‘ရှေးဟောင်းယဉ်ကျေးမှုဇုန်တွေဟာ ယဉ်ကျေးမှုအမွေအနှစ်တွေကိုအဓိက ထိန်းသိမ်းရတဲ့ နေရာတွေဖြစ်ပြီး ရှေးဟောင်းဇုန်အများစုမှာတော့ ခရီးသွားတွေအဆင်ပြေစေဖို့ တည်ဆောက်မှုတွေအနည်းနဲ့ အများဆောင်ရွက်မှုတွေရှိပြီးလိုအပ်တဲ့နေရာတွေမှာ အမွေအနှစ်တွေမထိခိုက်စေဘဲ ဆောင်ရွက်တာမျိုးတွေရှိနိုင်တယ်’ ရှေးဟောင်းသုတေသနနှင့် အမျိုးသားပြတိုက်ဦးစီးဌာနမှ တာဝန်ရှိသူတစ်ဦး

#Local_News
Published_ 25 October 2023
#သရေခေတ္တရာပျူမြို့ဟောင်း #အမျိုးသားပြတိုက်ဦးစီးဌာန
#tthl #Yangon_Times

#Local_News
Published-25 October 2023

မြန်မာနိုင်ငံမှ ရာသီချိန်အလုပ်သမားများခေါ်ယူမည့် သတင်းမှာ မှန်ကန်မှုမရှိကြောင်း မြန်မာနိုင်ငံဆိုင်ရာ တောင်ကိုရီးယားသံရုံးက အသိပေးထုတ်ပြန်ထားသည်။

Facebook လူမှုကွန်ရက်ပေါ်တွင် တစ်နှစ်လျှင် ရှစ်လကြာအလုပ်လုပ်ကိုင်ရမည့် ရာသီချိန်‌အလုပ်သမား ခေါ်ယူမည်ဆိုသည့် သတင်းနှင့်ပတ်သက်သည့် စာရွက်စာတမ်းများသည် တောင်ကိုရီးယားအစိုးရနှင့်မသက်ဆိုင်သည့်အပြင် ရာသီချိန်အလုပ်သမားများနှင့် ပတ်သက်သော တစ်စုံတရာ ထုတ်ပြန်ကြေညာထားခြင်း မရှိကြောင်း အောက်တိုဘာလ ၂၃ ရက်တွင် တောင်ကိုရီးယားသံရုံးက တရားဝင်ထုတ်ပြန်ခဲ့ခြင်းဖြစ်သည်။

#Local_News #ရာသီချိန်အလုပ်သမားများခေါ်ယူ #တောင်ကိုရီးယားသံရုံးထုတ်ပြန်
#Yangon_Times/PP

#Local_News
Published_ 25 October 2023

တာမွေမြို့နယ်၊ကျောက်မြောင်း၊ စိတ္တသုခလမ်းမီးလောင်မှုတွင် အထပ်မြင့်နိမ့်သဖြင့် မီးငြှိမ်းသတ်ရန် ခက်ခဲခဲ့ပြီးတိုက်ခန်းတစ်ခန်းလုံး အကုန်မီးလောင်ကျွမ်းသွားကြောင်းနှင့် အခြားတိုက်ခန်းများမှသက်ကြီးရွယ်အိုများကို မီးခိုးငွေ့မမွှန်အောင်ရွေ့ပြောင်းပေးခဲ့ရကြောင်း Civilian Helper's Team လူမှုကူညီရေးအဖွဲ့မှသိရသည်။

အောက်တိုဘာလ(၂၅)ရက် မနက်၇နာရီ ၁၅ မိနစ်တွင် ရန်ကုန်တိုင်းဒေသကြီး၊ တာမွေမြို့နယ်၊ ပုသိမ်ညွှန့် ရပ်ကွက်၊ကျောက်မြောင်း စိတ္တသုခလမ်း၊ အိမ်အမှတ်(၉၁)ပထမထပ်၌မီးလောင်ကျွမ်းခဲ့သည်ဟုဆိုသည်။

