#World_Business
Published 2 January 2023

ကနေဒါနိုင်ငံမှာ နိုင်ငံခြားသားများ အိမ်ရာဝယ်ယူခြင်းတားမြစ်ချက်ကို ဇန်နဝါရီ ၁ ရက်နေ့ကစတင်ကာ သတ်မှတ်လိုက်ပြီး အိုးအိမ်အကြပ်အတည်းကြုံတွေ့နေတဲ့ ဒေသခံပြည်သူများအတွက် နေအိမ်အခွင့်အလမ်းပိုမိုရရှိစေဖို့ ရည်ရွယ်ထားတာဖြစ်ပါတယ်။

ခြွင်းချက်အများအပြားရှိတဲ့အထဲ ဒုက္ခသည်များ၊ နိုင်ငံသားမဟုတ်တဲ့ အမြဲတမ်းနေထိုင်သူများအတွက်တော့ ခွင့်ပြုပေးဦးမှာဖြစ်ပါတယ်။

ဝယ်ယူခွင့်တားမြစ်ချက်ဟာ မြို့လူနေအိမ်များမှာသာ သက်ရောက်မှာဖြစ်ပြီး အပန်းဖြေအိမ်ခြံများပေါ် သက်ရောက်မှာမဟုတ်ကြောင်း ရှင်းလင်းပြောကြားထားပါတယ်။

အိမ်ဈေးမြင့်တက်ပြီး ကနေဒါနိုင်ငံသားအများအပြား အိမ်ဈေးလက်လှမ်းမမီတဲ့အချိန်မှာ ၂၀၂၁ ရွေးကောက်ပွဲမဲဆွယ်စဉ်ကာလအတွင်း ဝန်ကြီးချုပ်'ဂျပ်စတင်ထရူဒေါ'က ယာယီ ၂ နှစ်သတ်မှတ်ရန် အကြံပြုခဲ့တာဖြစ်ပါတယ်။

"ကနေဒါအိမ်ရာတွေရဲ့ အခြေအနေတွေက အကျိုးအမြတ်ကြည့်သူတွေ၊ ချမ်းသာကြွယ်ဝတဲ့ ကော်ပိုရေးရှင်းတွေ၊ နိုင်ငံခြားရင်းနှီးမြှုပ်နှံသူတွေအတွက် ဆွဲဆောင်စရာဖြစ်နေပါတယ်" လို့ ဝန်ကြီးချုပ်ရဲ့လစ်ဘရယ်ပါတီက မဲဆွယ်စဉ်ပြောကြားခဲ့တာဖြစ်ပါတယ်။

"အသုံးမပြုတဲ့အိမ်တွေ၊ လစ်လပ်အိမ်ရာတွေ၊ ဈေးနှုန်းထိုးတက်လာတာတွေ ဖြစ်လာပါတယ်၊ အိမ်ဆိုတာ လူတွေနေထိုင်ဖို့ဖြစ်ပါတယ်၊ ရင်းနှီးမြှုပ်နှံဖို့ မဟုတ်ပါဘူး" လို့ ပြောကြားခဲ့ပါတယ်။

၂၀၂၁ မှာ ရွေးကောက်ပွဲအနိုင်ရပြီးနောက် လစ်ဘရယ်တွေက ကနေဒါမဟုတ်သူတွေ လူနေအိမ်ဝယ်ယူခြင်းတားမြစ်ချက်ကို တိတ်တဆိတ်မိတ်ဆက်တင်ပြခဲ့ပါတယ်။

ဗန်ကူဗာနဲ့ တိုရွန်တိုတို့လို အဓိကဈေးကွက်နေရာတွေမှာ နေထိုင်သူမဟုတ်သူများနဲ့ အိမ်အလွတ်များကို အခွန်ပေးဆောင်စေခဲ့ပါတယ်။

ငွေကြေးဖောင်းပွမှုကို ထိန်းချုပ်နိုင်ရန် ကနေဒါဘဏ်ရဲ့ငွေကြေးမူဝါဒအတိုင်း အပေါင်နှုန်းလိုက်တက်ခဲ့တာကြောင့် တိုင်းပြည်ရဲ့ အိမ်ခြံမြေဈေးကွက်က ရောင်းသူတွေကို ဈေးငြိမ်သက်အောင် ပြုလုပ်ခဲ့ပါတယ်။

ကနေဒါအိမ်ခြံမြေအသင်းရဲ့အဆိုအရ ၂၀၂၂ အစမှာ ပျမ်းမျှအိမ်ဈေးနှုန်း အမေရိကန်ဒေါ်လာ ၅၉၀,၀၀၀ အမြင့်ဆုံးဖြစ်ခဲ့ရာကနေ ပြီးခဲ့တဲ့လက ၄၆၅,၀၀၀ ဒေါ်လာအထိ ကျဆင်းသွားခဲ့ပါတယ်။

ကနေဒါမှာ အိမ်မြေပိုင်ဆိုင်မှု ၅ ရာခိုင်နှုန်းအောက်သာရှိတဲ့ နိုင်ငံခြားဝယ်လက်တွေကို တားမြစ်လိုက်ခြင်းက အိမ်တွေကိုပိုမိုဝယ်ယူနိုင်အောင် ပြုလုပ်ချင်တဲ့သက်ရောက်မှု ရှိလာမှာမဟုတ်ဘူးလို့ ကျွမ်းကျင်သူများက ဆိုပါတယ်။

အိမ်ရာဝယ်လိုအားပြည့်မီရန်အတွက် နောက်ထပ်ပိုမိုဆောက်လုပ်ဖို့ကို ထောက်ပြခဲ့ကြပါတယ်။

အမျိုးသားအိမ်ရာအေဂျင်စီဖြစ်တဲ့ Canada Mortgage and Housing Corporation ရဲ့အဆိုအရ ၂၀၃၀ မှာ အိမ်ရာပေါင်း ၁၉ သန်းနီးပါး လိုအပ်မယ်လို့ သိရပါတယ်။

