လာမယ့်တန်ဆောင်တိုင် ရုံးပိတ်ရက်အတွင်း ကျိုက်ထီရိုးစေတီတော်သို့လာရောက်ရန်အတွက် တည်းခိုခန်းနှင့်ဟိုတယ်များတွင် ကြိုတင်ရက်ချိန်းယူသူများ ပြားနေတယ်လို ကျိုက်ထီးရိုးရှိတည်းခိုခန်းနှင့်ဟိုတယ်များမှ သိရပါတယ်။
#Local_News
Published_ 24 November 2023
#ကျိုက်ထီးရိုးစေတီတော် #တည်းခိုခန်းနှင့်ဟိုတယ်များ #ကြိုတင်ဘိုကင်တင်သူများ
#YMG/LW #Yangon_Times

#Local_News
Published 24 November 2023

ပြည်တွင်းမှထွက်ရှိသည့် ပြောင်းဆံများအား တရုတ်မှဈေးကောင်းပေးဝယ်ယူ‌နေသောကြောင့် တာလော့ဂိတ်မှတဆင့် အဓိကတင်ပို့နေကြောင်း ပြောင်းကုန်သည်များထံမှ သိရသည်။

ထိုသို့တင်ပို့ရာတွင် တရုတ်နိုင်ငံဘက်ခြမ်း၌ ပြောင်းတစ်တန်လျှင် ယွမ် (၂,၂၀၀) ဝန်းကျင်အထိဈေးနှုန်းရရှိနေသည့်အတွက် လက်ရှိတွင် တစ်ရက်ကို တန်ချိန် ၁၀၀ ခန့်အထိတင်ပို့နေကြောင်းသိရသည်။

'ပြောင်းကလက်ရှိ မိုင်းလားဘက်ကနေတာ‌လော့ဂိတ်‌ပေါ့၊ အဲ့ဒီက‌နေသွားနေတယ်၊ တရုတ်ဝယ်လိုအားလည်းရှိချိန် ဈေးကောင်းလေးလည်းရတော့သွားနေပါတယ်၊ တရုတ်သွားနေတော့ဒီဘက်အဝယ်လေးလည်း လိုက်တယ်ပေါ့လေ'ဟု ပြောင်းကုန်သည် ဦးအေးသန်းကပြောသည်။

မြန်မာ့ပြောင်းအားတရုတ်၊ ထိုင်းအပြင် ပြည်ပနိုင်ငံများသို့ ပင်လယ်‌ရေကြောင်းနှင့်နယ်စပ်ကုန်သွယ်များမှတဆင့်လည်းတင်ပို့လေ့ရှိပြီး လက်ရှိတွင် ရှမ်းပြည်နယ်အရှေ့ပိုင်း မိုင်းလား-တာလော့ဂိတ်မှ တရုတ်နိုင်ငံသို့ တင်ပို့နေခြင်းဖြစ်ကြောင်း သိရသည်။

'အဓိကထိုင်းတင်ပိုတာပေါ့၊ ဒါပေမယ့်ဒီအချိန်က ထိုင်းမပို့ဘူးလေ၊ ထိုင်းကသူတို့ဘက်မှာထွက်ချိန်ဆို သူတို့သီးနှံကာကွယ်တဲ့ အနေနဲ့အခွန်ကောက်တော့ ဒီဘက်ကမသွားဘူးပေါ့'ဟု ၄င်းက ဆက်ပြောသည်။

ထိုင်းနိုင်ငံသို့ ဖေဖော်ဝါရီ ၁ ရက်နေ့မှပြန်လည်၍ တင်ပို့လေ့ရှိကာပြောင်းတင်ပို့မှု ရာသီပြန်လည်စတင်မည်ဖြစ်ကြောင်း သိရသည်။

