#Local_News
Published_ 27 November 2023

နက္ခတ်တာရာစုံညီလေ့ရှိသည့် ယနေ့တန်ဆောင်မုန်း လပြည့်‌နေ့တွင် ဆေးပေါင်းခမည့်အချိန်(၂)ချိန်ရှိပြီး ကံအကျိုး‌ပေးကောင်းစေမည့် ပံ့သကူပစ္စည်းလေးမျိုးလှူဒါန်းနိုင်ကြောင်း သိရသည်။

"တန်ဆောင်မုန်းလပြည့်နေ့ မနက်၁၁ နာရီ ၃၅ မိနစ်မှ ၁၁ နာရီ ၄၅ မိနစ်အတွင်း ဆေးပေါင်းခချိန်မှာ ဆေးဘက်ဝင် မဲဇလီဖူးသုပ်ကို သုံး‌‌ဆောင်ပါက မိမိပြောဆိုသမျှအောင်မြင်တာ၊ စီးပွားလာဘ် လာဘကောင်းဝာာ၊ အသိုင်းအဝိုင်း‌ကောင်းတွေကြုံတွေ့နိုင်တယ်။ ရုံးသမားတွေအတွက်ကတော့ ည ၆ နာရီ ၅ မိနစ်မှ ၁၅ မိနစ်အထိ မဲဇလီဖူးသုပ်စားသုံးနိုင်မှာဖြစ်တယ်"ဟုမြန်မာနိုင်ငံနက္ခတ်ပညာသင်တန်းကျောင်း၊ ကျောင်းအုပ်ဆရာမကြီး ပါရဂူဒေါက်တာကြည်ကြည်စိန်‌ကပြောသည်။

တန်ဆောင်မုန်းလပြည့်နေ့တွင် ဆေးပင်စောင့်နတ်မင်း အပေါင်းသည် မဲဇလီပင်စောင့်နတ်မင်းကြီးကို လာရောက် ခစားလေ့ရှိသည့်အတွက် အဆိုပါနေ့တွင် မဲဇလီကိုဆေးဖက်ဝင်အောင် စီရင်ပြီး သုံးဆောင်လေ့ရှိသည်ဟု တိုင်းရင်းဆေးပညာကျမ်းများ၏ ဖော်ပြချက်အရသိရသည်။

တန်ဆောင်တိုင်ကာလတွင်   ပံ့သကူပစ်ပြီး ကုသိုလ်ပြုလိုသူတွေ အနေဖြင့်အခက်အခဲအကြပ်အတည်းများမှ လွတ်မြောက်အောင်၊ သောကကင်းဝေး‌အောင်၊ စီးပွားလာဘ်လာဘ‌တွေတိုးအောင် ၊ငွေဝင်အောင် ပံ့သကူပစ္စည်းအဖြစ်ဖိနပ်၊ အဝတ်အစား၊ အ‌မွှေးနံသာနှင့်‌ ငွေကြေးများ ပံ့သကူပစ်ပြီး ကုသိုလ်ယူနိုင်မည်ဖြစ်ကြောင်း သိရသည်။

#Local_News #တန်ဆောင်မုန်းလပြည့်နေ့ #ဆေးပေါင်းခမည့်အချိန်(၂)ချိန် #ပံ့သကူပစ္စည်းလေးမျိုးလှူနိုင် #tthl #Yangon _Times

#World_Health
Published 27 November 2023

အမေရိကန်မှ သိပ္ပံပညာရှင်များဟာ ဓာတ်ခွဲခန်းထုတ် လူ့အရေပြားတစ်ရှူးအတွင်း 3D ဆံပင်မွေးညင်းပေါက်များကို အောင်မြင်စွာ ထုတ်လုပ်နိုင်ခဲ့ပြီဖြစ်ရာ ဇီဝဆေးဘက်ဆိုင်ရာ အင်ဂျင်နီယာကဏ္ဍ ပြောင်းလဲခြင်းသမိုင်းမှာ ပထမဆုံးဖြစ်လာပါတယ်။

ဆံကေသာ မွေးညင်းပေါက်တွေဟာ ချွေးထုတ်လုပ်ခြင်းကနေ ခန္ဓာကိုယ်အပူချိန်ကို ထိန်းညှိပေးပြီး အရေပြား ပြန်လည်ပြုပြင်ခြင်းအတွက် အရေးပါတဲ့ ပင်မစတမ်ဆဲလ်များ ထုတ်လုပ်ရာမှာ မရှိမဖြစ် အရေးကြီးပါတယ်။

