#Local_News
Published 26 November 2023

နွေစပါးရာသီ၌လုပ်ကွက်ကြီးလယ်သမားများအား  တစ်ဧက ကျပ်လေးသိန်းဖြင့်တောင်သူတိုက်ရိုက် စိုက်စရိတ်ချေးငွေ ထုတ်ချေးပေးရန်  စီစဉ်နေကြောင်း မြန်မာနိုင်ငံဆန်စပါးအသင်းချုပ်မှသိရသည်။

ထိုသို့ ထုတ်ချေးပေးရာတွင် ကုမ္ပဏီများနှင့် အကျိုးတူဆောင်ရွက်နေသူများနှင့် ကုမ္ပဏီများကို ထုတ်ချေးပေးမည် မဟုတ်ဘဲ တောင်သူသီးသန့် ဧက ၅၀ ဝန်းကျင် ဆောင်ရွက်နေသည့် လယ်သမားများထံသို့ တိုက်ရိုက်ထုတ်ချေးမည့်ပုံစံဖြင့် ဆောင်ရွက်မည်ဖြစ်ကြောင်း သိရသည်။

'တောင်သူကို တိုက်ရိုက်‌ပေါ့။ ဒါကိုစမ်းပြီးတော့ ဧကတစ်သိန်းပေါ့။ ဧကတစ်သိန်းဆိုရင် ကျပ်ဘီလျံ ၄၀ လောက် လိုအပ်ချက်ရှိပါတယ်။ ဒါလေးကို စလုပ်ခြင်းဖြစ်ပါတယ်' ဟု မြန်မာနိုင်ငံဆန်စပါးအသင်းချုပ် ဥက္ကဋ္ဌ ဦးရဲမင်းအောင်က ပြောသည်။

အဆိုပါစီမံကိန်းအားဆောင်ရွက်ရာတွင်  ဧရာဝတီတိုင်း၊ ပဲခူးတိုင်း၊ ရန်ကုန်တိုင်းနှင့် နေပြည်တော်ကောင်စီ နယ်မြေတို့ရှိ လယ်ဧက ၅၀ ဝန်းကျင်ရှိ လယ်သမားကြီးများ၏ စာရင်းများရယူထားပြီး ဧကတစ်သိန်းအတွက် ကနဦးစိစစ် ဆောင်ရွက်သွားမည်ဖြစ်ကြောင်း သိရသည်။

'တစ်ဧကကို ၄၀၀,၀၀ လောက် ပေးလိုက်တာဖြစ်တဲ့အတွက် တစ်ဧက အထွက်နှုန်းတိုးအောင် လိုအပ်တဲ့ သဘာဝမြေဩဇာတို့၊ ဓာတ်မြေဩဇာတို့ မျှတစွာသုံးနိုင်မယ်။ ကောင်းတဲ့မျိုးတွေသုံးနိုင်မယ်။ ထွက်လာတဲ့ သီးနှံကိုပဲ သူနဲ့နီးတဲ့ စက်ပိုင်၊ ကုန်သည်တွေနဲ့ ချိတ်ဆက်ပြီး ရောင်းနိုင်အောင်လုပ်နေပါတယ်'ဟု ဦးရဲမင်းအောင်ကဆိုသည်။

နိုင်ငံတော်စီမံအုပ်ချုပ်ရေးကောင်စီအနေဖြင့် ဆန်စပါးအထွက်နှုန်းတိုးတက်အောင် ဆောင်ရွက်နေခြင်းဖြစ်ပြီး လက်ရှိတွင် အလုပ်သမား ရှားပါးမှုပြသနာများကြောင့် လုပ်ကွက်ငယ် တောင်သူများအနေဖြင့် စက်မှုလယ်ယာဘက်သို့ ကူးပြောင်းရာတွင် အနည်းအငယ် အခက်အခဲရှိနေသေးခြင်းကြောင့် စက်မှုလယ်ယာသို့ ကူးပြောင်းရန် အခွင့်အလမ်းရှိသည့် ဧက ၅၀ ဝန်းကျင်ရှိ တောင်သူ လယ်သမားများကို အဓိကထား ဆောင်ရွက်ခြင်းဖြစ်ကြောင်း သိရသည်။

မြန်မာနိုင်ငံတွင် မိုးစပါး၊နွေစပါးဧက ၁၇ သန်းကျော်ရှိပြီး နှစ်စဉ်ဆန်တန်ချိန် ၁၄ သန်းအထိ ထွက်ရှိကာ ပြည်တွင်းစားသုံးမှုအနေဖြင့် ဆန်တန်ချိန် ၁၁ သန်းဝန်းကျင်ရှိ၍ ပြည်ပသို့ နှစ်စဉ် ဆန်တန်ချိန် ၂ ဒသမ ၅ သန်းဝန်းကျင်ကိုသာ တင်ပို့နေကြောင်း မြန်မာနိုင်ငံဆန်စပါးအသင်းချုပ်မှ သိရသည်။