တရုတ်နိုင်ငံသို့ တင်ပို့ရာတွင်မူ လတ်တလောတွင် မူဆယ်လမ်းပိုင်းယာယီ ပိတ်ထားသည့်အတွက် တာလော့ဂိတ်မှတဆင့်တင်ပိုနေရကြောင်း၊ ယင်းသို့တင်ပို့ရာတွင် မန္တလေးတိုင်းမှ ရှမ်းပြည်တောင်ပိုင်း၊၄င်းမှတဆင့် ရှမ်းပြည်နယ်အရှေ့ပိုင်းသို့ ဆက်လက်တင်ပို့ရသည့် အတွက် လမ်းခရီး၌ ငါးရက် အနည်းဆုံးကြာမြင့်လျှက်ရှိကြောင်း သိရသည်။

ယနေ့တွင် ရန်ကုန် - ဘုရင့်နောင်ဈေးကွက်၌ ပြောင်းဆံ တစ်ပိဿာလျှင် ၁,၀၇၀ ကျပ်မှ ၁,၀၈၀ ရှိပြီး ၊ မန္တလေးဈေးကွက်၌ပြောင်းဆံ တစ်ပိဿာလျှင်၉၄၄ ကျပ်မှ ၉၈၁ ကျပ်၊ ရှမ်းပြည်နယ်၌ ပြောင်းဆံ တစ်ပိဿာလျှင် ၈၀၀ ကျပ်ကျော်အထိဈေးနှုန်းအသီးသီးရှိနေကြောင်း သိရသည်။

#Local_News #တရုတ်ပြောင်းဆံ #တာလော့ဂိတ် #YMG/NN #Yangon_Times

'ရှမ်းပြည်နယ်‌မြောက်ပိုင်းသီပေါမြို့နယ်မှာ ဖြစ်ပွားနေတဲ့တိုက်ပွဲတွေကြောင့် လာရောက်ခိုလှုံနေတဲ့ တိုက်ပွဲရှောင် ၁၁၁၀ ဉီးအထိရှိလာပြီး စားနပ်ရိက္ခာနဲ့အနွေးထည်‌တွေလိုအပ်နေတယ်လို့ ပရဟိတအသင်းနဲ့ဒေသခံတွေဆီက သိရပါတယ်'
‌#Local_News
Published_ 24 November 2023
#သီပေါမြို့ #တိုက်ပွဲရှောင်၁၁၀၀ကျော်
#YMG/NN #Yangon_Times

ပြည်နိုင်ငံတွေကို အလုပ်သွားရောက်လုပ်ကိုင်နိုင်ဖို့ ပွဲစားများနဲ့ လူမှုကွန်ယက်တွေကနေတစ်ဆင့် ငွေကြေးလိမ်လည်ခံရတာတွေမှာ မလေးရှားနိုင်ငံကိုသွားရောက် လုပ်ကိုင်ဖို့ အတွက် ငွေကြေးလိမ်ခံရသဖြင့် လာရောက်တိုင်ကြားတာ အများဆုံးဖြစ်နေတယ်လို့ မြန်မာပြည်ပအလုပ်အကိုင်ဝန်ဆောင်မှုလုပ်ငန်းရှင်များ အဖွဲ့ချုပ်(MOEAF)ထံက သိရပါတယ်။
#Local_News
Published_ 24 November 2023
#(MOEAF) #မလေးရှား #ငွေကြေးလိမ်ခံရ
#YMG/LW #Yangon_Times

"မန္တလေး-မြစ်ကြီးနားလမ်းပိုင်းကို ယမန်‌နေ့ကပြန်လည်ဖွင့်လှစ်ပြီး ခရီးသည်တင်ကားတွေအပြင် ကုန်စည်တွေလည်းပြန်လည်ပို့ဆောင်နေတယ်လို့ ခရီးသည်နှင့်ကုန်စည်ပို့ဆောင်ရေးလုပ်ငန်းလုပ်ကိုင်သူတွေဆီ"က သိရပါတယ်။
#Local_News
Published_ 24 November 2023
‌#မန္တလေး-မြစ်ကြီးနားလမ်းပိုင်း #ကုန်စည်များပြန်လည်ပို့ဆောင်
#YMG/NN #Yangon_Times