ဒီစမ်းသပ်ချက်ဟာ ဆံပင်ကျွတ်ခြင်းကို ကုသနိုင်ရုံမက ပြန်လည်ပြုပြင်ခြင်းဆိုင်ရာ ဆေးပညာရပ်မှာလည်း ရှေ့သို့တက်လှမ်းရာ ရောက်ပါတယ်။

ဒီအောင်မြင်မှုက အရေပြားကို ဇီဝနည်းအရ အလိုအလျောက် ပြုလုပ်နိုင်တာကိုလည်း ပြသရာရောက်ပါတယ်။

လူသားဆဲလ်များကို 3D ပုံစံဖြင့် ထုတ်လုပ်နိုင်တာဟာ ဆံပင်မွေးညင်းပေါက်အသစ်များကို ထုတ်လုပ်နိုင်ရန်နဲ့ အရေပြားအစားထိုးခွဲစိတ်မှုမှာလည်း တိုးတက်မှုတွေ ရှိလာနိုင်ရန် သေချာစေမှာ ဖြစ်ပါတယ်။

အရေပြားပုံစံထဲသို့ ဆံပင်မွေးညင်းပေါက်များ ထည့်သွင်းခြင်းဖြင့် သုတေသီများအတွက် ပိုမိုလက်တွေ့ဆန်တဲ့ ဖြစ်စဥ်မျိုး ပြုလုပ်လာနိုင်မှာဖြစ်ပြီး အမျိုးမျိုးသော အရေပြားများကို ပိုမိုထိရောက်စွာ ကုသနိုင်ရန် စမ်းသပ်ဖို့နည်းလမ်းများ ရရှိစေနိုင်မှာ ဖြစ်ပါတယ်။

သုတေသီအဖွဲ့က ဆဲလ်အလုံအလောက် မရရှိခင်အထိ မွေးညင်းပေါက်ဆဲလ်များနဲ့ အရေပြားကို ထုတ်လုပ်ခဲ့ပါတယ်။

ထို့နောက် ဆဲလ်များကို အခြားပစ္စည်းများ ပရိုတိန်းများနဲ့ ပေါင်းစပ်ကာ အထူးဇီဝမင်ကို ဖန်တီးလိုက်ပါတယ်။

အလွန်ပါးတဲ့ အပ်ဖြင့် ဇီဝမင်ကို တစ်လွှာချင်း ဖန်တီးကာ ဆံချည်မျှင်ဆဲလ်များ ထားရှိရန်လမ်းကြောင်းများ ပြုလုပ်ပါတယ်။

အချိန်ကြာလာတာနဲ့အမျှ အရေပြားဆဲလ်တွေက ထိုလမ်းကြောင်းတွေဆီ ပေါင်းစပ်သွားကာ သဘာဝမွေးညင်းပေါက်များနဲ့ ဆင်တူအောင် ဖန်တီးလိုက်ကြပါတယ်။

ဒီဖြစ်စဥ်ဟာ အရေပြားတစ်ရှူးကို သိပ္ပံနည်းကျ လက်တွေ့ဖန်တီးရာမှာ တိုးတက်မှုရှိလာတာဖြစ်ပြီး ဆံပင်တုစိုက်ခြင်း အနာဂတ်ဆေးပညာကို ပုံဖော်သွားမှာဖြစ်ပါတယ်။

#World_Health #ဆံပင်ကျွတ်ခြင်း #ကုသနိုင်ရန်နည်းလမ်းများ #Source: WION

#Local_News

Published 26 November  2023

မြန်မာနိုင်ငံအတွင်းရှိ ဘုရားဖူးနှင့် ခရီးသွားဝန်ဆောင်မှုလုပ်ငန်း များအသိအမှတ် ပြုလက်မှတ် လျှောက်ထားရမည်ဖြစ်ကြောင်း ပြည်တွင်းဘုရားဖူးအသင်း၏ ထုတ်ပြန်ချက်အရ သိရသည်။

အဆိုပါ ဘုရားဖူးနှင့် ခရီးသွားဝန်ဆောင်မှု လုပ်ငန်းရှင်များအနေဖြင့် အသင်း ဝင်ရန်အတွက် လာမည့်ဒီဇင်ဘာ ၃၁ ရက်နောက်ဆုံးထားပြီး လျှောက်ထားရ မည်ဖြစ်ကြောင်း  သိရသည်။
"
မြန်မာပြည်တစ်ဝန်း ဘုရားဖူးနဲ့ ခရီးသွားဝန်ဆောင်မှုလုပ်ငန်း အသိအမှတ်ပြု လက်မှတ်လျှောက်ထားရမှာပါ ။ညွန်ကြားချက်နဲ့လျှောက်ထားပြီးရင်
ကိုက်ညီ မညီ သက်ဆိုင်ရာကစိစစ်သွားပါမယ်" ဟု ပြည်တွင်းဘုရားဖူးအသင်းက တာဝန်ရှိသူတစ်ဉီးက ပြောသည်။

