#Local_News
Published_ 30 May 2022

မေ ၃၀ ရက်မှ ဇွန် ၅ ရက်အထိ ရန်ကုန်အထိုင်ဈေး အခြေခံလက်ကား ရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ၅၇၂၅ ကျပ် ဖြစ်ကြောင်း စားသုံးဆီတင်သွင်း သိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက ထုတ်ပြန်ကြေညာထားပါတယ်။

ဒီတစ်ပတ်အတွင်း ကမ္ဘာ့စားအုန်းဆီ ထုတ်လုပ်တင်ပို့တဲ့ နိုင်ငံများတွင် စားအုန်းဆီဈေးနှုန်းများ အနည်းငယ်မြင့်တက်လာပြီး တစ်ပတ်အတွင်းဖြစ်ပေါ်ခဲ့တဲ့ FOB ဈေးနှုန်းများအပေါ်အခြေခံ၍ တွက်ချက်မှုအရ ဈေးနှုန်းသတ်မှတ်ထားခြင်းဖြစ်ပါတယ်။

ထို့ပြင် ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းနှင့် မသမာတဲ့ လုပ်ဆောင်မှုများပြုလုပ်ပါက အရေးကြီး ကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း ထုတ်ပြန်ချက်မှာ ဖော်ပြထားပါတယ်။

စားသုံးဆီတင်သွင်း သိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီ အနေဖြင့် စားအုန်းဆီကမ္ဘာ့ဈေးနှုန်း ဖြစ်ပေါ်ပြောင်းလဲမှုနှင့်အညီ ပြည်တွင်း၌ ဖြစ်သင့် ဖြစ်ထိုက်သည့် ဈေးနှုန်းများဖြစ်ပေါ်စေရေး ထိန်းကျောင်းဆောင်ရွက်လျက်ရှိတယ်လို့ ဆိုပါတယ်။

ymg-mnn
#Yangon_Media_Group

#WorldHealth
Published 30 May 2022

ကိုဗစ်ကာကွယ်ဆေးအကြိမ်ရေ အပြည့်ထိုးထားပြီး ကိုရိုနာဗိုင်းရပ်စ်ကူးစက်ခံထားရတဲ့ လူတွေဟာ ကာကွယ်ဆေးတဝက်တပျက်ထိုးထားသူများ ဒါမှမဟုတ် ကာကွယ်ဆေးလုံးဝမထိုးရသေးတဲ့ သူများနဲ့နှိုင်းယှဉ်ပါက ကိုဗစ်ရောဂါကူးစက်ပျံ့ပွားနိုင်ချေနည်းပါးကြောင်း တောင်ကိုရီးယားလေ့လာချက်တစ်ခုမှာ ဖော်ပြထားပါတယ်။

ကာကွယ်ဆေးထိုးထားပြီး ကိုဗစ်ကူးစက်ထားသူအယောက် ၅၀ အပါအဝင် ဆေးရုံဝန်ထမ်း ၁၇၃ ယောက်ကိုလေ့လာကြရာမှာ ဆေးရုံအတွင်းဗိုင်းရပ်စ်ကူးစက်သူတွေထဲမှာ ကာကွယ်ဆေးထိုးပြီးသားသူတွေထံမှ ၇ ရာခိုင်နှုန်းကူးစက်ခဲ့ပြီး ကာကွယ်ဆေးမထိုးထားသူတွေထံမှ ၂၆ ရာခိုင်နှုန်းကူးစက်ခဲ့ကာ နှစ်ဖွဲ့စလုံးက ဗိုင်းရပ်စ်ပမာဏတော့ အတူတူပဲဖြစ်ကြောင်း တွေ့ရှိခဲ့ကြပါတယ်။

ကိုဗစ်လက္ခဏာသာမန်မျှခံစားရပြီး ကွာရန်တင်ထားထားတဲ့ နောက်ထပ်လူ ၄၅ ယောက်ကိုလေ့လာရာမှာ ကာကွယ်ဆေးအပြည့်ထိုးပြီးသားလူ ၆ ယောက်က ၄ ရက်လောက်အထိ ကူးစက်နိုင်တဲ့ ဗိုင်းရပ်စ်အမှုန်တွေ တွေ့ခဲ့ရပါတယ်။

ကာကွယ်ဆေးအကြိမ်ရေ မပြည့်သေးတဲ့လူ ၁၁ ယောက်ကတော့ ၈ ရက်မျှဗိုင်းရပ်စ်မှုန်တွေရှိနေပြီး ကာကွယ်ဆေးလုံးဝ မထိုးထားတဲ့သူ ၂၈ ယောက်မှာတော့ ၁၀ ရက်အထိဗိုင်းရပ်စ်အမှုန်တွေကျန်ရှိနေပါတယ်။

