#Local_News
Published _ 6 December 2022

ရန်ကုန် - ချင်းမိုင် အသွားအပြန်ခရီးစဉ်သစ်ကို လာမည့် ဒီဇင်ဘာလ ၉ ရက်တွင် စတင်ကာ တပတ်လျှင် ၂ ကြိမ်ခန့် ပျံသန်းပြေးဆွဲပေးသွားမှာဖြစ်ကြောင်း မြန်မာအမျိုးသားလေကြောင်းမှ သိရသည်။

အဆိုပါ ခရီးစဉ်သစ် ပြေးဆွဲပေးမည့်အကြောင်းနှင့်ပတ်သက်၍ မြန်မာအမျိုးသားလေကြောင်း ရုံးချုပ်တွင် ယမန်နေ့က နိုင်ငံတကာ ခရီးစဉ်သစ် ရန်ကုန် - ချင်းမိုင် - ရန်ကုန် ခရီးစဉ် မိတ်ဆက်ပွဲအား ကျင်းပခဲ့ကြောင်းလည်း သိရှိရသည်။

ခရီးစဉ်အား အပတ်စဉ်သောကြာနေ့နှင့် တနင်္ဂနွေနေ့များတွင် ရန်ကုန်အပြည်ပြည်ဆိုင်ရာလေဆိပ် Terminal-1 မှ ပျံသန်းပြေး ဆွဲပေးသွားမှာဖြစ်ပြီး လက်မှတ်ခများအနေဖြင့် အသွားအပြန် ဒေါ်လာ ၁၆၀ နှင့် အသွားတစ်ကြောင်းလျှင် ၈၅ ဒေါ်လာကျသင့်မှာဖြစ်ပြီး ဒေါ်လာနှင့်လည်း ဝယ်ယူနိုင်သလို မြန်မာကျပ်ငွေဖြင့်လည်း ဝယ်ယူနိုင်ကြောင်း သိရသည်။

ရန်ကုန်မှ ချင်းမိုင်သို့ ညနေ ၅ နာရီမှာ ထွက်ခွာမှာဖြစ်ပြီး ည ၇ နာရီတွင် ရောက်ရှိမှာဖြစ်သလို ချင်းမိုင်မှ ရန်ကုန်သို့ ည ၈ နာရီတွင် ပြန်လည်ထွက်ခွာပြီး ည ၈ နာရီ မိနစ် ၅၀အချိန်ခန့်တွင် ပြန်လည်ရောက်ရှိမည်ဟု သိရသည်။

မြန်မာအမျိုးသားလေကြောင်းအနေဖြင့် ရန်ကုန် - ချင်းမိုင် - ရန်ကုန် ခရီးစဉ်ကို ကိုဗစ်ကပ်ရောဂါကာလမတိုင်မီက ပြေးဆွဲပေးခဲ့ပြီး ကိုဗစ်ကာလအတွင်း ရပ်နားခဲ့ရာမှ ယခု နောက်တစ်ကြိမ်ထပ်မံပြေးဆွဲပေးတာဖြစ်ကြောင်း သိရှိရသည်။

မြန်မာအမျိုးသားလေကြောင်းမှ နိုင်ငံတကာခရီးစဉ်အနေဖြင့် လက်ရှိတွင် စင်ကာပူ၊ ဘန်ကောက်၊ ကူမင်း၊ ဗုဒ္ဓဂယာ စသည့် ခရီးစဉ်များအား ပြေးဆွဲပေးနေပြီး တရုတ်နိုင်ငံနှင် အိန္ဒိယနိုင်ငံများရှိ မြို့များကိုလည်း တိုးချဲ့ပြေးဆွဲပေးသွားရန် ဆောင်ရွက်နေကြောင်း သိရသည်။

#ymg/NN
#Yangon _Media _Group

#Ukraine_Crisis
Published 6 December 2022

ရုရှားတိုက်ခိုက်မှုများကြောင့် ယူကရိန်းရှိ အိမ်ရာများပျက်စီးပြီး လျှပ်စစ်ဓာတ်အားပေးစနစ်ကို ထိခိုက်ခဲ့တာကြောင့် ပြုပြင်လျက်ရှိရာ ဒေသအများအပြားမှာ အရေးပေါ်ဓာတ်အားပြတ်တောက်မှုများ ထပ်မံဖြစ်ပေါ်ဦးမယ်လို့ ယူကရိန်းမှာ သတိပေးလိုက်ပါတယ်။

ရုရှားဘက်ကတော့ ယူကရိန်းတို့ဟာ ရုရှားနိုင်ငံအတွင်းပိုင်းအထိ ဒရုန်းများဖြင့် တိုက်ခိုက်ခဲ့တယ်လို့ စွပ်စွဲလိုက်ပါတယ်။