ဆောက်လုပ်ရန် လက်ရှိမျှော်မှန်းထားတာထက် ၃.၅ သန်း ပိုမိုဆောက်လုပ်ရန်လိုအပ်နေကြောင်း သိရပါတယ်။

Source: CNA
#Yangon_Media_Group

#World_Health
Published 2 Jan 2023

သွေးပေါင်ချိန်တိုးခြင်းဆိုတဲ့လက္ခဏာဟာ ကြားရပါအများဆုံးဝေဒနာတွေထဲက တစ်ခုဖြစ်ပြီး လူ ၃ ဦးမှာ ၁ ဦးလောက်က သွေးတိုးရှိနေကြကာ အများစုက ရှိနေမှန်းတောင် မသိကြပါဘူး။

သွေးတိုးခြင်းကြောင့် လေဖြတ်ခြင်း၊ နှလုံးဖောက်ခြင်း၊ နှလုံးရောဂါ၊ ကျောက်ကပ်ရောဂါတို့ ဖြစ်နိုင်ချေများပါတယ်။

ဒါကြောင့် ဆေးခန်းမှာပဲဖြစ်ဖြစ် အိမ်မှာပဲဖြစ်ဖြစ် သွေးပေါင်ချိန်ကို ပုံမှန်စစ်ဆေးသင့်ပါတယ်။

သွေးတိုးရှိပြီဆိုရင်တော့ သွေးပေါင်ချိန်ကို ထိန်းသိမ်းဖို့အတွက် ကျန်းမာရေးနဲ့ညီညွတ်စွာ စားသုံးဖို့က အရေးကြီးပါတယ်။

အချို့စားစရာသောက်စရာတွေဆိုရင် ရှောင်ရှားသင့်တာတွေရှိပါတယ်။

(၁) ဆား - ဆားများများစားပါက ခန္ဓာကိုယ်ထဲ ရေကိုဆွဲထားတာကြောင့် သွေးကြောနံရံတွေမှာ ဖိအားများလာစေပါတယ်။

(၂) သကြားနှင့်အချိုဓာတ်ပါသောအရည်များ - သကြားဓာတ်များခြင်းက သွေးကြောတွေထဲ အဆီစုပြုံလာစေကာ သွေးကြောကျဉ်းပြီး သွေးဖိအားများစေပါတယ်။

(၃) သန့်စင်ထားသောကာဗိုဟိုက်ဒရိတ် - ပေါင်မုန့်ဖြူ၊ ပါ့စ်တာ၊ ပီဇာကဲ့သို့ ဂျုံဖြူနဲ့ပြုလုပ်တဲ့မုန့်တွေမှာ သကြားအဖြစ်ပြိုကွဲပြီး သွေးတိုးစေပါတယ်။

(၄) အဆင့်ဆင့်ထုပ်ပိုးထုတ်လုပ်ထားသောအစာများ - ဒီအစားအစာတွေမှာ အဆိုးဆုံးပါဝင်ပစ္စည်းတွေဖြစ်တဲ့ ဆား၊ သကြား၊ ကာဗိုဟိုက်ဒရိတ်တို့ပါဝင်ပါတယ်။

(၅) ကဖင်း - ကဖင်းဓာတ်က သွေးပေါင်ချိန်တက်စေတာကြောင့် ရောဂါရှိထားတယ်ဆိုရင် အလွန်အကျွံမသောက်သုံးသင့်ပါဘူး။

(၆) အရက် - ပုံမှန်သောက်စားခြင်းဖြင့် သွေးကြောထဲရှိကြွက်သားတွေကို သက်ရောက်စေကာ သွေးကြောကျဉ်းစေပြီး သွေးတိုးစေပါတယ်။

(၇) သားကြီးငါကြီး - အနီဓာတ်ပါတဲ့ အမဲသား၊ ဝက်သား၊ ဆိတ်သားတို့ကို ချေဖျက်တဲ့အခါ ခန္ဓာကိုယ်ထဲမှာ သွေးပေါင်ချိန်တက်စေတဲ့ ဒြပ်ပေါင်းတွေ ထွက်ပေါ်လာပါတယ်။

(၈) အသင့်စားမုန့်များ - ဝက်အူချောင်း၊ ဟော့ဒေါ့၊ ဝက်ပေါင်ခြောက်၊ အသားကင်၊ ဆိုဒီယမ်နဲ့ပြုလုပ်ထားတဲ့အသားခြောက်တွေမှာ တာရှည်ခံဆေးတွေပါဝင်ပါတယ်။

(၉) ပြည့်ဝဆီ - ထောပတ်ဆီလိုမျိုး ပြည့်ဝဆီတွေဟာ ကိုလက်စ်ထရောတက်စေပြီး သွေးကြောနံရံကျဉ်းစေပါတယ်။

(၁၀) တို့စရာဆော့စ်အချဉ်များ - ငရုတ်ဆီ၊ ဆော့စ်၊ ပဲပိစပ်ဆော့စ်တို့မှာ သကြား၊ ဆားတို့ပါဝင်တာကြောင့် ဆားပါဝင်မှုနည်းအောင် မိမိကိုယ်တိုင်ပြုလုပ်သင့်ပါတယ်။

(၁၁) ပီဇာ - ဂျုံမှုန့်ဖြူ၊ အဆင့်ဆင့်လုပ်ထားတဲ့အသား၊ ချိစ်နဲ့ သကြားတို့ပါဝင်ကာ အေးခဲထားတဲ့ပီဇာဆိုရင် ဆားတွေပိုမိုပါဝင်ပါတယ်။

(၁၂) စည်သွပ်စွပ်ပြုတ် - စည်သွပ်ဗူးတွေမှာ တာရှည်ခံအောင် ဆား၊ သကြားတို့ပါဝင်တာကြောင့် အိမ်မှာပဲ ဆားနည်းပါးစွာထည့်သုံးသင့်ပါတယ်။

