#WorldHealth
Published - 13 March 2022
ကိုဗစ်ကပ်ရောဂါဖြစ်ပွားပြီး သေဆုံးခဲ့ရသူအရေအတွက်ဟာ တရားဝင်ခန့်မှန်းချက်တွေထက် ၃ ဆလောက်ပိုများနေနိုင်ပြီး ကမ္ဘာဒေသအနှံ့အပြားနဲ့နိုင်ငံအများအပြားမှာ လက်တွေ့သေဆုံးသူအရေအတွက်နဲ့ ခန့်မှန်းတွက်ချက်တွေအကြား ကွာဟချက်အင်မတန်ကြီးမားနေကြောင်း လေ့လာတွေ့ရှိထားပါတယ်။

ကပ်ရောဂါဖြစ်ပွားပြီး ၂ နှစ်အတွင်း ကိုဗစ်ရောဂါကြောင့်လူပေါင်း ၁၈.၂ သန်းသေဆုံးထားပြီး ခန့်မှန်းထားတာထက် ပိုများနေခဲ့ကြောင်း သုတေသီများတွေ့ရှိထားပါတယ်။
ဖြစ်နိုင်တဲ့အကြောင်းအရင်းတွေကတော့ ရောဂါပိုးစမ်းသပ်မှုနည်းပါးပြီး သေဆုံးမှုနှုန်းအချက်အလက်တွေက စိတ်ချရခြင်းမရှိတာတွေကြောင့်ဖြစ်ကာ တရားဝင်ခန့်မှန်းချက်အရ အကြမ်းဖျင်း ၅.၉ သန်းသေဆုံးနိုင်ကြောင်း ခန့်မှန်းခဲ့ကြတာဖြစ်ပါတယ်။

 တစ်ကမ္ဘာလုံးအတိုင်းအတာနဲ့ကြည့်ရင် စပိန်တုပ်ကွေးရောဂါပြီးကတည်းက သေဆုံးမှုနှုန်းအများဆုံးရောဂါဖြစ်နေကြောင်း ဝါရှင်တန်တက္ကသိုလ်မှ ကျန်းမာရေးတွက်ချက်ခန့်မှန်းရေးရာညွှန်ကြားရေးမှူး 'ခရစ္စတိုဖာဂျေအယ်လ်မာရေး'က ပြောကြားလိုက်ပါတယ်။

၁၉၁၈ ခုနှစ်က တုပ်ကွေးကပ်ရောဂါကြောင့် အနည်းဆုံးလူသန်း ၅၀ သေဆုံးခဲ့ပြီး အခုအခါကိုဗစ်ရောဂါကြောင့် တစ်ကမ္ဘာလုံးသေဆုံးမှုနှုန်း ၁၇ ရာခိုင်နှုန်းမြင့်တက်လာခဲ့ပါတယ်။
သေဆုံးသူအရေအတွက်လျှော့တွက်တာမျိုး မပြုလုပ်ဖို့နဲ့ ကပ်ရောဂါကြောင့် အများအပြားသေဆုံးမှုတို့ကို အလေးထားဖို့အရေးကြီးနေပြီဖြစ်ပါတယ်။

သေဆုံးသူအရေအတွက် အလွန်များပြားနေခြင်းက ကိုဗစ်ကပ်ရောဂါနဲ့တိုက်ရိုက်သက်ဆိုင်နေပြီး အချို့သေဆုံးမှုတွေက ကိုဗစ်ရောဂါနဲ့သွယ်ဝိုက်ပတ်သက်လျက်ရှိပါတယ်။
ကျန်းမာရေးအသိနည်းပါးခြင်း၊ ကပ်ရောဂါကာလအတွင်း ကျန်းမာရေးဝန်ဆောင်မှုမရှိခြင်း၊ မိမိကိုယ်ကိုအဆုံးစီရင်ခြင်းနဲ့ ဆေးစွဲခြင်းတို့ဖြစ်လာနိုင်တဲ့ အပြုအမူပြောင်းလဲခြင်းတွေနဲ့လည်း သက်ဆိုင်နေပါတယ်။

