#World_Wildlife
Published 5 December 2022

တရုတ်နိုင်ငံတောင်ပိုင်း ကွမ်ရှီကျောင်ဒေသမှာနေထိုင်ပြီး ကမ္ဘာ့မျိုးသုဉ်းအန္တရာယ်အရှိဆုံး မျောက်မျိုးစိတ်တွေထဲက တစ်မျိုးဖြစ်တဲ့ မျောက်ခေါင်းဖြူအကောင်အရေအတွက်ဟာ တောရိုင်းတိရိစ္ဆာန်ထိန်းသိမ်းစောင့်ရှောက်ရေးရဲ့ ကြိုးပမ်းမှုများကြောင့် လွန်ခဲ့တဲ့ဆယ်စုနှစ်များအတွင်း တိုးပွားလာခဲ့ပါတယ်။

#Yangon_Media_Group

Published_ 5 December 2022
မြန်မာ-ရုရှား စီးပွားရေးဆိုင်ရာကိစ္စရပ်များနှင့် နည်းပညာဆိုင်ရာကိစ္စရပ်များ ပူးပေါင်း ဆောင်ရွက်မှု နစကဥက္ကဋ္ဌနှင့် ရုရှား စီးပွားရေးဖွံဖြိုးတိုးတက်မှုဝန်ကြီးတို့ဆွေးနွေး ခဲ့ကြောင်း သိရပါတယ်။
နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်အား ရုရှားနိုင်ငံ၊ စီးပွားရေးဖွံဖြိုး တိုးတက်မှုဝန်ကြီးဌာန ဝန်ကြီး H.E. Mr. Maxim RESHETNIKOV က ဒီဇင်ဘာ ၅ ရက်တွင် နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး သံတမန်ဆောင် ဧည့်ခန်းမ၌ လာရောက် ဂါရဝပြုတွေ့ဆုံစဉ်ဆွေးနွေးခဲ့တာ ဖြစ်ပါတယ်။
ကမ္ဘာလှည့်ခရီးသွား လုပ်ငန်းဖွံဖြိုးတိုးတက်ရေးအတွက် နှစ်နိုင်ငံအကြား တိုက်ရိုက် လေကြောင်း ပျံသန်းရေးဆိုင်ရာကိစ္စရပ်များနှင့် အခြားလိုအပ်သော ကိစ္စရပ်များ၊ မြန်မာ-ရုရှား ချစ်ကြည်ရေးအဖွဲ့များအား နိုင်ငံအနှံကျယ်ကျယ်ပြန့်ပြန့် ဖွဲစည်းဆောင်ရွက် လျက်ရှိမှု အခြေအနေများ၊ ခရီးသွားလုပ်ငန်းဖွံဖြိုးတိုးတက်ရေးအတွက် ရုရှားနိုင်ငံမှ မြန်မာနိုင်ငံ တွင်လာရောက်ရင်းနှီးမြှုပ်နှံမည့် အခြေအနေများ၊ မြန်မာနိုင်ငံ၏ သံနှင့် သံမဏိ ထုတ်လုပ်ရေးလုပ်ငန်းများ တိုးတက်စေရေးအတွက် နည်းပညာပိုင်းဆိုင်ရာများ ပူးပေါင်း ဆောင်ရွက်ပေးမည့် အခြေအနေများ ဆွေးနွေးခဲ့ကြတယ်လို့ နစကရဲ့ သတင်း ထုတ်ပြန်ချက်မှာ ဖော်ပြထားပါတယ်။
ထိုပြင် စွမ်းအင်ဆိုင်ရာ ကိစ္စရပ်များ၊ ကျန်းမာရေးဆိုင်ရာ ဆေးဝါးထုတ်လုပ်ရေးနှင့် ကုသရေးဆိုင်ရာ ကိစ္စရပ်များ၊ တွင်းထွက်ပစ္စည်း ထုတ်လုပ်ခြင်းဆိုင်ရာကိစ္စရပ်များတွင် ပူးပေါင်း ဆောင်ရွက်သွား မည့် အခြေအနေများ၊ စိုက်ပျိုး၊ မွေးမြူရေးလုပ်ငန်းများ တိုးတက်ရေးအတွက် နည်းပညာ ပိုင်းဆိုင်ရာများ ပူးပေါင်းဆောင်ရွက်ခြင်းနှင့် စက်မှု ထုတ်ကုန်များ ထုတ်လုပ်ခြင်းတွင် ပူးပေါင်းဆောင်ရွက်နိုင်မည့်အခြေအနေများနှင့် အခြားကဏ္ဍပေါင်းစုံတွင် နှစ်နိုင်ငံပူးပေါင်းဆောင်ရွက်သွားမည့်အခြေအနေများကို ရင်းနှီး ပွင့်လင်းစွာ အမြင်ချင်းဖလှယ်ဆွေးနွေးခဲ့ကြကြောင်း သတင်းရရှိပါတယ်။
ygm_mnn
#Yangon_Media_Group