ဒီကူးစက်မှုတွေအားလုံးဟာ အိုမီခရွန်မျိုးဗီဇကွဲမပေါ်ထွက်ခင်ကာလကဖြစ်ကြောင်း သုတေသီများ က JAMA Network Open မှာ အင်္ဂါနေ့က ဖော်ပြခဲ့ပါတယ်။

အဆိုပါအချက်အလက်တွေအရ ကိုဗစ်ကာကွယ်ဆေးထိုးထားတဲ့သူတွေမှာ ရောဂါကူးစက်နိုင်တယ်ဆိုပေမယ့် ကိုရိုနာဗိုင်းရပ်စ်ပျံ့ပွားမှုကိုထိန်းချုပ်ဖို့ ကိုဗစ်ကာကွယ်ဆေးကအရေးကြီးလိုအပ်ဆဲဖြစ်ကြောင်း သုတေသီများကအကြံပြုခဲ့ပါတယ်။

Source: Reuters
#Yangon_Media_Group

#Local_News
Published_ 30 May 2022

၂၀၂၁ ခုနှစ် နှစ်ကုန်ပိုင်းက ပို့ကုန်ရငွေကျန်ရှိနေတဲ့အတွက် လုပ်ငန်းရှင်မှတ်ပုံတင်လက်မှတ်ပိတ်သိမ်းခဲ့တဲ့ ကုမ္ပဏီပေါင်း ၃၀၀ ကျော်အနေဖြင့် ဘဏ်တွင်စာရင်းရှင်းပြီးပါက လုပ်ငန်းရှင်လက်မှတ်တွေ အသစ်ပြန်လည် လျှောက်ထားဖို့အတွက် ကုန်သွယ်ရေး ဦးစီးဌာနကနေ အသိပေးထုတ်ပြန်ထားပါတယ်။

၂၀၂၁ ခုနှစ် နိုဝင်ဘာလ ၁၀ ရက်ကနေ ဒီဇင်ဘာလ ၁၀ ရက်အတွင်း ပို့ကုန်ရငွေ ပြန်လည်ဝင်ရောက်မှုမရှိသေးတဲ့ ကုမ္ပဏီပေါင်း ၃၄၆ ခုရှိတယ်လို့ သိရပါတယ်။

သက်သေအထောက် အထားတွေနဲ့ စာရင်းရှင်းလင်းတင်ပြတဲ့ ကုမ္ပဏီတွေဟာ သတ်မှတ်ထားတဲ့ အခကြေးငွေပေးဆောင်ပြီး ပို့ကုန်၊သွင်းကုန်လုပ်ငန်းရှင် မှတ်ပုံတင်လက်မှတ်အသစ် ပြန်လည်လျှောက်ထားနိုင်တယ်လို့ သိရပါတယ်။

ဒါ့အပြင် ပို့ကုန်၊ သွင်းကုန်လုပ်ငန်းရှင်မှတ်ပုံတင်လက်မှတ် ပိတ်သိမ်းပြီးနောက်ပိုင်းမှ ပို့ကုန်ရငွေ ပြန်လည်ဝင်ရောက်လာတဲ့ ကုမ္ပဏီတွေအနေနဲ့ သက်ဆိုင်ရာ ဘဏ်ကနေ စာရင်းရှင်းပြီးကြောင်း မြန်မာနိုင်ငံတော်ဗဟိုဘဏ်ကို သတင်းပို့ခဲ့တဲ့နေ့ကနေစပြီး နောက် ၁၄ ရက်ပြည့်တဲ့အချိန်မှသာ အခကြေးငွေပေးဆောင်ပြီး လုပ်ငန်းရှင် မှတ်ပုံတင်လက်မှတ် အသစ်ကို ပြန်လည်လျှောက်ထားနိုင်တယ်လို့လည်း ကုန်သွယ်ရေးဦးစီးဌာနရဲ့ ထုတ်ပြန်ချက်မှာ ဖော်ပြထားပါတယ်။