ကိုဗစ်ရောဂါကြောင့်သေဆုံးမှုအချက်အလက်တွေကို မှန်မှန်ကန်ကန်ရှာဖွေနိုင်မှ အစိုးရအနေနဲ့ ပြည်သူတွေကိုကာကွယ်ဖို့ မှန်ကန်တဲ့ကျန်းမာရေးဆောင်ရွက်ချက်တွေကို ဆုံးဖြတ်ချက်ချနိုင်မှာဖြစ်ကြောင်း Bloomberg မှ ကျန်းမာရေးအချက်အလက်ပြုစုချက်တွေကို ဦးဆောင်ပြုလုပ်နေတဲ့ 'ဂျန်နီဖာအဲလစ်'က တိုက်တွန်းလိုက်ပါတယ်။

နိုင်ငံ ၃၆ နိုင်ငံကသာ ၂၀၂၀ အတွင်း အသက်သေဆုံးခဲ့သူတွေရဲ့ သေဆုံးရသည့်အကြောင်းအရင်းများကို ဖော်ပြခဲ့ကြပါတယ်။အချက်အလက်မတင်ပြတဲ့နိုင်ငံတွေရဲ့ သေဆုံးသူအရေအတွက်တွေကိုတော့ ခန့်မှန်းတွက်ချက်ခဲ့ကြပါတယ်။

တောင်အာရှဒေသမှာ တင်ပြချက်ထဲကထက် သေဆုံးသူအရေအတွက် ၉ ဆခွဲပိုများနေပြီး ဆာဟာရာအာဖရိကအပိုင်းမှာတော့ ၁၄.၂ ဆပိုများနေခဲ့ပါတယ်။

နှာခေါင်းစည်းတပ်ဆင်ခြင်း၊ ခပ်ခွာခွာနေထိုင်ခြင်း၊ အခြားကာကွယ်ရေးအတိုင်းအတာများဆောင်ရွက်ခြင်းဖြင့် ရောဂါကူးစက်မှုကိုလျှော့ချနိုင်ပြီး သေဆုံးမှုနှုန်းလျော့နည်းစေနိုင်မှာဖြစ်ပါတယ်။

ခန့်မှန်းသေဆုံးမှုနှုန်းအနည်းဆုံးနိုင်ငံတွေကတော့ အိုက်စ်လန်၊ ဩစတြေးလျ၊ စင်္ကာပူ၊ နယူးဇီလန်တို့ဖြစ်ပါတယ်။အဝလွန်ရောဂါရှိခြင်းနဲ့ အသက်အရွယ်ကြီးခြင်းတို့ကလည်း အသက်သေဆုံးမှုဖြစ်နိုင်တဲ့ အဓိကအချက်တွေဖြစ်ပါတယ်။
Source: Bloomberg

#Local_Health
Published_ 13 March 2022

ထိုင်းနိုင်ငံမှ မြန်မာနိုင်ငံပြည်သူများသို့လှူဒါန်းသည့် ကိုဗစ်-၁၉ ကာကွယ်ဆေး AstraZeneca အမှတ်တံဆိပ် ၁ သန်း doses အနက် ပထမအသုတ် ကာကွယ်ဆေး ၅ သိန်း Doses နှင့် ဆေးထိုးအပ် ၅ သိန်းအား မြန်မာနိုင်ငံ ကြက်ခြေနီအသင်းသို့ လွှဲပြောင်းပေးအပ်ပွဲကို ယနေ့နံနက်ပိုင်းက ရန်ကုန်အပြည်ပြည်ဆိုင်ရာလေဆိပ် ဧည့်ခန်းမဆောင်၌ ပြုလုပ်ခဲ့ပါတယ်။

