#LocalNews
Published 28 Apr 2022

ဧပြီလ ၂၈ရက်နေ့ ယနေ့ နေ့လည်ပိုင်းမှာ ထိုင်း-မြန်မာနယ်စပ် မဲဆောက်မြို့အနီး ထိုင်းနိုင်ငံအတွင်းပိုင်းကို၀င်ရောက်မယ့် မြန်မာနိုင်ငံသား (၁၅၈) ဦးကို ထိုင်းအာဏာပိုင်များ ဖမ်းဆီးခံခဲ့ရတယ်လို့ သိရပါတယ်။

မော်တော်ယာဉ် (၈) စီး ထိုင်းလူမျိုး (၅) ဦးနဲ့အတူ မြန်မာနိုင်ငံသား (၁၅၈) ဦးကို မဲဆောက်မြို့နယ်ရဲ့ ဆက်စပ်မြို့နယ်ဖြစ်တဲ့ ဖိုဖတ်မြို့နယ်ရဲ့ နယ်စပ်မျဉ်းအနီးမှာ ဖမ်းဆီးရမိခဲ့တာဖြစ်ပါတယ်။

၂၀၂၂ ခုနှစ် ဧပြီလ ၂၇ ရက်နေ့ ည ၆ နာရီခန့်ကလည်းထိုင်းနိုင်ငံတွင် ဂေါ်ဖီထုပ်ကားအတွင်း ပုန်းခိုလိုက်ပါလာတဲ့တရားမဝင် မြန်မာနိုင်ငံသား (၁၄) ဦးကို ထိုင်းရဲတပ်ဖွဲ့က တက်ခ်ခရိုင်အတွင်း ဖမ်းဆီးရမိခဲ့တယ်လို့ ထိုင်းနိုင်ငံရောက်မြန်မာ့အလုပ်သမားအရေးဆောင်ရွက်နေသူတွေဆီက သိရပါတယ်။

ထိုင်းနိုင်ငံ မဲဆောက်ဘက်မှ ဂေါ်ဖီထုပ်များသယ်လာတဲ့ ယာဥ်(၂)စီးကိုစစ်ဆေးရာ အတွင်းပိုင်းတွင် ပုန်းခိုလိုက်ပါလာတဲ့ မြန်မာနိုင်ငံသား (၁၂) ဦးဆီကို ရှာဖွေတွေ့ရခြင်းဖြစ်ကာ တရားဝင် အထောက်အထားမပါတဲ့ မြန်မာနိုင်ငံသား အမျိုးသား (၆)ဦး၊ အမျိုးသမီး (၈)ဦးနဲ့အတူ မော်တော်ယာဉ်မောင်းလာသည့် ထိုင်းနိုင်ငံသား အမျိုးသား (၂) ဦးတို့ကို ဖမ်းဆီးထိန်းသိမ်းခဲ့တာဖြစ်ပါတယ်။

ymg/hm
#Yangon_Media_Group

Published 28 April 2022

ကမ္ဘာ့အချမ်းသာဆုံးပုဂ္ဂိုလ် အီလွန်မတ်က သူ့အနေနှင့် ကိုကင်းကို ပြန်သောက်လို့ရအောင် ကိုကာကိုလာ လုပ်ငန်းကို ဝယ်ယူလိုတယ်လို့ တွစ်တာမှာ ဧပြီ ၂၇ ရက်ကရေးသားလိုက်ပါတယ်။

တွစ်တာကို ဒေါ်လာ ၄၄ဘီလျံနှင့် ဝယ်ယူလိုက်ပြီး (၂)ရက်အကြာမှာ မတ်က အခုလို တွစ်တာမှာရေးသားလိုက်တာပါ။သူက အချိုရည်ကုမ္ပဏီကို ဝယ်ယူဖို့အစီအစဉ်ကို တွစ်တာကနေ အသံပေးပြီး တစ်နာရီတောင်မကြာသေးခင်မှာဘဲ “ တွစ်တာကို အမြင့်မားဆုံးပျော်ရွှင်မှုရအောင်လုပ်ကြစို့” လို့ ထပ်ပြီးတွစ်တာမှာရေးလိုက်ပါတယ်။

ကိုကာကိုလာနှင့်ပတ်သက်လို့ မတ်ရဲ့ ပြောကြားမှုတွေဟာ ပြောင်ချော်ချော်သဘောတော ဖြစ်ပုံရပါတယ်။ အနောက်အပြောင် ကလည်း တစ်ခါတစ်ခါ အမှန်တွေဖြစ်တတ်ပါတယ်လို့ Business Insider ကရေးသားပါတယ်။

မူးယစ်ဆေးဝါးအလွဲသုံးစားပြုမှုဆိုင်ရာ အမျိုးသားအင်စတီကျူရဲ့အဆိုအရ အတ္တလန်တာက ဆေးဝါးပညာရှင် ဂျွန် ပမ်ဘာတွန်က ကိုကင်းကို အချိုရည်ထဲ ပထမဆုံးထည့်သောက်တဲ့ ၁၈၈၅ခုနှစ်ကစပြီး ကိုကင်းဟာ တရားဝင်ဖြစ်လာကြောင်း သိရပါတယ်။

အဲဒီအချိန်တုန်းက ပမ်ဘာတွန်အသုံးပြုခဲ့တာဟာ ကိုကာအရွက်ကနေထုတ်နုတ်ယူတဲ့ ကိုကင်းဖြစ်ပါတယ်။ အဲဒီအချိုရည်ကို သူက ဆေးအဖြစ်မှတ်ပုံတင်ပြီး “ဦးနှောက်အားတိုးဆေးနှင့် အသိဉာဏ်အချိုရည်” လို့ဆိုခဲ့ပါတယ်။