‘‘ပတ်ဝန်းကျင်ကလူတွေပြောတာကတော့ မီးလောင်တဲ့တိုက်ခန်းမှာ မိသားစုသုံးယောက်နေတယ်။ မီးလောင် ချိန်မှာ သူတို့တွေမရှိဘူး ဘုန်းကြီးကျောင်းသွားနေကြတယ်လို့ ပြောတယ်။ တီဗွီဆားကတ်ကနေ ဝါယာရှော့ ပုံစံမျိုး လောင်ကျွမ်းခဲ့တာဖြစ်ပါတယ်။ လောင်စာတွေများလို့ တစ်ခန်းလုံးမီးလောင်ကျွမ်းသလို နှစ်လမ်းကျော်အထိ မီးခိုးတွေအူထွက်နေတယ်။ မီးခိုးငွေ့တွေများလို့ မီးသတ်ရဲဘော်တွေက လှေကားအိမ်ထဲဝင်လို့မရလို့ ကတ်တာနဲ့ သံပန်းကိုဖြတ်ပြီး ဝင်ငြှိမ်းခဲ့ရတယ်။ မီးခိုးငွေ့တွေကြောင့် အပေါ်ထပ်တိုက်ခန်းက သက်ကြီးရွယ်အိုနှစ်ဦးကိုလည်း ဆွဲထုတ်ခဲ့ရပြီး မီးခိုးငွေ့မရှိတဲ့နေရာကို ပို့ပေးခဲ့ရတယ်’’ဟု Civilian Helper's Team လူမှုကူညီရေးအဖွဲ့မှတာဝန်ရှိသူတစ်ဦးကYMG ကို ပြောပြခဲ့သည်။

အဆိုပါမီးလောင်ကျွမ်းမှုဖြစ်စဉ်ကို တာမွေမြို့နယ်၊ မီးသတ်စခန်းမှ မီးသတ်ယာဉ်အုပ်စုများမှ ထွက်ခွာငြှိမ်းသတ် ပေးခဲ့ပြီး ရှင်သန်ရေးကူညီမှုအသင်းမှရေအထောက်အကူပြုခဲ့ကာ Civilian Helper's Team လူမှုကူညီရေးအဖွဲ့မှ မီးအလင်းရောင်အထောက်အကူပြုခဲ့ကြောင်းနှင့်ကျန်လူမှုကူညီရေးအဖွဲ့များမှ အကူအညီပေးခဲ့ကြောင်း သိရသည်။

#Local_News #ကျောက်မြောင်း #မီးလောင်မှုဖြစ် #tthl #Yangon_Times

#Local_News
Published 25 October 2023

ပြည်ပကို သွားရောက်အလုပ်လုပ်မည့် PJ နိုင်ငံကူးလက်မှတ်နှင့် သင်္ဘောသားများ ကိုင်ဆောင်ရသည့် နိုင်ငံကူး လက်မှတ်များ သက်တမ်းတိုးပြုလုပ်ရန်အတွက် လိုအပ်တဲ့ပြည်တွင်းအခွန်ဦးစီးဌာနက ထုတ်ပေးသည့် အခွန်ကင်းရှင်းကြောင်း ထောက်ခံချက်ကို ရန်ကုန်မြို့တွင် မြို့နယ်လေးခုနှင့် မန္တလေးမြို့ရှိ မြို့တွင် မြို့နယ် ၂ခု ရှိ အခွန်ဦးစီးဌာန တို့တွင် ထုတ်ယူနိုင်ကြောင်း ပြည်တွင်းအခွန်ဦးစီးဌာန၏ ထုတ်ပြန်ချက်အရ သိရသည်။

အဆိုပါ အခွန်ကင်းရှင်းကြောင်း ထောက်ခံချက်ကို ရန်ကုန်တိုင်းဒေသကြီးအတွင်းရှိ ရန်ကင်းမြို့နယ်၊ ဒဂုံမြို့သစ်(တောင်ပိုင်း)မြို့နယ်၊ အင်းစိန်မြို့နယ်၊ ဒေါပုံမြို့နယ်တို့မှာ ရှိသည့် အခွန်ဦးစီးဌာနရုံးတို့တွင် ထုတ်ယူနိုင်ကြောင်း၊မန္တလေးတိုင်းဒေသကြီးအတွင်း အခွန်ကင်းရှင်းကြောင်း ထောက်ခံချက်ကို မဟာအောင်မြေမြို့နယ်နှင့် ချမ်းမြေ့သာစည်မြို့နယ်တို့ရှိ အခွန်ကင်းရှင်းကြောင်း ထောက်ခံချက်ပုံစံထုတ်ယူနိုင်ကြောင်း သိရသည်။

