Published-23 July 2022

ထိုင်း ဝန်ကြီးချုပ် ပရာရွတ်ချန်အိုချာနှင့် သူ့ရဲ့ ဝန်ကြီး၁၀ ဦးကို စနေနေ့က အယုံအကြည်မရှိ အဆို ပါလီမန်တွင် မဲခွဲရာမှာ အဆိုရှုံးနိမ့်ခဲ့ပါတယ်။ ဒါဟာ ရွေးကောက်ပွဲကျင်းပဖို့ ၁၁လ အလိုမှာ ပရာရွတ်ကို နောက်ဆုံး စမ်းသပ်ခြင်းတစ်ခုဖြစ်ပါတယ်။

အသက်၆၈နှစ်အရွယ်ရှိပြီဖြစ်တဲ့ ထိုင်းစစ်တပ်ဦးစီးချုပ်ဟောင်းဖြစ်တဲ့ ပရာရွတ်ဟာ ၂၀၁၄ခုနှစ်က ထိုင်းမှာ အာဏာသိမ်းမှုကို ဦးဆောင်ခဲ့သူဖြစ်ပါတယ်။သူ့ကို အယုံအကြည်မရှိအဆိုမှာ သူ့ကိုထောက်ခံမဲ ၂၅၆ မဲ၊ကန့်ကွက်မဲ ၂၀၆မဲ နှင့် မဲမပေးသူ ၉ ဦး ရှိခဲ့ပါတယ်။ သူ့ရဲ့ ဒုဝန်ကြီးချုပ်(၃)ဦးနှင့် ဝန်ကြီး(၇)ဦးလည်း မဲခွဲရာမှာ အနိုင်ရရှိခဲ့ကြပါတယ်။

အတိုက်အခံတွေအနေနှင့် ဝန်ကြီးချုပ်ကို ထုတ်ပယ်ပစ်ဖို့ ပါလီမန်အမတ်နေရာ ၄၇၇ ဦးမှာ အနည်းဆုံးမဲ ၂၃၉ မဲရရှိဖို့လိုအပ်ပါတယ်။

“ အခုဆိုအပြစ်တင်တဲ့ ငြင်းခုံပွဲက ပြီးဆုံးသွားပြီမို့ နိုင်ငံနှင့်ပြည်သူတွေအတွက် ကျွန်တော်တို့နှင့်လက်တွဲလုပ်ဖို့ အတိုက်အခံ တွေကို တိုက်တွန်းပါတယ်” လို့ အစိုးရ ပြောရေးဆိုခွင့်ရှိသူ သန်နက်ခွန် ဝန်ဘွန်ကွန်ချန်နာကပြောပါတယ်။

ဝန်ကြီးချုပ်နှင့် ဝန်ကြီး(၁၀)ဦးတို့ကို အဂတိလိုက်စားမှုတွေနှင့် စီးပွာရေးစီမံခန့်ခွဲမှု အလွဲအမှားတွေရှိတယ်လို့ စွပ်စွဲပြီး အတိုက်အခံတွေက (၄)ရက်တိုင်တိုင် ရုပ်မြင်သံကြားမှာ တိုက်ရိုက်ရုပ်သံထုတ်လွှင့်ပြီး အခြေအတင်ပြောဆိုခဲ့ကြပါတယ်။ဒါဟာ ရွေးကောက်ပွဲမတိုင်ခင် ၁၇ပါတီညွန့်ပေါင်းအစိုးရကို သိက္ခာချဖို့ကြိုးစားခြင်း လည်းဖြစ်ပါတယ်။

ပရာရွတ် ဝန်ကြီးချုပ်ဖြစ်လာတဲ့ ၂၀၂၉ခုနှစ်ကစပြီး သူ့ရဲ့ လုပ်ရည်ကိုင်ရည်နှင့်ပတ်သက်လို့ ယခုလိုပြစ်တင်မဲခွဲခဲ့ကြတာ ဟာ ယခုအကြိမ်နှင့်ဆို လေးကြိမ်မြောက်ရှိပါပြီ။ ရွေးကောက်ပွဲဟာ သူ့ကိုအာဏာတည်မြဲအောင် အခင်းအကျင်းလုပ်ထားပြီး ကျင်းပတာဖြစ်တယ်လို့ အတိုက်အခံတွေက ပြောကြပေမယ့် သူက အဲဒါတွေကိုပယ်ချခဲ့ပါတယ်။

လာမယ့်ရွေးကောက်ပွဲဘယ်တော့လုပ်မလဲဆိုတာကို ပရာရွတ်က ယခုထက်တိုင် အရိပ်အယောင်တောင်မပြောသေးဘဲ ရှိပါတယ်။

#Source_Reuters

#Thailand_Politics

#Prayuth_Wins_No-confidence_Vote

#Thai_Government_survives

#World_Science
Published 24 July 2022

ကင်ဆာရောဂါအစောပိုင်းအဆင့်တွေမှာ ထွက်ပေါ်လေ့ရှိတဲ့ ပရိုတိန်းတစ်မျိုးကို ဆန်တာခရုဇ် ကယ်လီဖိုးနီးယားတက္ကသိုလ်မှ သုတေသီများရှာဖွေတွေ့ရှိခဲ့ပြီး ရောဂါလက္ခဏာများ ပိုဆိုးမလာခင် ကင်ဆာအမျိုးအစားအားလုံးကို ရှာဖွေပေးနိုင်မယ့် သွေးစစ်ဆေးစမ်းသပ်မှုကို တီထွင်ဖန်တီးနိုင်တော့မှာဖြစ်ကြောင်း Studyfinds.org မှာ ဖော်ပြခဲ့ပါတယ်။

