၂၀ ဖေဖော်ဝါရီ ၂၀၂၄

ရုရှားသမ္မတ ဗလက်ဒီမာပူတင်က မြောက်ကိုရီးယားခေါင်းဆောင် ကင်မ်ဂျုန်အမ်ကို ရုရှားနိုင်ငံထုတ်ဇိမ်ခံကား Aurus ကား   တစ်စီးကို ကိုယ်ရေးကိုယ်တာသုံးဖို့ လက်ဆောင်ပေးလိုက်တယ်လို့ မြောက်ကိုရီးယား နိုင်ငံပိုင်မီဒီယာက အင်္ဂါနေ့ ဖေဖော်ဝါရီ ၂၀ရက်မှာ ကြေညာပါတယ်။

အဲဒီလက်ဆောင်ကို မြောက်ကိုရီးယားခေါင်းဆောင်ရဲ့ နှမ ကင်မ်ယိုဂျုန်နှင့်  အာဏာရ ကိုရီးယားလုပ်သားပါတီ ဗဟိုကော်မတီ အတွင်းရေးမှူး ပတ်ဂျုန်ချွန်တို့က တနင်္ဂနွေနေ့မှာ လက်ခံရရှိခဲ့တာဖြစ်ပါတယ်။ ဘယ်နေရာမှာလက်ခံခဲ့သလဲဆိုတာကိုတော့ ကိုရီးယားဗဟိုသတင်းအေဂျင်စီရဲ့ထုတ်ပြန်ချက်ထဲမပါရှိပါဘူး။

မြောက်ကိုရီးယားခေါင်းဆောင်ကင်မ်ဟာ ပြီးခဲ့တဲ့ စက်တင်ဘာလက ရုရှား အရှေ့ဖျားကိုသွားရောက်လည်ပတ်ခဲ့စဉ်မှာ Aurus ကားကို စစ်ဆေးကြည့်ရှုပြီး နောက်ခုံမှာဝင်ထိုင်ကြည့်ခဲ့တဲ့အကြောင်း ရုရှားရဲ့တပ်စ်သတင်းအေဂျင်စီက သတင်းထုတ်ပြန်ခဲ့ ပါတယ်။

ကုလသမဂ္ဂလုံခြုံရေးကောင်စီက မြောက်ကိုရီးယားနိုင်ငံရဲ့ ဒုံးကျည်နှင့်နျူကလီးယားအစီအစဉ်တွေကြောင့် ကားတွေအပါ အဝင် ဇိမ်ခံပစ္စည်းတွေ မြောက်ကိုရီးယားထံတင်ပို့ခြင်းတားမြစ်ထားခဲ့ပါတယ်။

ကင်မ်ယိုဂျုန်က သူမအစ်ကိုရဲ့ကျေးဇူးတင်စကားကို ပူတင်ထံ ပြောကြားခဲ့ပါတယ်။ အဲဒီလက်ဆောင်ဟာ ခေါင်းဆောင်နှစ်ဦးရဲ့ ပုဂ္ဂိုလ်ရေး အထူးခင်မင်ရင်းနှီးမှုကိုပြသနေတာဖြစ်တယ်လို့လည်း သူမကပြောပါတယ်။

ရုရှားနှင့်မြောက်ကိုရီးယားတို့ဟာ ဆက်ဆံရေးတွေတိုးမြှင့်လာနေပြီး ပြုုံယမ်းဟာ မော်စကိုသို့ စစ်လက်နက်ခဲယမ်းမီးကျောက် တွေတင်ပို့ပေးနေတယ်လို့အမေရိကန်က စွပ်စွဲထားတာဖြစ်ပါတယ်။

Source BKK Post

Published 20 February 2024

ကရင်ပြည်နယ်၊ ဘားအံမြို့နယ်၊ မိဇံကျေးရွာတွင်ဧက ၁၀၀နီးပါးရှိသည့်မြေနေရာ၌  မွေးမြူရေးဇုန်သစ် တွင်အကောင်အထည်ဖော်ဆောင်ရွက်နေပြီဖြစ်‌ကြောင်း ကရင်ပြည်နယ်မွေးမြူရေးနှင့် ကုသရေးဦးစီး ဌာနမှသိရသည်။

အဆိုပါ ဇုန်သည် ဝက်နှင့်ဆိတ်ကို သီးသန့်မွေးမြူရန်ခွဲခြား ထားပြီးဝက်မွေးမြူရေးဇုန်အတွက် ၄၉ ဒသမ ၀၇ ဧက ၊ ဆိတ်မွေးမြူရေးဇုန် အတွက် ၄၉ ဒသမ ၃၁ ဧက စုစုပေါင်း၉၈ ဒသမ ၃၈ ဧကရှိပြီး  မွေးမြူလိုသည့် လုပ်ငန်းရှင်များလုပ်ကိုင်နိုင်ရန် ခွင့်ပြုပေးထားကြောင်းလည်း သိရသည်။