ကျန်တိုင်းဒေသကြီးနှင့်ပြည်နယ်တို့နှင့် ပြည်ထောင်စုနယ်မြေတို့တွင် အခွန်ကင်းရှင်းကြောင်း ထောက်ခံချက်ပုံစံကို မြန်မာနိုင်ငံကူးလက်မှတ်ထုတ်ပေးရာရုံး တည်ရှိရာမြို့နယ်ရှိ မြို့နယ်အခွန်ဦးစီးဌာနရုံးများတွင် ထုတ်ယူရမည် ဖြစ်ကြောင်း ပြည်တွင်းအခွန်ဦးစီးဌာန၏ ထုတ်ပြန်ထားသည်။

ပြည်တွင်း အခွန်ဦးစီးဌာန အနေဖြင့် PJနှင့်PS နိုင်ငံကူးလက်မှတ်ကိုင်ဆောင်ထားသူများပတွက် လုံခြုံမှု အဆင့်အတန်း ပါရှိသည့် အခွန်ကင်းရှင်းကြောင်း ထောက်ခံချက်ပုံစံကို ၂၀၂၃ ခုနှစ် အောက်တိုဘာလမှ စတင် ထုတ်ပေးရန် စီစဉ်ထားကြောင်း သိရသည်။

#Local_News #နိုင်ငံကူးလက်မှတ် #အခွန်ကင်းရှင်းကြောင်းထောက်ခံချက် #YMG/LW #Yangon_Times

#World_News
Published 25 October 2023

ဟားမတ်စ်စစ်သွေးကြွတွေက အရပ်သားတွေကို လူသားဒိုင်းအဖြစ် အသုံးချနေတဲ့ ဂါဇာမြို့မှ လူနေထူထပ်တဲ့ ဒေသတွေကို အစ္စရေးလ်တပ်များ ဝင်ရောက်တိုက်ခိုက်ရန် အလားအလာ ရှိနေပြီး ဒါဟာ ယခင်က ဆီးရီးယားနဲ့ အီရတ်တို့မှာ အမေရိကန်ဦးဆောင်တဲ့ ပူးပေါင်းတပ်ဖွဲ့တွေက အစ္စလာမ်အကြမ်းဖက်အဖွဲ့နဲ့ အသေအကြေ တိုက်ခိုက်ခဲ့ကြတာကို ပြန်လည်အမှတ်ရစေပါတယ်။

မိုဆူလ်နဲ့ ရက်ကာတို့မှာ သေနတ်ပစ်ခတ်တာတွေ လေကြောင်းတိုက်ခိုက်မှုတွေကြောင့် အရပ်သားထောင်နဲ့ချီ သေဆုံးခဲ့တာကို အစ္စရေးလ်အနေနဲ့ သင်ခန်းစာယူရမယ်လို့ အမေရိကန်ကာကွယ်ရေးဝန်ကြီး လွိုက်အော်စတင်နဲ့ စစ်ခေါင်းဆောင်များက သတိပေးလိုက်ပါတယ်။

အစ္စရေးလ်တို့နဲ့ ပြောဆိုရာမှာ အရပ်သားထိခိုက်မှု အနည်းဆုံးဖြစ်ဖို့၊ ဘေးကင်းရေး အတိုင်းအတာများ သေချာဆောင်ရွက်ဖို့ အရေးကြီးကြောင်း အလေးပေးပြောပြခဲ့တယ်လို့ ပင်တဂွန်မှ ပြောရေးဆိုခွင့်ရှိသူ ဗိုလ်မှူးချုပ် ပတ်ရိုင်ဒါက အင်္ဂါနေ့မှာ မိန့်ကြားလိုက်ပါတယ်။

၂၀၁၆ အောက်တိုဘာမှ အစ္စလာမ်အကြမ်းဖက်အဖွဲ့ ကျဆုံးရာ ၂၀၁၇ ဇူလိုင်လအထိ မိုဆူလ်ကို အစ္စလာမ်သူပုန်များထံမှ လွတ်မြောက်အောင် ဝိုင်းရံတိုက်ခိုက်ခဲ့ရာမှာ အနည်းဆုံး လူ ၁ သောင်းသေဆုံးကာ အရပ်သား ၃,၂၀၀ ခန့်ပါဝင်ခဲ့တယ်လို့ AP သတင်းဌာန စုံစမ်းရေးမှ သိရှိရပါတယ်။