ပို့ကုန်တင်ပိုတဲ့ ကုမ္ပဏီတွေအနေနဲ့ ပို့ကုန်ရငွေတွေကို ဗဟိုဘဏ်ကထုတ်ပြန် ထားတဲ့ကာလအတွင်း ဝင်ရောက်တာမရှိပါက လုပ်ငန်းရှင်မှတ်ပုံတင်လက်မှတ် ပိတ်သိမ်းသည်အထိ အရေးယူမယ်လို့ မေ ၇ ရက်က ထုတ်ပြန်ခဲ့ပါတယ်။

ymg-mnn
#Yangon_Media_Group

#LocalNews
Published -29 May 2022

နောက်(၂)ရက်အတွက်ခန့်မှန်းချက်အနေနဲ့ ရန်ကုန်တိုင်း၊ပဲခူးတိုင်း၊ဧရာဝတီတိုင်းနှင့်ရခိုင်ပြည်နယ်တို့မှာ မိုးပိုလာမယ်လို့ မိုးလေဝသနှင့်ဇလဗေဒညွှန်ကြားမှု ဦးစီးဌာနကမေလ(၂၉)ရက်ညပိုင်းက သတိပေးချက်ထုတ်ပြန်လိုက်ပါတယ်၊၊

မေလ(၃၀)ရက်မွန်းတည့်ချိန်အထိ ခန့်မှန်းချက်အနေနဲ့ကတော့ ရန်ကုန်တိုင်း၊ပဲခူးတိုင်း၊ဧရာဝတီတိုင်း၊ ကယားပြည်နယ်နှင့်မွန်ပြည်နယ်တို့မှာနေရာကွက်ပြီး မိုးကြီးနိုင်တယ်လို့ဖော်ပြထားပါတယ်၊၊

စစ်ကိုင်းတိုင်းအောက်ပိုင်း၊ မန္တလေးတိုင်း၊ မကွေးတိုင်းနဲ့ကယားပြည်နယ်တို့မှာ နေရာကျဲကျဲ၊ နေပြည်တော်၊ စစ်ကိုင်းတိုင်းအထက်ပိုင်း၊ ရှမ်းပြည်နယ်နှင့် ချင်းပြည်နယ်တို့မှာနေရာစိပ်စိပ်နဲ့ ကျန်တိုင်းဒေသကြီးနဲ့ ပြည်နယ်တို့မှာ နေရာအနှံအပြားမိုးထစ်ချုန်းရွာသွန်းနိုင်တယ်လို့ ထုတ်ပြန်ချက်မှာဖော်ပြပါရှိပါတယ်၊၊

မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့မှာ တစ်ခါတစ်ရံမိုးသက်လေပြင်းများကျရောက်ပြီး လှိုင်းအသင့်အတင့်မှ လှိုင်းကြီးနိုင်တယ်လို့ မိုး/ဇလမှသိရပါတယ်၊၊

ymg/tthl
#Yangon_Media_Group

TV Yangon Times Matters အစီအစဉ်
Published - 29 May 2022

အစီစဉ်တင်ဆင်သူ ဆရာဟိန်းလတ်က အကယ်ဒမီများရှင် ဝါဝါဝင်းရွှေနှင့်အတူ

-"ဝ သုံးလုံးနဲ့ဆက်စပ်ပြီး ဝါဝါဝင်းရွှေဟုနာမည်တွင်လာခဲ့တဲ့အကြောင်း။

-ရှင်စောပုဘုရင်မကြီး ပန်ထွာဘုရင်မကြီးနဲ့သိုက်ဆက်ပဠာန်းဆက်ရှိခဲ့တဲ့အကြောင်း" စတဲ့စိတ်ဝင်စားဖွယ်အကြောင်းအရာများကို ဆွေးနွေခဲ့ကြပါတယ်။

#Yangon_Media_Group

TV Yangon Times Matters အစီအစဉ်
Published - 29 May 2022

အစီစဉ်တင်ဆင်သူ ဆရာဟိန်းလတ်က အကယ်ဒမီများရှင် ဝါဝါဝင်းရွှေနှင့်အတူ

-"ဝ သုံးလုံးနဲ့ဆက်စပ်ပြီး ဝါဝါဝင်းရွှေဟုနာမည်တွင်လာခဲ့တဲ့အကြောင်း။

-ရှင်စောပုဘုရင်မကြီး ပန်ထွာဘုရင်မကြီးနဲ့သိုက်ဆက်ပဠာန်းဆက်ရှိခဲ့တဲ့အကြောင်း" စတဲ့စိတ်ဝင်စားဖွယ်အကြောင်းအရာများကို ဆွေးနွေခဲ့ကြပါတယ်။

