#World_Health
Published 24 October 2023

ဆီးချိုရောဂါအတွက် အသုံးပြုတဲ့ Mounjaro ဆေးကို အစားအစာ၊ လေ့ကျင့်ခန်းတို့နဲ့ တွဲပြီးအသုံးပြုပါက အဝလွန်တဲ့သူတွေမှာ ကိုယ်အလေးချိန် ၄ ပုံ ၁ ပုံခန့် ဒါမှမဟုတ် ပျမ်းမျှပေါင် ၆၀ ခန့်လျော့ကျစေကြောင်း လေ့လာတွေ့ရှိထားပါတယ်။

နှိုင်းယှဥ်တဲ့အနေနဲ့ အစားထိန်းပြီး လေ့ကျင့်ခန်းလုပ်သူတွေကို အာနိသင်မရှိတဲ့ဆေး အသုံးပြုစေရာမှာတော့ အစပိုင်းမှာ ကိုယ်အလေးချိန်ကျခဲ့ပေမယ့် နောက်ပိုင်းမှာ ပြန်တက်လာခဲ့ပါတယ်။

စမ်းသပ်ရလဒ်များအရ အခုအချိန်မှာ Eli Lily & Co. မှထုတ်လုပ်တဲ့ ဆေးဟာ အဝလွန်ခြင်းအတွက် အထိရောက်ဆုံး ဆေးတစ်လက် ဖြစ်နေပါတယ်။

Tirzepatide ထိုးဆေးကို ဆီးချိုကုသဖို့အတွက် ၂၀၂၂ မေလမှာ အမေရိကန်မှာ အသိအမှတ်ပြုခဲ့ပါတယ်။

Mounjaro အမည်ဖြင့်ရောင်းချကာ အဝလွန်ခြင်းအတွက် အသုံးပြုလာသူ များပြားသလို Novo Nordisk မှထုတ်လုပ်တဲ့ Ozempic နဲ့ Wegovy တို့ကိုလည်း ဝိတ်ချတဲ့နေရာမှာ သုံးစွဲလာကြပါတယ်။

Tirzepatide က စားသောက်ပြီးတဲ့အခါ ထွက်လာတဲ့ ဟော်မုန်း ၂ ခုကို ပစ်မှတ်ထားကာ စားသောက်ချင်စိတ်နဲ့ ပြည့်တင်းစိတ်ကို ထိန်းညှိပေးပါတယ်။

Eli Lily မှ ထောက်ပံ့တဲ့ စမ်းသပ်ချက်မှာ အဝလွန်တယ်လို့ သတ်မှတ်လို့ရတဲ့ လူပေါင်း ၈၀၀ ပါဝင်ခဲ့ပါတယ်။

စမ်းသပ်ချက် စတင်ချိန်မှာ အားလုံးရဲ့ ပျမ်းမျှအလေးချိန်က ၂၄၁ ပေါင်ရှိကာ BMI ၃၈ ရှိခဲ့ပါတယ်။

အစားအသောက် ထိန်းချုပ်မှုများနဲ့ လေ့ကျင့်ခန်းများ ပြုလုပ်ပြီး ၃ လအကြာမှာ လူ ၂၀၀ ခန့် စမ်းသပ်မှုမှ ထွက်ခွာသွားကြပါတယ်။

ကျန်တဲ့ ၆၀၀ နီးပါးကိုတော့ ၁၆ လကြာတဲ့အထိ tirzepatide ဒါမှမဟုတ် ဆေးအတုဖြင့် ထိုးပေးခဲ့ပါတယ်။

အစားအစာနဲ့ လေ့ကျင့်ခန်းပြုလုပ်စဥ် စမ်းသပ်ပါဝင်သူတွေဟာ ၁၇ ပေါင်နီးပါး ကျဆင်းခဲ့ကာ ဆေးထိုးတဲ့သူတွေက ၄၄ ပေါင်ပိုကျခဲ့ပြီး အာနိသင်မရှိတဲ့ဆေး ထိုးသူတွေကတော့ ၆ ပေါင်ခန့် ပြန်တက်လာပါတယ်။

ဘေးထွက်ဆိုးကျိုးတွေက မူးဝေခြင်း၊ ဝမ်းလျှောခြင်း၊ ဝမ်းပိတ်ခြင်းတို့ ဖြစ်တတ်ပေမယ့် သာမန်မျှသာ ဖြစ်ပါတယ်။

