#World_Health
Published 13 November 2022

မျက်စိရောဂါကိုကုသရာမှာ အသုံးပြုတဲ့ဆေးဝါးဟာ ကိုဗစ်ကပ်ရောဂါကို တိုက်ဖျက်ရာမှာ ထိရောက်နိုင်ဖွယ်ရှိကြောင်း လေ့လာတွေ့ရှိထားပါတယ်။

ဗာတီပေါ်ဖင်(Verteporfin)ဆိုတဲ့ဆေးဟာ ကိုဗစ်ရောဂါကို ကုသနိုင်တာမျိုးတော့မဟုတ်ပေမယ့် ကိုဗစ်-၁၉ရောဂါဖြစ်စေတဲ့ SARS-CoV-2 ကိုရိုနာဗိုင်းရပ်စ်ပျံ့ပွားမှုကို ရပ်တန့်နိုင်မှာဖြစ်ပါတယ်။

SARS-CoV-2 က ခန္ဓာကိုယ်ထဲ ဝင်ရောက်ကူးစက်ပြီးနောက် ပျံ့ပွားမှုဖြစ်ကာ ကိုဗစ်ရောဂါဖြစ်လာစေပြီး မျိုးဗီဇကွဲတွေ ထွက်ပေါ်လာစေပါတယ်။

အခြားဗိုင်းရပ်စ်တွေကဲ့သို့ပင် SARS-CoV-2 ပျံ့ပွားရာမှာ ဆဲလ်တွေကိုဝင်ရောက်ပြီး သူတို့ရဲ့လမ်းကြောင်းအတိုင်း အသုံးချသွားပါတယ်။

အသက်ရှူလမ်းကြောင်းဆိုင်ရာ ရောဂါဆိုတဲ့အတိုင်း အဆုတ်ကိုပြင်းထန်စွာထိရောက်တဲ့အပြင် ဦးနှောက်၊ နှလုံး၊ ကျောက်ကပ်အပါအဝင် ခန္ဓာကိုယ်အနှံ့အပြားကိုပါ ထိခိုက်စေပါတယ်။

ဒါကြောင့် သုတေသီများက လမ်းကြောင်းတစ်ခုကို ရွေးခြယ်ကာ ခန္ဓာကိုယ်အင်္ဂါများအပြင် ကိုယ်ခံအားစနစ်နဲ့ ရောင်ရမ်းခြင်းတို့ကိုပါ ထိန်းချုပ်ရာမှာ အရေးကြီးပါတယ်။

သိပ္ပံပညာရှင်တွေက ကိုဗစ်လူနာတွေထံမှ တစ်ရှူးနမူနာများအသုံးချကာ ကူးစက်ပြီးခဏအကြာမှာပဲ ဆဲလ်တွေရဲ့ ဟစ်ပိုလမ်းကြောင်း စတင်အလုပ်လုပ်ပါတယ်။

ဒါပေမဲ့ ပရိုတိန်းတစ်မျိုးအလုပ်လုပ်တဲ့အချိန်မှာ ဟစ်ပိုလမ်းကြောင်းကတော့ အလုပ်မလုပ်တော့ဘဲ SARS-CoV-2 တွေ ပျံ့ပွားလာတာဖြစ်ပါတယ်။

ဗာတီပေါ်ဖင်ဆေးဟာ FDA အသိအမှတ်ပြုပြီးဖြစ်ပြီး မျက်စိရောဂါအချို့ကိုကုသရာမှာ အသုံးပြုကာ အထူးသဖြင့် မျက်လုံးသွေးကြောများပုံမှန်မဟုတ်ခြင်း အခြေအနေတွေမှာ အသုံးပြုလေ့ရှိပါတယ်။

ဆဲလ်ပျံ့ပွားခြင်းကို ပိတ်ပင်ခြင်းမျိုးနဲ့ ချိတ်ဆက်တစ်ရှူးကျဉ်းမြောင်းခြင်းကို ကာကွယ်တဲ့နေရာတွေမှာ အသုံးပြုပါတယ်။
ဗာတီပေါ်ဖင်က SARS-CoV-2 ပျံ့ပွားခြင်းကို တားဆီးကာ ဟစ်ပိုလမ်းကြောင်းကို ဆက်လက်အလုပ်လုပ်နေအောင် ဆောင်ရွက်ပေးပါတယ်။
စမ်းသပ်မှုလုပ်ခဲ့ရာမှာတော့ အလုပ်ဖြစ်ခဲ့ပြီး ဗာတီပေါ်ဖင်က SARS-CoV-2 ပျံ့ပွားခြင်းကို တားဆီးနိုင်ခဲ့ပါတယ်။
ဒီတွေ့ရှိမှုက ကိုဗစ်ကပ်ရောဂါပြဿနာတွေကို အတိုင်းအတာတစ်ခုထိ ဖြေရှင်းနိုင်ဖွယ်ရှိနေပါတယ်။