ထိုတွေ့ရှိမှုကို Cell Reports ဂျာနယ်မှာ အင်္ဂါနေ့ကဖော်ပြခဲ့ပါတယ်။

KRAS မျိုးဗီဇမှ ထုတ်လွှတ်လိုက်တဲ့ ပရိုတိန်းဟာ RNA အတွင်းမှာ အမည်းရောင် အမှတ်အသားဖြစ်စေပြီး ဆရာဝန်တွေ ရှာဖွေတွေ့ရှိနိုင်မယ့် biomarker ဖြစ်လာနိုင်ပါတယ်။

ဒါဟာ ပန်ကရိယ၊ အဆုတ်၊ အူ စတဲ့ကင်ဆာများ အပါအဝင် အကျိတ်တွေအားလုံးမှာ အများဆုံးတွေ့ရလေ့ရှိတဲ့ ပြောင်းလဲမှုအမှတ်အသားတစ်မျိုးဖြစ်ပါတယ်။

အဆိုပါ တွေ့ရှိမှုများကြောင့် အသက်အရွယ်ကြီးသူတွေနဲ့ မျိုးဗီဇအရရောဂါဖြစ်နိုင်တဲ့ သူတွေမှာ ကင်ဆာဖြစ်ပေါ်လာနိုင်ချေကို စစ်ဆေးပေးနိုင်မှာ ဖြစ်ပါတယ်။

အကျိတ်တွေထဲကနေ သွေးကြောတွေထဲစိမ့်ထွက်လာတဲ့ မျိုးဗီဇအချက်အလက် ဓာတုပြောင်းလဲခြင်းတွေကို ရှာဖွေစစ်ဆေးတာဖြစ်ပါတယ်။

ကင်ဆာရှိနေတာကို မြန်မြန်သိရင် ကုသခွဲစိတ်မှုတွေပြုလုပ်ပေးပြီး အသက်ရှင်နိုင်ချေများ လာနိုင်ကြောင်း စာတမ်းဦးဆောင်ပြုစုသူဒေါက်တာ'ဒန်နီယယ်ကင်မ်'က ပြောပြထားပါတယ်။

"ကမ္ဘာတဝန်းမှာ ကင်ဆာရောဂါကြောင့် သေဆုံးသူ နှစ်စဉ်လူပေါင်းသန်းနဲ့ချီပါတယ်၊ ခန္ဓာကိုယ်အခြားနေရာတွေကို ကင်ဆာမပျံ့နှံခင် စောစီးစွာရှာဖွေတွေ့ရှိနိုင်မယ့် စွမ်းအားမြင့်စစ်ဆေးနည်းတွေ အရေးတကြီး လိုအပ်နေပါတယ်" လို့ ပြောပြခဲ့ပါတယ်။

UC ဆန်တာခရုဇ်သုတေသီများက ကောင်းမွန်သေးတဲ့ အဆုတ်ဆဲလ်များကို ဗီဇပြောင်းလဲထားတဲ့ KRAS မျိုးဗီဇများဖြင့် ပြုပြင်ပြောင်းလဲခဲ့ပြီး ကင်ဆာဖြစ်ပေါ်အောင်ပြုလုပ်ပြီးနောက် RNA တည်ဆောက်ပုံထဲ ထည့်သွင်းလိုက်ပါတယ်။

RNA နဲ့ ကင်ဆာကို အခြားနည်းလမ်းတစ်နည်းနည်းနဲ့ တွေးခေါ်စဉ်းစားဖို အကြံဉာဏ်ရလာစေပါတယ်လို့ စာတမ်းပြုစုသူ'ရိုမန်ရက်ဂျီယာဒို'က ဖော်ပြသွားပါတယ်။

Source: The Jerusalem Post
#Yangon_Media_Group

#Local_News
Published - 23 July 2022

ကုမ္ပဏီ၊ အဖွဲ့အစည်း၊ လူပုဂ္ဂိုလ်များ၏ နိုင်ငံခြားငွေစာရင်းမှာ ရှိသည့် နိုင်ငံခြားငွေများကို သိမ်းယူနေသည်ဟု ကောလဟာလမှာ မှန်ကန်မှုမရှိကြောင်း ဗဟိုဘဏ်က ကြေညာချက်ထုတ်ပြန်ခဲ့သည်။

ဗဟိုဘဏ်အနေဖြင့် အမိန့်ကြော်ငြာစာ ၁၂/၂၀၂၂ ပါ ကင်းလွတ်ခွင့်မရှိသူတွေရဲ့ နိုင်ငံခြားငွေများကို AD လိုင်စင်ရ ဘဏ်တွေအနေနှင့် ဧပြီ ၃ ရက်နေ့မှ စတင်ကာ ဝယ်ယူနေခြင်းသာဖြစ်ကြောင်း ကြေညာချက်တွင် ထည်သွင်းဖော်ပြထားသည်။

ယင်းအပြင်ယခုနှစ်ကုန်ပိုင်း၌ ဒေါ်လာတန်ဖိုးနှင့်ညီမျှသည့် FEC ငွေကြေးစနစ်ပုံစံကို ပြန်လည်အကောင်အထည် ဖော်သွားမည့်အပေါ် ဗဟိုဘဏ်က ကောလဟာလသာဖြစ်ပြီး နိုင်ငံခြားသုံးငွေ စီမံခန့်ခွဲမှုဥပဒေအရ ဆောင်ရွက်နိုင်ခြင်းမရှိကြောင်း ထုတ်ပြန်ချက်တွင်ဖော်ပြထားသည်။

ယင်းအပြင် ဆောင်ရွက်ရန်အစီအစဉ် လုံးဝမရှိကြောင်း အသိပေးအပ်ပါသည် ဟု၎င်းထုတ်ပြန်ထားသည့် အသိပေးကြေညာချက်အတွင်း ထည့်သွင်းဖော်ပြထားသည်။

