#Local_News
Published 2 December 2024
▪️ ယခုပတ်အတွက် ထုတ်ပြန်သည့် စားအုန်းဆီ အခြေခံလက်ကား ရည်ညွှန်း ဈေးများ ထပ်မံမြင့်တက်လာကြောင်း စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီမှ ထုတ်ပြန်သည့်ဈေးနှုန်းများအရ သိရသည်။
▪️ မလေးရှားနိုင်ငံတွင် ဖြစ်ပေါ်နေသည့် FOB ဈေးနှုန်းများကို နေ့စဉ်စောင့်ကြည့်ပြီး သယ်ယူခ၊ ဘဏ်စရိတ်၊ အခွန်အခများ ထည့်သွင်းတွက်ချက်ပြီး စားသုံးဆီတင်သွင်းသိုလှောင်ဖြန့်ဖြူး ခြင်းလုပ်ငန်း ကြီးကြပ်ရေးကော်မတီက ဈေးသတ်မှတ်ကာ အပတ်စဉ် ရည်ညွှန်းဈေးများကို ထုတ်ပြန်ပေးလျှက်ရှိသည်။
▪️ ရည်ညွှန်းဈေးများ သတ်မှတ်ထုတ်ပြန်ပေးခြင်းအပြင် ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်း အပါအဝင် မသမာသည့် လုပ်ဆောင်မှုများ ပြုလုပ်ပါက အရေးယူမှုများ ပြုလုပ်သွားမည်ဟု လည်း ထုတ်ပြန်ထားသည်။
▪️ ကော်မတီက ထုတ်ပြန်ပေးသည့် ဈေးနှုန်းမှာ ဒီဇင်ဘာလ ၂ ရက်မှ ၈ ရက်အထိ ရန်ကုန်အထိုင် စားအုန်းဆီ အခြေခံလက်ကား ရည်ညွှန်းဈေးအဖြစ် တစ်ပိဿာ (၇၃၀၅) ကျပ် သတ်မှတ်လိုက်ရာ ယခင်အပတ်က တစ်ပိဿာလျှင် (၇,၂၈၀) ကျပ် သတ်မှတ်ထားခြင်းကြောင့် ၂၅ကျပ်မြင့်တက်လာခြင်းဖြစ်သည်။
#YMG/SW#Yangon_Times