Source: The Jerusalem
#Yangon_Media_Group

#Local_New
Published_ 13 November 2022

၂၀၂၂ ခုနှစ် တက္ကသိုလ်ဝင်စာမေးပွဲအောင်မြင်သူများအတွက် နေပြည်တော် နည်းပညာတက္ကသိုလ်တွင် (၂၀၂၂-၂၀၂၃) ပညာသင်နှစ်၏ ပထမနှစ်သင်တန်းများကို စတင်ဖွင့်လှစ်သင်ကြားပေးသွားမည်ဖြစ်ပြီး သင်တန်းနှစ်များကို တစ်နှစ်ပြီးတစ်နှစ် တိုးချဲ့၍ မဟာဘွဲ့သင်တန်းများ၊ ပါရဂူဘွဲ့သင်တန်းများအထိ ဖွင့်လှစ်ပေးသွားမှာဖြစ်ကြောင်း သိရပါတယ်။

သိပ္ပံနှင့်နည်းပညာဝန်ကြီးဌာန နေပြည်တော် နည်းပညာတက္ကသိုလ်ဖွင့်ပွဲ အခမ်းအနားကို နိုဝင်ဘာ ၁၂ ရက်နံနက်ပိုင်းတွင် ကျင်းပပြုလုပ်ရာ နစကဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင် တက်ရောက်ဖွင့်လှစ်ပေးပြီး အမှာစကားပြောကြားခဲ့ပါတယ်။

နစကဥက္ကဋ္ဌက အမှာစကားပြောကြားရာတွင် နေပြည်တော် ဒေသခံပြည်သူများ၏ သားသမီးများနှင့် အနယ်နယ်အရပ်ရပ်မှ ထူးချွန်ကျောင်းသူ၊ ကျောင်းသားများအတွက် သင်ကြား၊ သင်ယူမှုအခွင့်အလမ်းများ ပိုမိုရရှိစေရန်၊ အဆင့်မြင့်အင်ဂျင်နီယာ ပညာရပ်များကို လေ့လာသင်ယူခွင့်ရရှိစေရန်၊ ကျွမ်းကျင် အင်ဂျင်နီယာပညာရှင်များ မွေးထုတ်ပေးရန်နှင့် ဒေသဖွံ့ဖြိုးတိုးတက်ရေးနှင့် ပြည်သူ များ၏လူမှုစီးပွားဘဝဖွံ့ဖြိုး ရေးကို အထောက်အကူပြုနိုင်စေရန်ရည်ရွယ်ပြီး နေပြည်တော်နည်းပညာ တက္ကသိုလ်ကို ဖွင့်လှစ်ပေးရခြင်းဖြစ်တယ်လို့ ဆိုပါတယ်။

ရန်ကုန်နည်းပညာတက္ကသိုလ်၊ မန္တလေးနည်းပညာတက္ကသိုလ်များကဲ့သို့ အဆင့်မြင့် တက္ကသိုလ်ကြီးတစ်ခုဖြစ်လာစေရန်ရည်ရွယ်ပြီး အစိုးရနည်းပညာကောလိပ် (နေပြည်တော်) ကို နေပြည်တော်နည်းပညာတက္ကသိုလ်အဖြစ် အဆင့်မြှင့်တင် ဖွဲ့စည်းတည်ထောင်ပေးထားခြင်းဖြစ်တယ်လို့ ဆိုပါတယ်။

နေပြည်တော် နည်းပညာတက္ကသိုလ်ကို အရည်အသွေးမြင့်မားသည့် သင်ကြား သင်ယူမှုနည်းစနစ်များ၊ နိုင်ငံတကာအဆင့်မီသင်ရိုးညွှန်းတမ်းများ၊ ခေတ်မီသင် ထောက်ကူပစ္စည်းများ၊ ခေတ်မီလက်တွေ့ခန်းသုံးပစ္စည်းများ၊ သုတေသနဓာတ်ခွဲခန်းများ၊ ခေတ်မီစာကြည့်တိုက်များစသည့် လိုအပ်သော Facilities များ အပြည့်အစုံ ဖြည့်ဆည်းပေးထားပြီး သင်ကြားသင်ယူမှု အထောက်အကူပြုစနစ် (Learning Management System – LMS) ကို အသုံးပြုကာ ထိထိရောက်ရောက် သင်ကြားပေးသွားမှာ ဖြစ်တယ်လို့ ဆိုပါတယ်။