နိုင်ငံခြားသုံးငွေလုပ်ငန်းများ၊ နိုင်ငံခြားငွေကိုင်ဆောင်ခြင်း စာရင်းဖွင့်လှစ်ခြင်းနှင့် အသုံးပြုခြင်း၊ ရွှေ၊ နိုင်ငံခြားသုံးငွေ၊ လက်ဝတ်ရတနာများ ပြည်တွင်း၊ ပြည်ပကို ယူဆောင်ခြင်းစသည့် ပြဌာန်းချက်များသာ ပါဝင်ကြောင်း သိရသည်။

ymg/sth
#Yangon_Media_Group

#Local_News
Published - 23 July 2022

ပြည်ပချေးငွေများကို ကာလတစ်ခုအထိ ဆိုင်းငံ့ရခြင်းမှာ လုပ်ငန်းရှင်များအရှိန်ယူရာ၌ အထောက်အပံ့ဖြစ်စေရန် ဆောင်ရွက်ခြင်းဖြစ်ကာ ဆိုင်းငံ့လိုပါက Repayments schedule ပြန်လည်ပေးဆပ်မည့်အစီအစဉ်အား ချေးယူသူနှင့်ချေးငှားသူ သဘောတူညီချက်ဖြင့် ဆောင်ရွက်နိုင်ကြောင်း အသိပေးအကြောင်းကြားခြင်းဖြစ်ကြောင်း ဗဟိုဘဏ်မှ ရှင်းလင်းခဲ့သည်။

ဗဟိုဘဏ်မှ နိုင်ငံခြားသုံးငွေ စီမံခန့်ခွဲမှု ဥပဒေပုဒ်မ ၂၉-က ၊ ပုဒ်မ ၃၈-ဃ နှင့် ပုဒ်မ ၄၂-က ၊ နိုင်ငံခြားသုံးငွေစီမံခန့်ခွဲမှုစည်းမျဉ်း အပိုဒ် ၄၈ အရ ဇူလိုင် ၁၃ ရက်က ထုတ်ပြန်ခဲ့သည့် ထုတ်ပြန်ချက်နှင့်ပတ်သက်၍ ပြန်လည် ရှင်းလင်းထုတ်ပြန်ခဲ့ခြင်းဖြစ်သည်။

ဗဟိုဘဏ်မှ ပြည်ပမှငွေသားဖြစ်စေ၊ ပစ္စည်းဖြစ်စေ ချေးငွေရယူထားသည့် ပြည်တွင်း၌ နေထိုင်သော ကုမ္ပဏီ၊ အဖွဲ့အစည်းများအနေဖြင့် အတိုးနှင့်အရင်း ပြန်လည်ပေးဆပ်ခြင်းအား လတ်တလောကာလ၌ ဆိုင်းငံ့ထားရန် ထုတ်ပြန်ခဲ့ခြင်းဖြစ်သည်။

အဆိုပါ ထုတ်ပြန်ချက်သည် ပြည်ပချေးငွေရယူထားသည့် လုပ်ငန်းရှင်များသည် ကိုဗစ်ကာလ အလွန်၌ စီးပွားရေးလုပ်ငန်းများပြန်လည်ဦးမော့လာစေရန် နည်းမျိုးစုံဖြင့် ကြိုးပမ်းဆောင်ရွက်လျက်ရှိရာ အဓိကအားဖြင့် ငွေကြေးမတည်မှုနှင့်လုပ် သားရရှိနိုင်မှုဖြစ်ကြောင်း၊ ယင်းကြောင့်နှစ်ရှည်ကျော်ဖြတ်ခဲ့ရ၍ ချိနဲ့စပြုနေသည့် လုပ်ငန်းများ ခွန်နှင့်အားနှင့် ရုန်းထရန်ဆောင်ရွက်ချိန်၌ မတည်ရင်းနှီးထားသော ငွေရင်းနှင့်ပြည်တွင်းပြည်ပမှရယူထားသည့် ချေးငွေမှာ အဓိကအချက်တွင်ပါဝင်နေ၍ ပြည်တွင်း၊ ပြည်ပချေးငွေများ ပေးဆပ်ရမည်ကို ဗဟိုဘဏ်မှကာလတစ်ခုအထိ ဖြေလျော့ခွင့်ပြုခဲ့ခြင်းဖြစ်သည်။

ယင်းကြောင့် မည်သည့် Negative impact မှဖြစ်ရန် အကြောင်းမရှိပဲ ပြင်ပ၌ပျံ့နှံနေသည့် လိုရာဆွဲတွေး၍ အပျက်သဘောဆောင်သည့် မှတ်ချက်ပြုကာ ပြည်သူများ စိတ်အနှောက်အယှက်ဖြစ်စေရန် ငွေဈေးနှုန်း၊ ကုန်ဈေးနှုန်းများတက်ရန် လုပ်ဆောင်နေခြင်းအားနားလည်ကြရန် ဗဟိုဘဏ်က အသိပေးရှင်းလင်းခဲ့ခြင်းဖြစ်သည်။

ymg/sth
#Yangon_Media_Group

#Local_News
Published - 23 July 2022

မွန်ပြည်နယ်၊ ဘီးလင်းမြို့နယ်က ကိုယ်ဝန်ဆောင်အမျိုးသမီးတစ်ဦးတွင် ကလေးမွေး(ရိုးရိုးမွေး)ပြီးနောက် ဝမ်းဗိုက်နာကျင်လာသဖြင့်ခွဲစိတ်ကုသပေးရာ ဝမ်းဗိုက်အတွင်း(၃) ပိဿလောက်ရှိသည့် အလုံးကြီးတစ်လုံးကို ဇူလိုင်လ(၂၂) ရက်က ထူးဆန်းစွာထပ်မံတွေ့ရှိရကြောင်းသိရသည်၊၊