Published 5 Dec 2022

ပင်လယ်နီ နိုင်ငံတကာရုပ်ရှင်ပွဲတော်ကို ဆော်ဓီအာရေဗျနိုင်ငံ ဂျက်ဒပ်မှာ ဒီဇင်ဘာ (၁)ရက်မှ (၁၀)ရက်အထိ ကျင်းပ နေပါတယ်။

အဲဒီပွဲတော်ဖွင့်ပွဲကို အိန္ဒိယရုပ်ရှင်မင်းသားနှင့် ဘောလီဝုဒ်စတားဖြစ်တဲ့ ရှာရွတ်ခန်ဟာ ပွဲတော်ညွှန်ကြားရေးမှူး မိုဟာမက် အလီတာကီနှင့်အတူ ကော်ဇော်နီပေါ် ဖြတ်သန်းလျှောက်လှမ်းရောက်ရှိလာပါတယ်။

ကျွန်တော်ဟာ ရှာရွတ်ခန်းရဲ့ အမာခံပရိဿတ်တစ်ဦးပါ။ ဒီကို ကျွန်တော်ရောက်နေရတာ သိပ်ပျော်တယ်။ အာလုံးကို ကျေးဇူးတင်တယ်လို့ ပရိဿတ်တစ်ဦးကပြောပါတယ်။ ပရိဿတ်တွေကလည်း "I love you SRK" ဆိုတဲ့ ဆိုင်းဘုတ်တွေ ကိုင်ဆောင်ကြိုဆိုကြပါတယ်။

အဲဒီရုပ်ရှင်ပွဲတော်မှာ အကောင်းဆုံးအာရပ်နှင့် နိုင်ငံတကာရုပ်ရှင်တွေကို ကော်ဇော်နီအကြိုပွဲတွေ၊ အလုပ်ရုံဆွေးနွေးပွဲတွေ၊ masterclasses နှင့် ရုပ်ရှင်လုပ်ငန်းအတွင်းဈေးကွက် ကွန်ယက်တွေကိုပါ အတူကျင်းပ မှာဖြစ်ပါတယ်။

အာရပ်ရဲ့ခမ်းနားကြီးကျယ်မှု ကဏ္ဍအောက်မှာ အာရပ်ကမ္ဘာက အီရတ်၊ ပါလက်စတိုင်း၊ အယ်ဂျီးရီးယား၊တူနီးရှား၊အီဂျစ်၊လက်ဘနွန်နှင့် မော်ရိုကိုတို့က မတူကွဲပြားတဲ့ လူမှုဘဝ စိတ်လှုပ်ရှားစရာအကောင်းဆုံး ဇာတ်လမ်းတွေပြသမှာပါ။