ပြည်တွင်းဘုရားဖူးလုပ်ငန်းများ အသိအမှတ်ပြုလက်မှတ် ရယူလျှောက်ထားရန် တိုင်းအစိုးရအဖွဲ့က ညွှန်ကြားထားပြီး အသိအမှတ်ပြုလက်မှတ်ကို ပြည်တွင်းဘုရားဖူးအသင်းဝင်ဖြစ်မှသာ လျှောက်ထား၍ ရမည်ဖြစ်ကြောင်းလည်း သိရသည်။

ပြည်တွင်းဘုရားဖူးအသင်း၏ ထုတ်ပြန်ချက်အရ ဘုရားဖူး ဝန်ဆောင်မှုလုပ်ငန်း လုပ်ကိုင်သူများအနေဖြင့် ရန်ကုန်တိုင်းဒေသကြီး အစိုးရအဖွဲ့မှ ထုတ်ပေးသည့်  ပြည်တွင်းဘုရားဖူးနှင့် ခရီးသွားဝန်ဆောင်မှုလုပ်ငန်း အသိအမှတ်ပြုလက်မှတ်ကို မဖြစ်မနေ လျှောက်ထားရန် လိုအပ်ကြောင်း သိရသည်။

ထို့အပြင် ရန်ကုန်အခြေစိုက် ပြည်တွင်းဘုရားဖူးခရီးသွားလုပ်ငန်းများအနေဖြင့် သတ်မှတ်ချက်များနှင့်အညီ ဝန်ဆောင်မှု ပေးခြင်း ရှိ /မရှိကို ၂၀၂၄ ခုနှစ် ဇန်နဝါရီ (၁) ရက် မှစတင်ပြီး သက်ဆိုင်ရာဌာနများမှ စိစစ်ကြပ်မတ် သွားမည်ဖြစ်ကြောင်းလည်း သိရသည်။

#Local_News  ##ဘုရားဖူးနှင့်ခရီးသွားဝန်ဆောင်မှုလုပ်ငန်း  #အသိအမှတ်ပြုလက်မှတ် #YMG /NN  #Yangon-Times

#Local_News
နေပြည်တော်၊ နိုဝင်ဘာ -၂၆

ပြည်ထောင်စုနယ်မြေ၊ နေပြည်တော် ဒက္ခိဏသီရိမြို့နယ်ရှိ ဗုဒ္ဓဥယျာဉ် ဝတ္ထုကံတော်တွင် တည်ထားပူဇော်အောင်မြင်ခဲ့သည့် ကမ္ဘာပေါ်ရှိ ထိုင်တော်မူ ကျောက်ဆစ်ဗုဒ္ဓ ရုပ်ပွားတော်များအနက် ဉာဏ်တော်အမြင့်ဆုံးဖြစ်သည့် မာရဝိဇယ ဗုဒ္ဓရုပ်ပွားတော်မြတ်ကြီး၏ တန်ဆောင်တိုင် မီးထွန်းပွဲတော်ကို နိုဝင်ဘာ ၂၅ ရက်မှ ၂၇ ရက်နေ့ အထိ (၃) ရက်တိုင်တိုင် စည်ကားသိုက်မြိုက်စွာ ကျင်းပပူဇော်လျက်ရှိသည်။

အဆိုပါ မာရဝိဇယ ဗုဒ္ဓရုပ်ပွားတော်မြတ်ကြီး၏ တန်ဆောင်တိုင်မီးထွန်းပွဲတော် ကျင်းပမှု များအနက် မီးပုံးပျံများ လွှတ်တင်ပူဇော်မှုကို မြန်မာ့အသံနှင့်ရုပ်မြင်သံကြား၏ MRTV HD၊ MRTV Sports၊ MRTV Farmers’၊ MRTV Parliament၊ MWD HD Channel၊ MWD Variety HD Channel ၊ MWD Education ၊ Knowledge & Sports Channel ၊ Channel Light Channel၊ မြန်မာ့အသံရေဒီယိုနှင့် MRTV APP: အပါအဝင် Online တို့မှလည်း နိုဝင်ဘာ ၂၇ ရက် (တန်ဆောင်မုန်းလပြည့်) ည (၇)နာရီအချိန်မှ စတင်ပြီး တိုက်ရိုက် (Live) ထုတ်လွှင့် ပြသမည်ဖြစ်ကြောင်း သိရသည်။

#Local_News #မာရဝိဇယဗုဒ္ဓရုပ်ပွားတော်မြတ်ကြီး #မီးပုံးပျံလွှတ်တင်ပူဇော်မှု #Yangon_Times