ကျိုက်ထို မြို့နယ်ပြည်သူ့ဆေးရုံတွင် ကလေးလာမွေးသည့် အဆိုပါကိုယ်ဝန်ဆောင်အမျိုးသမီး၏ ဗိုက်ကပုံမှန်ထက်ကိုကြီးနေပြီး အမြွှာကလေးများ ဖြစ်မလားဆိုပြီးစမ်းသပ်ကြည့်တော့လည်းအမြွှာလက္ခဏာ မတွေ့ရပေ၊၊

အဆိုပါ အမျိုးသမီးက ကလေးကိုလွယ်လွယ်ကူကူ မွေးသွားပြီး ကလေးမွေးပြီးသော်လည်း ဝမ်းဗိုက်က သိသိသာသာကြီးနေဆဲဖြစ်သည်၊၊

ရက်အနည်းငယ် အကြာတွင် ဝမ်းဗိုက်မခံမရပ်နိုင်အောင် နာကျင်လာသည့်အတွက် ကျိုက်ထို့မြိုနယ်ဆေးရုံမှ ဆရာဝန်၊ သူနာပြုများက ခွဲစိတ်ကုသပေးရာ ဝမ်းဗိုက်အတွင်း (၃)ပိဿလောက်ရှိသည့် အလုံးကြီးတစ်ခု ထူးဆန်းစွာထပ်မံတွေ့ရှိရခြင်းဖြစ်ကြောင်း မြို့နယ်ကျန်းမာရေးဉီးစီးဌာန၏ ထုတ်ပြန်ချက်အရ သိရသည်၊၊

ymg/tthl
#Yangon_Media_Group

#Local_News
Published _ 23 July 2022

ရန်ကုန်တိုင်းအတွင်း ပြေးဆွဲလျက်ရှိနေသည့် YBS ခရီးသည်တင်ကားများမှာ ဇူလိုင်လ ၂၂ ရက်မှစတင်၍ CNG Gas ရရှိမှုလျော့ နည်းမှုကြောင့် ပြေးဆွဲပေးနေသည့်ကားများ နည်းပါးလျက်ရှိလာသည်။

ယင်းကဲ့သို့ YBS ကားများ ပြေးဆွဲမှု နည်းပါးသဖြင့် လုပ်ငန်းခွင်သို့ သွားရောက်မည့် ခရီးသွားများ အဆင်ပြေစေရန် လူမှုကူညီရေးအသင်းများမှ လူမှုကူညီရေးကားများဖြင့် ခရီးသည်များအား ကူညီပို့ဆောင်ပေးလျက်ရှိကြောင်း သုခကာရီ လှုမှုကူညီကယ်ဆယ်ရေးအသင်းထံမှ သိရသည်။

လူမှုကူညီရေးအသင်းများမှ ခရီးသည်များအဆင်ပြေစေရန် ကူညီပို့ဆောင်ပေးခြင်းများအား ရန်ကုန်မြို့အတွင်းရှိ မြို့နယ်အသီးသီးမှ လူမှုကူညီရေးအသင်းများက သက်ဆိုင်ရာမြို့နယ်အလိုက် ကူညီပို့ဆောင်ပေးလျက်ရှိကြောင်း ယင်းမှ သိရသည်။

ymg/NN
#Yangon_Media_Group

#DailyNews
Published - 23 July 2022

၁။ CNG_Gas များ ပုံမှန်အတိုင်း ပြန်လည်ရရှိတော့မည်ဟုဆို

၂။ ရန်ကုန်တိုင်းတွင် (၄)ရက်တာအတွင်း ကိုဗစ်ပိုးတွေ့သူ (၆၀) ဦးရှိ၊ ကိုဗစ်လူနာများ ပို့ဆောင်ပေးနေရဆဲဖြစ်

၃။ နေ့စဉ်မိုးလေဝသသတင်း။

၄။ Game of Thrones နှင့် Lord of the Rings ဇာတ်လမ်းတွဲအသစ်များ မိတ်ဆက်ပွဲတွင် ရုပ်ပြဇာတ်ကောင် ဝတ်စားဆင်ယင်သူများဖြင့် ကျင်းပသွားမည် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

Published 23 July 2022

ICJ ဆုံးဖြတ်ချက်နှင့်ပတ်သက်၍  နစက သတင်းထုတ်ပြန်ရေး အဖွဲ့ခေါင်းဆောင် ဗိုလ်ချူပ်ဇော်မင်းထွန်းကနိုင်ငံတကာတရားဥပဒေများနှင့်အညီ ခိုင်ခိုင်မာမာ ဆက်လက်ရပ်တည် ဆောင်ရွက်သွားမယ်လို့ ပြန်လည်တုန့်ပြန်ခဲ့ပါတယ်။

နိုင်ငံတကာတရားဥပဒေကို  အဓိက ကိုင်တွယ်ဆုံးဖြတ်ရတဲ့ အဖွဲ့အစည်းဖြစ်တာနှင့်အညီ  ICJ ဟာ မှန်ကန်တဲ့

ICJ တရားရုံးက မြန်မာနိုင်ငံက တင်သွင်းတဲ့ ကန့်ကွက်ချက်တွေကိုပယ်ချတာဟာ ကမ္ဘာ့နိုင်ငံတွေအပေါ် သက်ရောက်မှုရှိတယ်လို့လည်းသူကပြောပါတယ်။