Source: The Sun
#Yangon_Media_Group

#World_Health
Published 2 Jan 2023

ကိုယ်နဲ့အတူအိပ်တဲ့သူက အိပ်နေရင်း စကားပြောတာမျိုး၊ ပလုံးပထွေးရေရွတ်နေတာမျိုးကြောင့် မိမိကနိုးလာတာမျိုးရှိသလို မိမိကအိပ်နေရင်း စကားပြောလို့ ဘေးကလူနိုးသွားတာမျိုးရှိတတ်ကြပါတယ်။

ဒါပေမဲ့ မနက်အိပ်ရာနိုးတော့ ဘာတွေပြောခဲ့မိမှန်း မသိကြတော့ပါဘူး။
ဒါကို အိပ်နေစဉ်အာရုံကြောပုံမှန်မဟုတ်ခြင်း(Parasomnia)လို့ ခေါ်ပြီး အိပ်နေစဉ်စကားပြောခြင်း၊ လမ်းထလျှောက်ခြင်း၊ စားသောက်ခြင်း၊ အိပ်မက်ဆိုးမက်ခြင်း၊ အံကြိတ်ခြင်းတို့ ပါဝင်ပါတယ်။

မစ္စစ္စပီပြည်နယ်တက္ကသိုလ်မှ စိတ်ပိုင်းဆိုင်ရာ တွဲဖက်ပရော်ဖက်ဆာဒေါက်တာ'မိုက်ကယ်နာဒေါ့ဖ်'က parasomnia မှာ REM နဲ့ non-REM ဆိုပြီးရှိကြောင်း ပြောပြခဲ့ပါတယ်။

REM အိပ်စက်ခြင်းအတွင်း ခန္ဓာကိုယ်မလှုပ်နိုင်တဲ့အချိန်မှာ အိပ်မက်ဆိုးမက်တတ်ပြီး ငြိမ်သက်စွာအိပ်စက်ခြင်း non-REM မှာတော့ အိပ်နေစဉ်လမ်းလျှောက်ခြင်း၊ စကားပြောခြင်း၊ စားသောက်ခြင်းတို့ ဖြစ်ပေါ်တတ်ပါတယ်။

အိပ်ပျော်စဉ်စကားပြောခြင်းက အိပ်ရေးပျက်တဲ့သူတွေ ပုံမှန်အိပ်ချိန် မအိပ်မိတဲ့သူတွေမှာ အဖြစ်များပါတယ်။

ကလေးတဝက်ခန့်မှာလည်း အိပ်ပျော်စဉ်စကားပြောခြင်းဖြစ်ပွားလေ့ရှိကာ အရွယ်ရောက်ပြီးသူတွေမှာတော့ ၅ ရာခိုင်နှုန်းခန့်သာရှိပါတယ်။

အိပ်ချိန်ပုံမှန်အိပ်ခြင်း၊ ပုံမှန်အချိန်အတိုင်း အိပ်ရာဝင်ခြင်း အိပ်ရာထခြင်းပြုလုပ်ပေးကာ ဒီလက္ခဏာပျောက်ကင်းနိုင်ပါတယ်။

REM အိပ်စက်ခြင်းဖြစ်စဉ်ရောက်နေတဲ့သူကို နှိုးရတာလွယ်ကူပေမယ့် နှစ်ခြိုက်စွာအိပ်ပျော်နေသူကိုတော့ နှိုးရခက်ပါတယ်။

ဒီလိုမျိုးအိပ်နေတဲ့သူကို နှိုးတဲ့အခါ စိတ်အစဉ်မသင့်ဖြစ်နိုင်တာကြောင့် မနှိုးဘဲထားသင့်တယ်လို့ 'နာဒေါ့ဖ်'က အကြံပြုထားပါတယ်။

ဒီလက္ခဏာတွေသက်သာစေဖို့အတွက် ညဘက်နှစ်ခြိုက်စွာအိပ်ပျော်နိုင်ရန် ပြုလုပ်သင့်သည်များကို အိုဟိုင်ယို ကလိဗ်လန်းဆေးခန်းက အကြံပြုလိုက်ပါတယ်။

- ပုံမှန်အိပ်ချိန်အတိုင်းအိပ်စက်ခြင်း

- တစ်ညကိုအိပ်ချိန် ၇ နာရီမှ ၉ နာရီထားရှိခြင်း

- အိပ်ရာမဝင်ခင် ၁ နာရီခန့် ကွန်ပျူတာ၊ ဖုန်း၊ တီဗီကြည့်ခြင်းမှ
ရှောင်ရှားခြင်း

- စိတ်ဖိစီးမှုအနည်းဆုံးဖြစ်အောင် လုပ်ဆောင်ခြင်း

- အရက်သေစာသောက်စားမှု ထိန်းချုပ်ကန့်သတ်ထားရှိခြင်း

- ညမအိပ်ခင်အနည်းဆုံး ၆ နာရီထားကာ ကဖင်းဓာတ်သောက်သုံးမှုရှောင်ရှားခြင်း

- ပုံမှန်လေ့ကျင့်ခန်းပြုလုပ်ခြင်း

- တိတ်ဆိတ်မှောင်မည်းတဲ့အိပ်ခန်း

- အပူချိန် ၁၅.၅ မှ ၁၉.၄ ဒီဂရီဆဲလ်စီးယပ်စ်ကြားထားရှိခြင်းတို့ ဖြစ်ပါတယ်။

Source: South China Morning Post
#Yangon_Media_Group

#LocalNews
Published_ 1st January 2023

တနင်္သာရီတိုင်းဒေသကြီး၊ မြိတ်မြို့အနီး မြန်မာ့ပင်လယ်ပြင် ၊ မြိတ်မြို့၏ အနောက်မြောက်ဘက် ရေမိုင် ဒသမ ၅ မိုင်အနီး ငါးဖမ်းဝါးလတ်လှေတစ်စီး မီးလောင်ရာတွင် ၃ ယောက် ဒဏ်ရာရရှိခဲ့ကြောင်း သိရသည်။