#Local_News
Published 26 November 2023

EPSစနစ်ဖြင့်စေလွတ်သည့်လုပ်သားများတောင်ကိုရီးယားနိုင်ငံ၌ လာမည့် ၂၀၂၄ ခုနှစ်မှစတင်၍စားသောက်ဆိုင်များ၌ အလုပ်လုပ်ခွင့်ရရှိမည်ဖြစ်ကြောင်းကိုရီးယားနိုင်ငံ Pulse News ၏ဖော်ပြချက် အရသိရသည်။

ကိုရီးယားအစိုးရက E9 လုပ်သားများကို စားသောက်ဆိုင်များအတွက် အလုပ်သမားအင်အား လိုအပ်ချက်အရ ခေါ်ယူခွင့်ပြုလိုက်ခြင်းဖြစ်ကြောင်းသိရသည်။

'အရင်က စားသောက်ဆိုင်လုပ်ငန်း လုပ်ကိုင်ဖူးသူတွေနဲ့ ကိုရီးယားမှာကျောင်းသွားတတ်တဲ့ သူတွေပဲခေါ်ယူတာမျိုးပါ၊အခုကလုပ်သားလိုအပ်ချက်ကြောင့် ခေါ်ယူ မယ့်သဘောဖြစ်မှာပါ၊ 'ဟု ကိုရီးယားစာသင်ကြားသည့်ဆရာမတစ်ဦးက ပြောသည်။

အဆိုပါ စားသောက်ဆိုင်လုပ်ငန်းအတွက် လုပ်သားလိုအပ်ချက်အရ E9 လုပ်သား ၃၀၀၀ ကို ကနဉီး ခေါ်ယူမည်ဖြစ်သော်လည်း စားသောက်ဆိုင်ပိုရှင်များ၏ တောင်းဆိုချက်အရ လုပ်သား ၁၀၀၀၀ အထိ တိုးမြှင့်ခေါ်ယူမည်ဖြစ်ကြောင်းသိရသည်။

မြန်မာနိုင်ငံမှ EPS စနစ်ဖြင့် တောင်ကိုရီးယားနိုင်ငံသို့ လုပ်သားများ စေလွှတ်ရာတွင် E9 ဗီဇာ အမျိုးအစား ထုတ်ပေးထားပြီး E9 ဗီဇာ ကိုင်ဆောင်ထားသည့်လုပ်သားများသည် ယခင်က ကုန်ထုတ်လုပ်ရေး၊ စိုက်ပျိုးမွေးမြူရေးနှင့် ဆောက်လုပ်ရေးလုပ်ငန်းများတွင်သာ အလုပ်လုပ်ခွင့်ရ၍ ပြီးခဲ့သည့်လမှ စတင်ကာ ကိုရီးယားအစိုးရက ကုန်စည်ပို့ဆောင်ခွင့် လုပ်ငန်းများကိုပါ လုပ်ခွင့်ပြုခဲ့ကြောင်း သိရသည်။

တောင်ကိုရီးယားနိုင်ငံ၏လုပ်ငန်းခွင် အသီးသီးတွင် လုပ်သားလိုအပ်ချက်မှာနှစ်သိန်းခန့်ရှိနေသဖြင့် ပြည်ပလုပ်သားများကို အားထားနေရကြောင်း သိရသည်။

#Local_News #EP စနစ် #တောင်ကိုရီးယားနိုင်ငံ #YMG/ NN #Yangon-Times

#Local_News
Published 26 November 2023

ပန်းတစ်ပွင့်တောင်သို့သွားရာလမ်း၌ ဘုံကထိန်သွားမော်တော်ယာဉ်တစ်စီး တိမ်းမှောက် မှုယ‌နေ့နေ့လယ်၌ဖြစ်ပွားခဲ့ကြောင်းမြို့မလူမှုကူညီရေးအသင်း(မှော် ဘီ မြို့) မှသိရသည်။

ဖြစ်စဉ်မှာယနေ့ နိုဝင်ဘာ ၂၆ရက်နေ့လည် ၂နာရီခန့်တွင်မှော်ဘီမြို့နယ်၊ဝါးနက်ချောင်းကျေးရွာပန်းတစ်ပွင့်တောင်သို့သွားရာ လမ်း၌ ဘုံကထိန်သွားရောက် ပို့ဆောင်ရာမှ မော်တော်ယာဉ်တစ်စီး တိမ်းမှောက် ခဲ့ခြင်းဖြစ်ကြောင်းသိရသည်။

