#World_Health
Published 8 December 2022

သာမန်‌ရောဂါတစ်ခုအတွက် သောက်လေ့ရှိတဲ့ဆေးဟာ ကိုဗစ်ကိုလည်း ကာကွယ်နိုင်ဖွယ်ရှိကြောင်း ကျွမ်းကျင်သူများက အခိုင်အမာဆိုလိုက်ပါတယ်။

အသည်းရောဂါအတွက် အသုံးပြုတဲ့ဆေးတွေဆိုရင် ကိုဗစ်မျိုးဗီဇကွဲတွေထံမှ ကာကွယ်ပေးနိုင်ဖွယ်ရှိကြောင်း ယူကေမှသုတေသီများ တွေ့ရှိခဲ့ကြပါတယ်။

ထိုအတွက် အသုံးပြုတဲ့ အာဆိုဒီအောက်ဆီကိုလစ်အက်ဆစ် (UDCA)ဟာ ကိုဗစ်ဝင်လာရင် လက်ခံပေးတဲ့ဆဲလ်တွေကို ပစ်မှတ်ထားနိုင်ကာ နောင်ထွက်ပေါ်လာမယ့် ကိုရိုနာမျိုးဗီဇကွဲတွေကိုပါ ကာကွယ်နိုင်ဖွယ်ရှိနေပါတယ်။

ဆေးရဲ့ထိရောက်မှုကို ပညာရှင်များက အတည်ပြုခဲ့ကာ ကိုဗစ်ကာကွယ်ဆေးမထိုးတဲ့သူတွေမှာ အရေးပါလာနိုင်ပါတယ်။

ကာကွယ်ဆေးဆိုတာက ကိုယ်ခံအားနည်းတဲ့သူတွေမှာ အလုပ်မဖြစ်သလို လူတိုင်းကလည်း ကာကွယ်ဆေးထိုးခွင့် ရရှိတာမဟုတ်ပါဘူး။
အဲဒီအခါမှာ ကာကွယ်ဆေးမတိုးတော့တဲ့ မျိုးဗီဇကွဲအသစ်တွေ ပေါ်ပေါက်လာပါတယ်။

နောက်ထပ်စမ်းသပ်မှုမှာတော့ ကိုဗစ်ကူးစက်ထားတဲ့ ဟမ်းစတားကြွက်တွေနဲ့ ဆေးကိုစမ်းသပ်ခဲ့ပါတယ်။

နောက်ပိုင်းမှာ စမ်းသပ်ခံမယ့် လူ ၈ ဦးကို ဆေးသုံးစွဲစေပြီး နှာခေါင်းတွင်းတို့ဖတ်စနမူနာရယူခဲ့ရာ ဗိုင်းရပ်စ်က ကူးစက်နိုင်ချေနည်းပါးသွားကြောင်း တွေ့ရှိခဲ့ပါတယ်။

ချဉ်းကပ်ပုံနည်းလမ်းအားလုံးအရ လက်ရှိဆေးတွေက ဗိုင်းရပ်စ်ဝင်မလာအောင် တားဆီးပေးကာ ကိုဗစ်ရောဂါမှကာကွယ်ပေးနိုင်ကြောင်း ကိမ်းဘရစ်ခ်ျတက္ကသိုလ်မှ 'ထရီဇာ'က ပြောကြားလိုက်ပါတယ်။ 

ဒီဆေးတွေဟာ ဈေးနှုန်းအလွန်သက်သာပြီး အချိန်တိုအတွင်း များများထုတ်လုပ်နိုင်ပါတယ်။

ဒီဆေးက ကိုဗစ်တိုက်ဖျက်ရာမှာ အရေးကြီးတဲ့ကဏ္ဍကနေ ပါဝင်လာနိုင်ကြောင်း ဒေါက်တာ'ဆမ်ပါဇီအိုတစ်'က ပြောပြခဲ့ပါတယ်။

Source: The Sun
#Yangon_Media_Group

#Local_News
Published_ 8 Decamber 2022

မြန်မာ-ရုရှား ပူးတွဲဥက္ကဋ္ဌအဖြစ် တာဝန်ယူဆောင်ရွက်နေတဲ့ အာဆီယံ အပေါင်း နိုင်ငံများက အကြမ်းဖက်မှုတန်ပြန်တိုက်ဖျက်ရေးဆိုင်ရာ ကျွမ်းကျင်လုပ်ငန်းအဖွဲ့ ဒုတိယ အကြိမ် စီမံကိန်းရေးဆွဲရေးအစည်းအဝေးကို ဒီဇင်ဘာလ ၆ ရက်နှင့် ၇ ရက်တို့တွင် Video Teleconferencing စနစ်နဲ့ မြန်မာနိုင်ငံကအိမ်ရှင်အဖြစ် ဦးဆောင်ပြုလုပ်ခဲ့ပါတယ်။