ရုရှားဘက်မှ ဒုံးကျည်များ ထပ်မံပစ်ခတ်မယ်လို့ ခန့်မှန်းထားတဲ့အတိုင်း တနင်္လာနေ့က ပစ်ခတ်ခဲ့ရာ အရင်ပြုပြင်မှုများပြီးဆုံးလို့ မီးပြန်ရတော့မယ့်အချိန်ကျမှ အခုလိုအရေးပေါ် ဓာတ်အားပြတ်တောက်မှု ဖြစ်လာရဦးမှာဖြစ်ပါတယ်။

အခုနောက်ဆုံးပစ်ခတ်မှုများအတွင်း အရေးကြီးတဲ့ အခြေခံအဆောက်အအုံများ ထိခိုက်ခဲ့ရာ ယူကရိန်းနေရာအနှံ့အပြားမှာ အပူချိန် သုညဒီဂရီဆဲလ်စီးယပ်စ်အောက်ရှိနေပြီး မှောင်မိုက်နေခဲ့ပါတယ်။

ပစ်လိုက်တဲ့ ဒုံးကျည် ၇၀ ထဲမှ အများစုကို ပစ်ချနိုင်ခဲ့ပေမယ့် အနည်းဆုံး လူ ၄ ဦးသေဆုံးခဲ့တယ်လို့ ယူကရိန်းသမ္မတ'ဗိုလိုဒီမီယာဇယ်လန်စကီ'က ပြောကြားလိုက်ပါတယ်။

ရုရှားဟာ  အောက်တိုဘာအစောပိုင်းကတည်းက ယူကရိန်းစွမ်းအင်အဆောက်အအုံများကို အပတ်စဉ်တိုက်ခိုက်နေခဲ့ရာ ဒါဟာ အရပ်သားတွေကို ပစ်မှတ်ထားရာရောက်ပြီး စစ်ရာဇဝတ်မှုမြောက်ကြောင်း ယူကရိန်းက စွပ်စွဲလိုက်ကာ ရုရှားကတော့ ငြင်းဆန်ထားပါတယ်။

ယူကရိန်းစွမ်းအင်အခြေခံအဆောက်အအုံများအတွက် မည်သို့အထောက်အကူပေးမလဲဆိုတဲ့အကြောင်းအရာနဲ့ ပတ်သက်ပြီး ကြာသပတေးနေ့မှာ အွန်လိုင်းအစည်းအဝေးပြုလုပ်ရန် အမေရိကန်ကပြောကြားခဲ့ပါတယ်။

ယူကရိန်းပြည်သူတွေ အညံ့ခံလာအောင် ရုရှားကြံစည်နေတာတွေက မအောင်မြင်ခဲ့ဘူးလို့ အမေရိကန်နိုင်ငံခြားရေးဝန်ကြီး'အန်တိုနီဘလင်ကန်'က ပြောကြားလိုက်ပါတယ်။

ရုရှားဘက်က အဓိပ္ပာယ်ရှိတဲ့သံတမန်ရေးကိစ္စ ဆွေးနွေးဖို့ စိတ်ဝင်စားပုံမပေါ်သေးသရွေ့ ဘာမှထူးခြားလာမှာမဟုတ်ကြောင်း၊ စိတ်ဝင်စားပြီဆိုရင်တော့ အမေရိကန်က ဦးဆုံးကူညီဖို့အဆင်သင့်ရှိနေကြောင်း ဝေါစထရိဂျာနယ်စီအီးအိုကောင်စီမှာ ‌ပြောကြားခဲ့ပါတယ်။

Source: Reuters
#Yangon_Media_Group

#Local_News
Published_ 6 December 2022

လှိုင်သာယာမြို့နယ်ရှိ တရုတ်-မြန်မာချစ်ကြည်ရေးစာသင်ကျောင်းဖြစ်သည့် အမှတ်(၁၄)အခြေခံပညာအထက်တန်းကျောင်းအတွက် ကျောင်းသုံးပစ္စည်းနှင့် အားကစားပစ္စည်းများကိုလှူဒါန်းခဲ့ကြောင်း မြန်မာနိုင်ငံဆိုင်ရာတရုတ်သံရုံးမှ သိရသည်၊၊

ဒီဇင်ဘာလ ၁ ရက်သံရုံးကိုကိုယ်စားပြုအနေဖြင့် သံမှူးကြီး Ms. Cao Jingနှင့်အဖွဲဝင်များ သွားရောက်လှူဒါန်းခဲ့သည်၊၊

အဆိုပါ စာသင်ကျောင်းထံသို စားပွဲတင်တင်းနစ်စားပွဲ၊ ဘက်စကတ်ဘောလုံး၊ ဘောလုံး၊ လေ့ကျင့်ခန်းစာအုပ်၊ ဘောပင် စသည့် စာပေနှင့် အားကစားပစ္စည်းများ လှူဒါန်းပေးအပ်ကာ အဆိုပါကျောင်းမှ ဆရာ ဆရာမ၊ ကျောင်းသား ကျောင်းသူများကို စုံလင်ကြွယ်ဝသော စာပေနှင့်အားကစား၊ ပညာရေးလှုပ်ရှားမှုများ ဆောင်ရွက်နိုင်ရန် ပံ့ပိုးပေးသည်ဟု ဖော်ပြထားသည်၊၊