ဒီဇင်ဘာလ ၃၁ ရက်က အဆိုပါမီးလောင်မှုဖြစ်ပွားနေသည်ကို ပင်လယ်ပြင်အတွင်း လုံခြုံရေး ဆောင်ရွက်နေသော တပ်မတော်(ရေ)မှ တပ်ဖွဲ့ဝင်များက သွားရောက်ကူညီကယ်ဆယ်ရေးများ ပြုလုပ်ခဲ့ရခြင်းဖြစ်သည်။

မီးလောင်သော ငါးဖမ်းလှေမှာ သုခမောင်(၇)ငါးဖမ်းဝါးလတ်လှေဖြစ်ပြီး မြန်မာနိုင်ငံရေကြောင်းရဲတပ်ဖွဲ့မှ ရေယာဉ်များ၊ မြန်မာနိုင်ငံမီးသတ်တပ်ဖွဲ့ဝင်များ တင်ဆောင်ထားသည့် အရပ်ဘက်ရေယာဉ်များနှင့်အတူ ဝိုင်းဝန်းမီးငြှိမ်းသတ်ခဲ့ရကြောင်း၊လှေပေါ်ပါ လှေသား ၃ ဦး မီးလောင်ဒဏ်ရာများရရှိခဲ့သဖြင့် ယခုအခါ မြိတ်မြို့၊ ပြည်သူ့ဆေးရုံကြီးတွင် ဆေးကုသမှု ခံယူနေကြကြောင်း သိရသည်။

ymg/mt
#Yangon_Media_Group

#Local_News
Published_ 1st January 2023

(၇၅) နှစ်မြောက် စိန်ရတု လွတ်လပ်ရေးနေ့ အထိမ်းအမှတ် ဂုဏ်ထူးဆောင်ဘွဲ့များကို ယနေ့ ဇန်နဝါရီလ ၁ ရက်တွင် ချီးမြှင့်အပ်နှင်းခဲ့ကြောင်း နစက သတင်းထုတ်ပြန်ရေးအဖွဲ့က သိရသည်။

၂၀၂၃ ခုနှစ် (၇၅) နှစ်မြောက် စိန်ရတု လွတ်လပ်ရေးနေ့ အထိမ်းအမှတ် ဂုဏ်ထူးဆောင်ဘွဲ့များ ချီးမြှင့်အပ်နှင်းခြင်း အခမ်းအနားကို ယနေ့နံနက်ပိုင်းတွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး သဘင်ဆောင်၌ ကျင်းပခဲ့ခြင်းဖြစ်ပြီး နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး သတိုးမဟာသရေ စည်သူ၊ သတိုးသီရိသုဓမ္မ မင်းအောင်လှိုင် တက်ရောက်အမှာစကားပြောကြားကာ ဂုဏ်ထူးဆောင်ဘွဲ့များ ပေးအပ်ချီးမြှင့်ခဲ့ကြောင်း သိရသည်။

၂၀၂၂ ခုနှစ်အတွင်း ချီးမြှင့်ခဲ့သည့် ဂုဏ်ထူးဆောင်ဘွဲ့ရရှိသူ (၇၄၄) ဦးကို ပေးအပ်ချီးမြှင့်ရာတွင် ယနေ့ ပထမနေ့အခမ်းအနားတွင် အဂ္ဂမဟာ သီရိသုဓမ္မဘွဲ့ရရှိသူ(၃)ဦး၊ သတိုးသီရိသုဓမ္မဘွဲ့ရရှိသူ (၁)ဦး၊ အဂ္ဂမဟာ သရေစည်သူဘွဲ့ရရှိသူ (၄)ဦး၊ သတိုးမဟာသရေစည်သူဘွဲ့ရရှိသူ (၂)ဦး၊ မဟာ သရေစည်သူဘွဲ့ရရှိသူ (၆)ဦး၊ သရေစည်သူဘွဲ့ရရှိသူ (၁၁)ဦး၊ စည်သူဘွဲ့ရရှိသူ (၇၈)ဦး၊ သီဟသူရဘွဲ့ရရှိသူ (၁) ဦး၊ သူရဘွဲ့ရရှိသူ (၄)ဦး၊ ဇေယျကျော်ထင်ဘွဲ့ရရှိသူ (၅၀)ဦး၊ ဝဏ္ဏကျော်ထင်ဘွဲ့ရရှိသူ (သံအမတ်ကြီးများ) (၂၈)ဦး၊ ဝဏ္ဏကျော်ထင် ဘွဲ့ရရှိသူ (အကြံပေးပုဂ္ဂိုလ်) (၈)ဦး၊ စုစုပေါင်း (၂၀၆)ဦးတို့ကို လက်ရောက် ချီးမြှင့်ခဲ့ကြောင်း သိရသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး သတိုးမဟာသရေစည်သူ၊ သတိုးသီရိသုဓမ္မ မင်းအောင်လှိုင်က အဂ္ဂမဟာသီရိသုဓမ္မဘွဲ့နှင့် အဂ္ဂမဟာ သရေ စည်သူဘွဲ့ရရှိကြသည့် နိုင်ငံတော်ဝန်ကြီးချုပ်(ငြိမ်း)ဦးနု(ကိုယ်စား)သမီး ဒေါ်သန်းသန်းနု အားလည်းကောင်း၊ နိုင်ငံတော်သမ္မတ(ငြိမ်း) ဦးစန်းယု (ကိုယ်စား) သမီး ဒေါ်လဲ့လဲ့ယု အားလည်းကောင်း၊ နိုင်ငံတော်ဝန်ကြီးချုပ်(ငြိမ်း) ဗိုလ်ချုပ်မှူးကြီး စောမောင် (ကိုယ်စား) သား ဦးသီဟစောအားလည်းကောင်း ဂုဏ်ထူးဆောင်ဘွဲ့များ ပေးအပ်ချီးမြှင့်ခဲ့ကြောင်းသိရသည်။