၁၉၈၈ခုနှစ်မှာ နယူးယောက်တိုင်းမ်က ကိုကာကိုလာကုမ္ပဏီနှင့်ပတ်သက်လို့ ဆောင်းပါးတစ်ပုဒ်ရေးသားခဲ့ရာမှာ ကိုကာကို         လာထဲမှာကိုကင်းဟာ ကနဦးမှာပါဝင်ခဲ့ပြီး ၁၉၀၀ကျော်လွန်နှစ်တွေမှာတော့ ဖျက်သိမ်းခဲ့ပါတယ်လို့ ဖော်ပြထား ပါ  တယ်။

Insider က ကိုကာကိုလာ ကုမ္ပဏီရဲ့ ကိုယ်စားလှယ်တွေဆီက မှတ်ချက်မေးမြန်းပေမယ့် ချက်ခြင်းမတုန့်ပြန်သေးပါဘူး။

မတ်ရဲ့ကိုကာကိုလာနှင့်ပတ်သက်တဲ့ တွစ်တာပို့စ်ဟာ အွန်လိုင်းမှာ လူသိများသွားပါတယ်။ ဟန်တာဘိုင်ဒင်ရဲ့ မူးယစ်ဆေးဝါးသုံးတဲ့ အထာက်အထားကိုဖွခဲ့တဲ့ ရီပတ်ဗလင်ကင်က လောရင်းဘိုဘတ်က “ ဟန်တာက ရှင့်ကို အကူအညီ   တောင်းခဲ့လို့လား” လို့ ပြန်ရေးသားခဲ့ပါတယ်။

မတ်က တွစ်တာကိုဝယ်ယူလိုက်ကြောင်းကြေညာပြီးနောက် တွစ်တာအသုံးပြုသူတော်တော်များများက “ နောက်ထပ် ဘယ်ကုမ္ပဏီဝယ်သင့်သလဲ” ဆိုတာ အကြံပေးပို့စ်တွေ တွစ်တာမှာရေးခဲ့ကြပါတယ်။

တစ်ယောက်ကတော့ မတ်ဟာ ဖောက်စ် ကိုဝယ်သင့်တယ်လို့ ပြောပါတယ်။ ဘာဖြစ်လို့လဲဆိုတော့ "Firefly" စီးရီး ကိုနောက်ထပ်အတွဲ ထပ်ကြည့်ချင်သေးလို့ပါ လို့သူကပြောတာပါ။မတ်က အဲဒီစီးရီးနှင့်ပတ်သက်လို့ “အချို့သောသိပ္ပံဆန်း ကြယ် ဇာတ်လမ်းတွေဟာ တကယ့်ကိုကောင်းတာပဲ” လို့ပြောခဲ့လို့ပါ။

နောက်တစ်ယောက်ကတော့ မတ်ကို Historyရုပ်သံလိုင်းကို ဝယ်ခိုင်းပါတယ်။ မတ်က အဲဒီသူရဲ့ပို့စ်ကို မျက်ရည်ထွက်အောင် ရယ်နေတဲ့ အီမိုဂျီအရုပ်ကလေးနှင့် ပြန်ပြီး အကြောင်းကြားတုန့်ပြန်ခဲ့ပါတယ်။

Source Insider

#LocalNews
Published - 28 April 2022

IBEC ဆရာ တော်၏ ဦးဆောင်ကြီးကြပ်မှုဖြင့် ရှမ်းပြည်တောင်ပိုင်း၊ လွိုင်လင်ခရိုင်၊ နန့်စန်မြို့တွင်
ဗုဒ္ဓတက္ကသိုလ်တည်ထောင်သွားနိုင်ဖို့ စီစဥ်ဆောင်ရွက်နေတယ်လို့ IBEC သတင်းထုတ်ပြန်ရေးအဖွဲ့က ထုတ်ပြန်ထားပါတယ်။

ရှမ်းပြည်တောင်ပိုင်း၊ နန့်စန်ဒေသတွင် ဒေသခံဆရာတော်ဘုရားကြီးများ၏ ဩဝါဒ မြို့နယ်ခရိုင် ပြည်နယ် ဗဟိုဝန်ဆောင်အပါအဝင် နိုင်ငံတော်သံဃမဟာနာယကဆရာတော်ဘုရားကြီးများ ဦးထိပ်ထားပြီး နယ်ခံပရိယတ္တိ-ခေတ်ပညာတတ်မြောက်ကြသော သံဃာတော်များပူးပေါင်းပါဝင်လျှက် ဒကာ/ဒကာမများစုပေါင်းညီညာစွာဖြင့် မြတ်ဗုဒ္ဓသာသနာအရည်တည်တံ့စေရန် နန့်စန်ဗုဒ္ဓတက္ကသိုလ်(Nant San Buddhist University -NSBU)တည်ထောင်နိုင်ရန် ကြိုးစားဆောင်ရွက် နေတာဖြစ်တယ်လို့ IBEC ဆရာ တော်က မိန့်ကြားပါတယ်။

