

အမေရိကန်ကတော့ ကုလသမဂ္ဂ လုံခြုံရေးကောင်စီရဲ့ လုပ်ဆောင်ချက်တွေကနေ ယင်းရဲ့မဟာမိတ် အစ္စရေးလ်ကို ထုံးစံအတိုင်း ကာကွယ်ပေးနေတာ ဖြစ်ပါတယ်။

ဖမ်းဆီးခံထားရတဲ့ ဓားစာခံတွေ လွှတ်ပေးရေးနဲ့ ဂါဇာသို့ လူသားချင်းစာနာကူညီမှုများ ရရှိရေးတို့အတွက် ချက်ချင်းအပစ်အခတ် ရပ်စဲပေးဖို့ ကုလထွေချုပ် အန်တိုနီယိုဂူတာရက်စ်က ဗုဒ္ဓဟူးနေ့က ပြောကြားလိုက်ပါတယ်။

ပဋိပက္ခနဲ့ ပတ်သက်ပြီး အရေးပေါ်ဆွေးနွေးရန် ၁၉၃ နိုင်ငံပါဝင်တဲ့ ကုလသမဂ္ဂ အထွေထွေညီလာခံ ကျင်းပရန် ရုရှားက တောင်းဆိုထားပါတယ်။

ထိုညီလာခံမှာ မည်သည့်နိုင်ငံမျှ ဗီတိုအာဏာသုံးခွင့်မရှိဘဲ အဆိုပြုမူကြမ်းကို မဲဆန္ဒပေးနိုင်မှာ ဖြစ်ပါတယ်။

စစ်ပွဲပဋိပက္ခ ပိုမိုကျယ်ပြန့်လာနိုင်ခြေ အလွန်များနေတယ်လို့ ကုလသမဂ္ဂ အရှေ့အလယ်ပိုင်းဆိုင်ရာ ငြိမ်းချမ်းရေး သံတမန် တော်ဝင်နက်စ်လန်က ကောင်စီထံ ပြောပြသွားပါတယ်။

ဆုံးဖြတ်ချက်မူကြမ်းက အစ္စရေးလ်တို့ရဲ့ ကိုယ်ပိုင်ကာကွယ်ခွင့်အကြောင်း မဖော်ပြထားတဲ့အတွက် အမေရိကန်က စိတ်ပျက်မိကြောင်း သောမတ်စ်ဂရင်းဖီးလ်က ဆိုလိုက်ကာ ဂါဇာမှာ ပြည်သူများအကြပ်အတည်း ဖြစ်ရခြင်းအတွက် ဟားမတ်စ်တို့ကို အပြစ်တင်လိုက်ပါတယ်။

ဂါဇာမှ ဒုက္ခသည်အကြပ်အတည်း ဖြေရှင်းပေးရန် အစ္စရေးလ်၊ အိမ်နီးချင်းနိုင်ငံများ၊ ကုလသမဂ္ဂ၊ မိတ်ဖက်နိုင်ငံများနဲ့ အတူလုပ်ဆောင်နေကြောင်း၊ ဂါဇာသို့ စားနပ်ရိက္ခာ၊ ဆေးဝါး၊ ရေ၊ လောင်စာများ အမြန်ဆုံးရောက်ရှိရန် လိုအပ်ကြောင်း၊ ဟားမတ်စ်တွေ ကိုယ်တိုင်ကြောင့်ပဲ ဒီပြဿနာများ ဖြစ်လာတာဖြစ်ကြောင်း ပြောပြသွားပါတယ်။

အစ္စရေးလ်တို့ဟာ ဂါဇာကို လုံးဝဝန်းရံထားပြီး ပစ်ခတ်တိုက်ခိုက်နေကာ ဟားမတ်စ်တို့ကို အမြစ်ပြတ်ချေမှုန်းသွားမယ်လို့ အခိုင်အမာဆိုထားပါတယ်။
Source: Reuters
Yangon_Times
#World_News
#Published_ 19 October 2023
#YMG #Yangon_Times #Yangon_Media_Group

Published_ 19 October 2023

ပဲခူးတိုင်းအတွင်းကျေးရွာနှစ်ရွာမှ ရေဘေးသင့်ပြည်သူများကို မြန်မာကျဲကျန်းတရုတ်ကုန်သည်ကြီးများအသင်းမှ ငွေကျပ်သိန်း (၂၁ဝ)တန်ဖိုးရှိ ဆန်အိတ်၊ဆီ၊ရေသန့်၊ခေါက်ဆွဲခြောက်စသည့်စားနပ်ရိက္ခာများသွားရောက်လှူဒါန်း ခဲ့ကြောင်းသိရသည်။