အစည်းအဝေးတွင် အကြမ်းဖက်မှုတန်ပြန် တိုက်ဖျက်ရေးဆိုင်ရာ ကျွမ်းကျင်လုပ်ငန်းအဖွဲ့ရဲ့ ပူးတွဲဥက္ကဋ္ဌ ဗိုလ်ချုပ်အောင်မျိုးသန့်နှင့် ရုရှားနိုင်ငံမှ ပူးတွဲဥက္ကဋ္ဌ Vice-Admiral Berezovsky D.V တို့က နှုတ်ခွန်းဆက်စကားများပြောကြားပြီး ရှေ့လုပ်ငန်းစဉ်များကို ပူးပေါင်းဆောင်ရွက်နိုင်ရန် အာဆီယံနိုင်ငံများ၊ ဆွေးနွေးဘက်နိုင်ငံများအကြား ရင်းနှီးပွင့်လင်းစွာ အမြင်ခြင်းဖလှယ်အပြန်အလှန် ဆွေးနွေးခဲ့ကြပါတယ်။

အစည်အဝေးသို့ အာဆီယံအဖွဲ့ဝင်နိုင်ငံများမှ ကိုယ်စားလှယ်များ၊ ဆွေးနွေးဘက် နိုင်ငံများဖြစ်တဲ့ ရုရှား၊ တရုတ်၊ အိန္ဒိယတို့မှ ကိုယ်စားလှယ်များနှင့် အာဆီယံ အတွင်းရေးမှူးချုပ်ရုံးမှ တာဝန်ရှိသူများ ပါဝင်တက်ရောက်ခဲ့ပါတယ်။

မြန်မာနှင့် ရုရှားတို့သည် အာဆီယံအပေါင်း အကြမ်းဖက်မှုတန်ပြန် တိုက်ဖျက်ရေး ဆိုင်ရာ ကျွမ်းကျင်လုပ်ငန်းအဖွဲ့၏ အလှည့်ကျဥက္ကဋ္ဌအဖြစ် ၂၀၂၁ ခုနှစ်မှ ၂၀၂၃ ခုနှစ်အထိ တာဝန်ယူဆောင်ရွက်လျက်ရှိပြီး ဒေသတွင်းအကြမ်းဖက်မှု တိုက်ဖျက်ရေးလုပ်ငန်းစဉ်များကို အဖွဲ့ဝင်နိုင်ငံများအကြား ပူးပေါင်းဆောင်ရွက်နိုင်ရေးအတွက် ကြိုးပမ်း ဆောင်ရွက်လျက်ရှိကြောင်း သတင်းရရှိပါတယ်။

#ygm_mnn
#Yangon_Media_Group

#Local_News
Published_ 8 December 2022

ကချင်ပြည်နယ် မိုးညှင်းမြို့နယ် အင်းတော်ကြီးအိုင်ဒေသတွင် တွေ့ရှိရတဲ့ ဒေသရင်း ငါးမျိုးစိတ်များအပါအဝင် ငါးမျိုးစိတ်ပေါင်း ၉၀ ကျော် တွေ့ရှိရကြောင်း သိရပါတယ်။

အင်းတော်ကြီးအိုင်ဒေသတွင် အများဆုံးတွေ့ရှိရတဲ့ ငါးမျိုးစိတ်များမှာ ငါးဂျောင်း၊ ငါးဘတ်၊ ငါးခုံးမ၊ ငါးဖယ်၊ တီလားပီယား၊ ငါးလဘိ၊ ငါးဇင်ရိုင်း၊ ငါးဇင်ဇပ်၊ ငါးဒေါင်းဇင်း၊ ငါးပြေမ၊ ငါးခူ၊ ငါးရံ့နှင့် ငါးမြစ်ချင်းစသည်တို့ ဖြစ်ကြပါတယ်။