"ဗုဒ္ဓတက္ကသိုလ် တည်ဆောက်ဖို့အတွက် သာသနာကိုချစ်မြတ်နိုးတဲ့ ဒကာကြီးဦးအောင်၀င်းသိန်းမှ ဒေါ်နန်းဝေဝေမိသားစုထံမှ မြေဧက (၁၀၀)အလှူခံပေးခဲ့ပါတယ်။ ဧပြီ ၂၅ ရက်နေ့မှာလည်း အလှူရှင်မိသားစုနဲ့အတူ နန့်စန်မြို့မှာရှိတဲ့ သာသနာမြေနေရာသို့ သွားရောက်ကြည့်ရှုခဲ့ပါတယ်။"လို့ IBEC ဆရာတော်က ဆက်လက်မိန့်ကြားပါတယ်။

အဆိုပါ စီမံကိန်းမြေနေရာကို သာသနာပြုမြေနေရာပြုလုပ်ရန် သံဃာ့အဖွဲ့အစည်း၏ စည်းမျဉ်းအရဆောင်ရွက်ရန်အချိန်ကာလ (၃)နှစ်ခန့်အချိန်ယူကြရမည်ဖြစ်ပြီး စီမံကိန်းကို(၁၀)နှစ်ခန့် အချိန်ယူဆောင်ရွက်ကြရမှာဖြစ်တယ်လို့ သိရပါတယ်။

ဒါ့အပြင် ယခုတည်ဆောက်မည့် ဗုဒ္ဓတက္ကသိုလ်သည် တစ်ဦးတစ်ပါးပိုင်မဟုတ်ပဲ သာသနာတော်နှင့် နန့်စန်ဒေသ၏ သာသနာအမှတ်တံဆိပ်အဖြစ်ဆောင်ရွက်ကြရန် ပဏာမသဘောတူခဲ့ကြတယ်လို့လည်း IBEC သတင်းထုတ်ပြန်ရေးအဖွဲ့ထံမှ သိရပါတယ်။

ဓါတ်ပုံ - IBEC သတင်းထုတ်ပြန်ရေးအဖွဲ့

ymg/kg
#Yangon_Media_Group

#Local_News
Published_ 28 April 2022

၂၀၂၁-၂၀၂၂ ဘဏ္ဍာနှစ် (Mini Budget) အောက်တိုဘာလမှ မတ်လအထိ ၆ လတာကာလအတွင်း ကုန်သွယ်မှုပို့ငွေ အမေရိကန်ဒေါ်လာ ၃၂၄ သန်း ရရှိခဲ့တယ်လို့ SAC မှ ထုတ်ပြန်ထားပါတယ်။

အဆိုပါကာလအတွင်း မြန်မာနိုင်ငံရဲ့ ပြည်ပကုန်သွယ်မှု(ယာယီစာရင်းအရ) ပြည်ပပို့ကုန်တန်ဖိုးမှာ အမေရိကန်ဒေါ်လာ ၈၂၇၉ သန်းရှိခဲ့ပြီး၊ ပြည်ပသွင်းကုန်တန်ဖိုး ဒေါ်လာ ၇၉၅၅ သန်းရှိခဲ့ကာ ကုန်သွယ်မှုပမာဏ ဒေါ်လာ ၁၆၂၃၄ သန်းဖြစ်ပြီး၊ ကုန်သွယ်မှု ပို့ငွေ ၃၂၄ သန်းရရှိခဲ့တယ်လို့ ထုတ်ပြန်ချက်မှာ ဖော်ပြထားပါတယ်။

ပြီးခဲ့တဲ့ ၂၀၂၀-၂၀၂၁ ဘဏ္ဍာနှစ် အလားတူကာလနှင့် နှိုင်းယှဉ်ပါက ပို့ကုန်တွင် ဒေါ်လာ ၉၈ သန်းကျော်နှင့် သွင်းကုန်တွင် ဒေါ်လာ ၁၆၄ သန်းပိုမိုခဲ့ပြီး ကုန်သွယ်မှုပမာဏ ၂၆၃ သန်း ပိုမိုဆောင်ရွက်နိုင်ခဲ့တယ်လို့ ဆိုပါတယ်။

ယခုနှစ်တွင် ပင်လယ်ရေကြောင်း ကုန်သွယ်မှုမှ လယ်ယာထွက် ဆန်၊ ဆန်ကွဲ၊ ပြောင်း၊ ပဲမျိုးစုံ၊ ရေထွက် ငါး၊ ပုစွန်နှင့် အခြားရေထွက်များ တိရစ္ဆာန်ထွက်ပစ္စည်းများ၊ စက်မှုကုန်ချောပစ္စည်း (ချုပ်ပြီးအထည်) တို့ ပိုမိုတင်ပို့နိုင်ခဲ့သဖြင့် ပင်လယ်ရေကြောင်း ကုန်သွယ်မှုတွင် ယခင်နှစ်အလားတူကာလထက် ဒေါ်လာ သန်း ၁၆၀၀ ကျော် ပိုမိုရရှိခဲ့ပါတယ်။

ထို့ပြင် နိုင်ငံတော်ရဲ့ နိုင်ငံခြားငွေ လိုအပ်ချက်လျှော့ချနိုင်ရန် အရေးကြီးကုန်စည်မဟုတ်တဲ့ မော်တော်ယာဉ်ကဲ့သို့ ပစ္စည်းများတင်သွင်းမှုကို စိစစ်ကန့်သတ်ခြင်း၊ စားအုန်း ဆီကို ပြည်တွင်းဈေးကွက်စားသုံးမှု လိုအပ်ချက်နှင့်အညီ စိစစ်တင်သွင်းမှုပြုခဲ့တာကြောင့် ယခင်ထက် တန်ချိန်လျှော့ချတင်သွင်းနိုင်ခြင်း၊ ပြည်တွင်းမှာ ထုတ်လုပ်နိုင်မယ့် အစားထိုးကုန်စည်များကို ပြည်ပမှတင်သွင်းမှု စိစစ်လျှော့ချခြင်းတို ဆောင်ရွက်ခဲ့တယ်လို့ ဖော်ပြထားပါတယ်။