ယင်းနောက် ပြည်ထောင်စုစည်သူသင်္ဂဟဘွဲ့ဖြစ်သည့် အဂ္ဂမဟာသရေစည်သူ ဘွဲ့ရရှိသည့် နိုင်ငံတော်ဝန်ကြီးချုပ်(ငြိမ်း) ဦးနေဝင်း (ကိုယ်စား) သမီး ဒေါက်တာ ခင်စန္ဒာဝင်းအားလည်းကောင်း၊ သတိုးမဟာသရေစည်သူဘွဲ့ရရှိကြသည့် ကာကွယ်ရေး ဦးစီးချုပ်(ငြိမ်း) ဗိုလ်ချုပ်ကြီးသူရကျော်ထင် (ကိုယ်စား) ဦးသန့်ကျော်အားလည်းကောင်း၊ မဟာသရေစည်သူဘွဲ့ရရှိကြသည့် နိုင်ငံတော်စီမံအုပ်ချုပ်ရေးကောင်စီ ဒုတိယ ဥက္ကဋ္ဌ၊ ဒုတိယဝန်ကြီးချုပ်၊ ဒုတိယတပ်မတော်ကာကွယ်ရေးဦးစီးချုပ်၊ ကာကွယ်ရေး ဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း၊ နိုင်ငံတော်ဝန်ကြီးချုပ်(ငြိမ်း) ဦးဗဆွေ (ကိုယ်စား) သမီး ဒေါ်နေရည်ဗဆွေ၊ နိုင်ငံတော်ဝန်ကြီးချုပ်(ငြိမ်း) သူရ ဦးထွန်းတင် (ကိုယ်စား)သား ဦးရဲမြင့်ထွန်း၊ ဒုတိယကာကွယ်ရေးဦးစီးချုပ်(ကြည်း) ဒုတိယ ဗိုလ်ချုပ်ကြီး အေးကို(ငြိမ်း) (ကိုယ်စား) မြေး ဒေါ်မေသက်ကျော်၊ ဒုတိယကာကွယ်ရေး ဦးစီးချုပ် (ကြည်း) ဒုတိယဗိုလ်ချုပ်ကြီးထွန်းရီ(ငြိမ်း) (ကိုယ်စား) သား ဦးဇော်ထွန်းနှင့် ဒုတိယ ဝန်ကြီးချုပ်(ငြိမ်း) ဦးကျော်ငြိမ်း (ကိုယ်စား) သမီး ဒေါ်ချိုချိုကျော်ငြိမ်းတို့ကို လည်းကောင်း ဂုဏ်ထူးဆောင်ဘွဲ့များ ပေးအပ်ချီးမြှင့်ခဲ့ကာသရေစည်သူဘွဲ့၊ စည်သူဘွဲ့၊ သီဟသူရဘွဲ့၊ သူရဘွဲ့၊ ဇေယျ ကျော်ထင်ဘွဲ့၊ ဝဏ္ဏကျော်ထင်ဘွဲ့ရရှိကြသူများအား ဂုဏ်ထူးဆောင်ဘွဲ့များ ပေးအပ် ချီးမြှင့်ခဲ့ကြောင်း သိရသည်။

ဂုဏ်ပြုချီးမြှင့်ထိုက်သူအား ဂုဏ်ပြုချီးမြှင့်ခြင်းသည် မင်္ဂလာတရားတော်နှင့်အညီ ဆောင်ရွက်ခြင်းလည်းဖြစ်ပြီး တိုင်းပြည် အတွက် ကြိုးပမ်းဆောင်ရွက်ခဲ့မှုများအပေါ် ယခုကဲ့သို့ မှတ်တမ်းတင်ဂုဏ်ပြုချီးမြှင့်ခြင်း ခံရသကဲ့သို့ အနာဂတ်ကာလတွင်လည်း နိုင်ငံတော်ကြီး ရေရှည်တည်တံ့ခိုင်မြဲရေး၊ အေးချမ်းသာယာရေး၊ ခေတ်မီဖွံ့ဖြိုးတိုးတက်ရေးအတွက် မိမိတို့၏ သားစဉ်မြေးဆက်များကိုပါ ကြိုးပမ်းဆောင်ရွက်စေရန် စံနမူနာကောင်းများ ပြကြပါဟုလည်း နစက ဥက္ကဌက အခမ်းအနားတွင် တိုက်တွန်းခဲ့သည်။

နိုင်ငံတော်အတွက် မိမိအသက်ခန္ဓာကို ပဓာနမထားဘဲ ကြံ့ခိုင်သည့် စိတ်ဓာတ်၊ စံတင်ထိုက်သည့် စွမ်းရည်၊ ဂုဏ်ယူထိုက်သည့် စွန့်စားခြင်းမျိုးဖြင့် ထူးထူးချွန်ချွန် ဆောင်ရွက်ခဲ့သည့် ဂုဏ်ပြုသင့်ဂုဏ်ပြုထိုက်သူများအား ဂုဏ်ထူးဆောင်ဘွဲ့များ၊ ဂုဏ်ထူးဆောင်တံဆိပ်များ ချီးမြှင့်အပ်နှင်းရန် စိစစ်ရေးအဖွဲ့က ၂၀၀၉ ခုနှစ်၊ ဂုဏ်ထူးဆောင်ဘွဲ့များ၊ ဂုဏ်ထူးဆောင်တံဆိပ်များဆိုင်ရာ ပြဋ္ဌာန်းချက်နှင့် ၂၀၁၄ ခုနှစ်၊ ဂုဏ်ထူးဆောင်ဘွဲ့များ၊ ဂုဏ်ထူးဆောင် တံဆိပ်များဆိုင်ရာပြဋ္ဌာန်းချက်များကို ဖြည့်စွက်ပြဋ္ဌာန်းချက် များနှင့်အညီ စိစစ်ပြီးထောက်ခံတင်ပြချက်များအရ ယခုကဲ့သို့ ဂုဏ်ပြုချီးမြှင့်အပ်နှင်းခြင်း အခမ်းအနား ကျင်းပပြုလုပ်ချီးမြှင့်ရခြင်းဖြစ်ကြောင်းလည်း သိရသည်။

ymg/mt
#Yangon_Media_Group

#TV Yangon Times Matters အစီအစဉ်
Published - 1 Jan 2023

အစီအစဉ်တင်ဆင်သူ ဆရာဟိန်းလတ်က ဦးစိုးလင်းဟိန်း (Uncle ZAN Art & Watch Gallery)နှင့် အတူ

