Published_ 16 July 2023

အင်ဒိုနီးရှားနိုင်ငံတွင်ကျင်းပမည့် ကုန်စည်ပြပွဲ 38th Trade Expo Indonesia၌မြန်မာလုပ်ငန်းရှင်များ
ပါဝင်တက်ရောက်ပြသရန်စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှဖိတ်ခေါ်ထားကြောင်းသိရသည်။

အဆိုပါပြပွဲကိုအောက်တိုဘာ၁၈ရက်မှ၂၂ရက်အထိကျင်းပသွားမည်ဖြစ်ပြီးမြန်မာစွန့်ဦးတီထွင်စီးပွားရေးလုပ်ငန်းရှင်များ၊အလားအလာရှိသောဝယ်လက်များ၊ရင်းနှီးမြုပ်နှံသူများနှင့်UMFCCIအဖွဲ့ချုပ်အဖွဲ့ျဝင်များတက်ရောက်ပြသရန်ဖိတ်ကြားထားခြင်းဖြစ်သည်။

ယင်းပြပွဲကိုအင်ဒိုနီးရှားနိုင်ငံကုန်သွယ်ရေးဝန်ကြီးဌာနကကြီးမှူးကျင်းပ၍ SustainableTrade Global Economic Resilienceခေါင်းစဉ်ဖြင့် Hybridပုံစံကျင်းပမည်ဖြစ်ပြီးOnline Product Showcaseကိုအောက်တိုဘာ၁၈ရက်မှ ဒီဇင်ဘာ၁၈ရက်အတွင်းအချိန်မရွေးပြသနိုင်မည်ဖြစ်သည်။

ပြပွဲတွင်အစားအသောက်နှင့်အဖျော်ယမကာများ၊အဝတ်အထည်နှင့်အထည်လိပ်များ၊ဓာတုဗေဒစွမ်းအင်နှင့်ထုတ်ကုန်များ၊Digitalဝန်ဆောင်မှုများ၊အလှအပပစ္စည်း၊ဆေးပစ္စည်း၊ကျန်းမာရေးဝန်ဆောင်မှုနှင့်အိမ်အသုံးအဆောင်ပစ္စည်းများကိုခင်းကျင်းပြသသွားမည်ဖြစ်သည်။

ပါဝင်ပြသလိုသည့်စီးပွားရေးလုပ်ငန်းရှင်များအနေဖြင့်စီးပွားရေးနှင်ကူးသန်းရောင်းဝယ်ရေးဝန်ကြီးဌာန၊မြန်မာ့ကုန်သွယ်မှုမြှင်တင်ရေးအဖွဲ့၊ကုန်သွယ်မှုဖွံ့ဖြိုးရေးဌာနခွဲသို့ဆက်သွယ်နိုင်ကြောင်းသိရသည်။
Yangon_Time/tthl
#Local_News
#YMG #Yangon_Times