နေပြည်တော်နည်းပညာတက္ကသိုလ်သည် ဇမ္ဗူသီရိမြို့နယ်၊ ဓနသိဒ္ဓိရပ်ကွက်တွင် တည်ရှိကာ ပညာသင်ကြားမှုများ အဆင်ပြေချောမွေ့စေရန်အတွက် စာသင်ဆောင်များ၊ စုဝေးခန်းမကြီး၊ သင်ကြားရေးနှင့် အုပ်ချုပ်ရေးဆိုင်ရာရုံးခန်းများ၊ စာသင်ခန်းများ၊ လက်တွေ့ခန်းများ၊ ကွန်ပျူတာခန်းများ၊ စာကြည့်တိုက်နှင့် Elibary တို့ကို ပြည့်စုံစွာဖြင့် ထည့်သွင်းတည်ဆောက်ထားကြောင်း သတင်းရရှိပါတယ်။

ygm_mnn
#Yangon_Media_Group

#World_Health
Published 13 November 2022

ရောဂါလက္ခဏာများမပြမီ နှစ်များအလိုမှာပင် အယ်လ်ဇိုင်းမားရောဂါကို တွေ့ရှိစေနိုင်မယ့် သွေးစစ်ဆေးချက်နည်းလမ်းကို ဖန်တီးနိုင်တော့မှာဖြစ်ကြောင်း လေ့လာချက်တစ်ခုမှာ ဖော်ပြထားပါတယ်။

မှတ်ဉာဏ်ချို့ယွင်းခြင်းရောဂါရဲ့ အစောပိုင်းလက္ခဏာတစ်ခုဟာ ဓာတုပစ္စည်းတွေနဲ့ဆက်စပ်နေကြောင်းကို ဖော်ထုတ်နိုင်ခဲ့တာဖြစ်ပါတယ်။

နောက်ဆုံးတွေ့ရှိမှုကတော့ မှတ်ဉာဏ်ချို့တဲ့သူတွေရဲ့ဦးနှောက်က ဆိုးရွားတဲ့ပရိုတိန်းနှစ်မျိုးကို ဖော်ထုတ်နိုင်ခဲ့တဲ့ စမ်းသပ်မှုများဖြစ်ပါတယ်။

ဒါဟာ သာမန်အိုမင်းရင့်ရော်ခြင်းနဲ့ ဒီမန်ရှာအခြေအနေတို့ကြား အကူးအပြောင်းကာလဖြစ်ပြီး မှတ်ဉာဏ်ယုတ်လျော့မှုအသေးစားလေးတွေ ဖြစ်ပေါ်လာလေ့ရှိပါတယ်။

အဆိုပါနည်းလမ်းဟာ ခန္ဓာကိုယ်ထဲဝင်ရောက်စမ်းသပ်စရာမလိုဘဲ သာမန်သွေးစစ်ဆေးမှုပြုလုပ်ရုံနဲ့ တွေ့ရှိနိုင်မှာဖြစ်ပါတယ်။

"ကျွန်ုပ်တို့ရဲ့တီထွင်မှုက အယ်လ်ဇိုင်းမားရောဂါရှာဖွေခြင်းနဲ့ ပစ္စည်းကိရိယာများထုတ်လုပ်ဖို့အတွက် ဖြစ်လာတာပါ၊ ဒီနည်းလမ်းဖြင့် ဆရာဝန်တွေအတွက်လည်း စောစီးစွာ ရောဂါသိရှိစေနိုင်မှာဖြစ်ပါတယ်" လို့ အမေရိကန် စင်ထရယ်တက္ကသိုလ်မှ ပရော်ဖက်ဆာ'ဘင်ရှူ'က ပြောကြားလိုက်ပါတယ်။

အီတလီမှ သိပ္ပံပညာရှင်များက ဘီယာသောက်ခြင်းဖြင့် ဦးနှောက်စွမ်းရည်ကိုမြှင့်တင်ပေးပြီး အယ်လ်ဇိုင်းမားကိုတိုက်ဖျက်နိုင်ကြောင်း ဖော်ပြထားပါတယ်။