"တိုက်ကြီးမှာ ငလျင်တွေထပ်လှုပ်နေပါတယ်။ ည ၉ နာရီကျော်လောက်မှာ စတင်လှုပ်ခတ်ခဲ့ပြီး မိနစ်ပိုင်း‌လောက်လှုပ်ခတ်ခဲ့တယ်"
တိုက်ကြီးဒေသခံတစ်ဦး
#Local_News
Published_ 24 November 2023
#တိုက်ကြီးမြို့နယ် #ငလျင်(၁၀)ကြိမ်လှုပ်ခဲ့
#tthl #Yangon_Times

#Local_News
Published_24 Nov 2023

ရခိုင်ပြည်နယ်၊ စစ်တွေမြို့တွင် အမြောက်တပ်ပေါက်ကွဲ၍ စစ်သားနှစ်ဦးသေ၊ ရှစ်ဦးထက်မနည်း ဒဏ်ရာရဆိုသော သတင်းမှာ မဟုတ်ကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

လူမှုကွန်ရက်စာမျက်နှာများတွင် စစ်တွေမြို့ရှိ အမှတ်(၁၂)ရဲတပ်ရင်းထဲတွင် အခြေပြုထားသည့် လက်နက်ကြီး အထိုင်စခန်း၊ အမြောက်စခန်းထဲတွင် ပေါက်ကွဲမှုဖြစ်ပြီး စစ်ကောင်စီတပ်သားနှစ်ဦးသေကာ ရှစ်ဦးထက်မနည်း ပြင်းထန်ဒဏ်ရာရသွားခဲ့ကြောင်း ရေးသားနေကြခြင်းအပေါ် အထက်ပါအတိုင်း ထုတ်ပြန်ခြင်းဖြစ်သည်။

ယင်းသတင်းမှာ သတင်းတု သတင်းမှားဖြစ်ပြီး အဆိပ်ခတ်နေကြခြင်းသာဖြစ်ကြောင်း နစက သတင်းထုတ်ပြန်ရေးအဖွဲ့၏ ထုတ်ပြန်ချက်တွင် ဖော်ပြထားသည်။

စစ်တွေမြို့ အမြောက်စခန်း၌ တာဝန်ထမ်းဆောင်လျက်ရှိသည့် လုံခြုံရေးတပ်ဖွဲ့တာဝန်ရှိသူက အဆိုပါ နေရာတွင်မည်သည့် ပေါက်ကွဲမှုမှမရှိကြောင်း၊ အမြောက်တပ်အနေဖြင့်တပ်စခန်းရှိရာနေရာတွင် လုံခြုံရေးတာဝန်များကို ပုံမှန်အတိုင်းထမ်းဆောင်လျက်ရှိကြောင်းနှင့် ယင်းမှာ သတင်းအမှားသာဖြစ်ကြောင်းလည်း ပြန်လည်တုန့်ပြန်ပြောဆိုထားသည်။

#Local_News #အမြောက်တပ်ပေါက်ကွဲ #နစကထုတ်ပြန် #Yangon_Times/PP

#Local_News
Published_ 24 November 2023

ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီသည် တိုင်းဒေသကြီးအတွင်း လုပ်သား ၈၀၀ ကျော်ကို အလုပ်အကိုင်အခွင့်လမ်းပေးနိုင်မည့် လုပ်ငန်း ၃ခု ခွင့်ပြုပေးနိုင်ခဲ့ကြောင်း ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီထံက သိရသည်။

ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီ၏ ၁၁/ ၂၀၂၃ ကြိမ်မြောက် အစည်းအဝေးကို နိုဝင်ဘာ ၂၂ရက်က ပြုလုပ်ခဲ့ပြီး ယခုလုပ်ငန်း ၃ခုကို အတည်ပြုပေးခဲ့ခြင်းဖြစ်ကြောင်း သိရသည်။