#Yangon_Media_Group

TV Yangon Times Matters အစီအစဉ်
Published - 29 May 2022

အစီစဉ်တင်ဆင်သူ ဆရာဟိန်းလတ်က အကယ်ဒမီများရှင် ဝါဝါဝင်းရွှေနှင့်အတူ

-"ဝ သုံးလုံးနဲ့ဆက်စပ်ပြီး ဝါဝါဝင်းရွှေဟုနာမည်တွင်လာခဲ့တဲ့အကြောင်း။

-ရှင်စောပုဘုရင်မကြီး ပန်ထွာဘုရင်မကြီးနဲ့သိုက်ဆက်ပဠာန်းဆက်ရှိခဲ့တဲ့အကြောင်း" စတဲ့စိတ်ဝင်စားဖွယ်အကြောင်းအရာများကို ဆွေးနွေခဲ့ကြပါတယ်။

#Yangon_Media_Group

#LocalNews
Published -30 May 2022

ထိုင်းနိုင်ငံ မဟာစရခမ်တက္ကသိုလ်က ပေးအပ်တဲ့ မဲခေါင်(၆)နိုင်ငံဆိုင်ရာ Art Award 2022 ဆုစာရင်းထဲမှာ မြန်မာနိုင်ငံက ပန်းချီဆရာ (၃) ဦး ထည့်သွင်းခြင်းခံရတယ်လို့ သိရပါတယ်၊၊

Honored Art Award နဲ့ Young Artist Award တို့အတွက် ပေးအပ်တာဖြစ်ပါတယ်၊၊

Honored Art Award အနေနဲ့ ပန်းချီအနုပညာရှင် Mon Thet နဲ့ Than Kyaw Htay တို့ ရရှိခဲ့ပြီး Young Artist Award ကို ပန်းချီဆရာ Pann Kyi တို့မှ ရရှိခဲ့ပါတယ်၊၊

ymg/tthl
#Yangon_Media_Group

Published 29 May 2022

တရုတ်နိုင်ငံက ပြည်တွင်းထုတ် အလယ်အလတ်အရွယ် လုပ်ငန်းစုံသုံး ရဟတ်ယာဉ် AC352 ကို လုပ်ဆောင်မှုတွေနှင့် စိတ်ချရမှုတွေကို  စမ်းသပ်ပျံသန်းမှု ပြီးဆုံးခဲ့ပြီး ဒါဟာ ပျံသန်းခွင့်လက်မှတ်ရဖို့ နောက်တစ်ဆင့်တက်သွားတာ ဖြစ်တယ်လို့ တရုတ်လေကြောင်း လုပ်ငန်းကော်ပိုရေးရှင်း AVICက စနေနေ့ကပြောပါတယ်။

AC352 ရဟတ်ယာဉ်ဟာ  တရုတ်နိုင်ငံ အရှေ့မြောက်ပိုင်း ဟေးလုံးကျန်းပြည်နယ် ဟာပင်းဖင်းဖှန်းလေဆိပ်ကို စနေနေ့ မနက်  ၁၀နာရီ၂၂မိနစ်မှာ ဆင်းသက်ခဲ့ပါတယ်။ လေယာဉ်ဟာ အဲဒီပြည်နယ်  ကျန်ဆန်ကျန်းရှီဒီလေဆိပ်ကျားမူးဆီ လေဆိပ်ကနေ ၆၁၆ ကီလိုမီတာ ခရီးရှည် ပျံသန်းခဲ့တာဖြစ်ပါတယ်။

စမ်းသပ်ပျံသန်းမှုပြီးဆုံးသွားတဲ့အတွက် တရုတ်နိုင်ငံ မြို့ပြလေကြောင်းပျံသန်းရေးအာဏာပိုင်အဖွဲ့က စစ်ဆေးပြီးတဲ့နောက်  ပျံသန်းခွင့်လက်မှတ်ထုတ်ပေးဖို့  နောက်ဆုံးအဆင့်ပဲ ကျန်ရှိပါတော့တယ်လို့ တရုတ်ရဲ့ ထိပ်တန်း လေယာဉ်ပျံထုတ်လုပ်တဲ့ AVIC ကပြောပါတယ်။

စမ်းသပ်ပျံသန်းမှုတွေကို တစ်ရက်ကို ငါးနာရီကြာပြုလုပ်ခဲ့တာဖြစ်ပီဲး နေ့ပျံသန်းခြင်းနှင့်ညပျံသန်းခြင်းတွေကိုပါ ဆောင်ရွက်ခဲ့ကြပါတယ်လို့သိရပါတယ်။