-"နာရီကို ငယ်ငယ်ကတည်းကကြိုက်တာဆိုတော့ တစ်ခါတစ်လေ ဈေးကြီးတာမျိုးမဟုတ်ဘဲ စိတ်ကူးထဲမှ ာကြိုက်တဲ့နာရီမျိုးစုံပတ်ဖြစ်လေ့ရှိကြောင်း

-တန်ဖိုးရှိနာရီဆိုတာထက် ရှားပါးနာရီတွေကို ပိုစုဖြစ်တယ် နာရီချစ်သူအချင်းချင်း ရောင်းဝယ်လဲလှယ်တာလုပ်လေ့ရှိကြောင်း

-နိုင်ငံခြားကဝင်တဲ့ နာရီတွေလည်းရှိတယ် နာရီတစ်လုံးစုဆောင်းတော့မယ်ဆိုရင် အတုလားအစစ်လား အချက်အလက်တွေကို သေချာလေ့လာစုဆောင်းလေ့ရှိကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#Local_News
Published 1 Jan 2023

လာမယ့်နှစ်မှာ ငလျင်ကြောင့် ထိခိုက်ခဲ့ရတဲ့ မန္တလေးနန်းတွင်းအဆောက်အအုံတွေ မန္တလေးတိုင်းအတွင်းရှိ ရှေးဟောင်းအမွေအနှစ်တွေနဲ့ အင်းဝဘုရားတွေကို ပြုပြင်ထိန်းသိမ်းသွားမှာဖြစ်တယ်လို့ မန္တလေးတိုင်းရှိ ရှေးဟောင်းသုတေသနဌာနမှ သိရပါတယ်၊၊

#Yangon_Media_Group

TV Yangon Times Matters အစီအစဉ်
Published - 1 Jan 2023

အစီအစဉ်တင်ဆင်သူ ဆရာဟိန်းလတ်က ဦးစိုးလင်းဟိန်း(Uncle ZAN Art & Watch Gallery)နှင့်အတူ

-"နာရီကို ငယ်ငယ်ကတည်းကကြိုက်တာဆိုတော့ တစ်ခါတစ်လေ ဈေးကြီးတာမျိုးမဟုတ်ဘဲ စိတ်ကူးထဲမှာ ကြိုက်တဲ့နာရီမျိုးစုံပတ်ဖြစ်လေ့ရှိကြောင်း

-တန်ဖိုးရှိနာရီဆိုတာထက် ရှားပါးနာရီတွေကို ပိုစုဖြစ်တယ် နာရီချစ်သူအချင်းချင်း ရောင်းဝယ်လဲလှယ်တာလုပ်လေ့ရှိကြောင်း

-နိုင်ငံခြားကဝင်တဲ့ နာရီတွေလည်းရှိတယ် နာရီတစ်လုံးစုဆောင်းတော့မယ်ဆိုရင် အတုလားအစစ်လား အချက်အလက်တွေကို သေချာလေ့လာစုဆောင်းလေ့ရှိကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#Local_News
Published 1 Jan 2023

YBS စီးခရီးသည်တွေအနေနဲ့ ယာဉ်ပေါ်မှာလုံခြုံမှုရှိစေရန်အတွက် ယာဉ်လိုင်းတွေမှာ Telematics စနစ်တပ်ဆင်နေတာဖြစ်တယ်လို့ ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ (YRTC) ကနေ သိရပါတယ်။

#Yangon_Media_Group

#TV Yangon Times Matters အစီအစဉ်
Published - 1 Jan 2023

အစီအစဉ်တင်ဆင်သူ ဆရာဟိန်းလတ်က ဦးစိုးလင်းဟိန်း(Uncle ZAN Art & Watch Gallery)နှင့်အတူ

-"နာရီကို ငယ်ငယ်ကတည်းကကြိုက်တာဆိုတော့ တစ်ခါတစ်လေ ဈေးကြီးတာမျိုးမဟုတ်ဘဲ စိတ်ကူးထဲမှာ ကြိုက်တဲ့နာရီမျိုးစုံပတ်ဖြစ်လေ့ရှိကြောင်း

- တန်ဖိုးရှိနာရီဆိုတာထက် ရှားပါးနာရီတွေကို ပိုစုဖြစ်တယ် နာရီချစ်သူအချင်းချင်း ရောင်းဝယ်လဲလှယ်တာလုပ်လေ့ရှိကြောင်း

- နိုင်ငံခြားကဝင်တဲ့ နာရီတွေလည်းရှိတယ် နာရီတစ်လုံးစုဆောင်းတော့မယ်ဆိုရင် အတုလားအစစ်လား အချက်အလက်တွေကို သေချာလေ့လာစုဆောင်းလေ့ရှိကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

Published: 1 January 2023

ပါလက်စတိုင်းနယ်မြေများကို အစ္စရေးသိမ်းပိုက်ထားမှုအပေါ် နိုင်ငံတကာတရားရုံး(အိုစီဂျေ)ထံမှ ဥပဒေကြောင်းအရ စဉ်းစားရန်အချက်ကိုတောင်းခံထားသည့် ကုလသမဂ္ဂအထွေထွေညီလာခံရဲ့ မဲပေးမှုကို အစ္စရေးဝန်ကြီးချုပ် ဘင်ဂျမင် နာတာယာဟုက ပြင်းထန်စွာဝေဖန်လိုက်ပါတယ်။