#Local_News #တစ်ဧကကျပ်လေးသိန်း #စိုက်စရိတ်ချေးငွေ ထုတ်ချေးပေး
#YMG/NN #Yangon_Times

#Local_News
Published_ 26 November 2023

၂၀၂၃ ခုနှစ် စစ်ချွမ်း-ချုံချင့်ဒေသနှင့် မဲခေါင်ဒေသခွဲနိုင်ငံများ ပူးပေါင်းဆောင်ရွက်ရေး ဖိုရမ်ကို နိုဝင်ဘာ ၂၂ ရက်မှ ၂၄ ရက်အထိ တရုတ်ပြည်သူ့သမ္မတနိုင်ငံ ချုံချင့်မြို့၌ ပြုလုပ်ကျင်းပခဲ့ပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ဒုဝန်ကြီး ဦးမင်းမင်း ဦးဆောင်တဲ့ မြန်မာကိုယ်စားလှယ်အဖွဲ့ တက်ရောက်ခဲ့ကြောင်း သိရပါတယ်။

ဒုဝန်ကြီးက ဖိုရမ်တွင် ဆွေးနွေးမှုများသည် တရုတ်နိုင်ငံနှင့် မဲခေါင်ဒေသခွဲနိုင်ငံများ အကြား ကာလရှည်ကြာ ချစ်ကြည်ရင်းနှီးသော ပူးပေါင်းဆောင်ရွက်မှုများကို အခြေခံပြီး နောင်အနာဂတ်တွင် ပိုမိုကြီးမားသော စီးပွားရေးပေါင်းစည်းမှုများကို လုပ်ဆောင်နိုင်ရန် မျှော်လင့်ကြောင်း၊ ဒေသတွင်း ပူးပေါင်းဆောင်ရွက်မှုကို ပိုမိုမြှင့်တင်နိုင်ရန် မြန်မာနိုင်ငံအနေဖြင့် တရုတ်နိုင်ငံ၊ မဲခေါင်ဒေသခွဲနိုင်ငံများနှင့် တက်ကြွစွာ ပူးပေါင်းဆောင်ရွက်လျက်ရှိတယ်လို့ ဆိုပါတယ်။

ထို့ပြင် မြန်မာနိုင်ငံနှင့် တရုတ်နိုင်ငံရှိ ချုံချင့်ဒေသအပါအဝင် မဲခေါင်ဒေသခွဲ နိုင်ငံများအကြား အပြန်အလှန်ကုန်သွယ်မှု ပိုမိုမြှင့်တင်နိုင်ရေးအတွက် အလားအလာရှိသော ကုန်စည်များကို ဖော်ထုတ်တင်ပို့ရန်လိုကြောင်း၊ သက်ဆိုင်ရာ ပို့ကုန် လုပ်ငန်းရှင်များနှင့် တင်သွင်းသူများအကြား ချစ်ကြည်ရင်းနှီးမှုနှင့် ယုံကြည်မှုတည်ဆောက်နိုင်ရေးအတွက် အရေးကြီးပါကြောင်းနှင့် တရုတ်နိုင်ငံနှင့် မဲခေါင်ဒေသခွဲနိုင်ငံများရှိ စီးပွားရေးလုပ်ငန်းရှင်များအကြား ထိတွေ့ဆက်ဆံမှုကို ပိုမိုအရှိန်မြှင့်တင်ရန် တိုက်တွန်းခဲ့ပါတယ်။

၂၀၂၃ ခုနှစ် စစ်ချွမ်း-ချုံချင့်ဒေသနှင့် မဲခေါင်ဒေသခွဲနိုင်ငံများ ပူးပေါင်းဆောင်ရွက်ရေး ဖိုရမ်သို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ဦးမင်းမင်းနှင့်အတူ ချုံချင့် ဒုတိယမြို့တော်ဝန်၊ စစ်ချွမ်းပြည်နယ် လွှတ်တော်အမြဲတမ်းကော်မတီ၏ ဒုတိယဥက္ကဋ္ဌ၊ အာဆီယံ-တရုတ် ဗဟိုဌာန၏ အထွေထွေအတွင်းရေးမှူးချုပ်၊ ကမ္ဘောဒီးယားနိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး၊ လာအိုနိုင်ငံကုန်သွယ်ရေးနှင့် စက်မှုဝန်ကြီးဌာန ဒုတိယဝန်ကြီး၊ ထိုင်းနိုင်ငံ စီးပွားရေးကူးသန်းရောင်းဝယ်ရေး ဝန်ကြီးဌာန ဒုတိယဝန်ကြီး၊ ဗီယက်နမ်နိုင်ငံ Bang ပြည်နယ် ဒုတိယအတွင်းရေးမှူးတို့နှင့် တရုတ်နိုင်ငံနှင့် မဟာမဲခေါင်ဒေသခွဲနိုင်ငံတို့မှ ဖိတ်ကြားထားသော ကိုယ်စားလှယ်များ၊ ဧည့်သည်တော်များ၊ ကျွမ်းကျင်ပညာရှင်များ၊ စီးပွားရေးလုပ်ငန်းရှင်များ တက်ရောက်ခဲ့ကြကြောင်း သတင်းရရှိပါတယ်။