Source: AFP

#SHAH_RUKH_KHAN

#Red_Sea_International_Film_Festival

#Saudi_Arabia_Jeddah

#Local _News
Published _ 5 December 2022

ဗီယက်နမ်နိုင်ငံကို လာမယ့် ၂၀၂၃ ခုနှစ်တွင် ပြည်တွင်းထွက်သကြားဖြူတန်ချိန်ပေါင်း ၅၀၀၀၀ နီးပါးလောက် တင်ပို့သွားဖို့ လျာထားတယ်လို့ မြန်မာနိုင်ငံသကြားနှင့် ကြံထွက်လုပ်ငန်းရှင်များအသင်းကနေ သိရပါတယ်။

#Yangon_Media_Group

#Local_News
Published_5 December 2022

၂၀၂၂-၂၀၂၃ ဘဏ္ဍာနှစ်ရဲ့ ဧပြီလ ၁ ရက်ကနေ နိုဝင်ဘာ ၂၅ ရက်အထိ ရှစ်လတာကာလအတွင်း မြန်မာ-တရုတ် နယ်စပ်ကုန်သွယ်ရေးက ကန်ဒေါ်လာ ၁ ဒသမ ၆၉ ဘီလီယံကုန်သွယ်မှုပြုလုပ်ထားတယ်လို့ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ဖော်ပြထားတဲ့ ကုန်သွယ်မှုစာရင်းတွေအရ သိရပါတယ်။

#Yangon_Media_Group

#Local_News
Published _5 december 2022

ပြီးခဲ့တဲ့ နိုဝင်ဘာလ နောက်ဆုံးအပတ်ကနေစပြီး ဈေးကွက်ထဲ တောင်ကြီးစတော်ဘယ်ရီသီးတွေ ဝင်ရောက်မှုက များလာပြီး ဈေးကောင်းလဲရနေတယ်လို့ စတော်ဘယ်ရီစိုက်ပျိုးထုတ်လုပ်ရောင်းချသူတွေဆီကနေ သိရပါတယ်။

#Yangon_Media_Group

#DailyNews
Published _ 5 December 2022

၁။ တောင်ကြီးစတော်ဘယ်ရီသီး ပေါ်ဦးပေါ်ဖျားရာသီတွင် ဈေးကောင်းရနေ

၂။ ၈ လတာကာလအတွင်း မြန်မာ-တရုတ် နယ်စပ်ကုန်သွယ်ရေး ကန်ဒေါ်လာ ၁ ဒသမ ၆၉ ဘီလီယံရရှိထား

၃။ ဗီယက်နမ်နိုင်ငံသို့ သကြားဖြူတန်ချိန် ၅၀၀၀၀ ခန့် တင်ပို့သွားမည်

၄။ မျိုးသုဉ်းအန္တရာယ်ရင်ဆိုင်နေသည့် တရုတ်နိုင်ငံမှ ရှားပါးခေါင်းဖြူမျောက်မျိုးနွယ်များ နှစ်စဉ်အကောင်ရေပြန်လည်တိုးတက်လျက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_5 December 2022

ဒီဇင်ဘာလ လဆန်ပိုင်းမှာတင် ကမ္ဘာ့ရွှေဈေးဟာ စံချိန်တင်မြင့်တက်လာခဲ့ပါတယ်။

#Yangon_Media_Group

#Local_News
Published_ 5 December 2022

တာမွေ၊ ဗဟန်း၊ သင်္ဃန်းကျွန်းမြို့နယ်များတွင်ပုံမှန်ထက်ပိုပြီး လျှပ်စစ်မီးပြတ်တောက်မည့်အကြောင်း သက်ဆိုင်ရာမြို့နယ်YESCများမှအသိပေးချက်ထုတ်ပြန်ချက်များအရသိရသည်၊၊