Eli Lily က နောက်ထပ်စမ်းသပ်မှုမှာ ကိုယ်အလေးချိန်ကျတဲ့အကြောင်း ရလဒ်ရရှိရင်တော့ ထုတ်ဖော်ကြေညာသွားမှာ ဖြစ်ပါတယ်။

Source: India Today #World_Health #ကိုယ်အလေးချိန်ကျစေနိုင် #ဆီးချိုရောဂါ

Published 24 October 2023

လူတစ်ယောက်ရဲ့ စွမ်းအင်လို့ ဆိုရာမှာ ရုပ်ပိုင်းဆိုင်ရာရော စိတ်ပိုင်းဆိုင်ရာ ခွန်အားပါ ပါဝင်ပါတယ်။

နေ့စဥ်လှုပ်ရှားပြုမူနေတဲ့ အလေအကျင့်တွေက စွမ်းအင်ပမာဏအပေါ် သက်ရောက်နေပါတယ်။

ပုံမှန်လေ့ကျင့်ခန်း ပြုလုပ်ခြင်း၊ ညီညွတ်မျှတစွာ စားသုံးခြင်း၊ လုံလောက်စွာ အိပ်စက်ခြင်း၊ ဖိစီးမှုထိန်းချုပ်ခြင်းတို့ဖြင့် စွမ်းအင်မြှင့်တင်နိုင်သလို အချို့သော အလေ့အကျင့်တွေကြောင့် စွမ်းအင်ကို လျော့ကျစေနိုင်ပါတယ်။

 
(၁) ညဥ့်နက်တဲ့အထိ အိပ်စက်ပြီး အိပ်ချိန်မလုံလောက်ပါက အားအင်ကို သိသိသာသာ လျော့ကျစေပါတယ်။
 
(၂) တစ်နေ့သုံးနပ်စားခြင်းနဲ့ ပတ်သက်ပြီး မစားမသောက်ဘဲနေပါက သွေးတွင်းသကြားဓာတ် လျော့ကျစေကာ နွမ်းနယ်ခြင်းကို ဖြစ်စေတာကြောင့် တစ်နေ့တာလုံး ညီညွတ်မျှတစွာ စားပေးဖို့ လိုအပ်ပါတယ်။
 
(၃) အချိန်ကြာမြင့်စွာ ထိုင်နေခြင်းဖြင့် ပင်ပန်းနုံးချည့်မှု ခံစားရနိုင်ပါတယ်။
 
(၄) ကဖင်းဓာတ်က ယာယီအားဖြင့် စွမ်းအင်ပေးစွမ်းနိုင်ပေမယ့် အလွန်အကျူး မှီခိုလွန်းရင်တော့ အားအင်ယုတ်လျော့စေပါတယ်။
 
(၅) ရေအလုံအလောက် မသောက်ပါက ရေဓာတ်ခန်းခြောက်နိုင်ပြီး အားအင်လျော့ပါးစေပါတယ်။
 
(၆) သဘာဝအလင်းရောင် လုံလောက်စွာ မရပါက ခန္ဓာကိုယ်ထဲရှိ နေ့ညလည်ပတ်မှုစက်ဝန်းကို နှောင့်ယှက်စေကာ အားအင်ပမာဏကို ထိခိုက်စေပါတယ်။
 
(၇) အချိုဓာတ်များတဲ့ စားစရာတွေ စားသုံးပါက သွေးတွင်းသကြားဓာတ် မြင့်တက်စေပြီး စွမ်းအင်ဖြစ်ပေါ်မှုကို ပျက်စီးစေပါတယ်။
 
(၈) ဖိစီးမှုရေရှည်ခံစားရတဲ့အခါ စွမ်းအင်ယုတ်လျော့စေပြီး ကျန်းမာရေးကို ဆိုးရွားစေပါတယ်။
 
(၉) လူမှုပေါင်းသင်းရေးမရှိဘဲ အထီးကျန်ဆန်ရင်လည်း အားအင်ယုတ်လျော့စေပါတယ်။
 
(၁၀) အချိန်ကို စီမံခန့်ခွဲခြင်းမရှိဘဲ လုပ်စရာတွေ စုပြုံနေတယ်ဆိုရင် ပင်ပန်းအားကုန်စေပါတယ်။
 