သံမှူးကြီး Ms. Cao Jing က တရုတ်နိုင်ငံသည် တရုတ်ပုံစံ ခေတ်မီမှုဖြင့် တရုတ်လူမျိုးတို့ ပြန်လည်ရှင်သန်နိုးထရေးကို ဘက်စုံမြှင့်တင်ဆောင်ရွက်နေကြောင်း၊ မြန်မာနိုင်ငံသည် “ပညာရေးဖြင့် ခေတ်မီအင်အားတောင့်တင်းသောနိုင်ငံအဖြစ် တည်ဆောက်ရေး” ကို အဆိုပြုထားကြောင်း၊ နှစ်နိုင်ငံလုံးသည် ခေတ်မီမှုဖြင့် နိုင်ငံတော်ကို တည်ဆောက်နေကြပြီး ပြည်သူလူထုဘဝ တိုးတက်ကောင်းမွန်စေရန် ဆောင်ရွက်ကြရာ ပူးပေါင်းဆောင်ရွက်နိုင်မှု အလွန်များပြားကြောင်း ပြောကြားခဲ့သည်။

တရုတ်သံရုံးသည် ၂၀၁၇ ခုနှစ်တွင် အဆိုပါကျောင်းအတွက် စာသင်ကျောင်းဆောင်တစ်ဆောင် ဆောက်လုပ်ပေးခဲ့ပြီး ကျောင်းမှ ထူးချွန်ကျောင်းသားကျောင်းသူများကိုလည်း တရုတ်-မြန်မာချစ်ကြည် ရေးပညာသင်ဆုများ အကြိမ်များစွာပေးအပ်ခဲ့ကာ ကျောင်းသားကျောင်းသူများ၏ ပညာရေးအိပ်မက်ကို အားဖြည့်ကူညီပေးထားကြောင်းလည်း ထုတ်ပြန်ချက်တွင် ဖော်ပြပါရှိသည်၊၊

#ymg/tthl
#Yangon_Media_Group

#Local_News
Published _ 6 december 2022

အရက်ကြောင် ကြောင်၍ မိမိ၏လည်ပင်းကို ကိုယ်ကိုတိုင် ဓါးဖြင့်လှီးဖြတ်ခဲ့သည့် ဖြစ်စဉ်တစ်ခု မန္တလေးမြို့တွင် ဖြစ်ပွားခဲ့ကြောင်း ဒေသနေလူမှုကူညီရေးအသင်းမှ သိရသည်။

ဖြစ်စဉ်မှာ မန္တလေးမြို့ ၊ ၄၁ လမ်း၊ လမ်း ၈၀ နှင့် ၈၁ လမ်းကြားတွင် နေထိုင်သည့် အသက် (၅၅) နှစ်အရွယ် အမျိုးသားတစ်ဦးသည် အရက်ကြောင်ပြီး ကိုယ့်လည်ပင်းကိုယ် ဓါးဖြင့်လှီးနေခဲ့ကြောင်းကို ရပ်ကွက်နေပြည်သူများမှ အကြောင်းကြားလာ၍ နယ်မြေခံလူမှုကူညီရေးအသင်းက အချိန်မီသွားရောက် ကယ်ဆယ်ပြီး ဆေးရုံသို့ပို့ဆောင်ပေးခဲ့ခြင်းဖြစ်ကြောင်း သိရသည်။

"အရက်ကြောင်ကြောင်ပြီး မေးအောက်လှည်ပင်းနားတွေကိုလှီးနေခဲ့တာပါ။ စိုးရိမ်စရာအခြေအနေမရောက်ခင် ရပ်ကွက်က အကြောင်းကြားလာလို့ အသင်းက သွားရောက်ခေါ်ဆောင်ပြီး အချိန်မှီ ဆေးရုံကို ပို့ဆောင်ပေးခဲ့ပါတယ်"လို့ မဏီစလ လူမှုကူညီရေးအသင်း(မန္တလေး)မှ ဆိုထားသည်။

#ymg/NN
#Yangon_Media _Group

Published 6 Dec 2022

✅ အမ်မီဆုနှစ်ထပ်ကွမ်းရ အမေရိကန်ရုပ်ရှင်မင်းသမီး ခရစ်စတီးအယ်လီ Kirstie Alley ဟာ ဒီဇင်ဘာ (၅)ရက် တနင်္လာနေ့မှာ ကွယ်လွန်ခဲ့