အစည်းအဝေးတွင် စက်မှုကဏ္ဍအတွက် ရာခိုင်နှုန်းပြည့် မြန်မာနိုင်ငံသားရင်းနှီးမြှုပ်နှံမှုလုပ်ငန်း နှစ်ခုနှင့် ရာခိုင်နှုန်းပြည့် နိုင်ငံခြားရင်းနှီးမြှုပ်နှံမှုလုပ်ငန်းတစ်ခုကို အတည်ပြုပေးခဲ့ဲပြီး
လုပ်ငန်းများအနေဖြင့် CMP စနစ်ဖြင့် အဝတ်အထည်ချုပ်လုပ်ခြင်းလုပ်ငန်း၊ ပြည်တွင်း၌ ၁၀၀ ရာခိုင်နှုန်းရောင်းချမည့် အသင့်စားခေါက် ဆွဲခြောက်ထုတ်လုပ်ရောင်းချခြင်းလုပ်ငန်းနှင့်CMP စနစ်ဖြင့် အရုပ်အမျိုးမျိုးချုပ်လုပ်ခြင်းလုပ်ငန်းတို့ ဖြစ်ကြောင်း သိရသည်။

အဆိုပါရင်းနှီးမြှုပ်နှံမှုလုပ်ငန်းများ၏ မတည်ငွေရင်း ပမာဏမှာ ကျပ် ၃,၇၇၉ ဒဿမ ၉၇၂ သန်းနှင့် အမေရိကန် ဒေါ်လာ ၀ ဒသမ ၆၀၅ သန်းဖြစ်ပြီး ပြည်တွင်းအလုပ်အကိုင်အခွင့်အလမ်း ၈၇၇ ဦးအတွက် ဖန်တီးပေးနိုင်မည်ဖြစ်ကြောင်း သိရသည်။

#Local_News #အလုပ်အကိုင်အခွင့်လမ်း #ရင်းနှီးမြှုပ်နှံမှုကော်မတီ #YMG/LW #Yangon_Times

#Local_News
Published_ 24 November 2023

ပုဂံရှေးဟောင်းဘုရား(၈၉)ဆူရှိ အပင် ၁၂၇၆ ပင်ကို ရှင်းလင်းနိုင်ခဲ့သလို ပုဂံဘုရား(၁၁‌)ဆူ၌ မိုးကြိုးလွှဲတပ်ဆင်ရန်စီစဉ်နေ‌ကြောင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာနမှ သိရသည်။

ပုဂံဒေသဆိုင်ရာ ပူးပေါင်းဆောင်ရွက်ရေးကော်မတီ(မန္တလေးတိုင်းဒေသကြီး၊ညောင်ဦးခရိုင်)၏ လုပ်ငန်းညှိနှိုင်းအစည်းအဝေး၌ ရှေးဟောင်းသုတေသနနှင့်အမျိုးသားပြတိုက်ဦးစီးဌာနမှတာဝန်ရှိသူက ထည့်သွင်းပြောခဲ့ခြင်းဖြစ်သည်။

စက်တင်ဘာ၆ရက်မှအောက်တိုဘာ၂၂ ရက်အထိ ပုဂံရှေးဟောင်းအဆောက်အအုံ ၈၉ ဆူတွင် ပေါက်ရောက်နေသည့်  ညောင်ပင်နှင့် အခြားအပင် စုစုပေါင်း ၁၂၇၆ ပင်ကို ဓာတုဗေဒဆေးနှင့် ရှင်းလင်း နှိမ်နင်းခြင်း ဆောင်ရွက်နိုင်ခဲ့ကြောင်း၊ 

ပုဂံယဉ်ကျေးမှု အမွေအနှစ်ဒေသအတွင်းရှိ ဘုရား၊ ပုထိုးစေတီအချို့တွင် မိုးကြိုးစက်ကွင်း“ခ” မှုများဖြစ်ပေါ်ခဲ့သဖြင့် ရှေးဟောင်းအဆောက်အအုံ ၁၁ ဆူတွင် မိုးကြိုးလွှဲ တပ်ဆင်နိုင်ရန် ဆက်စပ်ဌာနများ၊ ဂေါပကအဖွဲ့များနဲ့ ပူးပေါင်းဆောင်ရွက်လျက်ရှိကြောင်း  ရှေးဟောင်းသုတေသနနှင့် အမျိုးသား ပြတိုက်ဦးစီးဌာန၊ ပုဂံဌာနခွဲ ၊ ညွှန်ကြားရေးမှူးကပြောကြားခဲ့သည်။