#Local_News #စစ်ချွမ်း-ချုံချင့်ဒေသ #မဲခေါင်ဒေသခွဲနိုင်ငံ
#ymg_mnn #Yangon_Media_Group

#World_Health
Published 26 November 2023

စမတ်ဖုန်းအသုံးပြုပြီး ခေါင်းကိုက်ခြင်းနဲ့ ခေါင်းတခြမ်းကိုက်ခြင်း ပုံမှန်ခံစားရသူတွေဟာ အကိုက်အခဲပျောက်ဆေးသောက်ပြီး သက်သာအောင် ပိုမိုပြုလုပ်လေ့ရှိကြောင်း အိန္ဒိယဆေးသိပ္ပံအဖွဲ့အစည်း (AIIMS)မှ သုတေသီများက ပြောကြားလိုက်ပါတယ်။

အခြားရောဂါ အခြေအနေများကြောင့် မဟုတ်ဘဲ ခေါင်းကိုက်ဝေဒနာ အမျိုးမျိုး ခံစားနေရတဲ့ အိန္ဒိယမှ လူပေါင်း ၄၀၀ ကို သုတေသီများ လေ့လာခဲ့ကြပါတယ်။

ဒီထက်ပိုမို ကြီးမားကျယ်ပြန့်စွာ လေ့လာရဦးမှာဖြစ်ပေမယ့် စမတ်ဖုန်းအသုံးပြုခြင်းက ပိုမိုတွင်ကျယ်လာပြီး အခြားဝေဒနာတွေထက် ခေါင်းကိုက်ခြင်းက အဖြစ်အများဆုံး ဖြစ်လာကာ စိုးရိမ်စရာဖြစ်နေတယ်လို့ AIIMS မှ စာတမ်းပြုစုသူ ဒီ့ပ်တီဗီဘာက ပြောပြသွားပါတယ်။

လေ့လာချက်အရ စမတ်ဖုန်း အသုံးပြုခြင်းကြောင့် အကိုက်အခဲပျောက်ဆေးများ ပိုမိုသုံးစွဲကြတာ မဟုတ်ဘဲ ဆက်စပ်ရုံသာ တွေ့ရှိထားပါတယ်။

လူ ၄၀၀ ထဲမှာ ၂၀၆ ယောက်က စမတ်ဖုန်း အသုံးပြုသူများဖြစ်ပြီး ၁၉၄ ဦးကတော့ အသုံးမပြုသူတွေ ဖြစ်ပါတယ်။

စမတ်ဖုန်း အသုံးမပြုသူတွေက အသက်ကြီးသူတွေဖြစ်ကာ အတန်းပညာ၊ လူမှုပေါင်းသင်းရေး နိမ့်ကျသူ အများစုပါဝင်ပါတယ်။

စမတ်ဖုန်း အသုံးပြုသူများထဲမှာ အကိုက်အခဲပျောက်ဆေး သုံးစွဲသူ ၉၆ ရာခိုင်နှုန်းရှိပြီး ဖုန်းအသုံးမပြုသူတွေထဲမှာတော့ ၈၁ ရာခိုင်နှုန်း ရှိနေပါတယ်။

ဖုန်းအသုံးပြုသူတွေက တစ်လကို ဆေး ၈ လုံးခန့်သုံးစွဲကြပြီး ဖုန်းအသုံးမပြုသူတွေကတော့ ၅ လုံးခန့် အသုံးပြုကြပါတယ်။

စမတ်ဖုန်း အသုံးပြုသူတွေက ဆေးကြောင့် ဝေဒနာသက်သာမှုနှုန်းက ၈၄ ရာခိုင်နှုန်းရှိပြီး ဖုန်းအသုံးမပြုသူတွေကတော့ သက်သာမှုနှုန်း ၉၄ ရာခိုင်နှုန်း ရှိနေပါတယ်။

ခေါင်းကိုက်ဝေဒနာ ဘယ်နှကြိမ်လောက် ဖြစ်တတ်သလဲ၊ ဖြစ်ရင် ဘယ်လောက်ကြာလဲ၊ ဘယ်လောက်အထိ ပြင်းထန်လဲ ဆိုတာတွေကိုတော့ ခွဲခြားခြင်း မလုပ်ခဲ့ပါဘူး။

လေ့လာမှုတွေကို တစ်ချိန်ထဲမှာ တစ်ကြိမ်သာ ပြုလုပ်ခဲ့တာဖြစ်သလို အချိန်ကြာမြင့်စွာ ဆက်လက်လေ့လာနေတာမျိုးလည်း မလုပ်ခဲ့ပါဘူး။