အားအင်လျော့နည်းစေတဲ့ အလေ့အကျင့်တွေကို လျှော့ချပြီး ကျန်းမာရေးနဲ့ ညီညွတ်စွာ နေထိုင်ခြင်းဖြင့် အားအင်မြင့်မားနေစေမှာ ဖြစ်ပါတယ်။
Source: DoctorNDTV.
#World_Health
#Published_ 24 October 2023
#YMG #Yangon_Times #Yangon_Media_Group

ဆော်ဒီအာရေဗျမှ အနာဂတ်မြို့ NEOM ပူးပေါင်းဆောက်လုပ်ရေးဟာ တရုတ်နဲ့ ဆော်ဒီတို့ကြား ချောမွေ့စွာ ပူးပေါင်းဆောင်ရွက်နိုင်ခြင်း သက်သေအဖြစ် ရပ်တည်နေပါတယ်။ ထိုမြို့ဟာ ဆော်ဒီနိုင်ငံ အနောက်မြောက်ပိုင်း တာဘွတ်ခ်မှာ တည်ရှိပြီး စတုရန်းကီလိုမီတာ ၂၆,၅၀၀ ကျယ်ဝန်းကာ ဒေါ်လာ ၅၀၀ ဘီလီယံ ရင်းနှီးမြှုပ်နှံထားတာ ဖြစ်ပါတယ်။
Yangon_Times
#World_Development
#Published_ 23 October 2023
#YMG #Yangon_Times #Yangon_Media_Group

Published-23 October 2023

ကမ္ဘာ့ရွှေဈေးနှုန်းမြင့်တက်လာခြင်းနှင့်အတူရန်ကုန်အခေါက်ရွှေ တစ်ကျပ်သားကို ကျပ်တစ်သိန်းကျော်အထိမြင့်တက်လာကြောင်းရွှေဈေးကွက်အတွင်းမှ သိရသည် ။

ထိုသို့မြင့်တက်ရာတွင် တစ်ပတ်တာအတွင်းကမ္ဘာ့ရွှေဈေးနှုန်းမှာ တစ်အောင်စကိုကန်ဒေါ်လာ 65 ဒေါ်လာအထိမြင့်တက်လာပြီး ရန်ကုန်အခေါက်ရွှေတစ်ကျပ်သားကို 101,600 ကျပ်အထိဈေးနှုန်းလိုက်ပါ မြင့်တက်လာကြောင်း သိရသည်။

" အရှေ့အလယ်ပိုင်းအရေးကြောင့်ကမ္ဘာ့ရွှေဈေးတြွေမင့်တက်နေတဲ့အတွက်ဒီကဈေးတွေပါလိုက်တက်နေတာပါ ။အမှန်ဒီအချိန်ကပုံမှန်ဆိုရင်ကျရမယ့်အချိန်ထဲမှာပါပါတယ် " ဟု ရွှေဆိုင်လုပ်ငန်းရှင်တစ်ဦးက ပြောပါတယ် ။

ပုံမှန်အားဖြင့် ရွှေလုပ်ကွက်များမှ ရွှေကုန်ကြမ်းထွက်ရှိချိန်နှင့် ပြည်နယ်နှင့်တိုင်းများမှ လက်ဝတ်ရတနာကုန်ကြမ်းများ ဝင်ရောက်မှု များပြားချိန်များ၌ ပြည်တွင်းဈေး နှုန်းများကျဆင်းလေ့ရှိကြောင်း၊ လက်တလောတွင်ဈေးကွက်အတွင်း၌ ရောင်းလိုအား များပြီးဝယ်လိုအားနည်းပါးနေကြောင်း သိရသည်။

ယနေ့တွင် ကမ္ဘာ့ရွှေဈေးနှုန်းတစ်အောင်စကို ကန်ဒေါ်လာ 1980အထိဈေးနှုန်းမြင့်တက် နေ ပြီးရန်ကုန် ရွှေလုပ်ငန်းရှင်အသင်း၏ ရည်ညွှန်းဈေးနှုန်းမှာ အခေါက်ရွှေတစ်ကျပ်သားကို 3,096,100ကျပ်အထိ ဈေးနှုန်းရှိနေကြောင်းသိရသည်။