ယင်းအပြင်မိုခါမုန်တိုင်းကာလတွင် ရှေးဟောင်းအဆောက်အအုံ(၅၉)ဆူ ထိခိုက်မှုရှိသည့်အနက် အဆောက်အအုံ ပိုင်းဆိုင်ရာ ထိခိုက်မှု (၅၃)ဆူ၊ နံရံပန်းချီနှင့် အင်္ဂတေပန်းဆိုင်ရာထိခိုက်မှု (၆)ဆူဖြစ်ပြီး ဌာနက အချိန်နှင့်တပြေးညီ ပြုပြင် ထိန်းသိမ်းခြင်းနှင့်    ကြံ့ခိုင်ထိန်းသိမ်းခြင်းတို့ကို  ဆောင်ရွက်ခဲ့ပြီဖြစ်ကြောင်း၊ မိုခါမုန်တိုင်းကြောင့် ရေဝပ်မှုဖြစ်ပေါ်ခဲ့သည့် ရှေးဟောင်းအဆောက်အအုံ ၁၅ ဆူကို   မြေပြင်ကွင်းဆင်း သုတေသနပြုလုပ်ပြီး ထပ်မံရေဝပ်ခြင်းများ မဖြစ်ပေါ်စေရန် လိုအပ်သည့် ကာကွယ်ရေးလုပ်ငန်းများနှင့် ပြုပြင်ထိန်းသိမ်းရေးများကို ဆောင်ရွက်လျက်ရှိကြောင်းလည်းပြောကြားခဲ့ကြောင်း သိရသည်။

#Local_News #ပုဂံဘုရား(၈၉)ဆူ #မိုးကြိုးလွှဲတပ်ဆင်ရန်စီစဉ်နေ #tthl #Yangon_Times

#Local_News
Published 24 November 2023

သင်္ဃန်းကျွန်းမြို့နယ်၌ ဦးလေးဖြစ်သူနေအိမ်ထဲ အပေါင်းအသင်းများနှင့်အတူဝင်ရောက်အကြမ်းဖက်လုယက်သည့် တူဖြစ်သူအား ရပ်ကွက်နေပြည်သူများဝိုင်းဝန်းဖမ်းဆီးလိုက်ကြောင်းပရဟိတအသင်းများနှင့် ရပ်ကွက်နေပြည်သူများထံမှ သိရသည်။

နိုဝင်ဘာ ၂၃ ရက် နေ့လယ် ၂ နာရီခွဲခန့်တွင် သင်္ဃန်းကျွန်းမြို့နယ်၊ သွပ်ဝိုင်းကြီးရပ်ကွက်၊ နီလာလမ်းရှိ ဦးလေးဖြစ်သူနေအိမ်သို့တူဖြစ်သူက လာရောက်ကန်တော့ပြီး အိမ်တွင်လူမရှိသည်ကို သိရှိပြီးနောက် ၄င်း၏အပေါင်းအပါ နှစ်ဦးကိုပါ အချက်‌ပြခေါ်ယူပြီး အကြမ်းဖက်လုယက်ခဲ့သဖြင့် အိမ်ရှင်ဦးလေးဖြစ်သူ၏ လည်ပင်းတွင် ပြတ်ရှဒဏ်ရရခဲ့သောကြောင့် နေအိမ်ရှေ့ရှိတက်စီဖြင့် ဆေးရုံသို့ ပို့ဆောင်ပေးခဲ့ရကြောင်း သိရသည်။

တူဖြစ်သူမှာမုန့်ပုံးဖြင့် လာရောက်ကန်တော့စဉ် နေအိမ်တွင်ဉီး‌လေးဖြစ်သူတစ်ဉီးသာရှိသည့်အတွက် ယခုကဲ့သို့အကြမ်းဖက်ဖြစ်စဉ်ဖြစ်ပွားခဲ့ခြင်းဖြစ်ကြောင်း၊ လတ်တလောတွင်လူနာမှာ အခြေအနေကောင်းနေပြီဖြစ်‌ကြောင်း သုဝဏ္ဏပရဟိတအသင်းမှ တာဝန်ရှိသူတစ်ဦးကပြောသည်။