ပြဿနာရင်းမြစ်ကို သေချာမသိရသေးဘဲ လာမယ့်နှစ်တွေမှာတော့ အဖြေပေါ်ထွက်လာနိုင်ကြောင်း အမေရိကန် အာရုံကြောဗေဒအကယ်ဒမီမှ ဟေဒီမိုအာဝက်ဒ်က ပြောပြသွားပါတယ်။

#World_Health #စမတ်ဖုန်းအသုံးပြုခြင်း #ခေါင်းကိုက်ဝေဒနာပိုမိုဆိုးရွားနိုင် #Source: DoctorNDTV

#Local_News

Published_ 26 November 2023

အမျိုးသမီးများ အကြမ်းဖက်မှုကြုံတွေ့ရပါက Helpline ဖုန်း “1566” (4 Digits) သို့ ၂၄ နာရီပတ်လုံးတိုင်ကြားနိုင်ကြောင်း သိရပါတယ်။

မြန်မာနိုင်ငံသည် အမျိုးသမီးများအား နည်းမျိုးစုံဖြင့် ခွဲခြားမှုပပျောက်ရေးဆိုင်ရာ ကုလသမဂ္ဂကွန်ဗင်းရှင်းစီဒေါ (CEDAW) ကို လက်မှတ်ရေးထိုးထားပြီး အမျိုးသမီးများ ဖွံ့ဖြိုးတိုးတက်ရေးအတွက် မဟာဗျူဟာစီမံကိန်းများ ချမှတ်အကောင်အထည်ဖော်လျက်ရှိတယ်လို့ ဆိုပါတယ်။

ထို့ပြင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနအနေဖြင့် အမျိုးသမီးများ အကြမ်းဖက်မှုကြုံတွေ့ရပါက သတင်းပို့တိုင်ကြား နိုင်ရန် (၂၄) နာရီ Helpline ဖုန်း “1566” (4 Digits) ကို ဖွင့်ထားပြီး တိုင်ကြားမှုများလက်ခံ၍ ဝန်ဆောင်မှုပေးလျက်ရှိနေပါတယ်။

အကြမ်းဖက်ခံရသည့် အမျိုးသမီးများအတွက် တရားရင်ဆိုင်ခရီးစရိတ်နှင့် အသက်မွေးဝမ်းကျောင်းစရိတ် ထောက်ပံ့ပေးခြင်း၊ စိတ်လူမှုပိုင်းဆိုင်ရာပံ့ပိုးမှုပေးခြင်း၊ အမျိုးသမီးများ၏ လုံခြုံမှုအတွက် ယာယီနားခိုရာနေရာများကို ရန်ကုန်၊ မန္တလေး၊ လားရှိး၊ မော်လမြိုင်၊ လွိုင်ကော်၊ မုံရွာနှင့် စစ်တွေမြို့တို့တွင် စီစဉ်ထားရှိပြီး အခြားသောဝန်ဆောင်မှုများရရှိနိုင်ရေးချိတ် ဆက်ပေးခြင်း၊ ညွှန်းပို့ပေးခြင်းများကိုလည်း ဆောင်ရွက်ပေးနေကြောင်း သတင်းရရှိပါတယ်။

#Local_News #အမျိုးသမီးများ အကြမ်းဖက်မှု #ymg_mnn #Yangon_Media_Group

#World_Science
Published 26 November 2023

လေ့လာချက်များအရ  ၅-၁၀ ရာခိုင်နှုန်းသော လူတွေဟာ သူတို့နဲ့ သက်ဆိုင်တဲ့ ကွယ်လွန်သူများရဲ့ အသံများကို ကြားရတယ်လို့ တွေ့ရှိထားပါတယ်။

ဒီလိုမျိုး ထင်ယောင်ထင်မှား အသံတွေကြားတဲ့အခါ ဦးနှောက်ထဲမှာ ဘာတွေဖြစ်နေလဲဆိုတာကို သိပ္ပံပညာရှင်တွေ နားမလည်ဘဲ ဖြစ်နေပါတယ်။

ထိုအကြောင်းကို ဖြေရှင်းပေးနိုင်မယ့် စက်ရုပ်ပါဝင်တဲ့ သီအိုရီတစ်ခုကို ဖန်တီးခဲ့ပြီလို့ ဂျီနီဗာတက္ကသိုလ်မှ အာရုံကြောသိပ္ပံပညာရှင် ပေဗိုအော်ရီပစ်က ဆိုလိုက်ပါတယ်။

စိတ်ရောဂါ ခံစားနေရသူတွေသာ ဒီလိုထင်ယောင်ထင်မှားမျိုးကို ခံစားရတာ မဟုတ်ဘူးလို့ ယူဆနိုင်ပြီး စိတ်ကစဥ့်ကလျားဝေဒနာရှင် ၇၀ ရာခိုင်နှုန်းလောက်ဟာလည်း ဒီလိုအသံမျိုး ကြားရကြောင်း တွေ့ရှိထားပါတယ်။