✅ အသက် ၇၁နှစ်အရွယ် ခရစ်စတီးအယ်လီသည် အထူးအောင်မြင့်သည့်ရုပ်သံ “Cheers” နှင့် “Look Who’s Talking” ဇာတ်လမ်းများက သူ့ကို ၁၉၈၀ခုနှစ်နှောင်းပိုင်းတွင် အကြီးကျယ်ဆုံး အမေရိကန် ဇာတ်မြူးသရုပ်ဆောင်များထဲက တစ်ဦးအဖြစ်ရောက်ရှိခဲ့

✅ အယ်လီဟာ သိပ်မကြာသေးခင်ကမှ သိရှိခဲ့တဲ့ ကင်ဆာရောဂါဖြင့် ကွယ်လွန်ခဲ့ခြင်းဖြစ်တယ်လို့ သူမ၏ သားသမီးတွေ ဖြစ်ကြတဲ့ ထရူးနှင့် လီလီပတ်ကားတို့က တွစ်တာတွင်ရေးခဲ့

✅ “ သူမဟာ ရုပ်ရှင် အထင်ကရသရုပ်ဆောင်တစ်ဦးသာမက အံအားသင့်စရာကောင်းလောက်တဲ့မိခင်နှင့် အဖွားတစ်ဦး လည်းဖြစ်တယ်”လို့ သားသမီးတွေက သတင်းထုတ်ပြန်ခဲ့

✅ ထရိုင်လိုဂျီကားမှာ သူမနှင့်အတူတွဲဖက်သရုပ်ဆောင်ခဲ့တဲ့ မင်းသား ဂျွန်ထရာဘိုတာက သူမကို အင်စတာဂရမ်တွင် ပို့စ်တင် ဂုဏ်ပြုခဲ့

✅  “ ခရစ်စတီးဟာ ကျွန်တော်အတွက် အထူးဆက်ဆံရေးအကောင်းဆုံးရရှိခဲ့တဲ့သူတစ်ဦးပါ။ မင်းကို ငါချစ်တယ် ခရစ်စတီ။ ငါတို့နှစ်ယောက်ပြန်ဆုံကြမယ်လို့ ငါသိထားပါတယ်” ဟု သူက ရေးသားခဲ့

Source: AP

#Kirstie_Alley

#Kirstie_Alley_died
#A-two-time_Emmy_winner

#Local_News
Published _ 6 December 2022

ယခုရက်ပိုင်းအတွင်း၌ ရွှေဘိုပေါ်ဆန်း ဆန်ဈေးများ ပြန်တက်လာခဲ့ပြီး ရန်ကုန်ဂိုဒေါင်အထိုင်ဈေး တစ်အိတ်ကို ကျပ်တစ်သိန်းဝန်းကျင်အထိ ပြန်တက်လာကြောင်း ရွှေဘိုပေါ်ဆန်း စိုက်ပျိုးထုတ်လုပ်ရောင်းချသူများအသင်းထံမှ သိရသည်။

စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက နိုဝင်ဘာလတတိယအပတ်မှာ ရွှေဘိုခရိုင်အတွင်း ဆန်စပါးစျေးတည်ငြိမ်မှုရှိနေပြီး ပေါ်ဆန်းစပါးဟောင်း တင်း၁၀၀ကို ငွေကျပ် ၂၄ သိန်း ပေါက်ဈေးရှိကာ ၂၄ ပြည်ပါ ဆန်တစ်အိတ်ကို ကျပ် ၈၅၀၀၀ ရှိခဲ့သော်လည်း ယခု ဒီဇင်ဘာလ ပထမအပတ်မှစ၍ ရွှေဘိုပေါ်ဆန်း ဆန်တစ်အိတ်လျှင် ငွေကျပ် ၉၄၀၀၀ကျပ် အထိရှိနေပြီး ပေါ်ဆန်းစပါးဟောင်းတင်း ၁၀၀လျှင် ငွေကျပ် ၂၆၃၀၀၀၀ အထိရှိနေကြောင်း အသင်းမှ သိရှိရသည်။

စစ်ကိုင်းတိုင်းဒေသကြီး ရွှေဘိုခရိုင်အတွင်းရှိ ၂၀၂၂-၂၃ ခုနှစ် အတွင်း ရွှေဘိုပေါ်ဆန်း မိုးစပါးစိုက်ဧကမှာ ဧကပေါင်း (၃၃၃၉၄၂) ဧက ဖြစ်ကြောင်းလည်း ထုတ်ပြန်ချက်အရ သိရှိရသည်။

#ymg/NN
#Yangon _Media_Group

#Local_News
Published_6 December 2022

၂၀၂၂-၂၀၂၃ ဘဏ္ဍာနှစ်၏ ပထမသုံးလပတ် (Q1) ဖြစ်သည့် ဧပြီ၊ မေနှင့် ဇွန်လအတွင်း အခွန်အရပ်ရပ် ကောက်ခံခြင်းမှ ကျပ် (၁,၆၇၃) ဘီလီယံကျော် ရရှိထားကြောင်း စီမံ/ဘဏ္ဍာလက်အောက်ရှိ ဗဟိုစာရင်းအင်းအဖွဲ့၏ ထုတ်ပြန်ချက်တွင် ဖော်ပြထားသည်။