"နိုင်ငံတကာဥပဒေဆိုတာကကျွန်တော်တို့ပြည်တွင်းဥပဒေတွေလိုပုဒ်မတွေပြဌာန်းထားမှုတွေမရှိပါဘူး။သူကနိုင်ငံတကာတရားဥပဒေမှာကစီရင်ဆုံးဖြတ်တာတွေကဘယ်အပေါ်မှာမူတည်သလဲဆိုရင်နံပါတ်တစ်ကအရင်တုန်းကပြုလုပ်ခဲ့တဲ့စီရင်ထုံး တွေနံပါတ်နှစ်ကတော့အစဉ်အလာတွေပေါ့၊နံပါတ်သုံးကတော့ဥပဒေပညာရှင်တွေရဲ့အဆိုအမိန့်တွေမှာမူတည်ပြီးတော့အကြမ်းအားဖြင့်ဆုံးဖြတ်တာပေါ့။အခုအချိန်မှာတော့ဒီဆုံးဖြတ်ချက်ကမြန်မာနိုင်ငံအပေါ်မှာအကျိုးသက်ရောက်မှူရှိလိမ့်မယ်လိုအားလုံးကပြောတာပါပဲ။သို့သော်တကယ်တွက်ကြည့်ရင်ဒီဆုံးဖြတ်ချက်သည်စီရင်ထုံးဖြစ်သွားတာဖြစ်တယ်။စီရင်ထုံးဖြစ်သွားတာဖြစ်တဲ့အတွက် ကမ္ဘာ့နိုင်ငံတွေအားလုံးအပေါ်မှာသက်ရောက်ပါတယ်။ကျွန်တော်တို့အနေနဲ့ကရှေ့ဆက်လက်ပြီး တော့တရားဥပဒေနဲ့အညီ ၊ နိုင်ငံတကာတရားဥပဒေနဲ့အညီ မြန်မာနိုင်ငံအစိုးရအနေနဲ့ခိုင်ခိုင်မာမာရပ်တည်  ဆောင်ရွက်သွားမှာဖြစ်ပါတယ်။အိုင်စီဂျေအနေနဲ့လည်းနိုင်ငံတကာတရားဥပဒေကိုအဓိကကိုယ်တွယ်ဆုံးဖြတ်ရတဲ့အဖွဲအစည်းဖြစ်တာနဲ့အညီ နိုင်ငံတကာတရားဥပဒေမှာမှန်ကန်တဲ့မှတ်ကျောက်အတင်ခံနိုင်လိမ့်မယ်လို့ကျွန်တော်ဆက်လက် မျှော်လင့်ထားလျက်ရှိပါတယ်။နံပါတ်သုံးကတော့ကျွန်တော်တို့ကုလသမဂ္ဂမှာအဓိကပင်မအဖွဲ့အစည်း(၆)ဖွဲ့ရှိပါတယ်။အဲဒီ(၆)ဖွဲ့ထဲမှာအိုင်စီဂျေက လည်းအပါအဝင်ပဲ၊သူကတရားစီရင် ရေးမဏ္ဍိုင်ပေါ့။ကျန်တဲ့အဖွဲ့တွေကြားထဲမှာကုလသမဂ္ဂရဲ့ပင်မအဖွဲအစည်း(၆)ဖွဲ့ထဲမှာအိုင်စီဂျေမှအပ ကျန်တဲ့အဖွဲ့တွေကမြန်မာနိုင်ငံအစိုးရ ကျွန်တော်တို့ရပ်တည်မှုနဲ့ပတ်သက်ပြီးသံသယရှိတယ်၊အငြင်းပွားဖွယ် ပေါ့ဗျာ။ဒါတွေ ဆောင်ရွက်နေတာရှိတယ်။သို့သော်အိုင်စီဂျေအနေနဲ့ကမြန်မာနိုင်ငံအစိုးရရဲ့  ကိုယ်စားလှယ်တွေကိုလက်ခံပြီး ဆောင်ရွက်ခဲ့ခြင်းကတရားဥပဒေအရပေါ့၊နိုင်ငံတကာတရားဥပဒေအရမြန်မာနိုင်ငံအစိုးရရဲ့ ရပ်တည်ချက်ကိုဒါအသိအမှတ်ပြုတယ်လို့ပဲကျွန်တော်တို့ယူဆပါတယ်"လို့ သူက ဆိုပါတယ်။

မြန်မာနိုင်ငံကို ဂမ်ဘီယာနိုင်ငံအနေနဲ့ သူတို့အခေါ် ရိုဟင်ဂျာမွတ်ဆလင်(ဘင်္ဂါဘီ) တွေကို လူမျိုးတုံးသတ်ဖြတ်တယ်ဆိုတာနဲ့ ပတ်သက်လို့ စွဲဆိုထားတဲ့ အမှုမှာ ICJ တရားရုံးကနေ ဆုံးဖြတ်ပိုင်ခွင့်မရှိဘူးလို့မြန်မာဘက် က တင်သွင်းခဲ့တဲ့ ကနဦး ကန့်ကွက်ချက် လေးချက်လုံးကို တရားသူကြီးတွေက ပယ်ချပြီး တရားရုံးကနေ ဒီအမှုကို ဆက်လက် ကြားနာစစ်ဆေးဖို့ ဇူလိုင်လ ၂၂ ရက်နေ့မှာ ဆုံးဖြတ်လိုက်တာပါ။

မြန်မာဘက်က တင်သွင်းခဲ့တာမှာ ပထမ ကန့်ကွက်ချက်အနေနဲ့ ဒီအမှုနဲ့ပတ်သက်လို့ အမှန်တကယ် တရားစွဲဆို တိုင်ကြားသူဟာ ဂမ်ဘီယာ နိုင်ငံမဟုတ်ဘဲ အစ္စလာမ် နိုင်ငံများ ပူးပေါင်းဆောင်ရွက်မှုအဖွဲ့(OIC)က နောက်ကွယ်က စေခိုင်းနေတာဖြစ်တယ် ဆိုတဲ့ အကြောင်းပြချက် ဖြစ်ပါတယ်။