အခမ်းအနားသို့ မြန်မာနိုင်ငံ ကြက်ခြေနီအသင်းမှ အချိန်ပြည့်အလုပ်အမှုဆောင် ဒေါက်တာတင်ညွန့်၊ အထွေထွေအတွင်းရေးမှူး ပါမောက္ခဒေါက်တာထင်ဇော်စိုး၊ ရန်ကုန်တိုင်းဒေသကြီး ကျန်းမာရေးဦးစီးဌာနမှ ညွှန်ကြားရေးမှူး ဒေါက်တာ ရန်နောင်ထွန်းနှင့် တာဝန်ရှိသူများ၊ မြန်မာနိုင်ငံဆိုင်ရာ ထိုင်းနိုင်ငံသံရုံးမှ Charge d' affaires, Mrs.Kanokwan Pengsuwan, Minister Counsellor- Ms.Chana Sindhvananda ၊ First Secretary, Ms.Chalermkwan Worranit နှင့် နိုင်ငံခြားရေး ဝန်ကြီးဌာနမှ တာဝန်ရှိသူများ တက်ရောက်ခဲ့ပါတယ်။

ယခုလှူဒါန်းတဲ့ ကိုဗစ်-၁၉ ရောဂါကာကွယ်ဆေးများကို နယ်စပ်ဒေသများ အပါအဝင် ကာကွယ်ဆေး လွှမ်းခြုံမှုနည်းပါးလျက်ရှိသည့် ဒေသများတွင် ဦးစားပေး၍ ထိုးနှံပေးသွားမယ်လို့ သိရပါတယ်။

ကျန်းမာရေးဝန်ကြီးဌာနအနေဖြင့် ပြည်ထောင်စုနယ်မြေ၊ နေပြည်တော်နှင့် တိုင်းဒေသကြီး/ ပြည်နယ်များတွင် မတ် ၁၂ ရက်အထိ လူဦးရေ စုစုပေါင်း (၂၄ ဒသမ ၇) သန်းကို ထိုးနှံပေးပြီးဖြစ်၍ ကာကွယ်ဆေးနှစ်ကြိမ် အပြည့်ထိုးနှံပြီးစီးသူ (၂၁ ဒသမ ၄) သန်းနှင့် ပထမအကြိမ် ထိုးနှံပြီးစီးသူ (၃ ဒသမ ၃) သန်း ရှိပြီဖြစ်ကြောင်း သိရပါတယ်။

မတ်လ ၁၂ ရက်အထိ မြန်မာနိုင်ငံတွင် ကိုဗစ်-၁၉ ရောဂါကာကွယ်ဆေးအကြိမ်ရေ စုစုပေါင်း (၄၇ ဒသမ ၀၁) သန်း ထိုးနှံပြီးဖြစ်ပါတယ်။

#ymg_mnn
#Yangon_Media_Group

#LocalNews
Published - 13 Mar 2022

မတ်လ ၁၂ ရက်နေ့က ရန်ကုန်-မန္တလေးအမြန်လမ်းမကြီးပေါ်ရှိတံတားတစ်ခုပေါ်မှ ယာဥ်တစ်စီးထိုးကျတိမ်းမှောက်ရာ ယာဥ်ပေါ်ပါလာသူနှစ်ဦး သေဆုံးသွားတယ်လို့ သိရပါတယ်။

ဖြစ်စဥ်မှာ ယမန်နေ့ ၃ နာရီ မိနစ် ၄၀ အချိန်ရန်ကုန်-မန္တလေး အမြန်လမ်းမကြီးပေါ်တွင် ရန်ကုန်ဘက်မှမောင်းနှင်လာသည့် ယာဉ်မောင်း ဦးဝင်းနိုင်ဦး မောင်းနှင်လာသော ယာဉ်အမှတ် 6Q/1259 better အဖြူ ရောင်ယာဉ်သည် ရှေ့ဘီးပေါက်ကာ အရှိန်မထိန်းနိူင်ဘဲ အမြန်လမ်း မိုင်တိုင် ၁၇၀/၁ ဖါလုံ အနီးရှိ ဂုံမင်းကွင်းတံတားအောက်သို့ထိုးကျပြီး ယာဉ်တိမ်းမှောက်မှုဖြစ်ပွားခဲ့တယ်လို့ သိရပါတယ်။