ဘီယာအသင့်အတင့်သောက်ခြင်းဟာ ဦးနှောက်ထဲရှိအဆိပ်သင့်ပစ္စည်းများနဲ့ ပရိုတိန်းအညစ်အနယ်များကို ဖယ်ရှားပေးပါတယ်။
ဘီယာတွေမှာပါဝင်တဲ့ ပဋိဇီဝပစ္စည်းအချို့ဟာ ဦးနှောက်ထဲက ရောင်ရမ်းမှုကိုလျှော့ချပေးပြီး အယ်လ်ဇိုင်းမားရောဂါရှိသူတွေကို အကျိုးသက်ရောက်စေပါတယ်။

သို့သော် ဘီယာအလွန်အကျွံသောက်သုံးခြင်းကတော့ အယ်လ်ဇိုင်းမားရောဂါ ဖြစ်နိုင်ချေကို တိုးများစေတယ်လို့ သတိပေးထားပါတယ်။
ယူကေမှာ မှတ်ဉာဏ်ချို့ယွင်းခြင်းဝေဒနာခံစားရသူ ၉ သိန်းခန့်ရှိပြီး ၃ ပုံ ၂ ပုံလောက်က အယ်လ်ဇိုင်းမားရောဂါဖြစ်ပါတယ်။

ထိုရောဂါဟာ ကုသလို့မရနိုင်သလို သတိမေ့လျော့ခြင်း၊ စိတ်ရှုပ်ထွေးခြင်းတို့စတင်ဖြစ်ပေါ်ကာ ဦးနှောက်ပြင်းထန်စွာထိခိုက်ပြီး စိတ်ပိုင်းဆိုင်ရာရော ရုပ်ပိုင်းဆိုင်ရာပါ ထိခိုက်လာကာ အသက်သေဆုံးသည်အထိ အန္တရာယ်ရှိပါတယ်။

Source: The Sun
#Yangon_Media_Group

#Local_News
Published_12 November 2022

ကမ္ဘ္ဘာ့ရွှေဈေးနှုန်းဟာ ယခုရက်ပိုင်းအတွင်း မြင့်တက်နေပါတယ်။ ဒါကြောင့် ပြည်တွင်းရွှေဈေးနှုန်းဟာလည်း ပြန်လည်မြင့်တက်နေပြီး အဝယ်ထက်အရောင်းက ပိုများနေတယ်လို့ သိရပါတယ်။

#Yangon_Media_Group

#Local_News
Published_ 12 November 2022

မြန်မာနိုင်ငံမှာရှိတဲ့ ပြတိုက်တွေကိုဒစ်ဂျစ်တယ်ပလက်ဖောင်းကနေကြည့်ရူနိုင်တဲ့ ပြတိုက်တွေဖြစ်အောင်ပြုလုပ်နိုင်ပါက ဝင်ရောက်ကြည့်ရူသူတွေအပေါ်မူတည်ပြီး အွန်လိုင်းမှတစ်ဆင့်နိုင်ငံခြားဝင်ငွေတွေရရှိနိုင်မှာဖြစ်တယ်လို့ ရှေးဟောင်းသုတေသနနှင့်အမျိုးသားပြတိုက်ဦးစီးဌာနမှ သိရပါတယ်၊၊

#Yangon_Media_Group

#World_Cup
Published 12 November 2022

ပင်လယ်ကွေ့နိုင်ငံကျဉ်းလေးဖြစ်တဲ့ ကာတာနိုင်ငံမှာ ယခုလအတွင်းကျင်းပမယ့် ကမ္ဘာ့ဖလားဘောလုံးပြိုင်ပွဲအတွင်း ပရိသတ်တွေပြည့်လျှံနေမှာကို စိုးရိမ်မှုများရှိနေကြပေမယ့် ကာတာမှကမ္ဘာ့ဖလားပြိုင်ပွဲစီစဉ်သူတွေကတော့ ပြိုင်ပွဲကာလတွင်းအတွက် အခန်းလွတ်ထောင်နဲ့ချီပြီးကျန်နေသေးတယ်လို့ ဗုဒ္ဓဟူးနေ့မှာ ပြောကြားလိုက်ပါတယ်။

#Yangon_Media_Group

#Health_Matters
Published - 12 Nov 2022

- အိမ်သာတစ်ခုနှင့် ဧည့်ခန်းတစ်ခု ဘယ်ဟာကအရေးကြီးပါသလဲ??