ပြင်ပဈေးကွက်၌မူအခေါက်ရွှေတစ်ကျပ်သားကို 3,450,000 ကျပ်ဝန်းကျင်အထိ ဈေးနှုန်းရှိနေပြီး နိုင်ငံခြားငွေလဲနှုန်းမှာ အမေရိကန်တစ်ဒေါ်လာကို 3260ကျပ်အထိဈေးနှုန်းရှိနေကြောင်းသိရသည်။
Yangon_Times/NN
#Local_News
#Published_ 23 October 2023
#YMG #Yangon_Times #Yangon_Media_Group

Published 23 October 2023

ရန်ကုန်တိုင်းဒေသကြီး အင်းစိန် မြို့နယ် အောင်ဇေယျကြိုးတံတားအောက်တွင် ဒိုင်နာယာဉ်မှ အရှိန် မထိန်းနိုင်ဘဲ အနှေးယာဉ် ကို တိုက်မိတာကြောင့် အနှေးယာဉ်မောင်းသူ ထိခိုက်ဒဏ်ရာရရှိ ပြီး စိုးရိမ် ရသည့် အနီ ရောင် အဆင့် တွင် ရှိနေကြောင်း တွဲလက်လူမှုကူညီရေးအဖွဲ့(အင်းစိန်) ထံမှ သိရသည်။

အောက်တိုဘာ ၂၃ရက် နံနက် ၁၀နာရီ ခန့် က ဖြစ်ပွားခဲ့တာ ဖြစ်ပြီး အောင်ဇေယျ ကြိုးတံတားအောက် တွင် ဒိုင်နာယာဉ်မှ တစ်ဖက် ယာဉ်ကြော သို့ အကွေ့တွင် အရှိန်မထိမ်းနိုင်ဘဲ အနှေးယာဉ်ကို တိုက်မိခြင်း ဖြစ်ကြောင်း သိရသည်။

'' အနှေးယာဉ်သမား က အသက် ၅၅ နှစ် ဝန်းကျင် ရှိတယ်၊ ဦးခေါင်း ပိုင်း အတော် ထိသွားတယ်၊နောက်စေ့ကွဲပြီး အရေခွံ လန် သွားတယ် စိုးရိမ် ရတဲ့ အနေထားရှိတယ် ''ဟုတွဲလက်လူမှုကူညီရေးအဖွဲ့(အင်းစိန်) မှတာဝန်ရှိသူကပြောသည်။

အဆိုပါ ယာဉ်တိုက်မှု ကို သက်ဆိုင်ရာမှ လာရောက် စစ်ဆေးပြီး ဒိုင်နာယာဉ်မောင်း ကို ဖမ်းဆီးကာ မြို့နယ်ရဲစခန်းကိုခေါ်ဆောင်သွားကြောင်း၊ထိခိုက်ဒဏ်ရာ ရရှိခဲ့သည့် အနှေးယာဉ်မောင်းသူ ကို တွဲလက်လူမှုကူညီရေးအဖွဲ့ မှ အင်းစိန်ဆေးရုံ ကို ပို့ဆောင်ပေးခဲ့ကြောင်း သိရသည်။
Yangon_Times/LW
#Local_News
#Published_ 23 October 2023
#YMG #Yangon_Times #Yangon_Media_Group

#Daily_News
Published_ 23 October 2023

၁။ ဆောင်းကာလအေးမည့် ကွတ်ခိုင်မြို့တွင် စစ်ဘေးရှောင်ပြည်သူများအတွက် အနွေးထည်များ လိုအပ်နေ

၂။ ပြည်ပအလုပ်အကိုင် အေဂျင်စီ လိုင်စင်အာမခံကြေး ပြောင်းလဲမည့် နှုန်းထားလျာထားချက် လျော့ပေးဖို့  MOEAF တင်ပြထားဟုဆို

၃။ အုန်းစိုက်တောင်သူများကို သင်တန်းပေးခြင်းများအပြင် ပြည်ပခရီးစဉ်များ စေလွှတ်မည်

၄။ တရုတ်နှင့် ဆော်ဒီအာရေဗျတို့၏ ပူးပေါင်းဆောင်ရွက်ရေး သင်္ကေတဖြစ်သည့် NEOM အနာဂတ်မြို့ကြီး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