ယင်း ဇုန်သည် ငွေကျပ် ၂၃၅၉ ဒသမ ၁၅၅ သန်းကျော်ကုန်ကျပြီးအကျယ်အဝန်းအနေဖြင့် ၉၈ ဒသမ ၃၈ ဧကရှိကြောင်း၊ ဝက်နှင့်ဆိတ်ကို သီးသန့်မွေးမြူရန်ခွဲခြား ထားပြီး မွေးမြူလိုတဲ့လုပ်ငန်းရှင်များလုပ်ကိုင်နိုင်ရန် ခွင့်ပြုပေးထားကြောင်း၊ မွေးမြူရေးလုပ်ငန်းလုပ်ကိုင်သူများအနေဖြင့် တစ်ဧကတွင် ဆိတ်မွေးမြူရေးလုပ်ငန်းလုပ်ကိုင်ပါက  ဧကတစ်ဝက်တွင် မွေးမြူရေးလုပ်ငန်းလုပ်ကိုင်နိုင်ပြီး ကျန်ဧကတစ်ဝက်တွင်  ဆိတ်အစာကျွေးရန် အရည်အသွေးမြင့်သည့် မြက်များစိုက်ပျိုးရန် စီစဉ် ထားကြောင်း၊ဝက်မွေးမြူသူများအတွက်  လိုအပ်သည့်  လျှပ်စစ်မီး၊ ရေလိုအပ်ချက်များကို ဖြည့်ဆည်းပေးနေကြောင်းသိရသည်။

၎င်းဇုန်အတွင်း ဝက်မွေးမြူရာတွင် တစ်ကွက်လျှင်  ပျမ်းမျှအားဖြင့် အကောင် ၅၀ သတ်မှတ်ထားပြီး အကွက် ၅၅ ကွက် ဖြင့် အကွက်ပြည့်မွေးမြူမည်ဆိုပါက ကောင်ရေ ၂၇၅၀ သတ်မှတ်ထားကြောင်း၊ တစ်နှစ်လျှင် နှစ်သုတ် မွေးမြူပါက ဝက်အကောင်ရေ ၅၀၀၀ ခန့်အထိ မွေးမြူနိုင်မည်ဖြစ်ကြောင်း သိရသည်။

အလားတူ ဆိတ်မွေးမြူရာတွင်လည်း တစ်ကွက်လျှင် အကောင် ၅၀ အနည်းဆုံးမွေးမြူရန် သတ်မှတ်ထားပြီး အကွက် ၃၄ ကွက်အပြည့်မွေးမြူပါက အကောင်ရေ ၁၇၀၀ မွေးမြူရမည်ဖြစ်ကြောင်း ၊ ၎င်း ဇုန်မှ ထွက်ရှိလာမည့် ဆိတ်နှင့်ဝက်သားများကို ဒေသတွင်းစားသုံးရုံသာမက ပိုလျှံပါက ဒေသကျော် တင်ပို့ရောင်းချနိုင်မည်ဖြစ်ကြောင်း သိရသည်။
Yangon Times/NN
#Local_News
#Published_ 20 February 2024
#YMG_News #Yangon_Times #Yangon_Media_Group

အခုရက်ပိုင်းအတွင်း တနင်္သာရီတိုင်း၊ကချင်ပြည် နယ်၊စစ်ကိုင်းတိုင်းအထက်ပိုင်းနဲ့ ကချင်ပြည်နယ်တို့မှာ မိုးထစ်ချုန်းရွာသွန်းနိုင်တယ်လို့ ‌မိုးလေဝသနှင့် ဇလဗေဒညွှန်ကြားမှုဦးစီးဌာနမှ သိရပါတယ်။
Yangon Times/tthl
#Local_News
#Published_ 20 February 2024
#YMG_News #Yangon_Times #Yangon_Media_Group

မြန်မာနိုင်ငံကနေ ထိုင်းနိုင်ငံကို သွားရောက်လိုသူတွေအတွက် ပြည်ဝင်ခွင့်ဗီဇာ ကြိုတင်ရက်ချိန်းရယူမှုကို အွန်လိုင်းစနစ်နဲ့ပါ လက်ခံသွားမယ်လို့ မြန်မာနိုင်ငံဆိုင်ရာ ထိုင်းသံရုံးက ဖေဖော်ဝါရီလ ၂၀ ရက်နေ့ မှာ ထုတ်ပြန်လိုက်တယ်။
Yangon Times/LW
#Local_News
#Published_ 20 February 2024
#YMG_News #Yangon_Times #Yangon_Media_Group

20 February 2024

ကရင်ပြည်နယ် "ယှးယံင့်ဝဝ်အွာ"ဇာတ်သဘင်အဖွဲ့ကိုတင်ဆောင်လာသည့်ဇာတ်သဘင်အဖွဲ့ ကားတိမ်းမှောက်သွားသည့်အတွက် မြန်မာနိုင်ငံသဘင်အစည်းအရုံး(ဗဟို)မှအဆိုပါဇာတ်သဘင်အဖွဲ့ကိုကနဦးထောက်ပံ့‌ငွေပေးအပ်သွားမည်ဖြစ်ကြောင်း သိရသည်။