တာမွေမြို့နယ်တွင် ဒီဇင်ဘာ(၄)ရက်ကနိုင်ငံတော်ဓာတ်အားစနစ်ထိန်းချုပ်မှုအရ 66kV သာကေတ-ပုသိမ်ညွန့်ဓာတ်အားလိုင်းယာယီဓာတ်အားပြတ်တောက်နေပါသဖြင့် နတ်ချောင်းရပ်ကွက်၊ မေတ္တာညွန့်ရပ်ကွက်၊တာမွေကြီး(ခ)၊မလွှကုန်းဌေးကြွယ်၊ ကျားကွက်သစ်၊ဗျိုင်းကွက်သစ်၊နတ်မောက်၊ ပျားရည်ကုန်း၊ ဗျိုင်းရွာမ၊ တာမွေကြီး(က+ဂ)ရပ်ကွက်၊ မြန်မာ့ဂုဏ်ရောင်၊ စက်မှုလက်မှု၊ ကျောက်ရှေ့၊ကျောက်ကြီး၊အောင်မင်္ဂလာရပ်ကွက်၊ကျောက်ထပ်ရပ်ကွက်၊နတ်မောက်၊မအူကုန်း၊ ကျားကွက်သစ်၊ ပုသိမ်ညွန့်စံပြရပ်ကွက်များ ယာယီဓာတ်အားပြတ်တောက်မည်ဖြစ်ကြောင်း ဒီဇင်ဘာလ(၅)ရက်တွင်အသိပေးထုတ်ပြန်ထားသည်၊၊

ဗဟန်းမြို့နယ်တွင်ဓာတ်အားစနစ်အတွင်း ဝန်းအားထိန်းညှိဆောင်ရွက်ရန်အတွက် ဗဟန်းမြို့နယ်အတွင်း ဒီဇင်ဘာလ၅ရက်မှစ၍ (09:00)နာရီမှ(13:00)နာရီ နှင့် (13:00)နာရီမှ(16:00)နာရီ အတွင်း အုပ်စုတစ်စုစီအား အလှည့်ကျ ဝန်အားလျှော့ဆောင်ရွက်သွားမည်ဖြစ်ပါကြောင်းနှင့် ဝန်အားနိုင်နင်းသည့်အချိန်တွင် ပုံမှန်အတိုင်း ဓာတ်အားပြန်လည်ပေးသွားမည်ဖြစ်ကြောင်းဒီဇင်ဘာလ (၅)ရက်တွင်မြို့နယ် YESC မှ အသိပေးထားသည်၊၊

သင်္ဃန်းကျွန်းမြို့နယ်နှင့်ပတ်သက်၍ဒီဇင်ဘာလ ၅ရက်တွင်66kVသာကေတ-သင်ဃန်းကျွန်း -သုဝဏ -ကျိုက်ကဆံလိုင်း ယာယီဓာတ်ပြတ်တောက်သွားသဖြင့် စစ်ဆေးဆောင်ရွက်နေပြီးဒီဇင်ဘာလ ၅ရက်တွင် 33kV သင်ဃန်းကျွန်းကြီးပွားရေးမြောက်ခွဲရုံအားLDCမှ ဝန်အားထိန်းညှိ‌ဆောင်ရွက်ပေးနေရခြင်းကြောင့်ယာယီ2/3နာရီခန့် ဓာတ်အားပြတ်တောက်နေမည်ဖြစ်ကြောင်း ဒီဇင်ဘာလ(၅)ရက်တွင်မြို့နယ် YESC မှ အသိပေးထားကြောင်းသိရသည်၊၊

#ymg/tthl
#Yangon_Media_Group

#Local_News
Published_5 December 2022

တောင်ကိုရီးယားနိုင်ငံသို့ EPS စနစ်ဖြင့် မြန်မာအလုပ်သမား ၁၈၀ ကျော်ထပ်မံစေလွှတ်သွားမည်ဖြစ်ကြောင်း ပြည်ပအလုပ်အကိုင်အေဂျင်စီ(POEA) မှထုတ်ပြန်ထားသည်။

အဆိုပါနိုင်ငံသို့ ဒီဇင်ဘာ ၁၂ ရက်တွင် Regular(ကုန်ထုတ်လုပ်သား) ၁၂၈ ဦး၊ Regular(စိုက်ပျိုး/မွေးမြူရေးလုပ်သား) ၉ ဦး၊ Re-entry ကုန်ထုတ်လုပ်သား ၁၃ ဦးစေလွှတ်သွားမည်ဖြစ်ပြီး၊ ဒီဇင်ဘာ ၁၄ ရက်တွင် Re-entry ကုန်ထုတ်လုပ်သား ၃၇ ဦးစေလွှတ်သွားမည်ဖြစ်ကြောင်းသိရသည်။