စစ်သွေးကြွများက ထွက်ပြေးရန်ကြိုးပမ်းစဉ်မှာ အရပ်သားဓားစာခံတွေကို ဖမ်းဆီး သတ်ဖြတ်သွားခဲ့ပြီး လူသားဒိုင်းအဖြစ် အသုံးချသွားပါတယ်။

အရပ်သားတွေကို အဝေးသို့ ထွက်ပြေးဖို့ သတိပေးထားစဉ် စစ်ဘက်ဆိုင်ရာ လုပ်ဆောင်ချက်များ ရပ်ဆိုင်းထားဖို့နဲ့ လူသားချင်းစာနာမှုစင်္ကြံများ ချမှတ်ဆောင်ရွက်သွားဖို့ အရေးပါကြောင်းကို ပူးတွဲစစ်ဦးစီးချုပ်ဥက္ကဌ၊ အမေရိကန် ဗဟိုစစ်ကွပ်ကဲရေးအကြီးအကဲ၊ အကြီးတန်း ကွန်မန်ဒါများက သိရှိထားကြကာ အရပ်သားကာကွယ်ရေး၊ စစ်သွေးကြွများမှ ပြုလုပ်ထားနိုင်တဲ့ ထောင်ချောက်များအကြောင်း အကြံပြုကြကာ ကျောင်းတွေ၊ ဗလီတွေ၊ နေအိမ်တွေမှာ ပုန်းခိုနေတဲ့ စစ်သွေးကြွတွေကို နှိမ်နင်းရမှာဖြစ်တယ်လို့ ဆိုပါတယ်။

အစ္စလာမ်အကြမ်းဖက်အဖွဲ့ကို တိုက်ခိုက်ခဲ့တဲ့ အထူးတပ်ဖွဲ့မှာ ပါဝင်ခဲ့တဲ့ မရင်းတပ် ဒုတိယဗိုလ်ချုပ်ကြီး ဂျိမ်းစ်ဂလင်း အပါအဝင် စစ်ဘက်ဆိုင်ရာ အကြံပေးအဖွဲ့ကို အစ္စရေးလ်သို့ စေလွှတ်လိုက်ပါတယ်။

လူနေအရပ်တွေမှာ တိုက်ခိုက်တာနဲ့  ပတ်သက်လာရင် အဆိုပါအရာရှိတွေက အတွေ့အကြုံရှိထားပြီး အစ္စရေးလ်ကာကွယ်ရေးတပ်တွေနဲ့ ဆွေးနွေးသွားကြမှာ ဖြစ်ပါတယ်။

တဲလ်အေဗစ်မှာ အစ္စရေးလ်ခေါင်းဆောင်များနဲ့ လွိုက်အော်စတင် တွေ့ဆုံရာမှာ အစ္စလာမ်အကြမ်းဖက်တွေကို နှိမ်နင်းခဲ့စဉ် အမေရိကန် ဗဟိုစစ်ကွပ်ကဲရေးကို ဦးဆောင်ခဲ့တဲ့ အတွေ့အကြုံတွေကို ပြန်လည်မျှဝေခဲ့ကာ တစ်ကမ္ဘာလုံးက စောင့်ကြည့်နေတယ်ဆိုတဲ့ အချက်ကိုလည်း သိရှိထားဖို့ ပြောကြားသွားပါတယ်။

ဂါဇာသို့ ဝင်ရောက်တိုက်ခိုက်တဲ့အခါ အရပ်သားတွေရဲ့ ဘေးကင်းမှုကိုလည်း ထည့်သွင်းစဉ်းစားရမယ်လို့ သတိပေးလိုက်ပါတယ်။

အရပ်သားများ ထိခိုက်သေဆုံးမှု မဖြစ်အောင် အစီအစဉ်တွေ၊ လေ့ကျင့်မှုတွေ၊ ပစ်မှတ်တွေ၊ လက်နက်အသုံးပြုခြင်းတွေကို ထိန်းညှိသွားဖို့ကို အလေးထားရမှာဖြစ်ပါတယ်။