လူတစ်ယောက်ရဲ့ အာရုံခံစားမှုက ဦးနှောက်မှ မျှော်မှန်းထားတာနဲ့ မကိုက်ညီတဲ့အခါ ထင်ယောင်ထင်မှား ဖြစ်ပေါ်တတ်ပါတယ်။

အော်ရီပစ်က စမ်းသပ်မှုတစ်ခုကို ဖန်တီးလိုက်ကာ လူတွေကို မျက်လုံးအုပ်ထားပြီး ရှေ့က လီဗာတံကို ဖိခိုင်းပါတယ်။

ဒီလိုဖိလိုက်တဲ့အခါ စက်ရုပ်လက်တစ်ခုက သူတို့ကျောကို လာထိပါတယ်။

ဒီလိုကြုံလာတဲ့အခါ လူတွေရဲ့ဦးနှောက်မှာ သူတို့ရဲ့လက်ကပဲ ကျောကိုလာထိတယ်လို့ စတင်ခံယူလာပါတယ်။

ထို့နောက် စမ်းသပ်မှုကို အနည်းငယ် ပြောင်းလဲလိုက်ပြီး လီဗာတံကို ဖိလိုက်တဲ့အခါ အနည်းငယ်ကြာပြီးမှ စက်ရုပ်လက်က လာထိစေပါတယ်။

ဒီအခါမှာတော့ အခြားတစ်ယောက်ယောက်က သူတို့ကို လာထိတယ်လို့ ဦးနှောက်က မှတ်ယူလာကြောင်း အော်ရီပစ်က ပြောကြားသွားပါတယ်။

နောက်ထပ် စမ်းသပ်ချက်မှာတော့ စမ်းသပ်ခံသူတွေရဲ့ အသံတွေ၊ အခြားအသံတွေ ရောထားတာတွေ၊ အသံလုံးဝမပါတာတွေကို နားထောင်စေပါတယ်။

အံ့အားသင့်စရာ ကောင်းတာက အနည်းငယ်ကြာပြီးမှ ကျောလာထိတဲ့ စမ်းသပ်မှုကို ပြုလုပ်ထားတဲ့သူတွေဟာ ဘာအသံမှ မရောထားတဲ့အခါမှာပင် အသံတွေကို ပိုမိုကြားကြတယ်လို့ တွေ့ရှိရပါတယ်။

ထင်ယောင်ထင်မှားတွေ ဖြစ်ရတဲ့ အကြောင်းအရင်းနောက်ကွယ်မှာ တကယ်တမ်းက ဦးနှောက်ထဲမှာပင် ဖြစ်ပျက်နေတာဖြစ်ကြောင်း အော်ရီပစ်က ရှင်းပြထားပါတယ်။

အချို့လူတွေဟာ သူများတွေထက် ဒီလိုမျိုးပိုပြီး ခံစားထင်မှတ်တတ်ကြပါတယ်။

#World_Science #ကွယ်လွန်သူများ၏အသံများ #သိပ္ပံပညာရှင်များစမ်းသပ် #Source: WION

မိုးခေါင်ရေရှားမှုနှင့် ရေကာတာများ ဆောက်လုပ်ခြင်းကြောင့် အီရတ်နိုင်ငံအဓိကမြစ်များတွင် မြစ်ရေစံချိန်တင်ကျဆင်းနေကာ ငါးဖမ်းလုပ်ငန်းများ သိသိသာသာထိခိုက်

ငါးဖမ်းလုပ်ငန်းဟာ အီရတ်နိုင်ငံရဲ့ အရေးပါတဲ့ စီးပွားရေးကဏ္ဍတစ်ခု ဖြစ်ပေမယ့် ယခုအခါ ရာသီဥတု ဖောက်ပြန်မှု၊ ရေရှားပါးခြင်း၊ မိလ္လာညစ်ညမ်းခြင်း၊ အထက်ပိုင်းနိုင်ငံများမှ ရေကာတာနဲ့ ဆည်မြောင်းစီမံကိန်းများကြောင့် အခက်အခဲများနဲ့ ကြုံတွေ့နေရပါတယ်။
#World_Economic
Published_ 25 November 2023
#မိုးခေါင်ရေရှားမှု #မြစ်ရေစံချိန်တင်ကျဆင်း
#Yangon_Times #YMG_News

၂၅ နိုဝင်ဘာ ၂၀၂၃

#ရှမ်းပြည်နယ်(မြောက်ပိုင်း)ရှိ တရုတ်-မြန်မာ ရေနံသဘာဝဓာတ်ငွေ့ပိုက်လိုင်းထိန်းချုပ်ရေးစခန်းတစ်ခုအား MNDAA ၊ TNLA ၊ AA တို့ ဝင်ရောက်ဖျက်ဆီးခဲ့မှု