ထို့ပြင် ရှားပါးငါးမျိုးစိတ်များဖြစ်တဲ့ မိကျောင်းသွားကြားထိုးတံ ငါးမျိုးစိတ်နှင့် ရေနယားငါးမျိုးစိတ် နှစ်မျိုးအပါအဝင် သိပ္ပံလောက၌ နောက်မျိုးစိတ်သစ် (၆) မျိုးကို ဖော်ထုတ်မှတ်တမ်းတင်နိုင်ခဲ့ပြီး သိပ္ပံလောကတွင် မှတ်တမ်းတင်ခြင်းမရှိသေးသော ငါးမျိုးစိတ်များလည်း ရှိတယ်လို့ ဆိုပါတယ်။

အင်းတော်ကြီးအိုင်သည် အရှေ့တောင်အာရှတွင် တတိယအကြီးဆုံး ကုန်းတွင်း ရေချိုအိုင်ကြီးဖြစ်၍ ပထမအကြီးဆုံးနှင့် ဒုတိယအကြီးဆုံးဖြစ်သည့် ကမ္ဘောဒီးယားနိုင်ငံရှိ တုန်လီဆက်ကန်(Tonle Sap Lake) နှင့် ဖိလစ်ပိုင်နိုင်ငံရှိ လာဂူနာဒီဗေးကန်(Lagunade Bay)တို့ဖြစ်ကြပြီး ၎င်းအိုင်အတွင်း တွေ့ရှိရတဲ့ ငါး၊ ပုစွန်၊ ဂဏန်း၊ ယောက်သွား၊ ဖား၊ မြွေနှင့် ငှက်မျိုးစုံများ အပါအဝင် ရေနေသတ္တဝါမျိုးစုံတို့ နေထိုင်ကျက်စားလျက်ရှိပါတယ်။

အင်းတော်ကြီးအိုင်ဝန်းကျင်၌ နေထိုင်ကျက်စားလျှက်ရှိတဲ့ ဆောင်းခိုငှက် မျိုးစိတ်များအပါအဝင် ဒေသငှက်မျိုးစိတ်များနှင့် တောရိုင်းတိရစ္ဆာန်များအတွက် အရေးပါသော အစားအစာသာဖြစ်ပြီး ၎င်းအိုင်းနှင့် ဝန်းကျင်ရှိ ချောင်းများတွင် ဒေသရင်း ငါးမျိုးစိတ်များအပါအဝင် ငါးမျိုးစိတ်ပေါင်း ၉၀ ကျော် ရှင်သန်တွေ့ရှိရတာ ဖြစ်ပါတယ်။

အိုင်ပတ်လည်တွင် ကျေးရွာအုပ်စု (၁၁) စုနှင့် ကျေးရွာပေါင်း (၃၃) ရွာရှိတဲ့အနက် ကျေးရွာ(၁၇)ရွာမှ ဒေသခံပြည်သူရေလုပ်ငန်း လုပ်ကိုင်ကြသူ (၃၀၀)ကျော်ရှိပြီး နှစ်စဉ် ဇူလိုင်လနှင့် ဩဂုတ်လတို့တွင် ငါးလုပ်ငန်းဦးစီးဌာနမှ ငါးသန်မျိုးစိတ်အကောင်ရေ သုံးသိန်းကျော်ခန့် စိုက်ထည့် ပေးလျက်ရှိကြောင်း MOI မှာ ဖော်ပြထားပါတယ်။

ygm_mnn
#Yangon_Media_Group

#Local_News
Published_ 8 December 2022

တိရစ္ဆာန်ဥယျာဉ်(ရန်ကုန်)ရှိ ခွါခြေနာရောဂါဖြစ်ပွါးနေသည့် ဒရယ် (Hog Deer) လေးများကိုကျန်းမာ ရေးပြုစုစောင့်ရှောက်ပေးလျက်ရှိကြောင်း တိရစ္ဆာန် ဥယျာဉ်(ရန်ကုန်)၏ ထုတ်ပြန်ချက်အရသိရသည်၊၊

ဥယျာဉ်ရှိ တိရစ္ဆာန်ထိမ်းသိမ်းမွေးမြူရေးနှင့် ဆေးကုသရေးဌာနမှ ဆရာဝန်များနှင့် သက်ဆိုင်ရာ တိရစ္ဆာန်ထိန်းတို့မှ ကျန်းမာရေးပြုစုစောင့်ရှောက်လျက်ရှိသည်၊၊