“ ဂျူးပြည်သူတွေဟာ သူတို့ရဲ့ကိုယ်ပိုင်မြေ ရော ကျွန်တော်တို့ရဲ့ထာဝရမြို့တော်ဂျေရုစလင်မှာရော သိမ်းပိုက်သူတွေ မဟုတ်ကြဘူး။ ဘယ်လိုကုလသမဂ္ဂဆုံးဖြတ်ချက်ကမှ သမိုင်းရဲ့အမှန်တရာကို ပုံဖျက်ပစ်လို့မရနိုင်ဘူး” လို့ နာတာယာဟုက ဗွီဒီယိုနှင့်သတင်းစကားပါးလိုက်တာဖြစ်ပါတယ်။

အစ္စရေးဟာ စက်ဆုပ်ဖွယ်ကောင်းတဲ့ဆုံးဖြတ်ချက်ကို လိုက်ပါဆောင်ရွက်မှာမဟုတ်ဘူးလို့လည်း သူကဖြည့်စွက်ပြောပါတယ်။

နာတာယာဟုဟာ ဒီတစ်ပတ်ကမှ ဝန်ကြီးချုပ်ရာထူးတာဝန်ရယူခဲ့တာဖြစ်ပါတယ်။ အခြေချနေရာတိုးချဲ့တာကို ဦးစားပေးလုပ်ငန်းအဖြစ်ထားရှိဖို့ဆောင်ရွက်နေပြီး သူတို့ တည်ဆောက်ထားတဲ့ အနောက်ဘက်ကမ်းခြေနယ်မြေကို ကျူးကျော်လိုတဲ့ ပါတီတွေတွေကို ထည့်သွင်းထားတဲ့ အစိုးရတစ်ခုကို သူက ဦးဆောင်နေပါတယ်။

ပါလက်စတိုင်းတွေက အနောက်ဘက်ကမ်းခြေကို  ဂါဇာနှင့် အရှေ့ဂျေရုစလင်နှင့်အတူ ပါလက်စတိုင်းနိုင်ငံအတွက် သိမ်းပိုက်ဖို့ကြိုးစားနေပါတယ်။ အနောက်ဘက်ကမ်းခြေမှာ အစ္စရေးတွေအခြေချမှုကို နိုင်ငံအများစုက တရားမဝင်ဘူး လို့ရှုမြင်ထားကြပါတယ်။ အစ္စရေးကတော့ သမိုင်းနှင့် သမ္မာကျမ်းစာတို့နှင့် ဒီမြေကို စည်းနှောင်ပြီး အဲဒီအမြင်ကို ပြင်းပြင်းထန်ထန် အငြင်းပွားခဲ့ပါတယ်။

သည်ဟေ့ဂ်အခြေစိုက် အိုစီဂျေကို ကမ္ဘာ့တရားရုံးအဖြစ်လည်းသိကြပြီး ကုလသမဂ္ဂရဲ့ နိုင်ငံအချင်းချင်းအငြင်းပွားမှုကို ဖြေရှင်းကြရတဲ့ ထိပ်တန်းတရားရုံးတစ်ခုလည်းဖြစ်ပါတယ်။သူ့ဆုံးဖြတ်ချက်ဟာ တရားဝင်ဖြစ်စေပေမယ့် အိုင်စီဂျေဟာ အဲဒါကို အတင်းအကျပ်လိုက်နာစေဖို့အခွင့်အာဏာမရှိပါဘူး။

အစ္စရေးရဲ့ သိမ်းပိုက်အခြေချကျူးကျော်နေထိုင်မှုတွေနှင့်ပတ်သက်လို့ ဥပဒေပိုင်းအရ အကျိးဆက်တွေအပေါ် အကြံပြုချက်ပေးဖို့ ကုလသမဂ္ဂအထွေထွေညီလာခံက အိုင်စ်ီဂျေကိုတောင်းခံလိုက်တာဖြစ်ပါတယ်။

နာတာယာဟုရဲ့ အစိုးရအဖွဲ့ဝင်တွေက အဲဒီအခြေချနေထိုင်မှုကို ဖွံ့ဖြိုးရေးစီမံကိန်းတွေ။ ဘတ်ဂျက်တွေနှင့် ခွင့်ပြုချက်မရှိဘဲ ရှေ့တန်းကင်းစခန်းတွေကို ခွင့်ပြုတာတွေနှင့် လုပ်ဆောင်ဖို့ ဆုံးဖြတ်ထားပါတယ်။

Source: Reuters

#Israeli_slammed_UNGA_decision

#Benjamin_Netanyahu

#Israel_Palestinie

#Local_News
Published_ 1st Jan 2023

လက်တွေ့ကျသည့် ငြိမ်းချမ်းရေးဆွေးနွေးမှု လုပ်ငန်းစဉ်များကို ဆက်လက်အကောင်အထည်ဖော်ဆောင်ရွက်နိုင်ရေး၊ ပြည်သူလူထုတစ်ရပ်လုံး လိုလားတောင့်တလျက်ရှိသည့် ထာဝရငြိမ်းချမ်းရေးရရှိရေးတို့အတွက် နိုင်ငံတော်ကာကွယ်ရေးနှင့် အုပ်ချုပ်မှုဆိုင်ရာကိစ္စရပ်များအပြင် နိုင်ငံတော်အစိုးရ၏ လုံခြုံရေးနှင့် အုပ်ချုပ်ရေးဆိုင်ရာယန္တရားများကို နှောင့်ယှက်ထိပါး၍တိုက်ခိုက်ချိန်မှအပ တပ်မတော်၏ စစ်ရေး ဆိုင်ရာလှုပ်ရှားမှုများကို ၂၀၂၃ ခုနှစ်၊ ဇန်နဝါရီလ ၁ ရက်မှ ဒီဇင်ဘာလ ၃၁ ရက်အထိ ထပ်မံတိုးမြှင့်ရပ်စဲလိုက်ကြောင်း တပ်မတော်ကာကွယ်ရေးဦးစီးချုပ်ရုံး က ၂ဝ၂၂ ခုနှစ် ၊ ဒီဇင်ဘာလ ၃၁ ရက် ည တွင် ထုတ်ပြန်လိုက်သည်။