၂၃ အောက်တိုဘာ ၂၀၂၃

ရုရှားနှင့် ငြိမ်းချမ်းရေးကို ၂၀၂၂ခုနှစ်မတ်လက စေ့စပ်ဆွေးနွေးမှုဆောင်ရွက်ရေးမှာ အမေရိကန်ပြည်ထောင်စုက ယူကရိန်းကို  ဟန့်တားခဲ့တယ်လို့ ဂျာမန်အဓိပတိဟောင်း ဂါးဟတ်ရှိုးဒါက ဖွင့်ချပြောဆိုပါတယ်။ အဲဒီအချိန်တုန်းက ပဋိပက္ခချုပ်ငြိမ်းဖို့ နှစ်ဖက်သဘောတူတော့မယ့်ဆဲဆဲမှာ အမေရိကန်က ယူကရိန်းကို ခွင့်မပြုခဲ့တာဖြစ်တယ်လို့သူကပြောဆိုပါတယ်။

ဂျာမန်သတင်းစာ Berliner Zeitung နှင့်သောကြာနေ့ကပြုလုပ်ခဲ့တဲ့ အင်တာဗျူးမှာ  ရှိုးဒါက ဖွင့်ချခဲ့တာဖြစ်ပြီး  ယူကရိန်း နေတိုးအဖွဲ့ထဲ မဝင်ရောက်ဖို့ကဲ့သို့သော အဓိက ပြဿနာတွေပေါ် ယူကရိန်းသမ္မတ ဗလာဒီမာဇီလင်စကီးရဲ့ကိုယ်စားလှယ် တွေက လိုက်လျောဖို့ ရှိလာတဲ့အခါ အမေရိကန်နိုင်ငံက ငြိမ်းချမ်းရေးဆွေးနွေးမှုတွေကို သဘောမတူခဲ့တာဖြစ်တယ်လို့ သူက အင်တာဗျူးမှာပြောပြပါတယ်။

“ ယူကရိန်းတွေဟာ သူတို့အနေနှင့်ခွင့်ပြုချက်မရလို့ ငြိမ်းချမ်းရေးအပေါ်သဘောမတူဖြစ်ခဲ့ကြတယ်။ သူတို့ဟာ သူတို့ဆွေးနွေးခဲ့ သမျှတွေအားလုံးကို အမေရိကန်တွေဆီကနေ အရင်မေးကြရတယ်” လို့ ရှိုးဒါကပြောပါတယ်။ သူဟာ ၂၀၂၂ခုနှစ်တုန်းက မော်စကိုက ယူကရိန်းအပေါ်စစ်ဆင်ရေးစတင်ခဲ့ပြီးနောက် ယူကရိန်းနှင့်ရုရှားအရာရှိတွေအကြား အီစတန်ဘူမှာ စေ့စပ်ဆွေး နွေးကြတဲ့အခါ ကြားဝင်စေ့စပ်ကူညီခဲ့သူတစ်ဦးဖြစ်ပါတယ်။

“ အရာခပ်သိမ်းကို ဝါရှင်တန်ကဆုံးဖြတ်နေတာကြောင့် ကျွန်တော့်အနေနှင့်တော့ ဘာတစ်ခုမှဖြစ်လာမယ်လို့ မထင်မိဘူး” လို့ သူကဆက်ပြောပါတယ်။

ဝါရှင်တန်ရဲ့ မဟာဗျူဟာက ပျက်စီးဆုံးရှုံစေနိုင်ပြီး တရုတ်နှင့်ရုရှားအကြး ပိုမိုနီးကပ်တာအဖတ်တင်သွားတယ်” လို့ သူကပြောပါတယ်။

“ အခုအမေရိကန်က ကန့်သတ်ထားတာခံနေရတဲ့ ဇာတ်ကောင်နှစ်ဦးဖြစ်တဲ့တရုတ်နှင့်ရုရှားဟာ တပ်တွေလက်တွဲလိုက်ကြပြီ။ အမေရိကန်က သူတို့ဟာ နှစ်ဘက်စလုံးကို ကောင်းကောင်းထိန်းထားနိုင်လောက်အောင် အင်အားကောင်းတယ်လို့ယုံထားကြ တယ်။ ကျွန်တော့်အနေနှင့်တော့ ဒါဟာ အမှားတစ်ခုလို့မြင်မိတယ်။ အခုကြည့်လေ အမေရိကန်ဘက်မှာ ဘာတွေဖြစ်နေပြီလဲ ဆိုတာ။ ကွန်ဂရက်မှာ ဝရုန်းသုန်းကားဖြစ်နေတာ” လို့သူကဝေဖန်ပါတယ်။