အစိုးရ ပြည်ပအလုပ်အကိုင် အေဂျင်စီမှတစ်ဆင့် EPS စနစ်ဖြင့် နိုဝင်ဘာလတွင် Regular ကုန်ထုတ်လုပ်သားသစ် ၊ CBT ကုန်ထုတ်အလုပ်သမားသစ် ၊ Re-entry ကုန်ထုတ်လုပ်သား ၊Re-entry စိုက်ပျိုးရေးနှင့် မွေးမြူရေးလုပ်သား စုစုပေါင်း ၇၂၉ ဦးကို ပ့ိုဆောင်ပေးထားကြောင်း ဆိုးလ်မြို့ရှိ မြန်မာသံရုံးမှ ထုတ်ပြန်ကြေညာထားသည်။

တောင်ကိုရီးယားအစိုးရမှ မြန်မာလုပ်သားများကို ပြန်လည်လက်ခံပြီးနောက် သြဂုတ်လတွင် ပြန်လည်စေလွှတ်ခဲ့ခြင်းဖြစ်ကြောင်း သိရသည်။ ယင်းအပြင် ပြီးခဲ့သည့် အောက်တိုဘာလတွင်လည်း တောင်ကိုရီးယားနိုင်ငံသို့ EPS စနစ်ဖြင့် မြန်မာလုပ်သား ၁၁၆၉ ဦးစေလွှတ်ခဲ့ကြောင်း ဖော်ပြထားသည့်စာရင်းများအရ သိရသည်။

#ymg/sth
#Yangon_Media_Group

#Local _News
Published _ 5 December 2022

ရှမ်းပြည်နယ်၊ တာချီလိတ်မြို့၊ ဝိန်းကျောက်ရပ်ကွက်ရှိ နေအိမ်အဌားလိုင်းခန်း၏ အခန်းတွင်း၌ မနန်းအွန်ကျောက်(ခ)နန်းအွန်ပင်း အသက် (၁၇) နှစ်အား ယမန်နေ့ ဒီဇင်ဘာလ ၄ ရက်မွန်းလွဲပိုင်းက သေဆုံးလျက်တွေ့ရှိခဲ့ရသည်ဟု ဦးလှမိုး(တာချီလိတ်)လူမှုကူညီရေးအသင်းမှ သိရသည်။

အဆိုပါ နေ့မွန်းလွဲ ၂ နာရီခန့်က ဝိန်းကျောက်ရပ်ကွက်အတွင်းရှိ နေအိမ်လိုင်းခန်းငှားတစ်ခု၏ အခန်းတွင်း၌ အမျိုးသမီးတစ်ဦး သေဆုံးနေကြောင်း သတင်းရရှိသဖြင့် ဦးလှမိုး(တာချီလိတ်)လူမှုကူညီရေးအသင်းမှ သယ်ယူရန်သွားရောက်ခဲ့ကြသည်။

သေဆုံးသူသည် မိုင်းယောင်းမြို့နေ မနန်းအွန်ကျောက်(ခ)နန်းအွန်ပင်းဟု အမည်ရပြီး အသက် (၁၇)နှစ်ဖြစ်ကာ တာဝန်ရှိသူများ၏ စစ်ဆေးမှုများပြုလုပ်ပြီးနောက် သေဆုံးရသည့်အကြောင်းရင်းအား ရင်ခွဲစစ်ဆေးနိုင်ရန် ရုပ်အလောင်းကို တာချီလိတ်မြို့ပြည်သူ့ဆေးရုံကြီးရင်ခွဲရုံသို့ ပို့ဆောင်ပေးခဲ့ကြကြောင်း သိရသည်။