ဒုတိယ ကန့်ကွက်ချက် ကတော့ တရားစွဲဆိုသူ ဖြစ်တဲ့ ဂမ်ဘီယာနိုင်ငံဟာ ဒီအမှု မှာ တိုက်ရိုက် ထိခိုက်နစ်နာမှုမရှိဘူး ဆိုတဲ့အကြောင်းပြချက်နဲ့  မြန်မာနိုင်ငံပါဝင် လက်မှတ်ထိုးထားတဲ့ လူမျိုးတုံး သတ်ဖြတ်မှုတားဆီးရေး သဘောတူညီ ချက် ဂျနီဗာ ကွန်ဗင်းရှင်းရဲ့ အခန်း (ဂ) အရ ICJ တရားရုံးကနေ စီရင်ခွင့် မရှိဘူးဆိုတာ ဖြစ်ပါတယ်။

တတိယ ကန့်ကွက်ချက် ကတော့  ICJ တရားရုံးဟာ နိုင်ငံတွေအကြားမှာ အငြင်းပွားမှု တွေကို စစ်ဆေး ဆုံးဖြတ်ပေးရတာ ဖြစ်ပြီး ဂမ်ဘီယာဘက်က တရားစွဲဆိုချိန်မှာ မြန်မာ နိုင်ငံနဲ့ အငြင်းပွားမှု မရှိတဲ့အတွက် တရားရုံးအနေနဲ့ စီရင်စစ်ဆေးခွင့် မရှိတဲ့အ ကြောင်းကိုတော့ စတုတ္ထ ကန့်ကွက်ချက်အဖြစ် တင်သွင်းခဲ့တာပါ။

ရခိုင်ပြည်နယ်အတွင်းမှာ၂၀၁၆ ခုနှစ် နဲ့ ၂၀၁၇ ခုနှစ်တွေတုန်းကသူတို့အခေါ် (ရိုဟင်ဂျာမွတ်ဆလင်) တွေကို အစုလိုက်၊ အပြုံလိုက် သတ်ဖြတ်တာတွေလုပ်တယ်လို့စွပ်စွဲပြီး လူမျိုးတုံးသတ်ဖြတ်မှုတားဆီးရေးကွန်ဗင်းရှင်းပါ သဘောတူညီချက်တွေကို ချိုးဖောက်ရာ ရောက်တယ်ဆိုပြီး မြန်မာနိုင်ငံကို အရေးယူပေးဖို့ ၂၀၁၉ ခုနှစ်မှာ  ICJ တရားရုံးမှာ ဂမ်ဘီယာနိုင်ငံက တရားစွဲဆိုခဲ့တာ ဖြစ်ပါတယ်။

ymg/mt

Yangon_Media_Group

#ICJ_Myanmar

#Myanmar_Politics

#Local_News
Published - 23 July 2022

၂၀၂၂ ခုနှစ်အတွင်း ပြည်တွင်း၌ ငွေကြေးဖောင်းပွမှုနှုန်းတိုးတက်သွားခြင်းနဲ့ စက်သုံးဆီဈေးနှုန်းမြင့်တက်ခြင်းကြောင့် စီးပွားရေးလုပ်ငန်းအားလုံး ထိခိုက်ခဲ့ခြင်းဖြစ်ကြောင်း ကမ္ဘာ့ဘဏ်၏ မြန်မာ့စီးပွားရေးနှင့်ပတ်သက်သည့် အစီရင်ခံစာတွင် ဖော်ပြထားသည်။

ယင်းအပြင် နောက်ဆုံးရရှိသည့် အချက်အလက်တွေအရ ငွေကြေး ဖောင်းပွမှုနှုန်းသည်ပြီးခဲ့သည့် မတ်လတွင် ၁၇ ဒသမ ၃ ရာခိုင်နှုန်းရှိခဲ့ကြောင်း သိရသည်။

ကမ္ဘာ့လောင်စာဆီ ဈေးနှုန်းမြင့်တက်မှုကြောင့် သယ်ယူပို့ဆောင်ရေးကုန်ကျစရိတ် မြင့်တက်လာစေခဲ့ပြီး စီးပွားရေးလုပ်ငန်းများ၏ အမြတ်အစွန်းကို ထိခိုက်စေခဲ့ကြောင်း၊ ယင်းအပြင်လျှပ်စစ်ဓာတ်အားပြတ်တောက်မှုကြောင့် ဒီဇယ်မီးစက်တွေနှင့် အသုံးပြုရသည့် ကုန်ကျစရိတ်သည် ပြည်တွင်းစီးပွားရေးလုပ်ငန်းများအတွက် ထပ်လောင်းဖိအားဖြစ်စေခဲ့ကြောင်း ကမ္ဘာ့ဘဏ်အစီရင်ခံစာအရ သိရသည်။

မြန်မာကျပ်ငွေတန်ဖိုး ကျဆင်းလာခြင်း၊ သွင်းအားစုကွင်းဆက်ပြတ်တောက်ခြင်း၊ သယ်ယူပို့ဆောင်ရေးစရိတ် မြင့်တက်မှုကြောင့် သွင်းကုန်သွင်းအားစု အမျိုးအစားအားလုံး ဈေးနှုန်းမြင့်တက်သွားခဲ့ခြင်းကြောင့် အမြတ်အစွန်းနည်းပါးမှုကို ပိုမိုဆိုးဝါးစေခဲ့ကြောင်း ကမ္ဘာ့ဘဏ်က ထုတ်ပြန်ထားခြင်းဖြစ်သည်။

ymg/sth
#Yangon_Media_Group

#Local_News
Published - 23 July 2022

အသည်းရောင်ရောဂါ B ပိုး၊ C ပိုးရှိသူများအနေနဲ့ သိန်းပေါင်းများစွာ အကုန်အကျခံပြီးကုသစရာမလိုဘဲ ရောဂါပျောက်ကင်းအောင် အခမဲ့ကုသပေးနေကြောင်း မြန်မာအသည်းဖောင်ဒေးရှင်းဥက္ကဌဒေါက်တာခင်ပြုံးကြည်က YMG ကို ပြောသည်၊၊