ဒီစစ်ဆင်ရေးကို ဘယ်လိုပုံဖော်သွားမလဲဆိုတာ တကယ်အရေးပါကြောင်း၊ ဟားမတ်စ်တွေရဲ့ လက်ထဲမှာရှိနေတဲ့ အပြစ်မဲ့ ပါလက်စ်တိုင်းပြည်သူတွေရဲ့ အရေးကို စဉ်းစားပြီး အကျိုးရှိမယ့်လုပ်ရပ် လုပ်နိုင်ဖို့လိုအပ်ကြောင်း အငြိမ်းစားစစ်တပ်ဗိုလ်ချုပ်ကြီး ဂျိုဆပ်ဗိုတယ်က ပြောပြခဲ့ပါတယ်။

ဒါ့အပြင် ယခုစစ်သွေးကြွတွေဟာ အီရန်ကထောက်ပံ့ထားတဲ့ လက်နက်တွေနဲ့ ပိုမိုအဆင့်မြင့်နေပြီး ဂါဇာမြေအောက်က လှိုဏ်ခေါင်းတွေက ဆီးရီးယားတုန်းက လှိုဏ်ခေါင်းတွေထက် ပိုမိုရှည်လျားဖြစ်ထွန်းနေတယ်လို့ ဆိုပါတယ်။

ယခင်က ရင်ဆိုင်ခဲ့တဲ့ ISIS တွေထက် ယခုဟားမတ်စ်စစ်သွေးကြွေတွေက နောက်တစ်ဆင့်မြင့်လာတဲ့ လူရမ်းကားတွေဖြစ်နေတယ်လို့ ခံစားရကြောင်း အော်စတင်က ဆိုပါတယ်။

#World_News #အမေရိကန် #အီရတ် #ဆီးရီးယား #Source: AP News

#World_Health
Published 25 October 2023

ထိုင်ခြင်း၊ မတ်တပ်ရပ်ခြင်းနဲ့ အခြားလှုပ်ရှားမှုများ ပြုလုပ်စဥ် ကျောရိုး၊ အဆစ်အမြစ်၊ ကြွက်သား စတဲ့ အစိတ်အပိုင်းများ နေရာတကျ ရှိတာနဲ့ပတ်သက်ပြီး ကိုယ်နေဟန်ထားလို့ ခေါ်ကြပါတယ်။

ခန္ဓာကိုယ် ကိုယ်နေဟန်ထား မှန်ကန်အောင် နေခြင်းဖြင့် ကြွက်သား၊ အရိုး၊ အရွတ်တွေအပေါ် ဖိအားသက်ရောက်မှု လျော့နည်းစေကာ ထိခိုက်ဒဏ်ရာရခြင်းမှ ကာကွယ်ပေးပါတယ်။

ကိုယ်နေဟန်ထား မှန်ကန်စွာနေထိုင်ခြင်းဖြင့် ရရှိလာတဲ့ ကျန်းမာရေး အကျိုးကျေးဇူးတွေကတော့..

 
(၁) ကျောရိုးမကြီး နေရာတကျရှိစေကာ ခါးကိုင်းခြင်း ခါးစောင်းခြင်းတို့ ဖြစ်နိုင်ချေ လျော့နည်းစေပါတယ်။

(၂) အဆုတ်ကို အပြည့်အဝ ချဲ့စေနိုင်တာကြောင့် အောက်ဆီဂျင်ပြည့်ဝစေပြီး အသက်ရှူခြင်းကို အထောက်အကူ ဖြစ်စေပါတယ်။

(၃) ကျောရိုးမရဲ့ သဘာဝပုံစံကို ထောက်ပံ့ပေးကာ ကျောနဲ့ လည်ပင်းကြွက်သားများအပေါ် ဖိအားလျော့ပါးစေပါတယ်။

(၄) သွေးလည်ပတ်မှုကို ကောင်းမွန်စေပြီး အောက်ဆီဂျင် ကောင်းစွာရရှိစေတာကြောင့် စွမ်းအင်ကိုမြှင့်တင်ပေးပါတယ်။

(၅) အစာခြေခြင်းကို အထောက်အကူ ဖြစ်စေပြီး အက်ဆစ်လျှံတက်ခြင်း ဝမ်းပိတ်ခြင်းတို့ကို ကာကွယ်ပေးပါတယ်။

(၆) ခံစားချက်နဲ့ စိတ်အခြေအနေကို ကောင်းမွန်စေကာ နွမ်းနယ်ခြင်း၊ ဖိစီးခြင်း၊ စိတ်ဓာတ်ကျခြင်းတို့ကို သက်သာစေပါတယ်။