"ကလေးမလေးကို အခန်းထဲမှာ သေဆုံးလျှက်အနေအထားနဲ့တွေ့တယ်။ ရင်ခွဲ ဆရာဝန်တွေဆီပို့ပေးပြီးတဲ့နောက် ရလဒ်ထွက်တော့ သူက သမားရိုးကျသေဆုံးတာလို့ သိရပါတယ်" ဟု ဦးလှမိုး(တာချီလိတ်)လူမှုကူညီရေးအသင်းရဲ့ တာဝန်ရှိသူက ဆိုသည်။

ဆရာဝန်များ၏ ရင်ခွဲစစ်ဆေးမှုပြီးနောက် ညနေ ၄ နာရီ ၅၀ မိနစ်ခန့်တွင် ရုပ်အလောင်းအား သဂြိုလ်နိုင်ရန် တာချီလိတ်မြို့ပြည်သူ့ဆေးရုံကြီးမှတဆင့် မကာဟိုခမ်းရပ်ကွက်ရှိ မဟာမြတ်မုနိ ဘုန်းတော်ကြီးကျောင်း နာရေးဆောင်သို့ ဆက်လက်ပို့ဆောင်ပေးခဲ့ကြကြောင်းလည်း သိရသည်။

#ymg/NN
#Yangon_Media_Group

#Local_News
Published_ 5 December 2022

ပဲခူးတိုင်းဒေသကြီး၊ ပြည်ခရိုင်၊ ပြည်မြို့၊ ဝိဇ္ဇောဒယသဲအင်းဓမ္မရိပ်သာကြီး၏ ဦးစီးပဓာန မဟာနယက ဆရာတော်ဘုရားကြီး ဘဒ္ဒန္တသီရိဓမ္မသည်ဒီဇင်ဘာ လ(၄)ရက်၊ ညနေပိုင်း၄ နာရီ ၃၅ မိနစ်အချိန်တွင်
ခန္ဓာဝန်ချတော်မူခဲ့ကြောင်း ဝိဇ္ဇောဒယသဲအင်းဓမ္မရိပ်သာမှသိရသည်၊၊

ခန္ဓာဝန်ချတော်မူချိန်တွင် သက်တော် (၈၁)၊ သိက္ခာတော် (၃၁)ရှိပြီဖြစ်ပြီး ရွှေတံခါးအပိုင်း (၂) ပြည်မြို့၊ ဝိဇ္ဇောဒယသဲအင်းဓမ္မရိပ်သာ၌ ခန္ဓာဝန်ချတော်မူခဲ့ခြင်း ဖြစ်သည်၊၊

ပြည်မြို့၊ ဝိဇ္ဇောဒယသဲအင်းဓမ္မရိပ်သာကြီး၏ ဦးစီးပဓာန၊သဲအင်းဆရာတော်ဘုရားကြီးသည်online ပေါ်ကနေလည်းကောင်း ၊လူမှုကွန်ရက် ဖေ့စ်ဘွတ်ကနေလည်းကောင်း၊ ရုပ်သံလိုင်းများကလည်းကောင်း၊ Zoom ဖြင့်လည်းကောင်း တရားစာများ၊ တရားတော်များ ဟောကြားခဲ့ခြင်း တရားစခန်းများဖွင့်ခဲ့ခြင်းများ ဆောင်ရွက်ခဲ့သည့် သာသနာပြုဆရာတော်ကြီး ဖြစ်ကြောင်းသိရသည်၊၊

ဆရာတော်ကြီးသည်ကျန်းမာရေးချို့ယွင်းခဲ့၍ပြည်ပတွင် ဆေးကုသမှုခံယူခဲ့ရကြောင်းနှင့် ယခုခန္ဓာဝန်ချသွားသည့်အတွက် တပည့်၊ဒါယကာအပေါင်းမှ အထူးဝမ်းနည်းကြေကွဲရကြောင်း လူမှုကွန်ရက်စာမျက်နှာပေါ်တွင်ရေးသားဖော်ပြထားကြောင်း သိရသည်၊၊

#ymg/tthl
#Yangon_Media_Group