#မြိုင်ကလေး-သထုံ-ဘီးလင်းနှင့် မြိုင်ကလေး-ရန်ကုန် သဘာဝဓာတ်ငွေ့ပိုက်လိုင်းတို့အား KNU ၊ PDF တို့ မိုင်းထောင်  ဖောက်ခွဲ  တိုက်ခိုက်ဖျက်ဆီးခဲ့မှု

#တရုတ်ပြည်သူ့သမ္မတနိုင်ငံက တောင်ပိုင်းစစ်ဒေသကြီး၏ ပုံမှန်စစ်ရေးလေ့ကျင့်မှုအား နှစ်နိုင်ငံ နယ်စပ်ဒေသ တည်ငြိမ်အေးချမ်းရေးနှင့်နယ်မြေဒေသလုံခြုံအေးချမ်းရေးအတွက် ဆောင်ရွက်နေမှ

#နယ်စပ်ဒေသများတွင် တရားမဝင်နေထိုင်သူများအား တရုတ်နိုင်ငံသို့ ပြန်လည်လွှဲပြောင်းပေးမှု့နှင့် ပူးပေါင်းဆောင်ရွက် မှုအခြေအနေများ

#၂၅-၁၁-၂၀၂၃ ရက်နေ့ ရှမ်းပြည်နယ်(အရှေ့မြောက်ပိုင်း)နှင့် ရခိုင်ပြည်နယ်တို့တွင် ထိတွေ့တိုက်ပွဲ ဖြစ်ပွားမှု အခြေအနေများ

တို့နှင့်ပတ်သက်၍ နစကသတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက ရှင်းလင်းပြောကြားခဲ့ပါသည်။ အဆိုပါရှင်းလင်းပြောကြားချက်အပြည့်အစုံကို ပြန်လည်ဖော်ပြပေးပါသည်။

-ymg/knl

#Daily_News
Published_ 25 November 2023

၁။ စက်သုံးဆီဈေးကွက်တွင် ဝယ်လိုအားများသည့် ဓါတ်ဆီဈေးအနည်းငယ်ပြန်ကျပြီး ဒီဇယ်ဈေးပြန်မြင့်လာ

၂။ ချောင်းသာကမ်းခြေကို တန်ဆောင်တိုင်သွားရန် ဘိုကင်တင်ထားသူ(၄၀၀)ဦး အနက် (၁၀၀)ဦးခန့် ဘိုကင်ပြန်ဖျက်သွားဟုဆို

၃။ ပုဂံ-ညောင်ဦး‌ဒေသ၌ တန်ဆောင်တိုင်ပိတ်ရက်အတွက် လေကြောင်းလိုင်းများအပါအဝင်ကြိုတင်ဘိုကင်များပြည့်နေ

၄။ မိုးခေါင်ရေရှားမှုနှင့် ရေကာတာများ ဆောက်လုပ်ခြင်းကြောင့် အီရတ်နိုင်ငံအဓိကမြစ်များတွင် မြစ်ရေစံချိန်တင်ကျဆင်းနေကာ ငါးဖမ်းလုပ်ငန်းများ သိသိသာသာထိခိုက်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News

‘မြန်မာနိုင်ငံဟာ တရုတ်နိုင်ငံနဲ့ အိမ်နီးချင်းနိုင်ငံဖြစ်ပြီး အိမ်နီးချင်းနိုင်ငံမတည်ငြိမ်ရင် တရုတ်နိုင်ငံဖွံ့ဖြိုးတိုးတက်မှုအတွက်အကျိုးမရှိနိုင်လို့ မြန်မာနိုင်ငံအမြန်ဆုံးတည်ငြိမ်အေးချမ်းရေးကိုလိုလားတယ်’ မြန်မာနိုင်ငံဆိုင်ရာ တရုတ်သံရုံးမှ သံမှူးကြီး Dr.Zheng Zhihong
#Local_News
Published_ 26 November 2023
#တရုတ်နိုင်ငံ #သံမှူးကြီးDr.Zheng Zhihong
#tthl #Yangon_Times

#Local_News
Published 25 November 2023

ယခုနှစ်အတွင်း ပြည်ပသို့တင်ပို့ဆန်များ ဈေးကောင်းရနေပြီး နိုဝင်ဘာလအတွင်းပြည်ပနိုင်ငံများသို့ ဆန်တန်ချိန်တစ်သိန်းခွဲအထိ တင်ပို့ရန်မျှော်မှန်းထားကြောင်း မြန်မာနိုင်ငံဆန်စပါးအသင်းချုပ် (MRF)မှ သိရသည်။