ymg-mnn
#Yangon_Media_Group

Published 28 April 2022

နစက ဥက္ကဋ္ဌ  ဗိုလ်ချုပ်မှူးကြီးမင်းအောင်လှိုင် ဟာ မြန်မာနိုင်ငံသို့ အလုပ်သဘော အလည်အပတ်ရောက်ရှိနေတဲ့ Republic of Tatarstan တာဆာစတန်သမ္မတနိုင်ငံ သမ္မတ Mr. Rustam Nurgaliyevich Minnikhanov ဦးဆောင်တဲ့ ကိုယ်စားလှယ်အဖွဲ့ ကို  နစကရုံး သံတမန်ဆောင်တွင် ဒီကနေ့ ဧပြီ(၂၈)ရက်နေ့မှာ တွေ့ဆုံတယ်လို့ သတင်းထုတ်ပြန်ချက်အရသိရပါတယ်။

တာတာစတန်သမ္မတနှင့် နစက ဥက္ကဋ္ဌတို့ဟာ မြန်မာနှင့် တာတာစတန်တို့အကြား စီးပွားရေးနှင့်ရင်းနှီးမြှပ်နှံမှု ပူးပေါင်း‌ ဆောင်ရွက်နိုင်ရေး ပြောဆိုဆွေးနွေးခဲ့ကြတယ်လို့ သတင်းအရင်းအမြစ်များကဆိုပါတယ်။

တာတာစတန်သမ္မတဟာ မြန်မာနိုင်ငံခရီးစဉ်အတွင်း ဝန်ကြီးဌာနတွေက အကြီးအကဲတွေနှင့်တွေ့ဆုံဖို့ရှိပြီး တာတာစတန်နှင့် မြန်မာနိုင်ငံတို့မှ စီးပွားရေးအသိုက်အဝန်းတွေရဲ့ စီးပွားရေးဆွေးနွေးပွဲတွေကျင်းပသွားမယ်လို့ တာတာစတန်သမ္မတရုံံးက သတင်း ထုတ်ပြန်ပါတယ်။

တာတာစတန်သမ္မတနှင့အတူ စက်မှုနှင့်စီးပွားရေးဝန်ကြီး အဲလ်ဘတ်ကာရီမော့ဗ်၊ KAMAZ PJSC ရဲ့ အထွေထွေ  ညွှန်ကြားရေးမှူး ဆာဂျေးကိုဂိုဂင်၊ Kazan Helicopter Plant JSCရဲ့ အရောင်းဆိုင်ရာဒုတိယဦးဆောင်ညွှန်ကြားရေးမှူး ၊ Eidos-Medicine LLCရဲ့ အထွေထွေညွန်ကြားရေးမှူးနှင့် Kazan Fat Plant JSCနှင့် အခြားအဖွဲ့အစည်းတွေက ကိုယ်စားလှယ်တွေလိုက်ပါလာတယ်လို့ တာတာစတန်သမ္မတရုံးသတင်းထုတ်ပြန်ချက်မှာဖော်ပြထားပါတယ်။

#WorldPolitics
Published 28 April 2022

အမေရိကန်သမ္မတ'ဂျိုးဘိုင်ဒန်'နဲ့ အရှေ့တောင်အာရှနိုင်ငံများအဖွဲ့အစည်း(ASEAN)မှခေါင်းဆောင်များ တွေ့ဆုံဆွေးနွေးကြမယ့် အမေရိကန်-အာဆီယံထိပ်သီးအစည်းအဝေးပွဲသို့ ဖိလစ်ပိုင်သမ္မတ'ရိုဒရီဂိုဒူတာတေ'တက်ရောက်မှာမဟုတ်ကြောင်း အသိပေးလိုက်ပါတယ်။

မကြာခင် အသစ်တက်ရောက်မယ့် အုပ်ချုပ်ရေးအစိုးရအဖွဲ့ လက်မခံနိုင်တဲ့အနေအထားဖြစ်မှာဆိုးတာကြောင့် အခုလိုဆုံးဖြတ်ချက်ချတာဖြစ်ကြောင်း ပြောကြားခဲ့ပါတယ်။

အမေရိကန်-အာဆီယံအစည်းအဝေးပွဲက မေလ ၁၁ ရက်နေ့မှ ၁၃ ရက်နေ့အထိကျင်းပမှာဖြစ်ပြီး ဖိလစ်ပိုင်သမ္မတရွေးကောက်ပွဲက မေလ ၉ ရက်နေ့မှာ ပြုလုပ်မှာဖြစ်ပါတယ်။

ဒါကြောင့် အမေရိကန်မှတာဝန်ရှိသူများက သူ့ကိုအစည်းအဝေးပွဲတက်စေချင်ရင်တောင် အစိုးရသစ်မျက်နှာရှိနေတာကြောင့် သင့်တော်မှာမဟုတ်ဘူးလို့ ပြောကြားခဲ့ပါတယ်။

အစည်းအဝေးပွဲကို မေလ ၁၂ နဲ့ ၁၃ ရက်နေ့တွေမှာပြုလုပ်သွားမယ်လို့ အိမ်ဖြူတော်က အစောပိုင်းကကြေညာထားပါတယ်။