(၇) ဦးနှောက်သို့ သွေးလည်ပတ်မှု ကောင်းစေတာကြောင့် ဦးနှောက်လုပ်ဆောင်ချက်ကို မြှင့်တင်ပေးကာ အာရုံစူးစိုက်မှု ကောင်းစေပါတယ်။

(၈) ကြွက်သားများ ထိခိုက်ခြင်းမှ ကာကွယ်ပေးပြီး ကြွက်သားခွန်အားနဲ့ ကျုံ့နိုင်ဆန့်နိုင်စွမ်းကို ကာကွယ်ပေးပါတယ်။

(၉) ခန္ဓာကိုယ်အနှံ့ သွေးစီးဆင်းမှုကို ကောင်းမွန်စေကာ အာဟာရဓာတ်များ ပေးပို့ခြင်း အညစ်အကြေး ဖယ်ရှားခြင်းတို့ ပြုလုပ်ပေးပြီး နှလုံးသွေးကြော ကျန်းမာရေးကို ကောင်းမွန်စေပါတယ်။

(၁၀) ကြွက်သားအရိုးငြမ်း ပြဿနာများ ဖြစ်ပေါ်မလာအောင် ကာကွယ်ပေးပါတယ်။

 
ကိုယ်နေဟန်ထား မှန်ကန်အောင် နေထိုင်နိုင်မယ့် နည်းလမ်းများကတော့..

(၁) ပခုံးကိုမတ်အောင်ထားပြီး စိတ်လျော့ထားပါ။ မျက်နှာကို ရှေ့သို့မူကာ ကျောရိုးနဲ့ တည့်အောင်ထားပါ။

(၂) ကျောကိုမတ်အောင်ထိုင်ပါ။ ကျောရိုးကို ထောက်ပံ့နိုင်အောင် ခုံနဲ့ထိုင်ပါ။ ခြေဖဝါးကို အောက်ခြေနဲ့ ကပ်နေအောင်ထားပါ။

(၃) ရှေ့သို့ စောင်းနေခြင်း၊ ခွေနေခြင်းမျိုး မဖြစ်စေဘဲ အစိတ်အပိုင်းအားလုံး မျှနေအောင်ထားပါ။

(၄) အချိန်ကြာမြင့်စွာ ထိုင်နေခြင်း၊ ရပ်နေခြင်း မပြုပါနှင့်။ အနားယူပြီး အကြောလျှော့ခြင်းမျိုး ပြုလုပ်ပါ။

(၅) လက်ကိုင်ဖုန်း၊ ကွန်ပျူတာတို့ကို ငုံ့မကြည့်ဘဲနဲ့ မျက်လုံးနဲ့ တစ်တန်းတည်းဖြစ်အောင်ထားပါ။

#World_Health #ကိုယ်နေဟန်ထား #ကျန်းမာရေးအကျိုးကျေးဇူးများ #Source: DoctorNDTV

#World_Health
Published 25 October 2023

သွေးလွန်တုပ်ကွေးရောဂါကို တိုက်ဖျက်ဖို့ ကြိုးပမ်းရာမှာ Johnson & Johnson က အောင်မြင်မှုတစ်ခု ရလာပြီလို့ ဆိုရမှာဖြစ်ပြီး ယင်းတို့စမ်းသပ်ထုတ်လုပ်နေတဲ့ ဆေးဟာ လူသားစမ်းသပ်မှုလေးတစ်ခုမှာ စိတ်ချရတဲ့ရလဒ် ထွက်ပေါ်လာခဲ့ပါတယ်။

ထိုဆေးဟာ သွေးလွန်တုပ်ကွေး ဗိုင်းရပ်စ်ကို ရှင်းလင်းနိုင်တဲ့ ပထမဆုံးဆေးဖြစ်လာပြီး လူနာအများအပြားမှာ ဗိုင်းရပ်စ်ပုံစံတစ်မျိုးကို ကာကွယ်ပေးနိုင်ခဲ့ပါတယ်။

သွေးလွန်တုပ်ကွေးရောဂါဟာ လက္ခဏာမပြတတ်ပေမယ့် အဆစ်အမြစ်နာခြင်း၊ ကြွက်တက်ခြင်းတို့ ဖြစ်နိုင်ကာ နှစ်စဥ်လူပေါင်း သန်းနဲ့ချီပြီး ဖြစ်ပွားတတ်ပါတယ်။