'ထိခိုက်ဒဏ်ရာရသူတွေကို မှော်ဘီဆေးရုံကိုလိုက်ပို့ပေးနေပါတယ် 'ဟုမြို့မလူမှုကူညီရေးအသင်း(မှော် ဘီ မြို့)မှတာဝန်ရှိသူတစ်ဦးကပြောသည်။

အဆိုပါ ဖြစ်စဉ်ကြောင့် ယာဉ်အပေါ်ပါမိဘပြည်သူ၊ ကလေးလူနာ(၂၅)ဉီး အား ဝါးနက်ချောင်း ဆေးရုံ မှ မှော်ဘီဆေးရုံသို့မြို့မလူမှုကူညီရေးအသင်းလူနာတင်ယာဉ် (၃)စီးဖြင့် လွှဲပြောင်းပို့ဆောင်ပေးခဲ့‌ ကြောင်းသိရသည်။

#Local_News #ပန်းတစ်ပွင့်တောင် #မော်တော်ယာဉ်တစ်စီးတိမ်းမှောက် #YMG/NN #Yangon_Times

၂၆ နိုဝင်ဘာ ၂၀၂၃

#အကြမ်းဖက်သောင်းကျန်းသူများနှင့် အချို့သော EAO အဖွဲ့များမှ မြန်မာနိုင်ငံ၏ လျှပ်စစ်စွမ်းအား ကဏ္ဍဖွံ့ဖြိုးတိုးတက်မှုကို အဓိကထား တိုက်ခိုက်လျက်ရှိသည့် အခြေအနေများ

#၂၆-၁၁-၂၀၂၃ ရက်နေ့ ရှမ်းပြည်နယ်(အရှေ့မြောက်ပိုင်း)၊ ရခိုင်ပြည်နယ်၊ စစ်ကိုင်းတိုင်းဒေသကြီးတို့တွင် ထိတွေ့တိုက်ပွဲ ဖြစ်ပွားမှုအခြေအနေများကို

နစကသတင်း ထုတ်ပြန်ရေး အဖွဲ့ခေါင်းဆောင် ဗိုလ်ချုပ်ဇော်မင်းထွန်းက ရှင်းလင်းပြောကြားခဲ့ပါတယ်။

အဆိုပါပြောကြားချက် အပြည့်အစုံကိုပြန်လည်ဖော်ပြပေးအပ်ပါတယ်။

-ymg/knl

၂၆ နိုဝင်ဘာ ၂၀၂၃

ဟားမာ့စ်တို့က ဂါဇာကမ်းမြောင်မှာ ခုနှစ်ပတ်နီးပါး ထိန်းသိမ်းထားတဲ့ အစ္စရေးဓားစာခံ ၁၃ ဦးဟာ ယာယီစစ်ပြေငြိမ်းရေး သဘောတူညီချက်အရ သောကြာနေ့ ညနေပိုင်းက  အစ္စရေးနိုင်ငံကို ပြန်လည်လွှဲပြောင်းရောက်ရှိခဲ့တယ်လို့ အစ္စရေး ကာကွယ်ရေးတပ်မတော်က ပြောပါတယ်။

Source CCTV+

‘နိုင်ငံပေါင်း ၁၃ နိုင်ငံမှ နိုင်ငံတကာ မီးသတ်သမား၂၈ယောက်တစ်ဦးချင်းမီးသတ်စွမ်းရည်ယှဉ်ပြိုင်ရာမှာ မြန်မာနိုင်ငံမှ မီးသတ်တပ်ကြပ်ကြီး ထွန်းနေဝင်းက တတိယဆုဆွတ်ခူးခဲ့တယ်။ အဖွဲ့လိုက်ပြိုင်ပွဲကို နိုင်ငံ ၁၃ နိုင်ငံမှ မီးသတ်အဖွဲ့(၁၆)ဖွဲ့လာပြိုင်ရာမှာ အသင်းလေးသင်းဖွဲ့ပြီး ယှဉ်ပြိုင်ရာမှာလည်း မြန်မာနိုင်ငံမီးသတ်တပ်ဖွဲ့ပါဝင်တဲ့ အသင်းက နိုင်ငံကြီးတွေပါတဲ့ အသင်းတွေကိုဖြတ်ကျော်ပြီး ပထမဆုကြီးဆွတ်ခူးခဲ့တယ်’ မြန်မာနိုင်ငံမီးသတ်တပ်ဖွဲ့ဌာနချုပ်၊ ညွှန်ကြားရေးမှူးဦးသိန်းထွန်းဦး
#Local_News
Published_ 26 November 2023
#မြန်မာမီးသတ်တပ်ဖွဲ့ #နိုင်ငံတကာမီးသတ်စွမ်းရည်ပြိုင်ပွဲ
#tthl #Yangon_Times