မြန်မာ-တရုတ်ယဉ်ကျေးမှုအသင်း၏ စီစဉ်မှုဖြင့် ပဲခူးမြို့နယ်အတွင်းရှိ ရှမ်းရွာကြီးကျေးရွာမှ အိမ်ထောင်စု (၃၅၀)နှင့် ပေပင်ချောင်ကျေးရွာမှအိမ်ထောင်စု(၁၅၀)မှ ရေဘေး သင့်ပြည်သူများအားမြန်မာကျဲကျန်းတရုတ်ကုန် သည်ကြီးများအသင်းဥက္ကဌ Mr.Tu Guodingနှင့်အဖွဲ့ဝင်များက ငွေကျပ်သိန်း (၂၁ဝ) တန်ဖိုးရှိ ဆန်၊ဆီ၊ရေသန့် ၊ခေါက်ဆွဲခြောက်တို့ကို တိုင်းဒေသကြီးဝန်ကြီးချုပ် ဦးမျိုးဆွေဝင်းထံပေးအပ်လှူဒါန်းခဲ့ကြသည်။

ယင်းအလှူပစ္စည်းများကို မြန်မာ-တရုတ်ယဉ်ကျေးမှုအဖွဲ့ဝင်များ၊ မြန်မာကျဲကျန်းတရုတ်စီးပွားရေး လုပ်ငန်းရှင်ကြီးများကိုယ်တိုင် ရှမ်းရွာကြီးကျေးရွာမှ အိမ်ထောင်စု (၃၅၀)နှင့် ပေပင်ချောင်ကျေးရွာမှအိမ်ထောင်စု (၁၅၀)မှ ကျေးရွာနေပြည်သူများကိုတစ်အိမ်ထောင်စုလျှင် ဆန်(၅)ပြည်၊မြေပဲဆီ(၁.၈)လီတာ၊ရေသန့်ဗူးတစ်ဗူး၊ ခေါက်ဆွဲခြောက်(၁၀)ထုတ်များအရောက်သွားရောက်လှုဒါန်းခဲ့ကြကြောင်းသိရသည်။
Yangon-Times/tthl
#Local_News
#Published_ 19 October 2023
#YMG #Yangon_Times #Yangon_Media_Group

Published_ 19 October 2023

ယခုနှစ် (၉)လအတွင်း YBS ယာဉ်လိုင်းများ စည်းကမ်းဖောက်ဖျက် မှု အမှုပေါင်း ၁၇၅၄၅ မှုရှိခဲ့ကြောင်း YRTC က သိရသည်။

၂၀၂၃ ခုနှစ် ဇန်နဝါရီလမှ အောက်တိုဘာလ ထိ ၉လအတွင်းစည်းကမ်းဖောက်ဖျက်မှုများကို အရေးယူမှုပြု လုပ်ရာတွင် မှတ်သားဖမ်းဆီးမှုဖြင့် အမှု ၁၂၁၇၈ မှုမှာ အများဆုံးဖြစ်ကြောင်း သိရသည်။

ယင်းအပြင် Control Centre မှ cctv ဖြင့် မှတ်သားဖမ်းဆီးမှု ၁၂၁၇၈ မှု၊ တိုင်ကြားမှု ၆၆၉ မှု၊ Facebook အမှု ၆ မှု၊ မီးနီဖြတ်မောင်းမှု ၁၉၃၂ မှု၊ သတ်မှတ်ကီလိုမီတာထက် ကျော်လွန်မောင်းနှင်မှု ၁၀၀၈ မှု၊ သတ်မှတ်လမ်း ကြောင်းအတိုင်း မမောင်းနှင်မှု ၈၉ မှု၊ မဆင်မခြင်မောင်းနှင်မှု ၁၆၆ မှု၊ အခြားအမှု ၇၇၅ မှု၊ ရပ်နားချိန်ကြာမြင့်မှု ၁၈၂ မှု၊ ယာဉ်တစ်စီးနှင့်တစ်စီး ယှဉ်ပြိုင်ကျော်တက်မောင်းနှင်မှု ၅၃၆ မှု၊ မချေမငံပြောဆိုမှု ၄ မှု၊ စုစုပေါင်း ၁၇၅၄၅ မှုဖြစ်ကြောင်း သိရသည်။

အဆိုပါ အမှုများအနက် အမှု ၈၅၁၃ မှုကို မော်တော်ယာဉ်အန္တရာယ်ကင်းရှင်းရေး ဥပဒေပုဒ်မ ၉၆ ဖြင့် အရေးယူ ထားပြီးဖြစ်ကြောင်း YRTC ၏ စာရင်းများတွင် ဖော်ပြထားသည်။

အရေးယူမှုများပြုလုပ်ရာတွင် ပထမအကြိမ်အဖြစ် ဒဏ်ငွေဆောင်ရမည်ဖြစ်ပြီး သုံးကြိမ်မြောက်ကျူးလွန်ပါက ယာဉ်လိုင်းမှ ရာသက်ပန် ထုတ်ပယ်သည်အထိ အရေးယူဆောင်ရွက်သွားမည်ဖြစ်ကြောင်း သိရသည်။
Yangon-Times/PP
#Local_News
#Published_ 19 October 2023
#YMG #Yangon_Times #Yangon_Media_Group