#Yangon_Media_Group

#Local_News
Published _ 12 November 2022

ရန်ကုန်တိုင်း အိမ် ခြံ မြေ အရောင်းအဝယ်ဈေးကွက်ဟာ အခုလထဲမှာ ဝယ်ယူမှုနည်းပါးနေပြီး အရောင်းပဲရှိနေကာ ဈေးတွေကလဲ အရင်ဈေးတွေအတိုင်း ကျဆင်းမှုမရှိပဲ ပုံမှန်အနေအထားမျိုးပဲရှိနေတယ်လို့ ရန်ကုန်တိုင်း အိမ်ခြံမြေဝန်ဆောင်မှုလုပ်ငန်းလုပ်ကိုင်နေသူတွေဆီက သိရပါတယ်။

#Yangon_Media_Group

#Local_News
Published_ 12 November 2022

အသက်မပြည့်စစ်သည် ၁၀၅၇ ဦးကို မိဘအုပ်ထိန်းသူများထံ လွှဲပြောင်းပေးပြီးဖြစ်ကြောင်း အရွယ်မရောက်သေးသူ ကလေးသူငယ်များအား စစ်မှုထမ်းဆောင်ခြင်းမှ ကာကွယ်တားဆီး ထိန်းသိမ်းရေးကော်မတီဥက္ကဋ္ဌ ကာကွယ်ရေးဝန်ကြီးဌာန၊ ပြည်ထောင်စုဝန်ကြီး ဗိုလ်ချုပ်ကြီးမြထွန်းဦးက ပြောကြားခဲ့ပါတယ်။

အရွယ်မရောက်သေးသူ ကလေးသူငယ်များအား စစ်မှုထမ်းဆောင်ခြင်းမှ ကာကွယ်တားဆီးထိန်းသိမ်းရေး ကော်မတီအစည်းအဝေး(၂/၂၀၂၂)ကို နိုဝင်ဘာ ၁၁ ရက် နံနက် ၁၀ နာရီတွင် ကာကွယ်ရေး ဝန်ကြီးဌာန၌ ကျင်းပစဉ်ပြောကြားခဲ့တာ ဖြစ်ပါတယ်။

အရွယ်မရောက်သေးသူ ကလေးသူငယ်များ စစ်မှုထမ်းခြင်းမှ ကာကွယ်တားဆီးထိန်းသိမ်းရေးအတွက် ၂၀၀၄ ခုနှစ် ဇန်နဝါရီ ၅ ရက်တွင် အရွယ်မရောက်သေးသူ ကလေးသူငယ်များအား စစ်မှုထမ်းခြင်းမှ ကာကွယ်တားဆီးထိန်းသိမ်းရေးကော်မတီကို စတင်ဖွဲ့စည်းဆောင်ရွက်ခဲ့ပြီး ၂၀၀၄ ခုနှစ်မှ CTFMR နှင့် Plan of Action လက်မှတ်မရေးထိုးမီ ၂၀၁၂ ခုနှစ် ဇွန် ၂၇ ရက်အထိ အရွယ်မရောက်သေးသူ ကလေးသူငယ် ၅၉၇ ဦးကို တပ်မတော်မှ နှုတ်ထွက်ခွင့် ပေးခဲ့ပါတယ်။

ထို့နောက် ကုလသမဂ္ဂ အထွေထွေအတွင်းရေးမှူးချုပ်၏ အစီရင်ခံစာတွင် တပ်မတော် (ကြည်း)ပါဝင်နေခြင်းအား စာရင်းမှပယ်ဖျက်နိုင်ရန်အတွက် မြန်မာနိုင်ငံနှင့် Country Task Force on Monitoring and Reporting (CTFMR)တို့အကြား အရွယ်မရောက်သေးသူ ကလေးသူငယ်များအား စစ်မှုထမ်းခြင်းမှ ကာကွယ်တားဆီး ထိန်းသိမ်းရေးဆိုင်ရာ လုပ်ငန်းစီမံချက်(Plan of Action)ကို ၂၀၁၂ ခုနှစ် ဇွန် ၂၇ ရက်တွင် လက်မှတ်ရေးထိုးပြီး ပူးပေါင်းဆောင်ရွက်ခဲ့ပါတာပါ။