အဆိုပါ ထုတ်ပြန်ချက်တွင် ပုဂ္ဂလိကကဏ္ဍမှ ကျပ် (၁,၄၇၁) ဘီလီယံကျော်အထိ အခွန်ငွေအများဆုံး ရှာဖွေပေးထားပြီး နိုင်ငံပိုင်စီးပွားရေး လုပ်ငန်းများထံမှ ကျပ် (၂၀၁) ဘီလီယံကျော်နှင့် ကော်ပိုရိတ်အဖွဲ့အစည်းတွေထံမှ ကျပ် (၁၈၃) သန်းကျော် ကောက်ခံရရှိထားကြောင်း သိရသည်။

ယခုဘဏ္ဍာနှစ်၏ အခွန်အရပ်ရပ် ကောက်ခံရရှိမှုသည် ပြီးခဲ့သည့် ၂၀၂၁-၂၀၂၂ ကြားကာလဘဏ္ဍာနှစ်၏ ပထမသုံးလပတ် (Q1) နှင့် ဒုတိယသုံးလပတ် (Q2) ကောက်ခံရရှိမှုနှင့် နှိုင်းယှဉ်ပါက ကျပ် (၁၇၇) ဘီလီယံကျော် ပိုမိုရရှိထားကြောင်း ဗဟိုစာရင်းအင်းအဖွဲ့က ထုတ်ပြန်ထားသည်။

ယခုနှစ် Q1 အခွန်ကောက်ခံမှု ကျပ် (၁,၆၇၃) ဘီလီယံကျော်ထဲတွင် ဝင်ငွေခွန် ကျပ် (၇၂၂) ဘီလီယံကျော်အထိ အများဆုံးပါဝင်ပြီး ကုန်စည်၊ ဝန်ဆောင်မှု၊ ကုန်သွယ်လုပ်ငန်းခွန်သည် ကျပ် (၆၀၇) ဘီလီယံကျော်၊ တံဆိပ်ခေါင်းခွန်သည် ကျပ်ဘီလီယံ (၃၀) ကျော်၊ ကျောက်မျက်ခွန်သည် ကျပ် (၄.၈) ဘီလီယံကျော်၊ အောင်ဘာလေခွန်မှ ကျပ် (၂.၇) ဘီယီယံကျော် အသီးသီး ကောက်ခံရရှိထားကြောင်း သိရသည်။

ယင်းအပြင် ပြည်တွင်းအခွန်များဦးစီးဌာနမှ အခွန်ငွေပိုမိုကောက်ခံ ရရှိစေရေးအတွက် အခွန်ရှောင်တိမ်းမှု (Tax Evasion) ကျူးလွန်သူတွေကို အခွန်ဆိုင်ရာစီမံအုပ်ချုပ်မှုဥပဒေအရ အရေးယူခံရမည့်အပြင် ငွေကြေးခဝါချမှု တိုက်ဖျက်ရေးဥပဒေအရလည်း ထပ်မံတရားစွဲဆို ခံရနိုင်ကြောင်း အသိပေးထားသည်။

#ymg/sth
#Yangon_Media_Group

#Local_News
Published_ 6 December 2022

မြန်မာ-ရုရှား နှစ်နိုင်ငံကြား ကုန်သွယ်မှုနှင့်စီးပွား ရေးပူးပေါင်းဆောင်ရွက်မှုများ ပိုမိုတိုးမြှင့်လာစေရန် တတိယအကြိမ် ရုရှား-မြန်မာအစိုးရချင်းကုန် သွယ်ရေးနှင့် စီးပွားရေးပူးပေါင်းဆောင်ရွက်ရေးဆိုင်ရာကော်မရှင်အစည်းအဝေးအား ဒီဇင်ဘာ ၅ ရက် နံနက် ၁၀ နာရီက နေပြည်တော်၌ပြုလုပ်ခဲ့ပါတယ်။

အစည်းအဝေးတွင် ရင်းနှီးမြှုပ်နှံမှုနှင့်နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီးဒေါက်တာကံဇော်နှင့်ရုရှားနိုင်ငံ စီးပွားရေးဖွံ့ဖြိုးတိုးတက်မှုဝန်ကြီး H.E Mr. Maxim Reshetnikov တို့ကအဖွင့်အမှာစကားများ ပြောကြားခဲ့ကြပါတယ်။