လက်ရှိတွင် တပ်မတော်အနေဖြင့် နိုင်ငံတော်တာဝန်များကို ထမ်းဆောင်နေသည်မှာ တစ်နှစ်နှင့် ၁၁ လကာလသို့ ရောက်ရှိခဲ့ပြီဖြစ်ကာ ပါတီစုံဒီမိုကရေစီစနစ် ခိုင်မာစေရေးနှင့် ဒီမိုကရေစီနှင့်ဖက်ဒရယ်စနစ်ကို အခြေခံသည့် ပြည်ထောင်စုတည်ဆောက်ရေးအတွက် ရှေ့လုပ်ငန်းစဉ် ၅ ရပ် ချမှတ်ဆောင်ရွက် လျက်ရှိပြီး ရှေ့လုပ်ငန်းစဉ်၏ စတုတ္ထအချက်ဖြစ်သည့် “တစ်နိုင်ငံလုံးထာဝရ ငြိမ်းချမ်းရေး ရရှိရေးအတွက် တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ်(NCA)ပါ သဘောတူညီချက်များအတိုင်း ဖြစ်နိုင်သမျှ အလေးထားလုပ်ဆောင်သွားမည်”ဟူသောလုပ်ငန်းစဉ်ကို အကောင်အထည်ဖော်နိုင်ရေးအတွက် ငြိမ်းချမ်းရေးလုပ်ငန်းစဉ်များကို စဉ်ဆက်မပြတ် အကောင်အထည်ဖော်လျက်ရှိကြောင်း သိရသည်။

နစက ဥက္ကဋ္ဌ က ပြီးခဲ့သည့် ၂၀၂၂ ခုနှစ်၊ ဧပြီလ ၂၂ ရက်က ပြည်သူများသို့ ပြောသည့် ငြိမ်းချမ်းရေးနှင့် ပတ်သက်သောမိန့်ခွန်းတွင်တိုင်းရင်းသား လက်နက်ကိုင်အဖွဲ့များ၏ ခေါင်းဆောင်များနှင့် ကိုယ်တိုင်တွေ့ဆုံ၍ ရိုးသားပွင့်လင်းစွာ ဆွေးနွေးနိုင်ရေး ဖိတ်ခေါ်ခဲ့ရာ ယနေ့ အထိ NCA လက်မှတ်ရေးထိုးပြီးဖြစ်သည့် DKBA၊ KNU- KNLA/PCI PNLO၊ NMSP၊ ALPI RCSS(SSA)၊ LDU စသည့် အဖွဲ့ ခုနှစ်ဖွဲ့နှင့် လက်မှတ် ရေးထိုးခြင်း မပြုရသေးသည့် UWSA၊ NDAAI SSPP(SSA) စသည့် အဖွဲ့ သုံးဖွဲ့၊ စုစုပေါင်း အဖွဲ့ ၁၀ တို့မှ ကိုယ်စားလှယ်အဖွဲ့များနှင့် နှစ်ကြိမ်တိုင်တိုင် တွေ့ဆုံဆွေးနွေးနိုင်ခဲ့ကြောင်းလည်း သိရသည်။

တွေ့ဆုံဆွေးနွေးခဲ့ရာတွင် အပြုသဘောဆောင်သည့် ဆွေးနွေးမှုရလာဒ်များကို ဖော်ဆောင်နိုင်ခဲ့သောကြောင့် ငြိမ်းချမ်းရေး လုပ်ငန်းစဉ်များကို ဆက်လက်ဆောင်ရွက်လျက်ရှိပြီး ဖွဲ့စည်းပုံအခြေခံဥပဒေ (၂၀၀၈ ခုနှစ်)နှင့် တစ်နိုင်ငံလုံးပစ်ခတ် တိုက်ခိုက်မှုရပ်စဲရေး သဘောတူစာချုပ် (NCA)တို့ကို အခြေခံသည့် ငြိမ်းချမ်းရေးလမ်းကြောင်းကို ဆက်လက်ဖော်ဆောင်သွားမည်ဖြစ်ကြောင်းလည်း အဆိုပါ ထုတ်ပြန်ချက်တွင် ဖော်ပြထားသည်။

နစက အနေဖြင့် တစ်နိုင်ငံလုံး ထာဝရငြိမ်းချမ်းရေးရရှိစေရေး၊ ငြိမ်းချမ်းရေးလုပ်ငန်းစဉ်များကို ပိုမိုတိုးမြှင့်ဆောင်ရွက်နိုင်ရေး၊ မြန်မာနိုင်ငံတစ်ဝန်းလုံး၌ ကိုဗစ်-၁၉ ရောဂါ ကာကွယ်၊ ထိန်းချုပ်၊ ကုသရေး လုပ်ငန်းစဉ်များကို ထိရောက်စွာ ဆောင်ရွက်နိုင်ရေးရည်ရွယ်၍ တပ်မတော်အနေဖြင့် နိုင်ငံတော်ကာကွယ်ရေးနှင့် အုပ်ချုပ်မှုဆိုင်ရာကိစ္စရပ်များ၊ နိုင်ငံတော်အစိုးရ၏ လုံခြုံရေးနှင့် အုပ်ချုပ်ရေးဆိုင်ရာ ယန္တရားများကို နှောင့်ယှက်ထိပါး၍ တိုက်ခိုက်ချိန်မှအပ ၂၀၁၈ ခုနှစ်၊ ဒီဇင်ဘာလ ၂၁ ရက်မှ ၂၀၂၂ ခုနှစ်၊ ဒီဇင်ဘာလ ၃၁ ရက်အထိ ၄ နှစ်ကျော်ကာလတိုင် ပစ်ခတ်တိုက်ခိုက်မှုရပ်စဲရေးအတွက် ထုတ်ပြန်ချက် ပေါင်း(၂၁)ကြိမ် ထုတ်ပြန်ခဲ့ပြီးဖြစ်ကြောင်း သိရသည်။

ymg/mt
#Yangon_Media_Group