လက်ရှိမှာ ကုသနည်းလမ်း တိတိကျကျ မရှိသေးတာကြောင့် ယခုဆေးဝါးက အဓိကခြေလှမ်းကြီးတစ်ရပ် ဖြစ်လာနိုင်ပါတယ်။

စမ်းသပ်ခံသူ ၁၀ ဦးဖြင့် ပြုလုပ်ရာမှာ သွေးလွန်တုပ်ကွေး ဗိုင်းရပ်စ်တစ်မျိုး မထည့်သွင်းခင် အဆိုပါဆေးကို ၅ ရက်တိုင်အောင် ဆေးပမာဏများများ သုံးစွဲစေခဲ့ပြီး ဒီနောက် ၂၁ ရက်ဆက်တိုက် သောက်သုံးစေခဲ့ပါတယ်။

ထိုအခါမှာ လူနာ ၆ ဦးဟာ ရောဂါပိုးထိပြီးနောက် သွေးလွန်တုပ်ကွေး လက္ခဏာမတွေ့ရသလို ၈၅ ရက်ကြာတဲ့အထိ စောင့်ကြည့်ရာမှာ ကိုယ်ခံအားတုန့်ပြန်တာမျိုး မတွေ့ခဲ့ရပါဘူး။

ထိုဆေးဟာ ဗိုင်းရပ်စ်မှပရိုတိန်း ၂ မျိုးကိုပိတ်ပင်လိုက်ကာ ဗိုင်းရပ်စ်မပွားအောင် ထိန်းချုပ်လိုက်ပါတယ်။

ဒုတိယအဆင့် စမ်းသပ်ချက်အနေဖြင့် ရောဂါဖြစ်ပွားလေ့ရှိတဲ့ နေရာတွေမှ တုပ်ကွေးဗိုင်းရပ်စ် ၄ မျိုးကို ကာကွယ်နိုင်ရန် ရည်မှန်းထားပြီး နောက်တစ်ဆင့်ကတော့ ရောဂါကုသရေး ဖြစ်ပါတယ်။

အဓိကစိန်ခေါ်မှုကတော့ ရောဂါအဖြစ်အများဆုံးဖြစ်တဲ့ ဝင်ငွေနိမ့်ပါးတဲ့ နိုင်ငံတွေနဲ့ အလယ်အလတ်နိုင်ငံတွေမှာ ဆေးရရှိဖို့ပဲ ဖြစ်ပါတယ်။

Johnson & Johnson ရဲ့ Janssen ဌာနခွဲမှ မာနစ်ဗန်လော့ခ်က ဒီအခက်အခဲကို သိရှိထားပြီးဖြစ်ပြီး ဒီအတွက် လုပ်ဆောင်နေကြောင်း ပြောပြသွားပါတယ်။

#World_Health #သွေးလွန်တုပ်ကွေးရောဂါ #ပထမဆုံးဆေးတောင့် #ပထမအဆင့်စမ်းသပ်အောင်မြင် #Source: India Today

တရုတ်အနောက်မြောက်ဘက် ရှန်ရှီပြည်နယ် ရှီအန်မြို့မှာ ပေါက်ကွဲမှုဒဏ်အမျိုးမျိုးကို ခံနိုင်ရည်ရှိအောင် ဖန်တီးထားတဲ့ ပန်ဂူနံပါတ် ၁ စက်ရုပ်အသစ်ကို ဗုဒ္ဓဟူးနေ့မှာ ထုတ်ဖော်ပြသ လိုက်ပါတယ်။

#Asia_Technology
Published_ 24 October 2023
#ပန်ဂူနံပါတ်(၁)စက်ရုပ် #တရုတ်ထုတ်ဖော်ပြသ

#Daily_News
Published_ 24 October 2023

၁။ ဆင်ကြီးမိုမို အသက်(၇၀)ပြည့်မွေးနေ့ ရန်ကုန်တိရစ္ဆာန်ဥယျာဉ်၌ (၃)ရက်တိုင်တိုင် ကျင်းပမည်

၂။ သီတင်းကျွတ်ကာလ နီးလာပေမယ့် ရန်ကုန်သစ်သီးဈေးကွက် အရောင်းဝယ်အေးနေသေး

၃။ ကားဝယ်ရောင်းများလက်ထဲ‌မော်ဒယ်မြင့်ကားများ ဆက်လက်ပိတ်မိနေပြီး မော်ဒယ်နိမ့်ကားများအနည်းငယ်အဝယ်လိုက်၍ ဈေးနှုန်းများတက်ရိပ်ပြလာ