ယာဥ်တိမ်းမှောက်မှုကြောင့် ယာဉ်ပေါ်တွင်ပါလာသော ယာဉ်မောင်း ဦးဝင်းနိုင်ဦးနှင့်အတူပါလာသော မဖြူ နှင်းအေး တို့ ၂ ဦးလုံးသေဆုံးခဲ့ပြီး ယာဉ်အမှတ် HSE/2577 မေတ္တာရှင် ပရဟိတ နာရေကူညီမှုအသင်းကားဖြင့် ဖြူးမြို့ ပြည့်သူ့ဆေးရုံသို့ ပို့ဆောင်ခဲ့တယ်လို့ သိရပါတယ်။

ymg/hm
#Yangon_Media_Group

#WorldHealth
Published - 13 March 2022
ကိုဗစ်ရောဂါကုသရာမှာအသုံးပြုတဲ့ ဆိုထရိုဗီမက်(Sotrovimab)ဆေးဟာ ကိုရိုနာဗိုင်းရပ်စ်မှာ ဆေးယဉ်ပါးနိုင်သည့်သန္ဓေပြောင်းလဲခြင်းမျိုး ဖြစ်ပေါ်နိုင်ပြီး ကူးစက်ပျံ့ပွားနိုင်ကြောင်း ဩစတြေးလျဗိုင်းရပ်စ်ကျွမ်းကျင်ပညာရှင်တွေက ထုတ်ဖော်ပြောကြားလိုက်ပါတယ်။

ဒီအကြောင်းအရာကို ပထမဆုံးတွေ့ရှိခဲ့တာဖြစ်ပြီး နယူးအင်္ဂလန်ဆေးဘက်ဆိုင်ရာဂျာနယ်မှာ ကြာသပတေးနေ့က ဖော်ပြခဲ့ပါတယ်။ ဒီလေ့လာချက်ကို ၂၀၂၁ ခုနှစ် ဒယ်လ်တာမျိုးဗီဇကွဲကူးစက်ပျံ့ပွားမှုလွှမ်းမိုးချိန်မှာ ဆစ်ဒနီအနောက်ပိုင်းရှိ ဆိုထရိုဗီမက်ဆေးပေးထားတဲ့လူနာပေါင်း ၁၀၀ နဲ့ စမ်းသပ်ခဲ့တာဖြစ်ပါတယ်။

ဆိုထရိုဗီမက်ဆေးဟာ monoclonal antibody အခြေပြုကိုဗစ်ကုသဆေးဖြစ်ပြီး နိုင်ငံအများအပြားမှာရရှိနိုင်ပါတယ်။ ဒီဆေးကို ကိုဗစ်ရောဂါကြောင့်အသက်အန္တရာယ်ရှိနေတဲ့လူနာတွေမှာ အသုံးပြုနိုင်ပါတယ်။

ကိုဗစ်ရောဂါပိုးကူးစက်ခံရပြီး ပထမဆုံး ၅ ရက်အတွင်း အဆိုပါဆေးကိုကိုယ်ခန္ဓာထဲထိုးသွင်းရတာဖြစ်ပြီး ရောဂါလက္ခဏာဆိုးရွားလာခြင်းမှ တားဆီးကာကွယ်ပေးနိုင်ပါတယ်။
အိုမီခရွန်မျိုးဗီဇကွဲကိုကုသကာကွယ်နိုင်တဲ့ monoclonal antibody ဆေးအမျိုးအစားအနည်းငယ်ထဲက တစ်မျိုးလည်းဖြစ်ပါတယ်။