ထို့နောက် ရုရှား-မြန်မာပူးပေါင်းဆောင်ရွက်မှုဆိုင်ရာလက်ရှိအခြေအနေ၊ သဘောတူညီချက်များနှင့် ပြည်သူအချင်းချင်း ဆက်ဆံရေးအားကောင်းခိုင်မာခြင်း၊ ကုန်သွယ်မှု၊ စီးပွားရေးနှင့်ရင်းနှီးမြှုပ်နှံမှု ပူးပေါင်းဆောင်ရွက်ခြင်း၊ စက်မှုကဏ္ဍ ပူးပေါင်းဆောင်ရွက် ခြင်း၊ ဘဏ်အချင်းချင်း ပူးပေါင်းဆောင်ရွက်ခြင်းတို့အား ဆွေးနွေးခဲ့ကြပြီး ရုရှား-မြန်မာနှစ်နိုင်ငံ သဘောတူညီမှု စာချုပ်စာတမ်း ၇ ခုကို မြန်မာနိုင်ငံနှင့် ရုရှားနိုင်ငံတို့မှ တာဝန်ရှိသူများက လက်မှတ်ရေးထိုးခဲ့ကြပါတယ်။

ရုရှားစီးပွားရေးလုပ်ငန်းရှင် ကိုယ်စားလှယ်များနှင့်မြန်မာနိုင်ငံမှ လုပ်ငန်းရှင်များ ကလည်း စက်မှုနှင့်စိုက်ပျိုးရေးကဏ္ဍ၊ စွမ်းအင်နှင့်ဓာတ်သတ္တုလုပ်ငန်းကဏ္ဍ၊ ဘဏ်နှင့် ငွေကြေးဆိုင်ရာကဏ္ဍ၊ သတင်းအချက်အလက်နှင့်ဒီဂျစ်တယ်နည်းပညာက ဏ္ဍ၊ဆေးဝါးနှင့် ဆေးပစ္စည်းထုတ်လုပ်ခြင်းလုပ် ငန်းကဏ္ဍ၊ ဟိုတယ်နှင့် ခရီးသွားလုပ်ငန်းနှင့် ထောက်ပံ့ပို့ ဆောင်ရေးလုပ်ငန်းကဏ္ဍတို့ကို ဆွေးနွေးခဲ့ကြကြောင်း သတင်းရရှိပါတယ်။

#ygm_mnn

#Yangon_Media_Group

#Local_News
Published_6 December 2022

ပတ်စ်ပို့ Online စနစ်ခေတ္တရပ်ဆိုင်းထားချိန် ပြည်ပအရေးပေါ်သွားလိုသူများအနေဖြင့် မြန်မာနိုင်ငံကူးလက်မှတ်ထုတ်ပေးရေးရုံးသို့ လူကိုယ်တိုင် မြန်မာနိုင်ငံကူးလက်မှတ်ထုတ်ပေးရေးရုံး (ရန်ကုန်)သို့ သွားရောက် လျှောက်ထားနိုင်မည် ဖြစ်ကြောင်း အဆိုပါ ရုံးကသိရသည်။

လျှောက်ထားလိုသူများအနေဖြင့် သက်ဆိုင်ရာဝန်ကြီးဌာန၏ ထောက်ခံချက်၊ စာရွက်စာတမ်းအချက်အလက် အပြည့်အစုံဖြင့် တစ်ရက် ကြိုတင်၍ လူကိုယ်တိုင်သို့ လာရောက်လျှောက်ထားနိုင်ကြောင်း၊လက်ရှိတွင် စနစ်သစ်မစတင်သေးသောကြောင့် ပတ်စ်ပို့ အသစ်လျှောက်ထားမှုများကို ရပ်ဆိုင်းထားခြင်းဖြစ်ပြီး စနစ်ဟောင်းမှ QR Code ဖြင့် ရက်ချိန်း ရရှိထားသူများကိုသာ လျှောက်ထားခွင့် ပေးနေပေးနေခြင်း ဖြစ်ကြောင်း နစက သတင်းထုတ်ပြန်ရေးအဖွဲ့က မီဒီယာများအား ယနေ့ ဒီဇင်ဘာလ ၆ ရက်တွင် ပြောသည်။

"အခုက ရပ်ထားပါတယ်။ ကျွန်တော်တို့ မီဒီယာကို ပြောထားတဲ့အတိုင်းပါပဲ။ Online Booking စနစ်သစ် စတင်အသုံးပြုနိုင်တဲ့ ရက်ကိုရောက်မှပဲ လျှောက်ထားလို့ ရမှာပါ၊ ဒီကြားထဲအရေးပေါ်ကိစ္စရှိရင်တော့ သတ်မျတ်အချက်အလက်တွေနဲ့ လူကယ်တိုင်သွားလျှောက်လို့ ရပါတယ်။ QR Code နဲ့ အရင်က booking တင်ပြီးသူတွေကတော့ ထပ်ပြီးတော့ တင်ဖို့ မလိုအပ်တော့ပါဘူး"ဟု နစက သတင်းထုတ်ပြန်ရေးအဖွဲ့တာဝန်ရှိသူက ပြောသည်။