Source CCTV

#LocalNews
Published - 29 May 2022

စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ စားသုံးဆီစျေးနှုန်းကို သတ်မှတ်ထားသည့်နှုန်းထားထက် ပိုမိုရောင်းချခြင်းမပြုလုပ်ရန် ညွှန်ကြားထားသော်လည်း စျေးကွက်အတွင်း စျေးနှုန်းများကျဆင်းခြင်းမရှိသေးကြောင်း ရောင်းချသူများနှင့် ဝယ်ယူသုံးစွဲသူများထံမှ သိရသည်။

" စားသုံးဆီစျေးနှုန်းက ပြီးခဲ့တယ့်ရက်က နည်းနည်းပဲကျတယ်။ သူတို့က ဒီစျေးပဲသတ်မှတ်ထားပြီး ဒီစျေးနဲ့ပဲရောင်းရမယ်လို့ပြောပေမယ့်လည်း ကုန်သည်တွေဆီက ဆီကိုဝယ်ကတည်းက စျေးကတတ်နေတာ။ အဲ့တော့ရောင်းရင်လည်း ဝယ်တဲ့စျေးနဲ့ကိုက်အောင်ရောင်းရတယ်"ဟု နန္ဒဝန်စျေးတွင် စားသုံးဆီရောင်းချနေသည့် ဒေါ်မြင့်မြင့်စန်းက ပြောသည်။

မြေပဲဆီပေါက်ဈေးမှာ တစ်ပိဿာ ကျပ် ၈,၅၀၀၊ နှမ်းဆီတစ်ပိဿာ ကျပ် ၈,၀၀၀ ရှိပြီး စားအုန်းဆီမှာ တစ်ပိဿာ ကျပ် ၇,၀၀၀ ကျော် ပေါက်ဈေးသာရှိပြီး ကုန်စည်ဒိုင်အတွင်း အရောင်းအဝယ် မရှိကြောင်းသိရသည်။

" ကျွန်မကအကြော်စုံရောင်းတာ။ ဆီစျေးတွေကကြီးတော့ ရေရှည်ဘယ်လိုရောင်းရမလဲမသိတော့ဘူး။ စျေးကအရမ်းကြီးတက်ရောင်းလို့လည်းမရဘူး။ ဖြေးဖြေးနဲ့ ပုံမှန်ပဲရောင်းနေရတယ်။ အဆင်မပြေဘူး" အကြော်ရောင်းသည့် ဒေါ်ခင်လှမြင့်က ပြောသည်။

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စားသုံးဆီ တင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်ရေးကော်မတီအနေဖြင့် စားအုန်းဆီကမ္ဘာ့စျေးနှုန်းဖြစ်ပေါ် ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့်စျေးနှုန်းများ ဖြစ်ပေါ်စေရေး ထိန်းကျောင်းဆောင်ရွက်လျက်ရှိပြီး စားအုန်းဆီ အဓိကထုတ်လုပ်တင်ပို့သည့် မလေးရှားနိုင်ငံနှင့် အင်ဒိုနီးရှားနိုင်ငံတို့တွင် ဖြစ်ပေါ် နေသည့် FOB စျေးနှုန်းများကို နေ့စဉ်စောင့်ကြည့်ကာ သယ်ယူပို့ဆောင်ခ ကုန်ကျစရိတ်များ ဘဏ်စရိတ်များ၊ အခွန်အခများထည့်သွင်း တွက်ချက်၍ ပြည်တွင်းစျေးကွက်၌ ရောင်းဝယ်ဖောက်ကားရမည့် အခြေခံလက်ကားရည်ညွှန်း စျေးနှုန်းကို ထုတ်ပြန်ပေးလျက်ရှိကြောင်း သိရသည်။

ymg/sth
#Yangon_Media_Group

Published 29 May 2022

အမျိုးသားတစ်ဦးဟာ သူ့ဇနီးသည်နှင့် ချစ်တင်းနှီးနှောပြီး ဆယ်မိနစ်အကြာမှာ ရုတ်တရက်ကြီး အတိတ်မေ့ ဝေဒနာ ရရှိ  သွားခဲ့ပါတယ်။ သူရဲ့မှတ်ဉာဏ်တွေဟာ ယမန်နေ့က ဘာလုပ်ခဲ့တယ်ဆိုတာကို ယာယီအားဖြင့် လုံးဝ  မမှတ်မိတော့ပဲ  ဖြစ်သွား ပြီး အချက်အလက်အသစ်တွေကိုလည်း မှတ်ဉာဏ်က လက်မခံနိုင်ဘဲ ဖြစ်သွားခဲ့ရတယ်လို့ ဆရာဝန်တွေက ပြောပါတယ်။