အဆိုပါ အကြမ်းဖက်လုယက်သူတစ်ဉီးအား ရပ်ကွက်ရှိ အများပြည်သူများက စုပေါင်းဖမ်းဆီးထားပြီး နယ်မြေခံရဲစခန်းတာဝန်ကျမှ သုဝဏ္ဏရဲစခန်းသို့ ကူညီပို့ဆောင်ပေးပါရန် အကူအညီတောင်းခံမှုအရ ရဲစခန်းသို့ပို့ဆောင်ပေးခဲ့ကြောင်း သိရသည်။

#Local_News #အကြမ်းဖက်လုယက် #ရပ်ကွက်နေပြည်သူများဝိုင်းဝန်းဖမ်းဆီး #YMG/NN #Yangon_Times

#Local_News
Published-24 November-2023

မန္တလေး-ပြင်ဦးလွင်ကားလမ်း ၁၉ မိုင်အနီးတွင် ယာဉ်တိုက်မှုကြောင့် ၃ဦးသေဆုံးကာ ၅ဦး ထိခိုက်ဒဏ်ရာရရှိခဲ့ကြောင်း သွားရောက်ကူညီပေးသည့် စေတနာမွန်(အုန်းချော)အသင်းထံက သိရသည်။

နိုဝင်ဘာ ၂၄ ရက် နံနက် ၈နာရီ ခန့်က ဖြစ်ပွားခဲ့ခြင်းဖြစ်ပြီး ယာဉ်တိုက်မှုကြောင့် ယာဉ်တစ်စီးမှာ လမ်းဘေးချောက်ထဲသို့ ထိုးကျသွားကြောင်း သိရသည်။

''ချောက်ထဲကို ကျသွားတဲ့ ယာဉ်ကပဲ အရှေ့ကကားကိုဝင်တိုက်တာ ပြီးတော့အရှိန်မထိန်းနိုင်ဘဲ ချောက်ထဲကို ပြုတ်ကျတာ အဲ့ကားပေါ်မှာက လူယာဉ်မောင်းအပါ ၁၀ယောက်လောက်ပါတယ်။အမျိုးသား ၃ယောက်က သေဆုံးသွားတယ်၊ ၅ယောက်ကတော့ ထိခိုက်ဒဏ်ရာရတယ်''ဟု စေတနာမွန်(အုန်းချော)အသင်း မှ တာဝန်ရှိသူတစ်ဦးက ပြောသည်။

ယာဉ်တိုက်မှုကြောင့် ချောက်ထဲသို့ ကျစဉ်ယာဉ်ပေါ်မှ အမျိုးသားတစ်ဦး လွှင့်စင်ကျပြီး ကျောက်တုံးကြားတွင် ညှပ်နေသောကြောင့် လူမှုကူညီရေးအသင်းများနှင့်သက်ဆိုင်ရာ အဖွဲ့စည်းများက ကူညီရေးလုပ်ငန်းများ ဆောင်ရွက်ပေးခဲ့ရကြောင်း သိရသည်။

#Local_News #မန္တလေး- ပြင်ဦးလွင် #ယာဉ်တိုက်မှုဖြစ် #၃ဦးသေဆုံး၅ဦးထိခိုက်ဒဏ်ရာရ
#YMG/LW #Yangon_Times

#World_News 
Published 24 November 2023

OpenAI ဟာ အလွန်အဆင့်မြင့်တဲ့ စနစ်ကို လုပ်ဆောင်နေပြီး အမှုဆောင်အရာရှိချုပ် ဆမ်အော့တ်မန်း အလုပ်ထုတ်မခံရခင်မှာပင် ကုမ္ပဏီဝန်ထမ်းတွေဟာ သူတို့ရဲ့ လုံခြုံရေးဆိုင်ရာ စိုးရိမ်မှုများ ရှိလာပါတယ်။