သေဆုံးသူများအတွက်  (၁) ဦးလျှင် (၅) သိန်းကျပ်ထိခိုက်ဒဏ်ရာရရှိသူများအတွက်  (၁) ဦးလျှင် (၃) သိန်းကျပ်စီကိုမြန်မာနိုင်ငံသဘင်အစည်းအရုံး (ဗဟို) မှကနဦး ထောက်ပံ့လှူဒါန်းမည်ဖြစ်သည်ဟုဆိုသည်။

ဖေဖော်ဝါရီလ(၁၉)ရက်၊မနက်(၁၀)နာရီ၊၃၀မိနစ်တွင်ကရင်ပြည်နယ် ဘားအံမြို့ရှောင်လမ်းသစ် ကြာအင်းတောင်ကြားလမ်း (ရဲသာ) ဘက်ခြမ်းတွင်`ယှးယံင့်ဝဝ်အွာ 'အဖွဲ့ ကရင်ဇာတ်သဘင်ကားချောက်အတွင်း ထိုးကျတိမ်းမှောက်မှုဖြစ်ပွားခဲ့ခြင်းဖြစ်သည်။

ဇာတ်ကားတိမ်းမှောက်မှုကြောင့် လူ (၁)ဦးသေဆုံး ၊လူ (၁၁) ဦးထိခိုက်ဒဏ်ရာရရှိခဲ့ပြီး ကရင်ပြည်နယ်
ပြည်သူ့ဆေးရုံကြီးတွင်ဆေးကုသမှုခံယူနေကြောင်း
သိရသည်။

ကရင်ပြည်နယ် သဘင်အစည်းအရုံးဝင်“ယှးယံင့်ဝဝ်အွာဇာတ်သဘင်” အဖွဲ့ဇာတ်ကားတိမ်းမှောက်သွား၍မြန်မာနိုင်ငံသဘင်အစည်းအရုံး (ဗဟို) နှင့် ချိတ်ဆက်ကာကရင်ပြည်နယ် သဘင်အမှုဆောင်များမှဘားအံပြည်သူ့ဆေးရုံကြီးတွင်
ရောက်ရှိကာ ဝိုင်းဝန်းကူညီနေကြောင်း သိရသည်။
Yangon Times/tthl
#Local_News
#Published_ 20 February 2024
#YMG_News #Yangon_Times #Yangon_Media_Group

Published_ 20 February 2024

နိုင်ငံကူးလက်မှတ်များအား ပုံမှန်လုပ်ငန်းစဉ်အတိုင်း စိစစ်ထုတ်ပေးနေပြီး ကောလာဟလသတင်းများထုတ်ပြန်၍ ငွေကြေးအဆမတန်တောင်းခံသူများ၊ကြားပွဲစားများအားဖော်ထုတ်အရေးယူသွားမည်ဖြစ်ကြောင်း မြန်မာနိုင်ငံကူးလက်မှတ်ထုတ်ပေးရေးရုံးမှအသိပေးထားသည်။

မြန်မာနိုင်ငံကူးလက်မှတ်ထုတ်ပေးရေးအဖွဲ့အနေဖြင့်  နိုင်ငံကူးလက်မှတ်များအား ပုံမှန်လုပ်ငန်းစဉ်အတိုင်း စိစစ်ထုတ်ပေးလျှက်ရှိရာ မြန်မာနိုင်ငံကူးလက်မှတ်ထုတ်ပေးရေးရုံး(ရန်ကုန်)တွင် online bookingတင်၍  QR စနစ်ဖြင့်  ၂၇၀၀ဦးနှုန်းဖြင့်လည်းကောင်း၊နေပြည်တော်၊မြစ်ကြီးနား၊ဟားခါး၊လွိုင်ကော်၊မကွေး၊မန္တ‌လေး၊မုံရွာ၊တောင်ကြီး၊ကျိုင်းတုံ၊လားရှိုး၊တာချီလိတ်၊ဘားအံ၊မြဝတီ၊မော်လမြိုင်၊ထားဝယ်၊ကော့‌သောင်း ၊ပုသိမ်၊စစ်တွေ၊ပဲခူးမြို့များရှိ နိုင်ငံကူးလက်မှတ်ထုတ်ပေးရေးရုံးခွဲ များတွင် သတ်မှတ်လူဦးရေအတိုင်းလည်းကောင်း ၊ရုံးဖွင့်ရက်များတွင်နေ့စဉ် လက်ခံဆောင်ရွက်ပေးလျှက်ရှိကြောင်းသိရသည်။