အဆိုပါစီမံချက်အရ CTFMR နှင့်ပူးပေါင်းပြီး အရွယ်မရောက်သေးမီ မှားယွင်း စုဆောင်းခဲ့သည့် အသက်မပြည့်စစ်သည် (၁၀၂၉)ဦးကို တပ်မတော်မှ နှုတ်ထွက်ခွင့်ပြုကာ မိဘအုပ်ထိန်းသူများထံ ပြန်လည်လွှဲပြောင်းပေးခဲ့ပြီးဖြစ်ပါကြောင်း၊ ထို့နောက် CTFMR နှင့် အသက်မပြည့်ကြောင်း အတည်ပြုပြီးဖြစ်သည့် စစ်သည် (၂၈)ဦးကိုလည်း ၂၀၂၂ ခုနှစ် မေ ၁၃ ရက်တွင် မိဘအုပ်ထိန်းသူများထံ ထပ်မံလွှဲပြောင်းပေးခဲ့ရာ ယခုအချိန်အထိ (၁၀၅၇)ဦး ရှိပြီဖြစ်တယ်လို့ ဆိုပါတယ်။

၂၀၂၂ ခုနှစ်၊ ဇန်နဝါရီမှ အောက်တိုဘာအထိ တပ်မတော်သို့ တာဝန်ထမ်းဆောင်ရန် ဝင်ရောက်လာသော လူငယ်များအား စိစစ်ခဲ့ရာ အသက်မပြည့် သံသယဖြစ်ဖွယ် လူငယ် (၄၅) ဦးနှင့် ဆန္ဒမပါသူ (၁၄၀) ဦး စုစုပေါင်း (၁၈၅) ဦးကို လက်ခံခြင်းမပြုဘဲ မိဘအုပ် ထိန်းသူများထံသို့ ပြန်လည်စေလွှတ်ခဲ့ပါကြောင်း၊ သံသယစစ်သည် (၇၉) ဦးကို CTFMR နှင့် အမှုတွဲတိုက်ဆိုင် စစ်ဆေးရန် စီစဉ်ဆောင်ရွက်လျက်ရှိပါကြောင်းနှင့် မှန်ကန်ပါက နှုတ်ထွက်ခွင့်ပြုနိုင်ရေး ဆောင်ရွက်သွားမှာဖြစ်တယ်လို့ ဆိုပါတယ်၊
ထို့အပြင် ၂၀၂၁ ခုနှစ်နှင့် ၂၀၂၂ ခုနှစ် တို့တွင် CTFMR မှ ထပ်မံပေးပို့လာသည့် သံသယဖြစ်ဖွယ်စစ်သည် (၁၂)ဦးကို စိစစ်ဆောင်ရွက်လျက်ရှိကြောင်း သတင်းရရှိပါတယ်။

ygm_mnn
#Yangon_Media_Group

#Health_Matters
Published - 12 Nov 2022

- မြန်မာက အိမ်သာလို့ အမည်ပေးထားတာကိုက ရှေးလူကြီးတွေ အမြော်အမြင်လို့ပြောလို့ရမလား လက်ရှိရော မြန်မာအိမ်သာတွေက အဲဒီအမြော်အမြင်နှင့်လိုက်လျောညီထွေရှိကြပါရဲ့လား??

#Yangon_Media_Group

#DailyNews
Published _ 12 November 2022

၁။ ရန်ကုန် အိမ်ခြံမြေဈေးကွက် ဝယ်လိုအားထက် ရောင်းလိုအားပိုများနေ

၂။ ကမ္ဘာ့ရွှေဈေးမြင့်တက်မှုကြောင့် ပြည်တွင်းရွှေဈေးမြင့်တက်နေ၊ အဝယ်ထက်အရောင်းပိုများနေဟု YGEA ပြော

၃။ မြန်မာပြတိုက်များကို ဒစ်ဂျစ်တယ်ပြတိုက်ပြုလုပ်နိုင်ပါက အွန်လိုင်းမှတစ်ဆင့်နိုင်ငံခြားဝင်ငွေရရှိနိုင်ဟုဆို

၄။ ကမ္ဘာ့ဖလားဘောလုံးပြိုင်ပွဲအတွက် ကာတာတွင်တည်းခိုစရာအခန်းများစွာရှိကြောင်း တာဝန်ရှိသူများဆို ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Health_Matters
Published - 12 Nov 2022

- နိုဝင်ဘာ ၁၉ ရက်ဟာ ကမ္ဘာ့အိမ်သာများနေ့ ဖြစ်ပါတယ်။ ဘာကြောင့် Toilet အိမ်သာတွေအတွက် နေ့သတ်မှတ်ပေးရတာလဲ??

#Yangon_Media_Group