#Local_News
Published 26 November 2023

လာမည့် ဒီ‌ဇင်ဘာလအတွင်းပြုလုပ်မည့်သုတဓမ္မ ဒီပလိုမာစာမေးပွဲများအား ပြည်နယ်နှင့်တိုင်းအသီးသီး၌စာဖြေဌာန ၄၂ခုဖြင့်ကျင်းပသွားမည်ဖြစ်ကြောင်း စာမေးပွဲစီစဉ်ကြီးကြပ်ရေးအဖွဲ့မှသိရသည်။

အဆိုပါ သုတဓမ္မ ဒီပလိုမာ စာမေးပွဲများအားLevel ၁ စာမေးပွဲကို ဒီဇင်ဘာ ရက်နေ့ နေ့လည် ၁:၀၀ နာရီမှ ၄:၀၀ နာရီအထိ နှင့် Level (၂) Level (၃)စာမေးပွဲများကို ဒီဇင်ဘာ ၁၇ ရက်နေ့ နေ့လည် ၁:၀၀ နာရီမှ ၄:၀၀ နာရီအထိကျင်းပသွားမည်ဖြစ်ကြောင်းသိရသည်။

'ဖြေဆိုသူ အထူးများပြားလာတဲ့အတွက် စာဖြေဌာန (၄၂) အထိ တိုးချဲ့ စီစဉ်ထားရှိပါတယ်၊‌ရန်ကုန်မှာဖြေဆိုခွင့်ကတ်တွေထုတ်ပေးနေပါတယ်၊ရန်ကုန်စာဖြေဌာန တွေမှာ ဖြေဆိုမယ့်သူတွေက ရန်ကုန် (ဒေါက်တာနန္ဒမာလာဘိဝံသ အနုဂ္ဂဟအသင်း) ရုံးခန်းမှာထုတ်ယူနိုင်ပါတယ်၊ စာဖြေဌာန (၂) ဓမ္မဝိဇာလယသုဗောဓာရုံ သန်လျင် စာဖြေဌာနမှ ဖြေဆိုမယ့်သူတွေကတော့ အဲ့ဒီစာဖြေဌာနမှာပဲ စာမေးပွဲဖြေခွင့်ကတ်တွေ ထုတ်ယူရမှာပါ' ဟု စာမေးပွဲစီစဉ်ကြီးကြပ်ရေးအဖွဲ့မှ တာဝန်ရှိသူတစ်ဦးကပြောသည်။

ရန်ကုန်တိုင်းဒေသကြီး အတွင်းရှိ စာဖြေဌာန များအတွက် သုတဓမ္မ ဒီပလိုမာ Level-1, Level 2, Level-3 စာမေးပွဲများဖြေဆိုရန် စာဖြေခွင့်ကတ်များကို နိုဝင်ဘာ၁၅ရက်မှ၃၀ရက်အတွင်း ထုတ်ပေးလျှက်ရှိပြီး အခြားသော တိုင်းနှင့်ပြည်နယ် စာဖြေဌာနများ အတွက်မူဒီဇင်ဘာ ၂ ရက် မှ ၁၁ ရက်အထိ ထုတ်ယူနိုင်ကြောင်း၊အသက်အရွယ်အားဖြင့် လည်းကောင်း ရပ်ဝေးမှနေသူများအနေ ဖြင့်လည်းကောင်း စာဖြေနေ့၌ စာဖြေခွင့်ကတ် ထုတ်ယူနိုင်ပြီးထုတ်ယူလိုသူများအနေဖြင့် သက်ဆိုင်ရာ စာဖြေဌာန နှင့်ဆက်သွယ်ဆောင်ရွက်နိုင်ကြောင်းသိရသည်။

အဆိုပါ သုတဓမ္မ ဒီပလိုမာ စာမေးပွဲများအား ပညာဘူမိတက္ကသိုလ်မှ ကြီးမှူးကျင်းပခြင်းဖြစ်ကာ ပါမောက္ခချုပ်ဆရာတော်ကြီးဒေါက်တာနန္ဒမာလာဘိဝံသမှ စာဖြေလိုသူအားလုံးတို့အတွက် တိုင်းနှင့်ပြည်နယ် အနှံ့ စာဖြေဌာန (၄၂) ခု ပြုလုပ်၍ စီစဉ်စေခြင်း၊ သုတဓမ္မဒီပလိုမာ စာမေးပွဲ မေးခွန်းများကို ဆရာတော်ကြီးကိုယ်တိုင် ထုတ်ပေးခြင်း၊ စာဖြေဌာန အသီးသီးရှိ တာဝန်ရှိသူများ၊ သံဃာတော်များ၊ ရုံးအဖွဲ့ သင်တန်းစီစဉ်ကြီးကြပ်ရေး အဖွဲ့နှင့် Volunteer အဖွဲ့များ မှ လိုအပ်မှု မှန်သမျှ စီစဉ်လျက်ရိြှခင်း ၊စာမေးပွဲ အထောက်အကူပြု သင်တန်း ဆရာ ဆရာမကြီးများ စာဖြေသူများကဘက်ကလည်း အားတက်သရော ကြိုးစား နေကြခြင်းတို့သည် သုတဓမ္မဒီပလိုမာ Level (၁) Level (၂) Level (၃) စာမေးပွဲ များ ၏ တူညီစွာ (equally important) အရေးအပါဆုံး စုဖွဲ့ မှု ဖြစ်သည်နှင့်အညီ အားလုံးစိတ်မလျော့ပဲမိမိတို့ အပိုင်းအလိုက် ကြိုးစား လျှက် ရှိကြောင်းသိရသည်။