သမ္မတ'ဒူတာတေ'က "အဲဒီအချိန်ရွေးကောက်ပွဲပြီးသွားလို့ နောက်သမ္မတအသစ်ကဘယ်သူလဲဆိုတာ ကျုပ်တို့အားလုံး သိပြီးသွားတဲ့အခါကျရင် ကျုပ်အနေနဲ့ အစည်းအဝေးပွဲတက်ရောက်ဖို့က မသင့်တော်တော့ပါဘူး။

သမ္မတအသစ်ရှိနေလျက်နဲ့ ကျုပ်ကအစည်းအဝေးပွဲသွားတက်တာမျိုးက မဖြစ်သင့်ပါဘူး" လို့ အင်္ဂါနေ့နံနက်ပိုင်းက မိန့်ခွန်းပြောကြားခဲ့တာကို ရုပ်သံလွှင့်ကြေညာခဲ့ပါတယ်။

"အစည်းအဝေးပွဲရောက်တဲ့အခါ ပြုလုပ်ရမယ့်လုပ်ငန်းဆောင်တာတွေ၊ လိုက်နာရမယ့်ကတိကဝတ်တွေပေးရတာမျိုး ရှိလာနိုင်ပါတယ်။ အသစ်တက်လာမယ့်အစိုးရအဖွဲ့လက်မခံနိုင်တဲ့ အခြေအနေမျိုးကို ကျုပ်ကျူးလွန်မိသွားမှာစိုးရိမ်ပါတယ်" လို့ ဇွန်လ ၃၀ ရက်နေ့မှာ သမ္မတရာထူးမှအနားယူမယ့် 'ဒူတာတေ'က ရှင်းပြသွားပါတယ်။

အမေရိကန်-အာဆီယံအစည်းအဝေးပွဲဟာ ပြီးခဲ့တဲ့မတ်လကကျင်းပရမှာဖြစ်ပေမယ့် ပဋိပက္ခတွေ၊ ယူကရိန်း-ရုရှားအရေးတွေကြောင့် နောက်ဆုတ်လိုက်ရတာဖြစ်ပါတယ်။

အခုကျင်းပမယ့်အစည်းအဝေးပွဲဟာ အမေရိကန်သမ္မတတစ်ယောက်က အာဆီယံခေါင်းဆောင်များကိုလက်ခံတွေ့ဆုံတဲ့ ဒုတိယမြောက်ထိပ်သီးအစည်းအဝေးပွဲဖြစ်လာမှာပါ။

အာဆီယံခေါင်းဆောင်တွေကို ပထမဆုံးလက်ခံတွေ့ဆုံခဲ့တဲ့အမေရိကန်သမ္မတကတော့ 'ဘာရက်အိုဘားမား'ဖြစ်ပါတယ်။

'အိုဘားမား'က ၂၀၁၆ ခုနှစ်ဖေဖော်ဝါရီလမှာ ကယ်လီဖိုးနီးယားပြည်နယ် ရန်ချိုမီရာ့ဂျ်မြို့ရှိ ဆန်နီလန်းစ်အိမ်ရာမှာ အာဆီယံခေါင်းဆောင်များနဲ့ အစည်းအဝေးပြုလုပ်ခဲ့တာဖြစ်ပြီး ဒီထိပ်သီးအစည်းအဝေးပွဲဟာ အရှေ့တောင်အာရှအပေါ် အမေရိကန်ရဲ့ အလေးထားမှုကို အလေးနက်ပြသတဲ့ ပြယုဂ်လည်းဖြစ်ပါတယ်။

Source: tribune.net.ph.
#Yangon_Media_Group

#DailyNews
Published -28 April 2022

၁။ နိုင်ငံခြားသားပြန်ဝင်နိုင်သည့် ကမ္ဘာ့အမွေအနှစ်ဒေသများတွင် လုံခြုံရေးစီမံချက်နှင့် ကိုဗစ်ကာကွယ်ရေးများ ကြိုတင်ပြင်ဆင်ထား

၂။ ပူတာအိုဒေသမှ စစ်ဘေးရှောင် ပြည်သူ ၂၀၀ ကျော်တို့ နေရပ်ပြန်ကြပြီ

၃။ မိုးလေဝသ သတင်း

၄။ နှစ်ပေါင်း(၄,၅၀၀)သက်တမ်းရှိ နတ်ဘုရားပုံကျောက်တုံးရုပ်ထု ဂါဇာကမ်းမြောင်တွင် တူးဖော်တွေ့ရှိ...အစရှိတဲ့သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_ 28 April 2022

Republic of the Tatastan သမ္မတ Mr. Rustam Nurgaliyevich Minnikhanov နှင့်ကိုယ်စားလှယ်အဖွဲ့ အလုပ်သဘောခရီးဖြင့် နေပြည်တော်သို့ ဧပြီ ၂၇ ရက် ညပိုင်းတွင် ရောက်ရှိလာကြောင်း သတင်းရရှိပါတယ်။

Republic of the Tatastan သမ္မတနှင့်အဖွဲ့အား SAC နိုင်ငံခြားရေးဝန်ကြီးဌာန၊ ဒုတိယဝန်ကြီး ဦးကျော်မျိုးထွဋ်၊ မြန်မာနိုင်ငံဆိုင်ရာ ရုရှားသံအမတ်ကြီး H.E. Dr. Nikolay LISTOPADOV တို့က နေပြည်တော်အပြည်ပြည်ဆိုင်ရာလေဆိပ်မှာ ကြိုဆိုနှုတ်ဆက်ခဲ့ကြ ပါတယ်။