သမင်မျိုးစိတ်များဖြစ်သည့် ဒရယ်(Hog Deer) များသည် ကလေးမွေးရာသီနှင့် မိတ်လိုက်ရာသီတို့တွင် အထီးများကြား ဗိုလ်လုတတ်လေ့ရှိသည့်အတွက် ခြံဝန်းအတွင်း ပြေးလွှားတိုက်ခိုက်ကြရင်း သဘာဝအတိုင်းဖန်တီးပေးထားတဲ့ ကျောက်တုံးကျောက်ခဲများနဲ့ ထိခိုက်မှုများကြောင့် တစ်ချို့သော ဒရယ်များသည် ခွါခြေနာမှုများ ဖြစ်ပေါ်တတ်လေ့ရှိကြောင်းသိရသည်၊၊

ခွါခြေနာမကျန်းဖြစ်နေသည့် ဒရယ်(Hog Deer) လေးများ၏ ကျန်းမာရေး ထိန်းသိမ်းစောင့်ရှောက်ကုသခြင်းများအား တိရစ္ဆာန်ထိန်းသိမ်းမွေးမြူရေးနှင့် ဆေးကုသရေးဌာနမှ ဆရာဝန်များနှင့် သက်ဆိုင်ရာ တိရစ္ဆာန်ထိန်းတို့မှ ပတ်တီးစီးပေးခြင်း၊ ပဋိဇီဝဆေးတိုက်ကျွေးခြင်း၊ ပဋိဇီဝဆေးများ (ပုံတွင်အစိမ်းရောင်) ဖြန်းခြင်း၊ ဆေးထိုးပေးခြင်းများအပြင် “နာမကျန်းတိရစ္ဆာန်ဆေးကုသဆောင်” တွင် သီးသန့်ထားရှိပြီး အနီးကပ်စောင့်ရှောက်ပြုစုထားလျှက်ရှိပါကြောင်း တိရစ္ဆာန်ဥယျာဉ်(ရန်ကုန်)မှထုတ်ပြန်ထားသည်၊၊

#ymg/tthl
#Yangon_Media_Group

#World_Health
Published 8 December 2022

သုတ်ပိုးပရိုတိန်း IZUMO1 ရဲ့ သိသာထင်ရှားတဲ့ လုပ်ဆောင်ချက်အသစ်ဟာ လူသားတွေရဲ့ မျိုးမပွားနိုင်တဲ့ပြဿနာများကို ကုသပေးနိုင်ဖွယ်ရှိပြီး သ‌န္ဓေတားနည်းလမ်းများ အဆင်ပြေစွာထုတ်လုပ်နိုင်ရန် အကူအညီပေးကြောင်း ဟိုင်ဖာတက်ခ်နီယွန်အစ္စ‌ရေးလ်နည်းပညာ တက္ကသိုလ်နဲ့ ဂျပန်တက္ကသိုလ် ၂ ခုမှ သုတေသီများ တွေ့ရှိခဲ့ကြပါတယ်။

IZUMO1 ပရိုတိန်းကို ဖူကူရှီမာဆေးဘက်ဆိုင်ရာတက္ကသိုလ်မှ ပညာရှင်တစ်ဦးက ၂၀၀၅ ခုနှစ်မှာ တွေ့ရှိခဲ့တာဖြစ်ပါတယ်။

ထိုပရိုတိန်းဟာ မျိုးပွားဆဲလ်များ ပေါင်းစပ်ရာမှာ အရေးပါပြီး မျိုးရိုးဗီဇအချက်အလက်များ ဖလှယ်ပေးကာ မျိုးဥနဲ့ သုတ်ပိုးတို့ပေါင်းစည်းပြီး မျိုးအောင်သွားတဲ့ဆဲလ် ဖြစ်လာပါတယ်။

ကြွက်တွေနဲ့စမ်းသပ်မှုကို တက်ခ်နီယွန်သုတေသီများဖြစ်တဲ့ ပရော်ဖက်ဆာ'ဘင်ဂျမင်ပေါ့ဘလူဝိစ်'၊ ဒေါက်တာနီကိုလတ်စ်ဘရွတ်မန်း'နဲ့ ဂျပန်တက္ကသိုလ်များမှ ပရော်ဖက်ဆာ'တက်ဆုယာဟီဂါရှီယာမာ' ဒေါက်တာ'ကိုဒဲနာကာဂျီမာ'တို့က ဦးဆောင်ခဲ့ကြပါတယ်။

နို့တိုက်သတ္တဝါမျိုးရဲ့ သန္ဓေအောင်ခြင်းဖြစ်စဉ်မှာ မျိုးပွားဆဲလ်တွေရဲ့ သွေးရည်ကြည်အမြှေးပါးတွေက သုတ်ပိုးပရိုတိန်း IZUMO1 နဲ့ မျိုးဥပရိုတိန်း JUNO တို့ကြား အပြန်အလှန်လုပ်ဆောင်မှုမှတဆင့် ချိတ်ဆက်ပေးပါတယ်။