အသက် ၆၆ နှစ်အရွယ် အမျိုးသားဟာ နေ့လယ်ခင်းတစ်ခုမှာ ဇနီးနှင့်ချစ်တင်းနှီးနှောပြီးနောက် သူ့ဖုန်းကိုကြည့်ပြီး ရက်စွဲကို မြင်သွားတဲ့အခါ သူအတော် စိတ်ပူပန်သွားရပါတယ်။ သူ့မင်္ဂလာနှစ်ပတ်လည် မလုပ်ခဲ့ရပါလားဆိုပြီး စိတ်ပူသွားတာပါ။ တကယ်တမ်းတော့ အဲဒီမင်္ဂလာနှစ်ပတ်လည်ပွဲကို ယမန်နေ့ကပဲ သူဟာ သူ့ဇနီးသည်၊မိသားစုနှင့်အတူ ဆင်နွှဲခဲ့ပြီး ဖြစ်ပါတယ်  လို့ အိုင်ယာလန်နိုင်ငံ လင်မာရစ်ခ်က ဆရာဝန်တွေကပြောတဲ့အကြောင်း အိုင်ယာလန်ဆရာဝန်အသင်းက ဗုဒ္ဓဟူးနေ့က တရားဝင်ထုတ်တဲ့ ဂျာနယ်မှာ ဖော်ပြထားပါတယ်။

အဲဒီမှတ်ဉာဏ်ချို့ယွင်းမှုဟာ တစ်နာရီလောက်ကြာသွားခဲ့ပါတယ်။ အဲဒီသူဟာ သူ့ဇနီးနှင့် သမီးကို အဲဒီနေ့မနက်နှင့် မနေ့က ဘာတွေဖြစ်ခဲ့သလဲဆိုတာကို ထပ်ခါတလဲလဲမေးနေခဲ့တယ်လို့ ဆရာဝန်တွေက ပြောပါတယ်။

ဆရာဝန်တွေရဲ့အစီရင်ခံစာမှာ အဲဒီလူ ဘယ်သူဆိုတာ ဖော်ပြမထားပါဘူး။ သူဟာ အရေးပေါ်အခန်းထဲ ရောက် သွားခဲ့ရပါတယ်။ အဲဒီနောက် သူဟာ ပုံမှန်အာရုံကြောဆိုင်ရာ စမ်းသပ်စစ်ဆေးအမှုအပြည့်အစုံကို ခံယူခဲ့ရပါတယ်၊

ဆရာဝန်တွေက transient global amnesia (TGA)ရောဂါလို့သတ်မှတ်လိုက်ပါတယ်။ TGA ဆိုတာ  မှတ်ဉာဏ်ယာယီချို့ယွင်း သွားပြီး မှတ်ဉာဏ်အသစ်တွေကို လည်း လက်ခံလို့မရနိုင်တဲ့  ရောဂါဖြစ်ပါတယ်။ မှတ်ဉာဏ်ချို့ယွင်းမှုဟာ ပုံမှန်အားဖြင့် ဘာမှကုသစရာမလိုဘဲ ၄နာရီကနေ ၆ နာရီအတွင်း ကြာတတ်ပါတယ်။ဒါပေမယ့် ၂၄နာရီအထိလည်း ကြာသွားတတ်တာတွေ ရှိပါတယ်။

မေးခွန်းတွေတရစပ်မေးပြီး အဖြေကို မရနိုင်တာတွေဟာ TGA ရဲ့ အဓိက ရောဂါလက္ခဏာတွေဖြစ်တယ်လို့ ဆရာဝန်တွေက ပြောပါတယ်။

TGAဖြစ်တာကို လေဖြတ်တာ၊မှတ်ဉာဏ်ချိုံ့ယွင်းတာနှင့် ဝက်ရူးပြန်ရောဂါတွေလို့ ထင်နိုင်ပြီး အချို့သော လေယာဉ်မှူးတွေလို အလုပ်တွေအတွက် ရောဂါရှုပ်ထွေးမှုတွေရှိတတ်ပါတယ်။