ဆေးကုသမှုခံယူပြီး ၆ ရက်မှ ၁၃ ရက်အတွင်း ဆိုထရိုဗီမက်ဆေးယဉ်ပါးခြင်းကို ကြုံတွေ့ရတဲ့လူနာ ၄ ဦးရှိခဲ့ကြောင်း ဦးဆောင်လေ့လာမှုပြုသူ ဒေါက်တာ'ရေဗက်ကာရော့ကက်'က ပြောကြားခဲ့ပါတယ်။ကိုဗစ်လူနာတွေကို ဆေးကုသမှုပေးပြီး နောက်ထပ်စစ်ဆေးမှုတွေတော့ ပြုလုပ်နိုင်ခဲ့ခြင်းမရှိခဲ့ကြပါဘူး။

လူနာတွေကိုစောင့်ကြည့်လေ့လာနေဖိုက အရေးကြီးပါပြီး ဗိုင်းရပ်စ်သန္ဓေပြောင်းလဲခြင်းဖြစ်ပေါ်နေတဲ့လူနာတွေကိုတွေ့ရှိပါက 'ရော့ကက်'နဲ့အဖွဲ့မှပညာရှင်တွေဟာ အဆိုပါသန္ဓေပြောင်းဗိုင်းရပ်စ်ကိုရယူပြီး စမ်းသပ်လေ့လာလို့ရပါတယ်။

ဆေးယဉ်ပါးဗိုင်းရပ်စ်ပေါ်ပေါက်လာရင် လူတွေကြားမှာရောဂါကူးစက်ပျံ့ပွားမှုဖြစ်လာပြီး ဒီဆေးကိုအသုံးပြုနိုင်တော့မှာမဟုတ်ပါဘူး။ဆေးယဉ်ပါးဗိုင်းရပ်စ်ရှိနေတဲ့လူနာတွေကို သီးခြားခွဲနေထိုင်ခိုင်းရာမှာ ပိုမိုအချိန်ကြာရှည်လာမှာဖြစ်ပြီး အိမ်သားတွေနဲ့လည်း ခွဲခွာနေထိုင်နေရမှာဖြစ်ပါတယ်။

ဒီလိုသန္ဓေပြောင်းလဲခြင်းက အလွန်ရှားပါးလှပြီး သေချာစောင့်ကြည့်နေမှ သိရှိနိုင်မှာဖြစ်ပါတယ်။ဆေးယဉ်ပါးလာတဲ့သန္ဓေပြောင်းလဲခြင်းကို လူနာအများအပြားနဲ့စမ်းသပ်ရာမှာလည်း ဆက်လက်မြင်တွေ့နေရကြောင်း ဒီဆေးကိုထုတ်လုပ်တဲ့ GSK ကုမ္ပဏီက ပြောကြားလိုက်ပါတယ်။

ဒီလိုတွေ့ရှိချက်တွေပေါ်လာပေမယ့်လည်း ရောဂါဆိုးရွားလာနိုင်တဲ့သူတွေမှာ ဆိုထရိုဗီမက်ဆေးအသုံးပြုခြင်းကြောင့် ရလာနိုင်တဲ့အကျိုးကျေးဇူးတွေကို ပြောင်းလဲပစ်နိုင်မှာမဟုတ်ပါဘူး။
Source: The Guardian.

#LocalNews
Published_13 March 2022

မြန်မာနိုင်ငံကူးလက်မှတ် (Passport) လျှောက်ထားလိုသူများအနေနှင့် မတ်လ ၂၁ ရက် (တနင်္လာနေ့) မှ စတင်၍ Online Booking စနစ်ဖြင့်ရက်ချိန်းရယူပြီးမှသာ Passport လျှောက်ထားနိုင်တော့မည်ဖြစ်ကြောင်း မြန်မာနိုင်ငံကူးလက်မှတ်ထုတ်ပေးရေးအဖွဲ့က သိရသည်။