Online Booking စနစ်ဟောင်းက ရက်ချိန်းပေးခြင်းကို ဒီဇင်ဘာလ ၅ ရက် က စတင်၍ ရပ်ဆိုင်းထားမည် ဖြစ်ပြီး လက်ရှိတွင် ပတ်စ်ပို့ Online Booking စနစ်ကို ပြင်ဆင်ရေးဆွဲနေပြီ ဖြစ်ရာ ကြာမြင့်ချိန်မှာ ၃ ပတ်ခန့် ရှိမည် ဖြစ်ကြောင်းလည်း သိရသည်။

#ymg/mt
#Yangon_Media_Group

#World_Health
Published 6 December 2022

အသည်းအင်္ဂါကျန်းမာသန်စွမ်းစေရန် အဆီအချို့လိုအပ်ပေမယ့် ဘယ်အရာပဲဖြစ်ဖြစ် လွန်ကဲရင်တော့ ဆိုးကျိုးရှိလာနိုင်ပါတယ်။

အသည်းမှာ အဆီဖုံးလာပြီးတော့ စတင်အန္တရာယ်ပြုလာကာ သေချာမကုသရင် အသည်းကင်ဆာ၊ အသည်းရောဂါတို့ ဖြစ်လာနိုင်ပါတယ်။

အရက်ကြောင့်မဟုတ်ဘဲနဲ့ ဆီးချို၊ အဝလွန်ခြင်း၊ ကျန်းမာရေးမညီညွတ်တဲ့ နေထိုင်စားသောက်မှုပုံစံတို့ကြောင့် အသည်းအဆီဖုံးခြင်းဖြစ်နိုင်ပြီး အဓိကအကြောင်းအရင်းကတော့ အရက်အလွန်အကျွံသောက်ခြင်းကြောင့် ဖြစ်တဲ့ရောဂါဖြစ်ပါတယ်။

အသည်းအဆီဖုံးခြင်းကို သက်သာစေတဲ့နည်းလမ်းတွေထဲမှာ အသီးအနှံ၊ အရွက်၊ အမျှင်ဓာတ်စတဲ့ ကျန်းမာရေးနဲ့ညီညွတ်တဲ့ အစားအစာများ စားပေးရပါတယ်။

(၁) ဂရိတ်ဖရုသီး

ဂရိတ်ဖရုမှာ ဓာတ်တိုးဆန့်ကျင်ပစ္စည်းတွေနဲ့ ဗိုက်တာမင်-စီတို့ ပါဝင်ပြီး အဆိပ်အတောက်များကို ဖယ်ရှားပေးကာ အသည်းအဆီဖုံးခြင်းကြောင့် အသည်းထိခိုက်ပျက်စီးခြင်းကို ပြန်လည်သက်သာစေပါတယ်။

(၂) ဘလူးဘယ်ရီသီး

ဘလူးဘယ်ရီဟာလည်း ဓာတ်တိုးဆန့်ကျင်ပစ္စည်းများပါဝင်ကာ အသည်းအဆီဖုံးခြင်းလို ရောဂါတွေမှာ အကူအညီပေးနိုင်တာကြောင့် ပုံမှန်စားသုံးသင့်ပါတယ်။

(၃) ငှက်ပျောသီး

အသည်းအဆီဖုံးခြင်းရှိတဲ့ လူတွေအတွက် ကျန်းမာရေးနဲ့အညီညွတ်ဆုံးအစားအစာတစ်မျိုးက ငှက်ပျောသီးဖြစ်ပါတယ်။

(၄) ခရန်ဘယ်ရီသီး

ဘယ်ရီသီးအချဉ်တစ်မျိုးဖြစ်တဲ့ ခရန်ဘယ်ရီသီးမှာ ဗိုက်တာမင်ဘီ၆, ဗိုက်တာမင်စီနဲ့အေတို့ ပါဝင်တာကြောင့် အသည်းကျန်းမာရေးအတွက် ကောင်းမွန်စေပါတယ်။

(၅) စပျစ်သီး

စပျစ်သီးမှာပါဝင်တဲ့ ရက်စ်ဗယ်ရာထရိုလ်ဟာ အသည်းကျန်းမာရေးကို ထိန်းသိမ်းပေးပါတယ်။

(၆) သံပယိုနဲ့သံပရာသီးများ

အချဉ်ဓာတ်ကြွယ်ဝတဲ့အပြင် ပိုတက်ဆီယမ်၊ ဗိုက်တာမင်-စီ၊ ဘိုင်အိုဖလေဗိုနွိုက်တို့ ပါဝင်တာကြောင့် ရောင်ရမ်းခြင်းနဲ့ အဆိပ်အတောက်ဖြစ်ခြင်းတို့ကို လျှော့ချပေးပါတယ်။