လက်ရှိအချိန်တွင် နိုင်ငံကူးလက်မှတ်ထုတ်ပေးရေးနှင့်ပတ်သက်ပြီး ကောလာဟလသတင်းများ ထွက်ပေါ်နေ၍ နိုင်ငံကူးလက်မှတ်ရရှိရေး စိုးရိမ်ပူပန်မှုများ ဖြစ်ပေါ်လျှက်ရှိကြောင်း သိရှိသဖြင့် အမှန်တကယ်သွားရောက်လိုသူများကို ယခင်သတ်မှတ်ထားသောလုပ်ငန်းစဉ် ၊ခွင့်ပြုအရေအတွက်များအတိုင်း ဆက်လက်ထုတ်ပေးသွားမည်ဖြစ်ကြောင်းသိရသည်။

ထို့အပြင် ကောလာဟလသတင်းများထုတ်ပြန်၍ ငွေကြေးအဆမတန်တောင်းခံသူများ၊ကြားပွဲစားများအားဖော်ထုတ်အရေးယူသွားမည်ဖြစ်ကြောင်းသိရသည်။
Yangon Times/NN
#Local_News
#Published_ 20 February 2024
#YMG_News #Yangon_Times #Yangon_Media_Group

ပြည်ပတင်ပို့မှု နဲ့ ပြည်တွင်းသိုလှောင်မှုတွေကြောင့် ကြက်သွန်နီဈေးဟာ ဈေးမြင့်လာပေမယ့် ရန်ကုန် ဈေးကွက်မှာတော့ အရောင်းဝယ်ကောင်းနေတယ်။
Yangon Times/LW
#Local_News
#Published_ 20 February 2024
#YMG_News #Yangon_Times #Yangon_Media_Group

ဒီနေ့အကြိုဗိုလ်လုပွဲ၊ ဗိုလ်လုပွဲ၊ ဆု‌ပေးပွဲနဲ့ မြင်းလေလံပွဲပြုလုပ်သွားမှာပါ ၊ပြည်ထောင်စုဖလားပြိုင်ပွဲကို နောက်နှစ်တွေလည်း ကျင်းပသွားမယ်၊ တစ်နှစ်ထက်တစ်နှစ်လည်း မြင်းစီးအားကစားသမားကောင်းတွေ ပေါ်ထွက်လာမယ်လို့မျှော်လင့်ပါတယ်။
Yangon Times/NN
#Local_News
#Published_ 20 February 2024
#YMG_News #Yangon_Times #Yangon_Media_Group

ချင်းရိုးရာချည်ထည်များကို မလေးရှား၊ စင်ကာပူနှင့် USAနိုင်ငံတို့မှ စိတ်ဝင်စားပြီး မှာယူနေ

"ချင်းရိုးရာချည်ထည်တွေထဲမှာ ဟားခါးရိုးရာ ဂျက်ခုတ်ထည်၊ ချင်းရိုးရာဆွဲကြိုး၊ ချင်းရိုးရာခါးပတ်တွေကတော့ ရောင်းအား အကောင်းဆုံးဖြစ်နေတယ်" ရွှေယက္ကန်းချင်းရိုးရာချည်ထည်နှင့် အသုံးအဆောင်ပစ္စည်းများ လက်လီလက်ကားဖြန့်ချိရေးမှ တာဝန်ရှိသူတစ်ဦး
Yangon Times/tthl
#Local_News
#Published_ 20 February 2024
#YMG_News #Yangon_Times #Yangon_Media_Group

၂၀ ဖေဖော်ဝါရီ ၂၀၂၄

ထိုင်းနိုင်ငံထဲ တရားမဝင် ဝင်ရောက်လာတဲ့မြန်မာတွေဟာ ဥပဒေအရ အရေးယူခြင်းခံကြရလိမ့်မယ်လို့ ထိုင်း ဝန်ကြီးချုပ် ဆာရက်သာ သာဗစ်ဆင်းက သတိပေးလိုက်ပါတယ်။

ပြည်သူ့စစ်မှုထမ်းရန် လူငယ်များကို ဧပြီလတွင် စတင်ဆင့်ခေါ်မည်ဟူသော အစီအစဉ်ကြားသိရပြီးနောက် မြန်မာ ထိုင်းနိုင်ငံကို ဝင်ရောက်ဖို့ ဗီဇာလျှောက်ထားလာတဲ့ မြန်မာလူငယ်အရေအတွက် ရုတ်ခြည်း တိုးလာတဲ့အပေါ် ထိုင်း ဝန်ကြီးချုပ်က ယခုလိုမှတ်ချက်ပေးခဲ့တာလို့ ဘန်ကောက်ပို့စ်က ရေးသားပါတယ်။

“ သူတို့ တရားဝင်လာကြတာကို ကျွန်တော်တို့ကြိုဆိုပါတယ်။ ဒါပေမယ့် ခိုးဝင်လာကြတယ်ဆိုရတော့ သူတို့ကို တရားဥပဒေအရ အရေးယူရလိမ့်မယ်။ ဒီကိစ္စကို ကျွန်တော် လုံခြုံရေးအေဂျင်စီတွေနှင့် ဆွေးနွေးပြီးဖြစ်တယ်” လို့ မစ္စတာ ဆာရက်သာကပြောပါတယ်။