မြန်မာနိုင်ငံကူးလက်မှတ်ထုတ်ပေးရေးအဖွဲ့မှ တစ်နေ့လျှင် မြန်မာနိုင်ငံကူးလက်မှတ်လျှောက်ထားသူ ၂,၅၀၀ ဦးခန့်အား နေ့စဉ်ဆောင်ရွက်ပေးလျက်ရှိရာ လူအများအပြားလာရောက်ကြိုတင်တန်းစီနေကြရသောကြောင့် အချိန်ကြာမြင့်စွာတန်းစီစောင့်ဆိုင်းရသည့်အတွက် ကိုဗစ်-၁၉ ရောဂါအန္တရာယ်မှ လျော့နည်းလာစေရန်အတွက် ပြောင်းလဲရခြင်းဖြစ်ကြောင်း မြန်မာနိုင်ငံကူးလက်မှတ်ထုတ်ပေးရေးအဖွဲ့က ထုတ်ပြန်ထားသည်။

နိုင်ငံကူးလက်မှတ်လျှောက်ထားလိုသူများအနေဖြင့် လျှောက်ထားသူတစ်ဦးချင်း၏ အမည်၊ အဘအမည်၊ မွေးနေ့၊ နိုင်ငံသားစိစစ်ရေးကတ်အမှတ်၊ ကျား၊မ စသည့် အချက်အလက်များကို website တွင် မှန်ကန်စွာဖြည့်သွင်း၍ Online Booking ရက်ချိန်းရယူကြရမည်ဖြစ်ကြောင်းနှင့် Online Booking စနစ်နှင့်ပတ်သက်၍ အသေးစိတ်အချက်အလက်များကို www.passport.gov.mm တွင် ဝင်ရောက်ကြည့်ရှုနိုင်မည် ဖြစ်ကြောင်းလည်း သိရသည်။

ymg/mt
#Yangon_Media_Group

#WorldEntertainment
Published 12 March 2022

တောင်ကိုရီးယားမှ ကမ္ဘာကျော်ကေပေါ့ပ်ဂီတအဖွဲ့ဖြစ်တဲ့ BTS အဖွဲ့ဟာ ၂၀၁၉ ခုနှစ် ကိုဗစ်ကပ်ရောဂါစတင်ပျံ့ပွားပြီးနောက်ပိုင်း ဆိုးလ်မြို့မှာပထမဆုံးအကြိမ်အဖြစ် စင်မြင့်ပေါ်မှာဖျော်ဖြေခဲ့ကြပါတယ်။

#Yangon_Media_Group

#LocalNews
Published_12 March 2022

သက်ဆိုင်ရာကနေ ကုန်ကားကြီးသမားတွေအတွက် စက်သုံးဆီအထူးဆိုင်တွေ သတ်မှတ်ပြီးရောင်းတာကို ထိထိမိမိလုပ်ပေးဖို့လိုတယ်လို့ မြန်မာနိုင်ငံ အဝေးပြေးကုန်စည်ပို့ဆောင်ရေး လုပ်ငန်းရှင်တွေက ဆိုပါတယ်။

#Yangon_Media_Group

#HealthMatter
Published - 12 March 2022

၁။ စိတ်ထောင်းလိုကိုယ်ကြေ ဆိုတဲ့ မြန်မာဆိုရိုးတစ်ခုဟာ ကိုဗစ်ကပ်ဘေးမှာ ဘယ်လောက်အထိမှန်သလဲ ??

၂။ ဘာကြောင့်ကိုဗစ်နှင့်ဆက်စပ်ပြီး စိတ်ပိုင်းဆိုင်ရာဝေဒနာတွေကို မီးမောင်းထိုးပြနေကြတာလဲ??