သူက ၂၀၂၂ခုနှစ်မတ်လတုန်းက ငြိမ်းချမ်းရေးကို တွန်းတွန်းတိုက်တိုက်လုပ်ဖို့ အခွင့်အရေးတွေ မရယူခဲ့နိုင်တဲ့ ဝါရှင်တန်ရဲ့ မဟာမိတ် အနောက်ဥရောနိုင်ငံတွေကိုလည်းပြစ်တင်လိုက်ပါတယ်။

“ အဲဒီအချိန်တုန်းက ဇီလင်စကီးဟာ ခရိုင်းမီးယားနှင့် ခွဲထွက်ဒွန်းဘတ်စ်နယ်မြေကိစ္စ အပေးအယူလုပ်ဖို့ လမ်းဖွင့်ပေးခဲ့တယ်” လို့ သူက ဖြည့်စွက်ပြောပါတယ်။အဲဒီအချိန်ကတည်းက အနောက်ရဲ့ စစ်ရေးအထေက်အပံ့တွေက ပဋိပက္ခကိုသက်ဆိုးရှည်စေခဲ့ပြီး ယူကရိန်းစစ်သားထောင်ပေါင်းများစွာ သေဆုံးခဲ့ကြရတာဖြစ်ပါတယ်။

“ လက်နက်တွေပံ့ပိုးတာဟာ ထာဝရငြိမ်းချမ်းရေးအတွက် အဖြေမဟုတ်ဘဲ ဘယ်သူမှ မစေ့စပ်ချင်တော့တာတွေ ဖြစ်လာတယ်” လို့ ရှိုးဒါက ပြောပါတယ်။ ဂျာမန်အဓိပတိအိုလက်ရှိုးနှင့်ပြင်သစ်သမ္မတမာခရွန်တို့ဟာတကယ်တမ်းတော့ ငြိမ်းချမ်းရေးကို ထောက်ခံပေးဖို့ကောင်းတယ်။ ဘာဖြစ်လို့လဲဆိုတော့ ဒါဟာ အမေရိကန်ကိစ္စတင်မက ဥရောပရဲ့ကိစ္စပါဖြစ်နေတာကြောင့် လို့ သူကဆိုပါတယ်။

ယူကရိန်းကို လက်နက်တွေတပ်ပေးတာဟာ ရုရှားချဲ့ထွင်ရေးဝါဒကြောင့်လို့ သူတို့က စွပ်စွဲတယ်။ဒါပေမယ့် ဒီအကြောင်း ပြချက်က သဘာဝမကျဘူး လို့လည်း သူကဖြည့်စွက်ပြောပါတယ်။

“ ရုရှားတွေလာမှာကိုကြောက်တဲ့စိတ်က ကိုးရိုးကားရာနိုင်လှတယ်” လို့ ရှိုးဒါကပြောပါတယ်။

“ မော်စကိုမှာ ဘယ်သူပဲအာဏာရရ၊ရုရှားအနေနှင့် ယူကရိန်း ဒါမှမဟုတ် ဂျော်ဂျီယာတို့ကို နေတိုးကဆွဲယူမှာကို ခွင့်ပြုလိမ့်မှာ မဟုတ်ဘူးဆိုတာ အနောက်ခေါင်းဆောင်တွေနားလည်ရမယ်။ ဒီအချက်ကိုလက်မခံနေသမျှတော့ ငြိမ်းချမ်းရေးကိုရဖို့   ခက်ခဲ     နေဦးမှာပဲ” လို့ သူကဖြည့်စွက်ပြောပါတယ်။