ပြီးခဲ့သည့် ဘဏ္ဍာနှစ်အတွင်း နိုင်ငံတကာဆန်ဈေးကွက်၌ မြန်မာ့ဆန်များသည် အမျိုးအစားပေါ် မူတည်ကာ တစ်တန်လျင် ပျမ်းမျှ အမေရိကန်ဒေါ်လာ ၃၅၀၊ ၄၀၀ ဝန်းကျင်သာဈေးရရှိခဲ့သော်လည်း ယခုနှစ်အတွင်းတစ်တန်လျင် အမေရိကန်ဒေါ်လာ ၅၀၀ ကျော်အထိ ဈေးရရှိနေကြောင်း သိရသည်။

'ဒီနှစ်ရောင်းတဲ့ ဆန်ဈေးတွေကမြင့်တယ်၊ ဒါကြောင့်မို တစ်ဖက်က တန်ချိန်အားဖြင့် လျော့နည်းမှုရှိသော်လည်းပဲ ဝင်ငွေအားဖြင့် သိပ်ပြီးတော့ မလျော့ဘူး ဆိုတာကိုတော့ ပြောချင်ပါတယ်၊နိုဝင်ဘာလမှာတော့ ကျွန်တော်ထင်တယ်။ တစ်သိန်းခွဲနီးနီးလောက် သွားလိမ့်မယ့် အနေအထားရှိပါတယ်' မြန်မာနိုင်ငံဆန်စပါးအသင်းချုပ် (MRF) ဥက္ကဋ္ဌ ဦးရဲမင်းအောင်က ပြောသည်။

၂၀၂၃-၂၀၂၄ ဘဏ္ဍာနှစ် ဧပြီလမှ အောက်တိုဘာလထိ (၇) လအတွင်း ပြည်ပနိုင်ငံများသို့ မြန်မာ့ဆန်၊ ဆန်ကွဲတင်ပို့မှုမှာ ပြီးခဲ့သည့်နှစ် ကာလတူနှင့် နှိုင်းယှဉ်ပါက (၅၀) ရာခိုင်နှုန်းခန့် လျော့နည်းသွားကြောင်း တန်ချိန်အားဖြင့် ထက်ဝက်နီးပါး လျော့နည်းသွားခဲ့သော်လည်း ဝင်ငွေအားဖြင့် ကြည့်ပါက ၂၅ ရာခိုင်နှုန်း၊ ၃၀ ရာခိုင်နှုန်းသာ လျော့နည်းသွားကြောင်းသိရသည်။

မြန်မာနိုင်ငံ ဆန်စပါးအသင်းချုပ်သည် ၂၀၂၃-၂၀၂၄ ဘဏ္ဍာနှစ်အတွင်း ပြည်ပနိုင်ငံများသို့ ဆန်/ဆန်ကွဲ တန်ချိန် (၂.၅) သန်း ရောင်းချနိုင်ရေး ရည်မှန်းထားရှိပြီး ပို့ကုန်ဝင်ငွေ အမေရိကန်ဒေါ်လာ (၁) ဘီလီယံရရှိရန် မျှော်လင့်ထားကြောင်း သိရသည်။

ဆန်နှင့်ဆန်ကွဲကို အာရှ၊ အာဖရိက၊ ဥရောပနိုင်ငံများသို့ ပင်လယ်ရေကြောင်းနှင့်နယ်စပ်ကုန်သွယ်ရေးများမှ တဆင့်တင်ပို့လေ့ရှိပြီး နယ်စပ်ကုန်သွယ်‌ရေးများတွင် အဓိကတင်ပို့သည့် နေရာတစ်ခုဖြစ်ပြီး ကိုဗစ်ကာလအတွင်းကပင် ဖွင့်လှစ်ခဲ့သည့် မူဆယ်ကုန်သွယ်ရေးအားပြီးခဲ့သည့် အောက်တိုဘာ၂၇ရက်မှစတင်၍ ယာယီပိတ်ထားရကြောင်း သိရသည်။

#Local_News #ပြည်ပတင်ပို့ဆန်များဈေးကောင်းရ #ဆန်တန်ချိန်တစ်သိန်းခွဲ #YMG/NN #Yangon_Times

ပြီးခဲ့တဲ့ သီတင်းကျွတ်ကာလထဲက တစ်လကြိုတင်ပြီး လေယာဉ်လက်မှတ်ကြိုတင်ဝယ်ယူတာတွေရှိခဲ့တာလို့ မြန်မာနိုင်ငံခရီးသွားလုပ်ငန်းရှင်များအသင်းကဥက္ကဌ ဦးနောင်နောင်းဟန်က ရန်ကုန်မီဒီယာဂရုကို အခုလိုပဲ ပြောပါတယ်။
‌#Local_News
Published_ 25 November 2023
#ပုဂံ-ညောင်ဦး‌ဒေသ #မြန်မာနိုင်ငံခရီးသွားလုပ်ငန်း
#YMG/NN #Yangon_Times