မြန်မာနိုင်ငံကရွှေ့ပြောင်းလာသူတွေဟာ ထိုင်းဒေသခံတွေရဲ့အလုပ်တွေကို ဆွဲယူသွားကြလိမ့်မယ် ဆိုတဲ့ စိုးရိမ်  ပူပန်မှုကိုလည်း ဝန်ကြီးချုပ်က ဖြေဖျောက်စေဖို့ ကြိုးစားတဲ့အနေနှင့် “မြန်မာနိုင်ငံသားတွေ ထိုင်းနိုင်ငံထဲ ပြေးဝင်    လာကြတဲ့ အကြောင်းရင်းတွေထဲက တစ်ခုက သူတို့ဟာ စစ်မှုထမ်းရမှာကို ရှောင်ရှားချင်ကြလို့ဖြစ်ပါတယ်” လို့ သူက ဆက်ပြောပါတယ်။

“ထိုင်းနိုင်ငံရဲ့ အလုပ်လက်မဲ့နှုန်းထားဟာ လက်ရှိမှာ တစ်ရာခိုင်နှုန်းအောက်ပဲရှိနေတဲ့အတွက် အိမ်နီးချင်းနိုင်ငံတွေ မှအလုပ်သမားတွေ များများပိုလိုနေတုန်းပဲ” လို့သူကပြောလိုက်ပြီး သူတို့ဟာ ထိုင်းနိုင်ငံမှာ အလုပ်လုပ်ဖို့ တရား  ဝင်လုပ်ငန်းစဉ်တွေကို လိုက်နာဆောင်ရွက်ဖို့လိုတယ်လို့လည်း ဆိုလိုက်ပါတယ်။

သမ်မားဆက်တက္ကသိုလ်၊ ပရီဒီဘန်နိုမြောင် အင်စတီကျူရဲ့ အမှုဆောင်ကော်မတီဥက္ကဋ္ဌ အန်နူဆွန်တမာဂျိုင်းက “ ထိုင်းနှင့်မြန်မာနှစ်နိုင်ငံအကြား နားလည်မှုစာချွန်လွှာအောက်မှာတရားဝင် အလုပ်လုပ်နေတဲ့ မြန်မာလူငယ်  တွေဟာ ပြည်သူ့စစ်မှုထမ်းဥပဒေနှင့်အကျုံးဝင်နေပါတယ်။ အဲဒါကြောင့် အချို့လုပ်ငန်းတွေမှာ အလုပ်သမား   မလုံ   လောက်တာတွေ ဖြစ်လာနိုင်တယ်” လို့ပြောပါတယ်။

အဲဒါကြောင့် ထိုင်းနိုင်ငံကိုဝင်လာတဲ့ မြန်မာနိုင်ငံသားတွေ တိုးလာတာတွေ့လာရမှာဖြစ်ပြီး သူတို့ဟာ ထိုင်းနိုင်ငံထဲ  မှာ တရားမဝင်အလုပ်တွေလုပ်ကြလိမ့်မယ်”လို့လည်း သူကဖြည့်စွက်ပြောပါတယ်။

ဗီဇာလျှောက်သူတွေများလွန်းလို့ မြန်မာနိုင်ငံမှာရှိတဲ့ ထိုင်းသံရုံးက တစ်ရက်ကို ဗီဇာလျှောက်လွှာ ၄၀၀ အထိပဲ  လက်ခံပါမယ်လို့ ကြေညာခဲ့ပါတယ်။

မြန်မာနိုင်ငံသားတွေဟာ ထိုင်းကို အလည်အပတ်သက်သက်လာမယ်ဆိုရင် ဗီဇာမလိုဘဲ ၁၄ ရက်အထိနေထိုင်နိုင်ပါ တယ်လို့ လည်း ထိုင်းသံရုံးကကြေညာပေးထားပါတယ်။

အခြေအနေတွေဟာ ထိုင်းရဲ့အလုပ်သမားဈေးကွက်အပေါ် အကျိုးသက်ရောက်မှုရှိနိုင်လို့ အစိုးရအနေနှင့်  မြန်မာ နိုင်ငံသားတွေရဲ့ အလုပ်အဆင့်အတန်းနှင့် အလုပ်လျှောက်ထားမှုတွေလိုမျိုး အလုပ်နှင့်ပတ်သက်တဲ့ကိစ္စတွေ အပေါ် အကြီးအကျယ်အာရုံစိုက်ဖို့လိုအပ်တယ်လို့ ထိုင်းနိုင်ငံ ကုန်သွယ်ရေးနှင့်စက်မှု လုပ်ငန်းရှင်များ  ကွန်ဖက် ဒရေးရှင်း (အီကွန်ထိုင်း)ရဲ့ဒုတိယဥက္ကဋ္ဌ တန်နစ်ဆိုရက်ကလည်း ထုတ်ဖော်ပြောပါတယ်။