ရောဂါဖြစ်သူတွေအများစုဟာ အသက်၅၀နှင့် ၇၀အကြား အမျိုးသားတွေဖြစ်ပါတယ်။ဘာကြောင့် TGA ဖြစ်ရတယ်ဆိုတာ အတိအကျမသိကြပါဘူး။ဒါပေမယ့်  ခန္ဓာကိုယ်ပင်ပန်းတာ၊ အေးတဲ့ပူတဲ့ရာသီဥတုအောက်မှာ အကြာကြီးနေတာ၊ စိတ်လှုပ်ရှားဖိစီးမှုတွေ၊ အနာတရဖြစ်မှုနှင့် လိင်ဆက်ဆံမှုတွေ အစရှိတဲ့ လှုပ်ရှားဆောင်ရွက်မှု အတော်များများနှင့် ဆက်စပ်နေတာတွေ့ရှိခဲ့ပါတယ်။

အခုဖြစ်ခဲ့တဲ့သူဟာ ယခင်(၇)နှစ်တုန်းကလည်း အလားတူဖြစ်ခဲ့ပါတယ်။ TGAဟာ လူတစ်ယောက်ကို တစ်ကြိမ်ထက်ပိုပြီး ဖြစ်စေနိုင်ပါတယ်။ ဘယ်နှကြိမ်ဖြစ်နိုင်တယ်လို့တော့ အတိအကျရယ်လို့ မရှိဘူးလို့သိရပါတယ်။

Source Insider

#LocalNews
Published - 29 May 2022

တရုတ်နိုင်ငံအစိုးရမှ မြန်မာနိုင်ငံသို့လှူဒါန်းသည့် ကိုဗစ်-၁၉ Vaccine နှင့်ဆေးကုသရေးပစ္စည်းများ လွှဲပြောင်းပေးအပ်သည့်အခမ်းအနားအား မေလ ၂၉ ရက်နေ့တွင် ရန်ကုန်အပြည်ပြည်ဆိုင်ရာလေဆိပ်၌ ကျင်းပခဲ့ပါတယ်။

အဆိုပါအခမ်းအနားသို့ မြန်မာနိုင်ငံဆိုင်ရာတရုတ်သံအမတ်ကြီး Mr. Chen Hai နှင့် မြန်မာနိုင်ငံ ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာသက်ခိုင်ဝင်းတို့ တက်ရောက်ခဲ့ကြပြီး ယခုအကြိမ်လှူဒါန်းမှုတွင် Sinopharm ကိုဗစ်-၁၉ Vaccine ၁၀ သန်း၊ Vaccine ဆေးထိုးအပ် ၁၃ သန်းနှင့် ရွေ့လျားဓာတ်ခွဲခန်းယာဉ် (Mobile Laboratory Vehicle) နှစ်စီးတို့ပါဝင်တယ်လို့ သိရပါတယ်။

သံအမတ်ကြီး Mr. Chen Hai က "ယခုအကြိမ်လှူဒါန်းမှုသည် တရုတ်နိုင်ငံက မြန်မာပြည်သူတစ်ရပ်လုံးအတွက် မြန်မာနိုင်ငံကပ်ရောဂါတိုက်ဖျက်ရေးလုပ်ငန်းအား ဆက်တိုက်အကူအညီပေးအပ်သည့် နောက်ထပ်အရေးကြီးလုပ်ဆောင်ချက်တစ်ခုဖြစ်ပြီး တရုတ်-မြန်မာအေးအတူပူအမျှအသိုက်အဝန်းစိတ်ဓာတ်ကို ထပ်မံပြသခြင်းလည်းဖြစ်ကြောင်း၊ ကိုဗစ်-၁၉ ရောဂါ ဖြစ်ပွားချိန်မှစပြီး တရုတ်နိုင်ငံက မြန်မာနိုင်ငံမြောက်ပိုင်းဒေသအပါအဝင် မြန်မာနိုင်ငံသို့ အကြိမ်ပေါင်းများစွာ Vaccine ၊ အောက်ဆီဂျင်အရည် စသည့်ပစ္စည်းအကူအညီအများအပြားပေးအပ်သည့်အပြင် သမ္မတ Mr. Xi Jinping ၏ “တရုတ်-အာဆီယံကျန်းမာရေးအကာအကွယ်ဒိုင်း” ပူးပေါင်းဆောင်ရွက်ရေးအဆိုပြုချက်ကို ထပ်ဆင့်အကောင်အထည်ဖော်ဆောင်ကာ မြန်မာနိုင်ငံနှင့်ပူးပေါင်းဆောင်ရွက်၍ Vaccine ပုလင်းသွင်းဖြည့်တင်းထုတ်လုပ်နိုင်ရန် အကူအညီပေးအပ်ခဲ့ပြီး မြန်မာနိုင်ငံ၏ Vaccine ထိုးနှံမှုနှုန်းကို မြှင့်တင်နိုင်ရန်ကူညီပေးခဲ့ကြောင်း၊ မြန်မာနိုင်ငံပြည်တွင်း၌ကပ်ရောဂါအခြေအနေကို ထိရောက်စွာထိန်းချုပ်နိုင်ပြီး ပြည်သူလူထုထုတ်လုပ်မှုနှင့် လူနေမှုဘဝတဖြည်းဖြည်း ပုံမှန်ပြန်ဖြစ်လာခြင်းကို မိမိတို့ဝမ်းမြောက်ဖွယ်တွေ့ မြင်ရကြောင်း" ယနေ့ အခမ်းအနားမှာ ပြောကြားခဲ့ပါတယ်။