Source:parstoday

သီတင်းကျွတ်ပွဲတော် ကာလနီးလာသောကြောင့် စက်သုံးဆီဈေးများ အဝယ်လိုက်ပြီး တက်ရိပ်ပြလာ

ယခု အောက်တိုဘာလဆန်းပိုင်းကစပြီး စက်သုံးဆီဈေးနှုန်းများ နေ့စဉ်အနည်းငယ်စီ ပြန်ကျလာရာ အောက်တိုဘာ 23 ရက်မှာတော့ 92 တစ်လီတာကို ရန်ကုန်ဈေးကွက်2065 ကျပ်ထိ ဈေးပြန်တက်လာတယ်လို့ သိရပါတယ်။
Yangon_Times/NN
#Local_News
#Published_ 23 October 2023
#YMG #Yangon_Times #Yangon_Media_Group

ဂေါ်ရန်ဂျီကျွန်းသို့ သီတင်းကျွတ်လာမည့်သူ မနှစ်ကထက်ပိုများ

‘ မိုးရာသီကုန်ပိုင်းမှာတော့ ခရီးသွားအနည်းငယ်သာရှိခဲ့ပြီး သီတင်းကျွတ်ပိတ်ရက်မှာတော့ ချောင်းသာ၊ ငွေဆောင်၊ငပလီကမ်းခြေတွေအပြင် ဂေါ်ရန်ဂျီကျွန်းကို လာရောက်ဖို့ ဘိုကင်တင်ထားသူတွေ များနေတယ်။မနှစ်ကထက် ပိုများတယ်’ ခရီးသွားကုမ္ပဏီမှ တာဝန်ရှိသူတစ်ဦး
Yangon_Times/tthl
#Local_News
#Published_ 23 October 2023
#YMG #Yangon_Times #Yangon_Media_Group

Published_ 23 October 2023

အားကောင်းသောမုန်တိုင်းငယ် (Deep Depression)၏အရှိန်ကြောင့် ဒေသအချို့တွင်နေရာကွက်ပြီး မိုးကြီး နိုင်သလို လေပြင်းတိုက်ခတ်ခြင်း၊ မိုးကြီးခြင်း၊ ရုတ်တရက်ရေကြီးခြင်းနှင့်အတူ မြေပြိုခြင်းများဖြစ်ပေါ်နိုင်ပါ သဖြင့် သတိပြုနေထိုင်ကြရန် မိုးလေဝသနှင့်ဇလဗေဒညွှန်ကြားမှုဦးစီးဌာနမှ သတိပေးထားသည်။

ကုန်းမြင့်ဒေသအနီးတွင် နေထိုင်ကြသူများအနေဖြင့် မြေပြိုမှုအန္တရာယ်ကိုလည်းကောင်း၊ မြစ်ဝကျွန်းပေါ်၊ ရခိုင်ကမ်းရိုးတန်းတစ်လျှောက်နှင့် မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများ ဖြစ်ပေါ်နိုင်သောကြောင့် ကြိုတင်သတိပြုနေထိုင်ကြပါရန်နှင့် ပြည်တွင်းလေကြောင်း ပျံသန်းရေးနှင့် မြစ်ဝကျွန်းပေါ်၊ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ရှိ ကမ်းနီး၊ ကမ်းဝေးငါးဖမ်း ရေယာဉ်များ၊ သင်္ဘောများအနေဖြင့်လည်း ကြိုတင်သတိပြုနိုင်ပါရန် အသိပေးနှိုးဆော်သည်။

အားကောင်းသောမုန်တိုင်းငယ် (Deep Depression)၏အရှိန်ကြောင့် အောက်တိုဘာလ(၂၃)ရက်မှ(၂၅)ရက် အတွင်း ချင်းပြည်နယ်နှင့် ရခိုင်ပြည်နယ်တို့တွင် နေရာအနှံ့အပြားနှင့် နေပြည်တော်၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ကချင်ပြည်နယ်နှင့် ရှမ်းပြည်နယ်တို့တွင် နေရာကျဲကျဲမှ နေရာစိပ်စိပ် မိုးထစ်ချုန်းရွာပြီး၊ အချို့ဒေသများတွင် နေရာကွက်၍ မိုးကြီးနိုင်ကြောင်း သိရသည်။