လူလုပ်အသိဉာဏ်(AI) ဒီလောက်အထိ အဆင့်မြင့်နေတာကို OpenAI မှ သုတေသီအချို့ ထိတ်လန့်နေကြပြီး လူသားတွေကို ခြိမ်းခြောက်လာနိုင်တယ်လို့ ဒါရိုက်တာဘုတ်အဖွဲ့ထံ ရေးသားတင်ပြခဲ့ကြပါတယ်။

Q* လို့အမည်ပေးထားတဲ့ AI စနစ်ပုံစံဟာ ယခင်ကမကြုံဖူးတဲ့ အခြေခံသင်္ချာနည်းတွေကိုပါ ဖြေရှင်းနိုင်စွမ်း ရှိနေတယ်လို့ နည်းပညာဝက်ဘ်ဆိုက်တစ်ခုမှာ ဖော်ပြထားပါတယ်။

ထိုစနစ်ရဲ့  တိုးတက်မှုနှုန်းက သုတေသီအချို့အတွက် ထိတ်လန့်စရာ ဖြစ်နေပါတယ်။

သင်္ချာမေးခွန်းတွေကို ဖြေရှင်းနိုင်စွမ်းရှိတာဟာ AI နည်းပညာမှာ ထင်ရှားတဲ့တိုးတက်မှု ဖြစ်လာမှာပါ။

ဆန်ဖရန်ဆစ္စကို အခြေစိုက် OpenAI က စီအီးအိုအော့တ်မန်းကို ရာထူးမှ ထုတ်ပယ်လိုက်ချိန်မှာ ဘုတ်အဖွဲ့အတွင်း ပွက်လောရိုက်သွားပြီး ကုမ္ပဏီဝန်ထမ်းပေါင်း ၇၅၀ က စီအီးအိုကို ပြန်မခေါ်ပေးရင် အလုပ်ထွက်ကြမယ်လို့ ခြိမ်းခြောက်ခဲ့ပြီးနောက် အော့တ်မန်းကို အလုပ်ပြန်ခန့်ခဲ့ပါတယ်။

OpenAI ရဲ့ အကြီးမားဆုံး ရင်းနှီးမြှုပ်နှံသူ မိုက်ခရိုဆော့ဖ်ကလည်း အော့တ်မန်းကို ထောက်ခံထားပါတယ်။

OpenAI လိုမျိုး ကုမ္ပဏီတွေ ယေဘုယျ လူလုပ်အသိဉာဏ်(AGI)ကို ဖန်တီးရာမှာ ရှေ့ရောက်လွန်းတယ်လို့ ပညာရှင်များက စိုးရိမ်ဖော်ပြနေကြပါတယ်။

AGI ဆိုတာက လူသားအသိဉာဏ်နဲ့ တန်းတူ ဒါမှမဟုတ် လူသားအသိဉာဏ်ထက် သာလွန်တဲ့ အတိုင်းအတာဖြင့် လုပ်ငန်းတာဝန်များစွာကို လုပ်ဆောင်နိုင်တဲ့ စနစ်ကို ခေါ်ဆိုတာ ဖြစ်ပါတယ်။

သင်္ချာနည်းဖြေရှင်းသော စနစ်ပုံစံကြီး(LLM) တည်ရှိတာဟာ အောင်မြင်မှုတစ်ခု ဖြစ်လာနိုင်တယ်လို့ လူသားဗဟိုပြုAIအဖွဲ့အစည်းမှ အန်ဒရူးရိုဂွိုင်စကီးက ပြောပြသွားပါတယ်။

အော့တ်မန်းဟာ အလုပ်ထုတ်မခံရခင် တစ်နေ့က ChatGPT နောက်ကွယ်ကနေ ကုမ္ပဏီဟာ နောက်ထပ်ဖန်တီးမှုတစ်ခုကို ပြုလုပ်နိုင်ခဲ့ပြီလို့ အာရှပစိဖိတ် စီးပွားရေး ပူးပေါင်းဆောင်ရွက်မှု(APEC) ထိပ်သီးအစည်းအဝေးမှာ ကြေညာခဲ့ပါတယ်။

#World_News #အဆင့်မြင့်လှသောAI #အော့တ်မန်း #OpenAI ဖန်တီးနိုင်ခဲ့ #Source: WION