ဆက်လက်၍ သံအမတ်ကြီး Mr. Chen Hai က တရုတ်နိုင်ငံကအခက်အခဲများကိုကျော်လွှားပြီး တရုတ်နိုင်ငံအထောက်အပံ့ဖြင့် တည်ဆောက်သည့် မြန်မာနိုင်ငံ ကူးစက်ရောဂါထိန်းချုပ်ရေးဗဟိုဌာန (CDC) နှင့် ကျန်းမာရေးဝန်ထမ်းများလေ့ကျင့်ရေးဌာန စီမံကိန်းတည်ဆောက်ရေးကို ဆက်တိုက်တွန်းအားပေးဖော်ဆောင်နေကြောင်း၊ နှစ်ဦးနှစ်ဖက်အကြား တရုတ်နိုင်ငံအထောက်အပံ့ဖြင့် တည်ဆောက်သည့် တိရိစ္ဆာန်ရောဂါဓာတ်ခွဲခန်းစီမံကိန်း Exchange Letter တရားဝင်လက်မှတ်ရေးထိုးခဲ့ပြီး တရုတ်-မြန်မာနယ်စပ် ငှက်ဖျားရောဂါကင်းစင်ရေးစီမံကိန်းကိုလည်းဖော်ဆောင်ရန် စီစဉ်ထားကြောင်း၊ အဆိုပါအစီအမံများကမြန်မာနိုင်ငံ၏ ပြည်သူ့ကျန်းမာရေးစနစ် တည်ဆောက်ရေးနှင့် အရေးကြီးပြည်သူ့ကျန်းမာရေးဆိုင်ရာကိစ္စရပ်များအား တုံ့ပြန်နိုင်စွမ်းအားကောင်းလာစေရန် အကူအညီပေးနိုင်မည်ဟု မျှော်လင့်ကြောင်းပြောကြားခဲ့ပါတယ်။

ထို့နောက် တရုတ်သံအမတ်ကြီး Mr. Chen Hai နှင့် ပြည်ထောင်စုဝန်ကြီး ဒေါက်တာသက်ခိုင်ဝင်းတို့က လွှဲပြောင်းပေးအပ်သည့်သက်သေခံလက်မှတ်အား လက်မှတ်ရေးထိုးလဲလှယ်ခဲ့ပြီး မြန်မာနိုင်ငံသို့လှူဒါန်းသည့် ရွေ့လျားဓာတ်ခွဲခန်းယာဉ်အား အတူတကွလေ့လာခဲ့ကြပါတယ်။

ယနေ့အထိ တရုတ်နိုင်ငံမှမြန်မာနိုင်ငံသို့ထောက်ပံ့ပေးသည့် Vaccine ပမာဏစုစုပေါင်း ၅၁.၁၉ သန်းရှိပြီး မြန်မာနိုင်ငံမှလက်ခံရရှိထားသော Vaccine စုစုပေါင်း၏ ၆၇.၄% ရှိပြီး ၎င်းတို့အနက် Vaccine ၂၁.၁ သန်းသည် အခမဲ့လှူဒါန်းပေးအပ်ခြင်းဖြစ်တယ်လို့ ဆိုပါဆယ်။

မြန်မာနိုင်ငံမှ လက်ခံရရှိထားသော လှူဒါန်းပေးအပ်သည့် Vaccine ၏ ၇၀% ရှိ ပြီး Vaccine ၃၀.၀၉ သန်းကမူ သက်သာသောစျေးနှုန်းဖြင့် မြန်မာနိုင်ငံကိုထောက်ပံ့ထားခြင်းဖြစ်တယ်လို့ မြန်မာနိုင်ငံဆိုင်ရာတရုတ်သံရုံးက ဖော်ပြထားပါတယ်။

ဓါတ်ပုံ - မြန်မာနိုင်ငံဆိုင်ရာတရုတ်သံရုံး

ymg/kg
#Yangon_Media_Group