Republic of the Tatastan သမ္မတနှင့်အဖွဲ့သည် မြန်မာနိုင်ငံရောက်ရှိစဉ် SAC တာဝန်ရှိသူများနှင့် တွေ့ဆုံဆွေးနွေးခြင်း၊ စီးပွားရေးဆိုင်ရာ ပူးပေါင်းဆောင်ရွက်မှုများအတွက် တွေ့ဆုံဆွေးနွေးမှုများ ပြုလုပ်သွားမယ်လို့ သိရပါတယ်။

SAC ဥက္ကဋ္ဌ၊ ဗိုလ်ချုပ်မှူးကြီး မင်းအောင်လှိုင်သည် ၂၀၂၁ ခုနှစ် ဇွန် ၂၅ ရက် တွင် Republic of the Tatastan သမ္မတ Mr. Rustam Nurgaliyevich Minnikhanov နှင့် Kazan မြို့တွင် တွေ့ဆုံဆွေးနွေးခဲ့ဖူးကြောင်း သိရပါတယ်။ Mr. Rustam Nurgaliyevich Minnikhanov သည် မြန်မာနိုင်ငံသို ၂၀၁၃ ခုနှစ်တွင်လည်း လာရောက်ခဲ့ပြီး ပူးပေါင်းဆောင်ရွက်မှုများ ဆွေးနွေးခဲ့ဖူးသည်။

ymg-mnn
#Yangon_Media_Group.

#LocalNews
Published - 28 April 2022

ဒီကနေ့ ဧပြီ ၂၈ ရက်၊ နံနက် ၁၀ နာရီ ၅ မိနစ်အချိန်ခန့်က လှိုင်သာယာ စက်မှုဇုန် - ၂ အတွင်းရှိ ဖိနပ်စက်ရုံတွင် မီးလောင်မှုဖြစ်ပွားခဲ့ပြီး အဆိုပါ မီးလောင်မှုကို Level (2)ယာဉ်အုပ်စုများဖြင့် ထွက်ခွာငြှိမ်းသတ်ခဲ့ရတယ်လို့ သိရပါတယ်။

ယင်းမီးလောင်မှုဟာ လှိုင်သာယာမြို့နယ်၊ စက်မှုဇုန်- ၂ အတွင်းရှိ ဦးထွန်းညိုလမ်းနှင့် ဦးချိန်လမ်းထောင့်ရှိ ဖိနပ်စက်ရုံတွင် ဖြစ်ပွားခဲ့ခြင်းဖြစ်ပြီး မီးလောင်မှုအကြောင်းအရင်းအသေးစိတ်ကို တော့ မသိရှိရသေးပါဘူး။

အဆိုပါ ဖိနပ်စက်ရုံမီးလောင်မှုကို နံနက် ၁၀ နာရီ ၃၆ မိနစ်အချိန်တွင် မီးထိန်းနိုင်ခဲ့ပြီး နံနက် ၁၀ နာရီ ၅ မိနစ်အချိန်တွင် ငြိမ်းသတ်နိုင်ခဲ့တယ်လို့ မီးသတ်တပ်ဖွဲ့က သတင်းထုတ်ပြန်ထားပါတယ်။

ဒါ့အပြင် မီးသတ်တပ်ဖွဲ့က မီးလောင်မှုအကြောင်းအရင်းကို စုံစမ်းစစ်ဆေးမှုတွေ ဆက်လက် ပြုလုပ်လျက်ရှိတယ်လို့လည်း သိရပါတယ်။

မီးလောင်မှုဖြစ်ပွားခဲ့တဲ့စက်ရုံဟာ နာမည်ကြီးဖိနပ်ထုတ်လုပ်တဲ့ စက်ရုံတစ်ရုံဖြစ်တယ်လို့လည်း
ကနဦး သတင်းရရှိပါတယ်။

Photo - CJ

ymg/kg
#Yangon_Media_Group

#LocalNews
Published -28Apr 2022

၂၀၂၂ခုနှစ်ဧပြီလ ၂၇ ရက်နေ့ ည ၆ နာရီခန့်က ထိုင်းနိုင်ငံတွင် ဂေါ်ဖီထုပ်ကားအတွင်း ပုန်းခိုလိုက်ပါလာတဲ့တရားမဝင် မြန်မာနိုင်ငံသား (၁၄) ဦးကို ထိုင်းရဲတပ်ဖွဲ့က တက်ခ်ခရိုင်အတွင်း ဖမ်းဆီးရမိခဲ့တယ်လို့ ထိုင်းနိုင်ငံရောက်မြန်မာ့အလုပ်သမားအရေးဆောင်ရွက်နေသူတွေဆီက သိရပါတယ်။

ထိုင်းနိုင်ငံ မဲဆောက်ဘက်မှ ဂေါ်ဖီထုပ်များသယ်လာတဲ့ ယာဥ်(၂)စီးကို စစ်ဆေးရာအတွင်းပိုင်းတွင် ပုန်းခိုလိုက်ပါလာတဲ့ မြန်မာနိုင်ငံသား (၁၂) ဦးဆီကို ရှာဖွေတွေ့ရခြင်းဖြစ်ကာ တရားဝင် အထောက်အထားမပါတဲ့ မြန်မာနိုင်ငံသား အမျိုးသား (၆)ဦး၊ အမျိုးသမီး (၈)ဦးနဲ့အတူ မော်တော်ယာဉ်မောင်းလာသည့် ထိုင်းနိုင်ငံသား အမျိုးသား (၂) ဦးတို့ကို ဖမ်းဆီးထိန်းသိမ်းခဲ့တာဖြစ်ပါတယ်။