#Local_News
Published_ 25 November 2023

ပြည်ပနိုင်ငံတွေမှ တကူးတကလာရောက်ပူဇော်လေ့ရှိသည့် ဗိုလ်တထောင်စေတီတော်ကြီးရှိ ဗိုလ်တထောင်ဘိုးဘိုးကြီးကို ယာယီဗိမာန်နန်းဆောင်မှ အသစ်တည်ဆောက်ပြီးဖြစ်သည့် မူလဗိမာန်နန်းဆောင်သို့ ကြွရောက်စံမြန်းနေပြီဖြစ်၍ ဘိုးဘိုးကြီးအား မူလဗိမာန်နန်းဆောင်မှာပဲလာရောက်ပူဇော်နိုင်ပြီဖြစ်ကြောင်း ဗိုလ်တထောင်စေတီတော်ဂေါပကအဖွဲ့ထံမှ သိရသည်။

နိုဝင်ဘာလ၂၅ရက်တွင် ဗိုလ်တထောင်စေတီတော်ရင်ပြင် အနောက်ဘက်ရှိ ယာယီဗိမာန်နန်းဆောင်မှ မူလနေရာ ဗိမာန်နန်းဆောင်သစ်သို့ ကြွရောက်စံမြန်းလျက်ရှိပြီဖြစ်ပြီး ရောဟဏီဘိုးဘိုးကြီးအား ယာယီဗိမာန် နန်းဆောင်မှ မူလနေရာ ဗိမာန်နန်းဆောင်သစ်သို့ ကြွရောက်စံမြန်းရန်ပင့်ဆောင်သည့် အခမ်းအနားလည်း ကျင်းပပြုလုပ်ခဲ့သည်ဟုဆိုသည်။

ဗိုလ်တထောင်ဘိုးဘိုးကြီး၏ မူလဗိမာန်တော်သည် သာယာလှပသော ရေကန်အလယ်တွင်တည်ရှိပြီး ငါးများ၊လိပ်များကိုလည်းအစာကျွေးမွေးနိုင်ခဲ့ကြောင်းနှင့်ယခုအခါက အဆိုပါဗိမာန်တော်ကို အသစ်ပြန်လည် တည်ဆောက်မွမ်းမံခဲ့ပြီး ကန်အတွင်းထားရှိနိုင်မည့်ငါးနှင့်လိပ်အရေအတွက်အတိုင်းထားရှိခြင်းနှင့် ကန်အတွင်းရေစနစ်များလည်းကောင်းမွန်အောင်ဆောင်ရွက်ထားခဲ့ကြောင်း ဂေါပကအဖွဲ့ထံမှသိရသည်။

ဗိုလ်တထောင်ကျိုက်ဒေးအပ်ဆံတော်ဦးစေတီတော် ရောဟဏီ ဗိုလ်တထောင်ဘိုးဘိုးကြီးအား နံနက် ( ၆: ၃၉) မိနစ်အချိန်တွင် ယာယီဗိမာန်ဆောင်မှ မူလဗိမာန်ကိုပြုပြင်မွမ်းမံတည်ဆောက်လှူဒါန်းသည့် အလှူရှင် " ဦးမျိုးမြင့်( ဘဏ္ဍာတော်ထိန်းဂေါပကအဖွဲ့ဝင်) မိသားစုတို့မှ ဆောက်လုပ်လှူဒါန်းသော မူလနေရာ ဗိမာန် နန်းဆောင်သစ်သို့ ပင့်ဆောင်ခြင်း နှင့် ဗိမာန်နန်းဆောင်သစ် အပ်နှံခြင်း အခမ်းအနားကျင်းပခဲ့ကြောင်း သိရသည်။

အခမ်းအနားကို " နမောတဿ သုံးကြိမ်ရွတ်ဆို ဘုရားကန်တော့၍ ဖွင့်လှစ်ပြီး မြတ်စွာဘုရားရှင်ထံမှ ဘဏ္ဍာတော်ထိန်းဂေါပကအဖွဲ့ဝင်များနှင့် အလှူရှင်များက ငါးပါးသီလခံယူဆောက်တည်ကြ၍ မင်္ဂလာအချိန်နံနက် ( ၆: ၃၉) မိနစ်အချိန်တွင် ရောဟဏီဘိုးဘိုးကြီးအား ယာယီဗိမာန်နန်းဆောင်မှ မူလနေရာ ဗိမာန်နန်းဆောင်သစ်သို့ ကြွရောက်စံမြန်းရန်ပင့်ဆောင်သည့် အခမ်းအနားကို အောင်မြင်စွာကျင်းပပြုလုပ်ခဲ့ပြီး အခမ်းအနားကို " ဗုဒ္ဓသာသနံစိရံတိဌတု " သုံးကြိမ် ရွတ်ဆို ဘုရားကန်တော့၍ အောင်မြင်စွာ ကျင်းပပြုလုပ်ခဲ့ကြောင်း သိရသည်။

#Local_News #ဗိုလ်တထောင်ဘိုးဘိုးကြီး #မူလဗိမာန်နန်းဆောင်သစ် #tthl #Yangon_Times