#Local_News #သုတဓမ္မဒီပလိုမာစာမေးပွဲ #စာဖြေဌာန ၄၂ခုဖြင့်ကျင်းပမည်
#YMG/ NN #Yangon_Times

#Local_News
Published 26 November 2023

ပဲခူးတိုင်းဒေသကြီး၊ ဝေါမြို့နယ်၊ အဗျားဘိုတဲကျေးရွာအနီး၊ ရန်ကုန်-မော်လမြိုင်ကားလမ်း မိုင်တိုင်အမှတ်(၇၆/၅)နှင့် (၇၆/၆)ကြားတွင် ရပ်ထားသော ၆ဘီးယာဉ် ကို ကျော်တတ်သည့် ၁၈ဘီး တွဲယာဉ် သည် အရှိန် မထိန်းနိုင်ဘဲ တစ်ဖက်ကလာသည့် ခရီးသည်တင်ယာဉ်ကို တိုက်မိသောကြောင့် ၁ဦးသေဆုံးပြီး၁၃ ဦး ထိခိုက်ဒဏ်ရာရရှိခဲ့ကြောင်း မြန်မာနိုင်ငံ မီးသတ်တပ်ဖွဲ့၏ သတင်းထုတ်ပြန်ချက်အရသိရသည်။

နိုဝင်ဘာ ၂၆ရက် နံနက် ၅နာရီ ၄၅ မိနစ်အချိန်ခန့်ကကျိုက်ထိုမြို့ဘက်မှ ဝေါမြို့ဘက်သို့ မောင်းနှင်လာသော FORLAND အမျိုးအစား (အပြာရောင်) ၆ဘီးယာဉ်သည် ကားလမ်းမပေါ်တွင် စက်သပ်ရပ်နားထားစဉ် လားရာတူ ကျိုက်ထိုမြို့ဘက်မှ ဝေါမြို့ဘက်သို့ မောင်းနှင်လာသည့် FUSO-70 (အဖြူရောင်) ၁၈ ဘီး တွဲယာဉ်သည် မောင်းနှင်၍ ကျော်တက်စဉ်အရှိန်မထိန်းနိုင်ဘဲ FORLAND ယာဉ်နောက်ပိုင်းအား တိုက်မိပြီး တစ်ဖက်ယာဉ်ကြောရှိ ဝေါမြို့မှ ကျိုက်ထိုမြို့ဘက်သို့ မောင်းနှင်လာသည့် SCANIA (ဖြူ/ဝါကြားရောင်) ခရီးသည်တင်ယာဉ်အား ဝင်ရောက်တိုက်မိကြောင်းသိရသည်။

အဆိုပါဖြစ်စဉ်ကြောင့် FUSO-70 ယာဉ်မှ ယာဉ်မောင်းကျား(၁)ဦး (သေဆုံး)ပြီး SCANIA ခရီးသည်တင်ယာဉ်မှ အမျိုးသမီး(၂)ဦး၊ အမျိုးသား(၂)ဦး ထိခိုက်ဒဏ်ရာ(စိုးရိမ်ရ)နှင့် အမျိုးသမီး(၇)ဦး၊ အမျိုးသား(၂)ဦး ထိခိုက်ဒဏ်ရာရ(မစိုးရိမ်ရ)တို့ရရှိခဲ့ကြောင်း သိရသည်။

ဝေါမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များမှ သက်ဆိုင်ရာအဖွဲ့အစည်းများနှင့် ပူးပေါင်း၍ ရှာဖွေကယ်ဆယ်ရေးလုပ်ငန်းများ သွားရောက်ဆောင်ရွက်ပေးခဲ့ကာထိခိုက်ဒဏ်ရာရရှိသူများကို ဝေါမြို့နယ်ပရဟိတအသင်းနှင့် ဖြူစင်မေတ္တာပရဟိတအသင်းမှ ယာဉ်များဖြင့် ဝေါပြည်သူ့ဆေးရုံသို့ ကူညီပို့ဆောင်ပေးခဲ့ကြောင်းသိရသည်။