Source: msn
#Yangon_Media_Group

#World_Health
Published 6 December 2022

ယခုနှစ်အတွင်း ကိုဗစ်ကပ်ရောဂါတိုက်ဖျက်မှု အစီအစဉ်များလျော့ပါးလာတာကြောင့် အန္တရာယ်ရှိ မျိုးဗီဇကွဲအသစ် ထွက်ပေါ်လာမှာ စိုးရိမ်ရကြောင်း၊ တရုတ်နိုင်ငံ အချို့နေရာတွေမှာ ကူးစက်မှုမြင့်တက်လာခြင်း ကြုံနေရကြောင်း ကမ္ဘာ့ကျန်းမာရေး WHO အကြီးအကဲက သောကြာနေ့မှာ ပြောကြားလိုက်ပါတယ်။

WHO အထွေထွေညွှန်ကြားရေးမှူး 'တက်ဒရိုအက်ဒါနွမ်ဂဲဘရီယေဆပ်စ်'ကကမ္ဘာကြီးဟာ ကပ်ရောဂါအဆုံးသတ်ဖို့ အခြေအနေရှိလာမှာမဟုတ်ကြောင်း မကြာသေးမီက မှတ်ချက်ပြုခဲ့ပါသေးတယ်။

"ကပ်ရောဂါအရေးပေါ် အခြေအနေ ကျော်လွန်ဖို့ နီးစပ်လာတယ်လို့ ပြောလို့ရနိုင်ပေမယ့် လက်တွေ့မရောက်နိုင်သေးဘူး" လို့ ဆိုပါတယ်။
ကမ္ဘာ့လူဦးရေ ၉၀ ရာခိုင်နှုန်းခန့်ဟာ ရောဂါကူးစက်မှုမှ ဒါမှမဟုတ် ကာကွယ်ဆေးထိုးခြင်းကနေ ကိုဗစ်ခုခံအားအချို့ ရရှိထားပြီးဖြစ်တယ်လို့ ခန့်မှန်းရကြောင်း ဆိုပါတယ်။

လတ်တလော တရုတ်နိုင်ငံမှာ ကိုဗစ်ကူးစက်မှုမြင့်တက်လျက်ရှိပြီး ကူးစက်မှုလျော့ပါးလာခဲ့တဲ့ ဗြိတိန်မှာလည်း ပြန်လည်မြင့်တက်လာပါပြီ။
တရုတ်မြို့အချို့မှာ ကိုဗစ်စမ်းသပ်မှုလိုအပ်ချက်များနဲ့ ကွာရန်တင်းစည်းမျဉ်းများ ဖြေလျှော့လျက်ရှိရာ စိုးရိမ်မှုတွေ ကြုံလာရပါတယ်။
လူထုမငြိမ်မသက်မှု ဖြစ်ပွားပြီးနောက် သန်းပေါင်းရာချီတဲ့ ပြည်သူတွေဟာ နိုင်ငံတော်ရဲ့ ဗိုင်းရပ်စ်ပေါ်လစီပြောင်းလဲမှုကို မျှော်လင့်စောင့်ဆိုင်းနေကြပါတယ်။

"ကိုဗစ်နဲ့ တုပ်ကွေးတို့က လူတော်တော်များများမှာ သာမန်သာဖြစ်ကြပေမယ့် ရောဂါဆိုးရွားသူတွေမှာတော့ ပြင်းထန်နိုင်ပြီး အသက်အန္တရာယ်ပါ ဖြစ်စေနိုင်ပါတယ်" လို့ ယူကေကျန်းမာဘေးကင်းရေး‌ေအဂျင်စီမှ ညွှန်ကြားရေးမှူး 'မယ်ရီရမ်ဆေး'က ပြောကြားလိုက်ပါတယ်။

အသက်အရွယ်ကြီးသူတွေ၊ ရောဂါအခံရှိသူတွေမှာ ကာကွယ်ဆေးထိုးဖို့ကိုလည်း တစ်ကမ္ဘာလုံးအာရုံစိုက်သင့်ကြောင်း WHO က နိုင်ငံ့အစိုးရအဖွဲ့များကို တိုက်တွန်းလိုက်ပါတယ်။

Source: Reuters
#Yangon_Media_Group

#Local_News
Published_ 5 December 2022

ဆောင်းတွင်းကာလမှာ အေးတဲ့ဒေသတွေမှာ ညပိုင်းအိမ်ထဲမှာ မီးဖိုထားရာမှ မီးမငြှိမ်းမိဘဲ မီးလောင်ကျွမ်းတာ၊ မီးခိုးငွေ့မွှန်ပြီးအသက်ဆုံးရှုံးတာတွေရှိနေတဲ့အတွက် သတိပြုနေထိုင်ကြဖို့ လိုအပ်တယ်လို့ မြန်မာ နိုင်ငံ မီးသတ်အဖွဲ့ချုပ်မှ သိရပါတယ်၊၊

#Yangon_Media_Group