ပေါင်းစည်းပြီးတဲ့နောက် သုတ်ပိုးနဲ့ မျိုးဥတို့ရဲ့ ဒီအင်န်အေတွေဟာ နျူကလီးယပ်စ်တစ်ခုတည်းအဖြစ် ပေါင်းသွားကြပါတယ်။

ဒီစမ်းသပ်မှုတွေကို ဓာတ်ခွဲခန်းထဲမှာ ကြွက်တွေဆီကနေ သုတ်ပိုးနဲ့ မျိုးဥများကို အသုံးပြုခဲ့တာဖြစ်ပါတယ်။ IZUMO1 ရဲ့ လုပ်ဆောင်ချက်အသစ်အရ နောင်အခါ အမျိုးသားများ သောက်သုံးနိုင်တဲ့တားဆေး ဖော်ထုတ်ဖို့ လမ်းစဖြစ်လာနိုင်ပါတယ်။

Source: The Jerusalem Post
#Yangon_Media_Group

#Local_News
Published _ 7 December 2022

ပြည်တွင်းမှာ စိုက်ပျိုးထုတ်လုပ်တဲ့ ပဲအမျိုးမျိုးရဲ့ ဈေးတွေက အခု ဒီဇင်ဘာလအတွင်းမှာ အတက်အကျ အနည်းငယ်နဲ့ မငြိမ်သက်လျှက်ရှိနေတာပဲ ဖြစ်ပါတယ်။

#Yangon_Media_Group

Published: 7 Dec 2022

မြန်မာနိုင်ငံဆိုင်ရာ ထိုင်းနိုင်ငံသံအမတ်ကြီးအဖြစ်ခန့်အပ်ဖို့သဘောတူထားတဲ့ သံအမတ်ကြီး Mr.Mongkol Visitstump  မစ္စတာ မောင်ကောလ်ဗစ်ဆစ်တမ့်ဟာ  ဒီဇင်ဘာ(၇)ရက် ဗုဒ္ဓဟူးနေ့ မနက်ပိုင်းက  နေပြည်တော်ရှိ နစက ဥက္ကဋ္ဌရုံးမှာ  နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်ထံ သူ့ရဲ့သံအမတ်ခန့်အပ်လွှာကိုပေးအပ်ခဲ့တယ်လို့ နစကရဲ့ သတင်း   ထုတ်ပြန်ချက်အရသိရပါတယ်။

သံအမတ်ခန့်အပ်လွှာပေးအပ်ပြီးနောက် ဗိုလ်ချူပ်မှူးကြီးမင်းအောင်လှိုင်ဟာ ထိုင်းသံအမတ်ကြီးအသစ် မောင်ကောလ် ဗစ်ဆစ်တမ့်နှင့်  ထိုင်းနှင့်မြန်မာအကြား သံတမန်ဆက်ဆံရေးနှင့် ချစ်ကြည်ရင်းနှီးမှုတွေ တိုးမြှင့်ဆောင်ရွက်သွားဖို့၊ နယ်စပ်ကုန်သွယ်ရေး၊စီးပွားရေး ရင်းနှီးမြှပ်နှံမှုနှင့် ခရီးသွားလုပ်ငန်းတွေ ပိုမိုဖွံ့ဖြိုးတိုးတက်ရေးပူးပေါင်းဆောင်ရွက်သွား ရေး၊ မြန်မာနှင့်ထိုင်း အဆင့်မြင့်အရာရှိကြီးတွေ အစည်းအဝေးကျင်းပနိုင်ရေးတွေဆွေးနွေးခဲ့ကြတယ်လို့ သတင်းထုတ်ပြန် ချက်မှာ ဖော်ပြထားပါတယ်။

ထိုင်းသံအမတ်ကြီးအသစ်ဟာ ဆက်လက်ပြီး နစက ဒုတိယဥက္ကဋ္ဌ ဒုတိယဗိုလ်ချူပ်မှူးကြီး စိုးဝင်း၊ နိုင်ငံခြားရေးဝန်ကြီး ဦးဝဏ္ဏမောင်လွင်တို့နှင့်လည်း သီးခြားစီတွေ့ဆုံခဲ့ကြတယ်လို့ သိရှိရပါတယ်။