၃။ စိတ်ဝေဒနာအသက်သာဆုံးဖြစ်အောင် ဘယ်လိုပြုမူနေထိုင်သင့်ပါသလဲ ?? .. ဆိုတဲ့ အကြောင်းအရာတွေနဲ့ပတ်သက်ပြီး ဆရာကြီးဒေါက်တာခင်မောင်လွင်က ယခုလို ဆွေးနွေးပြောဆိုထားပါတယ်။

#Yangon_Media_Group

#LocalNews
Published_ 12 March 2022

စက်သုံးဆီဈေးတွေ မြင့်တက်နေပေမယ့်လည်း ရခိုင်ပြည်နယ်ကို ပြေးဆွဲနေတဲ့ အဝေးပြေးယာဉ်လိုင်းတွေ ဈေးမတက်သေးဘဲ ပုံမှန်ပြေးဆွဲနေသေးတယ်လို့ အောင်မင်္ဂလာအဝေးပြေး ယာဉ်ရပ်နားစခန်းမှာရှိတဲ့ ရခိုင်ဂိတ်တာဝန်ရှိသူတွေက တညီတညွတ်တည်း ပြောဆိုကြပါတယ်။

#Yangon_Media_Group

Published 12 March 2022

တရုတ်နိုင်ငံဟာ  နိုင်ငံတကာအသိုင်းအဝန်းဟာ အမေရိကန်ပြည်ထောင်စုရဲ့ ဇီဝဆိုင်ရာစစ်ရေးလှုပ်ရှားမှုတွေကို ကာလရှည်ကြာကတည်းက စိုးရိမ်မှုတွေရှိခဲ့ကြပြီး ဘယ်နိုင်ငံပဲ ဘာအကြောင်းပြချက်ကြောင့်ပဲဖြစ်ဖြစ် ဇီဝနှင့်ဓာတုလက်နက်တွေ ထုတ်လုပ်တာကို ပြတ်သားစွာကန့်ကွက်တယ်လို့ ကုလသမဂ္ဂဆိုင်ရာ တရုတ်အမြဲတမ်းကိုယ်စားလှယ် ကျန့်ဂျွန်က မတ်(၁၁)ရက်က ပြောပါတယ်။

ယူကရိန်းမှာ  အမေရိကန်ရဲ့စစ်ရေးဆျုင်ရာ ဇီဝသုတေသနလုပ်ငန်းတွေရှိတယ်ဆိုပြီး ရုရှားကစွပ်စွဲတဲ့အတွက် ကျင်းပတဲ့ ကုလသမဂ္ဂလုံခြုံရေးကောင်စီအစည်းအဝေးမှာ တရုတ်အမြဲတမ်းကိုယ်စားလှယ်က အဲသလိုပြောကြားခဲ့တာပါ။ 

Source CMG

#LocalNews
Published - 12 March 2022

အခုလက်ရှိမှာ ငါးသံယံဇာတမဆုံးရှုံးစေဖို့ နှစ်စဉ် ငါးမဖမ်းရရာသီကို တစ်လစောပြီးသတ်မှတ်လာပါတယ်။ အရင်က ငါးမဖမ်းရရာသီကို မေ၊ ဇွန်၊ ဇူလိုင် မှာ သတ်မှတ်ခဲ့ပြီး အခုနှစ်မှာတော့ တစ်လစောကာ လာမယ့် ဧပြီ၊ မေ၊ ဇွန် ၃ လကို သတ်မှတ်လိုက်တာပါ။

#Yangon_Media_Group

#LocalNews
Published- 12 Mar 2022

လတ်တလောမြင့်တက်နေတဲ့ စက်သုံးဆီးစျေးကြောင့် နယ်မြို့တွေကနေ ကျန်တိုင်းဒေသကြီးတွေကဆေးရုံကြီးတွေကို လူနာလွဲပြောင်းဖို့အတွက် လူနာပို့ဆောင်ရာမှာအခက်အခဲဖြစ်လာနေတယ်လို့ နယ်မြို့တွေက ပရဟိတအသင်းတွေဆီကနေ သိရပါတယ်။

#Yangon_Media_Group