ထိုင်းနိုင်ငံမှာ အလုပ်လုပ်ကြတဲ့ အိမ််နီးချင်းနိုင်ငံကသူတွေဟာ ပုံမှန်အားဖြင့် နှစ်နိုင်ငံအစိုးရများအကြား နားလည် မှုစာချွန်လွှာအောက်ကနေ တရားဝင်အလုပ်လုပ်နေကြတာဖြစ်ပါတယ်။

ထိုင်းနိုင်ငံဟာ အိမ်နီးချင်းနိုင်ငံတွေက အလုပ်သမားတွေကို သရီးဒီလိုခေါ်တဲ့ (ညစ်ပတ်ပေရေ၊ခက်ခက်ခဲခဲ နှင့် အန္တရာယ်ရှိ)တဲ့ အလုပ်တွေမှာ အလုပ်ခန့်လေ့ရှိပါတယ်။ အဲဒီ"dirty, difficult and dangerous" အလုပ်တွေကို ထိုင်းလူမျိုးတွေမလုပ်လိုကြပါဘူး။

“စက်ရုံတွေတော်တော်များများနှင့် စိုက်ပျိုးရေးလုပ်ငန်းတွေမှာ ကျွန်တော်တို့ ရွှေ့ပြောင်းအလုပ်သမားတွေ လိုနေတယ်” လို့ မစ္စတာတန်နစ်ကပြောပါတယ်။

အီကွန်ထိုင်းရဲ့အဆိုအရ မြန်မာအလုပ်သမားတွေဟာ စားသောက်ကုန်၊အီလက်ထရွန်းနစ်၊မော်တော်ကား အစိတ်    အပိုင်း၊တာယာ၊အထည်ချုပ်၊ငါးလုပ်ငန်း၊ကြံ။ရာဘာနှင့် ဆောက်လုပ်ရေးတို့လို ကျယ်ပြန့်လှတဲ့ လုပ်ငန်းတွေမှာ အလုပ်လုပ်နေကြတယ်လို့သိရပါတယ်။

လုပ်ငန်းအများစုဟာ ဘန်ကောက် ဒါမှမဟုတ် ဆမ်မွတ်ဆက်ခွန်၊ပက်သမ်သနီနှင့် နက်ခွန်ပက်သွမ် ပြည်နယ် တွေမှာရှိနေကြပါတယ်။

လက်ရှိမှာ မြန်မာအလုပ်သမား ၂.၃သန်းခန့် ထိုင်းမှာအလုပ်လုပ်နေကြပြီး ထိုင်းနိုင်ငံမှာ လာအလုပ်လုပ်ကြတဲ့ အိမ်နီးချင်းနိုင်ငံတွေထဲမှာ အရေအတွက် အများဆုံးဖြစ်ပါတယ်။

မြန်မာနိုင်ငံကလာကြတဲ့အလုပ်သမားတော်တော်များများဟာ နှစ်နိုင်ငံအကြား MOUနှင့် တရားဝင်လုပ်ကိုင်နေကြ  ပြီး အခြားသူတွေကတော့ အစိုးရအဖွဲ့ရဲ့ အတည်ပြုချက်နှင့် အလုပ်လုပ်နေကြပါတယ်။

“ အဲဒီအရေအတွက်ထဲ တရားမဝင်လုပ်နေတဲ့မြန်မာတွေမပါသေးဘူး။ အဲဒါတွေပါထည့်ပေါင်းလိုက်ရင် ထိုင်းနိုင်ငံ မှာ အလုပ်လုပ်နေတဲ့ မြန်မာအလုပ်သမားက လေးသန်းလောက်ရှိလိမ့်မယ်” လို့ သူကဆက်ပြောပါတယ်။

Source Bangkok Post

@ymg/knl

Published 20 February 2024

  ကင်ဆာဝေဒနာရှင် များ အတွက် ဓါတ်ရောင်ခြည် စက် အသစ် ၃လုံး ကို ယခု နှစ် ဆင် တပ်ဆင်ပးရန် ပြင်ဆင်နေကြောင်း ကျန်းမာရေးဝန်ကြီးဌာန မှ သိရသည်။

  အဆိုပါ ဓါတ်ရောင်ခြည်စက် များ ကို နိုင်ငံတော် အကြီးအကဲ ၏ အထူးခွင့်ပြုချက်ဖြင့် ကင်ဆာရောဂါဓာတ်ရောင်ခြည်ကုသစက်အသစ်(၁)လုံး၊ ကျန်းမာရေး ဝန်ကြီးဌာနအစီအစဉ်ဖြင့် ဝယ်ယူမည့် ဓာတ်ရောင်ခြည်ကုသစက်အသစ်(၂)လုံးကို အသစ်ဆောက် လုပ်ပြီးစီးထားသည့် ဒဂုံဆိပ်ကမ်း မြို့နယ်ရှိ အမျိုးသားကင်ဆာကုသရေးဌာနတွင် ယခုနှစ်အတွင်း တပ်ဆင်သွားမည်ဖြစ်ကြောင်း သိရသည်။