ဧပြီလ ၂၇ ရက် နံနက် တစ်နာရီမထိုးမီအချိန်က ထိုင်းနိုင်ငံ ထစောင်ယန်ခရိုင်ခွဲ တတ်ခရိုင်တွင်း ကား ၂ စီး၊ ယာဉ်မောင်း ၂ ဦး အပါဝင် တရားမဝင် မြန်မာနိုင်ငံသား ၃၆ ဦး ဖမ်းဆီးရမိကြောင်း၊ယင်းတို့မှာပွဲစားခ ဘတ် ၂၃,၀၀၀ ပေးဆောင်၍ လာရောက်ခဲ့ကြသူများဖြစ်ကြောင်းနှင့် လက်ရှိတွင် ယင်းတို့ကို မဲ့မွေရဲစခန်းသို့ ဖမ်းဆီးပို့ဆောင်ထားကြောင်းလည်း သိရပါတယ်။

ဧပြီလ ၁၉ ရက်က ထိုင်းနိုင်ငံမဲ့တန်းမြို့နယ် ထစောင်ယန်ခရိုင်ခွဲတွင်း မြန်မာနိုင်ငံသား အမျိုးသား စုစုပေါင်း ၅၄ ဦး ၊ ဧပြီလ ၂၁ ရက်က တကိုခီးကျေးရွာ မဲ့ဥဆုမြို့နယ် ထာ့စောင်ယန်ခရိုင်တွင် ၄၆ ဦး၊ ဧပြီလ ၂၂ ရက်က တတ်ခရိုင် ထာ့စောင်ယန်ခရိုင်ခွဲတွင် ၃၄ ဦး၊ ဧပြီလ ၂၄ ရက်နှင့် ဧပြီလ ၂၅ ရက်က ကန်ကျနဘုရီပြည်နယ်အတွင်း နေရာ ၅ နေရာ၌ ၇၅ ဦး အသီးသီး ဖမ်းဆီးရမိခဲ့သေးကြောင်း သိရပါတယ်။

ymg/hm
#Yangon_Media_Group

#WorldHealth
Published 28 April 2022

ဘီယာအရက်စွဲလမ်းသူတွေမှာ နှလုံးရောဂါနဲ့ဆက်စပ်နေတဲ့ အဆီဖုံးခြင်းအန္တရာယ်မြင့်မားပေမယ့် ဝိုင်ကြိုက်နှစ်သက်သူတွေမှာတော့ အဆီဖုံးခြင်းအန္တရာယ်ကာကွယ်နိုင်ကြောင်း လေ့လာတွေ့ရှိချက်တစ်ခုမှာ အကြံပြုထားပါတယ်။

ကိုယ်တွင်းအင်္ဂါများတဝိုက်မှာ အဆီစုပုံလာခြင်းဖြင့် ကျန်းမာရေးပြဿနာမျိုးစုံဖြစ်ပေါ်လာနိုင်ပြီး ဝိုင်နီသောက်သုံးခြင်းဖြင့် အဆိုပါကိုယ်တွင်းအင်္ဂါအဆီဖုံးခြင်းအန္တရာယ်ကို အမှန်တကယ်လျှော့ချပေးနိုင်ကြောင်း ဖော်ပြထားပါတယ်။

ဝိုင်ဖြူကတော့ အင်္ဂါအဆီဖုံးခြင်းအန္တရာယ်ကို ကာကွယ်နိုင်စွမ်းမရှိပေမယ့် အရက်သောက်သူတွေလိုတော့ အဆီစုပုံလာခြင်းမဖြစ်ကြောင်း တွေ့ရှိရပါတယ်။

ဒါ့အပြင် ဝိုင်ဖြူကို သင့်တင့်တဲ့ပမာဏသောက်သုံးခြင်းက အရိုးကျစ်လစ်သန်မာစေပြီး အသက်အရွယ်ကြီးလာတဲ့အခါ အရိုးကျိုးအက်ခြင်းမှကာကွယ်ပေးနိုင်ပါတယ်။

အသက် ၄၀ မှ ၇၉ နှစ်အတွင်း အင်္ဂလိပ်လူမျိုး ၂,၀၀၀ နီးပါးကို စမ်းသပ်လေ့လာခဲ့ကြရာမှာ ဘီယာစွဲလမ်းသူတွေက ခါးတုတ်လာနိုင်တယ်လို့ ပြောပြပါတယ်။

သုတေသီတို့က လူကြီးနဲ့လူလတ်ပိုင်းတွေကို အသင့်အတင့်သာသောက်သုံးဖို့ တိုက်တွန်းသင့်ပေမယ့် ကိုယ်အလေးချိန်တက်ခြင်းကိုလျှော့ချဖို့ဆိုရင် အရက်ဘီယာအစား ဝိုင်ကိုသောက်သုံးသင့်ကြောင်း ဆိုပါတယ်။

အရိုးပွရောဂါဖြစ်နိုင်ချေရှိသူတွေဟာလည်း ဝိုင်ဖြူကိုသာ ဦးစားပေးသောက်သုံးသင့်တယ်လို့ ထပ်မံအကြံပြုထားပါတယ်။

Obesity Science & Practice ဂျာနယ်မှာဖော်ပြချက်အရ အရက်ဘီယာသောက်သုံးလေ့ရှိသူတွေကို စစ်တမ်းကောက်လေ့လာရာမှာ တစ်ပတ်ကို ၁၀ ခွက်ခန့်သောက်သုံးတယ်လို့ သိရပါတယ်။