ယခင်ကအသည်းရောင် B ပိုး၊ C ပိုးရှိသူများကို ရောဂါပျောက်ကင်းအောင်ကုသဖို့ ခက်ခဲခဲ့သော်လည်း ယနေ့အချိန်တွင်တော့ ကုသရန်ဆေးများရှိလာပြီဖြစ်သလို မြန်မာအသည်းဖောင်ဒေးရှင်းက ဖွင့်လှစ်ထားသည့် သံစစ်ဆေးခန်းများတွင် အခမဲ့ ကုသနိုင်မည်ဖြစ်သည်၊၊

"ဆရာမတို့ အဓိကပေးချင်တဲ့ မတ်ဆေ့ချ်ကတော့ Bပိုး၊ Cပိုး ရှိ မရှိစစ်ကြည့်ပါ၊၊ မြန်မာအသည်းဖောင်ဒေးရှင်းအနေနဲ့ အခမဲ့စစ်ပေးပါတယ်၊၊ဆေးရုံတွေမှာလည်း စစ်ပေးပါတယ်၊၊ ရောဂါရှိတယ်ဆိုရင်လည်း အမြန်ကုပါ ရောဂါမကျွမ်းခင်၊၊ အသည်းရောင်ရောဂါ B ပိုး၊ C ပိုးရှိသူတွေကို ကုသလို့ ရပါတယ်၊၊ B ပိုး၊ C ပိုးတွေ့သူတွေ မြန်မာအသည်းဖောင်ဒေးရှင်းက ဖွင့်လှစ်ထားတဲ့ သံစစ်ဆေးခန်းကိုလာခဲ့ပါ၊၊ အခမဲ့ ကုသပေးပါတယ်"လို့ မြန်မာအသည်းဖောင်ဒေးရှင်း ဥက္ကဌဒေါက်တာခင်ပြုံးကြည်က YMG ကို ပြောသည်၊၊

အသည်းရောင်ရောဂါ B ပိုးကို ကုသနိုင်ပြီဖြစ်သလို C ပိုးရှိသူများလည်း (၃) လဖြင့် ရောဂါပျောက်အောင်၊ အသည်းခြောက်နေပါက (၆)လဖြင့် ရောဂါပျောက်အောင်ကုသနိုင်ပြီဖြစ်ကြောင်း မြန်မာအသည်းဖောင်ဒေးရှင်းမှ သိရသည်၊၊

ymg/tthl
#Yangon_Media_Group

#World_Health
Published 23 July 2022

မျောက်ကျောက်ရောဂါဟာ အမေရိကန်ရှိ ကလေးငယ်တွေမှာ ပထမဆုံးအကြိမ်ကူးစက်လာပြီး ကယ်လီဖိုးနီးယားမှ လမ်းလျှောက်တတ်ခါစကလေးငယ်တစ်ဦးနဲ့ အမေရိကန်နိုင်ငံသားမဟုတ်တဲ့ မွေးကင်းစကလေးငယ်တစ်ဦးတို့မှာ တွေ့ရှိခဲ့တာဖြစ်ကြောင်း ကျန်းမာရေးအာဏာပိုင်များက သောကြာနေ့က ကြေညာလိုက်ပါတယ်။

ထိုကလေးငယ် ၂ ဦးဟာ ဆက်စပ်မှုရှိမနေဘဲ တစ်အိမ်ထဲနေသူများထံမှ ကူးစက်တာဖြစ်နိုင်ကြောင်း ရောဂါထိန်းချုပ်ကာကွယ်ရေးစင်တာ(CDC)မှ ထုတ်ပြန်ခဲ့ပါတယ်။

ကလေးနှစ်ယောက်စလုံးက ကျန်းမာရေးကောင်းမွန်လျက်ရှိပြီး ကုသမှုခံယူနေကြပါတယ်။

မျောက်ကျောက်ရောဂါဟာ တုပ်ကွေးကဲ့သိုရောဂါလက္ခဏာများရှိပြီး အရေပြားအနာများ ဖြစ်ပေါ်တတ်ပါတယ်။

အမျိုးသားချင်း လိင်တူဆက်ဆံသူတွေမှာ အများဆုံးကူးစက်ပျံ့ပွားတတ်ပြီး အာဖရိကအလယ်ပိုင်းနဲ့ အနောက်ပိုင်းတို့မှတဆင့် အခြားနိုင်ငံများကို ကူးစက်လာတာဖြစ်ပါတယ်။

အဓိကအားဖြင့်တော့ ထိုရောဂါဟာ နီးနီးစပ်စပ်ထိတွေ့မှုကနေ ကူးစက်လေ့ရှိပါတယ်။

ယခုနှစ်အတွင်း နိုင်ငံပေါင်း ၆၀ ကျော်မှာ မျောက်ကျောက်ရောဂါကူးစက်သူ ၁၄,၀၀၀ ကျော်ရှိခဲ့ပြီး အာဖရိကမှာ ၅ ဦးသေဆုံးခဲ့ပါတယ်။