အားကောင်းသောမုန်တိုင်းငယ် (Deep Depression)၏ လက်ရှိအခြေအနေမှာ မြန်မာနိုင်ငံဘက်သို့ ဦးတည် ရွေ့လျားမည့် အခြေအနေမရှိပါသဖြင့် အဝါရောင် အဆင့်ဟု သတ်မှတ်ထားပြီး အောက်တိုဘာလ(၂၅)ရက် ညနေပိုင်းတွင် ဘင်္ဂလားဒေ့ရှ်နိုင်ငံကမ်းခြေကို ခီပူပါရာမြို့(Khepupara)နှင့် စစ်တကောင်းမြို့(Chittagong) တို့ကြားမှ ဖြတ်ကျော်နိုင်သည်ဟုခန့်မှန်းထားသည်။
Yangon_Times/tthl
#Local_News
#Published_ 23 October 2023
#YMG #Yangon_Times #Yangon_Media_Group

Published 23 October 2023

ပဲခူးတိုင်းဒေသကြီးအတွင်း ရေကြီးနစ်မြုပ်မှုကြောင့် မွေးမြူရေးငါးကန်များ ပျက်စီးဆုံးရှုံးခဲ့သော်လည်း ဒေသထွက်
ငါးများ ရရှိမှုများတာကြောင့် မွေးမြူုရေးငါးဈေးကွက် ကို ထိခိုက်မှုမရှိခဲ့ကြောင်း ပဲခူးတိုင်းဒေသကြီးရှိ ငါးမွေးမြူရေးလုပ်ငန်းရှင်များထံက သိရသည်။

ပြီးခဲ့သည့် အောက်တိုဘာ ဒုတိယအပတ်က ပဲခူးမြစ်ရေစံချိန်တင်မြင့်တတ်ခဲခြင်းကြောင့် ပဲခူးတိုင်းအတွင်းရှိ
ငါးကန်ဧကပေါင်း၂၂၀၀ကျော် ပျက်စီးဆုံးရှုံးခဲ့ကြောင်း သိရသည်။

"ရေကြီးတဲ့အတွက် ငါးကန် ပျက်စီးဆုံးရှုံးတာတွေ များတယ်၊ ဒါပေမယ့် ဒေသထွက် ငါးတွေက မိုးများတော့ဖမ်းဆီး ရရှိမှုများတဲ့အတွက် မွေးမြူရေးငါးဈေးကွက်ကိုတော့ ထိခိုက်မှုမရှိဘူး လက်ရှိပုံမှန်ပဲ အရောင်းဝယ်ဖြစ်နေတယ် ဈေးနှုန်း အတတ်အကျ မရှိဘူး'' ဟု ငါးမွေးမြုရေး လုပ်ငန်းရှင်တစ်ဦး ကပြောသည်။

ပဲခူးတိုင်းဒေသကြီးတွင် မွေးမြူရေး ငါးကန်ဧကပေါင်းသုံးသောင်းကျော်ရှိပြီး ဈေးကွက်အနေဖြင့် တိုင်းဒေသကြီး အတွင်း ရောင်းချမှုများကာ ပိုလျှံသည့်ငါးများကို ရန်ကုန်ရှိ ဗဟိုစံပြငါးဈေးသို့ ပို့ဆောင်ရောင်းချကြောင်း ယင်းက ဆက်လက်ပြောကြားသည်။

လက်ကားဈေးအနေဖြင့် ငါးမြစ်ချင်းတစ်ပိသာလျှင် ၅၀၀၀ ကျပ် ငါးဒန်တစ်ပိသာ လျှင် ၄၅၀၀ ကျပ်စသည့် ဈေးနှုန်းများနှင့် ရောင်းချလျက်ရှိကြောင်း သိရသည်။
Yangon_Times/LW
#Local_News
#Published_ 23 October 2023
#YMG #Yangon_Times #Yangon_Media_Group

လက်တွေ့ အကောင်အထည်‌ဖော်မယ့်သူ 30 ကို ရွေးချယ်ပြီး ပြည်ပခရီးစဉ် လေ့လာရေး ရွေးချယ်စေလွတ်သွားမယ်

အုန်းသီးစိုက်ပျိုးတာနဲ့ အခြေခံထုတ်ကုန်လုပ်ငန်းရှင်တွေကို မိမိလုပ်ငန်းရဲ့အခြေအနေတွေ ဖော်ပြလို့ရအောင် Basic Business Plan ရေးဆွဲနည်း သင်တန်းပေးသွားမယ်
Yangon_Times/NN
#Local_News
#Published_ 23 October 2023
#YMG #Yangon_Times #Yangon_Media_Group