အမျိုးသားအများစုက ဘီယာသောက်သုံးပြီး အရက်အမျိုးအစားကတော့ အထူးတလည်ရွေးချယ်တာမျိုးမရှိဘဲ အမျိုးသမီးတွေကတော့ ဝိုင်ကိုသာ ဦးစားပေးသောက်သုံးလေ့ရှိပါတယ်။

ဘီယာနဲ့အရက် သောက်သုံးလေ့ရှိသူတွေက ဝမ်းတွင်းအင်္ဂါအဆီဖုံးနိုင်ချေ ပိုများတာကိုတွေ့ရှိခဲ့ကြပါတယ်။

ဘီယာက အယ်လ်ကိုဟောပမာဏအနည်းဆုံးပါဝင်ပေမယ့် ကာဗိုဟိုက်ဒရိတ်တွေနဲ့ ကယ်လိုရီမြင့်မားစွာပါဝင်တာကြောင့် အဆီပိုဖုံးနိုင်ပါတယ်။

ဝိုင်နီမှာတော့ ကောင်းကျိုးပြုကိုလက်စ်ထရောတွေပါဝင်ပြီး အဆီဖုံးခြင်းမျိုးဖြစ်နိုင်ချေ နည်းပါးပါတယ်။

ဒါ့အပြင် နှလုံးရောဂါဖြစ်နိုင်ချေနည်းပါးခြင်း၊ အသင့်အတင့်သောက်သုံးတဲ့အခါ သွေးပေါင်ချိန်တိုးခြင်းတို့ ဖြစ်တတ်ပါတယ်။

အရိုးသိပ်သည်းဆနည်းတဲ့လူတွေကတော့ ဝိုင်ဖြူကို အဓိကထားသောက်သုံးဖို့ အကြံပြုထားကြပါတယ်။

Source: DailyMail
#Yangon_Media_Group

#Local_News
Published_ 28 April 2022

မြန်မာနိုင်ငံရှိ ကလေးငယ် ၇ သိန်းခန့်ဟာ ပုံမှန်ကာကွယ်ဆေးထိုးနှံမှုများ မရရှိခဲ့တဲ့အတွက် ကလေးငယ်များမှာ ကာကွယ်ဆေးနဲ့ကာကွယ်နိုင်တဲ့ ရောဂါများ ဖြစ်ပွားနိုင်တဲ့အန္တရာယ်များ ကြုံတွေ့နိုင်တယ်လို့ ယူနီဆက်က ထုတ်ပြန်ပါတယ်။

အားလုံး အသက်ရှည်ရှည်နေထိုင်နိုင်ရေးအတွက် ကာကွယ်ဆေးထိုးနှံမှုကို ဦးစားပေးဆောင်ရွက်ဖို့လိုအပ်တယ်လို့ ယူနီဆက်ရဲ့ထုတ်ပြန်ချက်မှာ ဖော်ပြထားပါတယ်။ ကာကွယ်ဆေးနဲ့ ကာကွယ်နိုင်တဲ့ ရောဂါများဖြင့် ကလေးငယ်များ သေဆုံးရခြင်းကို ရပ်တန့်ဖို့အတွက် ကာကွယ်ဆေးက အရေးပါတဲ့ အခန်းကဏ္ဍက ပါဝင်ပါတယ်။

မတ်လအတွင်းမှာ ယူနီဆက်က ရှမ်း၊ ရခိုင်နဲ့ ကချင်ပြည်နယ်အတွင်းက ကလေးငယ်၊ ကိုယ်ဝန်ဆောင်နဲ့ နို့တိုက်မိခင်ဦးရေ ရှစ်ထောင်ကျော်အတွက် အသင့်စား ကုထုံးအစားအစာများ၊ အနုအာဟာရဓာတ်များနဲ့ ဗီတာမင်အေကဲ့သို့ မရှိမဖြစ်အရေးပါတဲ့ အာဟာရထောက်ပံ့ပစ္စည်းများကို ပံ့ပိုးပေးခဲ့ပါတယ်။

ထို့ပြင် ရန်ကုန်တိုင်းဒေသကြီး၊ ရခိုင်ပြည်နယ်၊ ကရင်ပြည်နယ်နဲ့ ကချင်ပြည်နယ် တွေမှာ ပေါင်းစပ်အာဟာရစီမံချက်ကို ဆက်လက်အကောင်အထည်ဖော်လျှက်ရှိပြီး ကလေးငယ်နဲ့ အမျိုးသမီးဦးရေစုစုပေါင်း ၄၅,၀၀၀ ခန့်ကို ပြင်းထန်အာဟာရချို့တဲ့ ဝေဒနာစောင့်ကြည့်စစ်ဆေးခြင်းနဲ့ ကုသခြင်းများပြုလုပ်ပေးခဲ့ကာ အနုအာဟာရဖြည့်စွက်စာများလည်း ပံ့ပိုးပေးခဲ့ပါတယ်။

မတ်လအတွင်းမှာ ရခိုင်ပြည်နယ်၊ ကချင်ပြည်နယ်၊ ရှမ်းပြည်နယ်၊ ကရင်ပြည်နယ်နဲ့ ရန်ကုန်တိုင်းဒေသကြီးတို့ရှိ လူဦးရေ နှစ်သောင်းသုံးထောင်ကျော်ကို အခြေခံကျန်းမာရေး စောင့်ရှောက်မှုများ ပံ့ပိုးပေးခဲ့တယ်လို့ ယူနီဆက်က ဆိုပါတယ်။

ymg-mnn
#Yangon_Media_Group.