ဒုတိယဗိုလ်ချူပ်ကြီး စိုးဝင်းနှင့်တွေ့ဆုံစဉ် အစိုးရနှင့်တပ်မတော်များအကြား အပြန်အလှန်ချစ်ကြည်ရေးခရီးစဉ်တွေ လည်ပတ်ရေး၊ နယ်စပ်ဒေသတည်ငြိမ်အေးချမ်းရေး၊တရားမဝင်ကုန်သွယ်မှဒနှင့် တရားမဝင်အလုပ်သမားကိစ္စ တိုက်ဖျက် ရေး၊ခရီးသွားလုပ်ငန်းတိုးတက်ရေး၊ကုန်သွယ်မှုနှင့်ရင်းနှီးမြှပ်နှံမှုကိစ္စများ၊နယ်စပ်ဒေသလမ်းပန်းဆက်သွယ်မှုတိုးတက်ရေး နှင့် ထားဝယ်ရေနက်ဆိပ်ကမ်းကိစ္စတွေဆွေးနွေးခဲ့ကြတာဖြစ်ပါတယ်။

#Yangon_Media_Group

-knl/ymg

#World_Choreography
Published 7 December 2022

တိုကျိုမသန်မစွမ်းများပြိုင်ပွဲမှာ ပြင်သစ်အကပညာရှင်'ဆာဒက်ဝက်ဖ်'က လူသားများဖြင့် ငှက်အုပ်လိုက်ပုံစံအကကို ပြသခဲ့ပြီး လာမယ့်ရက်သတ္တပတ်အတွင်း ကုလသမဂ္ဂသက်ရှိသတ္တဝါမျိုးစိတ်များ ဆွေးနွေးပွဲအတွက် မျှော်လင့်နေပြီဖြစ်ကြောင်း ပြသရာရောက်ပါတယ်။

#Yangon_Media_Group

#Local_News
Published_ 7 December 2022

အခုဆောင်းတွင်းကာလမှာ ပုံမှန်ဒီဇင်ဘာလမှာရှိတဲအပူချိန်တွေထက် နေ့အပူချိန်ရော ညအပူချိန်ပါတိုးနေတဲ့အတွက် အပူအအေးမမျှတတာတွေဖြစ်ပေါ်နိုင်လို့ ကျန်းမာရေးသတိပြုဖို့လိုတယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်၊၊

#Yangon_Media_Group

#Local_News
Published_7 December 2022

ယခုဘဏ္ဍာနှစ်ရဲ့ ရှစ်လတာကာလအတွင်း ပြည်ပကို ပဲတန်ချိန် ၁ ဒသမ ၀၅ သန်းကျော် တင်ပို့ထားပြီး အမေရိကန်ဒေါ်လာ ၈၂၆ ဒသမ ၃၃ သန်းရရှိထားတယ်လို့ စီးပွားရေးနဲ့ ကူးသန်းရောင်းဝယ်ရေး ဝန်ကြီးဌာနရဲ့ စာရင်းတွေအရ သိရပါတယ်။

#Yangon_Media_Group

#Local_News
Published _ 7 December 2022

ပြည်တွင်းအာလူးအထွက်နှုန်းများပြားချိန်မှာ တရုတ်နိုင်ငံက အာလူးတင်သွင်းခြင်းကို ကန့်သတ်ပေးဖို့ လိုအပ်နေပြီး ထွက်ရှိမှုနည်းတဲ့အချိန်မှ တရုတ်အာလူးတွေတင်သွင်းမှုကို ပိုလုပ်စေချင်တယ်လို့ အာလူးစိုက်ပျိုးထုတ်လုပ်သူတွေဆီကနေ သိရပါတယ်။

#Yangon_Media_Group

#DailyNews
Published _ 7 December 2022

၁။ ပြည်တွင်းအာလူးအထွက်နှုန်းနည်းမှ တရုတ်အာလူးတင်သွင်းမှုအား လုပ်စေချင်ဟုဆို

၂။ ပြည်ပသို့ပဲတန်ချိန် ၁ ဒသမ ၀၅ သန်းကျော်တင်ပို့ထား

၃။ ပုံမှန်ထက်နေ့အပူချိန်၊ ညအပူချိန်များပိုတိုးနေသဖြင့် သတိပြုနေထိုင်ကြရန်လို

၄။ သက်ရှိသတ္တဝါမျိုးကွဲများ ထိန်းသိမ်းရေးအတွက် ဗြိတိန်အကအဖွဲ့မှ ငှက်အုပ်လိုက်ပျံသန်းမှုပုံစံဖြင့် သရုပ်ဖော်ကပြဖန်တီး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group