  ကျန်းမာရေးဝန်ကြီးဌာန၊ပြည်ထောင်စုဝန်ကြီး၊ ပါမောက္ခဒေါက်တာသက်ခိုင်ဝင်း ရန်ကုန်ပြည်သူ့ ဆေးရုံကြီး၏ ကင်ဆာရောဂါကုသရေးလုပ်ငန်းများ ကို ဖေဖေါ်ဝါရီ ၁၇ရက် က သွားရောက်ကြည့်ရှုစစ်ဆေးစဉ်ပြောကြားခဲ့ ခြင်း ဖြစ်သည် ကင်ဆာဓာတ်ရောင်ခြည်ကုသမှုများကို အရေးပေါ်အခြေအနေများတွင် စောင့်ဆိုင်းမှု မရှိစေဘဲ ဆောင်ရွက်ပေးလျက်ရှိပြီး ရန်ကုန်ပြည်သူ့ဆေးရုံကြီး၊ မန္တလေးပြည်သူ့ဆေးရုံကြီး၊ နေပြည်တော်ပြည်သူ့ဆေးရုံကြီး (ခုတင်-၁၀၀၀)နှင့် တောင်ကြီးမြို့စဝ်စံထွန်းပြည်သူ့ ဆေးရုံကြီး တို့တွင် ကင်ဆာဓာတ်ရောင်ခြည်ကုသစက်(၁၂)လုံးအသုံးပြုကာ ကျန်းမာရေးဝန်ထမ်းများအနေ ဖြင့်စနေ၊ တနင်္ဂနွေ ရုံးပိတ်ရက်များ၌ပါ ဆောင်ရွက် ပေးလျက်ရှိကြောင်း သိရသည်။

 ၂၀၂၃ ခုနှစ်အတွင်း အဆိုပါ ပြည်သူ့ဆေးရုံများတွင် ကင်ဆာဓာတ်ရောင်ခြည်ကုသမှု အကြိမ်ရေ (၁၁၀,၃၆၇)ကြိမ်အထိ ဆောင်ရွက်ပေးနိုင်ခဲ့သည်။

ကင်ဆာရောဂါ ဝေဒနာရှင်များ စောင့်ဆိုင်းမှုလျော့နည်းစေရေးနှင့် ထိရောက်သည့်ကုသမှုရရှိစေရေးအတွက် နိုင်ငံတော်အစိုးရ အနေဖြင့် ယခုနှစ်တွင် ကင်ဆာရောဂါဆေးဝါးများဝယ်ယူရန်အတွက်ခွင့်ပြုရန်ပုံငွေ (၁၂)ဘီလီယံ ကျော်ခွင့်ပြုချထားပေးခဲ့ကြောင်း သိရသည်။
Yangon Times/LW
#Local_News
#Published_ 20 February 2024
#YMG_News #Yangon_Times #Yangon_Media_Group

Published-20 February 2024

ရင်းနှီးမြှုပ်နှံမှုကြီးကြပ်သည့်စနစ်အပိုင်း၂တွင် ရင်းနှီးမြှုပ်နှံမှုဆိုင်ရာအချက်အလက်များပြန်လည်ဖြည့်သွင်းခြင်းအတွက် စမ်းသပ်ကာလကျော်လွန်ပါက Online စနစ်ဖြင့် လက်ခံသွားမည် ဖြစ်ကြောင်း မြန်မာနိုင်ငံရင်းနှီးမြှုပ်နှံမှုကော်မရှင်မှသိရသည်။

အဆိုပါ ရင်းနှီးမြှုပ်နှံမှုကြီးကြပ်သည့်စနစ်အပိုင်း၂တွင်ရင်းနှီးမြှုပ်နှံမှုဆိုင်ရာအချက်အလက်များပြန်လည်ဖြည့်သွင်းခြင်းအတွက်စမ်းသပ်ကာလသတ်မှတ်ခြင်းနှင့် နိုင်ငံခြားသားခန့်ထားခွင့်တင်ပြလျှောက်ထားခြင်းအတွက် မြန်မာနိုင်ငံရင်းနှီးမြှုပ်နှံမှုကော်မရှင်မှအသိပေး ထားသည်။