CDC မှ ရောဂါဗေဒဌာနလက်ထောက်ညွှန်ကြားရေးမှူး ဒေါက်တာ'ဂျန်နီဖာမက်ကွစ်စတန်'က အစည်းအဝေးတစ်ခုမှာပြောကြားခဲ့ရာ ကလေးတွေမှာ မျောက်ကျောက်ရောဂါတွေ့ရှိလာခြင်းက မထူးဆန်းပေမယ့် ယောက်ျားချင်း လိင်တူဆက်ဆံသူတွေအပြင် အခြားလူတွေမှာပါကူးစက်လာတယ်ဆိုတဲ့ အထောက်အထားတွေတော့ မတွေ့ရသေးပါဘူး။

အမေရိကန်မှာ ရောဂါကူးစက်ခံရတဲ့လူပေါင်း ၂,၈၉၁ ဦးရဲ့ ၉၉ ရာခိုင်နှုန်းက ယောကျ်ားချင်းလိင်တူဆက်ဆံသူတွေဖြစ်ပြီး အမျိုးသမီးနဲ့ လိင်အင်္ဂါပြောင်းလဲထားတဲ့ အမျိုးသားတွေကတော့ အနည်းငယ်သာ ရောဂါကူးစက်ခံခဲ့ရပါတယ်။

အမေရိကန်အစိုးရက မျောက်ကျောက်ရောဂါကာကွယ်ဆေး ၃ သိန်းကိုပို့ဆောင်ထားပြီးဖြစ်ပြီး ဒိန်းမတ်မှ နောက်ထပ်ကာကွယ်ဆေးပေါင်း ၇၈၆,၀၀၀ ကိုလည်းတင်ပို့ရန် ကြိုးပမ်းနေကြောင်း အိမ်ဖြူတော်မှ ကိုဗစ်ရောဂါစောင့်ရှောက်ရေးမှူး ဒေါက်တာ'အိုင်ရှီရှဂျာ'က ပြောကြားခဲ့ပါတယ်။

လက်ရှိကာကွယ်ဆေးအရေအတွက်က နယူးယော့ခ်မြို့လူဦးရေတဝက်ကျော်နဲ့ ဝါရှင်တန်ဒီစီရဲ့ လူဦးရေ ၇၀ ကျော်လောက်ကို ပထမအကြိမ်ကာကွယ်ဆေး ထိုးပေးဖို့အတွက် လုံလောက်နေပြီလို့ ဆိုခဲ့ပါတယ်။

အာဖရိကမှာ အရင်ကူးစက်ပျံ့ပွားမှုတွေဖြစ်တုန်းက လက်ရှိဗိုင်းရပ်စ်အမျိုးအစားကြောင့် သေဆုံးမှုနှုန်း ၁ ရာခိုင်နှုန်းခန့်သာရှိခဲ့ပြီး အခုပျံ့ပွားမှုမှာ သေဆုံးမှုနှုန်း ပိုနည်းပါတယ်။

ဒါပေမဲ့ ရောဂါဝေဒနာပြင်းထန်တာကြောင့် ဆေးရုံတက်ကုသခံယူရသူအချိုတော့ ရှိနေပါတယ်။

မျောက်ကျောက်ရောဂါကို ပြည်သူ့အရေးပေါ်ကျန်းမာရေးအခြေအနေအဖြစ် ကြေညာသင့်/မသင့်ကို အမေရိကန်က သုံးသပ်လေ့လာနေဆဲဖြစ်ပါတယ်။

"အရေးပေါ်ဆောင်ရွက်ဖို့လို/မလိုကို စောင့်ကြည့်လေ့လာနေပြီး လိုအပ်လာရင် ပြည်သူ့ကျန်းမာရေးအရေးပေါ်အခြေအနေအဖြစ် ကြေညာသွားမှာဖြစ်ပါတယ်" လို့ 'ဂျာ'က ပြောပြခဲ့ပါတယ်။

Source: Reuters
#Yangon_Media_Group

#Local_News
Published_ 23 July 2022

စက်သုံးဆီတင်သွင်း သိုလှောင်ဖြန့်ဖြူခြင်းလုပ်ငန်းကြီးကြပ်ရေးကော်မတီက ဒီကနေ့ ဇူလိုင် ၂၃ ရက် မှာထုတ်ပြန်တဲ့ စက်သုံးဆီရည်ညွှန်း လက်လီစျေးနှုန်းမှာ ရန်ကုန်တိုင်းအတွင်း 92 တစ်လီတာကို ၁၆၆၅ ကျပ်ဖြစ်ပြီး ၁၇၀၀ ကျပ်အောက်သို ပြန်လည် ကျဆင်းခဲ့ပါတယ်။

မန္တလေးတိုင်းမှာ 92 တစ်လီတာကို ၁၇၁၀ ကျပ်ဖြစ်ပြီး နေပြည်တော်၌ 92 Ron တစ်လီတာဈေးနှုန်းဟာ ဒီကနေ့မှာ ၁၇၀၅ ကျပ်သို့ ကျဆင်းသွားခဲ့ပါတယ်။

ပဲခူးနဲ့ ပုသိမ်တို့မှာလည်း 92 တစ်လီတာဈေးနှုန်းမှာ ၁၇၀၀ ကျပ်အောက်ကို ကျဆင်းခဲ့ပြီး မကွေး၊ ထားဝယ်၊ မုံရွာ၊ ပုသိမ်၊ ဘားအံ၊ မော်လမြိုင်၊ လားရှိုး၊ တောင်ကြီးနှင့် လွိုင်ကော်တို့မှာ စက်သုံးဆီစျေးနှုန်းမှာ 92 တစ်လီတာကို ၁၇၀၀ ကျပ်အထက်ရှိနေပေမယ့် မနေ့က ဈေးနှုန်းအောက်သို့ ကျဆင်းခဲ့တယ်လို့ စာရင်းများအရ သိရပါတယ်။

ymg_mnn
#Yangon_Media_Group