၄။ ပေါက်ကွဲမှုများကို ခံနိုင်ရည်ရှိသည့် ပန်ဂူနံပါတ်(၁)စက်ရုပ်အား တရုတ်ထုတ်ဖော်ပြသ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

#Local_News
Published-24 October 2023

ကိုရီးယားသမ္မတနိုင်ငံသို့ အစိုးရပြည်ပအလုပ်အကိုင်အေဂျင်စီမှတစ်ဆင့် EPS စနစ်ဖြင့် မြန်မာလုပ်သား(၁၈၄)ဦးကို အောက်တိုဘာလ၏ ပထမဆုံးအကြိမ်အနေဖြင့်ထပ်မံစေလွှတ်ခဲ့ကြောင်း ဆိုလ်းမြို့၊ မြန်မာသံရုံးကသိရသည်။

အောက်တိုဘာလ ၂၄ရက်တွင် EPS စနစ်ဖြင့်စေလွှတ်သောကုန်ထုတ်လုပ်သားသစ် (၁၆၃)ဦးနှင့် စိုက်ပျိုးရေးလုပ်သားသစ် (၂၁)ဦး စုစုပေါင်း (၁၈၄) ဦးကို စေလွှတ်ခဲ့သည်။

မြန်မာလုပ်သားများ ရန်ကုန်မြို့မှ အင်ချွန်းအပြည်ပြည်ဆိုင်ရာလေဆိပ်သို့ ရောက်ရှိခဲ့ရာတွင် မြန်မာသံရုံး၊ ဆိုးလ်မြို့မှ  အလုပ်သမားသံအရာရှိက ကြိုဆို၍ အလုပ်သမားများ သိရှိလိုက်နာသင့်သည့် အချက်များကို မှာကြားခဲ့ပြီး လိုအပ်သည်များ ကူညီပံ့ပိုးပေးခဲ့ကြောင်းလည်းသိရသည်။

စက်တင်ဘာလအတွင်းကလည်း EPS စနစ်ဖြင့် မြန်မာလုပ်သား၇၃၃ဦးကို စေလွှတ်ခဲ့ကြောင်းသိရသည်။

#Local_News #EPS စနစ် #မြန်မာလုပ်သား(၁၈၄)ဦး #Yangon_Times/PP

မွန်ပြည်နယ်ကျိုက်ထီးရိုးတောင်ပေါ်ကို လာရောက်တဲ့ဘုရားဖူးဧည့်သည် အခုတပတ်ထဲမှာများလာပြီး လာမယ့် သီတင်းကျွတ်ရုံးပိတ်ရက်တွေမှာ လာရောက်ဖို့အတွက် တည်းခိုခန်းနဲ့ ဟိုတယ်တွေကို ဘိုကင်တင်ထားတဲ့ သူများနေတယ်လို့ တည်းခိုခန်းပိုင်ရှင်တွေထံက သိရပါတယ်။
#Local_News
Published_ 24 October 2023
#တည်းခိုခန်းဘိုကင်ယူသူများနေ #သီတင်းကျွတ်ရုံးပိတ်ရက်
#YMG/LW #Yangon_Times

#Local_News
Published-24 Oct 2023

ရန်ကုန်မြို့၌ ယနေ့နေ့လယ်ပိုင်းတွင် မိုးသည်းထန်စွာရွာသွန်းသည့်အတွက် ရပ်ကွက်အချို့ရေကြီးရေလျှံမှုဖြစ်ပေါ်ခဲ့ကြောင်း ရပ်ကွက်‌နေပြည်သူများထံမှသိရသည်။ ထိုသို့ရေကြီးရာတွေ ဗဟန်းမြို့နယ်၊ တာမွေမြို့နယ်၊ မဂ်လာတောင်ညွှန့်မြို့နယ်များရှိ ရပ်ကွက်အချို့၌ ရေကြီးရေလျှံမှုများဖြစ်ပေါ်ခဲ့ကြောင်းသိရသည်။ ရန်ကုန်တိုင်းဒေသကြီး၌မုန်တိုင်း'ဟမွန်း'အရှိန်ကြောင့် နေရာကွက်ကျား မိုးထစ်ချုန်းရွာနိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှလည်း သတိပေးထားကြောင်း သိရသည်။

#YMG/ NN #Yangon_Times