မြန်မာနိုင်ငံရင်းနှီးမြှုပ်နှံမှုဥပဒေ၊နည်းဥပဒေအရခွင့်ပြုမိန့်ရရှိပြီးနောက်ပိုင်း လုပ်ငန်းများဆောင်ရွက်ရာတွင် ရင်းနှီးမြှုပ်နှံသူက အွန်လိုင်းမှတဆင့်လျှောက်ထားဆောင်ရွက်နိုင်ရန် ၊ဌာနတာဝန်ရှိသူကစိစစ်ပြီး အွန်လိုင်းမှလိုအပ်ချက်များကို ပြန်ကြားနိုင်ရန်၊ခွင့်ပြုနိုင်ရန်၊ထောက်ခံချက်ပေးနိုင်ရန် နှင့် မှတ်တမ်းပြုလုပ်နိုင်ရန် ရည်ရွယ်၍ ရင်းနှီးမြုပ်နှံမှုကြီးကြပ်သည့်စနစ် ၊အပိုင်း၂ကို ရင်းနှီးမြှုပ်နှံမှုနှင့်ကုမ္ပဏီများ ညွှန်ကြားမှုဦးစီးဌာနမှ အကောင်အထည်ဖော်ဆောင်ရွက်လျှက်ရှိကြောင်းသိရသည်။

ထို့အပြင် ကော်မရှင်ခွင့်ပြုမိန့် ၊အတည်ပြုမိန့်ရရှိထားပြီးသောကုမ္ပဏီများအနေဖြင့် ရင်းနှီးမြှုပ်နှံမှုကြီးကြပ်သည့် စနစ်အပိုင်း၂တွင် လျှောက်လွှာများတင်ပြမည်ဆိုပါက ခွင့်ပြုမိန့်ရရှိချိန်မှစ၍ယနေ့အချိန်အထိ ဆောင်ရွက်ခဲ့သည့်ကုမ္ပဏီ၏ ရင်းနှီးမြှုပ်နှံမှုဆိုင်ရာအချက်အလက်များကို စနစ်တွင်ပြန်လည်ဖြည့်သွင်းခြင်းကို ဦးစွာဆောင်ရွက်ရမည်ဖြစ်ပြီး ထိုသို့ ဆောင်ရွက်ပြီးစီးမှသာ လျှောက်ထားလွှာ များတွင် တင်ပြဆောင်ရွက်ရမည်ဖြစ်ပြီး ထိုသို့ဆောင်ရွက် ပြီးစီးမှသာ‌လျှောက်ထားလွှာ များ တင်ပြဆောင်ရွက်ရမည်ဖြစ်ကြောင်းသိရသည်။

မြန်မာနိုင်ငံရင်းနှီးမြှုပ်နှံမှုကော်မရှင် ကခွင့်ပြုခဲ့သည့် အဆိုပြုချက်ပါနိုင်ငံခြားသားကျွမ်းကျင်သူခန့်ထားခွင့်တင်ပြခြင်း၊ဝန်ထမ်းအင်အားစာရင်းတိုးမြှင့်ခွင့်တင်ပြခြင်းနှင့် ကော်မရှင်ကခန့်ထားခွင့်ပြုထားသည့်နိုင်ငံခြားသားကျွမ်းကျင်သူနှုတ်ထွက်သွားခြင်းများအား ၂၀၂၃ခုနှစ် ၊စက်တင်ဘာ၁ရက်နေ့မှစတင်၍ http://103.89.50.35တွင်တင်ပြလျှောက်ထားခြင်း(သို့မဟုတ်)စာမူရင်း(Hard Copy)ဖြင့်စမ်းသပ်ကာလအတွင်းတင်ပြလျှောက်ထား
နိုင်ပါကြောင်းအသိပေးကြေညာခဲ့ပြီးဖြစ်ကြောင်းသိရသည်။

ထို့ကြောင့် ရင်းနှီးမြှုပ်နှံမှုဆိုင်ရာအချက်အလက်များ ပြန်လည်ဖြည့်သွင်းခြင်းအတွက် စမ်းသပ်ကာလ
နောက်ဆုံးရက်ကို ၂၀၂၄ခုနှစ်၊ ဇွန်လ၃၀ရက်နေ့အထိ သတ်မှတ်‌ကြောင်းနှင့် စမ်းသပ်ကာလကျော်လွန်ပါက စာပိုဒ်၃ပါအကြောင်းအရာများတင်ပြခြင်းကိုOnline စနစ်ဖြင့်သာလက်ခံဆောင်ရွက်ပေးသွားမည်ဖြစ်ကြောင်း သိရသည်။

Online စနစ်ကို ပြန်လည်မှတ်ပုံတင်ခြင်းနှင့် လျှောက်ထားလွှာတင်ပြမှုများနှင့်စပ်လျဉ်း၍ကြုံတွေ့ရသည့် အခက်အခဲများကို စုံစမ်းမေးမြန်းလိုပါက ရင်းနှီးမြှုပ်နှံမှုကြီးကြပ်ရေးဌာနခွဲ သို့ လူ ကိုယ်တိုင်ဖြစ်စေ၊၀၁-၆၅၇၈၉၂ ၊၀၁-၆၅၇၈၉၃
This email address is being protected from spambots. You need JavaScript enabled to view it.သို့ဖြစ်စေဆက်သွယ်မေးမြန်းနိုင်ကြောင်းသိရသည်။
Yangon Times/NN
#Local_News
#Published_ 20 February 2024
#YMG_News #Yangon_Times #Yangon_Media_Group