#Local_News #ခရီးသည်တင်ယာဉ်ကိုဝင်တိုက် # ၁ဦးသေ၁၃ဦးထိခိုက်ဒဏ်ရာရ
#YMG/NN #Yangon_Times

#Local_News
Published 26 November 2023

ပြည်ပနိုင်ငံသို့ တရားဝင် အလုပ်သွားရောက် လုပ်ကိုင်မည့် အလုပ်သမား ၁၆သိန်းကျော်ကို အလုပ်သမားသက်သေခံ(OWIC) ကတ် ထုတ်ပေးပြီးစေလွှတ်နိုင်ခဲ့ကြောင်း အလုပ်သမားဝန်ကြီးဌာန၏ ထုတ်ပြန်ချက်အရသိရသည်။

အလုပ်သမား ဝန်ကြီးဌာနက ခွင့်ပြုစေလွှတ်ခဲ့သည့် နိုင်ငံပေါင်း ၉၃ နိုင်ငံသို့ သွားရောက်အလုပ်လုပ်ကိုင်မည့်အလုပ်သမား ၁၆သိန်းကျော်ကို OWIC ကတ်ပြုလုပ်ခွင့်ပြု၍ စေလွှတ်ခွင့်ပြုပေးခဲ့ပြီးဖြစ်ကြောင်း သိရသည်။

ပြည်ပအလုပ်အကိုင် အကျိုးဆောင်လိုင်စင်ရ အေဂျင်စီအစီအစဉ်ဖြင့် ပြည်ပနိုင်ငံများသို့ သွားရောက် လုပ်ကိုင်မည့် အလုပ်သမားများနှင့် မိမိအစီအစဉ်ဖြင့် ပြည်ပနိုင်ငံများသို့ သွားရောက်လုပ်ကိုင်မည့် အလုပ်သမားများအတွက် ရန်ကုန်တိုင်းဒေသကြီး ဒဂုံမြို့ သစ်(မြောက်ပိုင်း)မြို့နယ်ရှိ အလုပ်သမားညွှန်ကြားရေးဦးစီးဌာန၊ ရွှေ့ပြောင်းအလုပ်သမား ဌာနစုတွင် လည်းကောင်း၊ ပြည်ပနိုင်ငံများမှ ခွင့်ပြန်အလုပ်သမားများအတွက် ရန်ကုန်တိုင်းဒေသကြီး မရမ်းကုန်းမြို့နယ်ရှိ အလုပ်သမားညွှန်ကြားရေးဦးစီးဌာန (တိုင်းဒေသကြီးရုံး) တွင်လည်းကောင်း ပြည်ပအလုပ်အကိုင် အလုပ်သမားသက်သေခံကတ် (OWIC) များကို စိစစ် ခွင့်ပြုထုတ်ပေးလျက်ရှိသည်။

၁၉၉၀ ပြည့်နှစ်မှ ၂၀၂၃ ခုနှစ် အောက်တိုဘာလအထိ ပြည်ပအလုပ်အကိုင်အကျိုးဆောင် လိုင်စင်ရအေဂျင်စီ အစီအစဉ်ဖြင့်လည်းကောင်း၊ မိမိအစီအစဉ် ဖြင့်လည်းကောင်း၊ ခွင့်ဖြင့်ပြန်လာသူများကိုလည်းကောင်း OWIC ပြုလုပ်ပေးလျက်ရှိရာ ထိုင်းနိုင်ငံ သို့ ၁၁၁၀၅၉၅ ဦး၊ စင်ကာပူနိုင်ငံသို့ ၅၂၀၃၅ ဦး၊ ကိုရီးယားနိုင်ငံသို့ ၆၄၃၆၄ ဦး၊ ဂျပန်နိုင်ငံသို့ ၆၀၀၁၃ ဦး၊ မလေးရှားနိုင်ငံသို့ ၃၈၅၅၆၆ ဦးအပါအဝင် ပြည်ပ နိုင်ငံ ၉၃ နိုင်ငံသို့ သွားရောက်အလုပ် လုပ်ကိုင်မည့် အလုပ်သမားများအား OWIC ကတ်ပြုလုပ်ခွင့်ပြု၍ စေလွှတ်ခွင့်ပြုပေးခဲ့ပြီးဖြစ်ကြောင်း သိရသည်။

#Local_News #လုပ်သား ၁၆ သိန်းကျော် #OWIC ကတ် ထုတ်ပေး
#YMG/NN #Yangon_Times